Samfylkingarfélagið í Reykjavík stendur fyrir umræðufundi með umhverfis-, auðlinda- og orkumálaráðherra laugardaginn 13. september kl. 11:00. 

Kærkomið tækifæri fyrir félaga í SffR að eiga beint samtal við ráðherrann og þingmann í Reykjavík, Jóhann Pál Jóhannsson.

Forseti. Kæru landsmenn. Það mætti lýsa ríkisstjórn Kristrúnar Frostadóttur með tveimur orðum. Hún er kjörkuð og framsýn. Hún þorir að ráðast í breytingar, breyta kerfum. Ríkisstjórnin þorir. 

Við sögðumst ætla að laga ríkisfjármálin og við erum að laga ríkisfjármálin. 

Við sögðumst ætla að einfalda regluverk og við erum að gera það. 

Við sögðumst ætla að taka örugg skref í heilbrigðis- og öldrunarmálum og það erum við svo sannarlega að gera.

Þær breytingar sem við höfum boðað allt frá upphafi munu leggja grunninn að góðu samfélagi, skapandi samfélagi sem getur tekist á við stórar áskoranir. Framtíðin krefst þess einfaldlega að við beinum sjónum okkar enn meira að hugvitinu. Það er líklega eina auðlindin sem er ekki bara ótæmandi heldur vex með aukinni nýtingu. Þetta ætlar ríkisstjórnin að gera, horfa lengra fram í tímann. Við sáum í dag til að uppskera ríkulega síðar.

Atvinnustefnan er gott dæmi um þetta, stefna sem leggur áherslu á að fjölga háframleiðnistörfum í útflutningsgreinum. Hlutverk míns ráðuneytis er að tryggja að hvergi sé veikur hlekkur í vistkerfi hugverkageirans og nýsköpunar, frá hugmynd til útfærslu og loks til notkunar. Markmið ríkisstjórnarinnar er skýrt; að fjárfesting samfélagsins alls í nýsköpun verði 3,5% af vergri landsframleiðslu árið 2035.

En án öflugra háskóla er engin framsýn atvinnustefna og þess vegna höfum við í ráðuneytinu nú lagt af stað í að móta fyrstu háskólastefnuna á Íslandi í nánu samráði við háskólana og alla hagaðila. Þetta gerum við til þess að við getum byggt skýra sýn á það hvert við stefnum og hvernig við komumst þangað. Háskólarnir eiga að styrkja okkur í samkeppni við önnur lönd. Og háskólar án nemenda eru auðvitað lítils virði og þess vegna mun ég strax á næstu dögum endurflytja frumvarp um breytingar á Menntasjóði námsmanna og strax í framhaldinu ráðast í heildarendurskoðun á Menntasjóðnum þar sem t.d. er augljóst að það þarf að bæta framfærslu nemenda.

Það eru fleiri breytingar í farvatninu. Við höfum þegar boðað sameiningu ýmissa menningarstofnana, ekki bara til að nýta fjármuni betur heldur til að styðja enn betur við menningarlífið í landinu, leiða saman fólk og leysa úr læðingi þann kraft sem býr í íslensku menningarlífi. Það er framsýnt skref í átt að samfélagi sem áttar sig á því að menning og listir eru ekki lúxus heldur límið í samfélaginu. 

Samfélag sem skapar ekki mun hvorki viðhalda tungumáli sínu né sjálfsmynd. En skapandi samfélag elur af sér hugmyndaríkar kynslóðir sem munu gegna lykilhlutverki í þeirri nýsköpun, tækni og vísindum sem framtíð og velferð Íslands mun þurfa að hvíla á. Til þess þarf að taka stórar ákvarðanir. Ríkisstjórn Kristrúnar Frostadóttur þorir að ráðast í breytingar. Það er betra að framkvæma, mæta mótstöðu og ná árangri en að reyna að geðjast öllum og enda á að gera ekki neitt.

Kæru alþingismenn. Við megum að lokum aldrei gleyma því að stjórnmál snúast þegar upp er staðið ekki bara um tölur, kerfi og áætlanir. Þau snúast um fólk. Úti í heimi horfum við á hryllinginn á Gaza og við sjáum bakslag í mannréttindabaráttu. Margir upplifa sundrungu og ótta.

Við þurfum meiri mennsku í stjórnmálin. Meiri virðingu.

Ræða Loga Einarssonar menningar-, nýsköpunar- og háskólaráðherra í umræðum um stefnuræðu forsætisráðherra á Alþingi 10. september 2025.

Ræða Loga í umræðum um stefnuræðu forsætisráðherra

Bæjarmálafundur hjá Samfylkingunni í Kópavogi verður haldinn miðvikudaginn 17. september kl. 20:00 í Hlíðasmára 9.

- Yfirferð yfir helstu mál í bæjarstjórn og nefndum
- Önnur mál

Samfylkingarfólk í Kópavogi er hvatt til þess að koma og taka þátt.

Verið velkomin á félagsfund Samfylkingarinnar á Vestfjörðum miðvikudaginn 17. september kl. 17:00. 

Á fundinum förum við yfir flokksstjórnarfundinn og tökum samtal um komandi sveitarstjórnarkosningar og önnur mál.

Einnig er boðið upp á að taka þátt í fjarfundi: https://us06web.zoom.us/j/87439118672

Fyrsti bæjarmálafundur vetrarins hjá Samfylkingunni í Kópavogi verður haldinn miðvikudaginn 3. september kl. 20:00 í Hlíðasmára 9.

Dagskrá:

Yfirferð yfir helstu mál í bæjarstjórn og nefndum

Málefnastarf fyrir komandi bæjarstjórnarkosningar

Hér má finna merki Samfylkingarinnar og tengiliði

Rauð rós hvítur grunnur .zip

Rautt á hvítum grunni

Hvít rós rauður grunnur.zip

Hvítt á rauðum grunni

Rauð rós glær grunnur.zip

Rautt á glærum grunni

Hvít rós á glærum grunni.zip

Hvítt á glærum grunni

Framkvæmdastjóri Samfylkingarinnar

Rakel Pálsdóttir

Framkvæmdarstjóri þingflokks

Þórður Snær Júlíusson

Tengiliðir

Samfylkingin í Árborg boðar til bæjarmálafunda laugardagana 6. & 20. september í húsnæði Rauða krossins að Eyravegi 23 á Selfossi. Fundirnir hefjast kl. 11:00.

Bæjarfulltrúar okkar kynna stöðu mála í bæjarfélaginu og halda frjálsar umræður.

Nú hefjum við vetrarstarfið af krafti. Kaffi og kruðerí í boði.

Samfylkingin í Árborg boðar til bæjarmálafundar laugardaginn 20. september kl. 11 í húsnæði Rauða krossins að Eyravegi 23 á Selfossi.

Utanríkisráðherra Danmerkur, Lars Løkke Rasmussen, hefur kallað fulltrúa bandarískra stjórnvalda á sinn fund vegna málsins sem hann segir óviðunandi.

Atburðirnir eru nýjasti kaflinn í flóknu sambandi Danmerkur, Grænlands og Bandaríkjanna eftir að Trump Bandaríkjaforseti ítrekaði, oftar en einu sinni, áhuga sinn á því að Bandaríkin myndu eignast Grænland, með góðu eða illu.

Málið er mjög sérstakt, ekki síst vegna þess að Danir og Grænlendingar hafa gegnum áratugina verið einir nánustu bandamenn Bandaríkjanna. Danmörk, eins og Ísland, er eitt tólf stofnríkja NATO. Þessi atburðarás hefði verið óhugsandi fyrir örfáum árum. Í samtímanum er málið ekki einsdæmi heldur kristallar vanda sem steðjar að minni ríkjum þegar alþjóðastofnanir, hefðbundnar reglur og alþjóðalög eru í uppnámi þar sem stór og öflug ríki umgangast þau eins og þau séu ekki til.

Fyrstu viðbrögð Mette Fredriksen forsætisráðherra Danmerkur í upphafi árs voru að halda til funda við helstu leiðtoga Evrópu og Evrópusambandsins til að leita stuðnings og samstöðu. Evrópa stendur með Dönum og Grænlendingum í málinu.

Íslendingar ættu auðveldlega að geta sett sig í spor Grænlendinga og Dana. Ekki taka allir undir það heldur vísa til þess að Ísland hefur sérstakan varnarsamning við Bandaríkin frá 5. maí 1951.

Ekki ætla ég að gera lítið úr mikilvægi aðildar Íslands að NATO eða varnarsamningsins. Öðru nær. En hvernig er með Grænland? Jú, Grænland gerði algerlega sambærilegan varnarsamning við Bandaríkin, raunar aðeins átta dögum áður, eða 27. apríl 1951. Þeir hafa sama formálann og eru að mörgu leyti samhljóða. Vandlegur lestur og samanburður sýnir þó að samningurinn um Grænland gekk að sumu leyti lengra í framsali landsvæða, aðstöðu og lögsögu til Bandaríkjanna en sá íslenski. Íslenskir samningamenn og forystufólk var á þessum tíma meira vakandi yfir fullveldi landsins og sjálfstæði við samningagerðina.

Það er hins vegar erfitt að halda því fram að varnarsamningurinn og aðildin að NATO veiti nægjanlegt skjól til að tryggja þjóðarhagsmuni, sjálfstæði og fullveldi í samtímanum. Það eru Danir og Grænlendingar að reyna.

Til viðbótar. Nýlega var upplýst, í skrifum Vals Ingimundarsonar sagnfræðings, og fréttaþáttarins Kveiks, að árið 2017 var gerður óbirtur viðauki við varnarsamning Íslands með frekara framsali lands, valds og afsali á lögsögu íslenskra dómstóla. Staða Íslands er því nú mun líkari stöðu Grænlands en áður. Alþingi var ekki spurt. Þetta vekur sannarlega spurningar um fullveldi og afsal þess. En það er efni í aðra grein.

Höfundur er alþingismaður Reykvíkinga. dagur@althingi.is

Dönsk stjórnmál og samfélag eru á öðrum endanum eftir fréttir danska ríkisútvarpsins af ferðum þriggja Bandaríkjamanna til Grænlands til að grafa undan sambandi Grænlands og Danmerkur.

Landsþing Ungs jafnaðarfólks fer fram laugardaginn 13. september kl. 10:00-17:00 á Center Hotels Miðgarði, Laugavegi 120, 101 Reykjavík.

Öll sem skráð eru í UJ eru velkomin á landsþingið og við hvetjum sérstaklega þau sem hafa áhuga á starfi Ungs jafnaðarfólks til að skrá sig fyrir þingið.

Skráning í UJ fer fram hér 

Skráning á landsþingið fer fram hér og rennur skráningarfrestur út kl. 10:00 fimmtudaginn 11. september.

Þinggjald er 2.500 kr. og skal greitt fyrir upphaf þingsins á rkn. 0301-26-006907 kt. 690200-3760.

Dagskrá þingsins er eftirfarandi:

10:00-10:10 Afhending þinggagna og greiðsla þinggjalda.
10:10 Setning landsþings.
10:25 Samþykkt fundarskapa.
10:30 Kosning starfsmanna landsþings.
10:35 Skýrsla stjórnar og umræður.
11:05 Skýrsla gjaldkera, framlagning og umræður um reikninga.
11:35 Umræða og afgreiðsla ályktana.
12:30 Hádegismatur
13:00 Laga- og stefnubreytingar
14:30-15:15 Ráðherragrill
15:15 Kaffitími
15:20 Kosningar í embætti:

Kosning forseta (til tveggja ára)
Kosning eins meðstjórnanda í framkvæmdastjórn (til eins árs).
Kosning þriggja meðstjórnenda í framkvæmdastjórn (til tveggja ára).
Kosning framhaldsskólafulltrúa í miðstjórn og framkvæmdastjórn.
Kosning tólf miðstjórnarfulltrúa og fjögurra til sex varamanna í miðstjórn (til eins árs).
Kosning tveggja endurskoðenda reikninga (til eins árs).

16:30 Önnur mál.
16:35 Félagshyggjuverðlaun UJ 2025
16:45 Þingslit og hátíðarræða.
17:00-18:00: Gleðistund að þingslitum loknum

Framboð skulu berast á kjorstjorn@uj.is og er framboðsfrestur til hádegis á landsþingi.

Leit um „��"

2908 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „������������������������������������������������������������"

2908 niðurstöður fundust við leit að „������������������������������������������������������������"