Fjölskyldudagur XS verður haldinn í kosningamiðstöð okkar á Vitanum, Sandgerði, laugardaginn 7. maí frá kl. 14-17. Grillaðar pylsur, candyfloss, hoppukastali og andlitsmálning. Lalli töframaður mætir svo á svæðið kl 15.

Come join us at our campaign center at Vitinn, Sandgerði, Saturday May 7th from 14 - 17. A day filled with activities, grilled hot dogs, cotton candy and a bouncing castle. The magic show with Lalli the magician starts at 15:00.

Niðurstöður flokksvalsins eru bindandi fyrir fjögur efstu sætin.

Bergljót Kristinsdóttir fékk 160 atkvæði í fyrsta sæti

Hákon Gunnarsson fékk 167 atkvæði í fyrsta til annað sæti

Erlendur Geirdal fékk 187 atkvæði í fyrsta til þriðja sæti 

Donata H. Bukowska fékk 194 atkvæði í fyrsta til fjórða sæti 

Mynd: frá vinstri. Donata Bukowska, Hákon Gunnarsson, Bergljót Kristinsdóttir, Erlendur Geirdal. 


Flokksvali Samfylkingarinnar í Kópavogi lauk kl. 16.00 í dag.  Alls tóku 311 þátt í flokksvalinu.

Áhugaleysi ríkisstjórnarflokkanna á þessum málaflokki er sláandi. Ríkið hefur komið vandanum yfir á sveitarfélögin og þau hafa að stórum hluta útvistað þjónustunni til einkaaðila án nauðsynlegrar umræðu.

Málið hefur verið til umfjöllunar á síðustu fundum fjölskylduráðs Hafnarfjarðar enda brýnt að taka þessi mál til skoðunar. Mikilvægt er að líta til öryggis skjólstæðinga og starfsmanna en fyrir skemmstu varð starfsmaður einkarekins vistunarúrræðis fyrir börn með fjölþættan vanda fyrir alvarlegri líkamsárás af hálfu skjólstæðings og það er algjörlega óásættanlegt að slíkt gerist

Kostnaðaraukning lendir á sveitarfélögum

Úrræði sem áður voru á hendi ríkisins hafa flust yfir til sveitarfélaganna án þess að fjármagn hafi fylgt með. Á sama tíma hefur ríkið lokað vistunarúrræðum á vegum Barnaverndarstofu án þess að nokkuð hafi komið í stað þeirra. Kostnaðaraukningin vegna vistunar barna með fjölþættan vanda hefur svo öll lent á sveitarfélögunum en á síðasta ári nam kostnaðurinn tveimur milljörðum króna. Hér er gamalkunnugt stef á ferðinni þar sem ríkið sker niður rekstur hjá sér til að bæta afkomu sína en lætur sveitarfélögin taka skellinn. Hér er á ferðinni fjármálastefna Sjálfstæðisflokksins og hún kemur niður á velferðarþjónustunni.

Eðlilega hafa einkaaðilar stigið inn í þetta tómarúm og boðið upp á þessa mikilvægu þjónustu og hjá þeim er vafalítið unnið mjög gott starf af metnaði í þágu skjólstæðinganna. Engu að síður hefur þessi þróun átt sér stað án nokkurrar umræðu og það er ekki ásættanlegt.

Ekki nóg að breyta heiti ráðherra í barnamálaráðherra

Á síðasta kjörtímabili var Framsóknarflokkurinn með félags- jafnréttismálaráðuneytið en nafninu var breytt árið 2019 í félags- og barnamálaráðuneytið til að leggja áherslu á málefni barna. Nafnabreytingin hafði því miður ekki mikið að segja fyrir börn með fjölþættan vanda því lítið miðaði í þeim málum undir forystu Ásmundar Einars Daðasonar á síðasta kjörtímabili. Og því miður hefur staðan lítið breyst eftir að VG tók við félagsmálaráðuneytinu og ráðuneytið virðist nánast líta svo á málið sé því óviðkomandi.

Meðvirkni meirihlutans með ríkisstjórninni

Þetta virðingar- og skeytingarleysi gagnvart hópi í mjög viðkvæmri stöðu er ekki boðlegt. Meðvirkni núverandi meirihluta Framsóknar- og Sjálfstæðisflokks í Hafnarfirðis gagnvart ríkisstjórninni hefur um of stýrt för hjá bæjarfélaginu. Samfylkingin mun berjast fyrir því að málin verði tekin fastari tökum og krefjast þess að ríki og sveitarfélög setjist strax niður og ræði skipulag og umgjörð þjónustunnar með hagsmuni barnanna að leiðarljósi.

Höfundur skipar 3. sætið á lista Samfylkingarinnar í Hafnarfirði


Félagsmálaráðherrar Framsóknarflokksins og VG hafa á síðustu árum látið undir höfuð leggjast að taka á málum barna og ungmenna með fjölþættan vanda. 

Börn með fjöl­þættan vanda og van­ræksla ríkis­stjórnarinnar

Síðastliðin fjögur ár hafa einkennst af slæmum rekstri Seltjarnarnesbæjar þar sem tekjur hafa ekki dugað til að greiða fyrir þá þjónustu sem bærinn er að veita. Tap bæjarsjóðs Seltjarnarnesbæjar er um 1400 milljónir og skuldir sveitarfélagsins hafa farið úr 2,3 milljörðum árið 2017 upp í rúmlega 6 milljarða árið 2021. Meirihluti Sjálfstæðismanna í bæjarstjórn hefur reynt að bregðast við þessari slæmu rekstrarstöðu með því að m.a. fresta framkvæmdum á nýjum leikskóla sem þau lofuðu fyrir síðustu kosningar, með því að hækka matarkostnað í leik- og grunnskóla og með því að skera niður í forvarnarmálum. Þessar ákvarðanir hafa ekki verið vinsælar hjá bæjarbúum og sjáum við það meðal annars í árlegri þjónustukönnun Gallup en á kjörtímabilinu fór sveitarfélagið úr því að vera í efstu sætum þegar ánægja íbúa á þjónustu og stjórnun er mæld og niður í þau neðstu.

Þetta þarf þó ekki að vera svona, við getum byggt betri bæ fyrir okkur öll. Síðastliðið haust hækkuðu bæjarfulltrúar Samfylkingar, Neslista/Viðreisnar ásamt Bjarna Torfa sem þá var bæjarfulltrúi Sjálfstæðismanna útsvarsprósentu bæjarbúa úr 13,7% upp í 14,09%. Þessi hækkun nemur 390 krónum á hverjar 100.000 krónur sem íbúi á Seltjarnarnesi er með í laun en skilar um 100 milljónum í bæjarsjóð. Þessar 100 milljónir nýtast til að koma í veg fyrir áframhaldandi taprekstur og skuldasöfnun sem sparar vaxtakostnað og skapar svigrúm til þess að byggja upp betri bæ fyrir okkur öll.

Samfylking og óháðir vilja byggja upp betri bæ fyrir börn með því tryggja gott húsnæði og skólalóðir á öllum skólastigum sem styður við fagstarf, skólaþróun og vellíðan barna og starfsfólks. Við ætlum að byggja upp nýjan leikskóla og stórefla skólalóð Grunnskóla Seltjarnarness. Við viljum efla skólaþjónustu við öll skólastigin okkar með áherslu á snemmtæka íhlutun, samstarf stofnana og greiðan aðgang að viðunandi úrræðum á réttum tíma til að tryggja að ekkert barn falli á milli kerfa og að öll börn fái tækifæri til að blómstra. Við viljum bjóða öllum börnum 5 ára og eldri 75.000 króna tómstundastyrk og snúa við niðurskurði í félags- og forvarnarmálum svo öll börn fái tækifæri til að stunda fjölbreytt og öflugt íþrótta- og tómstundastarf.

Samfylking og óháðir vilja byggja upp öflugan og spennandi miðbæ með því að endurskipuleggja Eiðistorg með svipuðum hætti og gert var á Garðatorgi. Þar var bílastæðið rammað betur inn með nýjum húsum þar sem verslanir eru á jarðhæð og íbúðir á efri hæðum. Bílastæði eru færð neðanjarðar að hluta, íbúum fjölgar og ný og spennandi verslunarrými verða til sem snúa beint út á götu. Við gerð skipulagsins munum við horfa til þess að íbúðirnar verði fjölbreytt blanda af húsnæði sem hentar fyrstu kaupendum, fjölskyldum sem og eldri borgurum sem vilja minnka við sig. 

Samfylking og óháðir á Seltjarnarnesi bjóða sig fram til að byggja upp betri bæ fyrir okkur öll og við horfumst í augu við þá staðreynd að uppbygging og bætt þjónusta kostar. Við keppumst ekki að því að lækka útsvarið á næsta kjörtímabili heldur horfum við frekar á næstu fjögur ár sem ár sóknar þar sem við ráðumst í framkvæmdir, viðhald á eignum og eflum þjónustu við íbúa á öllum aldri. Þannig bæ viljum við búa í.

Guðmundur Ari Sigurjónsson
Oddviti Samfylkingar og óháðra á Seltjarnarnesi

Nú styttist í að við kjósum nýja bæjarstjórn á Seltjarnarnesi og er mikilvægt að íbúar noti þessi tímamót til að hugsa hvernig bæ við viljum búa í. 

Þetta verkefni verður ekki unnið í eitt skipti fyrir öll, heldur krefst það stöðugrar endurskoðunar og árvekni.

Samfélagslegar aðstæður, lagaumhverfi og kröfur breytast. Því fylgja nýjar áskoranir og tækifæri til að þróa og efla starf og þjónustu í þágu íbúa.  Því er svo nauðsynlegt að vera sífellt tilbúinn að breyta til, fara nýjar leiðir eða betrumbæta það sem vel hefur gengið.

Regluverk þarf að styðja þjónustu við alla borgarana, en standi ekki í vegi hennar.

Framfarahugsun þarf því alltaf að vera ríkjandi þegar kemur að þjónustu við alla íbúana, stöðnun skapar misrétti og þá glatast einnig tækifæri til jákvæðra breytinga.

Samfélag fyrir alla er þar sem mannréttindi gegna lykilhlutverki. Það þarf að skapa aðstæður og tækifæri til að allir geti eflt færni sína, öðlast sem mest sjálfstæði og verið virkir í samfélagslegri þátttöku. Lifandi og framsækið samfélag þarf á öllum að halda, þar þurfa allir að hafa tækifæri til að leggja sitt af mörkum eftir getu og áhuga.

Þannig verða mestu framfarirnar þar sem flestir leggja sitt í púkkið.

Alls konar frístundatilboð eru nauðsynleg. Aukið val allra á fjölbreyttum frístundatilboðum og til atvinnuþátttöku er eitt af grundvallaratriðum þess að auka virkni einstaklinga. Því er mikilvægt að bjóða upp á atvinnu og tækifæri sem henta hverjum og einum til þess að þeir geti starfað úti á vinnumarkaðnum, hvort heldur væri hjá bæjarfélaginu, stofnunum þess eða hjá almennum fyrirtækjum til að auka virkni og þátttöku. Áframhaldandi samstarf um fræðslutilboð frá Símenntunarmiðstöð Vesturlands mun veita tækifæri til aukinnar virkni, námskeiða og frístundatilboða.

Við á Akranesi búum við góðar aðstæður og Samfylkingin hefur verið í farsælu meirihlutasamstarfi á þessu kjörtímabili. Við sem erum í framboði fyrir Samfylkinguna viljum halda áfram því starfi og gera bæinn okkar enn betri, en um leið styrkja það sem við höfum, sækja fram og gera öllum þegnum í samfélaginu fært að lifa sem innihaldsríkustu lífi. Kjósandi góður settu því X við S í kosningunum 14. maí, fyrir Skagann að sjálfsögðu.

Höfundur er formaður velferðar- og mannréttindaráðs og skipar 3. sæti á lista Samfylkingarinnar á Akranesi fyrir sveitarstjórnarkosningar 2022.

Greinin birtist í Skessuhorni 27. apríl 2022. 

Eitt mikilvægasta hlutverk hvers sveitarfélags er að efla, styðja og tryggja eftir megni möguleika allra íbúa sinna til sjálfstæðs lífs, fjárhagslegs og félagslegs öryggis. 

Við hjá S-lista trúum því og stefnum á að íbúar sveitarfélagsins verði orðnir um fjögur þúsund  árið 2030. Til þess að það takist þarf stefnumótun til framtíðar varðandi innviði, viðhald og endurnýjun þess húsnæðis sem Norðurþing á ásamt öflugum stuðningi við atvinnulífið.

Þess vegna talar S listi nú um skipulag og áætlanir til átta ára, um hvernig þetta takmark geti orðið að veruleika þannig að vaxtarverkirnir verði eins litlir og hægt er, þó er ljóst að svona hröð stækkun mun reyna mikið á bæði stjórnsýslu og íbúa. Með vandaðri áætlanagerð og framsýni í framkvæmdum er hægt að framkvæma þessa stækkun án þess að skuldsetja sveitarfélagið um of og leggur S-listi áherslu á að allir kjörnir fulltrúar komi að þeirri vinnu.

Það eru stór tækifæri sem blasa við Norðurþingi í atvinnu- og uppbyggingarmálum og því teljum við mikilvægt að lenda ekki á eftir í þeirri þróun heldur vera leiðandi afl. Til þess þurfum við að skipuleggja okkur til lengri tíma. Í stað skammtímalausna og viðbragðsstjórnmála boðum við heildstæða framtíðarsýn sem undirbýr okkur fyrir Norðurþing framtíðarinnar.

Það er ekki raunhæf pólitík að boða endalausar viðbragðslausnir rétt fyrir kosningar þegar ljóst er á fjárhagsáætlun sveitarfélagsins að ekki er til fjármagn til mikilla nýbygginga á næstu árum. Þess vegna leggjum við áherslu á að á þeim árum verði varið í skipulag, hönnun og vandaðar áætlanir um hvernig hægt verður bretta upp ermar að þeim tíma loknum með áherslu á viðhald og endurbyggingu þeirra eigna sem eru til staðar.

Við höfum skýra framtíðarsýn í öllum málaflokkum, sem munu birtast á næstu vikum á hinum ýmsu miðlum. Einnig viljum við bjóða þig velkominn kæri íbúi á kosningaskrifstofu okkar á Húsavík til að ræða þessa sýn en hún opnar 1. maí. Sannarlega metnaðarfull áætlun sem við munum leggja okkur öll fram um að rætist, þess vegna segjum við: Komdu með, verum samfó inní framtíðina!

Höfundur er oddviti S-lista í Norðurþingi.

Norðurþing stendur nú frammi fyrir tækifæri til að stækka á áður óþekktum hraða og fjölgun íbúa gæti orðið gríðarleg á næstu árum. 

Mikil tækifæri blasa við í atvinnu- og uppbyggingar-málum og því er nauðsynlegt að allur undirbúningur og skipulag sé hugsað til lengri tíma. 

Við í S-listanum leggjum þunga áherslu á að skipulag og áætlanir séu hugsaðar til að minnsta kosti átta ára og helst nokkra áratugi fram í tímann. Einungis þannig er hægt að vanda til verka og koma í veg fyrir skyndilausnir og illa ígrundaða plástra hér og þar.

Við viljum nýtt, grænt og metnaðarfullt aðalskipulag þar sem börn og fjölbreytt samfélag fólks er sett í fyrsta sæti. Til að vinna sérstaklega að því markmiði viljum við ráða metnaðarfullan ráðgjafa sem hefur þekkingu, reynslu og framtíðarsýn í skipulags- og umhverfismálum. Á kjörtímabilinu var hafist handa við gerð umhverfisstefnu sem við teljum mikilvægt að ljúka og samtvinna aðalskipulagi enda er skipulag ekkert án framtíðarsýnar í umhverfismálum. Þá er afar brýnt að sveitarfélagið fari í víðtækt samráð við íbúa við gerð slíks skipulags. Árangur slíkrar vinnu setur tóninn um hvert sveitarfélagið vill stefna til lengri tíma. 

S-listinn vill að sveitarfélagið nýti betur auðar lóðir og reiti innanbæjar til frekari húsnæðisuppbyggingar. Mikilvægt er að áframhaldandi húsnæðisuppbygging taki mið af þörfum ungs fólks og þá sérstaklega ungs fólks með börn. Byggja þarf íbúðir þar sem stutt er í alla þjónustu og þá sérstaklega leik- og grunnskóla og íþrótta- og menningarstarfsemi. Við viljum að á næstu tveimur árum verði búið að hanna heildarmynd af nýju hverfi í Grundargarði á Húsavík sem verði tilbúið til uppbyggingar. Sú uppbygging þarf að hafa það að markmiði að skapa grænt og fjölskylduvænt hverfi þar sem börn geta á öruggan hátt gengið og hjólað í skóla og tómstundir. Jafnframt ætti sveitarfélagið að gera kröfur til byggingaraðila um að þeir vandi til verka við allan frágang og skapi þannig græn rými fyrir íbúa með áherslu á gangandi og hjólandi. Þá þarf að kortleggja og skýra betur iðnaðarsvæði innanbæjar á Húsavík, má þar til að mynda horfa til iðnaðarlóðanna sem staðsettar eru við Mararbraut við innkomuna í bæinn. Í samvinnu við fyrirtæki væri hægt að finna þeim hentugri lóðir fyrir sína starfsemi og með því er opnað á tækifæri til að byggja íbúðarhúsnæði á besta stað í bænum með stórbrotið útsýni yfir Skjálfanda og Kinnarfjöll. Þannig yrði innkoman í bæinn mun fallegri og skemmtilegri fyrir bæði íbúa og þann gríðarlega fjölda ferðamanna sem sækja Húsavík heim. 

Með þéttingu byggðar og fleiri lóðum vill S-listinn tryggja nægt framboð af hentugu húsnæði fyrir alla og gera byggðina sjálfbærari í öllu sveitarfélaginu. Einungis þannig getum við lagt grunn að heilnæmara samfélagi og fjölbreyttari samgöngum. 

Höfundur skipar þriðja sæti á S-lista Samfylkingar og annars
félagshyggjufólks í Norðurþingi. 

Framtíð Norðurþings er björt ef rétt er haldið á spilunum.

S-listinn verður á Húsavík Öl á fimmtudaginn

Kíktu á okkur, ræðum málin og eigum góða stund saman 

Við finnum stuðning og hvatningu frá bæjarbúum. Það er almennur vilji til þess að jafnaðarmenn taki við stjórn Hafnarfjarðar að loknum kosningum á laugardag.

Það er kominn tími til að breyta og kalla Samfylkinguna, jafnaðarmannaflokk Íslands, að stjórn mála í Hafnarfirði.

Og það er vaxandi vilji í bænum að hvíla lúinn meirihluta Sjálfstæðisflokksins sem hefur farið með stjórn mála síðustu átta árin, án þess að megna að leysa úr mikilvægum verkefnum.

Við jafnaðarmenn og -konur komum til dyranna eins og við erum klædd. Við bjóðum fram afar kröftugan framboðslista þar sem er góð blanda kvenna og karla á öllum aldri, þar sem reynsla og ferskleiki blandast vel, mismunandi bakgrunnur, en umfram allt mikill vilji til að vinna bænum sínum vel á grundvelli jafnaðarstefnunnar. Við erum bjartsýn og framsýn í fallegum bæ og bönkum upp á hjá bæjarbúum þessa dagana með rauðu rósina, sem er tákn okkar jafnaðarmanna.

Það er sannarlega verk að vinna víða. Við munum rífa upp íbúðabyggð í Hafnarfirði, þar sem ólík íbúðaform verða í boði, ekki síst þar sem óhagnaðardrifin samtök koma að verki. Aukin áhersla á félagslegar íbúðir og leiguíbúðr. Og hafnfirskir verktakar fá þar verkefni. Og einstaklingar sem vilja reisa sín hús. Þannig verður ungu fólki og eldra gert kleift að koma þaki yfir sig og sína. Það verður aldrei aftur fólksfækkun í Hafnarfirði eins og gerðist á yfirstandandi kjörtímabili. Við munum líka sjá til þess að reistar verði þjónustuíbúðir fyrir aldraða á Sólvangssvæðinu; allt að 100 íbúðir. Og hefja undirbúning að byggingu hjúkrunarheimilis á Völlunum. Við ætlum að reisa knatthús Hauka og reiðskemmu Sörla; verkefni sem hafa velkst í kerfinu síðustu fjögur árin. Við ætlum að þjónustu yngstu leikskólabörnin og koma þeim í skjól og eiga samstarf við starfsfólk leikskólanna sem og dagforeldra. varðandi vistun yngstu barnanna. Við ætlum að tryggja og bæta þjónustu við fatlaða. Og við ætlum að styrkja fjárhagsstöðu bæjarins, án þess að þurfa að selja eignir bæjarbúa. Það gerðu sjálfstæðis-/framsóknarmenn á kjörtímabilinu, þegar þeir seldu HS veitur í tilraun til að bjarga fjárhag bæjarsjóðs. Sú sala minnti mjög á sölu sömu flokka á Íslandsbanka á dögunum, þegar öll framkvæmdin var í leynd og upplýsingar af skornum skammti.

Þetta eru aðeins nokkur atriði sem bíða úrlausnar í Hafnarfirði á komandi misserum og við jafnaðarmenn erum svo sannarlega tilbúnir að takast á við þau og önnur sem gera Hafnarfjörð að betri bæ, að fyrirmyndarbæ. Verum saman í sókninni.

Stór og öflugur flokkur jafnaðarmanna er eina vísa leiðin til að hvíla þreyttan meirihluta. Mikil dreifing atkvæða gæti viðhaldið honum. Þess vegna er svo mikilvægt að Samfylkingin fái sterka kosningu.

Skoðanakannanir eru skoðanakannanir. En þær segja okkur, að Hafnfirðingar flykkjast að jafnaðarmönnum. Kosningarnar sjálfar verða á laugardaginn. Ég hvet Hafnfirðinga til að nýta kosningaréttinn og kalla okkur jafnaðarmenn til starfa og forystu. Fólk vill sjá Hafnarfjörð fyrir alla, þar sem enginn er útundan. Kosningar snúast um traust á flokkum og einstaklingum í forystu. Jafnaðarmenn efna loforð. Ég og mitt fólk vinnum með fólki að betri bæ.

Gleðilegan kosningadag á laugardaginn - með jafnaðarmönnum. XS að sjálfsögðu.

Höfundur er oddviti Samfylkingarinnar, jafnaðarmannaflokks Íslands, í Hafnarfirði og fyrrum bæjarstjóri Í Firðinum.

Jafnaðarmenn eru í stórsókn í Hafnarfirði. Það skynja allir Hafnfirðingar. Það segja einnig skoðanakannanir og þær fara saman við tilfinningu okkar jafnaðarmanna í bænum í kosningabaráttunni.

Ekki ætla ég að gera lítið úr nauðsyn þess að framleiða endurnýjanlega orku til framtíðar en þau sem halda því fram að það eina sem dugi til að svara þörf orkuskiptanna sé meiri framleiðsla hér og nú ættu að staldra við og hugsa málið til enda.

Í okkar auðlindaríka landi eru í raun tveir orkumarkaðir: raforkumarkaður stórnotenda sem keppa á samkeppnismarkaði og gera leynilega langtímasamninga við íslenska raforkuframleiðendur og markaður almennra notenda – heimila og fyrirtækja. Seinni hópurinn kaupir u.þ.b. 18% af raforkunni, stórnotendur 78% og tæp 5% tapast í flutningskerfinu. 

Í samræmi við ákvæði þriðja orkupakkans bera stjórnvöld sérstaka ábyrgð gagnvart almennum notendum og eiga að skilgreina þá ábyrgð sem alþjónustu (e. public service obligation) í lögum. Á þetta hefur Orkumálastjóri margoft bent í almennri umræðu en ekkert bólar á breytingum á raforkulögum sem tryggja raforkuöryggi almennra notenda. 

Ég hef því ásamt þingflokki Samfylkingarinnar lagt fram tillögu um að ríkisstjórnin ráðist strax í nauðsynlegar breytingar á lögum og reglugerðum sem hafi það að markmiði að:

Skilgreina alþjónustu með fullnægjandi hætti í raforkulögum.

Skilgreina hlutverk allra aðila á raforkumarkaði við að tryggja raforkuöryggi.

Tryggja raforkuöryggi til kaupenda á almennum orkumarkaði og kveða á um að þau skuli njóta forgangs ef til skömmtunar kemur vegna ónógs raforkuframboðs.

Veita Orkustofnun lagaheimild til að grípa inn í á orkumarkaði svo að hægt sé að tryggja raforkuöryggi á almennum orkumarkaði.

Forgangsraða raforkuframleiðslu til orkuskipta.


Samfylkingin telur brýnt að stefnumótun stjórnvalda og lagaumhverfi stuðli að innlendum orkuskiptum og að forgangsraðað verði í þágu orkuskipta. Einnig að skilgreining alþjónustu á orkumarkaði verndi almenna notendur fyrir sveiflum í orkuverði og tryggi orkuöryggi þeirra umfram aðra kaupendur. Veita þarf Orkustofnun heimild í lögum til að tilnefna aðila sem bera ábyrgð á raforkuöryggi heimila og fyrirtækja í landinu. Það er lykilatriði.

Ekkert í núverandi lagaumhverfi raforkunýtingar gerir stjórnvöldum kleift að stýra raforkuframleiðslu hér á landi þannig að hún nýtist beint til orkuskipta. Þannig hafa stjórnvöld ekki í höndunum nauðsynleg tæki til að framfylgja áætlunum um samdrátt í losun gróðurhúsalofttegunda og uppfylla markmið Íslands í loftslagsmálum. Það er því langt frá því að vera öruggt að orka úr nýjum virkjanakostum renni til orkuskipta. Ef það er ekki gert eru digurbarkalegar yfirlýsingar um orkuskiptin lítið annað en orðin tóm. 

Ýmsir hafa haldið því fram að hér á landi ríki orkuskortur sem bregðast þurfi við með meiri raforkuframleiðslu. 

Leit um „��"

3340 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „������������������������������������������������������������"

3340 niðurstöður fundust við leit að „������������������������������������������������������������"