Verið hjartanlega velkomin í vöfflukaffi á kosningamiðstöðinni okkar að Austurvegi 22 á verkalýðsdaginn 1. maí kl. 14:00. Kristrún Frostadóttir þingmaður verður á staðnum, ásamt frambjóðendum Samfylkingarinnar í Árborg, og spjallar við gesti og gangandi. 

Verkalýðsvöfflur með Kristrúnu Frostadóttur 1. maí

Loksins komumst við aftur í kröfugöngur með félögum okkar og aftur eigum við þess kost að hittast yfir ljúffengum vöfflum, getum blandað geði og þétt raðirnar í baráttu okkar fyrir jafnara og öruggara samfélagi og grænni framtíð.

Þessa dagana erum við óþyrmilega minnt á hvað það þýðir að eftirláta Sjálfstæðisflokknum stjórn fjármála ríkisins. Það eru ekki allir sem vinna þar. Afslættir eru veittir sérvöldum auðmönnum þegar Sjálfstæðisflokkurinn ræður för en almenningi gefst kostur á að komast á biðlista eftir sjálfsagðri þjónustu fyrir aldraða og sjúka. Ekki eru til nægir peningar í ríkissjóði til að standa undir eðlilegu velferðarstigi í landinu vegna þess að það þarf að veita auðmönnum svo mikla afslætti.

Sum í okkar samfélagi þurfa að vinna myrkranna á milli til að hafa í sig og á. Og sum okkar þurfa til viðbótar því að sinna sjúkum og öldruðum ástvinum sem ekki er pláss fyrir í biðlistavelferð ríkisstjórnarinnar.

Við jafnaðarmenn berjumst fyrir samfélagi þar sem við fáum öll tækifæri til að lifa og dafna á eigin forsendum, þar sem enginn fær sjálfkrafa forskot og þar sem öllum eru tryggð lágmarks lífskjör.

Við berjumst fyrir barnvænu samfélagi þar sem jafnvægi ríkir milli vinnu og einkalífs og þar sem tryggð eru þau lágmarksréttindi hverrar fjölskyldu að eiga sér heimili.

Við berjumst fyrir samfélagi þar sem fólk sem glímir við heilsubrest þarf ekki í ofanálag að takast á við fjárhagsáhyggjur vegna hans og þarf ekki að bíða á biðlistum mánuðum saman eftir því að þjáningar þess séu linaðar.

Við berjumst fyrir samfélagi þar sem mannúð ríkir gagnvart þeim sem þurfa á stuðningi að halda, og þar sem reglur eru einfaldar, sanngjarnar og mannúðlegar.

Við berjumst fyrir samfélagi þar sem grænar lausnir og skipulag tekur mið af því að vinna bug á loftslagsógninni.

Við berjumst fyrir samfélagi þar sem fólk fær sanngjörn laun fyrir vinnu sína, og tekið er hart á launaþjófnaði, svartri atvinnustarfsemi og öðrum svikum á vinnumarkaði.

Við berjumst fyrir samfélagi þar sem hugsjónir jafnaðarmanna um frelsi, jafnrétti og samstöðu eru í öndvegi.

Fylkjum liði í dag, kæru vinir og hefjumst handa við að byggja réttlátt þjóðfélag.

Í dag var miðborgin full af baráttuglöðu fólki sem er gleðilegt. Það er gleðilegt að fólk geti aftur komið saman og gleðilegt að í brjósti fólks brennur enn baráttueldur fyrir bættum kjörum og betra samfélagi. Þrátt fyrir síendurtekin vonbrigði með ákvarðanir ríkisstjórnarinnar í þágu hinna efnameiri.

Af hverju að biðja um brauð þegar hægt er að borða kökur?

Ég hef velt því fyrir mér af hverju ég fór í pólitík – og hef þá velt fyrir mér hægrinu og vinstrinu eða jafnaðarstefnunni í því samhengi. Við, á jafnaðarlínunni - erum gjarnan upptekin af velferðarmálum, menntamálum, kjaramálum, jafnrétti og mannréttindum. Okkur brennur eldur í brjósti fyrir betra samfélagi þar sem fólk býr við jöfn kjör og hefur jöfn tækifæri til þátttöku í samfélaginu.

Við erum tilbúin að leggja okkar að mörkum, greiða skatta svo börnin okkar hafi jöfn tækifæri til náms og tómstunda. Greiða skatta svo örorkulífeyrisþegar og eldri borgarar geti lifað mannsæmandi lífi. Við viljum styrka inniviði samfélagsins og iðka mannréttindi með velferð og jöfnuð að leiðarljósi.Við viljum öfluga heilbrigðisþjónustu, við viljum að öll eigi þak yfir höfuðið og hafi mat á borðum. Við viljum kerfi sem virka fyrir fólkið en ekki kerfi fyrir kerfi eða kerfiskarla- og kerlingar.

Þannig er okkar „core“. „Core“ er svo gott orð finnst mér, því það er miðjan í okkur – og svo líkist það franska orðinu „coeur“ sem þýðir hjarta.

Við höfum mörg hver upplifað sitthvað á lífsleiðinni sem gerir það að verkum að við förum að skipta okkur af stjórnmálum jafnaðarmennskunnar. Ég veit ekki hvað það var nákvæmlega hjá mér, kannski það að vera uppalin í Breiðholtinu, verandi hálf frönsk, eigandi eina útlenska pabbann í botnlanganum, þar sem hrópað var að mér „Ellen, franska kartafla!“ Það var nefnilega á þeim tíma sem ekki voru mjög margir innflytjendur á Íslandi. Það var sérstakt að vera innflytjandi og að vera barn innflytjanda. Það var öðruvísi.

Eða kannski fór ég í stjórnmál eftir að hafa orðið vitni að skelfilegum mannréttindabrotum þegar ég starfaði sem flugfreyja í Asíu og Afríku. Þar sem ég varð vitni að því að fólki var neitað um læknisþjónustu. Ég flutti farþega frá Kongó til Brusssel og aftur til baka veikt og illa burða. Því hafði ekki verið veitt nauðsynleg læknisþjónusta í Evrópulandinu.

Bjarni og Katrín vilja ekki skerða sérréttindi aðalsins

Jafnaðarfólk vill vel fyrir heildina, fólkið, samfélagið, þar sem við erum tilbúin að leggja okkar að mörkum til að tryggja jöfn kjör og jafnt aðgengi. Engin skal skilin eftir.

Á meðan ég upplifi hægrið sem oftast situr við kökuborðið hafa það helst að stefnu að reyna að næla sér í stærri kökubita fyrir sig og sína.

„Af hverju borða þau ekki bara kökur?“ eru fræg ummæli Marie Antoinette, drottningar Loðvíks Frakkakonungs 16. þegar banhungraður almenningur bað um brauð og bætt kjör. Hún var fædd og alin upp í ríkidæmi og var því skilningslítil hvað fátækt snerti og almennt efnahagslega erfiðleika. Marie Antoinette hafði mikil pólitísk áhrif og stóð meðal annars gegn skerðingu á sérréttindum aðalsins sem mætti stöðugt vaxandi óvild þegna Frakklands. Hún var fangelsuð 1792 eftir frönsku byltinguna.

Það er óhjákvæmilegt annað en að skynja að stefna ríkisstjórnar þeirra Bjarna Ben og Katrínar Jakobsdóttur sé í ætt við pólitíska stefnu Marie Antoinette.

Þau hafa lagt sig fram um að skerða ekki sérréttindi ríka fólksins, aðalsins. Aðall nútímans er hægt að kalla fjárfesta, jafnvel fagfjárfesta, kvótaeigendur eða bara pabba.

Þau keppast við að tryggja að aðallinn þurfi ekki að bera neitt annað á borð sín nema kökur. Af hverju að biðja um brauð þegar hægt er að borða kökur?

Mikilvægt að jafnaðarfólk stýri sveitarfélögum

Nú horfum við fram á enn eitt kjörtímabilið þar sem ríkisstjórn Sjálfstæðisflokksins ræður ríkjum. Verðbólga fer vaxandi og þar með hækkun á nauðsynjavörum, matvælum og húsnæðislánum. Meiri einkavæðing og enn og aftur færast fjármunir og eignir á færri hendur. Ríkir verða ríkari og fátækt fólk verður fátækara og erfiðara verður að draga lífið fram í verðbólgu og vaxtahækkunum.

Við eigum líka eftir að sjá afleiðingar COVID19 birtast á næstu misserum þar sem vanlíðan fólks og eftirköst eiga eftir að koma í ljós, ekki síst hjá börnum og ungmennum. Því er svo gríðarlega mikilvægt að jafnaðarfólk sé við völd í sveitarfélögunum þar sem nærþjónustan fer fram. Við þurfum að vera reiðubúin að grípa börnin, grípa fólkið okkar.

Við, jafnaðarfólk, eigum rætur okkar í verkalýðshreyfingunni sem þarf á stuðningi að halda nú sem aldrei fyrr, því nú talar, teymi Marie Antoinette, ríkisstjórnar Bjarna Ben og Katrínar Jakobsdóttur enn og aftur fyrir því að ekki eru til fjármunir til að tryggja fólki brauð – enn og aftur er ekki hægt að hækka laun þeirra sem minnst hafa, hvað þá lífeyri!

Senn líður að sveitastjórnarkosningum og með þessa ríkisstjórn við völd er enn mikilvægara en áður að jafnaðarfólk veljist í sveitastjórnir um land allt. Fylgjum hjarta jafnaðarmennskunnar og tryggjum að öll eigi brauð á borðum og hafi efni á kökum ef vill.

Snúum bökum saman og kjósum rétt fyrir fólkið í landinu. Setjum X við S. Nú er hægt að kjósa utankjörfundar í Reykjavík á 2. hæð í Holtagörðum á milli kl. 10 og 20 alla daga vikunnar.

Höfundur er forman Samfylkingarfélagsins í Reykjavík og borgarfulltrúi sem skipar 9. sætið á lista Samfylkingarinnar til borgarstjórnarkosninga þann 14. maí.

Hjartanlega til hamingju með daginn allt launafólk!

Við opnunm kosningamiðstöð á Vitanum í Sandgerði laugardaginn 23. apríl kl. 14:00. Flottar veitingar, tónlist og gleði með frambjóðendum. 

Samfylkingarfélagið í Árborg er með opið hús alla laugardaga frá kl. 10.30. Stjórn félagsins hvetur áhugasama og félagsfólk til að mæta og ræða málin við bæjarfulltrúa og stjórnarfólk.

Jafnaðarmenn taka þátt í Plokkdeginum sunnudaginn 24. apríl samkvæmt venju. Að þessu sinni ætlum við að plokka í Njarðvíkurskógum og grilla pylsur að því loknu.

Mæting er kl. 13.00 á sunnudaginn í Njarðvíkurskógum - við nýja hundagerðið og grillaðstöðuna. Týnum rusl og plokkum - og grillum svo pylsur að því loknu. Veðurspáin er fín - öll velkomin!

Eftir áralangar tilraunir tókst okkur að sameina krafta landshlutasamtaka og atvinnuþróunarfélaga beggja vegna Vaðlaheiðarinnar. Það kostaði þrotlausa vinnu en afrakstur erfiðisins hefur nú birst okkur í kröftugu og markvissu starfi SSNE, þökk sé góðu samstarfi og frábæru starfsfólki.

SSNE hefur tekið þátt í fjölbreyttu samstarfi og staðið fyrir og styrkt fjölmörg verkefni. Svo nokkur dæmi séu tekin þá má nefna: Niceair; nýtt flugfélag, uppbyggingu velferðartækniklasa, Norðurslóðamiðstöð Íslands, Eimur; fyrir sjálfbæru samfélagi, listnám á háskólastigi og fjárfestahátíð á Siglufirði. Við hjá SSNE höfum tekið hlutverki okkar alvarlega er varðar samráð, aðhald og samstarf við ríkisvaldið, þar sem margvíslegur árangur hefur náðst. Þá hafa sveitarfélög nýtt sameiginlegan vettvang SSNE vegna ýmissa verkefna og má nefna að nú er unnið að gerð samgöngustefnu og innviðagreiningu, svæðisáætlun um meðhöndlun sorps, samstarfi safna og hagkvæmnimati á uppbyggingu líforkuvers.

Sem stjórnarformaður SSNE hef ég frá upphafi lagt ríka áherslu á sameiginlega hagsmuni í landshlutanum, samhliða því að taka tillit til ólíkra aðstæðna. Ómálefnanlegur hrepparígur þarf að heyra sögunni til, enda sjáum við að með því að nýta sameiginlegan slagkraft landshlutans þá erum við óstöðvandi. Það er hreinlega nauðsynlegt að á næsta kjörtímabili haldist pólitísk samstaða um að byggja ofan á þann trausta grunn sem við höfum lagt og býð ég fram krafta mína til að halda því verkefni áfram.

Höfundur er stjórnarformaður SSNE og oddviti Samfylkingarinnar á Akureyri.

Eitt af því sem ég er hvað stoltust af á kjörtímabilinu er að hafa fengið að leiða starf landshlutasamtakanna okkar sem formaður SSNE, samtaka sveitarfélaga og atvinnuþróunar á Norðurlandi eystra. 

Kærar þakkir til allra þeirra sem komu og fögnuðu deginum með okkur en á annað hundrað manns komu í vöfflur og kosningakaffi og nutu sólarblíðunnar með okkur!

Veðrið lék svo sannarlega við okkur í dag, sumardaginn fyrsta þegar við opnuðum kosningaskrifstofu okkar í Sunnuhlíð 12. 

Opnun kosningarmiðstöðvarinnar á Akureyri

Í samfélaginu tengir menning okkur saman og listin, í sínum ótalmörgu myndum, þroskar okkur og nærir sem manneskjur. Styðjandi umgjörð um þessa þætti er verðugt verkefni og hlutverk sveitarfélaga stórt.

Akureyrarbær hefur um áratuga skeið þróast mjög á sviði menningar og lista. Mikil uppbygging hefur átt sér stað, fyrst upp úr 1990 með mikilli uppbyggingu í Listagilinu og svo áfram með opnun Hofs árið 2010, tilurð Menningarfélagsins Hofs og endurbyggingu Listasafnsins og uppbyggingar flóru safna, svo fátt eitt sé nefnt. Þessi ytri skilyrði skapa farveg fyrir fjölbreytt, faglegt og kröftugt menningarstarf. Til að skapa viðeigandi líf og kraft til að hlúa að frumkvæði og krafti á sviði menningar og lista verður jafnframt að beina sjónum að þeim tækifærum sem bærinn getur stutt við til atvinnusköpunar fyrir listafólk. Án framlags og vinnu þess hóps og grasrótar, verður list og menning ekki til.

Áherslur Samfylkingarinnar í menningarmálum fyrir komandi bæjarstjórnarkosningar eru meðal annars að við teljum nauðsynlegt að uppfæra menningarstefnu bæjarins sem gilti til ársins 2018 og er því útrunnin. Samfylkingin vill halda áfram því sem vel hefur gengið og blása til sóknar í því sem þarf að endurskoða. Við höldum áfram stuðningi við menningarstofnanir á Akureyri; Menningarfélag Akureyrar með Sinfóníuhljómsveit Norðurlands og Leikfélag Akureyrar innanborðs, Listasafnið á Akureyri og hina fjölbreyttu flóru annarra safna á Akureyri. Einnig er nauðsynlegt að stuðla að menningarupplifunum bæði í Hrísey og í Grímsey, sem gætu verið þáttur í uppbyggingu ferðamennsku. Við viljum hækka framlög í Menningarsjóð og beina sjónum sérstaklega að því að hvetja til atvinnutækifæra fyrir listafólk sem býr og starfar á Akureyri. Þannig sköpum við grundvöll fyrir því að fleira listafólk velji sér búsetu á Akureyri og stuðlum að því að grasrótin fái tækifæri til þess að vaxa.

Jafnframt teljum við hjá Samfylkingunni að skapa þurfi skýrari umgjörð um menningarmál innan bæjarkerfisins. Liður í því getur verið að endurvekja menningarmálanefnd, sem meðal annars hefði það hlutverk að eiga samtal við ríkið um framlög til menningarmála á Akureyri, enda teljum við nauðsynlegt að þau þurfi að hækka í samræmi við þann fjölda landsmanna sem sveitarfélagið þjónar. Samfylkingunni er annt um orðspor og stöðu Akureyrar sem menningarbæjar og því nauðsynlegt að hlúa vel að fyrrgreindum þáttum og jafnframt að blása til sóknar þannig að við stöndum enn frekar undir okkar hlutverki sem svæðisborg, gagnvart öðrum sveitarfélögum hér á Norðurlandi.

Höfundur er kennari og skipar 3. sæti á lista Samfylkingarinnar á Akureyri fyrir komandi sveitarstjórnarkosningar.

Lífsgæði íbúa Akureyrar eru meðal annars mæld í aðgengi íbúa að fjölbreyttri menningu og listum. 

Í ljósi hennar var á Alþingi lagt kapp á að setja eignarhaldi ríkisins á bönkum (sem það fékk í fangið eftir hrun) skýra lagaumgjörð, m.a. með stofnun Bankasýslu og setningu sérstakra laga um það hvernig skuli staðið að sölu eignarhluta ríkisins – almennings – í bönkum. Nú er þetta fyrirkomulag í uppnámi og krafan um rannsókn á sölu 22,5% hlutar ríkisins í Íslandsbanka skýr og skiljanleg. Það eina sem erfitt er að skilja í stöðunni er afstaða ríkisstjórnarflokkanna til málsins. 

Alþingi getur lögum samkvæmt sett á fót rannsóknarnefndir sem hafa víðtækar heimildir til gagna- og upplýsingaöflunar. Einstaklingum, lögaðilum og stofnunum er skylt að afhenda rannsóknarnefnd gögn og lagaákvæði um þagnarskyldu takmarka  ekki rétt rannsóknarnefnda til upplýsinga. Þær hafa einnig heimildir til þess að kalla einstaklinga til skýrslugjafar og úrræði til þess að fá einstakling kallaðan fyrir dóm verði hann ekki við ósk um skýrslugjöf. Lögin hafa einnig að geyma ákvæði um réttarstöðu einstaklinga fyrir rannsóknarnefnd og vernd uppljóstrara. Rannsóknarnefnd er sjálfstæð í störfum sínum og lýtur ekki fyrirmælum neinna. 

Skoðunarheimildir Ríkisendurskoðanda afmarkast við þá aðila sem falla undir starfssvið hans, þ.e. aðila innan stjórnkerfisins. Hann skal í störfum sínum hafa eftirlit með nýtingu tekna ríkisins og meðferð fjárheimilda og að ráðstöfun þeirra sé hagkvæm og í samræmi við forsendur og ákvarðanir Alþingis. Í svari sínu við beiðni fjármála- og efnahagsráðherra um úttekt á bankasölunni vísaði Ríkisendurskoðun ekki til lagaákvæða um meginverkefni stofnunarinnar, heldur til greinar þar sem vísað er til sérstakra ástæðna og heimildar til gjaldtöku. 

Fyrir liggur að heimildir rannsóknarnefnda eru víðtækari og annars eðlis en þær sem Ríkisendurskoðandi býr yfir. Á þessu tvennu er grundvallarmunur og því mikilvægt að Alþingi setji á fót rannsóknarnefnd um Íslandsbankasöluna. Á það verður látið reyna strax og þing kemur saman á ný.  

Útdráttur: Það eina sem erfitt er að skilja í stöðunni er afstaða ríkisstjórnarflokkanna til málsins. 

Þórunn Sveinbjarnardóttir, formaður stjórnskipunar- og eftirlitsnefndar Alþingis

Íslendingar hafa slæma reynslu af einkavæðingu banka. 

Rannsökum Íslandsbankasöluna undanbragðalaust

Leit um „��"

3340 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „������������������������������������������������������������"

3340 niðurstöður fundust við leit að „������������������������������������������������������������"