Við í Samfylkingunni höfum með stolti kynnt okkar áherslupunkta sem lúta að því að jafna kjör almennings í landinu. Við viljum byggja hér upp barnabótakerfi að norrænni fyrirmynd enda mun það koma öllu samfélaginu til góða. Önnur ríki hafa fyrir löngu áttað sig á mikilvægi alvöru barnabótakerfis en því miður hefur jafnt og þétt verið dregið úr þessum stuðningi hér á landi. Í okkar tillögum fær barnafólk með meðaltekjur og tvö börn á framfæri 650 þúsund krónur á ári eða 54 krónur í hverjum mánuði í barnabætur.  Enginn annar flokkur býður viðlíka kjarabætur fyrir venjulegt barnafólk né hafa aðrir flokkar lagt fram hvort tveggja útfærðar og fjármagnaðar tillögur í þágu  fjölskyldna í landinu. 

Það eru einnig aðrir hópar í samfélaginu sem hafa jafnt og þétt verið að dragast aftur úr en fólk sem fær greiddan lífeyri, hvort sem er elli- eða örorkulífeyri, hefur þurft að þola óþolandi skerðingar vegna atvinnu- og lífeyristekna sem hafa dæmt stóran hóp til fátæktar. Við viljum hækka grunnlífeyrinn upp að lágmarkslaunum og draga verulega úr skerðingum svo hægt sé að auka virkni og lífsgæði. 

Vanfjármögnun heilbrigðiskerfisins hefur líka bitnað harkalega á sjúklingum og fjölskyldum þeirra um allt land en einnig á heilbrigðisstarfsfólki. Biðlistaómenning ríkisstjórnarinnar er ekki náttúrulögmál heldur pólitísk ákvörðun um að leggja mun lægri fjárhæð hlutfallslega til heilbrigðiskerfisins en þekkist td. á hinum Norðurlöndunum og viljum við í Samfylkingunni gera mun betur með auknu fjármagni, betra skipulagi og minni kreddum. 

Til þess þarf nýja ríkisstjórn. Ríkisstjórn sem þorir að sækja tekjur til þeirra sem geta. Stóreignarskatt sem leggst á ríkasta 1% þjóðarinnar eða fólk sem á eignir yfir 200 milljónir skuldlaust. 1250 krónur á mánuði af hverri milljón yfir skuldlausum 200 milljónum eru hófstilltir skattar og sanngjarnir. Þá leggjum við til að auðlindagjöld verði hækkuð á 20 stærstu útgerðirnar til hagsbóta fyrir almenning, eigendur auðlindarinnar. Það munar um þessa fjármuni við rekstur samfélagsins, svo sem á heilbrigðis- og velferðarkerfinu. Kerfi sem grípur allar fjölskyldur í landinu.   

Jöfnuður er ávísun á gott samfélag, því við eigum öll að hafa jöfn tækifæri til að lifa mannsæmandi lífi og láta drauma okkar rætast.  Um það snýst jafnaðarstefnan fyrir henni berjumst við í Samfylkingunni þannig að virðing fyrir fólki og náttúru verði í hávegum höfð hjá nýrri og betri ríkisstjórn fyrir almenning á Íslandi. 

Í dag göngum við til Alþingiskosninga um allt land. Flokkarnir hafa kynnt stefnumál sín undanfarnar vikur, hitt og hringt í kjósendur og drukkið ógrynni bolla af kaffi. 

Samfylkingin fyrir fjölskyldurnar í landinu

Reynslan sýnir að tryggja þarf endurnýjun aðildarumsóknar góðan meiri hluta, ekki einungis á Alþingi, heldur einnig meðal kjósenda. Þess vegna leggur Samfylkingin til að þjóðin verði spurð hvort taka eigi upp þráðinn frá 2013 og sigla aðildarviðræðum Íslands og ESB í höfn. Þannig viljum við vinna þessu stóra hagsmunamáli Íslands fylgis og stuðnings meðal almennings.

Stefna Samfylkingarinnar er, sem fyrr, að efla og dýpka samvinnu við önnur Evrópulönd og flokkurinn stefnir að fullri aðild að Evrópusambandinu með upptöku evru. Ísland þarf nýjan gjaldmiðil sem tryggir launafólki og fyrirtækjum stöðugleika, lága vexti og fyrirsjáanleika. Í þessu efni er ekki hægt að stytta sér leið, þótt því sé nú haldið fram, og slíkt gæti komið í bakið á okkur.

Þangað til þessu markmiði er náð þurfa íslensk stjórnvöld að nýta með markvissari hætti þau tækifæri sem felast í samstarfinu innan Evrópska efnahagssvæðisins, efla hagsmunagæslu Íslands gagnvart Evrópusambandinu og bæta framkvæmd EES-samningsins. Í rúmlega aldarfjórðun hefur þátttakan í EES-samstarfinu fært Íslandi lagabætur og velsæld sem öruggt er að fullyrða að ekki hefðu náðst fram jafn hratt og vel án samningsins. EES-samningurinn er hefði aldrei verið gerður án atbeina og stefnufestu jafnaðarmanna.

Samfylkingin beitir sér fyrir kraftmikilli samvinnu Íslands við önnur lýðræðisríki, ekki síst við nágranna okkar í Evrópu. Margar af mikilvægustu réttarbótum og umbótum sem náðst hafa fram á lýðveldistímanum eru afsprengi Evrópusamvinnu. Samstarf EFTA-ríkjanna við ESB hefur verið stórkostleg lyftistöng fyrir íslenskt atvinnulíf og knúið fram nútímavæðingu stjórnsýslu og samkeppnislöggjafar.

Kosningarnar á laugardaginn snúast um hvort frjálslyndir og alþjóðlegir straumar komi að stjórn landsins. Að við opnum á heiminn en lokum ekki dyrunum. Það er sögulegt tækifæri til að sækja fram og mynda nýja ríkisstjórn. Jafnaðarmenn eru í sókn um alla Evrópu og líka hér. Kjósum Samfylkinguna.

Ísland sótti um aðild að Evrópusambandinu sumarið 2009 en þá var Samfylkingin í ríkisstjórn ásamt Vinstri grænum. Eftir alþingiskosningarnar 2013 sleit ný ríkisstjórn Sjálfstæðis- og Framsóknarflokks viðræðunum með bréfi sem sent var til aðalstöðva ESB í Brussel. Síðan eru liðin átta löng ár og hagsmunum Íslands gagnvart ESB hefur lítið verið sinnt af þeim þrem ríkisstjórnum sem setið hafa.

Verið velkomin í kosningakaffi Samfylkingarinnar í Reykjanes frá kl. 10.

Fráfarandi ríkisstjórn Vinstri grænna, Sjálfstæðisflokks og Framsóknar hefur vakið furðu margra fyrir skort á mannúð í framkomu við umsækjendur um alþjóðlega vernd. Dæmin sýna það; egypska fjölskyldan sem Íslendingar tóku höndum saman um að fela, íranski trans strákurinn sem stjórnvöld ætluðu að vísa úr landi og þurfti grettistak Samtakanna ‘78 og þjóðarinnar til að verja, ófríska albanska konan sem vísað var úr landi þvert á tilmæli heilbrigðisstarfsfólks, þolandi mansals sem flúði ofbeldi í Nígeríu og festi hér rætur en var vísað úr landi og afganska fjölskyldan sem senda átti úr landi en var varin af samnemendum barnanna í Hagaskóla. Þá voru umsækjendur um alþjóðlega vernd í vor sviptir fæði og húsnæði af Útlendingastofnun sem síðar var úrskurðað ólögmætt af kærunefnd útlendingamála líkt og lögfræðingar og félagasamtök höfðu ítrekað bent á. Trekk í trekk hefur almenningur þurft að taka höndum saman til að verja flóttafólk og hælisleitendur fyrir ofstæki íslenskra stjórnvalda.

Samfylkingin vill taka við fleira fólki á flótta. Við viljum stöðva brottvísanir til ríkja þar sem mannréttindi eru ekki virt og ríkja sem komin eru að þolmörkum vegna fjölda flóttafólks. Samfylkingin vill ekki úthýsa börnum. Hættum að senda barnafjölskyldur úr landi og tökum betur á móti fólki af erlendum uppruna sem ákveður að koma hingað og leggja til samfélagsins. Þetta gerum við meðal annars með öflugri móðurmáls- og íslenskukennslu fyrir börn og ungmenni og stuðningi við frjáls félagasamtök sem styðja við fólk af erlendum uppruna. Lykilatriði er að greiða leið fólks af erlendum uppruna inn í íslenskt samfélag og veita börnum sem setjast hér að sömu tækifæri og íslenskum börnum. Mikilvægt er að bæta hæliskerfið og móta nýja stefnu í málefnum fólks af erlendum uppruna með mannúð og mannréttindi að leiðarljósi.

Ríkisstjórnin hefur falið sig á bak við afar þröngar túlkanir á útlendingalögum við meðferð á umsóknum, og ekki er tekið tillit til viðkvæmrar stöðu fólks eins og þegar um er að ræða hinsegin fólk, börn, veikt sem og fatlað fólk.

Þess vegna þurfum við nýja ríkisstjórn strax í haust!

Höfundar eru frambjóðendur til Alþingis á lista Samfylkingarinnar í Suðvesturkjördæmi. 

Rannveig Guðmundssdóttir og Inga Björk Margrétar Bjarnadóttir skrifa um skort á mannúð ríkistjórnarinnar gagnvart umsækjendum um alþjóðlega vernd. 

Verið velkomin í kosningakaffi Samfylkingarinnar í Neskaupstað í safnaðarheimilinu frá kl. 12 - 16.

Verið velkomin í kosningakaffi Samfylkingarinnar á Akureyri í Örkinni hans Nóa frá kl. 14 - 17.

Á næsta kjörtímabili ætlar Samfylkingin að hefja kraftmikla sókn í loftslagsmálum. Til þess að hrinda þessum mikilvægu áformum í framkvæmd verðum við að fá ríkisstjórn með nýja nálgun. Þess vegna ætlar Samfylkingin að leiða saman ríkisstjórn sem setur loftslagsmálin í forgang.

Á vef Samfylkingarinnar er að finna metnaðarfulla áætlun um aðgerðir í loftslagsmálum. Þar er að finna yfirlit yfir 50 aðgerðir sem Samfylkingin ætlar að hrinda í framkvæmd fái hún umboð til þess. Í fyrsta lagi ætlum við að lögfesta loftslagsmarkmið um a.m.k. 60% samdrátt í losun gróðurhúsalofttegunda á ábyrgð stjórnvalda fyrir árið 2030 miðað við losun ársins 2005. Við ætlum einnig að móta nýja og metnaðarfyllri aðgerðaáætlun um réttlát og sjálfbær umskipti en þá sem nú er í gildi og tryggja til hennar fjármagn. Í þriðja lagi ætlum við að gera markvissa tímasetta áætlun um útfösun jarðefnaeldsneytis svo Ísland verði óháð jarðefnaeldsneyti fyrir árið 2040.

Mikilvægur þáttur í árangri loftslagsmála er efling almenningssamgangna. Í þeim efnum ætlar Samfylkingin að flýta framkvæmdum við Borgarlínu og við aðrar loftslagsvænar framkvæmdir í samgönguáætlun höfuðborgarsvæðisins. Hér þarf ekki að velkjast í vafa um hversu mikilvægar framkvæmdir við Borgarlínu eru fyrir íbúa Hafnarfjarðar til framtíðar. Einnig ætlum við að hefja undirbúning að Keflavíkurlínu, grænni tengingu milli Reykjavíkur og Keflavíkurflugvallar, og koma þannig á betri tengingu milli Suðurnesja og höfuðborgarsvæðisins. Til að efla enn frekar fjölbreyttari ferðamáta ætlum við svo að gera hjólreiðaáætlun fyrir allt landið og setja aukinn kraft í uppbyggingu göngu- og hjólastíga um allt land.

Núverandi ríkisstjórn er ríkisstjórn kyrrstöðu og afturhalds. Tærasta birtingarmynd þess eru loftslagsmálin þar sem allan metnað vantar hjá núverandi stjórnvöldum. Göfug markmið VG í málaflokknum brotna öll á neitunarvaldi Sjálfstæðisflokksins við ríkisstjórnarborðið. Þrátt fyrir það hefur VG lýst því yfir að þeirra fyrsti kostur um myndun ríkisstjórnar að loknum kosningum sé samstarf núverandi ríkisstjórnarflokka. Til þess að komast hjá neitunarvaldi Sjálfstæðisflokksins í loftslagsmálum – og öðrum brýnum umbótamálum –  er langöruggasta leiðin að kjósa Samfylkinguna.

Gefðu Sjálfstæðisflokknum frí – kjóstu Samfylkinguna. X-S á kjördag.

Árni Rúnar Þorvaldsson
skipar 8. sætið á lista Samfylkingarinnar í Suðvesturkjördæmi

Loftslagsmálin eru brýnasta málið sem heimsbyggðin verður að leysa. Þar duga engin vettlingatök. Á Íslandi er losun gróðurhúsalofttegunda á hvern íbúa sú mesta í Evrópu. Ábyrgð okkar er því sannarlega mikil og  skylda okkar að tryggja komandi kynslóðum lífvænleg skilyrði.

Alþingiskosningar fara fram um helgina. Okkur þykir því ekki seinna vænna en að bjóða forvitnum kjósendum og stuðningsfólki okkar í sannkallað kosningapartí að hætti Samfylkingarfólks fimmtudaginn 23. september kl. 20:00 á Petersen svítunni.

Á staðnum verða frambjóðendur okkar í Reykjavíkurkjördæmunum tilbúnir í spjall! Frír bjór verður á boðstólnum fyrir þau þyrstu, sem og önnur tilboð á barnum þegar líður á kvöldið.

Við hvetjum fólk til að mæta tímanlega og nýta tækfærið til að ná tali af frambjóðendum og skála með okkur á lokametrunum!

Parliamentary elections will take place this weekend. We therefore want to invite curious voters and supporters to an election party on Thursday 23rd of September at 20:00 at Petersen svítan.

Our candidates in the Reykjavík constituencies will be there ready for a chat! Free beer will be on offer for the thirsty, as well as other offers at the bar.

We encourage people to show up on time and use the opportunity to catch up with our candidates and toast with us!

Kosningagleði og spjall við frambjóðendur – XS Reykjavík

Við höfum alveg síðan Gutti var fyrst í framboði hist á fimmtudeginum fyrir kosningar og skemmt okkur saman.

Hulda Gestsdóttir og Gunnar Sturla Hervarsson sjá um að halda uppi fjörinu!

Verið velkomin í kosningamiðstöð Samfylkingarinnar á Akranesi, Stillholti 16 - 18, fimmtudaginn 23. sept. kl. 20:30.

Það er ekki sjálfgefið að heilbrigðisþjónusta njóti forgangs þegar kemur að því að deila fjármunum úr ríkissjóði, en við Íslendingar höfum haft forsjá til að byggja upp opinbert heilbrigðiskerfi þannig að fjárhagur einstaklinga stýri ekki för við meðferð eða aðgengi. Hið sama verður að eiga við varðandi búsetu, það er mikilvægt að fólk hafi aðgang að góðri heilbrigðisþjónustu í nærumhverfi sínu. 

Fyrir liggur að fjármagn til Heilbrigðisstofnun Suðurlands hefur ekki nægt til að takast á við mikla fjölgun íbúa á Suðurlandi og það álag sem fylgir fjölgun ferðamanna á svæðinu. Þannig er vert að nefna að helmingur allra sumarhúsa á landinu er staðsettur á Suðurlandi. Til að takast á við þessar krefjandi áskoranir verður að halda áfram uppbyggingu á heilbrigðiskerfinu á Suðurlandi. 

Það er ekki hægt að leggja sífellt meiri byrðar á heilbrigðisstarfsfólk og segja þeim að hlaupa hraðar. Tími er kominn til að hlusta á starfsfólk heilbrigðisstofnana sem hefur um langt skeið kallað eftir úrbótum við mönnun heilbrigðisþjónustunnar. Þetta ákall á við um Heilbrigðisstofnun Suðurlands. Á Suðurlandi vantar sárlega fleira lækna, hjúkrunarfræðinga og annað heilbrigðisstarfsfólk.

Niðurskurður á opinberri þjónustu í boði ríkisstjórnarflokkanna

Samkvæmt fjármálaáætlun núverandi ríkisstjórnar blasir ekki annað við en niðurskurður á opinberri þjónustu. Samfylkingin hafnar þessum áætlunum ríkisstjórnarflokkana og vill meiri fjárheimildir til opinberrar heilbrigðisþjónustu.

Samfylkingin hefur skýra sýn og stefnu um að gera slíkt, enda hafa jafnaðarmenn ávallt verið í fararbroddi fyrir bættri almannaþjónustu. 

Það ástand sem ríkt hefur í þjóðfélaginu síðustu misserin í kjölfar heimsfaraldurs hefur sýnt fram á mikilvægi heilbrigðiskerfisins í landinu og að allir hafi jafnt aðgengi að góðri heilbrigðisþjónustu. 

Leit um „��"

3316 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������"

3316 niðurstöður fundust við leit að „���������������������������"