Vilt þú hafa áhrif á það sem gerist í þínum bæ? Hvað finnst þér vanta í Ísafjarðarbæ?

Samfylkingin í Ísafjarðarbæ blæs til ungmennakvölds þar sem við viljum heyra í þér! Við trúum því að ungt fólk eigi að hafa skýra rödd í mótun sveitarfélagsins. Komdu og deildu þínum hugmyndum, pælingum og áhyggjuefnum með okkur í virkilega afslöppuðu og skemmtilegu umhverfi.

Hvað verður í boði?
Fríar pítsur! (Enginn á að ræða stefnumál á fastandi maga).
Kahoot! Við skellum í skemmtilega spurningakeppni og sjáum hver tekur bikarinn.
Gott spjall um framtíðina okkar hérna í bænum.

Hvenær: 17. apríl kl. 20:00
Hvar: Hafnarstræti 5, Ísafjörður

Taktu vinina með og kíktu við! Við hlökkum mikið til að sjá ykkur og heyra hvað brennur á ungu fólki í dag.

Samfylkingin og félagar í Ölfusi bjóða til opnunar kosningamiðstöðvar og notalegrar samveru.

📅 Sunnudaginn 26. apríl
⏰ Kl. 16:00
📍 Græna húsið, Reykjabraut 1

Komdu og njóttu glóðvolgra ástarpunga og kaffis í góðum félagsskap ☕

🎈 Fyrir börnin verða leikföng, blöðrur og andlitsmálun

👥 Frambjóðendur og bæjarstjóraefni verða á staðnum og ræða það sem skiptir máli:
hvernig við gerum okkar góða samfélag enn betra.

Það er sameiginleg ábyrgð okkar allra að tryggja að þau fái að vaxa og dafna í umhverfi sem skapar öryggi og veitir stuðning. Við viljum að þau fái raunveruleg tækifæri til að láta raddir sínar heyrast og að óskum þeirra sé mætt þar sem því verður við komið. Við í bæjarstjórn hófum þá vegferð með því að byggja upp og innleiða Barnvænt samfélag og mættum þeim kröfum sem lágu fyrir. Þetta verkefni var ekki átak – þetta er komið til að vera. Við hófum innleiðingu á Farsældarlögum og stöndum í dag uppi sem forystusveitarfélag í þeirri innleiðingu. Það var ekki átak – Farsældarlögin eru lykilþáttur í velferð og þjónustu við börn og fjölskyldna þeirra.

Við höfum skapað traustan vettvang til þess að á Akranesi er sem áður gott að slíta barnsskónum.

Höf. er starfandi bæjarfulltrúi og skipar 2. sæti á lista Samfylkingarinnar á Akranesi

Í hverju samfélagi eru börnin framtíðin og þannig höfum við unnið að mikilvægum málum er snúa að börnum.

Tölum aðeins um… Börn og barnvænt samfélag

Í þeirri umræðu er gjarnan lögð áhersla á lestur og ritun, en læsi er í raun mun víðara hugtak. Það felur einnig í sér upplýsingalæsi, myndlæsi, tilfinningalæsi og hæfni til að skilja samhengi, blæbrigði og merkingu.

Í myndrænni veröld hraðra hnattrænna breytinga skiptir þessi hæfni sífellt meira máli. Flæði upplýsinga hefur aukist og framsetning þeirra er oft óreiðukennd. Þá er brýnt að búa yfir gagnrýnni hugsun og skilningi til að greina á milli áreiðanlegra, gagnlegra upplýsinga og falsfrétta eða villandi upplýsinga. Þar gegna listir lykilhlutverki því í gegnum listir lærum við að skynja, túlka og setja okkur í spor annarra. Þær efla samkennd, sjálfstjáningu og skapa rými fyrir ígrundun. Þess vegna eru listir ekki einungis menningarmál heldur einnig lýðheilsumál. Þátttaka í skapandi starfi eykur vellíðan, styrkir tengsl og hefur bein áhrif á andlega heilsu.

Til að þetta verði að veruleika þarf bæði að tryggja almenningi aðgengi að listum og styðja við listafólk. Samfélagið þarf að bjóða upp á vettvang fyrir skapandi starf, í námi, frístundum og opnum rýmum. Einnig þarf að skapa listafólki skilyrði til að starfa við list sína en þar liggur grunnurinn að lifandi menningu.

Menningar- og samfélagshús gegna lykilhlutverki

Menningar- og samfélagshús gegna hér lykilhlutverki. Þau eru brú milli listafólks og íbúa, vettvangur fyrir þátttöku, samtal og sköpun. Í Hveragerði gegnir bókasafnið þessu hlutverki. Bókasöfn eru hlutlausir samkomustaðir sem við öll getum heimsótt án skuldbindinga eða þrýstings frá utanaðkomandi aðilum. Bókasafnið í Hveragerði er í raun eina núverandi menningarhúsið sem rekið er af sveitarfélaginu og því er mikilvægt að hlúa að því og efla á allan hátt. Þessi sýn endurspeglast jafnframt í hugmynd S-listans um nýtt samfélagsgróðurhús sem nýlega var kynnt í grein. Slík rými styðja beint við þá framtíðarsýn sem bæjarfélagið hefur sett sér; samfélag þar sem heilsa, vellíðan og lifandi menning eru í forgrunni.

Með markvissum stuðningi við listir og menningu styrkjum við ekki aðeins sköpunarkraftinn, heldur einnig andlega heilsu og samkennd í samfélaginu. Þar liggur raunverulegt gildi listarinnar sem er ein af grunnstoðum í lýðheilsu og lífsgæðum okkar allra.

Höfundar eru frambjóðendur á S-listanum í Hveragerði (listi Samfylkingar og óflokksbundinna)

Árný Fjóla Ásmundsdóttir er í 7. sæti

Umræða um læsi hefur verið áberandi upp á síðkastið, ekki síst vegna þess að margir hafa áhyggjur af dvínandi læsi barna.

Samfylkingin og félagar í Ölfusi bjóða til kynningarkvölds með bæjarstjóraefni okkar.

📅 Þriðjudaginn 21. apríl
⏰ Kl. 20:00
📍 Versalir

👥 Frambjóðendur og bæjarstjóraefni verða á staðnum, tilbúin í samtal um okkar sameiginlega markmið:
hvernig við gerum gott samfélag enn betra.

✨ Bryndís Gunnlaugsdóttir, bæjarstjóraefni, er lögfræðingur og einn helsti sérfræðingur landsins í sveitarstjórnarmálum – kraftmikil leiðtogi með skýra sýn á framtíð samfélagsins.

Sjón er sögu ríkari – sjáumst! 🌹

Kynningarkvöld bæjarstjóraefnis í Ölfusi

Það styttist óðum í kosningar og baráttan er að hefjast af fullum krafti! Því ber auðvitað að fagna og við bjóðum ykkur hjartanlega velkomin á formlega opnun kosningaskrifstofu Samfylkingarinnar í Ísafjarðarbæ.

Kíktu við hjá okkur, fáðu þér hressingu og spjallaðu við frambjóðendur okkar í notalegri stemningu.

Við viljum endilega heyra í þér:
Hvernig getum við gert góðan bæ enn betri?

Hlökkum til að sjá ykkur sem flest og eiga gott samtal um framtíðina okkar. Öll hjartanlega velkomin!

Opnun kosningaskrifstofu í Ísafjarðarbæ

Þannig hafa heildarstyrkir til sjálfstæðra listamanna og listhópa hækkað þrívegis á kjörtímabilinu eftir að hafa staðið í stað næstu 7 ár þar á undan. Þá hafa framlög til Listahátíðar í Reykjavík og Tjarnarbíós hækkað auk samstarfssamninga við aðila eins og Nýlistasafnið, Mengi, Kling og Bang, Dansverkstæðið og fleiri aðila. Framlög til listaverkakaupa hafa sömuleiðis hækkað hjá Listasafni Reykjavíkur sem er mikilvæg forsenda þess að safnið geti sinnt með sóma sínu hlutverki við miðlun samtímamyndlistar.

Úrbótasjóður tónleikastaða endurreistur

Undanfarin misseri hefur tónleikastöðum í miðborginni fækkað og var það kveikjan að því að menningar- og íþróttaráð setti af stað spretthóp í nóvember til að snúa vörn í sókn.Spretthópurinn skilaði tillögum sínum í lok febrúar og lagði þar m.a. til að svokallaður Úrbótasjóður tónleikastaða yrði endurreistur en hann var settur á stofn 2020 til þriggja ára og hefur verið kallað eftir sambærilegum stuðningi síðan verkefninu lauk. Með samþykkt menningar- og íþróttaráðs og staðfestingu borgarráðs verður sjóðurinn nú endurreistur með 10 milljóna króna framlagi og geta þá minni og meðalstórir tónleikastaðir sótt um fjármagn til að bæta aðstöðu og búnað til að renna frekari stoðum undir tónleikahaldið. Öðrum tillögum spretthópsins m.a. um að einfalda leyfisveitingakerfi hefur verið vísað til skrifstofu borgarstjórnar til frekari meðferðar þar með talið tillögu um að tónleikastaðir verði viðurkenndir sem mikilvægir menningarinnviðir, sem taka þurfti tillit til við uppbyggingu nýrrar starfsemi í viðkomandi hverfum.

Ný æfingaaðstaða fyrir ungar hljómsveitir

Mikil þörf er á auknu rými til æfinga fyrir hljómsveitir ungra tónlistarmanna og hefur því kalli nú verið svarað með samstarfi Tónlistarborgarinnar Reykjavík við úti félagsins Haus sem rekur Hafnarhaus í Tryggvagötu og Hlemm. Haus að Laugavegi 114-116 við Hlemm. Þar verður nú með stuðningi borgarinnar byggð upp æfingaaðstaða sem mun geta rúmað 12 til 18 hljómsveitir ungs tónlistarfólks. Boðið verður upp á fjögur æfingarými fyrir hljómsveitir tónlistarfólks á aldrinum 15-30 ára og sömuleiðis verður á staðnum sameiginleg aðstaða með sviði og upptökuveri. Staðsetningin við Hlemm hentar vel, þar sem samgöngur eru góðar og hljómsveitir munu starfa í skapandi og listrænu umhverfi. Á efri hæðum hússins er vinnuaðstaða fjölda listamanna, auk þess sem Myndlistarskólinn í Reykjavík er staðsettur í næsta nágrenni. Tónlistarborgin mun leggja til 2 milljónir króna í verkefnið og væntir góðs árangurs af verkefninu samhliða því að halda áfram að vinna að tryggja framtíð Tónlistarþróunarmiðstöðvarinnar sem hefur sinnt vel því hlutverki undanfarin ár að mæta þörfum hljómsveita fyrir æfingar og sköpun.

Samtök smærri tónleikastaða verða til

Það er óvænt en afar ánægjuleg hliðarafurð af vinnu spretthópsins að smærri tónleikastaðir tóku sig saman og stofnuðu Samtök smærri tónleikastaða sem munu vinna að sameiginlegum hagsmunamálum. Það ýtir svo undir bjartari tíð í geiranum að nýlega hafa tveir tónleikastaðir opnað með merka sögu, annars vegar Austurbæjarbío og Tónabíó auk þess sem hyllir undir endurreisn Café Rosenbergs í Naustunum við Tryggvagötu. Sól tónlistarborgarinnar í Reykjavík er því tekin að rísa svo um munar! Næsta verkefni er svo að leggja drög að eflingu tónlistarnáms í borginni sem við jafnaðarmenn viljum setja í forgang á komandi árum. Nánar um það í komandi grein.

Höfundur er borgarfulltrúi Samfylkingarinnar og formaður menningar- og íþróttaráðs.

Samstarfsflokkarnir í borgarstjórn undir forystu Samfylkingarinnar leggja mikla áherslu á öflugt menningarlíf og undir okkar forystu hafa framlög til menningarmála aukist jafnt og þétt.

Það verður eitt af forgangsmálum S-listans í bæjarstjórn að setja af stað stefnumótunarvinnu í málefnum barna og ungmenna. Margir þurfa að koma að þeirri vinnu, m.a. börnin sjálf, forráðamenn, kennarar, skólastjórnendur og annað starfsfólk leikskóla og grunnskóla. Þá er æskilegt að starfsfólk frístunda og íþrótta taki virkan þátt í vinnunni sem og allir aðrir sem áhuga hafa.

Góður aðbúnaður og starf með börnum skiptir miklu fyrir hvert sveitarfélag enda erum við þar að leggja grunninn að þróun samfélagsins og velferð íbúanna. Samkvæmt íslenskum lögum bera sveitarfélög ábyrgð á leikskólum, grunnskólum og mörgum þáttum er varða velferð barna. Stefna í málaflokknum þarf að tryggja að Hveragerðisbær uppfylli kröfur í lögum og reglugerðum og að öll börn í bænum fái góða menntun, snemmtækan stuðning og skilvirka þjónustu. Þar eru sett fram markmið til lengri tíma um það hvaða árangri við viljum ná í námi, kennslu, vellíðan, þroska og félagslegum samskiptum barna.

Ný stefna þarf að veita innblástur og leiðsögn

Með markvissri stefnumótunarvinnu margra aðila skólasamfélagsins ætti að vera tryggt að tekið sé mið af réttindum barna samkvæmt Barnasáttmála Sameinuðu þjóðanna og að hagsmunir þeirra séu alltaf settir í forgang. Stefna í málefnum barna veitir leiðarljós þegar taka þarf ákvarðanir um fjárveitingar, úrræði, starfsþróunarverkefni, þróunarstarf og þjónustustig. Ný stefna þarf að veita innblástur og leiðsögn til allra sem vinna með börnum og ungmennum í Hveragerði. Stefnan þarf að vera eins konar áttaviti sem vísar veginn og leiðbeinir um það hvernig nám, frístundir, íþróttir og listir fléttast saman og stuðla að góðri menntun og vellíðan barna. Með skýrri stefnu í þessum málaflokki er auðveldara að leggja mat á hvort settum markmiðum hefur verið náð og hvort vinna þarf umbótaverkefni.

Málefni barna og ungmenna snerta mörg fagsvið, svo sem skóla, skólaþjónustu, félagsþjónustu og heilbrigðisþjónustu. Ný stefna í málefnum barna þarf að auðvelda það mikilvæga verkefni að samræma samstarf mismunandi fagsviða, einnig íþrótta- og tómstundafélaga. Gott samstarf allra þessara aðila ætti að tryggja heildstæða nálgun og samræmda þjónustu. Frambjóðendur S-listans vilja gera allt sem í þeirra valdi stendur til að börnin í Hveragerði hafi góð skilyrði til að læra, þroskast og líða vel.

Höfundar eru í fyrsta og öðru sæti S-listans í Hveragerði.

Skólastefna Hveragerðisbæjar er frá árinu 2022 og því komin til ára sinna.

Hvernig bæ viljum við búa í? Kosningarnar nálgast og við á lista Samfylkingarinnar viljum endilega heyra þínar áherslur og hugmyndir!

Sunnudaginn 19. apríl blásum við til opins málefnafundar á Ísafirði. Hér gefst íbúum tækifæri til að ræða stóru málin í okkar samfélagi við frambjóðendur á listanum.

Hvort sem þú brennur fyrir húsnæðismálum, uppbyggingu leikskóla, sterkari innviðum, íþróttastarfi eða bættri velferð – þá skiptir þín rödd máli. Við trúum því að bestu lausnirnar verði til í samtali við fólkið í bænum.

Heitt á könnunni, léttar veitingar og frábær stemning. Mættu og taktu þátt í að gera góðan bæ enn betri!

Öll hjartanlega velkomin, við hlökkum til að sjá ykkur

Málefnafundur - Mótum framtíðina saman

Það þurfti hörkutól og risastórar samheldnar fjölskyldur til að hefja þessa vegferð og þær gerðu það. En eins og þau segja fyrir vestan þegar undirbúningur fyrir Aldrei hátíðina hefst, “þú gerir ekki rassgat einn”. Það hafa margir lagt hönd á plóg í gegnum tíðina með í farteskinu óbilandi trú á samfélaginu og framtíðarsýn sem varð til þess að íbúum fjölgaði og samfélagið blómstraði. Uppgræðslan á sandinum, uppbygging á hafnarmannvirkjum, útrýming ýldu- og lýsismengunar, framsýn og metnaðarfull uppbygging skóla- og íþróttamannvirkja og skilningur á mikilvægi menningar, allt þetta býr til þorp, stað fyrir fólk.

Og Sveitarfélagið Ölfus er samt svo miklu meira en þorpið Þorlákshöfn, þetta er landmikið sveitarfélag, ríkt af náttúruauðlindum og einstaklega vel í sveit sett. Sveitarfélagið á svo marga nágranna að næstum er fljótlegra að telja upp sveitarfélög sem ekki eiga landamerki að Ölfusi en þau sem liggja að okkar fallegu sveit. Það er stutt i höfuðborgina þar sem hægt að sækja allskonar þjónustu, afþreyingu og vinnu, það er stutt á Selfoss að sækja alla þá þjónustu sem þar er í boði og þó ekki sé lengur hægt að skella sér í sunnudagsbíltúr í Eden eins og gert var í denn þá er blómabærinn Hveragerði bókstaflega inn í miðju Ölfusi og til Hveragerðis má sækja margt gott, trúið mér.

Í Ölfusi eru tveir skilgreindir þéttbýliskjarnar, Þorlákshöfn og Árbær en út um alla sveit eru að byggjast upp litlir kjarnar með mismörgum húsum, það eru því afar fjölbreyttir möguleikar í Ölfusi til að rækta lífshamingjuna en eins og allir vita býr hamingjan hér, ekki lognið, það býr á Ísafirði eða Flateyri.

Fjölgun íbúa í Ölfusi hefur verið ævintýraleg og alveg sambærileg við okkar ágætu nágranna í Árborg og Hveragerði, það má því leiða að því líkum að fjölskyldum í leit að góðum stað til að setja sig niður lítist vel á Ölfus og það er gott en alls ekki sjálfgefið. Ég hef ekki trú á að þessi mikla íbúafjölgun í Ölfusi sé vegna ofvaxins montskiltis á hreppamörkum, þó gæti það auðvitað verið, hvað veit ég. Mig grunar að gæði skólastarfs freisti barnafjölskyldna og þar erum við að standa okkur vel, eins er aðstaða til íþróttaiðkunar barna og fullorðinna með ágætasta móti. Þetta eru gæði sem ber að varðveita, þróa og þroska, það grundvöllur góðrar framtíðar.

Það er enginn vandi að laga það sem þarf að laga hér í Ölfusi, það þarf framsýni, hugrekki, þor til að hlusta á íbúana og skýra framtíðarsýn um heilbrigt og heiðarlegt samfélag, þar sem stjórnsýslan virkar fyrir alla.

4. sæti á lista Samfylkingar og félaga í Ölfusi

Hver hefði trúað því að þessi örfáu hús sem risu á svörtum sandinum rétt fyrir miðja síðustu öld gætu með tíð og tíma myndað ljómandi fallegt og búsældarlegt þorp, nei, þetta leit ekki vel út, það man ég svo vel.

Leit um „��"

3201 niðurstaða fannst við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „������������������������������������������������������������"

3201 niðurstaða fannst við leit að „������������������������������������������������������������"