Samfylkingin ætlar að stjórna fyrir almenning. Við viljum leiða saman flokka sem eru nálægt hver öðrum á hinu pólitíska litrófi, taka neitunarvaldið af Sjálfstæðisflokknum í loftslagsmálum, velferðarmálum og auðlindamálum og hverfa frá 100 milljarða niðurskurðaráformum núverandi stjórnarflokka; efla almannaþjónustuna, heilbrigðis- og menntakerfið í stað þess að skera niður.

Því stærri og sterkari sem Samfylkingin verður, því líklegra er að það verði mynduð félagshyggjustjórn á Íslandi og að áætlun Samfylkingarinnar um að lækka skattbyrði lágtekju- og millitekjuhópa en hækka hana hjá ríkasta 1 prósentinu verði að veruleika.

Eitt af lykilmálum okkar er innleiðing barnabótakerfis að norrænni fyrirmynd. Dæmin sanna að sterk almenn barnabótakerfi með viðbótarstuðningi við einstæða foreldra eru vel til þess fallin að draga úr barnafátækt og stuðla að jöfnum tækifærum. Skarpar tekjutengingar og skerðingar sem bíta snemma geta aftur á móti skapað fátæktargildru fyrir fólk í lægri tekjuhópum.

Hvað þýðir barnabótaleið Samfylkingarinnar fyrir þitt heimili? Hér er reiknivél þar sem þú getur séð það svart á hvítu.

Kerfisbreytingin þarf að eiga sér stað samhliða stóraukinni uppbyggingu leigu- og búseturéttaríbúða í samstarfi við húsnæðisfélög án hagnaðarsjónarmiða, en með því drögum við úr húsnæðiskostnaði og aukum þannig enn frekar ráðstöfunartekjur lágtekjufólks. Auk þess þarf að draga úr skerðingum í almannatryggingakerfinu og stöðva þá kjaragliðnun sem hefur átt sér stað milli launafólks og þeirra sem reiða sig á lífeyri.

Barnabótatillögur Samfylkingarinnar kosta innan við 9 milljarða króna og verða fjármagnaðar með stóreignaskatti á ríkasta 1 prósentið, skatti sem leggst aðeins á það sem er umfram 200 milljónir króna í hreina eign. Þetta er hagkvæm og skynsamleg skattheimta og getur skilað 14 til 15 milljörðum króna á ári. Jafnframt þarf að efla skatteftirlit og tryggja almenningi aukna hlutdeild í auðlindarentunni í sjávarútvegi. OECD og AGS hafa hvatt til þess að skattlagningarvaldinu sé beitt af festu til að sporna gegn eignaójöfnuði. Þá hafa ýmsir af virtustu hagfræðingum heims bent á að vel útfærðir stóreignaskattar og auðlindagjöld geta skilað umtalsverðum tekjum án þess að bitna á verðmætasköpun og framleiðslu í hagkerfinu.

Undanfarin 30 ár hefur skattbyrði lágtekju- og millitekjuhópa aukist gríðarlega á Íslandi en skattbyrði verið létt af tekjuhæstu og eignamestu hópum samfélagsins. Samfylkingin vill snúa þessari þróun við, klípa ögn af eignastabba ríkasta 1 prósentsins og auðlindaarðinum í sjávarútvegi og nota svigrúmið sem þannig skapast til að styðja betur við barnafólk og þá hópa sem hafa setið eftir á undanförnum árum.

Þetta er skynsamleg jafnaðarstefna – og nú erum við í dauðafæri að koma henni til framkvæmda.

Samfylkingin er í sókn, kannski vegna þess að kjósendur sjá að sterk félagshyggjustjórn er það besta sem getur gerst fyrir heimilisbókhaldið. Það skiptir ekki bara máli hver stjórnar heldur líka fyrir hverja er stjórnað og með hverjum.

Lækkum skatt­byrði barna­fólks, hækkum skatta á ríkasta 1 prósentið

Þegar mamma fór í fæðingarorlof 1988 missti ég plássið mitt. Leikskólinn var þrátt fyrir allt hugsaður sem geymslustaður í augum stjórnvalda, ekki sem sjálfsögð menntastofnun. Leikskólapláss buðust almennt ekki börnum nema ef foreldrarnir væru einstæðir eða í námi, nú eða þá í gegnum tengslanetið. Ástæða þess að ekki voru til leikskólar í hverju hverfi var sáraeinföld: kostnaðurinn þótti of mikill.

Við þekkjum svo gang sögunnar. Reykjavíkurborg stóð fyrir byltingu í leikskólamálum undir forystu félagshyggjufólks. Daglöng leikskólavist skyldi bjóðast öllum börnum, og við það hefur verið staðið. Önnur sveitarfélög fylgdu síðan á eftir. Í dag eru flestir leikskólar reknir af hinu opinbera og með nær hverju barni á einkareknum skóla fylgir fjárframlag frá sveitarfélagi. Sá hægrimaður sem er mótfallinn íslenska dagvistunarkerfinu fyrirfinnst varla lengur. 94% foreldra leikskólabarna voru ánægð með leikskóla barns síns samkvæmt viðhorfskönnun í Reykjavíkurborg í mars 2021. Tilhugsunin um að einhver legði til að einkavæða þessa almannaþjónustu í dag er fjarstæðukennd.

Það er vert að rifja upp baráttu og afrek félagshyggjufólks fyrir leikskólakerfinu í tengslum við umræðu sem nú á sér stað vegna tillögu Samfylkingarinnar um gerbreytt barnabótakerfi á Íslandi. Í dag eru barnabætur í raun fátæktarstyrkur og afar lágtekjumiðaðar, en bæturnar byrja að skerðast ef árstekjur fara yfir 3.900.000 kr., eða 325.000 kr. á mánuði. Það þýðir að vísitölufjölskylda með venjulegar meðaltekjur en gífurlegar skuldbindingar í formi fasteignalána, námslána að ótöldum öllum þeim útgjöldum sem fylgja því að eiga börn, fær ekki sama stuðning og fólk í sömu stöðu í Norðurlöndunum.

Meðalfjölskylda með tvö börn, sem í dag fær engar barnabætur, mun með kerfisbreytingunum sem Samfylkingin leggur til fá því sem nemur um 54 þúsund krónur í hverjum mánuði og einstætt foreldri um 77 þúsund krónur, miðað við núverandi verðlag og aðstæður. Með þessu drögum við úr skattbyrði lágtekju- og millitekjufólks og lækkum jaðarskatt á hverja viðbótarkrónu sem fólk vinnur sér inn.

Tillögur Samfylkingarinnar fela í sér raunverulega byltingu fyrir fjárhag venjulegra barnafjölskyldna á Íslandi og munu gagnast börnum beint. Sömu rök eru að baki almennum barnabótum og íslenska leikskólakerfinu: Barnafjölskyldur þurfa á þessum stuðningi að halda. Þetta er skattaafsláttur til barnafólks og er umfram allt mjög skynsamleg meðferð á almannafé sem er felur í sér útfærða og fjármagnaða leið af hálfu Samfylkingarinnar.

Efasemdaraddir sem telja barnabætur til peningasóunar minna of vel á við það sem haft verður eftir andstæðingum íslenskra leikskólakerfisins fyrir þrjátíu árum. Þegar barnabætur hafa verið innleiddar að norrænni fyrirmynd hér á landi undir forystu Samfylkingarinnar, munum við aldrei vilja snúa til baka.

Höfundur er lögfræðingur og vísitölufjölskyldukona, og skipar 3. sæti Samfylkingarinnar í Reykjavíkurkjördæmi norður.

Þegar ég var að borða sand á rólóvöllum 9. áratugs seinustu aldar var ég eitt af heppnu börnunum sem fengu að fara á leikskóla. Mamma starfaði sem hjúkrunarfræðingur á Borgarspítalanum í Fossvogi sem rak þar yndislega leikskóla í því skyni að starfsfólk spítalans gæti unnið eðlilegan vinnudag.

Verið velkomin á kosningamiðstöð Samfylkingarinnar í Reykjanesbæ.

Logi Einarsson, formaður Samfylkingarinnar, og Oddný Harðardóttir, oddviti í Suðurkjördæmi, taka á móti gestum og gangandi.

Spjall við Viðar Eggerts og Eydísi Ásbjörnsdóttur í Egilsbúð milli kl. 10-12, Miðvikudaginn 22. september - þar sem sérstaklega verða rædd málefni eldri borgara.

Viðar hefur barist ötullega að málefnum eldri borgara síðastliðin ár, meðal annars sem verkefnastjóri fyrir Félag eldri borgara í Reykjavík, Landssamband eldri borgara og Gráa herinn.

Eldra fólk og öryrkjar hafa dregist langt aftur úr í lífskjörum á síðustu árum og hvergi eru skerðingar í almannatryggingum jafn miklar en á Íslandi. Þessu verður að breyta!
Samfylkingin mun stíga markviss skref strax í upphafi kjörtímabilsins.

Verið öll velkomin - heitt á könnunni og með því.

Hilda Jana Gísladóttir verður á Dalvík með Svanfríði Jónasdóttur og þér er boðið í kaffi til þeirra í Bakkabræðrasetrinu á Dalvík
miðvikudaginn 22. sept. kl. 16.

Við viljum hitta þig og ræða stöðuna í samfélaginu, hvernig Samfylkingin hyggst búa þér, þinni fjölskyldu og komandi kynslóðum betra líf.

Einnig förum við yfir helstu málin sem brenna á Dalvíkingum og kjördæminu, hvað liggur þér á hjarta?

Ekki láta þetta fram hjá þér fara! 

Kaffifundur með Hildu Jönu og Svanfríði Jónasdóttur

Á Íslandi fær meðaltekjufjölskylda með tvö börn engar barnabætur en annars staðar á Norðurlöndum nemur stuðningurinn allt að 50 þúsund krónur á mánuði fyrir sömu fjölskyldu. Frá árinu 1990 hefur stuðningur með hverju barni hér á landi minnkað um meira en helming í hlutfalli við landsframleiðslu. Þessu þarf að breyta og það vill Samfylkingin gera með því að stórauka stuðning við börn og fjölskyldur þeirra.

Samfylkingin mun í ríkisstjórn setja í forgang að hækka greiðslur til barnafjölskyldna, greiða þeim hærri barnabætur og gera það í hverjum mánuði til þess að þær nýtist betur. Fleiri munu njóta barnabóta en áður þar sem öllum fjölskyldum upp að meðaltekjum standa þær óskertar til boða. Þannig drögum við úr tekjutengingum og endurreisum stuðningskerfið fyrir barnafjölskyldur á Íslandi. Það munar um það á flestum heimilum. Í umræðunni um barnbætur vill gleymast að þær eiga að jafna stöðu þeirra sem eru með börn á sínu framfæri og þeirra sem eru það ekki. M.a. þess vegna er svo mikilvægt að draga úr tekjutengingunum sem hafa gengið allt of langt.

Við ætlum að greiða fullar barnabætur með öllum börnum til foreldra með allt að meðaltekjum (u.þ.b. 1200 þúsund á mánuði hjá pari eða 600 þúsund krónur fyrir einstætt foreldri) þannig að fjölskylda með tvö börn, sem nú fær engar barnabætur, fái 54 þúsund krónur í barnabótagreiðslu mánaðarlega.

Hækkun barnabóta til lág- og meðaltekjufólks er gífurlega áhrifarík aðferð til að draga úr misskiptingu á milli barna og auðvelda foreldrum að standa straum af útgjöldum t.d. vegna tómstundaiðkunar. Við vitum að börn efnalítilla foreldra hafa ekki sömu tækifæri til íþróttaiðkunar eða tónlistarnáms eins og börn foreldra sem eru í betri efnum. Það er ritað í DNA jafnaðarstefnunnar að fjárhagsstaða foreldra megi ekki koma í veg fyrir að börn og ungmenni njóti sjálfsagðra mannréttinda eins og heilbrigðisþjónustu, menntunar og tómstundaiðkunar. Hækkun barnabóta með þeim hætti sem Samfylkingin leggur til er jafnaðarstefnan í hnotskurn.

Greinin birtist fyrst í Kópavogs- og Garðapóstinum 26. ágúst 2021.

Þórunn Sveinbjarnardóttir leiðir framboðslista Samfylkingarinnar í Suðvesturkjördæmi

Verið öll hjartanlega velkomin á opnunarhátíð kosningaskrifstofu Samfylkingarinnar á Selfossi, föstudaginn 5. sept. kl. 15. 

Húsið opnar kl. 15 og verður boðið upp á vöfflur og með því og það er enginn annar en Valdimar Guðmundsson sem mun syngja fyrir okkur eins og honum er einum lagið! 

Opnunarhátíð kosningaskrifstofu á Selfossi 

Opnunarhátíð kosningamiðstöðvar Samfylkingarinnar á Akureyri verður á laugardaginn í beinu framhaldi af stefnukynningu flokksins í Hofi. 

Boðið verður upp á léttar veitingar og verða efstu frambjóðendur flokksins í kjördæminu öll á svæðinu og til í spjall.

Endilega látið sjá ykkur og byrjum þessa kosningabaráttu af krafti!

Opnunarhátíð Samfylkingarinnar á Akureyri

Millitekjufjölskyldur fá umtalsverðan stuðning í formi barnabóta alls staðar á Norðurlöndunum nema á Íslandi.

Í Danmörku, Noregi, Svíþjóð og Finnlandi er kerfið ekki bara hugsað sem fátæktarhjálp fyrir þau allra tekjulægstu heldur sem almennt stuðningsnet, verkfæri til að létta undir með fólki sem er að ala upp börn.

Rannsóknir hafa margsýnt að sterk almenn barnabótakerfi með viðbótarstuðningi við einstæða foreldra eru best til þess fallin að draga úr barnafátækt til langs tíma. Skarpar tekjutengingar og skerðingar sem bíta snemma geta aftur á móti skapað fátæktargildru fyrir fólk í lægri tekjuhópum.

Frá árinu 1990 hefur stuðningur með hverju barni minnkað um meira en helming í hlutfalli við landsframleiðslu á Íslandi. Við í Samfylkingunni viljum snúa af þeirri braut og óskum eftir umboði kjósenda til að innleiða barnabótakerfi að norrænni fyrirmynd.

Í fyrsta lagi viljum við að barnabætur verði greiddar út mánaðarlega en ekki fjórum sinnum á ári. Þannig mun stuðningurinn nýtast betur í reglulegum heimilisrekstri og fólk eiga auðveldara með að láta enda ná saman um hver mánaðarmót.

Í öðru lagi viljum við að skerðingarmörkin verði hækkuð þannig að fleiri njóti stuðnings en áður. Markmiðið er að meðalfjölskylda með tvö börn, sem í dag fær engar barnabætur, fái 54 þúsund krónur í hverjum mánuði og einstætt foreldri um 77 þúsund krónur, miðað við núverandi verðlag og aðstæður. Með þessu drögum við úr skattbyrði lágtekju- og millitekjufólks og lækkum jaðarskatt á hverja viðbótarkrónu sem fólk vinnur sér inn.

Í þriðja lagi ætlum við að hækka greiðslur í fæðingarorlofi og fæðingarstyrk námsmanna og foreldra utan vinnumarkaðar. Þetta þarf að gerast samhliða stóraukinni uppbyggingu leigu- og búseturéttaríbúða í samstarfi við húsnæðisfélög án hagnaðarsjónarmiða, en með því drögum við úr húsnæðiskostnaði og aukum þannig enn frekar ráðstöfunartekjur barnafjölskyldna.

Þetta er raunhæft, þetta er sanngjarnt og þetta er mikilvægt en kallar á gjörbreytta forgangsröðun við landstjórnina. Við leggjum til að kjarabæturnar verði fjármagnaðar með stóreignaskatti, hærri veiðigjöldum á stórútgerðir og hertu skatteftirliti. Það hefur nefnilega verið dekrað nóg við sérhagsmunaöflin í landinu. Nú er kominn tími á almenning.

Greinin birtist fyrst á visi.is 30. ágúst.

Jóhann Páll Jóhannsson og Dagbjört Hákonardóttir skipa 2. og 3. sætið í Reykjavík norður. 

Veffundur um Loftslagsmálin og hvað þarf að gera.

Sérstakur gestur er Auður Önnu Magnúsdóttir, framkvæmdastjóri Landverndar, en auk þess mun Þórunn Sveinbjarnardóttir, oddviti Samfylkingarinnar í Suðvesturkjördæmi ræða málin. 

Umræðum stýrir Guðmundur Ari Sigurjónsson sem skiptar 4. sæti á lista flokksins í komandi kosningum.

Fylgist með streymi á Facebooksíðu Samfylkingarinnar. 

Leit um „��"

3400 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3400 niðurstöður fundust við leit að „���������������������������������������������������"