Málefni eldra fólks er eitt af forgangsmálum Samfylkingarinnar, bæði á landsvísu og framboðsins í Ölfusi.

Miðvikudaginn 6. maí kl. 18 bjóðum við til opins fundar á 9unni ásamt Ölmu Möller heilbrigðisráðherra og Bryndísi Gunnlaugsdóttur bæjarstjóraefni okkar.

Á fundinum fer Alma Möller yfir þjóðarátak ríkisstjórnarinnar í uppbyggingu hjúkrunarrýma, áherslur sínar um eflingu lýðheilsu ásamt því að ræða málefni heilsugæslunnar.

Þá ræða frambjóðendur áherslur Samfylkingarinnar og félaga fyrir komandi ár í sveitarfélaginu og bæjarstjóraefni okkar, Bryndís Gunnlaugsdóttir kynnir sig fyrir viðstöddum.

Að lokum verða opnar umræður þar sem við viljum gjarnan heyra ykkar hugleiðingar um málefni eldra fólks.

Boðið verður upp á smørrebrød og úrval drykkja.

Kosningapepp Samfylkingarinnar og óháðra verður haldið þann 15. maí!

Hoppukastalar, andlitsmálning og pylsur á grillinu frá klukkan 15:00.
Alexander Freyr ætlar síðan að halda uppi stuðinu frá klukkan 20:00 og fram eftir kvöldi!

Kosningapepp Samfylkingarinn og óháðra

Frambjóðendur Samfylkingarinnar ætla að bjóða uppá grillaðar pylsur - frábært að kíkja við eftir sundið, gæða sér á XS pylsum og spjalla við frambjóðendur. Verið velkomin!

Hún hefur jákvæð áhrif á líkamlega heilsu, andlega líðan, félagsfærni og getur virkað sem forvörn gegn ýmsum félagslegum vanda. Þrátt fyrir þetta sýna rannsóknir að brottfall úr íþróttum eykst verulega á unglingsárum. Á yfirborðinu gæti þetta virst tengjast áhugaleysi, sérhæfingu, meiðslum eða andlegri líðan. En það er ein ástæða sem sjaldan er rædd opinberlega: Kostnaður.

Í dag er raunveruleikinn sá að ekki allir foreldrar hafa efni á að leyfa börnum sínum að taka fullan þátt í íþróttum. Við viljum öll að börnin í næsta húsi geti farið í keppnisferðir og fengið nýja búninga eins og hinir. En staðan er einfaldlega ekki þannig fyrir alla. Á Akureyri er kostnaður við íþróttaiðkun orðinn verulegur, sérstaklega eftir því sem börn eldast. Æfingagjöld eru aðeins hluti af heildarmyndinni. Til dæmis eru árleg æfingagjöld:

86.500–124.000 kr. á önn í fimleikum

Þó að frístundastyrkur sveitarfélagsins sé 60.000 kr. á ári, nær hann aðeins að mæta hluta af þessum kostnaði. Það sem vegur þó oft þyngra eru aðrir þættir: Keppnisferðir, æfingabúðir, búningar og annar búnaður. Sá kostnaður getur hlaupið á hundruðum þúsunda króna á ári. Fyrir fjölskyldur í góðri fjárhagsstöðu er þetta áskorun, en viðráðanleg. Fyrir tekjulægri heimili getur þetta hins vegar verið óyfirstíganleg hindrun.

Ef barn kemst ekki með í keppnisferð vegna kostnaðar, eða getur ekki keypt sama búning og liðsfélagar, hefur það ekki aðeins fjárhagsleg áhrif heldur einnig félagsleg. Barnið getur upplifað sig útundan og jafnvel orðið fyrir stríðni. Þetta getur haft áhrif á sjálfsmynd og dregið úr líkum á áframhaldandi þátttöku.

Þessi staða tengist beint fátækt. Samkvæmt gögnum frá UNICEF frá 2023 búa um 10% barna við sárafátækt á Íslandi. Það þýðir að foreldrar þeirra eiga í erfiðleikum með að uppfylla grunnþarfir eins og mat og húsnæði. Þegar staðan er þannig er ljóst að kostnaður við íþróttir og tómstundir verður ekki forgangsmál, jafnvel þó viljinn sé til staðar.

Þetta vekur upp grundvallarspurningu: Hvernig eiga foreldrar sem eiga erfitt með að ná endum saman að greiða fyrir íþróttir barna sinna? Raunveruleikinn er sá að þessi breyta – kostnaður – hefur bein áhrif á þátttöku barna, en fær lítið vægi í umræðunni. Í raun má segja að eftir því sem börn eldast, aukist líkurnar á að þau hætti – ekki bara vegna áhugaleysis, heldur vegna aðstæðna sem þau ráða ekki við.

Þegar börn detta út úr íþróttum vegna fjárhagslegra aðstæðna erum við ekki aðeins að missa þátttakendur úr félagsstarfi – við erum að auka ójöfnuð. Börn sem hafa efni á þátttöku fá áfram að njóta þeirra ávinninga sem íþróttir veita, á meðan önnur sitja eftir. Þetta er því ekki aðeins spurning um íþróttir, heldur um jöfn tækifæri, félagslega þátttöku og framtíðarmöguleika barna.

Til að tryggja að öll börn hafi raunverulegt aðgengi að tómstundum þarf markvist samstarf:

Auka stuðning við tekjulægri fjölskyldur umfram núverandi frístundastyrk

Lækka eða jafna kostnað við keppnisferðir og búnað

Tryggja að engin börn séu útilokuð vegna fjárhags

Auka samstarf milli bæjarins og íþróttafélaga um jöfn tækifæri

Þó að við viljum trúa því að öll börn hafi jafnan aðgang að íþróttum er raunin sú að kostnaður skapar ósýnilegar hindranir. Á Akureyri, líkt og annars staðar, þýðir þetta að sum börn fá ekki að taka þátt – ekki vegna skorts á vilja eða hæfileikum, heldur vegna efnahagslegra aðstæðna. Ef markmiðið er að halda börnum í íþróttum þarf að horfast í augu við þessa staðreynd. Annars mun brottfall halda áfram að aukast – og ójöfnuður með því.

Sigrún Steinarsdóttir, skipar 3. sætið á lista Samfylkingarinnar á Akureyri.

Þátttaka barna í íþróttum og tómstundum er almennt talinn lykilþáttur í velferð þeirra. 

Kostnaður, ójöfnuður og þátttaka barna í íþróttum á Akureyri

Auðvitað eru að mörgu leyti öflugar atvinnugreinar hér í bæ nú þegar en til þess að stækka hann enn meira, og gera að raunverulegri höfuðborg Norðurlands, er heldur betur ástæða til að spýta í lófana og það ekki seinna en strax.

Hin síðari ár hefur athyglin beinst að þessu leyti að miðbænum okkar, hvernig hann verður best skipulagður með tilliti til að skapa þar heilbrigt og fjölbreytt mannlíf ásamt með öflugu atvinnulífi. Sannleikurinn er sá að nútímaatvinnulíf er ekki einasta reykspúandi verksmiðjur og mengandi fyrirtæki heldur miklu frekar fyrirtæki sem byggja á nýjustu tækni og vísindum og ástunda nýsköpun sem gjarnan er seld til fjarlægra landa. Þarna eru sóknarfærin og störf sem geta boðið starfsfólki sínu hæstu laun og góða vinnuaðstöðu. Þess vegna skiptir þróun miðbæjarins okkar miklu máli um hvernig atvinnulífinu vindur fram á næstu árum og áratugum.

Nú liggur fyrir að á allra næstu árum verður miðbæjarsvæðið fyrir ofan Hof byggt myndarlega upp enda þótt ég og fleiri hafi gert alvarlegar athugasemdir við einstaka útfærslur. Engu að síður munu rísa myndarlegar byggingar á svæðinu þarna sem þjónustufyrirtæki við bæjarbúa verða á neðstu hæðum og íbúðir og fyrirtæki á þeim efri. Þar munu mörg fyrirtæki í tækni- og vísindagreinum geta komið sér vel fyrir með öflugt mennta- og skólakerfi bæjarins að bakhjarli ásamt framleiðslufyrirtækjum víða um bæinn sem selja frá sér verðmætar afurðir um víða veröld.

Við þetta bætist svo að innan skamms verða hús endurbyggð efst í Gránufélagsgötunni og þar í grennd. Fjölgar þá enn atvinnugreinum í miðbænum og meira líf færist í svæði sem hefur verið heldur dauft unanfarið en ætti að geta fylgt eftir þjónustufyrirtækjum eins og þeim sem þá hafa væntanlega komið sér vel fyrir á Hofsbótarreitnum.

Svo er auðvitað fram undan stóra stökkið sem margir bíða spenntir eftir. Það er uppbygging á framhaldi miðbæjarins til norðurs þar sem íþróttavöllurinn okkar góði hefur verið síðustu áratugi. Sjálfur hef ég vakið athygli á mikilvægi þess að útfærslan á því svæði fari fram í nánu samstarfi við bæjarbúa og með því virt raunverulegt íbúalýðræði. Í því sambandi hef ég lagt til að þarna yrði, auk miðbæjarhúsa eins og sunnar í bænum, skipulögð stærri og smærri útivistarsvæði fyrir bæjarbúa og gesti þeirra. Eftir það gætum við státað af myndarlegum og vistvænum miðbæ allt sunnan frá gamla góða Samkomuhúsinu og norður að Glerártorgi. Þá yrði nú aldeilis gaman að fara í miðbæinn okkar, sýna sig og sjá aðra! Iðandi mannlíf og öflug þjónusta fjölbreyttra fyrirtækja við bæjarbúa ásamt með kröftugu atvinnulífi.

Að vísu má búast við að sjálfur muni ég horfa á þessa heillandi framtíðarmynd úr Sumarlandinu ef ég fæ vist þar! En hvað sem öllu gríni líður er meira en tímabært að hefja vinnu við þau viðfangsefni sem nauðsynleg eru til að draumurinn um öflugan miðbæ gangi eftir. Slíkur miðbær gæti orðið sómi og stolt okkar um ókomin ár. Til að svo megi verða þarf að vinna skipulega og markvisst með skýra framtíðarsýn en rugla ekki fram og aftur eftir sérvisku einstakra bæjarfulltrúa.

Ragnar Sverrisson skipar 22. sæti á lista Samfylkingarinnar fyrir bæjarstjórnarkosningarnar á Akureyri 16. maí

Þegar við kjósum nú á vordögum fólk til að sitja í bæjarstjórn næsta kjörtímabil hlýtur hugurinn að beinast að því hvað flokkar og framboð ætla sér í frekari uppbyggingu atvinnuvega þessa samfélags okkar. 

Kosningastefna Samfylkingarinnar og óháðra í Árborg 2026 - 2030

Setja þak á leikskólagjöld, lækka gjöld í áföngum og veita 100% systkinaafslátt.

Tryggja aðgang að leikskólum frá eins árs aldri, í takt við íbúafjölda.

Gera dvalartíma í leikskólum sveigjanlegri og með meiri fyrirsjáanleika.

Efla stuðning við börn og fjölskyldur í vanda

Samræma skólatíma í sveitarfélaginu.

Hefja undirbúning að uppbyggingu skólahúss á Eyrarbakka.

Hefja uppbyggingu á íþróttamannvirkjum á Stokkseyri. 

Bæta þjónustu almenningssamgangna, skóla- og frístundaaksturs og fjölga strætóskýlum.

Stytta biðlista eftir greiningum hjá sálfræðingum og talmeinafræðingum sveitarfélagsins.

Tryggja rétta þjónustu fyrir fötluð börn og fjölskyldur þeirra þegar þörf er á.

Efla forvarnarstarf, auka félagsmiðstöðvastarf fyrir 5.–7. bekk í öllum grunnskólum Árborgar og efla ungmennahús.

Styðja við öflugt og fjölbreytt nám á framhaldsskólastigi og fullorðinsfræðslu, með Fjölbrautaskóla Suðurlands og Fræðslunetinu.

Hvetja til byggingar nemendagarða og ódýrra fyrstu íbúða fyrir ungt fólk.

Hvetja til frumkvöðlastarfs, nýsköpunar og nýrra starfstækifæra

Fjárhagslegir hvatar til að laða að fyrirtæki og stofnanir.

Tryggja nægt lóðaframboð með skýrri framtíðarsýn – bæði fyrir íbúðir og atvinnustarfsemi.

Einfalda regluverk og koma á einum viðkomustað fyrirtækja hjá sveitarfélaginu.

Byggja upp innviði og styrkja ferðaþjónustu á sögustöðum og náttúruperlum.

Tryggja auðlindir og orkuöryggi sveitarfélagsins til framtíðar – heitt og kalt vatn.

Skapa fleiri störf fyrir fólk með skerta starfsgetu.

Opna á samtal við hagsmunaaðila um uppbyggingu á íþróttasvæðinu við Engjaveg í samhengi við uppbyggingu íþróttamannvirkja við grunnskóla sveitarfélagsins.

Horfa til framtíðar með undirbúningi að byggingu menningarhúss sem gæti hýst tónlistarskóla, ýmiss konar safnastarf, tónleika, leiksýningar o.fl.

Lyfta upp blómlegri fjölmenningu sem er í sveitarfélaginu með fjölmenningarhátíð og halda fjölmenningarþing samhliða.

Efla söfn í sveitarfélaginu með því að auka sýnileika þeirra og bæta aðgengi.

Tryggja að íbúar af erlendum uppruna fái viðeigandi stuðning til að aðlagast samfélaginu.

Nýta velferðartækni til að bæta þjónustu og öryggi í heimahúsum.

Efla einstaklingsbundna þjónustu og vinna markvisst gegn einsemd.

Þrýsta á ríkið að fjölga hjúkrunarrýmum og dagdvalarrýmum (Vinaminni og Árblik).

Styðja við heilsueflingu og félagsstarf eldri borgara með aðstöðu og hvatningu.

Lækka fasteignagjöld og álögur á íbúa og fyrirtæki í áföngum á kjörtímabilinu.

Virkja Mín Árborg sem einn viðkomustað fyrir þjónustu sveitarfélagsins.

Bæta ásýnd sveitarfélagsins með eflingu umhverfisdeildar og vitundarvakningu um snyrtilegt umhverfi.

Ljúka uppbyggingu fráveitu- og hreinsistöðvar á Selfossi.

Hefja undirbúning uppbyggingar hreinsistöðva á Stokkseyri og Eyrarbakka.

Stuðla að aukinni byggð og sterkara atvinnulífi á Eyrarbakka og Stokkseyri, með framboði á lóðum, bættum innviðum og aukinni þjónustu.

Hér má nálgast stefnuna í pdf skjali. 

Samfylkingin birtir auglýsingar á samfélagsmiðlum og í gegnum auglýsingamiðlara til þess að koma skilaboðum sínum á framfæri til þeirra sem flokkurinn telur gagn hafa að. Er það gert með því að óska eftir því að þessir aðilar birti auglýsingarnar þeim notendum sínum sem uppfylla ákveðin skilyrði. Samfylkingin fær aldrei neinar persónuupplýsingar til sín um notendur. Breyturnar sem unnið er með eru aldur, kyn og búseta. Nánari upplýsingar um persónuverndarstefnu Samfylkingarinnar. 

En hvað gerist þegar sömu skilaboðin eru endurtekin aftur og aftur? Getur það haft áhrif á það sem við teljum vera satt?

Sálfræðin bendir til þess að svo sé. Fyrirbæri sem oft er kallað „sannleiksvilla“ (e. illusory truth effect) lýsir því hvernig fólk hefur tilhneigingu til að trúa fullyrðingum frekar ef það hefur heyrt þær oft áður, óháð því hvort þær eru sannar eða ósannar. Endurtekning skapar kunnugleika og kunnugleiki getur blekkt okkur til að treysta upplýsingum betur.

Þetta sést oft mjög skýrt í stjórnmálum. Í kosningabaráttum eru einföld slagorð oft endurtekin aftur og aftur þar til þau festast í huga kjósenda. Til dæmis gæti stjórnmálaflokkur ítrekað fullyrt: „Jákvæður rekstur“ eða „gjaldskrárlækkanir!“, jafnvel þótt staðreyndir sýni að myndin er mun flóknari.

Með tímanum fara fleiri að taka þessum fullyrðingum sem staðreyndum, einfaldlega vegna þess að þeir hafa heyrt þær svo oft.

Annað dæmi er þegar stjórnmálafólk kennir ákveðnum hópum um vandamál í samfélaginu. Ef sú hugmynd er endurtekin nógu oft, t.d. í ræðum, viðtölum og á samfélagsmiðlum, getur hún orðið að „sannleika“ í huga sumra, þrátt fyrir skort á haldbærum gögnum. Þetta getur haft alvarlegar afleiðingar og aukið fordóma eða sundrungu í samfélaginu.

Þarna má nefna regnbogavottun leik- og grunnskóla. Ákveðnir hópar fullyrða að með henni séu leikskólabörn heilaþvegin með það að markmiði að breyta þeim í samkynhneigða eða trans einstaklinga. Það á sér að sjálfsögðu enga stoð í raunveruleikanum. Hugtakið þýðir eingöngu að starfsfólk regnbogavottaðs skóla hefur fengið fræðslu og er þannig í stakk búið til að taka á móti alls konar einstaklingum úr alls konar fjölskyldum án fordóma.

Við sjáum líka þessi áhrif á samfélagsmiðlum. Ef einstaklingur fylgir ákveðnum skoðanahópi eða bregst við ákveðinni orðræðu fær hann oft sömu skilaboðin aftur og aftur. Með tímanum myndast eins konar bergmálshellir þar sem aðeins ein hlið málsins heyrist. Þá verður sífellt erfiðara að greina á milli staðreynda og skoðana.

Endurtekning hefur ekki bara áhrif á hvernig við sjáum samfélagið, heldur líka okkur sjálf. Ef manneskja fær stöðugt að heyra að hún sé „léleg“ eða „ekki nógu klár“, getur hún farið að trúa því, jafnvel þótt það sé ekki rétt. Á sama hátt geta jákvæð og uppbyggileg skilaboð styrkt sjálfstraust og sjálfsmynd.

Af þessum ástæðum er mikilvægt að staldra við og hugsa gagnrýnið. Við þurfum að spyrja okkur: Er þetta staðreynd eða bara eitthvað sem er oft endurtekið? Hvaðan kemur þessi fullyrðing? Eru til gögn sem styðja hana? 

Endurtekning er öflugt tæki. Hún getur hjálpað okkur að læra og muna, en hún getur líka mótað skoðanir okkar án þess að við gerum okkur grein fyrir því. Í heimi þar sem röddin sem er háværust fær oft mesta athygli er mikilvægt að muna að sannleikurinn ræðst ekki af því hversu oft hann er sagður heldur hvort hann standist skoðun. 

15.sæti á lista Samfylkingarinnar og annars félagshyggjufólks í Fjarðabyggð

Við lifum á tímum þar sem upplýsingar streyma að okkur úr öllum áttum, frá samfélagsmiðlum, fjölmiðlum og stjórnmálafólki. 

Þegar endurtekning verður að „sannleika“ 

Samfylkingin í Hafnarfirði efnir til fjölskylduhátíðar á Thorsplani við Strandgötu 9. maí kl. 14:00. 

Boðið verður upp á hoppukastala, pylsur og skemmtiatriði. 

Verið velkomin í vöfflukaffi með frambjóðendum Samfylkingarinnar í Reykjavík.

Sunnudaginn 3. maí, kl. 14:00–16:00.
Laugavegur 114 (gamla Tryggingastofnunarhúsið)

Rjúkandi heitar vöfflur með sultu og rjóma
Heitt á könnunni

Frambjóðendur okkar í Reykjavík verða á staðnum og ræða pólitík, kosningabaráttuna og allt þar á milli.

1. Hlúum að fólkinu sem byggði landið

Samfylkingin hlúir að fólkinu sem byggði bæinn og landið. Það er skylda okkar jafnaðarfólks að tryggja öryggi og mannvirðingu allra á efri árum. Ekki síst er þetta mikilvægt þegar heilsan brestur eftir langa ævi.

Samfylkingin ætlar einnig að leita leiða til þess að spyrna gegn félagslegri einangrun meðal eldra fólks í samvinnu við félagasamtök eldra fólks í bænum.

Samfylkingin ætlar að stórefla þjónustu við eldra fólk í heimahúsum og að loknum kosningum ætlum við strax að hefja uppbyggingu lífsgæðaíbúða fyrir eldra fólk á Sólvangssvæðinu. Í samstarfi við ríkisstjórn Kristrúnar Frostadóttur ætlum við svo að fjölga hjúkrunarrýmum með því að ljúka uppbyggingu á þeim stöðum sem hafa verið í undirbúningi á undanförnum árum.

styðja við virkni eldri bæjarbúa í samfélaginu, fjölga tækifærum þeirra til félagslegra samskipta og tryggja þeim heilsueflandi umhverfi.

stórefla þjónustu við eldra fólk í heimahúsum með því að bjóða samfellda þjónustu með samþættingu heimaþjónustu, heimahjúkrunar og öldrunaráðgjafar sem fylgir þörfum hvers í eins.

tryggja eldra fólki og fjölskyldum þeirra handleiðslu og styðja við virkni og grípa þannig fólkið fyrr sem þarf frekari þjónustu.

hefja þegar í stað undirbúning uppbyggingar lífsgæðaíbúða á Sólvangssvæðinu og móta uppbyggingaráætlun til framtíðar.

auka samráð við eldra fólk í Hafnarfirði um málefni sem að þeim snúa m.a. með auknu samstarfi við Félag eldri borgara í Hafnarfirði og með því að styrkja umgjörð öldungaráðs og efla starfsemi þess.

tryggja fjölgun hjúkrunarrýma í bænum þar sem stefnt verði að því að ljúka við uppbyggingu hjúkrunarheimila í Hamranesi, Hrafnistu og í Vatnshlíð.

standa vörð um og efla tómstundastyrk eldri borgara til þess að styðja við virkni eldra fólks.

Samfylkingin ætlar að koma upp nýrri heilsugæslustöð á miðsvæði Valla á næsta kjörtímabili sem þjóni nýjustu hverfum bæjarins; Völlum, Hamranesi, Skarðshlíð og Áslandi. Heilsugæslan í Hafnarfirði er komin að þolmörkum og löngu orðið tímabært að brugðist verði við því.

Eitt stærsta verkefni jafnaðarmanna frá upphafi eru húsnæðismál enda er það grundvallaratriði í stefnu Samfylkingarinnar að tryggja húsnæðisöryggi allra. Nauðsynlegt er að ráðast í kraftmikla og fjölbreytta húsnæðisuppbyggingu fyrir ungt fólk og fyrstu kaupendur, eldri íbúa, námsmenn og tekjulægri hópa í samfélaginu.

Þetta verður gert með því að fjölga íbúðum sem falla undir skilyrði hlutdeildarlána og með samstarfi við byggingarfélög eldri borgara, námsmanna og óhagnaðardrifin leigufélög á vegum verkalýðshreyfingarinnar, eins og Bjarg.

Það hefur sýnt sig að raunhæfasta leiðin til þess að ná niður leiguverði fyrir tekjulægri hópa samfélagsins er markviss uppbygging í samstarfi við óhagnaðardrifin leigufélög. Hluti húsnæðispakka Samfylkingarinnar verður að ráðast í uppbyggingu lífsgæðaíbúða fyrir eldri íbúa á völdum stöðum í bænum. Samhliða þessu verður að ráðast í stórátak í uppbyggingu húsnæðis fyrir fólk með fötlun með nýjum íbúðakjörnum og stuðningi við sjálfstæða búsetu. Einnig verður að fjölga félagslegum íbúðum hjá bænum og grípa til raunhæfra aðgerða í þágu heimilislausra.

 Á næstu fjórum árum ætlum við að:

ráðast í kraftmiklar aðgerðir í húsnæðismálum með því að stórauka samstarf við óhagnaðardrifin leigufélög og bjóða upp á fjölbreytt og hagkvæmt húsnæði fyrir ungt fólk, fyrstu kaupendur, eldri íbúa, fólk með fötlun, tekjulága og fólk með millitekjur.

stuðla að öruggari og betri leigumarkaði með öflugu og markvissu samstarfi við óhagnaðardrifin leigufélög á vegum verkalýðshreyfingarinnar, eins og Bjarg fyrir tekjulægri fjölskyldur og byggngarfélög stúdenta og eldri borgara.

hefja þegar í stað undirbúning uppbyggingar lífsgæðaíbúða fyrir eldra fólk á Sólvangssæðinu og móta uppbyggingaráætlun til framtíðar.

fjölga félagslegum íbúðum sveitarfélagsins, stytta biðlista og biðtíma.

tryggja úrræði fyrir heimilislausa í húsnæðismálum.

stytta biðlista og biðtíma eftir húsnæði fyrir fatlað fólk með því að fjölga íbúðakjörnum og efla stuðning við sjálfstæða búsetu.

3. Virðing fyrir sjálfsákvörðunar-réttinum

Velferðarstefna jafnaðarmanna hvílir á félagslegu réttlæti og jöfnuði. Öflug velferðarþjónusta er forsenda réttláts samfélags og hún skapar öryggi og efnahagslegan stöðugleika. Leiðarljós velferðarþjónustu bæjarins á vera virðing fyrir sjálfstæði og sjálfsákvörðunarrétti hvers einstaklings og að muna að kerfið er til fyrir fólkið en ekki öfugt.

Samfylkingin leggur áherslu á að stjórnsýsla bæjarins og þjónusta eigi náið samráð við þá aðila sem nýta sér velferðarþjónustu sveitarfélagsins. Þess vegna leggjum við áherslu á að hagsmuna- og notendaráð bæjarins; öldungaráð, fjölmenningarráð og samráðshópur í málefnum fatlaðs fólks verði efld og umgjörð þeirra bætt.

Í málefnum fólks með fötlun viljum við halda í heiðri kjörorðum ÖBÍ - Ekkert um okkur án okkar. Samfylkingin vill að Hafnarfjörður vinni markvisst að innleiðingu Samnings Sameinuðu Þjóðanna um réttindi fatlaðs fólks.

Samfylkingin leggur áherslu á að Hafnarfjörður leiti ávallt allra leiða til þess að tryggja inngildingu nýrra Íslendinga þannig að þeir geti tekið fullan þátt í samfélaginu og í þeim efnum gegnir aðgengi að íslensku- og móðurmálsnámi lykilhlutverki.

gera stórátak í húsnæðismálum fólks með fötlun með því að fjölga markvisst íbúðakjörnum og styðja við sjálfstæða búsetu fólks með fötlun í félagslegu húsnæði á vegum Hafnarfjarðar.

halda áfram að fjölga NPA samningum og tryggja að taxtar verði hækkaðir til samræmis við útreikninga NPA miðstöðvarinnar.

gera Hafnarfjörð að fyrirmyndarbæ í aðgengismálum þannig að bærinn verði aðgengilegur fyrir alla.

vinna að innleiðingu Samnings Sameinuðu Þjóðanna um réttindi fatlaðs fólks.

auka aðgengi nýrra Íslendinga að íslensku- og móðurmálsnámi.

leita leiða til þess að auka þátttöku barna og ungmenna af erlendu bergi brotin í skipulögðu frístundastarfi.

leita leiða til þess að auka þátttöku eldra fólks af erlendu bergi brotið í hvers kyns félagsstarfi.

efla bókasafn Hafnarfjarðar sem samfélagsmiðstöð til að vinna gegn félagslegri einangrun og styðja við heilsueflandi samfélag.

tryggja öfluga akstursþjónustu fyrir fólk með fötlun og eldra fólk.

endurskoða sérstakan húsnæðisstuðning reglulega þannig að hagsmunir leigjenda séu alltaf tryggðir.

tryggja markvissa fjárhagsaðstoð til einstaklinga þar sem markmiðin eru að styðja fólk til sjálfsbjargar, gera því kleift að framfleyta sér og sínum og stuðla að valdeflingu þeirra.

Leit um „��"

3400 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3400 niðurstöður fundust við leit að „���������������������������������������������������"