Um er að ræða umfangsmikið verkefni bæði fyrir Reykjavíkurborg en líka fyrir okkur neytendur að breyta venjum okkar og vinnulagi. Um er ræða viðamikið umhverfismál en með réttri flokkun er ekki bara hægt að minnka sóun heldur líka að endurnýta verðmæti í stað þess að henda þeim og á sama tíma skapa ný verðmæti.

Næstu vikurnar munu reykvísk heimili fá nýja sorptunnu heim til sín en fyrstu borgarhlutarnir til að fá nýjar tunnur eru Kjalarnes, Grafarvogur, Grafarholt og Úlfarsárdalur. Árbær og Breiðholt fengu nýjar tunnur í júní, Háaleiti, Bústaðir og Laugardalur fá nýjar tunnur núna í júlí. Íbúar í Miðborg og Hlíðumar fá nýjar tunnur í ágúst og að lokum fær Vesturbær tunnur í september.

Við hvert heimili þarf að flokka ruslið í fjóra flokka. Sá fyrsti er pappír og pappi, annar eru

plastumbúðir, sá þriðji eru matarleifar og að lokum er blandaður úrgangur. Grendargámum verður fjölgað og þeir munu áfram taka á móti gleri, málum og textíil þannig má ekki setja gler, málma og textíl í blandað úrgang.

Það er munur á tunnum sem sérbýli fá og þær sem enda í fjölbýlum en flokkunarkerfið er það sama. Þar sem eru þrír íbúar eða færri verða tvær tvískiptar tunnu en önnur verður fyrir blandaðan úrgang og matarleifar og hin fyrir pappír og plast. Á þeim heimilum þar sem íbúar eru fjórir eða fleiri verða þrjár tunnur, ein fyrir blandaðan úrgang og matarleifar, blá tunna fyrir pappír og græn fyrir plast. Fyrir stærri fjölbýli verða ekki notaðar tvískiptar tunnur heldur heilar tunnur og verður gráu tunnunum skipt út fyrir endurvinnsluefni í stað blandaðs úrgangs. Í minni fjölbýlum þar sem eru þrjár eða færri íbúðir verða notaðar tvískiptar tunnur fyrir blandaðan úrgang og matarleifar og bláar og grænar tunnur fyrir plast og pappír.

Ekki hræðast matarafganga í bréfpokanum

Margir Reykvíkingar hafa moltað matarafganga lengi og þekkja ferlið vel en núna þurfa allir, líka þeir sem ekki hafa safnað matarafgöngum áður að gera það. Allir íbúar fá körfur og sérstaka bréfpoka undir matarleifar þegar nýju tunnurnar koma en sérstakt hólf er í tunnunum til að taka við pokunum. Þannig er okkur ekkert að vanbúnaði þegar nýju tunnurnar koma, að safna matarleifum saman en karfan er nett og ætti að passa í langflestar eldhúsinnréttingar. Bréfpokarnir hafa reynst vel á Norðurlöndunum og hlökkum við í fjölskyldunni til að færa okkur úr grænu maíspokunum yfir í bréfpokana þar sem maíspokarnir hafa leyst upp í okkar moltugerð.

Einn ávinningurinn af markvissari flokkun er ný verðmætasköpun. Nú kunna sumir að hrista hausinn og spyrja sig hvernig rusl geti umbreyst í verðmæti.Í pípunum er hringrásargarður á Álfsnesi en þar munu fyrirtæki skiptast á gæðum og þannig verður rusl eins annars auðlind. Þessi skipti hafa fengið það fallega nafn Auðlindastraumur. Starfsemi Sorpu hefur einmitt dregið að sér fyrirtæki eins Atmonia, Björgun og Malbikstöðina sem vinna eða eru að þróa afurðir sem falla til við vinnsluna hjá Sorpu. Árið 2024 er stefnt að því að deiliskipulag svæðisins verði uppfært og verður hringrásargarðurinn hér eftir gerður byggingarhæfur í áföngum. Tækifærin eru óþrjótandi bæði í hvernig hægt er að þróa hringrásargarðinn, efla í takt við þarfir og framtíðaráform þeirra nýsköpunar fyrirtækja sem sjá sér hag í því að búa til ný verðmæti úr hráefni eða orku sem annars færi aflögu.

Ekkert mál að flokka rusl í Reykjavík

Þetta verður áskorun um ný vinnubrögð í hversdagsleikanum fyrir þá sem ekki hafa tileinkað sér flokkun fyrr. Ekki láta deigan síga, þetta venst fljótt, gott að æfa sig í sumarfríinu, fá ungviðið með sér í lið en þau eru einstaklega lipur við að tileinka sér ný vinnubrögð. Það er ekkert mál að flokka rusl í Reykjavík.

Greinin birtis á 3. júlí visi.is 2023.

Í janúar sl. tóku í gildi lög um hringrásarhagkerfi og þannig varð skylt að flokka heimilisúrgang í fjóra flokka undir húsvegg. 

Ekkert mál að flokka rusl í Reykja­vík

Vetrarstarf 60+ í Hafnarfirði og Reykjavík hefst næsta miðvikudag þann 30. ágúst með gönguferð. 

Við hittumst kl.13 við Samfylkingarhúsið við Strandgötu 43 í Hafnarfirði og göngum undir leiðsögn Lovísu Christiansen um bæinn. Klukkan 14 verðum við komin aftur í Samfylkingarhúsið og þar mun formaður flokksins Kristrún Frostadóttir hitta okkur og ræða pólitíkina.

Einnig munum við ræða flokksstjórnarfundinn sem haldinn verður á Akureyri 14. október. En það fer rúta frá Reykjavík snemma morguns 14. október, fundurinn hefst upp úr hádegi í Hofi og svo verður gleði og kvöldverður. 60+ mun reyna að aðstoða við að finna gistingu og þið getið skráð ykkur á þann lista hjá okkur á miðvikudaginn 30. ágúst. 

Allir félagar 60+ annars staðar af landinu eru hjartanlega velkomnir

Gönguferð um Hafnarfjörð 60+ á höfuðborgarsvæðinu

Á síðustu vikum hefur flokkurinn staðið fyrir á fjórða tug opinna funda um land allt og fjölda vinnufunda með fólki af gólfinu og öðrum sérfræðingum. Heilbrigðismálin hafa verið í brennidepli og verða það áfram fram að næsta flokksstjórnarfundi. Útspil Samfylkingarinnar í heilbrigðismálum verður kynnt í haust og þá mun áherslan í málefnastarfinu færast yfir á atvinnu og samgöngur.

„Takk fyrir að gefa ykkur tíma“
Kristrún Frostadóttir, formaður Samfylkingarinnar, segist virkilega þakklát fyrir framlag allra þeirra sem hafa tekið þátt í vinnunni með einum eða öðrum hætti. „Ég vil bara segja við alla sem hafa tekið þátt: Takk fyrir að gefa ykkur tíma. Við kunnum virkilega vel að meta það og tökum því alls ekki sem sjálfsögðum hlut. Fyrsta skrefið var að halda alla þessa opnu fundu með almenningi og sérfræðingum um land allt. Og það hefur sannarlega gefið okkur mikinn efnivið og innblástur, “ segir Kristrún og tekur fram að á opnu fundunum hafi teiknast upp skýr mynd af raunhæfum væntingum fólksins í landinu um framfarir á sviði heilbrigðismála.

Sumarið fer í að vinna úr fundunum
Kristrún segir að frekari vinna sé framundan í sumar. „Við í forystu flokksins munum halda vinnunni áfram í sumar ásamt stýrihópnum um heilbrigðismál. Það er nóg af efni til að vinna úr. Núna í júní ætlum við að taka næstu skref og eiga fókuseraðri vinnufundi með fólki sem þekkir vel til heilbrigðisþjónustu og öldrunarmála á Íslandi og sem hefur skráð sig sérstaklega til leiks í málefnavinnuna með okkur,“ segir Kristrún sem bindur miklar vonir við vinnuna.

Boðar verklýsingu fyrir nýja ríkisstjórn
„Við ætlum að leggja til raunhæfar lausnir og forgangsröðun; verklýsingu fyrir nýja ríkisstjórn undir forystu jafnaðarfólks. Eftir sumarið verðum við komin lengra með vinnuna og þá munum við aftur virkja með okkur hinn almenna flokksfélaga og aðra landsmenn sem vilja leggja okkur lið.“

Í stýrihópi Samfylkingarinnar um heilbrigðismál sitja þau Anna Sigrún Baldursdóttir úr Reykjavík sem er formaður hópsins, Guðný Birna Guðmundsdóttir frá Reykjanesbæ og Sindri Kristjánsson frá Akureyri.

Samfylkingin vill þakka hundruðum Íslendinga fyrir gott samtal um heilbrigðismál.

Góður gangur í málefnavinnu um heilbrigðismál

Boðað er til aðalfundar Hallveigar - Ungs Jafnaðarfólks í Reykjavík. Fundurinn verður haldinn föstudaginn 18. ágúst á Hallveigarstíg 1.

Dagskrá:
1. Fundarsetning
2. Kosning fundarstjóra og ritara
3. Skýrsla stjórnar
4. Skýrsla gjaldkera
5. Lagabreytingar
6. Umræður og afgreiðsla stjórnmálaályktunar
7. Kosning stjórnar
8. Kosning skoðunarmanna reikninga
9. Önnur mál

Framboð til stjórnar og skoðunarmanna reikninga skulu send á hallveig@uj.is.

Stjórnarseta í Hallveigu er til eins árs. Stjórnin samanstendur af forseta og 4-9 meðstjórnendum. Þá er óskað eftir framboðum í tvær stöður skoðunarmanna reikninga.

Eftir fundinn stefnum við á að skála saman og gera okkur glaðan dag.

Verið velkomin í laugardagskaffið í Sunnuhlíðinni. 

Síðasta laugardagskaffi fyrir sumarfrí. 

Þar skuldbundu ríki heims sig til að grípa til aðgerða svo að hækkun hitastigs í lofthjúpi Jarðar færi aldrei yfir 2°C og stefnt skyldi að því að takmarka hækkun hitastigs við 1,5°C til að lágmarka röskun loftslags. Að undanskildum samdrætti í losun gróðurhúsalofttegunda vegna heimsfaraldurs hefur útblástur stefnt í þveröfuga átt frá því að fundað var í París. Afleiðingarnar láta ekki á sér standa: fordæmalausar hitabylgjur og þurrkar, gróðureldar, úrkoma aurskriður og flóð. Tvö nýleg dæmi um hörmulegar afleiðingar hamfarahlýnunar á fólk eru gróðureldar og ofsaveður á Lahaina á Hawaii og í Yellowknife í Kanada.

Loftslagsráð lauk fjögurra ára skipunartíma sínum í sumar. Á þessari stundu er ekki ljóst hvort eða hvernig umhverfis-, orku- og loftslagsráðherra hyggst halda starfi þess áfram. Í uppgjöri ráðsins frá 15. júní sl. leggur það mat á árangurinn sem náðst hefur og ekki náðst í aðgerðum til að draga úr losun gróðurhúsalofttegunda. Þar má lesa kurteisislega brýningu til stjórnvalda sem er rituð af þekkingu og þunga sem ekki sést á hverjum degi í opinberum plöggum. Þar segir orðrétt: „Við blasir að aðgerðir stjórnvalda í loftslagsmálum hafa ekki skilað tilætluðum árangri. Samdráttur hefur einungis náðst á nokkrum sviðum en heildarlosun hefur aukist. Markviss loftslagsstefna með tímasettum og mælanlegum markmiðum liggur enn ekki fyrir, þó svo að aðgerðaáætlun sé til staðar.“

Markmiðin enn óljós og ófullnægjandi

Eins og staðan er í dag bendir flest til þess að Ísland nái ekki að uppfylla skuldbindingar sínar um samdrátt fyrir 2030 og kolefnishlutleysi fyrir 2040, segir einnig í uppgjöri Loftslagsráðs. Það er því full ástæða til að spyrja hvar aðgerðir stjórnvalda í loftslagsmálum standi. Engar fréttir hafa borist af þeim í langan tíma og morgunljóst að markmið Íslands um samdrátt í losun gróðurhúsalofttegunda eru jafn óljós og ófullnægjandi og þau voru sumarið 2022 þegar Loftslagsráð lýsti þeim með þessum orðum.

28. loftslagsráðstefnan (COP28) verður haldin í Sameinuðu arabísku furstadæmunum í árslok. Forseti ráðstefnunnar er Sultan Al Jaber sem einnig gegnir stöðu forstjóra hins ríkisrekna olíufélags furstadæmanna. Það hefur verið fróðlegt að fylgjast með aðdraganda COP28 en olíuforstjórinn segist meðvitaður um nauðsyn þess að draga úr olíunotkun. Á það mun reyna svo um munar í Dúbaí en það mun ekki síður reyna á aðrar sendinefndir. Hyggst íslenska sendinefndin mæta til leiks á COP28 af fullri ábyrgð og alvöru? Mun hún leggja fram tíma- og tölusettar aðgerðir Íslands í loftslagsmálum til 2030? Eftir því verður tekið.

Greinin birtist í Morgunblaðinu 22. ágúst 2023. 

Átta ár eru í lok þess árs frá því að Parísarsamningurinn var gerður á milliríkjaráðstefnu um loftslagsmál.

Hvar standa aðgerðir Íslands í loftslagsmálum? 

Við í Samfylkingafélaginu í RVK ætlum því að enda starfið okkar þennan veturinn á vöfflukaffi þann 24 júní n.k. frá kl 11:00 til 13:00 á Hallveigarstíg 1.

Ásamt því að bjóða upp á vöfflur og tilheyrandi mun Kristrún formaður flokksins okkar heiðra okkur með nærveru sinni og spjalla við þá sem okkur vilja hitta. 

Við í SffR vonumst til að hitta ykkur sem flest.

Nú bíður sumarið okkar, og því vert að ljúka vetrastarfi og njóta sólar og frítíma saman.

Þátttakendur eru ungt fólk úr jafnaðarflokkum og alþýðusamböndum Norðurlanda. Kennsla fer fram í tveimur staðlotum (2-3 dagar) sem verða í Finnlandi haustið 2023 og í Danmörku vorið 2024. Þess á milli er námið á netinu.

Samfylkingin og ASÍ mega senda 3 fulltrúa hvor. Samfylkingin hvetur flokksfélaga á aldrinum 18-35 ára til að senda umsókn á samfylking@samfylking.is í síðasta lagi 20. júní. Skrifið í stuttu máli hvers vegna þið hafið áhuga á að taka þátt í Nordenskolan og hvers vegna þið yrðuð verðugir fulltrúar fyrir Samfylkinguna á þeim vettvangi!

Við val á fulltrúum Samfylkingarinnar verður leitast við að senda til leiks sterkan og fjölbreyttan hóp (m.a. með tilliti til reynslu, bakgrunns, búsetu og annarra þátta).

Nordenskolan er árlegt námskeið um norræna samfélagsmódelið sem er haldið á vegum SAMAK (Samráðsnefndar jafnaðarflokka og alþýðusambanda á Norðurlöndum).

Vilt þú fara í Nordenskolan 2023-2024?

Soffía Svanhvít Árnadóttir var kjörin forseti Hallveigar – Ungs jafnaðarfólks í Reykjavík á föstudag. Hún tekur við af Pétri Marteini Urbancic Tómassyni sem hefur gengt stöðunni undanfarin tvö ár.

Soffía Svanhvít er tuttugu ára nemi í félagsráðgjöf við Háskóla Íslands og hefur síðastliðið ár verið framhaldsskólafulltrúi í framkvæmdastjórn Ungs jafnaðarfólks.

Aðalfundur Hallveigar fór fram föstudaginn 18. ágúst, á Hallveigarstíg 1 í Reykjavík, og ný stjórn félagsins var kjörin á fundinum. Eftirfarandi náðu kjöri í stjórn Hallveigar 2023-2024:

Soffía Svanhvít Árnadóttir forseti, nemi í félagsráðgjöf við Háskóla Íslands

Agla Arnars Katrínardóttir, nemi í hagnýtri stærðfræði við Háskóla Íslands

Árni Dagur Andrésson, nemi í matvælafræði við Háskóla Íslands

Brynjar Bragi Einarsson, nemi við Menntaskólann í Hamrahlíð

Sigurður Einarsson Mäntylä, nemi í vöruhönnun við Listaháskóla Íslands

Steindór Örn Gunnarsson, nemi í húsasmíði við Fjölbrautaskólann í Breiðholti

„Þetta er öflugur og fjölbreyttur hópur ungs jafnaðarfólks í Reykjavík og ég hlakka til að vinna með þeim að því að styrkja starf Hallveigar enn frekar,“ sagði Soffía í tilkynningu.

„Ég held að meirihluti Íslendinga sé jafnaðarfólk inn við beinið“

„Ég vil gera stjórnmálin aðgengilegri fyrir allt ungt fólk; tala mannamál, hlusta og leyfa fólki að hafa sínar skoðanir. Verkefni okkar í UJ er að fylkja ungu fólki saman um jafnaðarstefnuna,“ segir Soffía Svanhvít um markmið sín sem forseti.

„Mér líst vel á áherslur Kristrúnar Frostadóttur, formanns Samfylkingarinnar, um að fara aftur í kjarna jafnaðarstefnunnar og leggja ofuráherslu á kjör, velferð og efnahag venjulegs fólks. Ég held að meirihluti Íslendinga sé jafnaðarfólk inn við beinið en það þarf að hvetja ungt fólk til meiri þátttöku í stjórnmálum og það vil ég gera,“ segir Soffía Svanhvít.

Soffía Svan­hvít kjörin for­seti Hall­veigar

Bæjarmálafundur verður haldinn í Stillholti 16 - 18 á morgun laugardaginn 10. júní kl. 10:30.


Öll velkomin 

Leit um „��“

2334 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Vertu í bandi:

Leit um „���������������������������“