Í grunnskólanum viljum við tryggja öllum börnum á Íslandi traustan grunn. Öll getum við lært en við erum ólík og lærum með ólíkum hætti. Grunnskólanám á að veita öllum tækifæri til að finna og rækta eigin styrkleika. Samfylkingin vill vinna gegn efnahags- og félagslegri aðgreiningu innan grunnskóla og á milli þeirra. Nám í grunnskóla á að vera að fullu gjaldfrjálst, þar með talið máltíðir og námsgögn.

Samfylkingin vill styrkja möguleika nemenda til að hafa áhrif á nám sitt, meðal annars með aukinni áherslu á val þeirra sjálfra um bæði inntak og aðferðir. Nemendur eiga að hafa sterka rödd þar sem teknar eru ákvarðanir um námskrá og annað sem snertir starfshætti skólanna. Mikilvægt er að bjóða holla og fjölbreytta fæðu í grunnskólum og flétta hreyfingu saman við daglegt skólastarf. List- og verknám á líka að vera stóraukinn hluti af leik og starfi barna í skólunum.

Við viljum vinna að aukinni samþættingu velferðar-, heilbrigðis- og menntakerfis til að samstilla sem best þjónustu við börn og ungmenni sem þurfa sérstakan stuðning og þjónustu af félagslegum, andlegum og líkamlegum toga.

Til að tryggja jöfn tækifæri allra barna á Íslandi vill Samfylkingin gera stórátak við að auka möguleika nemenda með annað móðurmál en íslensku til að njóta markvissrar íslenskukennslu í samræmi við þarfir hvers og eins, óháð búsetu. Þá er einnig mikilvægt að bjóða öllum börnum tækifæri til að verja auknum tíma í íslensku málumhverfi, svo sem með aðgengi að fjölbreyttum frístundum, námskeiðum utan skólatíma og/eða sumarskóla. 

Grunnskólar – byggjum traustan grunn

Stórefla þarf fangelsiskerfið á Íslandi sem hefur verið vanrækt um áratugaskeið með þeim afleiðingum að löng bið er eftir afplánun og dómar vegna afbrota fyrnast vegna plássleysis í fangelsum landsins. Samfylkingin styður því uppbyggingu fleiri fangelsa og endurnýjun þeirra sem nú eru í notkun, svo að fangar búi við heilnæmar aðstæður. Leggja þarf áherslu á samfélagslega endurhæfingu og betrun í fangelsum og að föngum bjóðist stuðningur við að fóta sig í samfélaginu á meðan á reynslulausn stendur og eftir að afplánun lýkur. 
Samfylkingin vill að stjórnvöld, atvinnulíf og menntakerfi taki höndum saman við að skapa viðeigandi úrræði fyrir fanga, þ.m.t. meðferðarúrræði, svo að fólk eigi þess kost að losna úr vítahring glæpa. Samfylkingin vill nýta reynslu félagasamtaka sem vinna að hagsmunum fanga til að móta stefnu í málaflokknum.Þá þarf að styrkja eftirlit með aðstæðum frelsissviptra (OPCAT eftirlit) á vegum embættis Umboðsmanns Alþingis.

Mannúðlegt fangelsiskerfi

Kraftmiklir háskólar eru lykillinn að því að skapa samfélag jöfnuðar og þekkingar á Íslandi. Bakgrunnur, fjárhagur og félagsleg staða fólks á ekki að koma í veg fyrir að það afli sér menntunar. Efla þarf fjárhagslegt stuðningskerfi námsmanna, húsnæðiskerfi og þjónustu við nemendur innan háskólanna.

Hátt menntunarstig þjóðarinnar er lykillinn að aukinni framleiðni og bættum lífskjörum til lengri tíma. Rannsóknir í háskólum eru gangvirki nýsköpunar innan skólanna og utan. Samfylkingin leggur áherslu á að opinber fjárframlög á hvern skráðan háskólanema nái meðaltali norrænu ríkjanna þannig að fjármögnun háskóla standist alþjóðlegan samanburð. Við viljum að gerðar séu ríkar kröfur um framþróun í kennsluháttum og kennslumati íslenskra háskóla í takti við það sem best gerist í heiminum.

Samfylkingin vill að ríkið styðji með markvissum hætti við uppbyggingu öflugra klasa um land allt þar sem atvinnulíf og menntastofnanir mætast með gagnkvæmum ávinningi. Til að ná sem bestum árangri er mikilvægt að móta framsækna atvinnustefnu fyrir allt Ísland. Vísindaþorp geta verið mikil lyftistöng fyrir nýsköpunar- og þekkingariðnaðinn og framfaraskref fyrir háskóla á Íslandi.

Samfylkingin vill bæta aðgengi að framhaldsnámi í listum. Standa þarf vörð um tónlistarskóla og stuðla að jöfnum tækifærum barna og ungmenna til tónlistarnáms.

Tryggja þarf að fólk af erlendum uppruna með háskólamenntun geti fengið menntun sína metna á Íslandi en jafnframt að nemendum með annað móðurmál en íslensku bjóðist sem fjölbreyttast háskólanám á Íslandi. Að sama skapi vill Samfylkingin tryggja að háskólanám verði inngildandi og aðgengilegt fötluðum nemendum. Endurskoða þarf stuðningsþjónustu með tilliti til þekkingar og reynslu.

Samfylkingin leggst alfarið gegn skólagjöldum og skráningargjöldum í opinberum háskólum. Menntun er fjárfesting samfélagsins í einstaklingum og á að vera gjaldfrjáls.

Háskólar og rannsóknir – aflvaki félagslegs hreyfanleika og nýjunga í tækni og hugmyndum

Svo lengi lærir sem lifir. Áskorunum samtímans og framtíðarinnar verður eingöngu mætt með þekkingaröflun. Vægi símenntunar verður sífellt meira og tryggja þarf hindrunarlausan aðgang að henni, ekki síst fyrir fólk í atvinnuleit. Öll þurfum við að fá tækifæri til að takast á við breytingar í starfi vegna sjálfvirknivæðingar eða annarra þátta sem geta haft áhrif á starfsgrundvöll heilla atvinnugreina. Gera verður fólki á vinnumarkaði kleift að uppfæra þekkingu sína og skipta um starfssvið.

Samfylkingin leggur áherslu á að hið opinbera og samtök launafólks og atvinnurekenda greini þörfina fyrir virk sí- og endurmenntunarúrræði til að mæta breytingum á þeim störfum sem einstaklingum bjóðast. Þá viljum við  að launafólki bjóðist endurgjaldslaus sí- og endurmenntun sem hluti af virkri atvinnuleit við missi atvinnu. Stöðug sí- og endurmenntun á að vera hluti af starfskjörum launafólks á vinnumarkaði. Að sama skapi er brýnt að fullorðið fólk hafi aðgang að náms- og starfsráðgjöf, raunfærni sé metin og að menntun innflytjenda fáist viðurkennd og metin til launa á Íslandi. Samfylkingin vill auka fjármagn í þróun á námsefni fyrir íslensku sem annað mál. Margir á íslenskum vinnumarkaði hafa stutta formlega skólagöngu. Samfylkingin mun beita sér fyrir því að ljúka heildarendurskoðun á framhaldsfræðslu í landinu auknum fjárframlögum hins opinbera til framhaldsfræðslunnar í landinu svo hún megi halda áfram að þróast og ná til fleiri.

Loks vill Samfylkingin að fólki sem ekki hefur íslensku að móðurmáli bjóðist íslenskukennsla sem er gjaldfrjáls, aðgengileg á fjölbreyttu formi og hentar vinnandi fólki. 

Sí- og endurmenntun – uppfærum þekkinguna

Allar ákvarðanir og ráðstafanir yfirvalda gagnvart börnum skulu byggjast á þeirri grundvallarreglu barnasáttmála Sameinuðu þjóðanna að það sem er barni fyrir bestu hafi ávallt forgang. Stjórnvöld eiga að sýna börnum virðingu og veita þeim tækifæri til að tjá sig um mál sem þau varða með formlegum hætti. Efla þarf ungmennaráð sveitarfélaga og halda reglulega samráðsfundi með börnum og ungmennum um mál sem þau varða. Mikilvægt er að tryggja að ungmennaráð og þátttakendur samráðsfunda endurspegli fjölbreytileika samfélagsins og gera ráðstafanir þannig að svo sé. Börn eiga að njóta vafans þegar grunur er um ofbeldi á heimili. Bæta þarf lagaumhverfi og lagaframkvæmd barnaverndar- og umgengnismála með hliðsjón af þessu.

Vellíðan barna í daglegu lífi leggur grunn að árangri í skóla- og frístundastarfi, að heilbrigði og að virkri þátttöku í samfélaginu. Samfylkingin vill að börn fái snemmtækan stuðning sem mætir misjöfnum þörfum þeirra og þá þjónustu sem börn eiga rétt á og þurfa til jöfnunar aðstöðumunar og til að þau geti nýtt hæfileika sína og liðið vel. 

Barnvænt samfélag

Samfylkingin beitir sér fyrir jöfnum tækifærum allra til náms.

Menntun skapar skilyrði fyrir lýðræðislegt samfélag víðsýni og réttlætis þar sem borgararnir hafa sjálfstraust og sækja lífsfyllingu í þátttöku. Við tökumst á við stærstu viðfangsefni samtímans með þekkingu, sköpun og vísindi að vopni.

Menntakerfi sem tryggir öllum tækifæri

Samfylkingin leggur ríka áherslu á að allir landsmenn geti notið gróskumikils menningarlífs og átt kost á þátttöku í menningarstarfi í sínu nærsamfélagi. Við viljum tryggja almennt aðgengi að listum og menningu óháð efnahag, búsetu, uppruna eða stöðu að öðru leyti. Mikilvægt er að styðja við menningu og listir um allt land, t.a.m. í gegnum sóknaráætlanir landshluta.

Þátttaka í hvers kyns menningarstarfi stuðlar að menntun og þroska okkar sem einstaklinga og þess vegna er það sérstakt kappsmál jafnaðarfólks að öll börn og ungmenni njóti jafnra tækifæra á því sviði. Samfylkingin beitir sér fyrir fjölbreyttu og öflugu listnámi á Íslandi og faglegri listgreinakennslu á öllum skólastigum. Samfylkingin vill  gera listkennslu hærra undir höfði en nú er gert í grunn- og framhaldsskólum. Þá þarf að tryggja aðgengi að listnámi á háskólastigi óháð efnahag, búsetu, uppruna eða stöðu að öðru leyti. Við viljum auka aðgengi fatlaðra nemenda að listnámi.

Samfylkingin vill hlúa að fjölmenningarsamfélagi og menningarlegum fjölbreytileika á Íslandi. Brýnt er að auðvelda listafólki af erlendum uppruna þátttöku í lista- og menningarstarfi í landinu og styðja við að fólk sem ekki hefur íslensku að móðurmáli sé sýnilegt í listum og í fjölmiðlum, þar á meðal á vettvangi Ríkisútvarpsins. 

Almennt aðgengi að listum og menningu

Menntakerfð frá leikskóla til háskóla er lykilþáttur í samfélagssýn jafnaðarstefnunnar því það stuðlar að jöfnuði i samfélaginu. Menntun skapar skilyrði fyrir lýðræðislegt samfélag víðsýni og réttlætis þar sem borgararnir hafa sjálfstraust og sækja lífsfyllingu í þátttöku. Við tökumst á við stærstu viðfangsefni samtímans með þekkingu, sköpun og vísindi að vopni.

Samfylkingin beitir sér fyrir jöfnum tækifærum allra til náms. Menntastofnanir eiga að vera aðgengilegar, vettvangur þar sem enginn hópur er skilinn eftir og þar sem öll eiga möguleika á að rækta hæfileika sína og afla sér þekkingar á eigin forsendum og í þágu samfélagsins alls. Allt skólastarf á að byggjast á virðingu fyrir margbreytileika og mannréttindum.

Samfylkingin leggur áherslu á að efla stoðþjónustu á öllum skólastigum. Einnig þarf að stíga afgerandi skref til að efla geðheilbrigði, með greiðuaðgengi að sálfræðiþjónustu í skólum, félagsráðgjöf, náms- og starfsráðgjöf og sambærilegum stuðningi. Þarf áhersla á geðheilbrigði að hefjast strax á fyrsta skólastigi. Við viljum tryggja að allir nemendur sem ekki hafa íslensku að móðurmáli fái fyrsta flokks íslenskukennslu, frá leikskóla upp í háskóla, og aukna aðstoð við móðurmálsnám. Auka ber aðgengi fullorðinna innflytjenda að íslenskunámi, meðal annars í tengslum við vinnustaðina. Inngilding innflytjenda innan skólakerfisins er áreiðanlegasta leiðin til virkrar þátttöku í íslensku samfélagi. 

Menntun og skólastarf þarf að vera í stöðugri þróun til að mæta nýjum áskorunum og nýjum tækifærum. Samfylkingin vill stuðla að nýsköpun og þróunarstarfi í grunnskólum með öflugum styrktarsjóðum, markvissum starfsþróunartækifærum, víðtækum rannsóknum og faglegum stuðningi. Samfylkingin vill auka rannsóknarstyrki í menntarannsóknum sérstaklega til nýrra doktorsrannsókna og þannig stuðla að nýliðun á meðal háskólakennara í menntavísindum. Þá er brýnt að bæta starfsskilyrði og starfsumhverfi kennara og skólastjórnenda sem lykilaðila í farsælu skólastarfi þannig að faglært fólk kjósi að starfa í menntakerfinu. Þróa þarf fjölþættan stuðning við starfsfólk skóla um allt land.

Við leggjum grunn að lífskjarasókn almennings til framtíðar með því að fjárfesta í fólki og fjárfesta í menntun.  Framtíð íslensks samfélags byggist á hugviti og sköpunargáfu, tækni og verkkunnáttu. Þannig viljum við virkja auðlindir hugans í auknum mæli og þar leikur menntakerfið lykilhlutverk.

Vægi símenntunar verður sífellt meira á tímum örrar tækniþróunar og brýnt er að bjóða atvinnuleitendum endurgjaldslausa starfsþróun. Sú nálgun er samofin norrænni jafnaðarstefnu og forsenda þess að við uppfyllum markmið okkar í efnahags- og atvinnumálum. 

Samfylkingin vill ráðast í markvissar aðgerðir til að bæta réttarstöðu og þolendavæna aðstoð við brotaþola í öllum málum með sérstaka áherslu á ofbeldi í nánum samböndum og kynferðisbrotamál. Mikilvægt er að halda áfram að þróa og innleiða nálgun á landsvísu þar sem hugað er sérstaklega að börnum sem beinum eða óbeinum þolendum ofbeldis. Börn eiga að njóta vafans þegar grunur er um ofbeldi á heimili.

Þolendur eiga að geta gerst aðilar að sakamáli eða að njóta flestra þeirra réttinda sem felast í málsaðild líkt og tíðkast í flestum norrænu ríkjunum. Samfylkingin vill tryggja gjafsókn, auka aðgengi að og upplýsingagjöf um hana. Þá vill Samfylkingin einnig tryggja gjaldfrjálsa lögfræðiráðgjöf til fólks sem á rétt á gjafsókn og túlka- og táknmálsþjónustu eftir þörfum. Efla þarf sálrænan, félagslegan og eftir atvikum efnahagslegan stuðning við þolendur heimilis- og kynferðisofbeldis.

Öll mál verða að fá skjóta og vandaða málsmeðferð í réttarkerfinu. Fái sakborningur refsilækkun vegna tafa hjá ákæruvaldi eða dómstólum ætti brotaþoli jafnframt að eiga rétt til tafabóta af hálfu ríkisins. Jafnframt þarf að fjölga fyrirbyggjandi aðgerðum og úrræðum fyrir gerendur ofbeldis innan fangelsis og utan. 

Viðbrögð við mansali eiga að vera í samræmi við lög og alþjóðlegar skuldbindingar Íslands. Tryggja þarf sterkari lagalegan ramma utan um mismunandi birtingarmyndir mansals auk þess sem viðbrögð við mansali þurfa að verða þolendavænni. Tryggja þarf brotaþola langtímastuðning og öryggi meðan mál eru í rannsókn og eftir að dómur fellur.

Markvisst þarf að vinna að forvörnum og fræðslu gegn ofbeldi og mansali í samvinnu við sveitarfélög um allt land, lögreglu, grasrótarhreyfingar og jaðarsetta hópa sem hætt er við misnotkun. Þolendur þurfa að fá félagslegan stuðning og ráðgjöf. Taka þarf sérstaklega utan um jaðarsetta þolendur ofbeldis, svo sem fatlað fólk, fólk af erlendum uppruna og transfólk, enda eru þeir hópar í meiri hættu á að verða fyrir ofbeldi. Stuðningur og úrræði þurfa að taka mið af þörfum hvers hóps fyrir sig. 

Þolendavænt réttarkerfi

Samfylkingin vill efla hlutverk Menntasjóðs námsmanna sem félagslegs jöfnunarsjóðs og lítur á sjóðinn sem tæki stjórnvalda til þess að fjárfesta í menntun. Fyrirbyggja þarf að styrkjakerfi lánasjóðsins gagnist fyrst og fremst þeim sem betur eru settir á kostnað þeirra sem helst þurfa á styrk að halda. Sjóðurinn á fyrst og fremst að vera styrktarsjóður í þágu námsmanna og styðja með sanngjörnum hætti við nemendur hvort sem þeir læra á Íslandi eða erlendis. Þetta er lykilatriði til að byggja megi upp kraftmikið þekkingarhagkerfi á Íslandi.

Samfylkingin vill lækka vaxtaþakið á þeim hluta námsstyrkja sem er lán, að lágmarksframvindukröfur verði 18 ECTS-einingar og að tekjutenging afborgana nái til allra stúdenta. Nauðsynlegt er að grunnframfærsla námsmanna dugi fyrir almennum framfærslukostnaði og haldi í við launaþróun. Leiðrétta verður það ranglæti að námsfólki sé neitað um áunninn rétt til atvinnuleysistrygginga í námshléum þrátt fyrir að tryggingagjald sé innheimt af launum stúdenta eins og annarra. Viðurkennt framhalds- eða háskólanám á ekki að rjúfa samfellu á vinnumarkaði við ákvörðun um rétt til fæðingarorlofs.

Leit um „��"

3374 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3374 niðurstöður fundust við leit að „���������������������������������������������������"