Samfylkingin í Hafnarfirði efnir til bæjarmálafundar mánudaginn 22. september kl. 20:00, í sal Samfylkingarinnar í Hafnarfirði Strandgötu 43. 

Gestir fundarins verða Valgerður Sigurðardóttir, formaður Félags eldri borgara í Hafnarfirði og fulltrúar úr stjórn félagsins og ræða við okkur um málefni félagsins og framtíðarsýn þess.

Einnig munum við ræða önnur málefni bæjarins, bæjarfulltrúar og fulltrúar flokksins í ráðum og nefndum sitja fyrir svörum.

Hittumst og ræðum málin í góðum félagsskap.
Öll velkomin!

Samfylkingin – jafnaðarflokkur Íslands er stjórnmálaflokkur í þjónustu þjóðar. Samfylkingin er sá stjórnmálaflokkur sem stendur með venjulegu fólki og passar upp á Ísland.

Það gerum við best með því að skila árangri sem munar um fyrir hinn almenna mann í daglegu lífi. Með því að leiða breytingar og tryggja að ríkið virki. Með því að hrista upp í kerfinu þegar við á um leið og við verndum og varðveitum það sem bindur okkur öll saman og viðheldur samheldni okkar sem þjóð.

Það er leiðarljós ríkisstjórnar Kristrúnar Frostadóttur að vekja aftur von og trú fólks á að stjórnmálin geti virkað og verið stolt yfir því sem við getum áorkað saman. Við ölum á samstöðu en ekki sundrungu og erum staðráðin í að færa fólkið í landinu nær hvert öðru en ekki fjær – með virðingu fyrir fólki og ólíkum sjónarmiðum. Þetta sýnum við bæði í orði og á borði.

Höfuðverkefni ríkisstjórnarinnar í vetur eru tiltekt og verðmætasköpun. Samfylkingin leggur mesta áherslu á að ríkisstjórnin geri allt sem hún getur til að standa við loforð sitt til kjósenda um að lækka kostnað heimila og fyrirtækja – með því að gera meira hraðar í húsnæðis- og efnahagsmálum.

Á sama tíma hefjumst við handa við að styrkja öryggi og innviði Íslands. Það gerum við til að mynda með uppbyggingu á vegum og orkuinnviðum, eflingu á löggæslu og í réttarvörslukerfinu, öruggum skrefum í heilbrigðis- og öldrunarmálum, ásamt margháttuðum aðgerðum til að efla úrræði vegna fíknisjúkdóma og geðþjónustu fyrir börn og aldraða svo dæmi séu nefnd. Þá verða tekin markviss skref til að bæta afkomuöryggi öryrkja og eldra fólks í vetur og á næstu árum í samræmi við nýja fjármálaáætlun.

Samfylkingin fagnar ákvörðun ríkisstjórnarinnar um að ráðast strax í fulla jöfnun á dreifikostnaði raforku milli þéttbýlis og dreifbýlis og sömuleiðis um stóraukna áherslu á jarðhitaleit. Þá er skorað á ríkisstjórnina að byrja aftur að bora jarðgöng og gera það sem allra fyrst.

Þá leggur Samfylkingin áherslu á að gera kennurum og öðru starfsfólki í menntakerfinu betur kleift að mæta þörfum allra barna. Flokksstjórnarfundur Samfylkingarinnar fagnar áherslum ríkisstjórnarinnar um uppbyggingu verknámsskóla og áformum háskólaráðherra um gerð háskólastefnu.

Það er skylda okkar að bjóða fram krafta Samfylkingar og jafnaðarfólks í sveitarstjórnum sem víðast hringinn í kringum landið. Jafnaðarmenn munu sækja fram í sveitarstjórnarkosningunum næsta vor og halda til haga grunngildum klassískrar jafnaðarstefnu um frelsi, jafnrétti og samstöðu. Við viljum tryggja tækifæri allra landsmanna til menntunar og atvinnu við hæfi ásamt aðgengi að lífsins gæðum og umönnun í blíðu og stríðu, eftir þörfum, frá vöggu til grafar.

Í sveitarstjórnum er meginverkefni okkar að leiða breytingar, laga vandamál og létta undir með fólki í daglegu lífi. Þess vegna verður fyrsta forgangsmálið í málefnavinnu Samfylkingar „daglega lífið“ og saman munum við banka á dyr hjá heimilum, stofnunum og fyrirtækjum næstu misserin – og spyrja: Hvernig léttum við lífið þitt? Á flokksstjórnarfundi Samfylkingar í vor kynnum við svo nýtt útspil með afmörkuðum og raunhæfum aðgerðum til að bæta daglega lífið hjá fólkinu í landinu.

Það er mikilvægt fyrir Ísland að þessi vinna Samfylkingar takist vel og að áherslur jafnaðarfólks nái enn sterkari fótfestu í sveitarstjórnum landsins eftir kosningarnar þann 16. maí árið 2026.

Um leið og búið er í haginn fyrir daglegt líf venjulegs fólks munum við haga öllum aðgerðum þannig að þær styðji sjálfbæra þróun til hagsbóta fyrir komandi kynslóðir.

Samfylkingin lýsir yfir eindregnum áframhaldandi stuðningi við Úkraínu í varnarstríði sínu. Ógnir steðja að nágrannaríkjum okkar. Brýnt er að ríkisstjórnin rækti áfram stöðu Íslands sem öflugs bandamanns, sem er málsvari lýðræðis og alþjóðalaga. Einnig skal efla viðnámsþrótt Íslands, ekki síst gagnvart fjölþáttaógnum, falsfréttum og upplýsingaóreiðu.

Flokksstjórn Samfylkingarinnar – jafnaðarflokks Íslands hvetur ríkisstjórnina jafnframt til að beita sér áfram á alþjóðlegum vettvangi, og af aukinni festu, til að stöðva framgöngu Ísraelsríkis í Palestínu. Viðbrögð alþjóðasamfélagsins hafa valdið sárum vonbrigðum. Það er siðferðisleg skylda ríkja að grípa inn í og stöðva þjóðernishreinsanir. Samkvæmt niðurstöðu rannsóknarnefndar Sameinuðu þjóðanna í málefnum hernumdu svæðanna í Palestínu og Ísrael er verið að fremja þjóðarmorð á Gaza. Samfylkingin mun halda áfram að auka alþjóðlegan þrýsting  á Ísraelsríki til að hætta árásum á Gaza og eiga frumkvæði og aðild að tillögum um sameiginlegar aðgerðir sem stuðla að afnámi hernámsins og virðingu fyrir fullveldi Palestínu.

Flokksstjórn Samfylkingar á Hellu 27. september 2025

Samþykkt á flokksstjórnarfundi Samfylkingar á Hellu 27. september 2025.

Á reglulegum landsfundi er kosið í embætti formanns laganefndar og var það gert á landsfundi í apríl 2025. Sökum óviðráðanlegra aðstæðna hefur sú staða losnað og er því óskað eftir framboði í embættið. Kosið verður í embættið á haustfundi flokksstjórnar á Hótel Stracta, Hellu, laugardaginn 27. september, framboðsfrestur rennur út sama dag kl. 12:00. Nöfn þeirra sem hafa gefið kost á sér verða birt kl. 11:00 miðvikudaginn 24. sept., og bætt við eftir því sem framboð berast.

Hér er hægt að senda inn framboð: https://forms.gle/BvteMAGpmsGGgfky5

Aðeins flokksstjórn á fundi hefur atkvæðisrétt.

Kosning fer fram á fundinum og niðurstöður verða kynntar á fundinum eftir að kjörstjórn hefur lokið sínum stöfum.

Vinsamlegast hafið samband við samfylking@samfylking.is ef þið hafið einhverjar spurningar.

Óskað eftir framboði í formann laganefndar

Spjallkaffi Samfylkingarinnar í Reykjavík 60+ verður á sínum stað miðvikudaginn 1. október kl. 10:00 - 12:00 í sal Samfylkingarinnar, Hallveigarstíg 1, 101 Reykjavík.

Gestur okkar verður Ólafur Þ. Harðarson prófessor í stjórnmálafræði.

Það verður heitt á könnunni og eitthvað með því.

Verið öll velkomin!

Verkalýðsmálaráð Samfylkingarinnar efnir til málstofu um nýtt örorku- og endurhæfingarlífeyriskerfi og áhrif þess á lífeyrissjóðina. 

Málstofan verður haldin laugardaginn 27. sept. kl. 10:00-11:30, í Tryggvaskála á Selfossi.

Finnbjörn Hermannsson forseti ASÍ, Kristrún Frostadóttir forsætisráðherra og Sigríður Margrét Oddsdóttir framkvæmdastjóri Samtaka atvinnulífsins.

Málstofa: Nýtt örorku- og endurhæfingarlífeyriskerfi

Spjallkaffi Samfylkingarinnar í Reykjavík 60+ verður á sínum stað miðvikudaginn 24. september kl. 10:00 - 12:00 í sal Samfylkingarinnar, Hallveigarstíg 1, 101 Reykjavík.

Gestur okkar verður Magnea Marinósdóttir alþjóðastjórnmálafræðingur.

Flokksstjórnarfundur er opinn öllu Samfylkingarfólki og öðrum sem hafa áhuga á að kynnast starfi flokksins.

Á fundinum gefst færi á opnu og milliliðalausu samtali við forystu Samfylkingar á landsvísu og í sveitarstjórnum. Stjórn flokksins kynnir upplegg að málefnavinnu Samfylkingar í vetur og fram að næsta landsfundi. Einnig verður boðið upp á áhugaverð erindi um málefni Suðurlands og almennar umræður að vanda.

Dagskrá:
 8:30     Lagt af stað frá Reykjavík til Hellu – Rútan fer frá bílastæði við Hús verslunarinnar
10:30    Heimsókn um Hellu - Eggert Valur Guðmundsson leiðir hópinn á valda staði
12:00    Skráning og létt hádegissnarl
12:30    Fundur settur
12:35    Kynning á stjórnmálaályktun
12:40    Ræða formanns
13:10    Samtal við salinn – Þingmenn og ráðherrar fara yfir áherslumál þingsins
13:50    Kynning á forystu málefnanefnda
14:00    Kaffihlé og kosning í formann laganefndar og sátta- og trúnaðarnefnd hefst       
14:25    Nýr stýrihópur fer yfir forgangsmál í málefnastarfi og svarar spurningum
14:55    Daglegt líf – Reynslusögur úr nærumhverfinu
15:15    Upptaktur fyrir sveitarstjórnarkosningar
16:00    Niðurstöður kynntar úr kosningum
16:05    Almennar umræður, afgreiðsla tillagna og ályktun fundarins   
17:05    Fundi slitið        
17:05    Gleðistund og frjáls tími - heitir pottar og gufuböð eru á svæðinu

Nýkjörinn forseti UJ, Jóhannes Óli og þingmaðurinn Sigmundur Ernir sjá um að stýra dagskrá kvöldsins vel og örugglega.

Skemmtinefnd Suðurlands verður með óvænt atriði og tónlistarmaðurinn Ívar Daníels sér um fjörið þegar líða tekur á kvöldið.

11:00    Rútan leggur af stað til Reykjavíkur 

Stjórnmálaályktun flokksstjórnar var samþykkt við lok fundarins. Hana má nálgast hér að neðan.

Allar ályktunartillögur fyrir reglulega flokkstjórnarfundi, sem aðrir flytja en stjórn eða framkvæmdastjórn, þurftu að berast fyrir 13. september. Ein tillaga barst frá stjórn Samfylkingarfélagsins í Kópavogi, hana má kynna sér hér. 

Breytingatillaga stjórnar Samfylkingarfélagsins í Kópavogi.

Óskað er eftir framboðum í sátta- og trúnaðarnefnd flokksins.
Á fyrsta flokksstjórnarfundi eftir reglulegan landsfund skal kjörin þriggja manna sátta- og trúnaðarnefnd og einn nefndarmann til vara. Opnað hefur verið fyrir framboð í nefndina, en framboðsfrestur er 27. september kl. 12:00, kosið verður í nefndina á fundinum.

Óskað eftir framboði í formann laganefndar.

Sökum óviðráðanlegra aðstæðna hefur sú staða formanns laganefndar losnað og er því óskað eftir framboði í embættið. Opið er fyrir framboð, en framboðsfrestur er 27. september kl. 12:00. Kosið verður á fundinum.

Hér er hægt að kynna sér þau sem hafa boðið sig fram. Framboðsfrestur er 27. september kl. 12:00. 

Flokksstjórnarfundur Samfylkingarinnar fer fram laugardaginn 27. september á Hótel Stracta á Hellu. Fundurinn verður settur kl. 12:30 og lýkur með kvöldverði og skemmtun.

Flokksstjórnarfundur á Hellu: Samfylking í þjónustu þjóðar

Samfylkingarfélagið í Reykjavík gengst í vetur fyrir spjallfundum um Ísland og Evrópusambandið, og er gert ráð fyrir stuttum fundum mánaðarlega með einum gesti eða tveimur.

Fyrsti fundurinn verður núna á miðvikudaginn, 1. október, frá kl. 17 til um 18.30, á Hallveigarstíg 1, og er gestur okkar þá Magnús Árni Skjöld, formaður Evrópuhreyfingarinnar, og góður félagi okkar í Samfylkingunni gegnum árin. Við spjöllum um starf hreyfingarinnar, væntanlega þjóðaratkvæðagreiðslu og stöðu Evrópumálsins.

Næsti spjallfundur verður svo miðvikudaginn 5. nóvember, og þá spjallar við okkur Þorgerður Katrín Gunnarsdóttir utanríkisráðherra. Miðvikudaginn 3. desember mætir svo Dagur B. Eggertsson, sem með öðru er formaður Natónefndarinnar á alþingi.

Þetta spjall um Evrópu verður á lágu nótunum, fjarri kastljósi fjölmiðla, og er tilgangurinn bæði að fræðast og undirbúa sig fyrir atkvæðagreiðsluna um aðildarviðræður seinna á kjörtímabilinu.

Allir félagar velkomnir ‒ og takið með ykkur gesti! 

Aðalfundur Fulltrúaráðs Samfylkingarinnar í Reykjavík verður haldinn á Kastalakaffi, Suðurlandsbraut 72, mánudaginn 22. september kl. 17:00 - 18:30 

Á fundinum er kosið í stjórn FSR, aðeins fulltrúaráð hefur atkvæðisrétt. Aðalfundur FSR er opinn öllum félögum í Reykjavík með málfrelsi og tillögurétt. Atkvæðisrétt á fundum fulltrúaráðsins eiga eingöngu kjörnir fulltrúar ráðsins. 


Ennþá er hægt að gefa kost á sér í embætti, frestur er fram að fundi 22. september til kl. 17:15. Eftirfarandi hafa gefið kost á sér til kjörs.

Formaður: 
Björk Vilhelmsdóttir 

Gjaldkeri: 
Lilja Hrönn Önnudóttir Hrannarsdóttir

Sigfús Ómar Höskuldsson 

Meðstjórnendur: 
Ármann Leifsson  

Viðar Eggertsson 
 
Kosið verður með kjörseðlum inni á fundinum sjálfum. Kjörstjórn skipa Sigríður Ingibjörg Ingadóttir, formaður, Aðalheiður Frantzdóttir og Stein Olav Romslo. 

Vakni upp einhverjar spurningar varðandi framboð eða kosningar er hægt að hafa samband við formann kjörstjórnar í síma 895 0272.  


Dagskrá
1.     Skýrsla framkvæmdastjórnar

2.     Ársreikningar og árshlutareikningur þess árs sem aðalfundur er haldinn

4.     Skýrslur þingsveitar og borgarstjórnarflokks

c.     Kjör þriggja aðalmanna og fimm varamanna

7.     Kjör félagslegra skoðunarmanna

8.     Önnur mál: Tillaga stjórnar FSR um fulltrúa í Flokksstjórn

Fundarstjóri: Gunnar Alexander Ólafsson

Svæðisskipulagið sem er frá 2015 fól í sér gríðarlega framför og framtíðarsýn um metnaðarfulla, hagkvæma og spennandi framtíðarþróun höfuðborgarsvæðisins. Það hefur algerlega staðist tímans tönn. En hvað er undarlegt í umræðunni?

Í fyrsta lagi hefur verið búin til umræða um óeðlilegt neitunarvald sveitarfélaga. Sannleikskornið í því er að svæðisskipulag byggist á sameiginlegri niðurstöðu og samþykki allra sveitarfélaga sem að því standa. Spjótum hefur hins vegar verið beint að Reykjavíkurborg. Staðreyndin er þó sú að aðeins eitt sveitarfélag hefur hafnað tillögu frá öðru um breytingar á vaxtarmörkum í svæðisskipulagi sl. ár. Þetta er Kópavogur sem hafnaði tillögu Garðabæjar um breytingar á skipulagi á mörkum sveitarfélaganna.

Í öðru lagi hefur verið látið að því liggja að staðið hafi verið gegn tillögum að útþenslu byggðar utan vaxtarmarka í Hafnarfirði annars vegar og hins vegar eldri borgara byggð við Gunnarshólma í landi Kópavogs, austan Hólmsheiðar. Í hvorugu tilvikinu hefur komið fram formleg tillaga viðkomandi bæjarfélaga. Ekki er beðið eftir borginni heldur niðurstöðum áhættumats um mögulegt hraunrennsli úr Krísuvíkurkerfinu annars vegar og Bláfjallakerfinu hins vegar, auk upplýsinga um vatnsvernd, snjóþyngsli og áhrif hugmyndanna á umferð á stofnbrautum höfuðborgarsvæðisins. Slíkar grunnupplýsingar þurfa að liggja fyrir áður en afstaða er tekin.

Í þriðja lagi virðist hafa farið fram hjá mörgum að svæðisskipulagið felur í sér ný lönd, lóðir og byggingarheimildir fyrir gríðarlegan áframhaldandi vöxt innan núverandi vaxtarmarka. Eru til tölur um þetta? Já. Margir hafa bent á að fjölgun á svæðinu hefur verið um 70.000 íbúar á sl. 10 árum, sem var umfram spár. Miklu færri virðast hafa áttað sig á að sveitarfélögin taka reglulega saman hvað er hægt að byggja innan skipulagsins. Í Þróunaráætlun höfuðborgarsvæðisins sem síðast var tekin saman fyrir rúmu ári kemur fram að hægt er að bæta við 58.000 íbúðum innan vaxtarmarka. Það jafngildir byggingu heils Kópavogs, auk Hafnarfjarðar, Garðabæjar, Mosfellsbæjar og tíu Seltjarnarnesja, og það innan 15 ára. Reykjavík á mesta uppbyggingarmöguleika en Mosfellsbær og Garðabær geta tvöfaldast, Kópavogur stækkað um þriðjung og Hafnarfjörður um meira en helming. Ef 2,4 einstaklingar búa í hverri íbúð, eins og nú, má byggja íbúðir fyrir 145.000 nýja íbúa á höfuðborgarsvæðinu, innan vaxtarmarka.

Svæðisskipulagið hefur nefnilega reynst gott tæki til að stýra þróun svæðisins út frá heildarhagsmunum. Það er sveigjanlegt og stórhuga þegar uppbygging er annars vegar.

Höfundur er alþingismaður Reykvíkinga. dagur@althingi.is

Það er mikil kosningalykt af umræðu um svæðisskipulag höfuðborgarsvæðisins og vaxtarmörk höfuðborgarsvæðisins, sem eru hluti af því.

Leit um „��“

2862 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������“

2862 niðurstöður fundust við leit að „���������������������������“