Aðalfundur Samfylkingarfélagsins í Hveragerði verður haldinn í Þinggerði, Hótel Örk, mánudaginn 9. mars 2026 kl. 20:00.

Venjuleg aðalfundarstörf
Samþykktir félagsins
Sveitarstjórnarkosningarnar 16. maí nk.

Í haust þegar nýju leikskólarnir hafa fyllt plássin sín hefur meirihluti Reykjanesbæjar fjölgað leikskólaplássum um 175 pláss á kjörtímabilinu. Þar með eru leikskólar í sveitarfélaginu orðnir 12 talsins með yfir 1.200 pláss. Haustið 2025 munum við geta lækkað innritunaraldur leikskólabarna í 18-24 mánaða, líkt og við settum okkur markmið um að ná á kjörtímabilinu.

Meirihlutinn mun auk þess rýna tækifæri til enn frekari fjölgunar leikskólaplássa í fjárhagsáætlun næsta árs. Það gerum við því við vitum að til okkar flytjast um 1.000 manns á ári og talsverður fjöldi þeirra er börn.

Það er rétt að taka það fram að starfsfólkið í okkar leikskólum er einstaklega lausnamiðað. Það sést best á viðbrögðum þeirra til að taka á móti börnum frá Grindavík þegar náttúruhörmungarnar dundu yfir nágranna okkar. Alls tóku leikskólar Reykjanesbæjar við 54 börnum á leikskólaaldri á mjög stuttum tíma og fyrir þau viðbrögð erum við afar þakklát. Það er nefnilega áskorun að taka við hálfum leikskóla af börnum á augabragði.

Meirihlutinn í Reykjanesbæ hefur lagst í umtalsverða vinnu til að bæta starfsumhverfið í leikskólunum okkar. Við bjóðum starfsfólkinu okkar upp á frí milli jóla og nýárs, við bjóðum góð starfsskilyrði fyrir leiðbeinendur í námi til leikskólakennara, við höfum samræmt frí milli allra skólastiga í sveitarfélaginu og við höfum tryggt úrræði vegna styttingu vinnuvikunnar sem kemur þó ekki niður á þjónustu til foreldra og barna. Samhliða því höfum við ekki, líkt og nokkur sveitarfélög, hækkað leikskólagjöld til foreldra.

Auk þess sjáum við til þess að þeir foreldrar sem hafa ekki fengið leikskólapláss fyrir barnið sitt fyrir 18 mánaða aldur, greiða til dagforeldra sama gjald og þau hefðu greitt í leikskólagjöld.

Dagforeldrar í Reykjanesbæ hafa aldrei verið fleiri en nú og ætti foreldrum allra barna sem náð hafa 12 mánaða aldri að standa til boða að komast að hjá dagforeldrum.

Meirihluti Reykjanesbæjar er hvergi nærri hættur að vinna að leikskólamálum því við vitum hversu mikilvægir leikskólarnir okkar eru fyrir samfélagið okkar.

Greinin birtist í Víkurfréttum 13. júní 2025

Á yfirstandandi kjörtímabili hefur meirihluti Reykjanesbæjar forgangsraðað tæpum 3 milljörðum í uppbyggingu leikskóla til að fjölga leikskólaplássum.

Málflutningur Hildar Björnsdóttur, oddvita Sjálfstæðismanna í Reykjavík, þar sem hún fjallar um hina nýkynntu Reykjavíkurleið í leikskólamálum, vakti athygli okkar í síðastliðinni viku. Þar gagnrýnir Hildur leiðina fyrir það að reyna að stýra fjölskyldum í skertan vistunartíma og þannig færa vandamál leikskólakerfisins yfir á herðar vinnandi fólks. En Hildur segir að „Reykjavíkurleiðin leiði af sér bæði þjónustuskerðingu fyrir foreldra og auknar álögur fyrir vinnandi fólk - og fyllir foreldra sem fullnýta þjónustu leikskólanna óþarfa samviskubiti.”

Þessar staðhæfingar eru í hrópandi mótsögn við yfirlýsingar Ásdísar Kristjánsdóttur, bæjarstjóra Sjálfstæðismanna í Kópavogi, sem kallaði mun róttækari breytingar í þessa átt hér í bæ „allt aðra þjónustu og mun betri“ en þá sem áður var. Sjálfstæðisflokkurinn, sem og Hildur sjálf, hefur keppst við að mæra „Kópavogsmódelið“ og kallað eftir því að fleiri sveitarfélög taki það upp. Nálgun Reykjavíkurborgar í leikskólamálum er skynsamlegri og mætir þörfum barnafjölskyldna betur en Kópavogsmódelið.

Kópavogsmódelið gæti verið gulrót en er nú pískur

Í Kópavogi var farið of geyst í of harðar breytingar á leikskólakerfinu í takmörkuðu samráði við foreldra. Þar er einungis boðið upp á 30 klst. gjaldfrjálsa vistun á meðan Reykjavíkurleiðin ætlar að bjóða upp á 36 klst. gjaldfrjálst. Það skýtur því skökku við að heyra Sjálfstæðismenn í Reykjavík koma með harða gagnrýni á þær breytingar sem verið er að boða þar. Breytingarnar sem voru gerðar í Kópavogi hafa nefnilega verið harðlega gagnrýndar af foreldrum, hagsmunasamtökum og verkalýðsfélögum og rannsóknir benda til þess að mikil óánægja ríki um fyrirkomulagið.

Vandamálið í Kópavogi er að kostnaðarþátttaka foreldra hélst óbreytt eftir innleiðingu á Kópavogsmódelinu. Það þýðir að foreldrar, á heildina litið, borga um 12% af kostnaði við hvert leikskólapláss bæði fyrir og eftir breytingarnar. Raunar stóð upphaflega til að tvöfalda kostnaðarþátttöku foreldra en við það var hætt eftir hörð mótmæli. Á mannamáli þýðir þetta að þau 70% foreldra í Kópavogi sem ekki hafa tök á að fá gjaldfrjálsa vistun á leikskólum, og borga þess í stað dýrustu leikskólagjöld landsins, niðurgreiða leikskólagjöldin fyrir þau 30% sem geta nýtt sér gjaldfrjálsa vistun. Betra hefði verið að halda í öflugt þjónustustig og láta sveitarfélagið koma til móts við foreldra til að fjármagna gjaldfrjálsan leikskóla fyrir vistun sem hefði létt á mönnun. Þannig hefði verið hægt að halda leikskólagjöldum fyrir þau sem notast við hefðbundna 8 tíma vistun umtalsvert lægri en nú er.

Hér að neðan er munurinn á leikskólagjöldum hjá sambúðarfólki í millistétt sem að eiga tvö börn eins og þau eru í Kópavogi sem stendur og koma til með að verða í Reykjavík eftir breytingarnar. Við teljum það nokkuð augljóst hvor leiðin leggst þyngra á barnafjölskyldur.

Tekið skal fram að ef tekið er tillit til tekjutengdra afslátta er munurinn enn meiri á Reykjavík og Kópavogi, þar sem mun fleiri foreldrar koma til með að njóta afsláttar í Reykjavík en í Kópavogi.

Forgangsröðum þjónustu í þágu barnafólks

Hildiur tekur réttilega fram í sínum pistli að öflugt leikskólakerfi sé eitt mikilvægasta jafnréttistólið á sveitarstjórnarstiginu. Það geta undirritaðir jafnaðarmenn tekið undir enda hefur leikskólakerfið og breytingar á því sem Samfylkingin og forverar hennar leiddu verið veigamikill þáttur í framþróun jafnréttismála á Íslandi síðastliðna áratugi.

Þetta er spurning um pólitískan vilja; Sjálfstæðismenn virðast vera tilbúnir að leggja aukna gjaldtöku á barnafólk í sveitarfélögum þar sem þeir eru í meirihluta en gera aðrar kröfur í öðrum sveitarfélögum. Stefna Samfylkingarinnar er sú sama óháð því hver er við stjórnvölinn - að forgangsraða þjónustu í þágu barnafólks jafnt um allt land.

Áherslur okkar í Samfylkingunni í Kópavogi eftir komandi kosningar verða í þá átt að koma til móts við barnafjölskyldur með það að sjónarmiði að létta álögur á barnafólk með því að lækka leikskólagjöld, auka systkinaafslátt og taka skref til að auka fjölda klukkustunda sem standa til boða gjaldfrjálst. Það á ekki að refsa barnafjölskyldum fyrir að þurfa að nýta sér þjónustu sveitarfélagsins.

Höfundar skipa 1. og 2. sæti lista Samfylkingarinnar í Kópavogi

Í Kópavogi var farið of geyst í of harðar breytingar á leikskólakerfinu í takmörkuðu samráði við foreldra. Þar er einungis boðið upp á 30 klst. gjaldfrjálsa vistun á meðan Reykjavíkurleiðin ætlar að bjóða upp á 36 klst. gjaldfrjálst.

Kópavogsmódelið leggst þyngra á barna­fjöl­skyldur en Reykjavíkurleiðin

Kaffispjall 60+ í Hafnarfirði fimmtudaginn 12. mars kl. 10:30 í húsnæði Samfylkingarinnar að Strandgötu 43.

Líflegar umræður, heitt á könnunni og kruðerí á boðstólnum.

Öll hjartanlega velkomin! 

Listi Samfylkingarinnar í Ísafjarðarbæ fyrir næstu sveitarstjórnarkosningar er þannig skipaður:

1.  Gylfi Þór Gíslason, lögreglumaður         Ísafirði

2.  Finney Rakel Árnadóttir, aðstoðarskólastjóri Ísafirði

3.  Svanfríður Guðrún Bergvinsdóttir, nemi Ísafirði

4.  Guðmundur Ólafsson, sjávarútvegsfræðingur Þingeyri

5.  Sigurður Hreinsson, véliðnfræðingur               Ísafirði

6.  Hrafnhildur Hrönn Óðinsdóttir, stjórnmálafr.   Ísafirði

7.  Jónína Eyja Þórðardóttir, umsjónarmaður        Önundarfirði

8.  Helgi Karl Guðmundsson, rafmagnstæknifr.     Ísafirði

9.  Úlfar Logason, ljósmyndari                               Flateyri

10. Sigurrós Elddís Huldudóttir, lýðheilsufr.          Ísafirði

11, Iwona Maria Samson, sérkennari                     Ísafirði

12. Gísli Már Guðjónsson, rafvirki                          Ísafirði

13. Sveinberg Þór Birgisson, húsvörður                 Ísafirði

14. Inga María Guðmundsdóttir, frumkvöðull        Hnífsdal

15. Ingibjörg Andrea Hallgrímsdóttir, kynjafr.        Ísafirði

16. Rúnar Helgi Haraldsson, ráðgjafi VIRK              Ísafirði

17. Kári Jóhannsson, fisksali                                    Ísafirði

18. Bryndís Friðgeirsdóttir, fyrrverndi kennari         Ísafirði

Framboðslisti Samfylkingarinnar í Ísafjarðarbæ var samþykktur samhljóða á fjölmennum félagsfundi flokksins í gærkvöldi 2. mars.  Jafnaðarmenn í Ísafjarðarbæ eru mættir til leiks.

Framboðslisti Samfylkingarinnar í Ísafjarðarbæ

Samfylkingin í Kópavogi verður með fund um bæjar- og landsmálin miðvikudaginn 4. mars kl. 20:00 að Hlíðarsmára 9.

Fyrri hluti fundarins verður um helstu mál í bæjarstjórn, ráðum og nefndum og kosningabaráttuna framundan.

Seinni hluti fundarins verður svo helgaður landsmálunum og því sem er að gerast á Alþingi og mun Þórunn Sveinbjarnardóttir forseti Alþingis mæta og ræða það sem efst er að baugi þar og vikurnar framundan.

Niðurstöður flokksvals Samfylkingarinnar í Reykjavík voru kynntar í Iðnó laugardaginn 24. janúar, að lokinni kosningu meðal félagsmanna flokksins í Reykjavík.

Alls voru 16 frambjóðendur í kjöri og kepptu þau um sex efstu sæti á lista Samfylkingarinnar í Reykjavík fyrir komandi borgarstjórnarkosningar. Kosningin hófst klukkan 00:00 og lauk klukkan 18:00. Flokksvalið fór fram með rafrænni kosningu og var kjörsókn góð og var 69,7%.  

Pétur H. Marteinsson bar sigur úr býtum í oddvitavali Samfylkingarinnar í Reykjavík. Hann er rekstrarmaður í Reykjavík, búsettur í Vesturbænum og alinn upp í Breiðholti og Árbæ. Pétur býr yfir víðtækri reynslu af atvinnulífi og borgarþróun og leggur áherslu á sterka forystu Samfylkingarinnar í Reykjavík, bætta þjónustu borgarinnar, einfaldari stjórnsýslu og að auðvelda daglegt líf borgarbúa.

Niðurstöður flokksvalsins eru eftirfarandi:

Með niðurstöðunum liggur nú fyrir öflugur framboðslisti Samfylkingarinnar í Reykjavík.

Pétur Marteinsson leiðir lista Samfylkingarinnar í Reykjavík

Við í Samfylkingunni gerum kröfu um góða hegðun, þess vegna höfum við sett okkur siðareglur og stefnu gegn hverskyns einelti og áreiti, við höfum einnig ákveðið verklag til að taka á slíkum málum komi þau upp.

Við viljum að öllum líði vel og flokksmenn starfi að heilindum og háttvísi, séu sér og öðrum til sóma í hvívetna.

Ef eitthvað kemur upp á má senda hverskyns ábendingar og erindi á trunadur@samfylking.is

Í trúnaðarnefnd sitja:
Íris Sæmundsdóttir, formaður
Stefán Pettersson 
Valný Óttarsdóttir

Trúnaðarmenn flokksins eru:
Hildur Rós Guðbjargardóttir, varaformaður framkvæmdastjórnar
Guðný Birna Guðmunsdóttir, ritari Samfylkingarinnar 

Hægt er að bjóða sig fram og/eða tilnefna fólk í gegnum þetta rafræna eyðublað. 

Uppstillingarnefnd biðlar til fólks að skila inn framboðum og tilnefningum eigi síðar en fyrir lok dags 31. janúar. Athugið að hér er einungis um viðmið að ræða, tekið verður á móti framboðum og tilnefningum eftir þann tíma en slíkt viðmið auðveldar uppstillingarnefnd í vinnu sinni við uppröðun á lista. 

Uppstillingarnefnd hvetur sem flest til þess að bjóða sig fram og/eða tilnefna mögulega frambjóðendur. Fyrir frekari fyrirspurnir er hægt að senda póst á xshafnarfjordur@xshafnarfjordur.is. 

Boðað verður til félagsfundar hjá Samfylkingunni í Hafnarfirði til þess að bera listann upp til samþykktar ekki seinna en laugardaginn 28. febrúar.

Kær kveðja uppstillingarnefnd Samfylkingarinnar í Hafnarfirði.

Hér má finna allar upplýsingar um uppstillingu í Hafnarfirði. 

Uppstilling í Hafnarfirði - allt sem þú þarft að vita

Viltu taka þátt í að móta framtíð Seltjarnarness?

Samfylking og óháðir á Seltjarnarnesi bjóða til opins fundar í undirbúningi fyrir Bæjarstjórnarkosningar 16. maí 2026.

Fundurinn verður haldinn  miðvikudaginn  21. janúar, kl. 20:00 í vallarhúsinu við Gróttuvöll

Tillaga stjórnar um uppstillingu framboðslista lögð fram til samþykktar,

Tillaga um uppstillingarnefnd, skipaða að minnsta kosti þremur aðilum, konum og körlum á breiðum aldri, lögð fram til samþykktar.

Umræða um stöðu mála í bæjarstjórn og á Seltjarnarnesi almennt

Opið samtal um næstu skref og áherslur fram að kosningum

Framboðið verður í nafni Samfylkingarinnar, en fundurinn er opinn öllum sem hafa áhuga á að bæta Seltjarnarnes, óháð flokksaðild.
Við viljum sérstaklega hvetja fólk úr öðrum flokkum og óháða íbúa til að mæta, taka þátt í umræðunni og vinna með okkur.

fólki sem hefur áhuga á að bjóða sig fram,

fólki sem vill taka þátt í málefnavinnu fyrir kosningar

og fólki sem einfaldlega vill leggja sitt af mörkum til betra samfélags.

Skráning fer fram hér: https://forms.gle/QAh9xwXog7meazxW8

Sigurþóra Bergsdóttir, bæjarfulltrúi – 693 9367

 Árni Emil Bjarnason, formaður Samfylkingarinnar á Seltjarnarnesi – 821 1412

Undirbúningsfundur fyrir bæjarstjórnarkosningar

Leit um „��"

2969 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������"

2969 niðurstöður fundust við leit að „���������������������������"