Kosningamiðstöð Samfylkingarinnar í Kraganum á Strandgötu 43 í Hafnarfirði verður opin fyrir gesti og gangandi frá kl. 16:00, föstudaginn 15. nóvember. 

Heitt verður á könnunni (kaffi og kakó) og með því, frambjóðendur verða á staðnum og eru sem oft áður alltaf til í spjall.

Kosningamiðstöð Samfylkingarinnar í Kraganum á Strandgötu 43 í Hafnarfirði verður opin fyrir gesti og gangandi frá kl. 13:00, laugardaginn 16. nóvember. 

Samfylkingin 60+ Hafnarfirði verður með kaffispjall n.k. fimmtudag 14. nóvember, klukkan 10:30-12:00.

Gestir fundarins eru Árni Rúnar Þorvaldsson og Jóna Þórey Pétursdóttir frambjóðendur Kragans í komandi alþingiskosningum.

Boðið verður uppá vöfflur með rjóma🌹

Við hlökkum að sjá ykkur á Strandgötu 43, þar sem hlutirnir gerast!

Samfylkingarfélagið í Reykjavík - SffR býður til teitis, Gleðiplans, föstudaginn 15. nóvember kl. 20.00 og fram á kvöld!

Gleðiplanið fer fram að Lágmúla 4, 108 Reykjavík, í sal Akóges á 3. hæð.

Boðið verður upp á léttar veitingar í margvíslegu formi, og ýmislegt sprellað.

Sigmundur Ernir sér um veislustjórn.

Hver elskar ekki pottaspjall?
Kíkið við á skemmtilegan óformlegan fund í Grettislaug á Reykhólum.

Frambjóðendur þau Arna Lára, Hannes Sigurbjörn og Jóhanna Ösp verða í heitapottinum frá 17:00 til um 18:00 fyrir þá sem vilja kíkja í spjall um það sem liggur ykkur á hjarta eða bara til að fá að heyra í þeim um þeirra áherslur.

Við erum með plan - kynntu þér málin!

Þú getur kosið fyrir kjördag. Kosning er hafin og sýslumenn um land allt sjá um framkvæmd hennar. Sýna þarf skilríki, til dæmis ökuskírteini eða vegabréf.

Ef þú ert í Reykjavík eða nágrenni, þá getur þú  kosið á 1. hæð í Holtagörðum.

Þar er opið kl. 10 - 18 frá 7. nóvember og 10 - 22 18. - 29. nóvember. Þann 30. nóvember, verður svo opið frá kl. 10 - 17.

Nánari upplýsingar um utankjörfundaratkvæðagreiðslur hjá sýslumönnum um land allt má nálgast hér

Ósk um atkvæðagreiðslu í heimahúsi vegna sjúkdóms, fötlunar eða barnsburðar, skal vera skrifleg og studd vottorði lögráða manns um hagi kjósandans. Sjá upplýsingar hér.

Hér getur þú séð í hvaða kjördæmi þú ert.

Öll sem ekki komast til sinnar kjördeildar á kosningadag, þann 30. nóvember, hvort sem þeir eru staddir hér á landi eða erlendis og vantar aðstoð og upplýsingar geta haft samband við sjálfboðaliðastjóra Samfylkingarinnar í jonas@samfylking.is eða síma +45 30 90 09 77.

Einnig má senda utankjörfundaratkvæði í sendiumslagi merktu kjósanda á skrifstofu Samfylkingarinnar, Hallveigarstíg 1 - 101 Reykjavík og við komum þeim í rétt kjördæmi.

Kjósendur sem eru staddir erlendis eða með lögheimili erlendis geta kosið í sendiráðum og hjá ræðismanni í viðkomandi landi. Sýna þarf skilríki, til dæmis ökuskírteini eða vegabréf.

Þú getur kosið á skrifstofu sendiráðs, í sendiræðisskrifstofu eða hjá kjörræðismanni. 

Allar sendiskrifstofur Íslands (nema fastanefndum Íslands hjá Atlantshafsbandalaginu í Brussel og í Róm)

Aðalræðisskrifstofur í Winnipeg, Þórshöfn og Nuuk

Hér má finna nánari upplýsingar um kjörstaði erlendis

Er ég á kjörskrá?

Hvernig fer utankjörfundaratkvæðagreiðsla fram bæði á Íslandi og erlendis? 

Við vitum hins vegar að stærsta áskorunin okkar er í dag sú að tryggja hnökralausa samfellu þegar kemur að dagvistun þegar fæðingarorlofi lýkur – sem í daglegu tali kallast brúun umönnunarbilsins. Flest ef ekki öll erum við sammála um að ávinningur leikskólavistar fyrir börn er ótvíræður, enda er eftirspurn eftir þjónustunni mikil og verður sífellt fyrirferðameira umfjöllunarefni í almennri kjara- og menntaumræðu. Ákall eftir umbótum er ekki að ástæðulausu. Leikskólinn er ásamt heimili barns helsti griðarstaður þess þar sem það fær í senn menntun og umönnun, og er forsenda fyrir atvinnuþáttöku foreldra.

Við megum ekki gleyma því að það er ekki svo langt síðan að leikskólinn stóð tiltölulega fáum börnum til boða hér á landi, og var þá fyrst og fremst hugsaður sem geymslustaður fyrir börn einstæðra mæðra eða námsmanna. Þrotlaus barátta kvennahreyfinga, félagshyggjufólks og ekki síst Reykjavíkurlistans á 10. áratugnum skilaði okkur því almenna kerfi sem gríðarleg sátt hefur skapast um og almennt er rekið af sveitarfélögum landsins. Árangurinn hefur ekki látið á sér standa, og íslenskt samfélag sér ávinninginn af því að verkefnið falli undir opinbera grunnþjónustu. Samkvæmt tölum Hagstofunnar voru 91% tveggja ára barna á leikskóla árið 2023, en tæplega 97% þriggja til fimm ára barna. Aftur á móti voru 44% eins árs barna á leikskóla, samanborið við 54% á árinu 2022 og biðlistar barna er að finna á þéttbýlissvæðum um allt land.

Svo vísað sé ályktunar 47. landsþings BSRB sem fram fór í október sl. er talið að innan við 10% barna hér á landi fái leikskólapláss við 12 mánaða aldur og yfir helmingur þeirra er orðinn meira en 18 mánaða við upphaf leikskóladvalar. Þá eru mæður mun líklegri en feður til að lengja fæðingarorlof sitt eða minnka við sig vinnu til að brúa bilið. Konur taka að meðaltali rúma sjö mánuði í fæðingarorlof en karlar um fjóra og tekjur mæðra lækka um 30-50% á fæðingarári barns samkvæmt nýlegri rannsókn Fjármálaráðuneytisins. Þær eru enn 20% lægri tveimur árum eftir fæðingu. Tekjur feðra lækka hins vegar aðeins um 3-5% við fæðingu og á öðru ári eru þær orðnar þær sömu og áður.

Það er hægt að gera þetta betur – og jafnvel best

Á öðrum Norðurlöndum á barn lögbundinn rétt til dagvistunar frá tilteknum aldri sem helst í hendur við rétt foreldra til fæðingarorlofs. Þannig eiga sænsk og norsk börn rétt til leikskóladvalar frá 12 mánaða aldri. Í Finnlandi eiga börn rétt á dagvistun frá 9 mánaða aldri og fæðingarorlof foreldra er samtals 9 mánuðir. Í Danmörku er boðið upp á dagvistun barna frá 8 mánaða aldri á svonefndum vöggustofum sem eru á vegum hins opinbera en samtals er fæðingarorlof foreldra er um 12 mánuðir.

Við í Samfylkingunni erum með plan, og nú köllum við eftir lögfestingu réttar barna til leikskólavistar frá tilteknum aldri eins og gert hefur verið í öllum ríkjum Norðurlanda að Íslandi undanskildu. Þetta er ekki bara jafnréttis- og menntamál – þetta er brýnt atvinnumál sem gerir konum kleift að sinna atvinnuþátttöku til jafns við karla. Þetta kallast líka inn umræðu um aldagamalt hugarfar um stöðluð kynjahlutverk og þeirri staðreynd að engin sátt ætlar að öðru óbreyttu myndast um róttækar aðgerðir í því skyni að leysa mönnunarvanda leikskólanna fyrir fullt og allt með því að bæta kjör og vinnuaðstæður kennara. Þetta þýðir að við þurfum að fjárfesta til þess að þjónustan verði áfram tryggð, og hún fari fram á faglegum forsendum þar sem starfsfólki og börnum líður vel.

Þess vegna köllum við eftir gerbreyttri hugsun um fjármögnun leikskólastigsins þar sem ríki og sveitarfélög munu taka höndum saman og hreinlega leysa þessa flækju, að minnsta kosti þegar kemur að því að hreinlega tryggja kjaraöryggi barna og foreldra þegar fæðingarorlofi lýkur. Þetta snýst hins vegar ekki bara um peninga og að húsnæði eða starfsfólk sé til staðar – við þurfum umfram allt að geta einbeitt okkur að því að hlúa að leikskólastiginu og gera okkur kleift að láta umræðuna snúast um það sem fram á að fara á skólatíma og hvernig við getum tryggt mönnun, samkeppnishæf kjör og starfsaðstæður án þess að skerða vistunarrétt verulega og færa verkefnið í hendur hagnaðardrifinna einkaaðila. Með öðrum orðum höfnum við skammtímalausnum og tilraunastarfsemi.

Við eigum norrænar fyrirmyndir. Við skulum heimfæra þær á íslenskan veruleika með jafnaðarstefnuna að leiðarljósi. Við getum kalla það Íslandsmódelið.

Ísland hefur alla burði til að búa til eitt besta leikskólakerfi sem þekkist á heimsvísu. 

Sam­fylkingin er með plan um að lög­festa leik­skóla­stigið

Barnafólk er boðið hjartanlega velkomið á spjallfund á Kaffi Dal um breytingarnar sem Samfylkingin hyggst gera á fæðingarorlofskerfinu á næsta kjörtímabili, fáum við til þess traust í komandi Alþingiskosningum.

Frambjóðendur Samfylkingar í Reykjavíkurkjördæmum og Kraganum fara yfir málin.

Fundurinn verður skemmtilegur og afslappaður. 

Kippið börnunum með, við bjóðum upp á skvísur og kaffi!

Má í því sambandi nefna áform um fjölgun hjúkrunarrýma um rúmlega 700, nýtt meðferðarheimili fyrir unglinga og uppbyggingu nýrrar björgunarmiðstöðvar í Reykjavík. Allt ber að sama brunni. Við okkur blasir algjört úrræða- og getuleysi Sjálfstæðisflokksins og fylgitungla hans á síðustu sjö árum.

Verkleysi fráfarandi ríkisstjórnar hefur meðal annara bitnað illilega á innviðum í heilbrigðis- og öldrunarmálum. Þar sýna verkin merkin. Ríkisstjórnin sjálf setti sér það markmið að fjölga hjúkrunarrýmum um rúmlega 700 en á sjö ára starfstíma hennar hefur þeim einungis fjölgað um rétt rúmlega 200. Það vantar því 500 rými til þess að markmiðinu sé náð. Hann er langur vegurinn hjá ríkisstjórnarflokkunum frá orðum til gjörða.

Óboðleg þjónusta og sóun á skattfé

Sleifarlag fráfarandi ríkisstjórnar í uppbyggingu hjúkrunarrýma og fjármögnun heimahjúkrunar veldur því að eldra fólk er geymt á göngum sjúkrahúsa. Það er óboðleg þjónusta en það er líka sóun á skattfé almennings. Legurými á sjúkrahúsi er dýrasta úrræðið sem völ er á innan heilbrigðiskerfisins sem þýðir að fjárfesting í heimaþjónustu og fjölgun hjúkrunarrýma mun leiða til sparnaðar í kerfinu í heild - og augljóslega til betri þjónustu fyrir eldra fólk.

Samfylkingin ætlar að leiða þjóðarátak í umönnun eldra fólks, þjóðarátak sem grundvallast á virðingu fyrir eldra fólki þannig að það geti lifað lífi sínu með reisn. Eldra fólk og aðstandendur þess á að upplifa öryggi þegar það leitar til heilbrigðiskerfisins og öldrunarþjónustunnar en ekki öryggisleysi. Samfylkingin er með plan í þessum málum eins og öðrum mikilvægum málum. Við ætlum að setja viðkvæmasta hópinn í forgang með áherslu á öfluga heimaþjónustu og ætlum í þjóðarátak á uppbyggingu og fjármögnun hjúkrunarrýma fyrir þau sem ekki geta búið heima. Mikilvægast er að stjórnvöld viðurkenni að þetta kostar fjármuni og útheimtir pólitíska forgangsröðun. Nánar er hægt að lesa um örugg skref okkar í heilbrigðis- og öldrunarmálum hér https://xs.is/orugg-skref

Samfylkingin og almannahagsmunir eða Sjálfstæðisflokkur og sérhagsmunir

Eftir sjö ár þar sem Sjálfstæðisflokkurinn hefur lengst af ráðið ferðinni í ríkisfjármálunum er þörf á uppfærslu í heilbrigðis- og öldrunarmálum. Samfylkingin er tilbúin að ganga í verkin. Valkostirnir í þessum kosningum gætu ekki verið skýrari; áframhaldandi glundroði og úrræðaleysi Sjálfstæðisflokksins, þar sem almannahagsmunir láta ávallt í minni pokann fyrir sérhagsmunum, eða stefnufesta og skýrt plan Samfylkingarinnar með Kristrúnu Frostadóttur í broddi fylkingar með almannahag að leiðarljósi. Veiti kjósendur okkur umboð í kosningunum 30. nóvember nk. þá er Samfylkingin tilbúin að taka við stjórn landsins undir traustri forystu Kristrúnar Frostadóttur og þá munum við leiða þjóðarátak í umönnun eldra fólks og láta verkin tala í heilbrigðis- og öldrunarmálum.

Ríkisstjórn Sjálfstæðisflokks, Framsóknar og VG hefur ekki staðið við eigin loforð og fyrirheit í mörgum málaflokkum. 

Plan í heil­brigðis- og öldrunar­málum - þjóðar­á­tak í um­önnun eldra fólks

Öllum reglum um stríðsrekstur og mannúðarlögum hefur verið ýtt til hliðar. 70% þeirra sem eru látin er börn og konur. Staðfest tala látinna er tæplega 44 þúsund manns og slösuð eru ekki færri en 103 þúsund. Þar af, fjöldi barna og ungmenna sem hefur misst útlimi og brennst illa. Mörg hundruð þúsund manns hafa í rúmt ár verið á vergangi innan Gasa við illan aðbúnað og stanslaust sprengjuregn.

Áður en hryðjuverkasveitir Hamas gerðu árásina á Ísrael 7. október 2023 bjuggu 2,3 milljónir manna á Gasa á einhverju þéttbýlasta svæði jarðar. Helmingur íbúa var og er börn. Gasa er í rúst, nærri 90% bygginga þar hafa orðið fyrir skemmdum eða eru ónýtar. Allir sem fylgjast með fréttum hafa séð myndir af eyðileggingu sem aðeins er hægt að líkja við ummerkin eftir kjarnorkusprengingarnar í Japan eða eldsprengingarnar í Dresden í lok seinni heimsstyrjaldarinnar.

Ég hef áður ritað í þetta blað um Hamas og ríkisstjórn Ísraels. Um það hvernig öfgar og illska hafa haft yfirhöndina í báðum tilvikum. Hið endanlega markmið öfgamannanna í Ísrael og í Palestínu er að ganga af hugmyndinni um tveggja ríkja lausn dauðri. Friðarviðræður hafa ítrekað siglt í strand og nú virðast sáttasemjarar í Miðausturlöndum hafa gefist upp á verkefninu. Lausn gíslanna sem Hamas hefur í haldi er ekki í sjónmáli. Ísreal er búið að reka UNRWA - líflínu Palestínu - á brott. Það er hrikalegur forboði um það sem koma skal. 


Donald Trump tekur aftur við forsetaembætti í Bandaríkjunum í janúar. Hann hefur nú þegar tilnefnt yfirlýsta stuðningskonu Ísraelsstjórnar sem sendiherra Bandaríkjanna hjá Sameinuðu þjóðunum. Samband hans við forsætisráðherra Ísraels er náið og látið í það skína að hendur Netanjahús séu óbundnar. Margt bendir til þess að innlimun Vesturbakkans í Ísraelsríki sé næst á dagskrá. Biden fráfarandi Bandaríkjaforseti hefur ekki beitt Netanjahú þeirri einu raunverulegu þvingun sem hann hefur; að stöðva vopnasendingar til Ísraels. Fátt bendir til þess að það verði gert.

Eftir stendur að stríðinu er langt frá því að vera lokið og snýst um allt önnur markmið en að útrýma forystu Hamas. Það er búið og gert. Hið yfirgengilega ofbeldi sem beitt hefur verið síðasta árið á Gasa virðist vera hætt að snerta okkur. Þegar þess orð eru rituð vofir hungursneyð yfir 400 þúsund manns sem eru innlyksa á norðuhluta Gasa. Draumurinn um sjálfstæða Palestínu hefur aldrei virst jafn fjarlægur og heimsbyggðin horfist í augu við þjóðarmorð. 

Á meðan sitja valdaherrarnir með hendur í skauti og halda vopnasölunni áfram. Dómur sögunnar verður þungur.

Í 400 daga hefur geisað stríð sem á sér engan líka á Gasa-ströndinni. Þar hefur Ísraelsher drepið fleiri börn en dæmi eru um í nokkru öðru stríði á jafn skömmum tíma.

Verður Palestínu eytt af yfirborði jarðar?

Leit um „��"

3374 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3374 niðurstöður fundust við leit að „���������������������������������������������������"