Raðað skal frambjóðendum af gagnstæðu kyni í 1. og 2. sætið. Leitast skal við að raða frambjóðendum á víxl eftir kyni, mest má setja frambjóðendur af sama kyni tvö sæti í röð og skulu þá næstu tvö sæti hafa frambjóðendur af öðru kyni. 

Ávallt skal leitast við að á framboðslistum séu frambjóðendur yngri en 35 ára í að minnsta kosti fimmtungi þeirra sæta sem stillt er upp í. 

Frambjóðendur skulu hafa fjölbreyttan bakgrunn og ólíka reynslu og líta skal sérstaklega til nýliðunar á listanum.

Uppstillingarnefnd skiptir með sér verkum. 

Boðað verður til félagsfundar til þess að bera listann upp til samþykktar ekki seinna en laugardaginn 28. febrúar.

Frekari upplýsingar frá uppstillingarnefnd berast félagsfólki fljótlega. 

Á félagsfundi Samfylkingarinnar í Hafnarfirði þann 8. janúar var tillaga stjórnar að raðað yrði á framboðslista af sérkjörinni uppstillingarnefnd samþykkt. 

Samfylkingin í Hafnarfirði hefur ákveðið uppstillingu 

Frestur til að skila inn framboðum og tilnefningum er 31. janúar

Uppstillingarnefnd biðlar til fólks að skila inn framboðum og tilnefningum eigi síðar en fyrir lok dags 31. janúar.

Hægt er að bjóða sig fram og/eða tilnefna fólk í gegnum þetta rafræna eyðublað. 

Uppstillingarnefnd biðlar til fólks að skila inn framboðum og tilnefningum eigi síðar en fyrir lok dags 31. janúar. Athugið að hér er einungis um viðmið að ræða, tekið verður á móti framboðum og tilnefningum eftir þann tíma en slíkt viðmið auðveldar uppstillingarnefnd í vinnu sinni við uppröðun á lista. 

Uppstillingarnefnd hvetur sem flest til þess að bjóða sig fram og/eða tilnefna mögulega frambjóðendur. Fyrir frekari fyrirspurnir er hægt að senda póst á xshafnarfjordur@xshafnarfjordur.is. 

Boðað verður til félagsfundar hjá Samfylkingunni í Hafnarfirði til þess að bera listann upp til samþykktar ekki seinna en laugardaginn 28. febrúar.

Kær kveðja uppstillingarnefnd Samfylkingarinnar í Hafnarfirði.

🌹 Undirbúningur bæjarstjórnarkosninga í Árborg 🌹

Hittumst og ræðum málefni bæjarins og hverjir verða málsvarar okkar í kosningunum í vor.

📅 Laugardaginn 24. janúar kl. 11:00
👥 Allir íbúar Árborgar eru hjartanlega velkomnir.
☕ Kaffi og kruðerí í boði.

Niðurstöður flokksvals Samfylkingarinnar í Kópavogi voru kynntar á Krónikunni kl. 18.00 í dag að lokinni kosningu meðal félagsmanna flokksins og stuðningsmanna í Kópavogi.

Alls voru 6 frambjóðendur í kjöri og kepptu þau um fjögur efstu sæti á lista Samfylkingarinnar í Kópavogi fyrir komandi sveitarstjórnarkosningar. Kosningin hófst klukkan 9:00 og lauk klukkan 17:00. Flokksvalið fór fram með rafrænni kosningu, kjörsókn var góð, 43.08%.

Jónas Már Torfason bar sigur úr býtum í flokksvali Samfylkingarinnar í Kópavogi.

Jónas er uppalinn í Kópavogi og flutti nýlega aftur í bæinn eftir dvöl í Danmörku. Hann starfar sem sérhæfður ráðgjafi á lögmannsstofunni Réttur - Aðalsteinsson & Partners. Áður starfaði hann sem fulltrúi í banka- og fjármögnunarteymi dönsku lögmannsstofunnar Plesner í Kaupmannahöfn, sem lögfræðingur á LOGOS, sem blaðamaður á Fréttablaðinu og sem framkvæmdastjóri Stúdentaráðs Háskóla Íslands.

Þá hefur hann sinnt ýmsum trúnaðarstörfum bæði innan og utan Samfylkingarinnar.

Áherslur Jónasar eru málefni barnafjölskyldna, barna og ungmenna, málefni eldri borgara auk þess að vilja beita sér í þágu lítilla og meðalstórra fyrirtækja í bænum.

Niðurstöður flokksvalsins eru eftirfarandi:

Með niðurstöðunum liggur nú fyrir öflugur framboðslisti sem endurspeglar áherslur Samfylkingarinnar í Kópavogi.

Jónas Már leiðir lista Samfylkingarinnar í Kópavogi

Mótum Akranes saman! – Opinn stjórnarfundur hjá Samfylkingunni 🌹

Stjórn Samfylkingarfélagsins á Akranesi vill bjóða þér og öllum þeim sem láta sig bæjarfélagið okkar varða á opinn stjórnarfund hjá Samfylkingarfélagi Akraness næsta laugardag kl.11:00 - 13:00 í Stillholt 16-18

Framundan eru sveitarstjórnarkosningar í maí og við viljum hafa undirbúninginn eins opinn og lýðræðislegan og mögulegt er. Þetta er rétti tíminn til að koma þínum sjónarmiðum á framfæri, heyra hvað er á döfinni og taka þátt í spjalli um hvernig við gerum Akranes að enn betri stað að búa á.

Undirbúningur kosninga: Hvernig leggst vorið í okkur?

Málefnastarf: Hvaða málefni brenna á íbúum Akraness í dag?

Liðsheildin: Hvernig geta áhugasamir tekið þátt í starfinu framundan?

Það er heitt á könnunni og allir eru velkomnir, hvort sem þú hefur verið lengi í félaginu eða ert einfaldlega forvitinn að heyra meira.

Mótum Akranes saman - opinn stjórnarfundur

Spjallkaffi 60+ verður á sínum stað miðvikudaginn 11. febrúar kl. 10:00 - 12:00 í sal Samfylkingarinnar, Hallveigarstíg 1, 101 Reykjavík.

Gestur fundarins er Dagur B. Eggertsson og mun hann ræða við okkur um pólitíkina, Evrópumálin, borgarmálin og kosningarnar fram undan. 

Það verður heitt á könnunni og eitthvað með því.

Verið öll velkomin!

Laugardaginn 7. febrúar komum við saman á Krónikunni í Gerðarsafni þegar niðurstöður flokksvals Samfylkingarinnar í Kópavogi verða kynntar.

Við hvetjum félagsfólk og stuðningsmenn að fagna með okkur á Krónikunni, niðurstöðurnar verða kynntar stundvíslega kl. 18:00 og verða frambjóðendur á staðnum frá kl. 17.

Komdu og vertu með í þessari lýðræðislegu hátíð, fögnum saman niðurstöðunum og njótum saman í góðum félagsskap.

Kosningarétt hafa allir flokksfélagar og stuðningsmenn Samfylkingarinnar sem eiga lögheimili í Kópavogi og hafa náð 16 ára aldri og hafa skráð sig í Samfylkinguna fyrir kl. 9 föstudaginn 6. febrúar. 

Fundi uppstillingarnefndar Í-listans lauk í gærkvöldi með þeirri niðurstöðu að Í-listinn mun ekki leggja fram sameiginlegt framboð í komandi sveitastjórnarkosningum.  

Slitin urðu í fullri sátt og í samræmi við farsælt samstarf Í-listans, sem byggst hefur á gagnkvæmu trausti og virðingu á milli flokkanna. Samfylkingin mun því sækja sitt umboð beint til kjósenda undir eigin merkjum.

Næstu skref eru að boða til fundar og skipuleggja framboð Samfylkingarinnar til sveitastjórnar í Ísafjarðarbæ. Við hvetjum öll sem vilja leggja Samfylkingunni lið í komandi kosningabaráttu til þess að taka þátt með okkur.

Uppstillingarnefnd hefur tekið til starfa og eru þau sem hafa áhuga á framboði, þátttöku í kosningabaráttu eða vilja tilnefna fólk til framboðs er bent á að hafa samband við uppstillingarnefndina: 

Magnús Bjarnason, gsm. 698-8424, maggibjarna@gmail.com

Edda Katrín Einarsdóttir, gsm. 866-9638, eddakatrine@gmail.com

Samfylkingin mun bjóða fram í Ísafjarðarbæ í komandi sveitarstjórnarkosningum. 

Samfylkingin býður fram í Ísafjarðarbæ

Um er að ræða bindandi flokksval fyrir efstu fjögur sæti á framboðslista Samfylkingarinnar í Kópavogi, með svokölluðum paralista, þar sem jafnræði kynja er tryggt í hverjum tveimur sætum. Kosningin fer fram 7. febrúar 2026.

Kjörseðill: https://outcomesurveys.com/ExternalSurveyLogin/282a5d17-8c73-42b2-93b0-800609100395/b5f2c54d-a10e-429d-9e5d-45a139707611

Allar frekari upplýsingar og leiðbeiningar má finna á:
👉 https://xs.is/kopavogur

Landsamband 60+ innan Samfylkingarinnar, í samstarfi við stýrihóp Samfylkingarinnar um daglegt líf, boðar til málþings fimmtudaginn 12. febrúar 2026 kl. 13:00.

📍 Staður: Grand Hótel Reykjavík, Sigtúni
📍 Salur: Háteigur, 4. hæð
👥 Öll velkomnin á meðan húsrúm leyfir

Á málþinginu verður fjallað um málefni sem snerta daglegt líf fólks 60 ára og eldra, meðal annars fjárhag, réttindi, húsnæðismál, þjónustu sveitarfélaga, andlega líðan og hvernig gervigreind getur nýst 60+ í daglegu lífi.

Markmið málþingsins er að veita hagnýtar upplýsingar, skýr svör og skapa samtal um það sem skiptir raunverulega máli í daglegu lífi fólks 60+.

☕ Kaffi og veitingar í hléi
💬 Umræður og spurningar úr sal í lokin

Í umræðum málþingsins verður lögð áhersla á samtal og þátttöku gesta. Reynslu og sjónarmiðum sem þar koma fram verður safnað saman og þau nýtt áfram í starfi Samfylkingarinnar.

Athugið: Dagskrá er birt með fyrirvara um smávægilegar breytingar.

13:00–13:05
Setning málþings
Kristín Á. Guðmundsdóttir, formaður Landsambands 60+ innan Samfylkingarinnar

13:05–13:20
Ávarp
Kristrún Frostadóttir, forsætisráðherra

13:20–13:40
Fjárhagur einstaklinga 60+
Kolbeinn Stefánsson, dósent við Háskóla Íslands

13:40–14:00
Samþætting ríkis og sveitarfélaga
Alma Möller, heilbrigðisráðherra

14:00–14:20
Húsnæðismál og samfélagsleg réttindi aldraðra
Finnbjörn Á. Hermannsson, forseti ASÍ

14:45–15:05
Þjónusta sveitarfélaga við aldraða
og hvernig er að eldast í andanum
Berglind Magnúsdóttir, sálfræðingur og skrifstofustjóri öldrunarmála hjá Reykjavíkurborg

15:05–15:25
Gervigreind og hvernig hún getur nýst fólki 60+
Ólafur Kristjánsson, tölvukennari hjá Netkynningu

15:25–15:50
Umræður og spurningar úr sal
Samtal um daglegt líf 60+

Leit um „��"

2969 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������"

2969 niðurstöður fundust við leit að „���������������������������"