Á meðal gesta verða Kristrún Frostadóttir formaður Samfylkingarinnar og Oddný Harðardóttir þingmaður Suðurkjördæmis. Fulltrúar úr stýrihópi flokksins um heilbrigðismál og öldrunarþjónustu verða Anna Sigrún Baldursdóttir og Guðný Birna Gunnarsdóttir, bæjarfulltrúi í Reykjanesbæ.

Ert þú með sérþekkingu í heilbrigðismálum eða reynslu af gólfinu? Eða ertu almennur borgari sem vill sjá breytingar til hins betra í heilbrigðismálum á Íslandi? Þá viljum við fá þig með í samtalið 

Samfylkingin stendur nú fyrir samræðum um heilbrigðismálum um land allt. Málefnastarf flokksins er með nýju sniði og heilbrigðismálin verða í forgrunni frá mars og fram á haust 2023. Vinnan hefst með hátt í fjörutíu opnum fundum með fólkinu í landinu. Á hverjum fundi verða fulltrúar úr stýrihópi Samfylkingarinnar um heilbrigðismál og öldrunarþjónustu auk forystufólks flokksins, bæði á Alþingi og í sveitarstjórnum.

Kristrún Frostadóttir formaður Samfylkingarinnar leggur þunga áherslu á málefnastarfið og bindur miklar vonir við vinnuna sem nú er að hefjast: „Útkoman á að vera verklýsing fyrir næstu ríkisstjórn; forgangsröðun og skýr pólitík; verkefnalisti frá fyrstu 100 dögunum og upp í fyrstu tvö kjörtímabilin í ríkisstjórn undir forystu Samfylkingarinnar,“ sagði Kristrún í ræðu sinni á flokksstjórnarfundi í vor.

Opinn fundur um heilbrigðismál á Bryggjunni í Grindavík! Fundurinn verður þriðjudaginn 28. mars kl. 12:00. Öllum er velkomið að koma með og taka þátt.

Grindavík: Opinn fundur um heilbrigðismál

Opinn fundur um heilbrigðismál í Kiwanishúsinu í Garði! Fundurinn verður mánudaginn 27. mars kl. 20:00. Öllum er velkomið að koma með og taka þátt.

Garður: Opinn fundur um heilbrigðismál

Spjallkaffið verður á sínum stað á miðvikudaginn 22. mars kl. 10 - 12 í sal Samfylkingarinnar á Hallveigarstíg 1. 

Gestur okkar að þessu sinni verður Viðar Eggertsson, varaþingmaður.

Það verður heitt á könnunni og eitthvað með því. 
Verið velkomin.

Bestu kveðjur, 
stjórn 60+ í Reykjavík.

Á meðal gesta verða Kristrún Frostadóttir formaður Samfylkingarinnar, Helga Vala Helgadóttir, Jóhann Páll Jóhannsson og Viðar Eggertsson þingmenn Reykjavíkur. Fulltrúi úr stýrihópi flokksins um heilbrigðismál og öldrunarþjónustu verður Anna Sigrún Baldursdóttir.

Opinn fundur um heilbrigðismál í Iðnó (Sunnusal) í Reykjavík! Fundurinn verður 1. apríl kl. 13:00. Öllum er velkomið að koma með og taka þátt.

Miðborg: Opinn fundur um heilbrigðismál

Stýrivextir eru nú 114 – 188% hærri hér á landi en á hinum Norðurlöndunum og Seðlabankinn hefur fá önnur ráð í glímunni við óðaverðbólguna en að hækka stýrivexti.

Það er sterkt samband milli gengisþróunar, vaxtastigs og verðlags því eins og Þórólfur Matthíasson hagfræðiprófessor hefur bent á er þetta keðjuverkun; hækki verðlag örar hér en erlendis lækkar gengið. Sé vaxtastig hér hærra en erlendis hækkar gengið. En það er ekki allt því jafnframt því að ýta undir gengishækkun virkar vaxtahækkun letjandi á eftirspurn og þar með verðlagshækkanir innanlands. Fyrirtækin þurfa svo að taka afstöðu til óorðinna hluta og gera sér einhverjar hugmyndir um þróun þessara stærða, það er gengis krónunnar, stöðu vaxta og þurfa svo að taka ákvörðun um verð á vöru og þjónustu til almennings í kjölfarið.

Því fyrirtækin ætla sér ekki að bera hallann í þessu flöktandi umhverfi óðaverðbólgu og himinhárra stýrivaxta. Í stuttu máli, svo vitnað sé til prófessors Þórólfs Matthíassonar, þá eru fjárfestar ekki tilbúnir til að fjárfesta í eignum í íslenskum krónum nema gegn ávöxtun sem er nægilega miklu hærri en ávöxtun á sambærilegum eignum erlendis til að bæta þeim mögulegt tjón vegna óvæntrar verðbólguþróunar eða óvæntra árása spákaupmanna á íslensku krónuna.

Við ríkisstjórnarborðið virðast hins vegar engin ráð uppi önnur en að fjölga ferðalögum ráðherra, fjölga starfsfólki í ráðuneytunum og ræða svo helst eitthvað allt annað en það hvernig efnahagsstjórn ríkisstjórnarinnar hefur beðið skipbrot sem bitnar harkalega á öllum almenningi. Hér ríkir villta vestrið á húsnæðismarkaði, hér lifum við í örhagkerfi með smágjaldmiðli, og við völd er kjarklaus og verkstola ríkisstjórn sem fer ekki í nauðsynlegar aðgerðir, svo sem tekjuöflun í formi hvalrekaskatts svo dæmi séu tekin.

Er ekki kominn tími til að þau skili lyklunum að stjórnarráðinu?

Greinin birtist á visi.is 22. mars 2023. 

Stýrivaxtahækkun dagsins kom fáum á óvart enda kjarklaus og verkstola ríkisstjórn Katrínar Jakobsdóttur við völd hér á landi. 

Kristrún sendi út ákall til fólks með jafnaðartaug um land allt á fundinum: „Nú er rétti tíminn til að koma með og mæta til leiks, því að Samfylkingin er lögð af stað í leiðangur. Við erum byrjuð að undirbúa okkur; undirbúa okkur fyrir verkefnin; undirbúa okkur til að taka við stjórn landsmálanna og leiða breytingar í íslensku samfélagi.“

Málefnastarfið er mikilvægur liður í þessum undirbúningi. „Þess vegna kynnum við í dag og setjum af stað nýtt málefnastarf með breyttu sniði — alvöru vinnu sem mun leggja grunninn að raunhæfum aðgerðum og raunverulegum breytingum fyrir fólkið í landinu,“ sagði Kristrún í ræðu sinni.

Vertu með: Skráðu þig til leiks í málefnastarfinu

Kristrún lagði áherslu á í ræðu sinni að allir flokksfélaga og hver einasta eining flokksins gæti lagt sitt af mörkum í þeirri vinnu sem er framundan í málefnastarfinu. Undirbúningurinn er hafinn og hér er hægt að skrá sig til leiks í málefnastarfinu: Skráningarblað fyrir málefnastarf.

„Og þessi vinna hefst núna strax. Þingmenn geta lagt sitt af mörkum og sveitarstjórnarfulltrúar og óbreyttir félagar. Við munum halda málþing og opna fundi alveg niður í minnsta aðildarfélag, kalla til sérfræðinga, fólkið á gólfinu, fólk sem er hokið af reynslu og líka unga fólkið sem vill móta sína eigin framtíð hér á Íslandi,“ sagði Kristrún í ræðu sinni á flokksstjórnarfundi.

Eitt forgangsmál í einu — af fullum þunga

Málefnastarfið verður tvískipt. Annars vegar eru ákveðin forgangsmál sem flokkurinn mun fara í af fullum þunga þar sem eitt forgangsmál verður tekið í einu, yfir ákveðinn tíma. Þar er öllum boðið að koma með og leggja sitt af mörkum en þriggja manna stýrihópur heldur utan um og leiðir vinnuna.

„Útkoman á að vera verklýsing fyrir næstu ríkisstjórn; forgangsröðun og skýr pólitík; verkefnalisti frá fyrstu 100 dögunum og upp í fyrstu tvö kjörtímabilin í ríkisstjórn undir forystu Samfylkingarinnar. Og það gleður mig að tilkynna hér í dag að fyrsta forgangsmálið sem við förum í af þessum þunga eru heilbrigðismál og öldrunarþjónusta.“

Þessari vinnu við heilbrigðis- og öldrunarmálin á að ljúka fyrir flokksstjórnarfund næsta haust og þá tekur við næsta forgangsmál: Atvinna og samgöngur — sem verður í forgrunni frá hausti og fram á vor 2024. Þá verður farið af stað í þriðja forgangsmálið: Húsnæðis- og kjaramál — sem verða tekin fyrir fram að næsta landsfundi flokksins, haustið 2024.

Stýrihópur skipaður um heilbrigðismál og öldrunarþjónustu

Formaður í stýrihópnum um heilbrigðismál og öldrunarþjónustu er Anna Sigrún Baldursdóttir, með henni í hópnum eru þau Guðný Birna Guðmundsdóttir, bæjarfulltrúi í Reykjanesbæ og hjúkrunarfræðingur, sem hefur unnið við stjórn heimahjúkrunar, og Sindri Kristjánsson frá Akureyri, sem hefur meðal annars starfað sem sérfræðingur hjá Lyfjastofnun og í velferðarráðuneytinu. Aldís Mjöll Geirsdóttir verður starfsmaður stýrihópsins og tengiliður við þingflokk. Hafið samband við Aldísi Mjöll með tölvupósti á aldis.mjoll.geirsdottir (hjá) althingi.is til að koma athugasemdum eða spurningum á framfæri við stýrihópinn.

Hins vegar hefur stjórn Samfylkingarinnar skipað tengiliði sem sjá um hefðbundið málefnastarf flokksins í öðrum málaflokkum fram að landsfundi. Smellið hér fyrir frekari upplýsingar.

Á flokksstjórnarfundi í Hafnarfirði 4. mars kynnti Kristrún Frostadóttir, formaður Samfylkingarinnar, nýtt og umfangsmikið málefnastarf sem flokkurinn mun standa fyrir á næstu misserum. Þessi vinna verður nú með breyttu sniði.

Vertu með: Ný nálgun í málefnastarfi Samfylkingarinnar

Það er í eðli skapandi fólks að þurfa hleypa heimdraganum og leita á nýjar lendur til að takast á við nýjar og gefandi áskoranir.

Það hefur vart farið framhjá nokkrum Íslendingi hversu öflug íslensk menning og listsköpun hefur orðið á síðustu árum og áratugum. EES samningurinn, sem við undirrituðum árið 1994, hefur opnað fyrir íslenska listamenn áður lokuð hlið og rutt úr vegi ókleifa múra, til menningarlegra landvinninga í Evrópu. Hin skapandi stétt listamanna hefur nýtt sér þau miklu tækifæri sem þá gáfust með ótrúlega gefandi hætti. Og uppskorið ríkulega.

Gott orðspor íslenskrar listar og menningar hefur aukist gífurlega vegna þessa.

Ófáir íslenskir listamenn hafa rennt styrkum stoðum undir starf sitt sem listamenn, eftir að samningurinn tók gildi, víða um Evrópu og þannig hefur atvinnugrundvöllur þeirra eflst til muna vegna samningsins og ýmissa tækifæra sem hafa gefist í samstarfi við önnur þau 26 Evrópulönd sem samningurinn nær til.

Fyrir þann tíma var Ísland ekki bara eyland úti í hafi heldur var engu líkara en ókleifur múr hefði verið reistur af okkur eyjarskeggum umhverfis okkur sjálf, sem bitnaði illilega á möguleikum einstaklinga og stofnana til að eflast í samstarfi við aðra.

EES samkomulagið hefur brotið niður múra og gert Evrópu aðgengilega fyrir stórhuga listamenn. Því samningurinn felur í sér ótal tækifæri til listsköpunar fyrir frjóa Íslendinga. Samningurinn nær til náinna samstarfsverkefna á ýmsum sviðum – ekki síst menningu. Þar gefast margvísleg tækifæri ef vandað er til verka og til staðar er árvökulir aðstoðarmenn á vettvangi – í iðu ákvarðana og framfara.

Það eru enn gífurleg sóknarfæri fyrir okkur fólgin í menningu ekki síður en viðskiptum og því brýnt að að halda áfram að sækja fram okkur öllum til heilla.

Því er það með ólíkindum að menningar- og viðskiptaráðuneytið eigi ekki einn einasta starfsmann á sendiráðsskrifstofu okkar í Brussel eins og öll önnur ráðuneyti hafa þegar þar, til að vinna að hagsmunamálum og tækifærum sem okkur gefast.

Greinin birtist í Fréttablaðinu 21. mars 2023. 

„Heimskt er heimaalið barn“, segir gamall málsháttur. 

Samfylkingin 60+ í Hafnarfirði, verður með kaffispjall fimmtudaginn 30. mars kl. 10:30-12:00.
Gestur fundarins verður Oddný G. Harðardóttir alþingismaður, sem mun tala um velferðarkerfið.

Allir velkomnir í Kaffispjall 60+

Kaffispjall 60+ í Hafnarfirði, með Oddnýju Harðardóttur 

Tveggja stafa verðbólga, hæstu vextir í 12 ár, æ fleiri eiga erfitt með að ná endum saman – en samkvæmt Bjarna Benediktssyni gengur efnahagsstjórnin ljómandi vel og fjárlög sem voru samþykkt með 120 milljarða halla eru í raun og veru að reynast prýðilegt meðal gegn verðbólgunni sem þó eykst milli mánaða. Katrín Jakobsdóttir bregst hneyksluð við þegar bent er á að vaxtahækkanir Seðlabankans kunni að hafa eitthvað með agaleysi í ríkisfjármálum að gera sem er þó einmitt það sem seðlabankastjóri segir sjálfur. Margt spes í kýrhausnum.

Allt frá því að hagkerfið tók við sér eftir heimsfaraldur höfum við í Samfylkingunni kallað eftir auknu aðhaldi í ríkisfjármálum. Það er ekki skemmtileg afstaða eða til vinsælda fallin, en hún hefur reynst rétt.

Kjarapakkinn sem við kynntum 6. desember síðastliðinn gekk út á að verja tekjulægri hópa fyrir verðbólgunni en taka á þenslunni þar sem þenslan er í raun og veru, eftir sprengingu í fjármagnstekjum og mikinn hagnað hjá bönkum og stórútgerð.

Ríkisstjórnin féllst á hluta pakkans en þó aðeins þær tillögur sem fela í sér aukin útgjöld. Breytingatillaga okkar um 50 prósenta hækkun á eignaskerðingarmörkum vaxtabóta var samþykkt sem skiptir máli fyrir tekjulág heimili með stóraukna greiðslubyrði. Jafnframt lét ríkisstjórnin undan kröfunni um hækkun húsnæðisbóta án þess þó að lögfesta leigubremsu eins og við og verkalýðshreyfingin höfum kallað eftir.

Stjórnarmeirihlutinn leit hins vegar ekki við þeim tillögum okkar sem eru til þess fallnar að sporna gegn þenslu og verðbólguþrýstingi. Umfang þeirra er 17 milljarðar eða sem nemur hálfri prósentu af vergri landsframleiðslu. Bjarni Benediktsson hefur brugðist við hugmyndunum með skætingi og sagt að með því að leggja til hækkun fjármagnstekjuskatts og álag á veiðigjöld stórútgerða sé Kristrún Frostadóttir að ala á „öfund“. Sjálfur kaus Bjarni að ná fram aðhaldi á tekjuhlið ríkisins með ofsahækkun á krónutölugjöldum, flötum sköttum sem leggjast þyngst á tekjulægstu heimilin í landinu, og hefur boðað sams konar gjaldahækkanir næstu árin.

Í vikunni verður fjármálaáætlun til næstu fimm ára kynnt. Þá fær ríkisstjórn Katrínar Jakobsdóttur tækifæri til að snúa við blaðinu og þetta tækifæri mun ekki koma aftur. Ríkisstjórnin getur ekki látið Seðlabankann einan um að kljást við verðbólguna og verður að herða á aðhaldsstigi ríkisfjármálanna. En í stað þess að demba öllu aðhaldinu á lágtekju- og millitekjufólk ætti ríkisstjórn Katrínar Jakobsdóttur að koma þjóðinni hressilega á óvart og skattleggja breiðu bökin, sækja aukna skatta af hæstu tekjum og hvalrekagróða í sjávarútvegi og fjármálageiranum og skapa þannig svigrúm til að verja heimilisbókhaldið hjá almenningi.

Greinin birtist á visi.is 26. mars 2023. 

Spjallkaffið verður á sínum stað á miðvikudaginn 15. mars kl. 10 - 12 í sal Samfylkingarinnar á Hallveigarstíg 1. 

Gestur okkar að þessu sinni verða fulltrúar í stýrihópnum um heilbrigðismál og öldrunarþjónustu, sem kynntur var á síðasta flokkstjórnarfundi. Fjallað verður um starfið framundan í málaflokknum.

Það verður heitt á könnunni og eitthvað með því. 
Verið velkomin.

Bestu kveðjur, 
stjórn 60+ í Reykjavík.

Leit um „��"

2918 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „������������������������������������������������������������"

2918 niðurstöður fundust við leit að „������������������������������������������������������������"