Við ætlum að hafa spjallkaffi á morgun miðvikudaginn 18. maí í Sóltúni 26 frá kl. 10 - 12.


Núna á laugardaginn eru kosningar, og ekki bara hvaða kosningar sem er, heldur eru þær mjög mikilvægar og skipta sköpum fyrir okkar framtíð hér í Reykjavík.

Ég er að sjálfsögðu að tala um sveitarstjórnarkosningarnar. Vissulega svolítið langt orð sem getur virkað fráhrindandi, ég veit.

Það er nefnilega þannig að við unga fólkið eigum það til að mæta síður á kjörstað en foreldrar okkar og þau sem eldri eru. Það er margt í gangi en það er samt sem áður svo mikilvægt að nýta kosningaréttinn okkar. Við verðum að taka okkur á, mæta, og kjósa!

Því með því höfum við áhrif á það sem koma skal, við höfum okkar atkvæði og við verðum að nýta það þar sem um framtíðina okkar og velferð er að ræða.

Samfylkingin er jafnaðarmannaflokkur sem leggur mikla áherslu á jöfnuð í samfélaginu óháð kyni, húðlit, stöðu innan samfélagsins, uppruna, fötlunar, kynhneigðar og fl.

Samfylkingin í Reykjavík vill búa til grænni, loftslagsvænni og bara almennt skemmtilegri borg þar sem Borgarlína, almenningssamgöngur, hjólandi og gangandi eru í fyrirrúmi. Við ætlum að byggja upp íbúðir á eftirsóttum svæðum í borginni af enn meiri krafti en áður, og þá sérstaklega viljum við leggja áherslu á húsnæði fyrir ungt fólk, fyrstu kaupendur og tekjulægri hópa.

Síðustu ár hafa verið byggðar fleiri íbúðir en nokkurn tímann áður í Reykjavík (meira en 1.000 íbúðir á ári) en Samfylkingin ætlar að byggja 2.000 íbúðir árlega á næsta kjörtímabili til að mæta þeirri gríðarlegu þörf sem er á húsnæðismarkaðnum í dag.

Þetta eru stór málefni sem okkur unga fólkið varðar.

Ég hef gríðarlega trú á flokknum og veit að þetta eru ekki bara innantóm loforð. Það hreinlega er ekki í boði þar sem svo margt er í húfi.

Mætið á kjörstað (hægt að sjá hér hvar þú átt að mæta www.reykjavik.is/kosningar), kjósið, og ef þið viljið sjá Reykjavík blómstra áfram- setjið þá x við S.

Höfundur skipar 20.sæti á lista Samfylkingarinnar í Reykjavík

Umræðan síðastliðin ár hefur oft á tíðum verið þannig að ungt fólk sem kýs að flytja út á land geri það vegna þess að það sé að flýja ófremdarástand á höfuðborgarsvæðinu. Slík orðræða er leiðinleg og arfavitlaus. Helsta ástæðan fyrir því að ungt fólk kýs að flytja aftur í heimahagana er nefnilega sú að það er frábært að búa út á landi. Kyrrðin, róin, öryggið og nándin við náttúruna gerir það að verkum að það eru fáir staðir í heiminum betur til þess fallnir að ala upp börn og lifa góðu fjölskyldulífi fram á fullorðins aldur. Þá eru allir innviðir og samgöngur á mun betri stað en þau voru fyrir áratugi síðan.

Þar hefur tekist vel til í Norðurþingi og er grunnurinn góður til framtíðar. Í Norðurþingi eru starfræktir góðir skólar þar sem metnaðarfullt og öflugt starfsfólk vinnur sem er umhugað um velferð barna sveitarfélagsins. Norðurþing hefur uppá að bjóða fjölbreytt íþrótta- og menningarstarf fyrir bæði börn og fullorðna. Þá má nefna lifandi mannlíf, fjölbreytta flóra veitingastaða og kaffihúsa svo ekki sé talaði um eitt besta brugghús landsins. Stórbrotin náttúra, allt frá víðáttu Melrakkasléttunnar til Ásbyrgis, Dettifoss og allir hvalirnir á Skjálfandaflóa gera sveitarfélagið að útivistarparadís bæði fyrir heimamenn og ferðalanga. Þá eru innviðir sveitarfélagsins sterkir þar sem samgöngur og fjarskipti hafa verið stórefld síðastliðin ár. Þá liggja gríðarleg tækifæri í áframhaldandi atvinnuuppbyggingu og atvinnuþróun sem er grundvöllur þess að byggja upp og viðhalda sterku og fjölbreyttu samfélagi til framtíðar. Allt þetta ásamt mannauðnum sem hér er til staðar gerir það að verkum að Norðurþing er tilvalið fyrir fólk og atvinnurekendur sem vilja nýta sér þau tækifæri sem felast í störfum án staðsetningar. 

Því miður hefur oft hefur neikvætt, leiðinlegt og misgáfulegt umtal um sveitarfélagið okkar fengið að grassera og ratað í misvandaða miðla á netinu. Þetta umtal endurspeglar engan veginn upplifun mína af sveitarfélaginu og ég leyfi mér að fullyrða að meirihluti íbúa Norðurþings séu mér sammála. Mín tilfinning og upplifun eftir mín eftir mörg samtöl við íbúa sveitarfélagsins er nefnilega sú að hér sé frábært að búa, lifa og starfa. Hér býr nefnilega mikið af jákvæðu, skemmtilegu og lífsglöðu fólki sem gerir samfélagið okkar betra og skemmtilegra. Byggjum á þessum sterka grunni til framtíðar því jákvæðni er smitandi, dreifum henni.

Höfundur er lögfræðingur hjá persónuvernd og skipar 3. sæti S-lista Samfylkingar og annars frjálshyggjufólks í Norðurþingi.

Eitt helsta umhugsunarefni og áskorun sveitarfélaga á landsbyggðinni síðustu áratugi hefur verið hvernig sé hægt að búa þannig um hnútanna að ungt fólk, sem sækir sér nám og fjölbreyttari atvinnumöguleika til höfuðborgarsvæðisins, geti og vilji flytja aftur í heimahagana. 

Verkefnum sveitarfélaga hefur verið að fjölga og kallað er á aukna þjónustu; til dæmis með breytingum á lögum um samþættingu þjónustu í þágu farsældar barna, svokallaðra farsældarlaga en einnig með heildrænni nálgun þjónustu við einstaklinga svo sem með skóla án aðgreiningar. Á sama tíma þá eykst fjárframlag frá ríki ekki í samræmi við þessar auknar kröfur og er kostnaður við setningu farsældarlaganna verulega vanmetinn samkvæmt sérfræðingum.

Þessar samfélagslegu breytingar eru  jákvæðar að mati S-listans en að sama skapi er ekki hægt að loka augum fyrir því að aukið þjónustuhlutverk sveitarfélaga kallar á frekari útgjöld. Þessi þróun hefur átt sér stað undanfarinn áratug hið minnsta.

Þrátt fyrir það er Norðurþing í sókn. Engin ný langtímalán voru tekin á síðasta ári og allir sjóðir sveitarfélagsins skiluðu betri afkomu árið 2021 en áætlað var.

A - hluti sveitarfélagsins skilaði 58 milljónum meira í afgang en áætlað var.

B - hluti sveitarfélagsins skilaði 10 milljón krónum meira í afgang en áætlað var. 

Hafnarsjóður var rekin með 12 milljón kr. minni halla en áætlað var.

Á kjörtímabilinu var rekstri Leigufélagsins Hvamms ehf. snúið við með umdeildri ákvörðun um að selja íbúðir sem losnuðu af náttúrulegum orsökum. Sú ákvörðun skilaði félaginu í einungis fimm milljón króna halla árið 2021 en áætlaður halli var 30 milljónir. Þá má horfa til þess að samkvæmt reglum um fjárhagsleg viðmið sveitarfélaga var skuldahlutfall Norðurþings 77% í árslok 2021 en í árslok 2014 stóð þetta sama viðmið í 160%. 

Slíkur viðsnúningur er eftirtektarverður og fleiri tölur er hægt að finna í ársreikningum og góðri samantekt fráfarandi sveitarstjóra sem S-listinn þakkar gott samstarf á líðandi kjörtímabili.

Með svona grunn er svo sannarlega ástæða til að blása til sóknar, skipuleggja til framtíðar, halda áfram að styðja við ferðaþjónustuna, ráða verkefnastjóra til að halda áfram uppbyggingu grænna iðngarða á Bakka og horfa til fjölþættrar samsetningu atvinnugreina s.s. í vinnslu þara, hverskyns fiskeldis og aðstöðusköpun fyrir nýsköpun.

Benóný  Valur er oddviti S-lista í Norðurþingi

Þegar rætt er um fjárhagslegar breytur þá sýnist sitt hverjum, í hvað eigi að horfa. Þó eru tölulegar staðreyndir til staðar og getur hver fyrir sig lesið í það á sinn hátt.

Velferðarstefna jafnaðarmanna hvílir á félagslegu réttlæti og jöfnuði. Öflug velferðarþjónusta er forsenda réttláts samfélags og hún skapar öryggi og efnahagslegan stöðugleika. Það skiptir máli að leggja áherslu á þjónustu sem grundvallist af virðingu fyrir sjálfstæði einstaklinga og að sú þjónustan uppfylli grunnþarfir allra bæjarbúa.

Eitt af stóru verkefnunum sem blasa við okkur eru húsnæðismál. Húsnæðisöryggi er öllum einstaklingum og fjölskyldum mikilvægt enda ein af okkar grunnþörfum að hafa öruggt húsaskjól og því er óhætt að segja að húsnæðismál sé velferðarmál. Við viljum snúa vörn í sókn og breyta því landslagi á húsnæðismarkaði sem hefur þróast hér síðustu ár undir forystu núverandi meirihluta Framsóknar- og Sjálfstæðisflokks í Hafnarfirði með því að tryggja fjölbreytileika í framboði bæði á fasteignamarkaði og leigumarkaði á viðráðanlegum kjörum.

Við ætlum að leggja áherslu á uppbyggingu fjölbreyttra íbúða enda verður uppbygging nýrra lausna að mæta þörfum allra hópa. Mikilvægt er að huga að ungu fólki sem er að koma sér upp sínu fyrsta húsnæði og bæjarfélagið þarf að tryggja nægt framboð af fjölbreyttum lóðum. Einnig verður að huga sérstaklega að nýrri uppbyggingu íbúða fyrir eldri borgara í bænum.

Við þurfum að taka höndum saman við félög sem ekki eru rekin í hagnaðarsjónarmiði, um uppbyggingu leiguíbúða á viðráðanlegum kjörum. Í Hafnarfirði á að byggjast upp öruggur leigumarkaður samhliða fjölbreyttri uppbyggingu íbúða fyrir ungt fólk, fjölskyldufólk, fyrstu kaupendur, eldri borgara og annarra á húsnæðismarkaði.

Ítarlegri upplýsingar um stefnu okkar jafnaðarmanna má nálgast í heild sinni á xshafnarfjordur.is

Kolbrún Magnúsdóttir,
mannauðsstjóri, skipar 6. sæti á lista Samfylkingarinnar í Hafnarfirði.

Við þurfum að huga vel að fólkinu okkar það skilar sér í framtíðinni

Samfélagsmiðlar

Frambjóðendur Samfylkingarinnar og óháðra 

Seltjarnarnes - Betri bær fyrir okkur öll

Seltjarnarnes.mp4

Þegar sveitar­fé­lögin tóku við rekstri mála­flokks fatlaðs fólks árið 2011 „gleymdist“ að gera ráð fyrir úr­ræðum fyrir börn með þroska- og geð­raskanir og að það kostaði eitt­hvað að þjónusta þau. Sveitar­fé­lög fengu því ekki til þess fjár­magn. Þessi börn eru skil­greind sem hættu­leg sjálfum sér og öðrum og þurfa stuðning og gæslu allan sólar­hringinn. Það er á­byrgð sam­fé­lagsins að tryggja að þau fái það. Þau búa við mjög flókinn heil­brigðis­vanda og þurfa þjónustu sem er sam­þætt fé­lags­legri þjónustu, gagn­reynd með­ferðar­úr­ræði, bú­setu og gæslu allan sólar­hringinn.

Sveitar­fé­lög hafa kallað eftir að heil­brigðis- og fé­lags­mála­ráðu­neytin komi upp sér­hæfðri þjónustu fyrir þessi börn auk barna og ung­menna í barna­verndar­kerfinu sem glíma við margs konar til­finninga- og hegðunar­vanda. Það hefur enn ekki tekist og nú á loks að skipa starfs­hóp um málið. Á hverju ári eru um 30 börn í þessari stöðu á öllu landinu og fyrir utan að það er ekki hlut­verk sveitar­fé­laga að byggja upp svo sér­hæfð með­ferðar­úr­ræði þá er það ó­ger­legt að öll sveitar­fé­lög geti komið sér upp svo sér­hæfðri þekkingu.

Þetta tóma­rúm hefur skilað því að heil­brigðis- og bú­setu­þjónusta fyrir þennan hóp hefur verið einka­vædd án þess að það hafi nokkurs staðar verið á­kveðið. Einka­fyrir­tæki hafa stigið inn og selja úr­ræða­lausum sveitar­fé­lögum þjónustu. Al­gengur kostnaður fyrir þjónustu við hvert barn er um 60 til 80 milljónir á ári. Nú ætla ég ekki að efast um að einka­fyrir­tæki rækti sitt hlut­verk vel en það er ekki eðli­legt að skilja þessi börn eftir. Þau eru svipt þeirri heil­brigðis­þjónustu sem þau eiga rétt á og skortur er á að byggð verði upp við­eig­andi þekking og gagn­reynd með­ferð á vanda þessara barna.

Reykja­vík er öflugasta sveitar­fé­lagið í vel­ferðar­málum og hvers kyns fé­lags­legri upp­byggingu og þjónustu. Við höfum lagt á­herslu á mál­efni barna á þessu kjör­tíma­bili, erum að inn­leiða verk­efnið „betri borg fyrir börn“ sem á að tryggja snemmtæka þjónustu á vett­vangi barnanna og fjöl­skyldna þeirra. Við höfum eflt stuðnings- og stoð­þjónustu, stuðnings­fjöl­skyldur, skamm­tíma­vistun og barna­verndar­mál hafa aldrei verið jafn mörg. Við erum að aug­lýsa eftir mál­stjórum og erum til­búin að inn­leiða far­sældar­lög sem barna­mála­ráð­herra hefur lagt á­herslu á. Ef vel tekst til mun það koma í veg fyrir vanda fjölda barna og fjöl­skyldna. En þau börn sem þurfa sér­hæfð úr­ræði þurfa að geta fengið þau, strax. Sam­fylkingin leggur á­herslu á að mál­efni þessara barna verði tekin föstum tökum, ís­lenskt sam­fé­lag getur ekki inn­leitt far­sældar­lög barna og skilið veikustu börn Ís­lands eftir.

Höfundur er borgarfulltrúi Samfylkingarinnar, formaður velferðarráðs og ofbeldisvarnarnefndar

Húsnæði fyrir alla þjóðfélagshópa

Leigjendur, námsmenn og eldri borgarar mega ekki sitja eftir. Mikilvægt er að tryggja fjölbreytt framboð húsnæðis í Kópavogi. Samfylkingin vill eyrnamerkja 20-25% lóðaúthlutanna á landi sem Kópavogur á til óhagnaðardrifinna félaga. Við viljum tryggja að ungt fólk þurfi ekki að flytja úr Kópavogi til að koma sér upp heimili, heldur að nægilegt framboð verði af litlu, hagkvæmu og þar með ódýru húsnæði til kaups eða leigu. Kópavogsbær á að sjá til þess að nægilegt framboð sé af húsnæði fyrir námsmenn, leigjendur, eldri borgara og þá sem þurfa á félagslegum stuðningi að halda.

Kópavogsbær á að leita samstarfs við byggingafélög verkalýðshreyfingarinnar eins og Bjarg, sem er í eigu ASÍ, og BSRB um uppbyggingu á nýju húsnæðiskerfi fyrir einstaklinga sem tilheyra lægstu tekjuhópunum. Einnig á bærinn að leita samstarfs við húsnæðissamvinnufélög við að byggja upp hagstæðan leigumarkað eins og gert hefur verið fyrir námsmenn til margra ára. Óásættanlegt er að engin námsmannaíbúð sé til staðar í Kópavogi og þurfa þeir Kópavogsbúar að flytja til Reykjavíkur eða Hafnarfjarðar til að fá húsnæði. Horfa má til Kársness með staðsetningu á námsmannaíbúðum sem og Fannborgarreits í miðbæ Kópavogs. Með þessu móti getur Kópavogsbær skapað úrræði fyrir ungt fólk, aldraða og tekjulága þannig að þeir geti leigt öruggt húsnæði á viðráðanlegum kjörum.

Engin námsmannaíbúð er í Kópavogi. Engum lóðum hefur verið úthlutað til byggingafélaga námsmanna og síðastliðin átta ár hefur engum lóðum verið úthlutað til húsnæðissamvinnufélaga eða byggingafélaga eldri borgara. 

Við viljum tryggja fjölbreytt framboð húsnæðis í Kópavogi. Ungt fólk á ekki að þurfa að flytja úr Kópavogi til að koma sér upp heimili eða til að fara í nám. Kópavogsbær á að sjá til þess að nægilegt framboð sé af húsnæði fyrir námsmenn, leigjendur, eldri borgara og þá sem þurfa á félagslegum stuðningi að halda. 

Skref okkar að betri húsnæðismarkaði:

20-25% lóðaúthlutanna á lóðum bæjarins verði til óhagnaðardrifinna verkefna.

Samvinna við húsnæðissamvinnufélög á borð við Bjarg.

Gæta að framboði á byggingarlóðum þannig að byggðar verði íbúðir af fjölbreyttri stærð og að nægt framboð verði af húsnæði í bænum.

Tryggja framboð af litlu hagkvæmu íbúðarhúsnæði fyrir ungt fólk til kaups eða leigu.

Námsmannaíbúðir verði byggðar á Kársnesi og á Fannborgarreit í samvinnu við húsnæðisfélög stúdenta.

Brúa þarf bilið milli fæðingarorlofs og leikskólans þannig að öll börn fái leikskólapláss við 12 mánaða aldur. Leikskólinn er fyrsta skólastigið.

Yfir 100 leikskólapláss standa auð í Kópavogi vegna manneklu. Þessu þarf að breyta. Við viljum bæta kjör og starfsumhverfi starfsfólks í leikskólum Kópavogsbæjar og stytta vinnuvikuna. Einnig þarf að byggja ungbarnadeildir við leikskóla bæjarins.

Fjölga leikskólum og brúa bilið - leikskólapláss verði til staðar fyrir börn við 12 mánaða aldur.

Bæta vinnuumhverfi í leikskólum í samræmi við vinnuumhverfi grunnskóla og tryggja leikskólum sjálfstæðan fjárhag. *

Hafa ókeypis leikskóladvöl til hádegis fyrir öll börn. 

Endurskoða barngildisviðmið í leikskólum bæjarins.

Ráðast í uppbyggingu innviða leik- og grunnskóla Kópavogsbæjar.

Bæta starfsaðstæður kennara og bæta sérfræðiaðstoð í kennslu.

Fá félagsráðgjafa og/eða sálfræðinga í alla grunnskóla. 

Minni nemendahópa í skólum og fleiri kennara. 

Tryggja að hér þrífist og dafni öflug verk-, forritunar- og listkennsla í öllum skólum.

Tryggja að nemendur fái þjálfun í upplýsinga-, miðla- og tæknilæsi.

Auka stuðning við snemmtæka íhlutun og geðrækt. 

Bæta læsi og málskilning.                    

Við viljum grænni Kópavog, plastpokalausan Kópavog í samvinnu við verslanir, snjallari Kópavog með lausnir í ferðamálum, sorpmálum ofl. og við viljum bæta þjónustu við eldri borgara þannig að það verði gott að eldast í Kópavogi.

Að umhverfissjónarmið, loftslagsáhrif og lýðheilsa séu höfð til hliðsjónar við allt skipulag hjá Kópavogsbæ.

Taka þátt í og styðja við uppbyggingu Borgarlínunnar.

Fjölga grænum svæðum og fækka gráum í samvinnu við íbúa og fyrirtæki.

Að Kópavogsbær taki allt skipulagsvald til sín en afhendi það ekki verktökum. Bæjaryfirvöld standi að hönnunarsamkeppnum og kynningum til íbúa svo sómi sé að.

Nýta útivistarsvæði Kópavogsbæjar betur líkt og Hlíðargarð og Rútstún. Við viljum auðga og byggja upp útivistarsvæðin í Smáranum, Fossvogsdal, Kópavogsdal, Guðmundarlundi, Kórum og Sölum.

Tengja Kópavogsdalinn við menningu og listir með uppbyggingu á þjónustu, hönnunar- og menningarmiðju við Dalveg með tengingu við dalinn.

Efna til hönnunarsamkeppni um nýtt skipulag fyrir Kópavogsdal sem fólksvang með svæðum fyrir útivist og bætta lýðheilsu að markmiði. 

Setja af stað átak í gerð göngu- og hjólastíga um land Kópavogs og bæta aðstöðu í kring með skjólbeltum, vatnspóstum og upplýsingaskiltum. Áhersla verði lögð á að tengja útivistarsvæði saman með göngu- og hjólreiðastígum.

Sjá til þess að gangstéttir og göngu- og hjólastígar verði færir á veturna með því að bæta mokstur og  hálkueyðingu. Við viljum hafa samráð við nágrannasveitarfélög um snjómokstur tengdra stíga.

Standa vörð um vatnsvernd og vatnsverndarsvæði.

Taka upp samgöngustyrki fyrir starfsmenn bæjarins.

Kaupa umhverfisvæna bíla fyrir bæinn þegar gömlum er skipt út.

Snjallari Kópavog. Við viljum nýta snjalllausnir til hagsældar fyrir íbúana.

Sjá til þess að Kópavogur styðji við Parísarsamkomulagið með öllum ráðum.

Að opinbert kolefnisbókhald sé gert fyrir bæinn og verði aðgengilegt á vef Kópavogs.

Hvetja íbúa til nýtingar og endurvinnslu í anda hringrásarhagkerfisins og sýna gott fordæmi í þeim efnum í rekstri bæjarins.

Gera átak í flokkun sorps þar sem bærinn kynnir komandi fyrirkomulag vel fyrir öllum íbúum og aðstoðar þá sem eiga erfitt með aðlögun að því. Sérstaklega þarf að huga að hreyfihömluðum í þeim efnum. 

Gefa Kópavogsbúum tækifæri til þess að velja mismunandi  losunartíma á sorpi. Þeir sem flokka og þurfa minni þjónustu greiði lægra gjald fyrir sorphirðu.

Tryggja að nemendur að 18 ára aldri fái ókeypis í strætó.

Setja upp hjólastæði við samgöngutorg.

Að fylgst verði með loftgæðum reglulega með færanlegum loftslagsmælum.

Marka stefnu í rafhleðslumálum og gera áætlun um uppbyggingu hleðslustöðva í bæjarlandinu svo íbúar eigi hægara um vik að hlaða rafbíla.

Að í Kópavogi verði kolefni bundið til jafns við það sem bæjarbúar losa og fyrirtækjum og almenningi verði gefinn kostur á gróðursetningu trjáa í upplandi Kópavogs í þessu skyni.

Við viljum ráðast gegn fátækt en leiða má líkum að  því að um 600 börn búi við fátækt í Kópavogi, samkvæmt skilgreiningum í skýrslu UNICEF. Ein meginástæða fátæktar er skortur á húsnæði og því mikilvægt að fjölga félagslegum íbúðum.

Til þess að útrýma fátækt í Kópavogi þurfum við að: 

Leggja áherslu á starfsþjálfun fólks sem nýtur fjárhagsaðstoðar.

Fjölga félagslegum búsetuúrræðum í Kópavogi og draga þannig úr biðlistum eftir félagslegu húsnæði.

Setja á laggirnar notendaráð fólks á fjárhagsaðstoð.

Auka félagslega liðveislu fyrir fólk sem lifir á fjárhagsaðstoð.

Bjóða verkalýðshreyfingunni upp á samstarf um uppbyggingu á húsnæðiskerfi fyrir einstaklinga sem ekki komast inn á húsnæðismarkaðinn og hafa ekki aðgang að félagslega kerfinu. Þannig gæti Kópavogur skapað úrræði fyrir ungt fólk, aldraða og tekjulága svo að þeir hópar geti leigt öruggt húsnæði á viðráðanlegum kjörum.

Kynntu þér stefnumál Samfyklingarinnar og óháðra í Reykjanesbæ

Opið alla virka daga eftir kl. 17

Kosningamiðstöð - Hafnargata 57

Barsvar á R5, Ráðhústorgi 5 næstkomandi föstudag.
Spurningar úr ýmsum áttum og verðlaun veitt fyrir sigurliðið!
Spyrill verður Skriðjökullinn og alþingismaðurinn Logi Einars! Hver veit nema hann rifji upp gamla takta og sýni nokkur dansspor!

Leit um „��“

2749 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������“

2749 niðurstöður fundust við leit að „���������������������������“