Laugardaginn 5. mars verður haldinn fundur á vegum Samfylkingarinnar í Kópavogi í Salaskóla.  Hann markar upphaf baráttu okkar fyrir bæjarstjórnarkosninarnar þann  14. maí í vor. 

Markmið fundarins er að skilgreina helstu stefnuáherslur sem lagðar verða til grundvallar í kosningabaráttunni framundan.  

Fundurinn hefst klukkan 9 og mun standa allt til klukkan 16.  Fundaformið verður þannig að safnað verður efnisatriðum frá þátttakendum sem verða tekin saman að honum loknum. Í kjölfarið verða settir á laggirnar málefnahópar sem munu útfæra stefnumið okkar í hinni mikilvægu baráttu sem framundan er. 

Ef þú hefðir áhuga á að taka þátt vinsamlegast sendu ósk þar að lútandi á undirritaðan á netfangið  betrikopavogur@gmail.com

 Dagskrá  
09:00 Velkomin:  Bergljót Kristinsdóttir

Kristrún Frostadóttir ávarpar fundinn.

09:30 Vinnulag fundar/Aðferðarfræði Hákon Gunnarsson
09:50 Kaffihlé 
10:00 Söfnun málefna- og úrbótaatriða 
12:30 Hádegishlé  - Snarl 
13:00 Söfnun 
14:30 Söfnun lýkur – Afritun og vafaatriði
15:00 Flokkun og samantekt Hákon Gunnarsson
15:20 Umræður og næstu skref
15:50 Lokaorð Bergljót Kristinsdóttir

FÉLAGAFUNDUR SAMFYLKINGARINNAR Í KÓPAVOGI 5. MARS kl. 09 - 16 Í SALASKÓLA

Málefnafundur Samfylkingarinnar í Kópavogi

Alþjóðamálahópur Samfylkingarinnar boðar til umræðufundar um þá grafalvarlegu stöðu í Úkraínu eftir innrás Rússlands. 

Logi Einarsson, formaður Samfylkingarinnar og 2. varaformaður utanríkismálanefndar Alþingis, heldur erindi ásamt Oddnýju Harðardóttur sem situr í Þjóðaröryggisráði. 

Magnea Marínósdóttir alþjóðastjórnmálafræðingur og sérfræðingur í jafnréttismálum mun leiða fundinn og stjórna umræðum.  

Kjörseðill hér: https://innskraning.island.is/?id=outcomesurveys.com

Upplýsingar um frambjóðendur hér: https://xs.is/frambjodendur-i-kopavogi-2022

Upplýsingar fyrir kjósendur hér: https://xs.is/upplysingar-fyrir-kjosendur-i-kopavogi

Kjóstu hér í flokksvalinu í Kópavogi!

Í fyrrinótt raungerðist það sem við höfum óttast undanfarnar vikur. Alþjóðalög hafa verið brotin, öryggi Evrópu er ógnað með innrás Rússa inn í Úkraínu og almennir borgarar liggja í valnum. Með innrásinni hafa rússnesk stjórnvöld einnig brotið Búdapest-samkomulagið frá 1994 um að virða landamæri Úkraínu og beita það ríki aldrei hervaldi nema í sjálfsvörn. Rússar eru líka að brjóta gegn samkomulagi sem gert var um vopnahlé eftir átökin á Krímskaga. Allt þetta gera rússnesk stjórnvöld án nokkurra röksemda og eðlilega óttast önnur ríki að Rússar líti annað ríkjasamkomulag jafn léttvægum augum. En þessi aðgerð er alls ekki léttvæg heldur kolólögleg og við því þarf að bregðast af fullri hörku enda upplifum við nú mestu ógn við öryggi Evrópu frá seinni heimsstyrjöld. Nató- og Evrópusambandsríkin standa frammi fyrir stærstu áskorun sinni og það sem mun ráða úrslitum er samstaða þessara ríkja, samstaða fullvalda lýðræðisríkja gegn valdabrölti og árásum Rússlandshers Pútíns. Samstaðan gerir okkur sterkari, minnsta sprunga í þeirri samstöðu veikir okkur og þeim mun meiri verður hættan um allan hinn vestræna heim.
 
 Það er afar mikilvægt að íslensk stjórnvöld hafi líkt og önnur Evrópuríki afdráttarlaust fordæmt innrás Rússa og tilkynnt að Ísland muni veita fjármuni til mannúðaraðstoðar í Úkraínu. Við í Samfylkingunni styðjum þessar fordæmingar og teljum við rétt að Ísland skipi sér eindregið í sveit með vestrænum þjóðum sem og að ráðamenn okkar tali hátt og skýrt á alþjóðavettvangi. Því rödd okkar heyrist þrátt fyrir að við séum lítið ríki og fámennt. Okkar afstaða skiptir máli.
 
 Það er því miður ljóst að viðbrögð vestrænna ríkja þurfa að vera harðari en þegar hefur verið boðað, því það er greinilegt að áhrifin duga ekki gegn stríðsviljugum Rússum. Við erum herlaus þjóð, sem betur fer, og því kemur það í okkar hlut að leita annarra leiða til að veita Úkraínu stuðning en að taka þátt í stríðsrekstri.
 
 Það er nauðsynlegt að smáríki eins og Ísland sýni samstöðu og beiti öllum tiltækum ráðum til þess að styðja við úkraínskan almenning sem nú óttast um líf sitt og framtíð lands síns. Líklegt má teljast að saklausir borgarar komi til með að streyma yfir landamæri Úkraínu enda eru þau ekki örugg þar í landi. Því er það einnig ánægjulegt að stjórnvöld hafi brugðist við kalli okkar í Samfylkingunni í gærmorgun um að taka Úkraínu þegar í stað af lista hinna svokölluðu öruggu ríkja. Við getum hvort tveggja veitt stuðning með samstöðu okkar sem og með því að veita úkraínskum almenningi skjól hér á landi á meðan á innrás stendur. Það er okkar skylda sem þjóð í samfélagi þjóða.

Við eigum að opna faðminn og veita hér þann stuðning sem við getum, mannúð og skjól.


Í kjölfar afléttinga  covidfaraldursins ætlum við að hefja spjallkaffið okkar á miðvikudögum aftur. Nú þegar borgar- og sveitastjórnarkosningarnar eru framundan, höfum við í huga að fá okkar frábæra fólk sem ætla að vinna borgina, til okkar í spjallkaffi með vorinu.

Fyrstur verður Borgarstjórinn okkar Dagur B. Eggertsson og kemur hann til okkar nk. miðvikudag 2. mars og verður hjá okkur frá kl.11.00 til kl. 12.00.

Hlökkum til að sjá ykkur.
Stjórn 60+SFFR

Spjallkaffi 60+ í Reykjavík verður miðvikudaginn 2. mars kl. 10.30 - 12.00. Borgarstjórinn okkar, Dagur B. Eggertsson verður gestur okkar að þessu sinni.

Spjallkaffi 60+ í Reykjavík - Gestur Dagur B. Eggertsson

 Einörð afstaða Íslands og loforð um aukna mannúðaraðstoð skiptir miklu enda stefnir árásin lífi almennra borgara í Úkraínu í hættu og er mesta ógn við frið í Evrópu síðan í seinni heimsstyrjöldinni.  Alþjóðasamfélagið stendur nú frammi fyrir risastórri áskorun og það sem mun ráða úrslitum er samstaða og samvinna ríkja heims gegn innrás Rússa. Hernaðaraðgerðir Rússa snerta ekki eingöngu líf fólks í Úkraínu heldur ógna öllu öryggiskerfi Evrópu. Nauðsynlegt er að samkomulag náist milli NATÓ- og Evrópuríkja um mun afdráttarlausari aðgerðir til þess að stilla til friðar en þegar hafa verið kynntar. Þingflokkurinn hvetur íslensk stjórnvöld til að beita öllum tiltækum ráðum til að styðja við úkraínsku þjóðina á þessum ófriðartímum með mannúðaraðstoð og skorar á ríkisstjórnina að hefja tafarlaust undirbúning á móttöku flóttafólks frá Úkraínu til Íslands.

Þingflokkur Samfylkingarinnar fordæmir innrás Rússlands í Úkraínu. Um er að ræða innrás í fullvalda lýðræðisríki sem er skýrt brot á alþjóðalögum.

Þingflokkur Samfylkingarinnar fordæmir innrás Rússlands

 Þetta eru blaðamennirnir sem höfðu fjallað um „skæruliðadeild Samherja“ og ófrægingarherferð hennar gegn fjölmiðlafólki, listamönnum og embættismönnum og gegn manninum sem ljóstraði upp um framferði fyrirtækisins í Namibíu, blaðamennirnir sem afhjúpuðu klíkuna sem vildi „stinga, snúa og strá salti í sárið“, sem plottaði um afskipti af kosningum hjá félagasamtökum og stjórnmálaflokki og gerði út leynilöggu sem njósnaði um og áreitti fréttamann. 

Lögreglan á Norðurlandi eystra ætlar að yfirheyra blaðamennina vegna gruns um brot gegn friðhelgi einkalífs sem fjallað er um í 228. og 229. gr. almennra hegningarlaga. Lagaákvæðin tóku talsverðum breytingum í fyrra þegar samþykkt var lagafrumvarp til varnar kynferðislegri friðhelgi og gegn stafrænu kynferðisofbeldi. Þá voru einmitt settar inn málsgreinar um að ákvæðin ættu ekki við þegar háttsemi er réttlætanleg vegna almannahagsmuna, til dæmis þegar fluttar eru fréttir sem eiga erindi við almenning. Þessi varnagli er ekki síst mikilvægur í ljósi þess að með frumvarpinu varð sú breyting að brot gegn 228. og 229. gr. sæta nú ákæru óháð því hvort aðili sem misgert var við geri kröfu um það eða ekki. Breytingin var sannarlega ekki gerð til þess að auðvelda yfirvöldum að takmarka prentfrelsi og hafa afskipti af störfum blaðamanna. Í nefndaráliti um frumvarpið tók allsherjar- og menntamálanefnd sérstaklega fram að ákvæðin ættu ekki að hamla störfum og tjáningarfrelsi fjölmiðla, „m.a. í þeim tilvikum þegar þeir fá aðgang að gögnum eða forritum sem hefur verið aflað í heimildarleysi og geti varðað almannahagsmuni“. 

Sjónarmiðin eru ekki sett fram að ástæðulausu heldur varða þau frumforsendur þess að frjáls blaðamennska geti þrifist: að heimildarmenn njóti verndar og blaðamenn geti unnið fréttir upp úr gögnum sem þeim berast og eiga erindi við almenning óháð því hvernig gagna var aflað. Þegar lögregluvaldi er beitt gegn blaðamönnum á hæpnum lagagrundvelli getur það haft alvarleg kælingaráhrif. Þetta virðist fjármálaráðherra eiga erfitt með að skilja. „Eru fjölmiðlamenn of góðir til að mæta og svara spurningum lögreglu eins og almennir borgarar?“ spyr hann og stillir þannig málinu upp eins og verið sé að krefjast forréttinda fyrir fjölmiðlafólk. Fjársterk öfl, sem hafa hagsmuni af því að aðferðir skæruliðadeildar Samherja liggi í þagnargildi, kunna yfirvöldum eflaust bestu þakkir fyrir að atast í óþægilegum blaðamönnum en við hin verðum að brjótast út úr Verbúðinni og sameinast um að verja upplýsingarétt almennings og frjálsa fjölmiðlun. 

Greinin birtist í Morgunblaðinu 16. febrúar.

„Ég þakka þeim sem hlýddu,“ sagði Jón Hjaltalín í Verbúðinni og hafði vart sleppt orðinu þegar það spurðist út að fjórir blaðamenn væru til lögreglurannsóknar vegna umfjöllunar um stærsta útgerðarfyrirtæki landsins.

Ramminn tekur fyrst og fremst mið af skuldastöðu ríkissjóðs til skamms tíma í stað þess að horfa á sjálfbærni samfélagsins og þar með fjárhagsstöðu hins opinbera til langs tíma. Hann tekur ekki mið af stöðunni á húsnæðismarkaði og stöðunni á vinnumarkaði né af fjárhagslegum samskiptum ríkis og sveitarfélaga. Af því leiðir að annað hvort stefnir í afturför í velferðarmálum hér á landi ef samþykktur rammi á að halda, eða þá að nýsamþykkt fjármálastefna ríkisstjórnarinnar til fjögurra ára er nú þegar sprungin. 

Ramminn tekur ekki mið af veruleika og þörfum fatlaðs fólks á Íslandi. Áætlanir stjórnvalda gera ráð fyrir 0,7% raunaukningu útgjalda árlega, eða um 8 milljörðum króna frá 2023-26. Þjónusta við fatlað fólk hefur verið vanfjármögnuð frá því að málaflokkurinn var fluttur yfir til sveitarfélaganna árið 2012 og um 9 milljarða króna vantar inn í málaflokkinn samkvæmt greiningum. Bara það eitt að fullfjármagna þjónustu við fatlað fólk, sem er bundin í lög, með samningum við sveitarfélögin myndi taka allt svigrúmið sem ríkisstjórnin hefur gert ráð fyrir í áætlun sinni út kjörtímabilið. 

Húsnæðisverð hefur hækkað um 25% á síðustu tveimur árum, verðbólga er rúmlega 6% og stefnir í frekari verðþrýsting vegna stríðsins í Úkraínu. Forsendur þess að ramminn haldi er stöðugleiki á vinnumarkaði. Sá stöðugleiki er háður aðgerðum nú en úrræðaleysi stjórnvalda gagnvart verðhækkunum hefur reynst algjört. Úrræðaleysi í dag skapar spennu sem mun brjótast út strax í haust. Aukinn launakostnaður og kostnaður vegna verðbólgu getur hæglega slagað í þá 8 milljarða króna sem ríkisstjórnin hefur skammtað sér í núverandi fjármálastefnu ef ekkert er að gert til að milda höggið af verðhækkunum.

Þá tekur ramminn heldur ekki mið af þörfum framtíðarkynslóða þrátt fyrir allt tal um mikilvægi þess að auka ekki byrðar þeirra út frá þröngum mælikvarða um ríkisskuldir. Í umfjöllun fjármálaráðs um fjármálastefnu stjórnvalda kemur fram að fjárfestingarstig í landinu sé orðið varanlega lægra en það var í kringum aldamót. Fjármunastofninn er metinn lægri en í flestum þeim löndum sem við berum okkur saman við. Vanfjárfesting á sér aftur á móti ekki aðeins stað hjá ríkinu, heldur er vandinn mun verri á sveitarstjórnarstiginu. Fjárfesting sem hlutfall af landsframleiðslu hefur fallið hjá sveitarfélögum og núverandi áætlanir benda til þess að fjárfestingarhlutfallið fari lækkandi út árið 2026.

Þetta er sjálfskapaður vítahringur sem stjórnvöld vilja ekki rjúfa. Staðan í fjárfestingum sveitarfélaga er nefnilega afleiðing niðurskurðar bakdyramegin í rekstri ríkissjóðs. Málaflokkar hafa verið fluttir yfir til sveitarfélaga til að hreinsa borð ríkissjóðs og bæta afkomustöðuna, og á móti dregið úr getu sveitarfélaga til að sækja fram. Fjárfesting sveitarfélaga hefur sögulega verið um 1,9% af landsframleiðslu en verður undir lok tímabils fjármálastefnu stjórnvalda um 1,2% af landsframleiðslu. Þessi 0,7% munur er ígildi um 20 milljarða króna í dag. Því má segja að vanfjármögnun í málaflokki fatlaðs fólks jafngildi um helmingnum af þessu fjárfestingargati. 

Þetta er sérstaklega alvarlegt í ljósi þess að svigrúm sveitarfélaga til að auka tekjur sínar er mjög takmarkað og tekjustofnar fáir. Sveitarfélögin eiga erfiðara með að nálgast lánsfjármagn og njóta verri lánskjara en ríkissjóður. Stærri sveitarfélög, líkt og Reykjavíkurborg, geta sótt fjármagn á mörkuðum á hagstæðum kjörum sökum stærðar og því sinnt nauðsynlegri fjárfestingu og framtíðaruppbyggingu. Þannig getur Reykjavíkurborg fylgt nútímalegri efnahagsráðgjöf um að skera ekki niður fjárfestingu á erfiðum tímum en fjöldi sveitarfélaga getur ekki leyft sér slíkt vegna úreltrar efnahagsstefnu þeirra flokka sem fara með landstjórnina. Ríkisstjórnin ætti að leitast eftir því að efla sveitarstjórnarstigið og getu þess til að sækja fram, ekki halda aftur því, með efnahagsstefnu sem er verulega úr takti við tímann. 

Höfundar eru þingmenn Samfylkingar í Reykjavíkurkjördæmum suður og norður.

Greinin birtist í Fréttablaðinu 10. mars 2022.

Alþingi samþykkti nýverið ramma utan um öll umsvif hins opinbera út árið 2026; fjármálastefnu stjórnvalda. 

Flokksstjórnarfundur Samfylkingarinnar fordæmir innrás rússneskra stjórnvalda í Úkraínu, fullvalda lýðræðisríki. Evrópubúar horfast nú í augu við mestu stríðshörmungar í álfunni frá lokum seinni heimstyrjaldarinnar. Rúmlega tvær milljónir manna eru á flótta og neyð almennings er mikil. Flokksstjórn styður fulla þátttöku Íslands í víðtækum þvingunaraðgerðum gegn Rússlandi og fagnar því að taka eigi á móti fjölda flóttafólks hér á landi. Samfylkingin lýsir sig reiðubúna að greiða fyrir meðferð mála á Alþingi og í sveitastjórnum landsins er lúta að móttöku flóttafólks frá Úkraínu. Ekki er síður mikilvægt að koma ríkjum sem eiga landamæri að Úkraínu og hjálparsamtökum sem sinna mannúðaraðstoð til frekari aðstoðar. Stjórnvöld verða að styðja myndarlega við starf stofnana Sameinuðu þjóðanna og Alþjóða rauða krossins sem hefur ríku hlutverki að gegna.

Í samræmi við þjóðaröryggisstefnu Íslands tökum við þátt í borgaralegu starfi Atlantshafsbandalagsins. Að sama skapi reynir nú á aðild Íslands að Schengen og aukið liðsinni við ytri landamæri Evrópusambandsins. Fordæmalausar efnahags- og viðskiptaþvinganir gagnvart Rússlandi munu líka bitna á viðskiptahagsmunum okkar og efnahag landsins en þær fórnir eru hjóm eitt samanborið við það sem íbúar Úkraínu og rússneskur almenningur þarf að þola. Þessi barátta úkraínsku þjóðarinnar fyrir frelsi sínu og sjálfstæði krefst staðfestu og úthalds í nánu samstarfi við vinaþjóðir. 

Hlutverk evrópusambandsins í varnar- og öryggismálum hefur stækkað í kjölfar innrásarinnar, í þeim tilgangi að tryggja betur lýðræði og frið í Evrópu. Hagsmunir Íslands eiga því sem aldrei fyrr samleið með Evrópusambandinu. Flokksstjórn Samfylkingarinnar leggur þunga áherslu á að hefja aðildarviðræður á ný við ESB að undangenginni þjóðaratkvæðagreiðslu. 

Flokksstjórnarfundur Samfylkingarinnar haldinn í Reykjanesbæ 12. mars 2022

Stjórnmálaályktun  - Samfylkingin fordæmir innrás rússneskra stjórnvalda í Úkraínu

Ísland er þar ekki undanskilið. Mörg okkar héldum að innrásarstríð á þröskuldi Vestur-Evrópu heyrðu sögunni til. Engum heilvita manni dytti slíkt í hug, hvað þá að hóta notkun kjarnorkuvopna. En nú horfumst við í augu við einar mestu hörmungar í álfunni frá lokum seinni heimsstyrjaldarinnar og tæplega tvær milljónir manna hafa lagt á flótta.

Þjóðaröryggisstefna Íslands byggir á nokkrum jafngildum þáttum. Hún tekur til hnattrænna, samfélagslegra og hernaðarlegra þátta. Aðild að NATO er lykilstoð í stefnunni og vörnum landsins en þátttaka Íslands, sem herlausrar þjóðar, í samstarfi á þeim vettvangi er á borgaralegum forsendum. Nú mun reyna á okkur líkt og aðrar aðildarþjóðir NATO í andstöðunni við innrásarstríð Pútíns. Þar skiptir miklu að ríki hafi úthald í mestu efnahags- og viðskiptaþvinganir sem gripið hefur verið til. Þær munu líka bíta viðskiptahagsmuni okkar en þær fórnir eru hjóm eitt við hliðina á þeim sem íbúar Úkraínu og rússneskur almenningur þarf að þola. 

Vægi Norðurskautsráðsins hefur vaxið mjög á þessari öld. Þar hafa ríki lagt áherslu á friðsamleg samskipti á norðurslóðum. Rússland tók við formennsku af Íslandi vorið 2021 og mun væntanlega gegna henni til 2023. Hin aðildarríkin sjö hljóta að  hugsa sinn gang á þessum mikilvæga vettvangi næstu misserin í ljósi innrásarinnar í Úkraínu.

Að lokum skal ítrekað að hagsmunir Íslands eiga sem aldrei fyrr samleið með Evrópusambandinu og augljóst að huga þarf fljótlega að því að endursenda umsóknarbréfið sem utanríkisráðherra undirritaði í júlí 2009 og hefja aðildarviðræður á ný. Ísland á heima í Evrópu í nánu samstarfi við vinaþjóðir okkar hvort heldur er í Atlantshafsbandalaginu eða í Evrópusambandinu.

Innrás Rússlands í Úkraínu er tilraun Pútíns til að snúa við gangi sögunnar þrjátíu árum eftir að Sovétríkin féllu. Takist honum ætlunarverk sitt mun það hafa langvarandi áhrif á öryggishagsmuni Evrópuríkja. 

Þjóðaröryggi Íslands og stríðið í Úkraínu

Leit um „��“

2907 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „������������������������������������������������������������“

2907 niðurstöður fundust við leit að „������������������������������������������������������������“