Þann 22. júní verða málefnanefndir með opna umræðufundi í Sóltúni 26, þar verður stefnan til umræðu og breytingatillögur.

Fundirnir eru ætlaðir til samtals um stefnu Samfylkingarinnar og þær breytingartillögur og hugmyndir sem þið ásamt nefndum leggið til.

Við hvetjum öll til að senda tillögur til nefnda fyrir umræðufundina, en einnig er hægt að koma með hugmyndir og tillögur á fundunum. Tillögur má senda á sigrun@samfylking.is. 

Félagar eru hvött til að mæta og taka þátt í stefnumótun. 

Hér er stefnan öll í heild sinni.

Skipting nefnda 22. júní:
Umhverfismál kl. 17 - 18
Byggða og samgöngumál kl. 17 - 18
Atvinnu og efnahagmál kl. 17 - 18
Stjórnkerfi, mannréttindi og lýðræði kl. 18 - 19
Velferðamál kl. 18 - 19
Menning og listir kl. 18 -19
Menntamál kl. 19 - 20
Alþjóðamál kl. 19 - 20

Fyrir þau sem ekki eiga heimangegnt í Sóltúnið getið tekið þátt í fundum rafrænt. 


Þann 18. ágúst skila svo málefnanefndir breytingatillögum. Félagar geta fram að því sent inn tillögur. 

Mikilvægar dagsetningar fram undan í málefnastarfi.

18. ágúst - Málefnanefndir skila tillögum 
8. sept. - Stjórn skilar breytingatillögum til aðildarfélaga
9. - 28. sept. - Aðildarfélög kynna breytingatillögur fyrir félögum 
29. sept. - Aðildarfélög skila athugasedmdum og tillögum frá sér

Eftir fjörugan kosningavetur og miklar umræður um hvernig við getum gert samfélag okkar betra er nú komið að því að skerpa stefnu okkar fyrir komandi landsfund.

Þar sjáum við svart á hvítu hvaða samfélag þeir þrír flokkar sem mynda ríkisstjórn Íslands, Vinstri græn, Sjálfstæðisflokkur og Framsóknarflokkur, vilja byggja. Um helgina fengum við nasasjón af raunverulegri sýn ríkisstjórnarinnar því það er einmitt í fjárlagafrumvarpi sem pólitísk stefna flokkanna þriggja raungerist. Ráðherrar hafa komið fram undanfarna daga og sagst ætla að fresta verkefnum, hafa skatta óbreytta en hækka krónutölu gjalda á almenning. Heildarplaggið er enn á huldu en þetta segir okkur samt ákveðna sögu. Ríkisstjórnin ætlar sér ekki að sækja tekjur í ríkissjóð til hinna efnameiri heldur til almennings óháð efnahag. Skattar verða óbreyttir en krónutöluhækkun er boðuð á gjöldin og þar með birtist sá vilji flokkanna þriggja að sá sem er með 400 þúsund krónur á mánuði borgi jafn mikið til samneyslunnar og sá sem hefur 4 milljónir. Flokkarnir ætla, ef marka má orð þeirra, ekkert að gera til að auka hér jöfnuð. Ekkert hefur verið sagt um að hækka skatt á fjármagnstekjur eða stóreignir, arð banka eða stórútgerða. Nei, það skal sækja fjármagnið til almennings óháð efnahag og eignastöðu. Þetta er pólitísk ákvörðun ríkisstjórnar Katrínar Jakobsdóttur. 

Þau segja að fresta eigi framkvæmdum og auka hér aðhald. Nú verður fróðlegt að sjá hvort í fjárlagafrumvarpinu birtist stefna ríkisstjórnarinnar að auka aðhaldskröfur á heilbrigðisstofnanir sem hafa verið vanfjármagnaðar undanfarna áratugi. Það ríkir þjóðarsátt á Íslandi um sterkt opinbert heilbrigðiskerfi og að auknu fjármagni verði veitt til þess. Undir það ákall skrifuðu hátt í 100 þúsund íbúar fyrir kosningarnar 2016 en ríkisstjórnir frá þeim tíma hafa virt þetta ákall að vettugi. Það þýðir ekkert að koma fram og vísa í aukin útgjöld vegna heimsfaraldurs þegar rætt er um vanfjármögnun heilbrigðiskerfisins því það blasir við að almenn heilbrigðisþjónusta er og hefur verið vanfjármögnuð um langt skeið. Flótti starfsfólks og langir biðlistar einkenna stjórn þessarar ríkisstjórnar á heilbrigðiskerfinu og ef aukið aðhald á heilbrigðisstofnanir verður svar ríkisstjórnar í fjárlögum næsta árs er ljóst að hennar verður minnst í framtíðinni fyrir aukinn ójöfnuð og vanrækslu við eina stærstu grunneiningu íslensks samfélags. Þau sem eiga fjármagn geta þannig sótt sér heilbrigðisþjónustu utan landsteinanna, aðrir mega bíða. Svar ríkisstjórnar við hamfarahlýnun er svo að hækka álögur á rafmagnsbíla. 

Það er ekki nóg að segjast á tillidögum ætla að auka hér jöfnuð og hækka veiðigjöld eða bankaskatt þegar ekkert slíkt er svo sett fram í fjárlögum. Með slíkum orðum sínum er forystufólk ríkisstjórnarinnar að beita þjóðina blekkingum um raunverulega stefnu sína og sinna flokka.

Greinin birtist í Morgunblaðinu 12. sept. 2022.

Í dag fáum við að líta fjárlagafrumvarp ríkisstjórnar Katrínar Jakobsdóttur.

Vandræðagangurinn var slíkur að gripið var til þess undarlega úrræðis hjá hreinum meirihluta að skipta embættinu milli tveggja bæjarfulltrúa. Slíkt hefur sennilega ekki áður sést nokkurs staðar á byggðu bóli þar sem hreinn meirihluti eins stjórnmálaflokks er við völd í sveitarfélagi.

Á síðasta kjörtímabili fannst sjálfstæðismönnum ástæða til þess að minnast á það trekk í trekk með hæðnistón að fyrri meirihluti gæti aldrei orðið langlífur þar sem hann væri fjölflokka og myndi aldrei geta sýnt þá samstöðu sem þyrfti. Þrátt fyrir að fjögur framboð stæðu að þeim meirihluta reyndist mun einfaldara að skipa eðlilega í embætti ólíkt því sem nú er með einn flokk í hreinum meirihluta.

Nýr meirihluti virðist halda að bæjarstjórastarfið sé einhvers konar bitlingur svo að tryggja megi ákveðnum bæjarfulltrúum vegtyllur. Það er mikill misskilningur. Stærsta og mikilvægasta hlutverk bæjarstjóra er að vera yfirmaður allra starfsmanna sveitarfélagsins. Bæjarstjóri leiðir teymi starfsmanna til þess að markmið og skyldur sveitarfélagsins náist í öllum málaflokkum. Með því að skipta embættinu upp þá er ekki verið að hugsa um hagsmuni starfsmanna og sveitarfélagsins alls heldur er verið að hugsa fyrst og fremst um gott embætti fyrir einstaklinga. Það fór undarlega hljótt um þessar fyrirætlanir sjálfstæðismanna fyrir kosningar því sennilega vissu þau sem var að þetta yrði ekki líklegt til vinsælda hjá kjósendum.

Þreföldun á launum formanns bæjarráðs
Þar sem það getur bara verið einn bæjarstjóri í einu þá voru góð ráð dýr hjá nýjum meirihlutia í Árborg. Sá sem átti að verða bæjarstjóri en þurfta að lúta í lægra haldi sneri hins vegar vörn í sókn. Meirihlutinn ákvað að eðlilegast væri að þrefalda starfshlutfall formanns bæjarráðs svo hann gæti líka verið í fullu starfi við að stjórna sveitarfélaginu fyrst hann fékk ekki að vera bæjarstjóri. Fyrsta verk nýs meirihluta sjálfstæðismanna eftir kosningar varð sem sagt að tryggja formanni bæjarráðs 103,4% starfshlutfall sem bæjarfulltrúi (26,4%), formaður bæjarráðs (65%) og formaður tveggja nefnda, þar af önnur sem fundar tvisvar í mánuði (6% fyrir formennsku í nefnd, alls 3 fundir í mánuði) sem gerir mánaðarlaun upp á rúmar kr. 1.400.000. Svona lítur nú fyrsta rekstrarhagræðing meirihluta sjálfstæðismanna út.

Í svari meirihlutans við fyrirspurn um í hverju aukin verkefni formanns bæjarráðs fælust við þessa þreföldun á launum hans, hækkun úr 21% af þingfararkaupi í 65% af þingfarakaupi, er ekki að finna eina breytingu á verkefnum frá því sem verið hefur. Í upptalningu á hlutverki og verkefnum formanns bæjarráðs er ljóst að þar er eingöngu um að ræða verkefni sem aðrir eiga að hafa með höndum innan stjórnsýslunnar. Niðurstaðan er því sú að búið er að taka verkefni af bæjarstjóra og öðrum starfsmönnum sem þeir höfðu áður með höndum svo að formaður bæjarráðs geti verið í fullu starfi.

Bæjarfulltrúar eru ekki starfsmenn sveitarfélagsins
Nú er sem sagt svo komið að formaður bæjarráðs og bæjarstjóri sitja á sameiginlegri skrifstofu í Ráðhúsi Árborgar og horfast í augu. Aldrei áður hefur bæjarfulltrúum boðist skrifstofa eða skrifborð í Ráðhúsi Árborgar. Miðað við þann fjölda starfsmanna og þau miklu þrengsli sem eru í Ráðhúsinu þá sætir það furðu að formanni bæjarráðs skuli finnast við hæfi að vera þar með vinnuaðstöðu því hann er jú ekki starfsmaður sveitarfélagsins. Undirrituð bíða spennt eftir að fá úthlutað skrifborði í ráðhúsinu því það hljóta jú allir bæjarfulltrúar að eiga rétt á sömu starfsaðstæðum.

Það er merkilegt hvað mannskepnan getur sannfært sjálfa sig um. Á síðasta kjörtímabili var mesta vaxta- og framkvæmdatímabil sveitarfélagsins Árborgar frá upphafi vega. Þrátt fyrir það datt fyrri meirihluta það aldrei til hugar að þrefalda starfshlutfall formanns bæjarráðs. Verkefnin í stjórnsýslunni aukast að sjálfsögðu í samræmi við þann gríðarlega vöxt sem er staðreynd í Svf. Árborg og þá er eðlilegast að starfsfólki í stjórnsýslu sé fjölgað en ekki útveguð vinna fyrir bæjarfulltrúa í atvinnuleit.

Það er grafalvarlegt að slík grímulaus sjálftaka skuli vera fyrsta verk nýs meirihluta. Þetta heitir að skara eld að eigin köku og á aldrei að líðast.

Arna Ír Gunnarsdóttir
Sigurjón Vídalín Guðmundsson
Bæjarfulltrúar Samfylkingarinnar í Svf. Árborg.

Greinin birtist í Sunnlenska 28. júní 2022

Eftir sveitarstjórnakosningar í vor er orðið ljóst hversu mikið ósætti hefur ríkt innan raða sjálfstæðismanna í Árborg með bæjarstjóraembættið. 

Að skara eld að eigin köku -Tveggja bæjarstjóra Sveitarfélagið Árborg

Það er ljóður á ráði okkar sem erum kjörnir fulltrúar á Alþingi að veita aukaatriðum stundum meiri athygli en stóru málunum sem mynda grundvöll samfélagsgerðarinnar. Þetta á við í mörgum mikilvægum málaflokkum, t.d. afstöðu til aðildar að Evrópusambandinu og rekstrarforms í heilbrigðiskerfinu. 

Opinber áfengisstefna virðist ætla að hljóta þessi sömu örlög. Að undanförnu hefur umræðan aðallega snúist um smásölu áfengis á netinu, kosti hennar og galla, og hvort hún samræmist yfirhöfuð lögum í landinu. Vangaveltur um netsöluna eru að mörgu leyti skiljanlegar en þær taka aðalatriði áfengisstefnunnar úr brennidepli stjórnmálanna, þ.e.a.s. hvort Áfengis- og tóbaksverslun ríkisins eigi áfram að vera handhafi einkaleyfis til smásölu áfengis á Íslandi.

Málið snýst um fleira en frelsi í viðskiptum, annars væri það einfalt viðureignar. Opinber áfengisstefna hefur áratugum saman haft það að höfuðmarkmiði sínu að takmarka aðgengi almennings að áfengum drykkjum og reyna þannig að draga úr þeim skaða sem óhófleg neysla getur valdið einstaklingum og samfélagi. „Áfengisdrykkja er ekki einkamál“ má lesa á vef landlæknisembættisins og segja má að þar kjarni landlæknir í einni setningu þau skaðlegu áhrif sem ofneysla getur valdið. 

Áhersla á forvarnir gegn vímuefnanotkun skiptir síst minna máli en fyrirkomulag sölu áfengis. Samtaka tókst okkur að draga úr unglingadrykkju svo eftir hefur verið tekið. Við vitum að hvert ár sem ungt fólk bíður með að hefja neyslu áfengis getur gert gæfumuninn og æ fleiri ungmenni kjósa edrú lífsstíl. Nýlega hafa fram komið upplýsingar umvaxandi áfengisdrykkju gamals fólks. Það er áhyggjuefni. 

Sem betur fer eykst skilningur fólks á gildi skaðaminnkandi nálgunar á vímuefnanotkun og vonandi tekst Alþingi að gera vörslu neysluskammta vímuefna refsilausa áður en langt um líður. Þá hefur vitneskja um áhrif áfalla á lífsleiðinni á notkun vímuefna – löglegra og ólöglegra – stóraukist á undanförnum árum. Á engan er hallað þó sérstaklega sé getið framlags Rótarinnar – félags um velferð og lífsgæði kvenna, í þeim efnum. 

Ég var ein þeirra sem samþykkti undanþágu frá áfengislögum um sölu áfengra drykkja á framleiðslustað, þ.e. hjá litlum brugghúsum, á síðasta þingi. En ég hef ekki myndað mér endanlega skoðun á því hvort afnema eigi einkaleyfi ríkisins á smásölu áfengis og vil taka skýrt fram hér að stefna  Samfylkingarinnar kveður ekki á um afnám þess. 

Í viðtali við Viðskiptablaðið fyrr á árinu sagði Ívar J. Arndal, forstjóri ÁTVR: „Valið stendur um hvort halda eigi í áfengisstefnu sem fylgt hefur verið hér á landi í áratugi og stuðlað hefur að auknu heilbrigði íslenskra ungmenna, minni áfengisneyslu og betri lýðheilsu og almannaheill eða leggja áfengisstefnuna til hliðar og gefa smásölu áfengis alfarið frjálsa. Í þessum efnum verður ekki bæði sleppt og haldið.“  Ég legg til að stjórnmálafólk og flokkar axli þá samfélaglegu og pólitísku skyldu sína að útkljá þetta mál. Það verður ekki bæði sleppt og haldið.

Greinin birtist í Morgunblaðinu 8. júlí 2022.

Höfuðeinkenni íslenskra stjórnmála er að ráða illa við grundvallarstefnubreytingar. 

Ríkisrekin áfengisverslun – verður bæði sleppt og haldið?

Með því að fylgja ekki útreikningum NPA miðstöðvarinnar á tímagjaldi NPA samninga, sem byggja á gildandi kjarasamningum NPA miðstöðvarinnar og Eflingar fyrir aðstoðarfólk NPA, hefur meirihlutinn hlunnfarið notendur NPA í Hafnarfirði. Það hefur að sjálfsögðu haft alvarlegar afleiðingar fyrir notendur NPA í bænum. En við jafnaðarmenn höfum barist gegn þessu óréttlæti meirihlutans frá fyrstu stundu. Og sú barátta hefur loksins borið árangur.

Farið á svig við reglugerð ráðherra

Meirihluti Framsóknar- og Sjálfstæðisflokks taldi sig ekki bundinn af útreikningum NPA miðstöðvarinnar og miðaði sína útreikninga ekki við kjarasamninga heldur launavísitölu þrátt fyrir skýr ákvæði í reglugerð félagsmálaráðherra um hið gagnstæða. Niðurstaðan af þessari sérvisku meirihlutans hefur verið notendum NPA í Hafnarfirði dýr. Fatlað fólk í Hafnarfirði, notendur NPA, hafa ekki setið við sama borð og NPA notendur í nágrannasveitarfélögunum og búið við lakari kjör enda hafa öll sveitarfélögin á höfuðborgarsvæðinu hækkað sitt tímagjald í samræmi við útreikninga NPA miðstöðvarinnar. Samfylkingin hefur bæði lagt fram tillögur í bæjarstjórn og fjölskylduráði til þess að stöðva þetta óréttlæti en meirihluti Framsóknar- og Sjálfstæðisflokks hefur staðfastlega hafnað þeim tillögum okkar og komið þannig í veg fyrir þessa réttarbót fyrir fatlað fólk - þar til nú.

Líkt og greint var frá í fréttum í síðustu viku þá klofnaði meirihluti Framsóknar- og Sjálfstæðisflokks í málinu þegar það var afgreitt í fjölskylduráði. Þá var það samþykkt af fulltrúum Samfylkingar og Framsóknar að fylgja útreikningum NPA miðstöðvarinnar við ákvörðun tímagjalds NPA samninga hjá bænum og að sú leiðrétting væri afturvirk til 1. janúar 2022. Fulltrúi Sjálfstæðisflokks í fjölskylduráði sat hjá við afgreiðsluna. Í bæjarráði og svo bæjarstjórn hefur málið nú verið samþykkt með atkvæðum allra flokka og því ljóst að Framsóknarflokkurinn hefur beygt Sjálfstæðisflokkinn með því að taka höndum saman við okkur jafnaðarmenn í þessu sjálfsagða réttlætismáli. Við jafnaðarmenn bindum vonir við að Framsóknarflokkurinn haldi áfram að setja félagslegar áherslur á oddinn og að áfram verði þannig mögulegt að koma góðum framfaramálum áleiðis í bæjarstjórn í samstarfi við Framsóknarflokkinn.

Þó ánægjulegt sé að barátta Samfylkingarinnar í þessu mikilvæga máli í þágu fatlaðs fólks hafi nú loks borið árangur er það óásættanlegt að fatlað fólk sé sett í þá stöðu að þurfa að berjast fyrir jafn sjálfsögðum réttindum. En baráttunni fyrir réttlæti og jöfnuði lýkur aldrei og jafnaðarmenn í bæjarstjórn Hafnarfjarðar munu halda áfram að berjast í þágu fatlaðs fólks þar sem yfirmarkmiðið er að fatlað fólk geti notið sjálfstæðis í lífi sínu til jafns við ófatlað fólk og að sjálfsákvörðunarréttur hvers og eins sé virtur.

Meirihluti Framsóknar- og Sjálfstæðisflokks hefur sýnt fötluðu fólki fálæti og áhugaleysi undanfarin ár. 

NPA samningar – jafnaðar­menn knýja fram réttar­bót fyrir fatlað fólk í Hafnar­firði

 Það þarf hvort tveggja að fjármagna með fullnægjandi hætti en einnig skipuleggja svo hver og ein heilbrigðisstofnun um allt land nýtist sem best og geti starfað sem skyldi. 

Oft er talað um „vanda Landspítalans“ og „vanda bráðamóttökunnar“ eins og um sé að ræða einangruð fyrirbæri. Umræddur vandi er hins vegar birtingarmynd heilbrigðiskerfis í vanda. Eða við ættum kannski að segja, birtingarmynd óstjórnar á heilbrigðiskerfinu. Þessi óstjórn verður ekki bara skrifuð á heimsfaraldur heldur voru birtingarmyndir óstjórnar komnar fram fyrir faraldur. Í byrjun árs 2020 lagði Velferðarnefnd Alþingis undir minni stjórn í heildarskoðun á heilbrigðiskerfinu um allt land. Lykilaðilar voru boðaðir á fund, við fjölluðum m.a. um sjúkrahúsin, héraðssjúkrahúsin, öldrunarstofnanir, heilsugæslu og sjálfstætt starfandi veitendur heilbrigðisþjónustu. Þetta var mjög fræðandi yfirferð fyrir okkur og að mínu mati opinberaðist að það sem vantar við stjórnun heilbrigðiskerfisins er heildarsýn á útdeilingu verkefna. Við erum að vanfjármagna heilbrigðisstofnanir um landið þannig að þær neyðast til að skera niður þjónustu sem áður var veitt. Sjúklingarnir streyma því á stóra þjóðarsjúkrahúsið sem getur ekki synjað fólki um þjónustu og setur það því á biðlista með tilheyrandi tjóni fyrir alla. Spítalinn verður yfirfullur af fólki sem ekki þarf á 3. stigs heilbrigðisþjónustu að halda en þarf þó þannig þjónustu að það getur ekki útskrifast. Þetta bitnar á því fólki, öðrum sjúklingum og starfsfólkinu öllu og smitast svo út í heilbrigðiskerfið. Nú bætast við uppsagnir starfsfólks í hrönnum eins og fréttir síðustu daga bera með sér og þá eykst vandinn gríðarlega. 

Höfuðborgarsvæðið, með nærri 250 þúsund íbúa auk ferðamanna er eini landshlutinn sem ekki hefur héraðssjúkrahús. Ég held að þar liggi mögulega „vandi Landspítala“ því Landspítala Háskólasjúkrahúsi, sem er ætlað að vera rannsóknar- og hátæknisjúkrahús, er einnig ætlað að sinna minni háttar aðgerðum eins og að sauma skurði og sækja legókubba í nasir barna sem og hlúa að öldruðum. Ég tel að við eigum af alvöru að skoða hvort ekki sé rétt að endurreisa héraðssjúkrahúsið okkar, sinna þar þeim aðgerðum sem héraðssjúkrahús sinna almennt og gefa Landspítala færi á að vera í fremstu röð hátæknisjúkrahúsa á nýjan leik. Við opnun nýs meðferðarkjarna má sjá fyrir sér héraðssjúkrahús í Fossvogi líkt og áður var. Samhliða þessu þarf að nýta heilbrigðisstofnanirnar um allt land betur, veita fjármagni til verkefna sem þau geta sinnt og létta á kerfinu öllu.  

Greinin birtist í Morgunblaðinu 2. september 2022. 

Heilbrigðiskerfið er lífæð samfélagsins. Við treystum á að fá góða þjónustu þegar á reynir og allar kannanir sýna að almenningur á Íslandi vill sterkt opinbert heilbrigðiskerfi.

Ung­ir jafnaðar­menn (UJ), ungliðahreyf­ing Sam­fylk­ing­ar­inn­ar, hef­ur nú breytt nafni sínu í Ungt jafnaðarfólk. Til­laga að nafna­breyt­ing­unni var samþykkt á landsþingi. 

„Mér finnst ekki gam­an að það sé fólk sem upp­lif­ir sig ekki vel­komið í hreyf­ing­unni út af nafn­inu,“ seg­ir Arn­ór Heiðar Benónýs­son, ný­kjör­inn for­seti Ungs jafnaðarfólks, í sam­tali við mbl.is.

90% full­trúa á landsþing­inu með til­lög­unni. Eina breyt­ing­in á nafn­inu er sú að orðið jafnaðar­menn breyt­ist í jafnaðarfólk og verður nafn hreyf­ing­ar­inn­ar þannig kyn­laust. 

Arnór Heiðar Benónýsson var kjörinn forsteti UJ á landsþingi síðast liðinni laugardag, 27. ágúst, hann tekur við af Rögnu Sigurðardóttur. 

Arn­ór Heiðar Benónýs­son nýr forseti Ungs jafnaðarfólks

Ungir jafnaðarmenn halda partí í samvinnu við aðildarfélög UJ á höfuðborgarsvæðinu þann 25. ágúst á Húrra. Dj rasley spilar, bolir og annað merch til sölu, frír bjór á meðan birgðir endast  Við fögnum líka útgáfu blaðsins Jöfn & frjáls sem verður gefið út í aðdraganda landsþings UJ 27. ágúst 

Húsið opnar kl. 20:00. Hjólastólaaðgengi er til staðar en með takmörkunum vegna þröskulda - hafið samband við okkur fyrir frekari upplýsingar!

The Social Democratic Youth (UJ) will be hosting a party next Thursday, August 25th at Húrra. DJ rasley will play dance tunes, we will be selling T-shirts and other merchandise, and free beer for those who are first to attend  We will also be celebrating the publication of our magazine, Jöfn & frjáls.

Leit um „��"

3264 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������"

3264 niðurstöður fundust við leit að „���������������������������"