Bjarkarhlíð fær auka 7, 5 miljónir til að sinna þessu mikilvæga verkefni. Allir sem dvallið hafa á vistheimilum geta sótt ráðgjöf í Bjarkarhlíð, hvort sem heimilin voru rekin af ríkinu, Reykjavíkurborg eða einkaaðilum. 

Heiða Björg Hilmisdóttir, formaður velferðarráðs, segir að með þessu séu send skýr skilaboð til einstaklinga sem hafi orðið fyrir ofbeldi á vistheimili. „Börn eiga aldrei að verða fyrir ofbeldi og það er hræðilegt að heyra af því ofbeldi sem fólk hefur lýst að það hafi orðið fyrir á vistheimilum. Með þessu skrefi viljum við senda skýr skilaboð til þeirra sem vistuð voru sem börn á vegum Reykjavíkurborgar um að hafi þau orðið fyrir ofbeldi þá standi þeim til boða stuðningur í Bjarkarhlíð. Það er ekki hægt að breyta fortíðinni en við getum sannarlega staðið saman um það núna að taka afsöðu gegn hvers kyns ofbeldi og að trúa og styðja þau sem fyrir því hafa orðið.“

Með þessum aukna styrk til Bjarkarhlíðar vonast Reykjavíkurborg að unnt verði að bregast við þeim áföllum sem þessir einstaklingar hafa orðið fyrir sem börn. Undafarnar vikur, mánuði og ár hafa fjölmargir opnað sig um það ofbeldi sem það varð fyrir á slíkum heimilum og það er verk að vinna að hjálpa fjölmörgum að vinna sig út úr þessum áföllum. 

Ákveðið var á fundi Velferðarráðs að Bjarkarhlíð, miðstöð fyrir þolendur ofebeldis, fær aukinn styrk frá Reykjavíkurborg til að veita einstaklingum ráðgjöf sem hafa upplifað eða orðið fyrir ofbeldi við dvöl á vistheimilum.

Reykjavíkurborg styrkir Bjarkarhlíð til að veita þolendum ofbeldis vistheimila ráðgjöf

Haustið hefur liðið hratt og senn líður að jólum. Kosningarnar í september voru okkur jafnaðarmönnum vonbrigði - og raunar mörgum þeim sem aðhyllast félagslegt réttlæti og frjálslyndi. 

Þrátt fyrir það var sá möguleiki fyrir hendi að mynda ríkisstjórn frá miðju til vinstri; félagshyggjukosturinn var raunhæfur möguleiki sem að formaður Vinstri grænna hafnaði, til þess eins að endurnýja samstarf við Sjálfstæðisflokkinn.

Eftir tveggja mánaða bið birtu ríkisstjórnarflokkarnir þrír loks nýjan stjórnarsáttmála, litlausan og íhaldssaman. Hvergi minnst á fátækt og varla á ójöfnuð; þúsundum barna sem búa við skort, tekjulágu fólki, öryrkjum og öldruðum ekki gefin mikil von um bjartari tíma. Í byrjun gladdist ég þó að sjá áherslu lagða á loftslagsmálin, tæknibreytingar og öldrun þjóðar - en þau fögru fyrirheit voru slegin köld með framlagningu fjárlaga. Þar kom hið rétta andlit ríkisstjórnarinnar í ljós; engin aukning til loftslagsmála umfram það sem gert var ráð fyrir, niðurskurður á framlögum til mennta- og menningarmála og enga aukningu að sjá í húsnæðisuppbyggingu þrátt fyrir mikla vöntun. 

Heimsfaraldurinn heldur áfram að leika okkur grátt. Vegna fjölda smita í samfélaginu varð að fresta mikilvægum flokksstjórnarfundi sem átti að halda í nóvember. Það bíður því nýs árs að hittast í persónu og ræða stöðuna í stjórnmálum og framtíð jafnaðarstefnunnar. 

Verkefnin eru ærin og erindi jafnaðarmanna jafn mikilvægt og áður. Stjórnvöld hafa ríku hlutverki að gegna í baráttunni gegn ójöfnuði; réttlátt skattkerfi, félagslegt húsnæði, barnabætur og öflugar almannatryggingar skipta máli. Mikil misskipting dregur úr verðmætasköpun, skerðir lífsgæði og rýfur samkennd. Þá þarf að styrkja stoðir heilbrigðisþjónustunnar, vinna að nýrri sátt í fiskveiðistjórnunarkerfinu, mæta áskorunum framtíðarinnar og hamfarahlýnunar með stefnufestu og fjárfestingu, sækja fram í menntamálum og byggja upp atvinnulíf sem er fjölbreyttara, alþjóðlegra og grænna. 

Við jafnaðarmenn gefumst því ekki upp þótt móti blási heldur höldum ótrauð áfram til sigurs í sveitarstjórnarkosningunum í vor og Alþingiskosningunum næst - hvort sem þær verða eftir eitt ár eða fjögur. 

Kæru félagar, haustið hefur liðið hratt og senn líður að jólum. Kosningarnar í september voru okkur jafnaðarmönnum vonbrigði - og raunar mörgum þeim sem aðhyllast félagslegt réttlæti og frjálslyndi. 

Frekar en sú staðreynd að við förum nú inn í kjarasamningavetur með mikla verðbólgu og hátt húsnæðisverð. Þetta er afleiðing af hagstjórnarákvörðunum ríkisstjórnarinnar.

Ein stærsta COVID aðgerðin í fyrra fól í sér brúarlán með ríkisábyrgð. Sérstaklega var liðkað fyrir getu bankanna til að veita lán til að fylgja þessu eftir. Stjórnvöld tóku meðvitaða ákvörðun um að útvista stórum hluta af efnahagslegum björgunaraðgerðum til fjármálafyrirtækja sem völdu hvert lánsfjármagn flæddi. Nær engin brúarlán voru veitt. En gríðarlegt fjármagn fór inn á íbúðamarkaðinn og aðra eignamarkaði í stað þess að drífa áfram nýja fjárfestingu. 

Þessi aðgerð varð til þess að mikið auka fjármagn elti sömu fasteignirnar og úr varð kapphlaup á íbúðamarkaði. Seigfljótandi framboðshliðin, þangað sem lítið fjármagn rann, réði ekki við þessa hröðu breytingu. Stærsti hluti skuldaaukningarinnar í einkageiranum í fyrra rataði í sömu eignirnar og fyrir voru á íbúðamarkaðnum. Engin ný verðmæti sköpuðust vegna þessa. 

Geta heimilanna til að skuldsetja sig meira en ella vegna aðgerða ríkisstjórnarinnar er m.a. á bakvið einkaneysluvöxt síðustu mánaða sem hefur drifið áfram hraðan efnahagsbata. En þessum hraða bata fylgir aukið ójafnvægi í hagkerfinu þar sem íbúðaverð hefur rokið fram úr ráðstöfunartekjum og ungt fólk á leið út í lífið er skuldsettara en áður. Lærdómurinn af krísunni 2008 er að skuldir heimila og fyrirtækja skipta máli, ekki aðeins skuldir ríkissjóðs.  

Þessi þróun var fyrirsjáanleg. Ábendingar bárust, m.a. frá undirritaðri, um að skynsamlegra væri að ríkið kæmi fjármagni beint til þeirra sem á því þurftu vegna COVID og það hratt. Bankarnir myndu beina útlánasvigrúmi inn á íbúðamarkað á áhættutímum og ójafnvægi skapast. Þessar ábendingar voru ítrekað hundsaðar.

Fjármálastöðugleikanefnd Seðlabanka Íslands lýsti því síðan yfir fyrr í vikunni að kerfisáhætta færi vaxandi vegna hækkandi íbúðaverðs og skulda heimilanna. Aukna áhættu má merkja í greiðslubyrði, sérstaklega hjá fyrstu kaupendum og veðsetningarhlutföll hafa hækkað. Þá eru uppi áhyggjur um að eignaverðshækkanir verði til þess að skuldsetning aukist enn frekar, sem þrýstir áfram á íbúðaverð. 

Staðan á íbúðamarkaði er ekki nýtilkomin. Íbúðaverð hefur hækkað um 50% umfram ráðstöfunartekjur heimilanna á síðustu 30 árum. Langtímastefnu hefur skort í húsnæðismálum hjá ríkisstjórninni. Hugmyndafræðilegur ágreiningur innan ríkisstjórnarinnar um björgunarúrræði bættist svo við þetta langvarandi stefnuleysi sem varð til þess að ráðist var í aðgerðir í fyrra sem ýktu vandann á húsnæðismarkaði enn frekar.  

Verðbólga er nú 1,7% hærri en síðasta afkomuáætlun ríkisstjórnarinnar gerði ráð fyrir. Ríkissjóður greiðir 3,6 milljarða aukalega í verðlagsbætur vegna þessa. Það jafngildir fjármagninu sem ríkisstjórnin ætlar að ráðstafa í niðurgreiðslu á uppbyggingu hagkvæms húsnæðis á næsta ári. 

Svona smáskrefapólitík kostar. Verðbólgan er upprunnin á ríkisstjórnarborðinu. Í stað þess að hafa sýn á hvernig ríkið getur stutt við stöðugleika á húsnæðismarkaði setti stjórnin með afstöðuleysi sínu af stað atburðarás sem leitt hefur til hærri verðbólgu og óstöðugleika. 

Skuldsetning ríkissjóðs er 200 milljörðum króna minni en við var búist, en skuldir heimilanna hafa aukist um 400 milljarða frá því að faraldurinn hófst. Þetta er ekki tilviljun.

Fjárhagsáætlun Seltjarnarnesbæjar 2022 gerir ráð fyrir áframhaldandi halla á rekstri bæjarins en á síðustu fjórum árum hefur bærinn þrisvar verið rekinn með halla og stefnir allt í að árin 2021 og 2022 verði það einnig. Fjárhagsáætlunin næsta árs gerir ráð fyrir 1,5 milljón króna afgangi sem er 0,04% af rekstrargjöldum bæjarins. Við það má bæta að í umræðu um fjárhagsáætlunina kemur í ljós að gert er ráð fyrir talsverðri tekjuaukningu og útgjaldalækkunum á ýmsum liðum sem ekki eru útfærðir eða í hendi svo svigrúmið er lítið og óvissan mikil.

Nýr leikskóli var stóra kosningaloforð meirihlutans fyrir síðustu kosningar. Í stefnuskrá Sjálfstæðismanna var lofað að bjóða út byggingu nýs leikskóla strax haustið 2018. Í fjárfestingaáætlun bæjarins fyrir árið 2022 er aðeins gert ráð fyrir fjármunum í undirbúning fyrir byggingu nýs leikskóla og því ljóst að framkvæmdir munu ekki einu sinni hefjast á þessu kjörtímabili. 

Málefni leikskólans hafa mikið verið rædd á kjörtímabilinu og hafa vinnubrögð meirihlutans þegar kemur að samskiptum við foreldra og starfsfólks leikskólans, seinagangur við uppbyggingu sem og undirbúningur vegna inntöku barna orðið til þess að traust íbúa og starfsfólks á stjórnendum sveitarfélagsins hefur minnkað hratt. 

Það kjörtímabil sem nú er að klárast hefur verið kjörtímabil, tapreksturs, gjaldskrárhækkana, niðurskurðar og þverrandi ánægju íbúa með þjónustu sveitarfélagsins (samkvæmt þjónustukönnun Gallups). Sú þjónusta sem bærinn veitir í dag kostar meira en bærinn fær í tekjur, þrátt fyrir mikla hagræðingu og gjaldskrárhækkanir síðustu ár. Rekstur sveitarfélagsins er því ósjálfbær miðað við núverandi tekjuforsendur. Greiningar Sambands íslenskra sveitarfélaga og annarra greiningaraðila eru á þann veg að rekstur sveitarfélaga muni þyngjast á næstu árum vegna launahækkana, þjónustuaukningar og hækkandi aldurs þjóðarinnar. Það liggur því í loftinu að taka þarf til skoðunar tekjuforsendur bæjarins til að ná sjálfbærni í rekstri og geta brugðist við þeim breytingum sem fyrirséðar eru á næstu árum.

Þrátt fyrir að síðustu ár, fyrir og eftir Covid hafi verið þung í rekstri sveitarfélagsins og umræðan hafi því aðallega verið um hvernig megi verja þjónustu við íbúa í stað umræðu um hvernig má sækja fram, þá eru fjölmörg tækifæri í stöðunni með skýrri stefnu og markvissri stjórnun . 

Útsvarsstofn Seltjarnarnesbæjar er sterkur þrátt fyrir fámennið og skuldsetning er ekki of mikil. Hámarksútsvar sem sveitarfélög innheimta á Íslandi er 14,52% en Seltjarnarnesbær innheimtir 13,70%. Ef Seltjarnarnesbær myndi innheimta 14,48% í útsvar líkt og nágrannasveitarfélögin Kópavogur, Hafnarfjörður og Mosfellsbær gera þá myndi það duga til að snúa við taprekstri bæjarins, bæta fjármögnun til viðhalds eigna og minnka lántöku.  Með rekstur sveitarfélagsins í jafnvægi væri hægt að eyða minni tíma í átök og björgunaraðgerðir og nýta starfskrafta starfsfólks og fundi sveitarstjórnarfólks betur til að vinna stefnumiðað að bættri þjónustu við íbúa. Seltjarnarnesbær hefur fulla burði til þess að reka bæjarsjóð hallalaust og halda úti metnaðarfullri þjónustu við bæjarbúa sem kjósa að búa í sveitarfélagi þar sem er frábært að alast upp og eldast.  

Greinin birtist í nóvemberblaði Nesfrétta.

Nú stendur yfir síðasta fjárhagsáætlunargerð bæjarstjórnar á þessu kjörtímabili og hefur áætlunin verið kynnt í bæjarstjórn.

13 aðilar verða í framboði í flokksvali Samfylkingarinnar í Hafnarfirði. Flokksval fer fram laugardaginn 12. febrúar næstkomandi.

Í framboði eru:
Helga Þóra Eiðsdóttir
Hildur Rós Guðbjargardóttir
Jón Grétar Þórsson
Kolbrún Magnúsdóttir
Rósa Stefánsdóttir
Sigrún Sverrisdóttir
Sigurbjörg Anna Guðnadóttir
Stefán Már Gunnlaugsson
Árni Rúnar Þorvaldsson
Auður Brynjólfsdóttir
Gauti Skúlason
Guðmundur Árni Stefánsson
Gunnar Þór Sigurjónsson

Kosningarétt í flokksvalinu eiga flokksfélagar og skráð stuðningsfólk Samfylkingarinnar sem hafa lögheimili í Hafnarfirði og eru rétt skráð 4. febrúar nk.

Á næstu dögum munu birtast ítarlegri upplýsingar um frambjóðendur og fyrirkomulag flokksvalsins á vefsvæði Samfylkingarinnar í Hafnarfirði,https://xs.is/samfylkingin-i-hafnarfirdi-.

Kjörstjórn Samfylkingarinnar í Hafnarfirði

Þrettán frambjóðendur í flokksvali Samfylkingarinnar í Hafnarfirði


Á félagsfundi Samfylkingarinnar í Reykjanesbæ 17. janúar var kosin uppstillingarnefnd sem setja á saman tillögu að S-lista Samfylkingarinnar og óháðra fyrir komandi bæjastjórnarkosningar 2022 og leggja hann fyrir félagsfund til samþykktar. 

Uppstillinganefndin kallar því hér með eftir tilnefningum á fólki sem þú vilt sjá á lista Samfylkingarinnar og óháðra í Reykjanesbæ við næstu kosningar. Ekkert mælir gegn því að hver og ein/n gefi kost á sjálfri/um sér (það er ekki skilyrði að viðkomandi sé nú þegar félagi í flokknum). 

Þegar tilnefningar hafa borist mun uppstillinganefnd kanna hvort viðkomandi er tilbúin/n að gefa kost á sér.

Tilnefningarferlið stendur til miðnættis 31. janúar 2022, tilnefningar má senda á netfangið xs@xsreykjanesbaer.is og fullum trúnaði er heitið.

VILT ÞÚ TILNEFNA Á LISTA FYRIR BÆJARSTJÓRNARKOSNINGAR?

Framboðs- og tilnefningarfrestur í Reykjanesbæ

Málefnahópur menningar, lista og skapandi greina efnir til umræðufundar  þann 11. janúar kl. 20:00. Við reifum lauslega á stefnu flokksins í málaflokkunum, sem er hér að finna, og vörpum fram hugmyndum um hvernig við getum gert enn betur í þessum málaflokkum. Við hvetjum þau sem hafa áhuga á að efla menningu, listir og skapandi greinar á Íslandi til koma og taka þátt í málefnastarfinu. 

Fundahlekkur: https://us06web.zoom.us/j/82662365205?pwd=QWUwZVZ6S2tqQ2VzRUxRWXQrQUlRZz09

Umræðufundur málefnahóps menningar, lista og skapandi greina

Ég tel almennt að þessi bótakerfi okkar ættu að vera í föstum skorðum og það ættu ekki að koma óvæntir glaðningar svona af og til,“ sagði fjármálaráðherra, þegar fréttamaður spurði hann hvort til greina kæmi að greiða öryrkjum 50.000 kr. skattfrjálsa aukagreiðslu fyrir jólin, rétt eins og gert var fyrir síðustu jól. Hann telji frekar nauðsynlegt að laga grunn­kerfið. Forsætisráðherra tók í sama streng þegar ég ræddi málið við hana á Alþingi við upphaf vikunnar; það sé brýnast að ráðast í heildarendurskoðun á almannatryggingakerfinu.

Í grunninn er ég sammála ríkisstjórninni, að kerfið okkar eigi að vera nægilega sterkt til að ekki sé þörf á sérstökum viðbótargreiðslum af og til. Heildarendurskoðunar er þörf. Sitjandi ríkisstjórn hefur hins vegar haft fjögur ár til þess að endurskoða og bæta kerfið, auka lífskjör öryrkja og fátækra eldri borgara. Ef eitthvað er hafa þessir hópar dregist aftur úr lífskjörum launafólks ár eftir ár. Fjárlög eftir fjárlög.

Stjórnvöld hafa ríku hlutverki að gegna í baráttunni gegn ójöfnuði; réttlátt skattkerfi, félagslegt húsnæði, barnabætur og öflugar almannatryggingar skipta máli. Mikil misskipting dregur úr verðmætasköpun, skerðir lífsgæði og rýfur samkennd.

Nú líður að jólum og eflaust finnst einhverjum klisjukennt að draga upp svipmynd af fólki sem mun áhyggjulaust raða villibráð og konfekti ofan í innkaupakerrur – á sama andartaki og annað fólk norpar í biðröð eftir bita af hamborgarhrygg og dós af grænum baunum hjá hjálparstofnun. En svona er þetta nú samt, því miður, enn þá hér á Íslandi.

Fimmtíu þúsund króna „óvæntur glaðningur“ til öryrkja rétt fyrir jólin dregur vissulega ekki úr samfélagslegum ójöfnuði til langframa, eins og nauðsynlegt er að gera, en hann gæti hins vegar skipt þúsundir heimila sköpum yfir hátíðirnar. Stjórnarandstaðan hefur því lagt fram þá tillögu á Alþingi að hann verði að veruleika. Og það minnsta sem þingmenn ríkisstjórnarflokkanna geta gert er að greiða þeirri tillögu atkvæði sitt.

Greinin birtist í Fréttablaðinu 16. des. 2021. 

Fimmtíu þúsund króna „óvæntur glaðningur“ til öryrkja rétt fyrir jólin dregur vissulega ekki úr samfélagslegum ójöfnuði til langframa, eins og nauðsynlegt er að gera, en hann gæti hins vegar skipt þúsundir heimila sköpum yfir hátíðirnar. 

Langflest leikskólabörn eru yngri en tveggja ára þegar þau byrja í leikskóla eða 78% og hefur hlutfallið hækkað verulega frá 2018 þegar innan við helmingur barna (46%) var á þeim aldri.  Nærri 40% barna eru yngri en 18 mánaða við inntöku í leikskóla.

Þetta var kynnt í skóla- og frístundaráði í vikunni með nákvæmari upplýsingum um inntökualdur barna.  Fyrri gögn höfðu gefið til kynna að inntökualdur barna væri mun hærri en þá var ekki búið að taka tillit til þess að mörg börn flytjast á milli leikskóla að ósk foreldra og mörg þeirrra eru fjögurra til sex ára sem vitanlega hefur veruleg áhrif á meðaltalið.  Þá eru flest ef ekki öll þau börn sem eru þriggja ára og eldri þegar sótt er um vistun nýflutt til borgarinnar frá öðrum sveitarfélögum eða löndum.  

Mikill árangur hefur náðst í að tryggja börnum leikskóla í heimahverfi þeirra og eru nú um 90% barna í leikskóla í sínu hverfi.  Öllum börnum sem voru orðin 18 mánaða eða eldri þann 1. september var boðið pláss í leikskóla í haust en Brúum bilið aðgerðaáætlunin hefur m.a. það markmið að fjölga plássum sem tekin eru í notkun yfir vetrartímann og nýtast þá börnum sem fædd eru á síðari hluta ársins.  Á næsta ári fjölgar leikskólaplássum til muna og stefnir í að hægt verði að taka á móti 600 börnum til viðbótar í ný pláss á árinu.  Nýir leikskólar opna m.a. í Safamýri, við Kleppsveg, við Eggertsgötu, Nauthólsveg og víðar, leikskólar í Grafarvogi og Vesturbæ stækka og svo mætti áfram telja.  Með öllum þessum nýju plássum mun aldur barna við inntöku í leikskóla borgarinnar lækka verulega en takmarkið er að börn frá 12 mánaða aldri komist í leikskóla borgarinnar fyrir lok árs 2023. 

Útdráttur: 87% barna eru í leikskóla í sínu hverfi.

Greinin birtist í Fréttablaðinu 17. des. 2021.

Börn voru að jafnaði 19 mánaða gömul þegar þau hófu dvöl í leikskóla í Reykjavík á þessu hausti.  

Leit um „��"

3373 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3373 niðurstöður fundust við leit að „���������������������������������������������������"