Varða, rannsóknarstofnun vinnumarkaðarins, kynnti í vikunni rannsókn um stöðu öryrkja sem unnin var að beiðni Öryrkjabandalags Íslands. Niðurstöðurnar leiddu í ljós að nærri 8 af hverjum 10 eiga erfitt eða mjög erfitt með að láta enda ná saman um hver mánaðamót. 40% svarenda segjast ekki geta séð börnum sínum fyrir nauðsynlegum fatnaði og 34% ekki fyrir eins næringarríkum mat og þau telja börnin þurfa. Þá hefur talsverður hluti hópsins átt erfitt með að greiða fyrir tómstundir, leikskólagjöld og skólamáltíðir fyrir börnin sín.

Við sem samfélag dæmum börn öryrkja til fátæktar. Þessi börn alast upp við skort á efnislegum gæðum og tækifærum sem önnur börn njóta, vegna þess hvernig stjórnvöld ákveða að skipta kökunni. Afleiðingarnar, sem eru meðal annars hætta á geðheilbrigðis- og fíknivanda, munu jafnvel marka þessi börn alla ævi og hafa auk þess neikvæð áhrif á samfélagið í heild. Dóminn hlutu foreldrar þeirra fyrir þann glæp einan að vera veik eða fötluð.

Á meðan samfélagsmiðlar loga yfir framtíðarsýn um ímyndaða ekkju sem gæti sligast af tillögum Samfylkingarinnar um stóreignaskatt, fer lítið fyrir umræðu um fólkið sem þessar aðgerðir munu hjálpa. Til þess að bæta stöðu þeirra sem þurfa að láta lífeyrisgreiðslur duga til að ná endum saman, þarf að stækka sameiginlega sjóði. Samfylkingin leggur til að efstu lög samfélagsins leggi meira til, með því að hrein eign yfir 200 milljónum hjá efsta prósenti samfélagins sé skattlögð. Skatturinn verður 15.000 kr. af hverri milljón umfram 200 milljónir — eitthvað sem ætti ekki að sliga stóreignafólk, en gæti gert gæfumuninn fyrir okkur sem eigum okkur engar gyllivonir um inngöngu í þetta eina prósent.

Öryrkjum eru allar bjargir bannaðar, eins og ég skrifaði um á dögunum. Hvað sem fólk reynir að gera til að bæta stöðu sína og barna sinna, mætir því refsivöndur Tryggingastofnunnar. Lítið er um störf fyrir fatlað fólk, en ef þú nærð að finna þér vinnu mæta þér skerðingar. Ef þú hættir þér út á vinnumarkaðinn en það gengur ekki upp, til dæmis vegna heilsuleysis, þá færðu skerðingar af fullum þunga það sem eftir lifir árs og hefur engar launatekjur á móti.

Það þarf ekki starfsgetumat og það þarf ekki að auka fjármálalæsi öryrkja. Það þarf að hækka lífeyrinn, taka af ósanngjarnar skerðingar, fjölga störfum fyrir fólk með skerta starfsgetu og auka sveigjanleika svo fólk geti prófað sig áfram á vinnumarkaði.

Það eina sem þarf er vilji og virðing fyrir mannlegri reisn.

Greinin birtist fyrst á vísi.is 14. sept. 

Það þarf engan hagfræðing til þess að reka heimili þegar laun duga fyrir öllum útgjöldum heimilisins og gott betur. Það þarf hins vegar fjármálasnilling til þess að reka heimili þegar fólk er háð mannfjandsamlega lágum örorkulífeyrisgreiðslum sem duga ekki einu sinni fyrir lífsnauðsynjum. Ég þekki það sjálf að vera á örorkubótum — og þann ósegjanlega létti þegar ég komst á almennan vinnumarkað fyrir tveimur árum.

Laugardaginn 18. september opnar Samfylkingin kosningaskrifstofu í Þverholti 3 í Mosfellsbæ. 

Boðið verður upp á dögurð að hætti Mosfellinga. 

Frambjóðendur Samfylkingarinnar spjalla við gesti og gangandi. 

Opnun kosningaskrifstofu og dögurður í Mosfellsbæ

Að færa heilbrigðisþjónustu frá hinu opinbera í einkarekstur er einkavæðing, annað er útúrsnúningur. Embætti landlæknis gerði úttekt árið 2017 sem sýnir fram á að fjöldi óþarfa aðgerða eru gerðar á einkareknum læknastofum og kostnaðurinn hlaupi á hundruðum miljóna sem að ríkið greiðir að mestu . Raunútgjöld ríkisins til einkarekinnar heilbrigðisþjónustu hafa aukist um 40% frá 2010 til 2017 á meðan að raunútgjöld til reksturs opinberrar þjónustu dróst saman um 10%.

Leiðin áfram er að hlusta á heilbrigðisstarfsfólk, fjárfesta í og byggja upp félagslegt heilbrigðiskerfi. En samkvæmt rannsóknum þá skila félagsleg heilbrigðiskerfi lang bestu aðgengi og þjónustustigi ásamt því að kostnaðurinn þar er lægstur. Þar á eftir koma blönduð kerfi og allra lakasta staðan er í einkareknum kerfum.

Það er því ljóst að aukinn einkarekstur er ekki lausnin við vandanum né það sem að almenningur vill gera, en samkvæmt könnunum er mjög lítill stuðningur við að einkaaðilar reki nokkurn skapaðan hlut í heilbrigðiskerfinu okkar. Því fyrr sem að við tökum ákvörðun um að hætta að þrengja að félagslega heilbrigðiskerfinu okkar, því fyrr getur heilbrigðiskerfið risið á ný og þjónustað okkur á manneskjulegan hátt.

Þess vegna þurfum við nýja ríkisstjórn eftir kosningar, því að atkvæði með núverandi ríkisstjórn er atkvæði með frekari einkavæðingu, minna eftirliti og dýrara heilbrigðiskerfi fyrir okkur öll. Við þurfum nýja ríkisstjórn sem ætlar að beita sér að uppbyggingu heilbrigðiskerfisins með samtali við heilbrigðisstarfsfólk, ráðast í aðgerðir gegn undirmönnun í heilbrigðisgreinunum, byggja upp þreytta innvið og stytta biðlista með því að auka fjármagn til opinberrar heilbrigðisþjónustu.

Við verðum að taka ákvörðun sem þjóð að heilbrigðisþjónusta sé mannréttindi, ekki munaðarvara.

Gunnar Karl Ólafsson er í 18. sæti Samfylkingarinnar í Suðurkjördæmi. Greinin birtist fyrst á visi.is 15. sept. 

Við þurfum að bæta heilbrigðiskerfi okkar. Til þess þurfum við að vita hvert við ætlum að stefna, hvaða breytingar þarf til. Það þarf að líta á heilbrigðisþjónustu sem mannréttindi og að hún sé samfélagslegt verkefni og viðurkenna um leið að þessi þjónusta er verkefni hins opinbera að mestu leyti. Þá fyrst hefjum við góða stefnumótun til framtíðar.

Í Bandaríkjunum er það kallað að „ameríski draumurinn“ hafi ræst,  þegar fátækt fólk brýtur af sér hlekki fátæktar og tryggir sér og sínum góða afkomu, menntun og bætta stöðu í samfélaginu. Sá draumur er mun líklegri til að rætast á Norðurlöndum en í Bandaríkjunum.
 
Norræna módelið sem Obama vildi líta til féll ekki af himnum ofan. Það byggir á jöfnuði, samhjálp og félagslegu öryggi og hefur skotið norrænu ríkjunum á topp allra lista yfir ríki þar sem best er að búa. Grunn norræna módelsins og stoðirnar sem undir því standa byggðu jafnaðarmenn í samstarfi við sterka verkalýðshreyfingu og stéttarfélög og hafa staðist ágang frjálshyggjunnar.
 
Stoðirnar þrjár, góð hagstjórn, velferð fyrir alla og skipulagður vinnumarkaður, standa saman eins og fætur undir þrífættum stól: ef ein stoðin brotnar fellur allt.
 
Á Íslandi, einu ríkasta ríki heims, þrífst fátækt. Þúsundir barna búa hér við sárafátækt eins og greiningar hafa því miður ítrekað sýnt. Öryrkjar og eldra fólk með litlar tekjur eru föst í fátæktargildru. Þau eiga allt sitt undir stjórnvöldum, að greiðslurnar sem þau fá frá hinu opinbera dugi fyrir mannsæmandi lífi. Svo er ekki nú um stundir. Við þeim blasir fátækt og í kjölfarið minnka möguleikarnir sem fólk hefur í lífinu – fátæktin er í sjálfu sér frelsisskerðing.
 
 Þetta þarf ekki að vera svona en er það vegna rangra pólitískra ákvarðana. 

Oddný G. Harðardóttir skipar 1. sæti á lista Samfylkingarinnar í Suðurkjördæmi

„Heimurinn væri öruggari og farsælli ef fleiri bandamenn væru eins og Norðurlöndin“ sagði Barack Obama forseti Bandaríkjanna eftir fund með forsætisráðherrum Norðurlandanna vorið 2016.

Rauður fözzari!

Léttar veitingar og létt spjall við frambjóðendur Samfylkingarinnar í Suðurkjördæmi.

Pylsur grillaðar fyrir gesti og gangandi við kosningaskrifstofu Samfylkingarinnar sem er í Ingimundarbúð Hafnargötu 19, við hliðina á Ránni.

Við ætlum að hittast í kosningamiðstöðinni, Strandgötu 43, Hafnarfirði, grilla pulsur og njóta léttra veitinga. 

Verið allar velkomnar á konukvöld Samfylkingarinnar á Akranesi!

Kristrún Frosta ásamt frábærum hópi kvenna í framboði verða með okkur.

Edda Björgvins og Katrín Valdís Hjartardóttir söngkona halda uppi fjörinu.

Boðið verður uppá samtöl, gleði og glens og léttar veitingar!

Konukvöld með Eddu Björgvins og Kristrúnu Frosta

Verið velkominn í Pub Quiz Jafnaðarmanna í Ingimundarbúð, kosningaskrifsstofu Samfylkingarinnar að Hafnargötu 19 við hliðina á Ránni, miðvikudagskvöldið 22. september kl. 20:00.

Léttar veitingar, erfiðar og léttar spurningar og góður félagsskapur.

Bilið á milli almannatrygginga öryrkja og lægstu launa á vinnumarkaði hefur breikkað jafnt og þétt á liðnum árum og er nú um 85 þús. kr. Það hefur gerst þrátt fyrir mikinn uppgang í efnahagslífinu fram að COVID-kreppunni. Samfylkingin setur í forgang að bæta kjör öryrkja og að minnka þetta bil á næsta kjörtímabili. Við leggjum til að fyrsta skrefið verði að hækka grunngreiðslur almannatrygginga til samræmis við krónutöluhækkun lífskjarasamninganna og stöðva þannig kjaragliðnunina. Þess verður gætt að hækkunin hafi ekki áhrif á aðrar greiðslur. 

Samfylkingin leggur einnig til að frítekjumark vegna atvinnutekna hækki úr tæpum 110 þús. kr. á mánuði í 200 þús. kr. en frítekjumarkið hefur staðið í stað frá árinu 2010. Hækkunin bætir hag þeirra sem hafa tök á því að starfa á vinnumarkaði. Ekki er síður mikilvægt að fyrirtæki og stofnanir bjóði uppá hlutastörf með nægum sveigjanleika fyrir fólk með skerta starfsgetu. Þar þurfa ríkið og sveitarfélögin að ganga á undan með góðu fordæmi. 

Heildarsamtök launafólks á vinnumarkaði ASÍ, BSRB, BHM og KÍ undirrituðu samstarfsyfirlýsingu um bætt lífskjör öryrkja með ÖBÍ árið 2019. Það gefur kröfum Öryrkjabandalagsins aukið vægi að heildarsamtök launafólks standi með þeim í baráttunni. Samfylkingin stendur einnig með ÖBÍ í baráttunni fyrir bættum lífskjörum öryrkja. Það er dýru verði keypt, ekki bara fyrir einstaklinginn heldur samfélagið allt, að svipta fólk virðingu og getu til athafna. 

Lögfesta þarf Samning Sameinuðu þjóðanna um réttindi fatlaðs fólks og koma á fót sjálfstæðri mannréttindastofnun sem m.a. fylgir eftir framkvæmd samningsins. Öryrkjar eru ekki einsleitur hópur og brýnt er að þjónusta hins opinbera lagi sig að þörfum einstaklinganna til sjálfstæðs lífs. Það þýðir m.a. að jafnt og þétt þarf að fjölga samningum um notendastýrða persónulega þjónustu.

Samfylkingin vill taka markviss skref til að bæta lífskjör öryrkja strax í upphafi nýs kjörtímabils. Við ætlum að ganga fram af hugrekki og mannúð svo að öll að geti notið hæfileika sinna án tillits til fötlunar eða starfsgetu.

Þórunn Sveinbjarnardóttir og Inga Björk Margrétar Bjarnadóttir skipa 1. og 3. sæti framboðslista Samfylkingarinnar í Suðvesturkjördæmi

Bætum kjör öryrkja af hugrekki og mannúð

Samtal vinnandi fólks um hvað sem okkur liggur á hjarta.

Gestir okkar eru þau Guðmundur Gils Einarsson formaður Suðurlandsdeildar VR og Halldóra Sigríður Sveinsdóttir formaður Bárunnar stéttarfélags og halda stutt erindi og spjalla við gesti og gangandi, Viktor Stefán Pálsson 2. sæti í Suðurkjördæmi verður fundarstjór. 

Á borðum verða rjúkandi vöfflur með rjóma. Börn eru hjartanlega velkomin.

Við ætlum að ræða málefni vinnandi fólks á kosningaskrifstofu Samfylkingarinnar á Selfossi, Eyrarvegi 15b, sunnudaginn 12. sept. kl. 14:00.

Leit um „��"

3368 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „������������������������������������������������������������"

3368 niðurstöður fundust við leit að „������������������������������������������������������������"