Léttar veitingar og létt spjall við frambjóðendur Samfylkingarinnar í Suðurkjördæmi.

Föstudagur 17. september kl. 17-19.
Pylsur (líka vegan pylsur!) grillaðar fyrir gesti og gangandi við kosningaskrifstofu Samfylkingarinnar sem er í Ingimundarbúð Hafnargötu 19, við hliðina á Ránni.
Öll velkomin!

Stefnan okkar að byggja upp betri heilbrigðisþjónustu er okkur gríðarlega mikilvæg og er markmið sem hefur verið mér hugfangið frá árinu 2009 þegar ég útskrifaðist sem hjúkrunarfræðingur. 

Þessi stefna snýr ekki síst að okkur Suðurnesjamönnum. Árum saman höfum við búið við minna umfang heilbrigðisþjónustu þegar miðað er við aðra landshluta. Næstum enginn okkar er með fastan heimilislækni en skortur á læknum og þar af leiðandi læknatímum hefur einkennt samfélagið okkar  allt of lengi. Afleiðingin er sú að margir af okkar heimamönnum hafa gefist upp og hafa í þúsundum talið flutt sig á heilsugæslur á höfuðborgarsvæðinu með tilheyrandi kostnaði. 

Á sama tíma og við stöndum frammi fyrir því að einungis ein heilsugæsla sé á svæði fyrir 30.000 manns, er kerfið okkar í heild sinni vanfjármagnað. Oft sjáum við fréttir um að aldrei hafi verið sett meira fjármagn í kerfið sem setur fram þversögn miðað við aðrar fréttir um mikið álag á starfsfólk og lokun rúma vegna manneklu. Árið 2019 fjárfesti Ísland 8,6% af vergri landsframleiðslu í heilbrigðismál sem setur okkur í sautjánda sætið yfir OECD löndin. Fjárveitingar hafa aukist til heilbrigðiskerfisins en samt sem áður eru útgjöld á hvern íbúa á Íslandi lægri en á hinum Norðurlöndunum.

Kostnaður er þó ekki eina vandamálið heldur mannekla þar sem flótti er úr heilbrigðisstéttum, sérstaklega hjá hjúkrunarfræðingum. Það sem við verðum að spyrja okkur að þegar við horfum til framtíðar er:

Hvernig ætlum við að fá hjúkrunarfræðinga aftur til starfa í kerfinu?

Hvernig ætlum við að bæta starfsumhverfi og öryggisviðmið hjúkrunarfræðinga og tryggja ánægju þeirra í starfi? 

Ég get lofað ykkur því að gagnrýni, að gera lítið úr vandamálinu og leggja til fleiri lyftara í kerfið líkt og fjármálaráðherra Sjálfstæðisflokksins hefur gert, fara ekki vel ofan í heilbrigðisstarfsfólk sem hefur staðið vaktina fyrir okkur í heimsfaraldri.

Í stefnu heilbrigðismála Samfylkingar kemur fram að við ætlum okkur að auka fjármagn til opinberrar heilbrigðisþjónustu og stytta biðlista. Biðlisti eftir liðskipta aðgerðum og kvenna aðgerðum er allt of langur. 

Samfylkingin mun setja geðheilbrigðismál í öndvegi þar sem fólk þarfnast slíkrar þjónustu í mun meira magni en verið er að veita. Þjónustan er of dýr og allt of löng bið er eftir henni en geðheilbrigði er eitthvað sem við getum ekki látið sitja á hakanum.

Forvarnir verða lykilatriði þar sem einblínt verður sérstaklega á lýðheilsuvísa Landlæknis. Á Suðurnesjum þarf  aukið aðgengi að forvörnum og hugarfarsbreytingu gangvart forvörnum í formi leg- og brjóstaskoðun kvenna, andleg heilsa ungmenna í 8-10 bekk er lakari á Suðurnesjum en að landsmeðaltali auk þess sem að dánartíðni vegna hjarta- og æðasjúkdómum er hærri. Til þess að efla forvarnir ætlum við að opna nýja heilsugæslu i Innri Njarðvík strax á næsta ári með tryggðri fjármögnun og reyna með öllum ráðum að ráða til okkar fagfólk til starfa.

Við ætlum okkur að efla heimahjúkrun til þess að eldra fólki gefist kostur á að búa lengur heima og einnig munum við styrkja rekstur hjúkrunarheimila.

Við ætlum að efla kjör og starfsaðstæður heilbrigðisstarfsfólks til að við náum að halda í sérfræðingana okkar en í dag hættir 4-5 hver hjúkrunarfræðingur störfum eftir einungis fimm ár í starfi. Við getum aukið inntöku í námið eins og við viljum en við verðum að leita allra leiða til að halda í sérhæfða fólkið okkar. 

Við ætlum okkur stóra hluti og höfum efni á þeim. Við lofum ekki innantómum loforðum heldur raunverulegum aðgerðum.

Kjósum Samfylkinguna fyrir Betra líf og komum Oddnýju að sem næsta heilbrigðisráðherra Íslands.

Stefnan okkar og áherslur fyrir komandi Alþingiskosningar ber heitið Betra líf. Þar er einkum horft til þeirra áherslna um að tími sé kominn til að breyta til. Breyta Alþinginu okkar og hagsmunum fárra. 

Stefna Samfylkingarinnar til betra lífs 

Valgarður Lyngdal oddviti ásamt örðum frambjóðendum Samfylkingarinnar í Norðvesturkjördæmi verða á Patreksfirði á föstudaginn kl. 17:00 að hitta þig.

Samfylkingin boðar til kaffispjalls á Flaki á Patreksfirði föstudaginn 10. september kl. 17.

Kaffispjall á Patreksfirði - Hér er Valli 

Verið velkomin í partýbingó með Siggu Beinteins á kosningaskrifstofunni okkar í Reykjanesbæ, Hafnargötu 19 - hliðin á Ránni.

Við bjóðum upp á búbblur, diskó og partýbingó með Siggu Beinteins - föstudagskvöldin gerast ekki mikið betri!

Föstudagskvöldið á kosningaskrifstofu Samfylkingarinnar í Reykjanesbæ er af betri gerðinni - sjáumst þar!

Lögfróð leikkona með sterka réttlætiskennd

Helga Vala hefur setið á þingi fyrir Samfylkinguna frá 2017, þar sem hún hefur meðal annars barist fyrir réttindum þolenda, öryrkja og flóttafólks, en einnig beint sjónum sínum að geðheilbrigðismálum og öflugu íþróttastarfi. Áður en Helga Vala settist á þing kom hún víða við. Hún er bæði leikara- og lögfræðimenntuð, blanda sem kemur sér vel fyrir manneskju í stjórnmálum. Hún hefur starfað í úrvarpi, gagnrýnt leikhúsverk, rekið veitingahús, verið umboðsmaður hljómsveitarinnar Mammút, kennt við lagadeildina í HR, starfað í Götusmiðjunni og starfað sem blaðamaður. Þá er Helga Vala mikil áhugamanneskja um körfubolta.

Helga Vala er fædd og uppalin í miðborg Reykjavíkur, dóttir leikarahjónanna Helgu Bachmann og Helga Skúlasonar. Hún fékk fyrst systkina sinna úthlutað leikskólaplássi á Tjarnarborg en í þá daga tíðkaðist að eingöngu börn einstæðra mæðra fengju úthlutað leikskólaplássi í Reykjavík en aðrir útivinnandi foreldrar urðu að bjarga sér frá degi til dags. 

Þegar Helga Vala er spurð fyrir hverju hún brennur mest fyrir í stjórnmálum, þá er svarið „Jafnrétti, jafnrétti, jafnrétti!“ Þá eru fjölskyldumál, málefni barna og eldri borgara, réttarvörslukerfið, málefni erlendra borgara henni hugleikin, enda er Helga með sterka réttlætiskennd og bakgrunn í lögmennsku. Þá brennur hún einnig fyrir menntamálum, menningu og listum. „Umhverfismál eru mér líka mikið hjartans mál enda er náttúran okkar stærsta auðlind en ekki óþrjótandi og því þurfum við að gæta að henni.“

Helga Vala brennur fyrir nýrri stjórnarskrá sem grundvallast á tillögum stjórnlagaráðs. „Það held ég að myndi leysa mörg vandamál sem okkur hefur tekist að deila um árum og áratugum saman.“

1. sæti Reykjavík norður

Úr fjölskyldualbúminu:

Hver er leyndi hæfileikinn þinn?

Ef Samfylkingin væri samloka, hvernig samloka væri hún?

Í hverju fellst hamingjan?

Helga Vala er gift Grími Atlasyni, bassaleikara og framkvæmdastjóra Geðhjálpar og eiga þau samtals fjögur börn, Snærós, Emil, Ástu Júlíu og Arnald, fjögur barnabörn, Blævi, Kára, Urði Völu og Tíbrá og ævintýraköttinn og mannvininn Júrí. 

Hún gekk í Melaskóla, Hagaskóla og Menntaskólann við Hamrahlíð og hóf svo nám í Leiklistarskóla Íslands þaðan sem hún útskrifaðist sem leikkona árið 1994. Helga Vala stundaði nám við lagadeild Háskólans í Reykjavík og lauk meistaragráðu árið 2011. Hún opnaði lögmannsstofuna Völvu í félagi við aðra lögmenn sama ár og starfaði sem lögmaður fram að því er hún settist á þing árið 2017.

Helga Vala hefur komið víða við á sínum fullorðinsárum. Hún lék í leikhúsi og kvikmyndum fyrst eftir útskrift bæði hérlendis og í Bretlandi, stýrði samfélagsþáttum í útvarpi, hvort tveggja á Bylgjunni, sem og Ríkisútvarpinu, var dagskrárgerðarmaður í Speglinum, útvarpskona á Talstöðinni og sjónvarpskona á hinni skammlífu sjónvarpsstöð NFS. Þá var hún um tíma leiklistargagnrýndandi á ýmsum miðlum og loks blaðamaður á Mannlífi sumar og haust 2008. Helga Vala rak veitingahúsið Edinborg á Ísafirði, starfaði á meðferðarheimilinu Götusmiðjunni fyrir unglinga og kenndi leiklist í grunn- og framhaldsskólum víða um land og kenndi stjórnskipunarrétt við lagadeild Háskólans í Reykjavík. Loks var hún fram að þingmennsku umboðsmaður hinnar frábæru hljómsveitar Mammút.

Helga Vala var formaður Samfylkingarfélagsins í Bolungarvík og síðar í stjórn og formaður Samfylkingarfélagsins í Reykjavík á árunum 2006 – 2010. Þá var hún í stjórn Félags íslenskra leikara 2014-2016, varaformaður Þjóðleikhúsráðs 2012-2014, í höfundaréttarráði frá 2014 og athafnastjóri hjá Siðmennt, félagi siðrænna húmanista frá árinu 2016.

Frá því Helga Vala settist á þing fyrir Samfylkinguna árið 2017 hafa henni verið falin ýmis trúnaðarstörf. Hún sat í kjörbréfanefnd frá 2017, var formaður Stjórnskipunar- og eftirlitsnefndar árin 2017-2019, sat í umhverfis- og samgöngunefnd 2017-2019 og hefur verið formaður velferðarnefndar frá 2019. Þá sat hún í þingmannanefnd um málefni barna og þingmannanefnd um breytingar á lögræðislögum.

Við viljum hitta þig og ræða málefni Húsavíkur og kjördæmisins, hvað liggur þér á hjarta?

Logi Einarsson, formaður Samfylkingarinnar, ásamt þeim Hildi Jönu og Kjartani Páli frambjóðendum og verða þau í félagsheimilinu Hlyn á Húsavík kl. 20:00 á morgun. 

Komdu í kvöldkaffið til okkar og ræðum málin saman. 

Húsavík - félagsheimilið Hlynur kl. 20:00 

Um hvað verður kosið - Betra flæði, samspil landsmála og sveitarstjórna

Frambjóðendur Samfylkingarinnar til alþingiskosninga fara yfir mikilvægi þess að það sé gott samtal á milli ríkis og sveitarfélaga. Eftir framsögu gefst kjósendum kost á að beina spurningum sínum til frambjóðenda.

Öll velkomin
Samfylkingarfélagið í Hafnarfirði

Sérstakar áherslur Samfylkingarinnar fyrir Suðurland á næsta kjörtímabili eru þessar::

Tryggja heilbrigðisþjónustu á öllu Suðurlandi og stórauka fjármagn til Heilbrigðisstofnunar Suðurlands, bæta húsnæði og starfsaðstöðu. Styrkja stofnunina faglega og fjölga heilbrigðisstarfsfólki til muna. 

Fjarlækningar efldar innan Heilbrigðisstofnunar Suðurlands og námsplássum fjölgað fyrir hjúkrunar- og læknanema. 

Fjárfest í sjúkraþyrlu sem staðsett yrði á Suðurlandi og heilbrigðisþjónusta við íbúa Vestmannaeyja komið í samt lag.

Dagdvalarrýmum og hjúkrunarrýmum fyrir eldra fólk fjölgað og þjónusta við eldra fólk bætt.

Nánast allir erlendir ferðamenn fara um Suðurland og stærsta sumarbústaðasvæði landsins er þar að finna. Fagrar náttúruperlur draga ferðamenn að og tryggja þarf lögreglunni og viðbragðssveitum fjármagn til að sinna auknum verkefnum. Sjávarútvegur og matvælaframleiðsla er öflug en fleiri stoðum þarf að renna undir atvinnulífið.

Bæta aðstöðu á vinsælum ferðamannastöðum og fjölga viðkomustöðum með betra aðgengi.

Efla nýsköpun og veita þróunarstyrki til sprotafyrirtækja. Aðstoða unga bændur við að hefja búskap, landgræðslu eða grænmetisframleiðslu.

Auka grænmetisframleiðslu með tæknilausnum og uppbyggingu. Styrkja Garðyrkjuskólann að Reykjum með fjölbreyttu námsframboði. 

Fjölga störfum án staðsetningar, ljúka við lagningu ljósleiðara og flýta áætlunum um lagningu þriggja fasa rafmagns.

Efla listnám og fjölga störfum í menningu og skapandi greinum. Námsframboð og aðgengi að námi verði bætt með stuðningi við menntastofnanir.

Aðgerðir í loftslagsmálum, fjölgun íbúa, ferðaþjónusta, nýsköpun og matvælaframleiðsla kalla á aukna rafmagnsnotkun. Auka þarf framleiðslu rafmagns með sem minnstu raski. Álag á vegi kjördæmisins er mikið. Bæta þarf vegi, auka umferðaröryggi og fækka einbreiðum brúm.

Vegabætur án vegaskatta; Ölfusárbrú, brú yfir Hornafjarðarfljót og göng um Reynisfjall. Tryggja áfram góðar samgöngur til Vestmannaeyja.

Bæta aflgetu virkjanna sem fyrir eru með bættu flutningskerfi, tæknilegum endurbótum á vélabúnaði vatnsafls- og varmaaflsvirkjana og auknu rennsli jökulvatna. 

Ýta undir nýsköpun í umhverfismálum og nýta sorp sem auðlind. Styrkja fráveituframkvæmdir sveitarfélaga og tilraunir með lífrænar rotþrær.

Samfylkingin setur fjölskylduna í forgang  með óskertum barnabótum að meðallaunum, bættum kjörum eldra fólks og öryrkja og aðgerðum í húsnæðismálum. Öflugra heilbrigðiskerfi er sérstakt áherslumál ásamt því að renna fleiri stoðum undir atvinnulífið, ráðast í kröftugar aðgerðir í loftslagsmálum, setja nýja stjórnarskrá aftur á dagskrá með sterku auðlindaákvæði ásamt þjóðaratkvæðagreiðslu um umsókn að aðild að ESB. Nánar má lesa um kosningaáherslur Samfylkingarinnar fyrir landið allt á vefnum www.xs.is.

Vegna mikillar fjölgunar íbúa og fjölda ferðamanna sem fara um Suðurland þarf að takast á við aukið álag á heilsugæslu, löggæslu og vegakerfi í kjördæminu.

Það er ekki allt sem sýnist þegar tekjublöðin birta tekjur fólks og spegla um leið skattbyrðar þessa sama fólks. 

Það er fróðlegt að bera saman annars vegar tekjublöð Frjálsar verslunar og DV og hins vegar tekjublað Stundarinnar og skýrslu Stefáns Ólafssonar um kjör almennings, öryrkja og þá einkum þeirra launamanna sem komnir eru á eftirlaun.

Tekjublöð Frjálsar verslunar og DV segja hálfsannleik sem er í rauninni verri en lygi, því hann blindar sýn á raunveruleikann.

Stundin flettir ofan af elítunni sem tekst að nota glufur í skattakerfinu til að komast undan því að greiða til samfélagsins eins og almennir launamenn þurfa hikstalaust að gera. Fjármagnstekjur og arður bera lága skattaprósentu og af þeim greiðir fólk ekki útsvar. Útsvar rennur til sveitarfélaga til að bera ýmislegan kostnað þess sem við borgararnir njótum í daglegu lífi okkar í þeim sveitarfélögum sem við búum og störfum í. Félags- og velferðarþjónustu, menningarlíf, götur, leik- og grunnskóla, svo fátt eitt sé nefnt. Þetta fólk tekur ekki á sig kostnað vegna þessa en nýtir þó í ómældum mæli á hverjum degi.

Ríkisstjórnin ofurskattleggur lágtekjufólk 

Ríkistjórnir sem hafa setið frá 2013, síðustu átta ár, sem allar hafa innihaldið Sjálfstæðisflokkinn og Framsókn hafa blygðunarlaust fært kostnað samneyslu okkar og velferðar á veikustu bök samfélagsins; almenna launamenn, öryrkja og eldri borgara. Þessir flokkar hafa aðhyllst nýfrjálshyggju sem leggur áherslu á að lækka skatta á hátekjur og fjármagnstekjur. 

Það skiptir miklu máli þegar við tölum um kjör þeirra sem standa lakar og mega við lítilli efnahagslegri ágjöf, fjölskyldur á almennum vinnumarkaði, öryrkjar og eftirlaunafólk. Það sýnir Stefán Ólafsson prófessor glöggt í skýrslu sinni sem hann skrifaði fyrir Eflingu og nefnist Kjör lífeyrisþega.

Þar kemur skýrt fram að „Skattbyrði þeirra efnameiri var lækkuð og færð yfir á lægst launuðu hópana, þar á meðal lífeyrisþega, og einnig að hluta yfir á millitekjufólk. Þetta er „stóra skattatilfærslan“ sem nýfrjálshyggjan færði okkur. Þessi þróun hefur staðið meira og minna frá 1995 til 2019. Helsta frávikið er stjórnartími vinstri stjórnarinnar er sat frá 2009 til 2013. Þá var skattbyrði hátekjufólks aukin á ný en síðari ríkisstjórnir hafa undið ofan af þeim breytingum á ný.“

Stefán vekur athygli á þeirri ótrúlegu skattbyrði sem hefur orðið hjá eftirlaunafólki. Hann segir í grein í Kjarnanum á dögunum að „hún hafi farið úr 11,9% af heildartekjum árið 1995 í 23,3% árið 2018. Skattbyrðin sem sagt tvöfaldaðist. Hjá örorkulífeyrisþegum (sem hafa lægri tekjur en eldri borgarar) fór skattbyrðin úr um 9,5% í um 21,3%. Þar var aukningin meira en tvöföldun. 

Þetta er mjög mikil aukning skattbyrðar – á alla mælikvarða.

Til samanburðar má sjá hvernig skattbyrði hátekjufólks á Íslandi (þ.e. tekjuhæsta eina prósentsins) þróaðist á svipuðum tíma, eða úr 35% í um 26%. Þar lækkaði skattbyrðin um tæplega 10 %-stig. Þetta var veruleg kjarabót fyrir hátekjufólkið.

Ríkið hefur þannig lagt marga steina í götu þess að lífeyrisþegar hefðu eðlilegar kjarabætur af því að hafa safnað í lífeyrissjóði á starfsferlinum – bæði í formi skerðinga og aukinnar skattbyrði. 

Það er nauðsynlegt að skoða skattamál í allri umræðu um lífeyrisgreiðslur almannatrygginga, grunnlífeyri og tekjutengingar. Því allt spilar þetta saman. 

Hægt er að bæta kjör þeirra sem minna bera úr býtum með réttlátari skattlagningu.

Eftirlaunafólk og öryrkjar hafa ekki breiðustu bökin og eru að kikna undan byrðunum sem á þau er lagðar. 

Við þurfum að fara í rækilega uppstokkun á skattalöggjöfinni og löggjöf um almannatryggingar. Hvoru tveggja til réttlátara samfélags. 

Kjör eftirlaunafólks og öryrkja eru ekki það sem er að sliga þjóðfélagið, heldur þeir sem lifa í vellystingum pragtuglega og bera litlar byrðar en njóta þó í einu og öllu alls þess sem við hin leggjum til samfélagsins af kröppum kjörum svo hér megi ríkja gott samfélag.

Við þurfum mannúðlegri ríkistjórn. Við þurfum nýja ríkisstjórn.

Viðar er leikstjóri, eldri borgari og  í 3. sæti á framboðslista Samfylkingarinnar í Reykjavík suður.

Veiku bökin bera þyngstu skattbyrðarnar

Pylsugrill í Mjóddinni með þingframbjóðendum Samfylkingarinnar í Reykjavík, fimmtudaginn 9. september á milli kl. 16 og 18.

Kíktu við og fáðu þér pylsu, vegan eða óvegan!

Þingframbjóðendur Samfylkingarinnar verða til skrafs og ráðagerða um stefnuna okkar – Betra líf fyrir þig, þína fjölskyldu og komandi kynslóðir.

Öll velkomin!
Samfylkingarfélagið í Reykjavík

Hot dog BBQ at Mjóddin with Samfylkingin‘s parliamentary candidates in Reykjavík, Thursday 9th September, between 16 and 18.

Visit Mjóddin and have a hot dog, vegan or non-vegan!

Samfylkingin's parliamentary candidates will be at Mjóddin ready to listen and talk to you about our election manifesto – A Better Life for You, Your Family and Future Generations.

All welcome!
Samfylkingarfélagið í Reykjavík (The Social Democratic Alliance in Reykjavík)

Leit um „��"

3400 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3400 niðurstöður fundust við leit að „���������������������������������������������������"