Þegar ég og maðurinn minn tókum þá ákvörðun að flytja í Hveragerði kom það á óvart hjá okkar nánustu. Staðan á fasteignamarkaðinum var einfaldlega þannig að fjögurra manna fjölskylda átti erfitt með að standast greiðslumat fyrir fasteign á höfuðborgarsvæðinu. Við leituðum því nýrra leiða og fundum framtíðarheimili í Hveragerði. Sjálf er ég að mestu alin upp í Vesturbæ Reykjavíkur og maðurinn minn í Seljahverfinu í Breiðholti. Bæði höfum við þó alltaf sótt í útiveru, ég í hestamennsku og hann í jeppaferðir. Það heillaði okkur því strax að vera svona nálægt náttúrunni, með fjöllin, dalina og kyrrðina innan seilingar.

Eitt af því sem við heyrðum oft áður en við fluttum austur fyrir fjall var spurningin: „Verður ekki erfitt að vera svona langt frá baklandinu?“ En reynslan hefur verið þveröfug því í Hveragerði eignuðumst við okkar eigið bakland. Hér er öflugt samfélag fólks sem margt hvert hefur flust hingað ekki alls fyrir löngu og margir sækja vinnu út fyrir bæinn. Það hefur skapað einstaka samkennd, félagsleg tengsl og bakland þar sem vel er tekið á móti nýjum íbúum.

Ég hefði ekki trúað því að á fullorðinsárum myndi ég kynnast fólki sem yrðu mínir nánustu vinir, eða að félagslíf mitt gæti orðið jafn ríkt og raun ber vitni. Það er eitthvað sérstakt við lífið í litlu samfélagi þar sem fólk fylgist hvert með öðru og veitir alltaf stuðning þegar á þarf að halda. Lífsgæðin sem fylgja því að búa í Hveragerði eru ómetanleg. Hér er minna álag, minni umferð og meiri tími fyrir allt það helsta sem skiptir máli í lífinu. En þessi lífsgæði eru ekki sjálfgefin – þau byggjast á því að við tökum meðvitaðar ákvarðanir um það hvernig við viljum sjá bæinn okkar þróast.

Uppbygging þarf að vera í takt við þróun innviða

Hveragerði hefur vaxið hratt á undanförnum árum og mun væntanlega gera það áfram. Sá vöxtur getur skapað ýmis tækifæri en aðeins ef við stöndum rétt að málum. Það skiptir sköpum að uppbygging sé alltaf í takt við þróun innviða. Grunnskólar, leikskólar, velferðar- og heilbrigðisþjónusta, samgöngumannvirki og aðstaða til íþrótta og tómstunda þurfa að haldast í hendur við fjölgun íbúa. Annars er hætt við að grafið verði undan þeim lífsgæðum sem hafa laðað fólk til bæjarins.

Á sama tíma megum við aldrei missa sjónar á því sem gerir Hveragerði að fyrirmyndarsamfélagi þar sem fólki finnst gott að búa. Náttúruperlur allt í kring eru ekki aðeins sjálfsagður bakgrunnur, sem umvefur okkur íbúa, heldur mikilvægur hluti af sjálfsmynd bæjarfélagsins. Gönguleiðirnar, gróðurinn, jarðhitinn og nálægðin við ósnortna náttúru eru verðmæti sem ekki er auðveldlega hægt að endurskapa ef þau tapast. Þess vegna þarf allt skipulag og uppbygging í bænum að taka mið af verndun á þeim ómetanlegu náttúruperlum sem höfum svo greiðan aðgang að, ekki aðeins til skamms tíma heldur fyrir komandi kynslóðir. Við megum aldrei fórna því sem skiptir máli þegar ákvarðanir eru teknar í uppbyggingu og skipulagsmálum Hveragerðis.

Það sem fram hefur komið hér að framan er einmitt ástæða þess að ég hef ákveðið að bjóða mig fram fyrir S-listann í sveitarstjórnarkosningunum 16. maí næstkomandi. Ég er tilbúin að leggja mitt af mörkum til að tryggja að uppbygging Hveragerðis verði alltaf á skynsamlegum nótum. Það er best gert með því að setja mikilvæga innviði í forgang og hlúa stöðugt að náttúrunni sem gerir bæinn okkar svo einstakan. Ég vil vinna að því að Hveragerði verði áfram fallegur og vinalegur bær þar sem íbúar á öllum aldri geta átt gott líf.

Upp­bygging Hvera­gerðis og þróun inn­viða

Þrjú samvinnuverkefni ríkis og sveitarfélaga 

með þaki á leikskólagjöldum og rétti til leikskólavistar

með áframhaldandi þjóðarátaki í umönnun eldra fólks

með einföldun regluverks og leyfisveitinga á öllum stigum

Þannig tökum við ábyrgð hvert á öðru og léttum daglega lífið

Samfylkingin léttir daglega lífið hjá barnafólki. Þegar reikningarnir eru þyngstir og brasið mest. Þá er mikilvægast að fjölskyldan fái stuðning frá samfélaginu.

Þess vegna leggjum við nú til þak á leikskólagjöldum og 100% systkinaafslátt. Til að lækka kostnað barnafólks um land allt með beinum hætti. Þetta skilar allt að 450 þúsund krónum á ári í vasa meðalfjölskyldu með tvö börn í þeim sveitarfélögum þar sem verðið hefur hækkað mest undir Sjálfstæðisflokki. Það munar um minna.

Með Samfylkingu í forystu ríkisstjórnar skapast einnig tækifæri til að stíga loksins skrefið til fulls og brúa bilið milli fæðingarorlofs og leikskóla – í eitt skipti fyrir öll. Það viljum við gera með samkomulagi ríkis og sveitarfélaga um sameiginlega fjármögnun.

Þannig tökum við ábyrgð hvert á öðru og stöndum með framtíð Íslands.

Þak á leikskólagjöldum og 100% systkinaafsláttur

Engin fjölskylda greiði meira en 50 þúsund krónur á mánuði fyrir 40 tíma leikskólaviku (dvalargjald og fæðisgjald) – en tekjulægri greiði minna. 

Þannig hlífum við barnafjölskyldum við allt að 450 þúsund króna kostnaði á ári miðað við svokallað „Kópavogsmódel“

Lögfestum rétt til leikskólavistar að loknu fæðingarorlofi

Með nýrri löggjöf og sameiginlegri fjármögnun ríkis og sveitarfélaga sem kemur til framkvæmda í skrefum á næstu 4 árum.

Þannig brúum við loksins bilið milli fæðingarorlofs og leikskóla eins og gert hefur verið á öðrum Norðurlöndum.

Byggjum á tillögum aðgerðahóps forsætisráðuneytis um brúun bilsins milli fæðingarorlofs og leikskóla sem skipaður var fulltrúum verkalýðshreyfingar, fyrirtækja, kennara, sveitarfélaga og ráðuneyta.

Minnkum skutlið og eflum frístundastyrki

Bjóðum börnum og ungmennum frítt í Strætó.

Höldum áfram að efla frístundastyrki við barnafjölskyldur til að ýta undir virka þátttöku í íþrótta- og tómstundastarfi um land allt.

2. Hlúum að fólkinu sem byggði landið

Samfylkingin hlúir að fólkinu sem byggði landið. Það er skylda okkar jafnaðarfólks að tryggja öryggi og mannvirðingu allra á efri árum. Ekki síst er þetta mikilvægt þegar heilsan brestur eftir langa ævi.

Á fyrsta ári í ríkisstjórn höfum við tryggt að lífeyrir fylgi launum og hækkað frítekjumark ellilífeyris. Þá höfum við sett af stað þjóðarátak í umönnun eldra fólks sem birtist meðal annars í stórfelldri uppbyggingu hjúkrunarrýma um land allt.

Næsta skref er að stórefla þjónustu við eldra fólk í heimahúsum með samhæfðu átaki ríkis og sveitarfélaga. Samhliða því sem við eyðum biðlistanum eftir hjúkrunarrýmum fyrir árið 2030.

Þannig tökum við ábyrgð hvert á öðru og hlúum að fólkinu sem byggði landið.

Eyðum biðlistanum eftir hjúkrunarrýmum fyrir árið 2030

Með þjóðarátaki í umönnun eldra fólks og uppbyggingu yfir 1.500 hjúkrunarrýma (skv. nýrri framkvæmdaáætlun til ársins 2030).

Árið 2027 verður búið að helminga biðlistann frá 2024.

Árið 2030 er miðað við að biðlistinn verði kominn niður í 100 manns en að sá hópur fái biðrými og enginn bíði lengur en 90 daga.

Stóreflum þjónustu við eldra fólk í heimahúsum

Með því að bjóða samfellda þjónustu við eldra fólk með samþættingu heimaþjónustu, heimahjúkrunar og öldrunarráðgjafar sem fylgir þörfum hvers og eins (þar með talið fyrir heimilishjálp, félagsstarf, heilsueflingu, dagdvalir, iðju- og sjúkraþjálfun).

Þannig tryggjum við eldra fólki og fjölskyldum örugga handleiðslu á efri árum. 

Styðjum við virkni og grípum fólkið fyrr sem þarf frekari þjónustu.

Með því að uppfylla þjóðarmarkmið um fastan heimilislækni og heimilisteymi fyrir alla Íslendinga – þar sem eldra fólk og langveikir eru í forgangi á fyrsta kjörtímabili.

Frá 2024 hefur hlutfall 75 ára og eldri með fastan heimilislækni aukist úr 85% í 95% á höfuðborgarsvæðinu, og úr 75% í 80% hjá 60 ára og eldri.

Samfylkingin hefur látið verkin tala í ríkisstjórn. Við auðveldum rekstur og uppbyggingu. Með því að einfalda regluverk og hrista upp í kerfinu eftir stöðnun um árabil.

Nú gerum við slíkt hið sama í sveitarstjórnum vítt um land: Einföldum leyfisveitingar, aukum þjónustulund og byggjum á trausti við eftirlit og leiðsögn um úrbætur.

Þess vegna leggjum við til einn viðkomustað fyrir fyrirtæki hjá hverju sveitarfélagi. Þar sem fyrirtækin hafa fastan tengipunkt til halds og trausts. Um leið höldum við okkar striki á sviði landsmála og ljúkum við fækkun ríkisstofnana um 15% á kjörtímabilinu til að auka hagræði og efla þjónustu.

Þannig tökum við ábyrgð hvert á öðru og aukum verðmætasköpun á Íslandi.

Höldum áfram að einfalda leyfisveitingar og regluverk

Með því að gera það sama í sveitarstjórnum og við höfum gert á fyrsta ári í ríkisstjórn þegar kemur að markvissri einföldun á leyfisveitingum og regluverki.

Einföldum og sameinum leyfisferli, drögum úr kvöðum við að afla umsagna og setjum skýr tímamörk á afgreiðslu leyfisveitinga.

Leiðum viðhorfsbreytingu og leggjum áherslu á þjónustulund í öllu viðmóti hins opinbera.

Snúum dæminu við þannig að frumkvöðlum og fyrirtækjum sé treyst til að fara strax af stað og hefja rekstur.

En veitum leiðsögn um úrbætur þegar eftirlit leiðir í ljós að þörf er á.

Einn viðkomustaður fyrir fyrirtæki hjá hverju sveitarfélagi

Til að auðvelda rekstur og uppbyggingu með því að fyrirtæki hafi fastan tengipunkt í samskiptum við sveitarfélagið sem veitir aðstoð og sér um samhæfingu.

Léttum á kerfinu og fækkum ríkisstofnunum um 15% á kjörtímabilinu

Til að auka hagræði, styrkja stofnanir og bæta þjónustu þeirra við fólk og fyrirtæki.

Fækkum einnig ráðum, nefndum og stjórnum til að auka skilvirkni.

Á fyrsta ári hefur ríkisstjórnin lögfest fækkun ríkisstofnana um 5% en stefnt er að 15% fækkun á kjörtímabilinu

Hér getur þú kynnt þér útspilið í pdf skjali. 

Aðalfundur Samfylkingarinnar á Vestfjörðum verður haldinn þriðjudaginn 21. apríl 2026 á netinu kl 20:00-21:00.

Dagskrá aðalfundar
1.       Skýrsla stjórnar.
2.       Reikningar félagsins lagðir fram.
3.       Skýrslur nefnda sem starfa á vegum félagsins.
4.       Breytingar á lögum félagsins.
5.       Kosning formanns.
6.       Kosning stjórnar, fjögurra aðalmanna og tveggja til vara.
7.       Kosning tveggja skoðunarmanna reikninga.
8.       Ákvörðun um félagsgjald.
9.       Önnur mál
 
Stjórn óskar eftir framboðum í stjórn og fyrir skoðunarmenn reikninga. Sérstaklega er kosið til formanns en nýkjörin stjórn skiptir öðrum verkum á milli sín.

Allar nánari upplýsingar veitir varaformaður Samfylkingarinnar á Vestfjörðum Guðrún Anna Finnbogadóttir, gasfrise@gmail.com.

Aðalfundur Samfylkingarinnar á Vestfjörðum

Daglega lífið hefur verið í forgangi í málefnastarfi Samfylkingar í vetur. Við höfum farið víðs vegar um landið, haldið opna fundu og bankað og dyr og spurt: Hvernig léttum við lífið þitt? Hvernig getur Samfylkingin aðstoðað?

Afraksturinn af þessum samtölum má finna í nýju útspili Samfylkingar – sem ber yfirskriftina Tökum ábyrgð hvert á öðru. Þar eru lögð fram þrjú samvinnuverkefni ríkis og sveitarfélaga sem verða sett í forgang á næsta kjörtímabili í sveitarstjórnum landsins.

Í útspilinu er að finna tillögur til að lækka kostnað barnafólks og hlúa að fólkinu sem byggði landið. Þá er kynnt áætlun um að halda áfram einföldun regluverks eins og verið hefur við stjórn landsmála og gera slíkt hið sama á sviði sveitarstjórna. „Í gær kynnti ríkisstjórnin lækkun á dælunni, til að taka á hækkandi olíuverði, samhliða nýrri atvinnustefnu Íslands sem er 10 ára vaxtarplan. Í dag kynnir Samfylking nýtt útspil til að létta daglega lífið – eftir umfangsmikið samtal við fólkið í landinu á síðustu misserum,“ segir Kristrún Frostadóttir forsætisráðherra og formaður Samfylkingar, sem kynnti útspil flokksins fyrir sveitarstjórnarkosningar á fréttamannafundi í dag við Smáratorg í Kópavogi, ásamt Jónasi Má Torfasyni sem er oddviti Samfylkingar í Kópavogi.

Útspil Samfylkingar kveður einnig á um að eyða biðlistum eftir hjúkrunarrýmum fyrir árið 2030 og ljúka við að fækka ríkisstofnunum um 15% á yfirstandandi kjörtímabili í landsmálunum.

Smelltu hér til að lesa útspilið í heild

Tillögur Samfylkingar til að lækka kostnað barnafólks fela meðal annars í sér þak á leikskólagjöld og 100% systkinaafslætti. Þá leggur flokkurinn til að réttur til leikskólavistar verði lögfestur frá því að fæðingarorlofi lýkur – með löggjöf og sameiginlegri fjármögnun ríkis og sveitarfélaga í skrefum á næstu 4 árum.

Tillögurnar gera ráð fyrir að engin fjölskylda greiði meira en 50 þúsund krónur á mánuði fyrir 40 tíma leikskólaviku – en að tekjulægri greiði minna.

Kristrún Frostadóttir forsætisráðherra og formaður Samfylkingar segir:

„Þannig hlífum við barnafjölskyldum við allt að 450 þúsund króna kostnaði á ári – ef miðað er við hið svokallaða Kópavogsmódel.

Barnaskatturinn í Kópavogi er 450 þúsund krónur á ári – því fjölskylda með tvö leikskólabörn greiðir allt að 450 þúsund krónum meira á ári í Kópavogi en í Reykjavík fyrir 40 tíma leikskólaviku.“

„Það er kominn tími til að lögfesta rétt til leikskólavistar – líkt og gert hefur verið á öllum Norðurlöndum – til að brúa bilið milli fæðingarorlofs og leikskóla. Til þess þarf nýja löggjöf og sameiginlega fjármögnun ríkis og sveitarfélaga.“

Því til viðbótar er lagt til að öllum börnum og ungmennum verði boðið frítt í Strætó og að haldið verði áfram að efla frístundastyrki við barnafjölskyldur til að ýta undir virka þátttöku í íþrótta- og tómstundastarfi um land allt.

Til að hlúa að fólkinu sem byggði landið boðar Samfylkingin áframhaldandi þjóðarátak í umönnun eldra fólks og uppbyggingu yfir 1.500 hjúkrunarrýma (samkvæmt framkvæmdaáætlun til 2030) – þannig að árið 2027 verði búið að helminga biðlistann eftir hjúkrunarrýmum og að árið 2030 sé miðað við að biðlistinn verði kominn niður í 100 manns en að sá hópur fái biðrými og enginn bíði lengur en 90 daga.

„Við erum að tækla biðlistann sem tvöfaldaðist frá árinu 2017 og við erum nú þegar á réttri leið með stórfelldri fjölgun hjúkrunarrýma,“ segir Kristrún.

Þá hyggst Samfylkingin stórefla þjónustu við eldra fólk í heimahúsum með því að bjóða samfellda þjónustu við eldra fólk sem felst meðal annars í samþættingu heimaþjónustu, heimahjúkrunar og öldrunarráðgjafar– sem fylgir þörfum hvers og eins (þar með talið fyrir heimilishjálp, félagsstarf, heilsueflingu, dagdvalir, iðju- og sjúkraþjálfun o.s.frv.).

Tillögur Samfylkingar til að auðvelda rekstur og uppbyggingu snúa meðal annars að því að einfalda leyfisveitingar og regluverk — eins og Samfylkingin hefur gert markvisst á fyrsta ári í ríkisstjórn. Leyfisferli verði einfölduð og sameinuð, dregið verði úr kvöðum við að afla umsagna og skýr tímamörk sett á afgreiðslu leyfi sveitinga.

„Við höfum ráðist í stórfellda einföldun á regluverki á fyrsta ári okkar í ríkisstjórn og við viljum gera það sama í sveitarstjórnum um allt land. Treystum frumkvöðlum og fyrirtækjum til að fara strax af stað og hefja rekstur — en veitum leiðsögn um úrbætur þegar þörf er á,“ segir Jónas Már Torfason, oddviti Samfylkingar í Kópavogi og formaður stýrihóps Samfylkingar um daglega lífið.

Samfylkingin leggur einnig til að komið verði upp einum viðkomustað fyrir fyrirtæki hjá hverju sveitarfélagi, þar sem fyrirtæki hafi fastan tengipunkt til halds og trausts. Þá verði haldið áfram að létta á kerfi nu með fækkun ríkisstofnana um 15% á kjörtímabilinu, til að auka hagræði og bæta þjónustu við fólk og fyrirtæki.

* * *
Útspilið var unnið af stýrihópi Samfylkingar um daglega lífið sem hóf störf á flokksstjórnarfundi á Helli haustið 2025 og var kynnt og tekið til umræðu á flokksstjórnarfundi í Reykjavík vorið 2026.

Kristrún Frostadóttir forsætisráðherra kynnti í dag nýtt útspil Samfylkingarinnar fyrir komandi sveitarstjórnarkosningar við Smáratorgi í Kópavogi. 

Nýtt útspil Samfylkingar: „Tökum ábyrgð hvert á öðru“

Samfylkingin býður íbúa Hafnarfjarðar velkomna á opinn fund um menntamál þriðjudaginn 21. apríl kl. 19:30 í sal Samfylkingarinnar Strandgötu 43.

Við viljum heyra frá ykkur, foreldrum, starfsfólki í skólum og öllum sem láta sig menntamál varða.

Hvað gengur vel?
Hvar eru áskoranirnar?
Hvað viljum við sjá þróast á næstu árum?

Magnús Þór Jónsson formaður Kennarasambands Íslands verður frummælandi.

Fundarstjórn er í höndum Margrétar Lilju Pálsdóttur aðstoðarskólastjóra í Skarðshlíðarskóla.

Öll velkomin – hlökkum til að eiga samtalið með ykkur

Menntamál í Hafnarfirði - hvað skiptir máli?

Samfylkingin í Reykjanesbæ opnar kosningaskrifstofu sína sunnudaginn 19. apríl klukkan 16 að Hafnargötu 32 (Gallerí Keflavík).

Við bjóðum í dýrindis vöfflupartý með frambjóðendum og kynnum áherslurnar okkar og málefni fyrir kosningar.
Okkar frábæri Guðjón Þorgils, sigurvegari söngkeppni framhaldsskóla, kemur og tekur nokkur lög fyrir okkur

Samfylkingin í Reykjanesbæ
- fyrir fólkið í bænum

En þannig er staðan því miður. Frá árinu 2014 hef ég séð um Matargjafir Akureyri og nágrenni og á þessum 12 árum hef ég aðstoðað hundruði fjölskyldna og einstaklinga með mat, innlögnum á kort, skógjöfum (í samstarfi við jólasveinana), jóladagatölum, jólagjöfum og mörgu öðru sem Matargjafir hafa getað gert til að létta undir með skjólstæðingum.

Undanfarið hefur þörfin fyrir aðstoð aukist gríðarlega í öllum aldurshópum, en þá sérstaklega hjá sambúðarfólki sem starfar við láglaunastörf, með eitt barn eða fleiri á leikskóla og búandi í leiguhúsnæði. Eldra fólk á einnig erfiðara uppdráttar en áður. Sem dæmi fékk ég símtal í vetur frá konu sem átti 80 ára afmæli tveimur dögum seinna. Hún hafði hvorki efni á að halda upp á afmælið sitt eða bjóða börnum sínum í jólamat. Ég hef rætt við einstæða móður sem gat ekki sent barnið sitt í bíó með bekknum því hún átti ekki til 1000 krónur og foreldra sem hafa þurft að minnka við sig vinnu vegna hárra leikskólagjalda. Það eru foreldrar í þessum bæ sem ekki eiga fyrir nesti handa börnunum sínum í skólann, og börn sem fá ekki jöfn tækifæri á við önnur vegna utanaðkomandi aðstæðna sem þau hafa enga stjórn á.

Ég hef hlustað, horft á fólk niðurbrotið, faðmað það og reynt að vera til staðar öll þessi ár, því mannúðarfélag eins og Matargjafir er síðasti kosturinn sem fólk vill leita til en því miður kannski sá eini sem getur aðstoðað á þessum stundum.Vegna þess sem ég hef séð og upplifað í störfum mínum við Matargjafir Akureyrar, og vegna skjólstæðinganna, ákvað ég að bjóða mig fram í 3. sæti á lista Samfylkingarinnar til bæjarstjórnakosninga 16 maí. Ég býð mig fram því ég vil breytingu, ég vil að fólk hafi það betra en það gerir nú í okkar góða bæ og ég vil að við hlustum á fólkið sem hér býr.

Hlustum á að fólkið vilji breytingu á leikskólagjöldum.

Hlustum á að það vanti félagslegt húsnæði.

Hlustum á að sumir foreldrar hafi ekki bolmagn til að börnin þeirra geta verið í íþróttum þó svo að frístundastyrkur sé í boði. Það er margt annað sem fylgir því að stunda íþróttir s.s. fatnaður, búnaður og ferðir sem foreldrar hafa ekki efni á.

Hlustum á og opnum augun fyrir því að það sé fátækt í okkar góða bæjarfélagi og að hér búa börn sem færu ekki nestuð í skólann eða södd að sofa ef ekki væri fyrir mannúðarfélög.

Hlustum á eldra fólkið okkar sem líður skort og þarf að leita til mannúðarfélaga.

Lokum ekki eyrunum heldur látum verkin tala.

Sigrún Steinarsdóttir er í 3. sæti á lista Samfylkingarinnar fyrir bæjarstjórnarkosningarnar 16. maí

Það er sorgleg staðreynd að í rúmlega 20 þúsund manna bæjarfélagi þurfi að vera mannúðarfélög sem aðstoða fólk sem lítið sem ekkert eiga.

Nú þegar sú starfsemi er á undanhaldi þarf að huga að því hvernig hægt sé halda þessari menningararfleifð á lofti og láta heilsubæinn blómstra. Í hugmyndavinnu S-listans hefur komið fram frábær hugmynd um að stofna samfélagsgróðurhús sem gæti verið samkomustaður fyrir íbúa á öllum aldri. Þar skapast tækifæri til ræktunar, fræðslu, sköpunar og viðburðahalds af ýmsu tagi. Gott dæmi um samfélagshús er Grønttorvethúsið í Valby í Danmörku en það hús býður upp á fjölnota rými fyrir íbúa í hjarta hverfisins. Nokkur samfélagsgróðurhús eru svo í næsta nágrenni. Ekki er um hefðbundinn rekstur sveitarfélags að ræða heldur lifandi samfélag íbúanna sem bera sameiginlega ábyrgð enda eru þeir sammála um að verkefnið stuðli að vellíðan þeirra og samkennd.

Frambjóðendur S-listans vilja gjarnan skoða hvort hægt sé að koma samfélagsgróðurhúsi á laggirnar í Hveragerði. Þar gæti verið ræktunarrými fyrir íbúa (grænmeti, krydd, blóm o.fl), samkomustaður fyrir fjölskyldur, fræðsla (grunnskóli, leikskólar, námskeið o.fl.), miðstöð fyrir viðburði og listsköpun. Ekki er ólíklegt að einstaklingar, félagasamtök og fyrirtæki hefðu áhuga á að taka þátt í uppbyggingu og rekstri samfélagsgróðurhúss með bæjarfélaginu. Í því sambandi mætti skoða að stofna óhagnaðardrifið félag í kringum starfsemina. Þá gæti samfélagsgróðurhús auðveldað vinnu við geðrækt í litlum hópum og virkniverkefni fyrir bæði börn og fullorðna sem glíma við kvíða og félagslega einangrun. Í því sambandi ætti heilbrigðis- og velferðarþjónusta einnig að vera hluti af starfsemi hússins.

Hvernig er hægt að koma samfélagsgróðurhúsi á laggirnar?
Þegar horft er til næstu ára væri gaman að koma upp alvöru samfélagshúsi hér í bæ og samfélagsgróðurhúsum í tengslum við það. Sé hins vegar tekið mið af fjármögnun og stöðu framkvæmda á vegum Hveragerðisbæjar kann einhver að benda réttilega á að ekki sé fjárhagslegt svigrúm til að byggja upp hús sem er sambærilegt við samfélagshúsið í Valby, en samfélagsgróðurhús gæti ef til vill verið raunhæfur kostur. Í því sambandi mætti skoða til að byrja með hvort ekki sé hægt að kaupa notað gróðurhús erlendis frá og/eða að taka gróðurhús á leigu sem er í litlum eða engum rekstri. Frambjóðendur S-listans eru tilbúnir til að skoða málið vel nái þeir góðri kosningu 16. maí næstkomandi, enda vantar samkomustað í Hveragerði sem gæfi tækifæri til að rækta saman, skapa, læra og njóta. Þá spillir ekki fyrir að verkefnið fellur vel að megin leiðarljósum í nýlegri skipulagsgreinargerð með aðalskipulagi Hveragerðisbæjar 2025-2037:

Skapandi Hveragerði, sjálfbært samfélag með náttúruna í fyrirrúmi.

Heilsueflandi Hveragerði, samfélag þar sem lögð er áhersla á ró, vellíðan, heilsueflingu, góða þjónustu og fjölskylduvænt umhverfi.

Blómstrandi Hveragerði, með blómlegu atvinnulífi og fjölbreyttum atvinnutækifærum sem byggja á auðlindum og sérkennum bæjarins, svo sem á sviði ferðaþjónustu, græns iðnaðar og tækifæra í nýsköpun innan þessara sviða.

Samfélagsgróðurhús er í raun lítið verkefni en á sama tíma stórt fyrir íbúana því það
gæti styrkt félagsleg tengsl þeirra og vellíðan sem og ímynd Hveragerðis sem
blómstrandi heilsubæjar.

Árný Fjóla Ásmundsdóttir, skipar 7. sæti S-listans í Hveragerði
Berglind Ósk Guttormsdóttir, skipar 5. sæti S-listans í Hveragerði
Halldór Grétar Einarsson, skipar 10. sæti S-listans í Hveragerði
Þorsteinn Hjartarson, skipar 2. sæti S-listans í Hveragerði

Gróðurhús og garðyrkja eru stór hluti af sögu og menningu Hveragerðis. 

Í ítarlegu viðtali við Víkurfréttir fer hún yfir fjárhagslega endurskipulagningu bæjarins, uppbyggingu innviða, áskoranir sem fylgja því að vera ört vaxandi ferðaþjónustubær, samstarfið í meirihlutanum og hvort hún vilji verða næsti bæjarstjóri Reykjanesbæjar.

Hér er hægt að hlusta á viðtalið í heild sinni. 

Guðný Birna Guðmundsdóttir, oddviti Samfylkingarinnar í Reykjanesbæ, hefur setið í bæjarstjórn undanfarin þrjú kjörtímabil.

Guðný Birna í hlaðvarpi Víkurfrétta

Leit um „��"

3216 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „������������������������������������������������������������"

3216 niðurstöður fundust við leit að „������������������������������������������������������������"