Samfylkingin á Akranesi boðar til opins fundar um nýtt útspil Samfylkingarinnar og leikskólamálin miðvikudaginn 6. maí kl. 20:00 í Stillholti 16-18.

Eydís og Sigmundur Ernir þingmenn Samfylkingarinnar fara yfir nýtt útspil flokksins og Sara Margrét Ólafsdóttir dósent í menntunarfræði við Menntavísindasvið Háskóla Íslands fjallar um menntun leikskólakennara.

Frambjóðendur Samfylkingarinnar bjóða í stutta göngu um Hafnargötuna og Grófina og spjall um hvernig við mótum saman enn betri bæ. Fáum okkur gómsæta súpu í kosningamiðstöðinni að göngu lokinni

Farið verður yfir helstu verkefnin framundan, hvað leggja þurfi áherslu á við komandi endurskoðun aðalskipulags Reykjanesbæjar og rætt hvernig við viljum byggja bæinn okkar til framtíðar

Gangan hefst kl. 17 frá kosningamiðstöðinni við Hafnargötu 32 (Gallerí Keflavík), gert er ráð fyrir að hún taki rúma klst. og súpan verði klár kl. 18:15.

Öll velkomin í röltið - og/eða í súpuna. 

Spjallkaffi 60+ verður á sínum stað miðvikudaginn 6. maí kl. 10:00 - 12:00 í sal Samfylkingarinnar, Hallveigarstíg 1, 101 Reykjavík.

Gestur okkar verður er Magnús Skjöld formaður Evrópuhreyfingarinnar, sem ætlar að ræða við okkur um Evrópumálin. 

Það verður heitt á könnunni og eitthvað með því.

Garðabær hefur í dag alla burði til þess að vera leiðandi sveitarfélag; staður þar sem gott er að búa, starfa og skapa. Til þess að svo megi verða þurfum við hins vegar að leggja áherslu á gagnsæi í rekstri með því að veita réttar upplýsingar um stöðu og fjármál sveitarfélagsins, tryggja Garðbæingum aðgang að framúrskarandi þjónustu og sameinast um skýra framtíðarsýn sem styður við bæði íbúa og atvinnulíf. En þá er spurningin: hvernig gerum við það?

Traust er grunnurinn að góðu samfélagi. Þess vegna viljum við setja bókhald bæjarins á netið og gera það aðgengilegt öllum íbúum. Garðbæingar eiga að geta séð með skýrum hætti hvernig fjármunum sveitarfélagsins er varið, hvert þeir fara og hvaða verkefni eru framundan. Þetta er lykilatriði í gagnsæi og virku eftirliti þar sem hlutverk bæjarstjórnar á að vera að veita réttar upplýsingar í rauntíma.

Samfylkingin í Garðabæ leggur ríka áherslu á ábyrgan rekstur þar sem tekjur sveitarfélagsins skila sér fyrst og fremst í öflugri grunnþjónustu. Með því að draga úr óþarfa kostnaði og einfalda reksturinn getum við tryggt að fjármunir nýtist þar sem þeirra er mest þörf. Jafnframt viljum við auka aðkomu íbúa að ákvarðanatöku því rödd Garðbæinga á að skipta máli – ekki bara í orði heldur einnig á borði.

Ég held að við getum öll verið sammála um það að vilja ná börnum og ungmennum frá skjánum og í sköpun. Ein helsta áskorun ungs fólks í dag er andleg heilsa og Samfylkingin í Garðabæ vill leggja sitt af mörkum til þess að gefa börnunum okkar tækifæri á að styrkja félagsleg tengsl, efla sköpunarhæfileika þeirra og leyfa þeim að sjá hugmyndir sínar verða að veruleika. Framtíðin kallar á sköpun, nýsköpun og hugrekki til þess að prófa nýjar leiðir. Menningar- og nýsköpunarhús í Garðabæ er eitt af því sem Samfylkingin leggur áherslu á að verði að veruleika. Bærinn okkar hefur í gegnum tíðina alið af sér framúrskarandi listafólk og skapandi einstaklinga og með því að hlúa að grasrótinni og skapa aðstöðu fyrir sköpun getum við eflt þetta umhverfi enn frekar.

Í dag stöndum við Garðbæingar á tímamótum þar sem við getum valið að gera gott samfélag enn betra. Við höfum val um að breyta til - hrista upp í hlutunum. Við höfum val um að byggja upp sterkt og skapandi bæjarfélag með ábyrgum rekstri, skilvirkri þjónustu og hafa metnað fyrir vellíðan og öryggi unga fólksins okkar.

Þann 16. maí næstkomandi geta Garðbæingar kosið nýja forystu – og þá verða tækifærin til að gera Garðabæ enn betri svo miklu fleiri. Við lofum því.

Höfundur, Vilborg Anne Strange Garðarsdóttir, skipar 2. sætið á lista Samfylkingarinnar í Garðabæ fyrir komandi sveitastjórnarkosningar.

Opinn fundur með Kristrúnu Frostadóttur, forsætisráðherra og formanni Samfylkingar, í Edinborgarhúsinu á Ísafirði, fimmtudaginn 7. maí kl. 20:00. Með á fundinum verða Arna Lára Jónsdóttir þingmaður Samfylkingar í Norðvesturkjördæmi, Svanfríður G. Bergvinsdóttir oddviti Samfylkingar í Ísafjarðarbæ og fleiri frambjóðendur.

Hvað brennur á þér fyrir sveitarstjórnarkosningar? Hvernig gerum við sveitarfélagið þitt betra? Og hvernig styrkjum við samvinnu ríkis og sveitarfélaga?

Opið samtal með forsætisráðherra og frambjóðendum. Kaffi og kruðerí.

Ísafjörður: Opinn fundur með Kristrúnu og frambjóðendum

Opinn fundur með Kristrúnu Frostadóttur, forsætisráðherra og formanni Samfylkingar, í Deiglunni við Kaupvangsstræti 23 á Akureyri, miðvikudaginn 6. maí kl. 17:00. Með á fundinum verða Logi Einarsson menningar-, nýsköpunar- og háskólaráðherra og 1. þingmaður Norðausturkjördæmis, Sindri Kristjánsson oddviti Samfylkingar á Akureyri og fleiri frambjóðendur.

Opið samtal við ráðherra og frambjóðendur. Kaffi og kruðerí.

Akureyri: Opinn fundur með Kristrúnu og frambjóðendum Samfylkingar

Of flókið regluverk tefur athafnafólk og Samfylkingin ætlar að breyta því.

Samfylkingin í Kópavogi býður til opins fundar um einföldun regluverks og betri umgjörð fyrir fyrirtæki.

📅 Mánudaginn 4. apríl
⏰ Kl. 20:00
📍 Siglingafélagið Ýmir

👥 Á fundinum ræða Jónas Már, oddviti Samfylkingarinnar í Kópavogi, og Jóhann Páll, umhverfis-, orku- og loftslagsráðherra, hvernig hægt er að einfalda regluverk og auðvelda fyrirtækjum rekstur.

💬 Við viljum heyra frá ykkur atvinnurekendur eru sérstaklega hvattir til að mæta og deila reynslu sinni.

Kristrún Frostadóttir mætir á Akranes mánudaginn 11. maí og býður Samfylkingin á Akranesi öllum áhugasömum að koma í Stillholt 16-18 kl. 19:30 í kjötsúpu og spjall með Kristrúnu

Arna Lára þingmaður Samfylkingarinnar í Norðvesturkjördæmi verður á staðnum ásamt frambjóðendum Samfylkingarinnar á Akranesi.

Opinn fundur með Kristrúnu Frostadóttur, forsætisráðherra og formanni Samfylkingar, á Hótel Norðurljósum við Aðalbraut 2 á Raufarhöfn, miðvikudaginn 6. maí kl. 8:30. Með á fundinum verða Kjartan Páll Þórarinsson oddviti Samfylkingar í Norðurþingi og fleiri frambjóðendur.

Opið samtal í morgunsárið með forsætisráðherra og frambjóðendum. Heitt á könnunni.

Raufarhöfn: Morgunfundur með Kristrúnu og frambjóðendum Samfylkingar

Loftslagsmál eru í grunninn spurning um jöfnuð. Jöfnuð milli hópa og jöfnuð milli kynslóða. Við þurfum að standa vörð um hagsmuni komandi kynslóða þegar kemur að náttúruvernd og gæta vandlega að sjálfbærni þegar kemur að nýtingu og umgengni um auðlindir náttúrunnar Reykjavík hefur undir forystu Samfylkingarinnar verið leiðandi í innleiðingu Græna plansins með áherslu á vistvæna samgöngumáta, hjólastíga, gönguvæna borg, eflingu almenningssamgangna og þéttingu byggðar þar sem það á við - til að draga úr þörf fyrir samgöngur borgarhluta á milli. Það er skýrt markmið loftslagsstefnu borgarinnar að stefna skuli að kolefnishlutleysi 2030 og að heildarlosun borgarinnar dragist saman frá ári til árs, með aðgerðum sem draga úr kolefnislosun, með aukinni grænni fjárfestingu o.s.frv.

Samfylkingin vill fjölga grænum svæðum og auka gróður í borgarlandinu, fjölga borgargörðum með fjölbreyttum leiktækjum, bekkjum og hreystiaðstöðu fyrir borgarbúa á öllum aldri. Í því samhengi munu samgöngubætur eins og Sæbrautarstokkur og Miklubrautargöng auka lífsgæði fyrir íbúa í nærliggjandi hverfum m.a. í Laugardal og Hlíðum, þar sem umferðarþungi, loftmengun og ónæði af umferð mun minnka til mikilla muna. Umferðinni verður beint neðanjarðar sem skapar gullið tækifæri sem við viljum nýta til að skapa grænt og mannvænt umhverfi ofanjarðar og auka tækifæri íbúanna til heilnæmrar útivistar og fjölbreyttra samvista fjölskyldna og nágranna. Augljóst er að Borgarlínuverkefnið mun draga úr neikvæðum umhverfisáhrifum með því að fjölga þeim sem nýta almenningssamgöngur þar sem vagnarnir verði knúnir innlendum umhverfisvænum orkugjöfum. Þar hafa jákvæðar breytingar á þjónustu Strætó sl. haust þegar haft þau áhrif að farþegafjöldi hefur aukist til muna, í kjölfar þess að ríkið kemur nú í fyrsta sinn með verulegt fjármagn til reksturs Strætó í tengslum við innleiðingu samgöngusáttmálans. Það hefur leitt til fjölgunar ferða, styttri biðtíma og þar með betri þjónustu við borgarbúa.

Við viljum minnka svifryk í borginni og draga úr áhrifum þess á heilsu borgarbúa með því að draga úr óþarfa notkun nagladekkja í umferðinni, í samvinnu við ríkið. Auðvitað þurfa sumir að nota nagladekk en ég hef persónulega reynslu af því að komast alla minna ferða án nagladekkja undanfarin rúm 20 ár með því að aka í samræmi við aðstæður á hverjum tíma. Við getum bætt loftgæðin í borginni með ýmsum hætti þar með talið að halda áfram með raftengingar skipa í Sundahöfn sem Faxaflóahafnir hafa haft forgöngu um undanfarin ár. Samfylkingin var leiðandi í að koma á samstarfi við umhverfisráðuneytið um raftenging fraktskipta í Sundahöfn og næsta skref er að tengja

skemmtiferðarskipin við rafmagn. Það mun bæta loftgæði í borginni til muna yfir sumartímann. Það getur orðið að veruleika innan tveggja ára ef áform Faxaflóahafna ná fram að ganga með aðkomu borgaryfirvalda og ríkisins. Annað spennandi verkefni sem mun hafa jákvæð umhverfisáhrif er hátækni sorpbrennsla á höfuðborgarsvæðinu sem Sorpa hefur undirbúið m.a. í samvinnu við Orkuveituna og fleiri. Slíkt verkefni hefði þann ávinning í för með sér að draga verulega úr flutningum sorps úr landi til brennslu með tilheyrandi kolefnislosun en samhliða skapast tækifæri til föngunar og niðurdælingar kolefnis sem sömuleiðis hefði veruleg jákvæð umhverfisáhrif borið saman við núverandi meðhöndlun sorps til urðunar eða útflutnings í brennslu. Enn má nefna tímamóta djúpnýtingarverkefni Orkuveitunnar sem felur í sér að bora dýpra eftir jarðvarma í þeim borholum sem þegar eru nýttar. Það felur í sér að koma í veg fyrir rask á nýjum svæðum en fá meiri orku úr hverri borholu sem nýtt er í dag.

Loks hefur Samfylkingin markað sér skýra stefnu um að vilja minnka óþarfa flugumferð um Reykjavíkurflugvöll með því að færa flug einkaþotna, útsýnisflug, kennslu- og æfingaflug annað samhliða því sem vörður verði staðinn um innanlandsflug og sjúkraflug þar til ný staðsetning flugvallar liggur fyrir. Það myndi minnka verulega ónæði, mengun og auka öryggi íbúa sem búa í nágrenni við flugvöllinn.

Samfylkingin í borginni leggur í Græna planinu áherslu á sjálfbærni og umhverfisvernd, orkuskipti og nýtingu grænna tæknilausna sem draga úr neikvæðum áhrifum á umhverfi og miða að kolefnishlutleysi. Við leggjum ríka áherslu á að Orkuveitan verði áfram í eigu borgarinnar, þar með talið dótturfyrirtæki hennar Ljósleiðarinn og Carbfix sem er mikilvægt framlag Orkuveitunnar til kolefnishlutleysis. Sjálfstæðisflokkurinn vill hins vegar selja þau til einkaaðila rétt eins og hlut borgarinnar í Landsvirkjun á sínum tíma sem hefur kostað borgina tugi milljarða í arðgreiðslur sem hefði mátt nota til að byggja upp innviði.

Við höfum metnað til að ganga vel um auðlindir náttúrunnar og það verður áfram okkar leiðarljós við stjórn borgarinnar ef við fáum til þess stuðnings í kosningunum 16. maí. Áfram Samfylking fyrir jöfnuð í borginni: X-S!

Höfundur er borgarfulltrúi í 4. sæti Samfylkingarinnar í Reykjavík.

Loftslags- og umhverfismál eru eitt allra stærsta viðfangsefni okkar tíma og það er sýn Samfylkingarinnar að taka þurfi mið af þeim við alla ákvarðanatöku borgarinnar. 

Lofts­lags­mál snúast um jöfnuð og lífs­gæði

Leit um „��"

3426 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3426 niðurstöður fundust við leit að „���������������������������������������������������"