Rannsóknir benda til þess að algengi einhverfurófsraskana sé um 1–3% meðal barna, eða um það bil 1 af hverjum 30–50 börnum. Fylgiraskanir hjá börnum á einhverfurófi eru algengar og jafnvel frekar reglan en undantekningin. Þar má nefna tilfinningaraskanir eins og kvíða, þunglyndi eða aðrar taugaþroskaraskanir eins og ADHD, málþroskaraskanir og þroskahömlun. Börn á einhverfurófi er því stór hópur í okkar samfélagi sem oft á tíðum glímir við margar áskoranir. Börn á einhverfurófi eru margfalt líklegri til að þróa með sér skólaforðun en önnur börn.

Í Kveik í gærkvöldi var varpað ljósi á þann ójöfnuð sem fólk á einhverfurófi getur mætt í geðheilbrigðisþjónustu, þar sem einstaklingum er stundum vísað frá eða þeir fá ekki þá meðferð sem þeir þurfa á að halda. Það er alvarlegt þegar kerfið sem á að styðja fólk bregst.

Oft er sagt að ef þú hefur hitt einn einstakling með einhverfu þá hafir þú hitt einn einstakling með einhverfu. Fólk á einhverfurófi er jafn misjafnt og við hin. Að vera á einhverfurófi setur fólk ekki í ákveðna staðalímynd eða box. Hver einstaklingur er einstakur, alveg eins og þú og ég.

Ég þekki þetta vel úr starfi mínu þar sem ég vinn meðal annars með fólki á einhverfurófi. Það sem skiptir mestu máli er að mæta einstaklingnum þar sem hann er staddur. Í grunninn sitjum við saman, ein manneskja að hjálpa annarri manneskju. Það skiptir miklu máli að við aukum þekkingu okkar á einhverfu og þeim áskorunum sem henni geta fylgt, en ekki síður á styrkleikum sem margir á einhverfurófi búa yfir. Auðvitað geta fylgt ákveðnar hindranir sem tengjast taugaþroskafrávikum og krefjast aðlögunar í umhverfi eða meðferð. En einhverfa ætti ekki að vera ástæða fyrir því að einstaklingur fái ekki viðeigandi meðferð.

Rannsóknir sýna til dæmis að hugræn atferlismeðferð getur borið góðan árangur við kvíða hjá börnum á einhverfurófi. Meðferðin getur þó þurft aðlögun, til dæmis með meiri þátttöku foreldra, sjónrænt skipulag eða lengri meðferð. Sem dæmi reynir oft á í mínu starfi með einstaklingum á einhverfurófi að greina á milli þess sem veldur vanlíðan. Stundum er um að ræða kvíða, en stundum tengist vanlíðanin frekar skynúrvinnsluvanda sem oft fylgir einhverfu, til dæmis þegar ákveðin hljóð, birta eða fjölmenni valda miklu álagi. Það sem skiptir mestu máli er að við greinum vandann vel og kortleggjum hann út frá einstaklingnum, svo við getum fundið réttar leiðir til að styðja við hann.

Fólk á einhverfurófi á rétt á sömu geðheilbrigðisþjónustu og aðrir. Verkefni okkar sem samfélags er að tryggja að kerfið loki ekki dyrum heldur finni leiðir til að mæta fólki með skilningi, þekkingu og lausnum hvort sem það er með viðeigandi meðferð eða aðlögun umhverfis. Við getum öll gert betur og byrjað strax í dag með því að gefa okkur tíma til þess að kynna okkur einhverfu. Mikið af góðum upplýsingum er t.d. að finna á heimasíðu einhverfusamtakana: https://www.einhverfa.is.

Í Kveik í gærkvöldi var varpað ljósi á þann ójöfnuð sem fólk á einhverfurófi getur mætt í geðheilbrigðisþjónustu.

Framboðslistinn var kynntur á opnum kynningarfundi í húsi leikfélagsins við Austurmörk 23, laugardaginn 14. mars.

Listinn er skipaður öflugu fólki með fjölbreytta reynslu og þekkingu sem vill leggja sitt af mörkum til þróunar og áframhaldandi uppbyggingar Hveragerðisbæjar. 

Í starfinu framundan hjá S-listanum verður lögð áhersla á að fólk með ólíkar skoðanir og ólíkan bakgrunn geti fundið sér farveg og staðið saman með félagshyggju og jafnaðarstefnu að leiðarljósi.

S-listinn í Hveragerði er þannig skipaður:
1. Birgitta Ragnarsdóttir, tollamiðlari
2. Þorsteinn Hjartarson, eldri borgari og fv. fræðslustjóri
3. Maria Araceli, dans- og leiklistarkennari
4. Guðmundur Benóný Baldvinsson, lagerstjóri
5. Berglind Ósk Guttormsdóttir, leiðsögumaður og ferðaskipuleggjandi
6. Arnar H. Halldórsson, verkfræðingur
7. Árný Fjóla Ásmundsdóttir, leiðbeinandi í leikskóla og listakona
8. Tómas Kristjánsson, sálfræðingur og lektor
9. Kristín Lilja Thorlacius, bókasafns- og upplýsingafræðingur
10. Halldór Grétar Einarsson, tæknistjóri
11. Harpa Björnsdóttir, deildarstjóri og leikskólakennari
12. Hjálmar Trausti Kristjánsson, bílstjóri
13. María Arnardóttir, myndlistarkona
14. Ingibjörg Sigmundsdóttir, eldri borgari og fv. garðyrkjubóndi

Samfylkingin og óflokksbundnir (X-S) bjóða nú fram í Hveragerði til sveitarstjórnarkosninganna í vor. 

Framboðslisti Samfylkingar og óflokksbundra í Hveragerði

Hafnfirðingar vita að samgönguinnviðir í bænum eru víða komnir að þolmörkum og að þörf er á tafarlausum aðgerðum. Fulltrúar Samfylkingarinnar hafa margoft bent á þessar staðreyndir á kjörtímabilinu en oftar en ekki er talað fyrir daufum eyrum meirihluta Framsóknar- og Sjálfstæðisflokks. Fáum við umboð kjósenda í sveitarstjórnarkosningum 16. maí nk. þá munum við sjá til þess að stefna og sýn bæjarstjórnar verði skýr þannig að enginn velkist í vafa um hver vilji bæjarstjórnar er í þessum efnum og við munum láta verkin tala.

Sama hvar borið er niður þá er Hafnarfjörður aftarlega á merinni þegar kemur að framkvæmdum í Samgöngusáttmála höfuðborgarsvæðisins. Þar gildir einu hvort um er að ræða framkvæmdir sem lúta að almenningssamgöngum og uppbyggingu borgarlínu eða stórum samgöngubótum eins og á Reykjanesbrautinni frá N1 hringtorginu og áfram í átt að Kaplakrika. Hér hafa bæjaryfirvöld einfaldlega sofið á verðinum og ekki tekist að halda sjónarmiðum og hagsmunum Hafnarfjarðar nægjanlega vel á lofti.

Stefnir í ófremdarástand við Suðurhöfn

Suðurhöfn er eitt þeirra svæða í bænum þar sem við blasir að aðgerða er þörf strax. Umferðargreining sem unnin var fyrir Hafnarfjarðarbæ í tengslum við fyrirhugaða uppbyggingu á hafnarsvæðinu leiðir í ljós að gatnakerfið er þegar komið að þolmörkum. Þegar svo við bætast áform um uppbyggingu íbúða fyrir um 3000 manns og nýs Tækniskóla fyrir um 3000 nemendur og starfsfólk þá er ljóst að það stefnir í algjört ófremdarástand ef ekki verður gripið til aðgerða. Þess vegna hefur Samfylkingin endurtekið kallað eftir því að bærinn hefji formlegar viðræður við Betri Samgöngur m.a. vegna þess að í ljós hefur komið að uppfæra verður Samgöngusáttmála höfuðborgarsvæðisins þar sem ekki er gert ráð fyrir sérrými fyrir borgarlínu frá verslunarmiðstöðinni Firði að Suðurhöfn. Hvað þá lengra í átt að Völlunum. Í ljósi fyrrnefndrar uppbyggingar er gríðarlega mikilvægt að tryggja góðar tengingar almenningssamgangna við svæðið. Í þessum efnum verður bæjarstjórn að tala með skýrum og afgerandi hætti í þágu bæjarbúa en því miður hefur verulega skort á það hjá núverandi meirihluta Framsóknar- og Sjálfstæðisflokks í þessu máli og það verið látið reka á reiðanum.

Reykjanesbraut að N1 hringtorgi og í átt að Kaplakrika - flöskuháls sem kallar á tafarlausar framkvæmdir

Annar flöskuháls í umferðinni sem Hafnfirðingar þekkja vel er Reykjanesbrautin að N1 hringtorginu og svo áfram í átt að Kaplakrika. Á vissum tímum sólarhringsins er umferðarþunginn slíkur að illmögulegt er fyrir þá sem koma úr Setberginu eða af Lækjargötunni að komast inn á Reykjanesbrautina. Slíkur er vandinn að lengi hefur verið rætt um að koma á einhvers konar ljósastýringu á umræddu hringtorgi en það hefur ekki gerst ennþá. Á gríðarlega fjölmennum opnum fundi sem Samfylkingin í Hafnarfirði hélt í síðasta mánuði með Vegagerðinni um samgöngumál sem tengjast bænum, var einmitt mesti þunginn í umræðu um vegabætur á þessum kafla Reykjanesbrautarinnar. Beðið er niðurstaðna úr valkostagreiningu Vegagerðarinnar vegna umrædds vegakafla en líklegt er að bæjarstjórn muni þurfa að taka afstöðu til tveggja kosta; annars vegar mislægra gatnamóta eða stokks/jarðgangna. Samkvæmt Samgöngusáttmála höfuðborgarsvæðisins eiga framkvæmdir þar að hefjast á allra næstu árum og því brýnt að valkostirnir liggi fyrir sem fyrst enda mikilvægt að hefja framkvæmdir því umferðarhnútarnir á þessum kafla kalla á tafarlausar framkvæmdir.

Flóttamannavegur loksins kominn á dagskrá

Á fyrrnefndum fundi okkar með Vegagerðinni var einnig talsvert rætt um stöðu Flóttamannavegarins svokallaða. Samfylkingin hefur á undanförnum árum haldið málefnum Flóttamannavegarins á lofti á vettvangi bæjarstjórnar og í kjölfar málflutnings okkar jafnaðarfólks í bæjarstjórn Hafnarfjarðar og með nýrri ríkisstjórn er Flóttamannavegurinn loksins kominn á dagskrá. Í framlagðri samgönguáætlun ríkisstjórnar Kristrúnar Frostadóttur er ekki lengur gert ráð fyrir því að Vegagerðin skili veginum til þeirra bæjarfélaga sem hann liggur í gegnum, Hafnarfjarðar, Garðabæjar og Kópavogs, heldur er nú þvert á móti stefnt að því að Vegagerðin verði veghaldari og muni því sinna rekstri og viðhaldi Flóttamannavegar. Ný samgönguáætlun gerir einnig ráð fyrir 50 milljón kr. framlagi í tengslum við hönnun á veginum á næstu tveimur árum. Þetta er ekki einungis mikilvægt vegna þess að vegurinn þjónar mikilvægu hlutverki til framtíðar sem ígildi ofanbyggðarvegar heldur einnig vegna þess að þegar framkvæmdir hefjast við Reykjanesbrautina við N1 hringtorgið þá mun Flóttamannavegurinn spila stóran þátt í því að taka við hluta umferðarinnar sem annars hefði farið um Reykjanesbrautina.

Öryggi gangandi og hjólandi vegfarenda við Reykjavíkurveg

Enn annað mál sem fulltrúar Samfylkingarinnar hafa látið sig varða í samgöngumálum á kjörtímabilinu snýr að bættu umferðaröryggi gangandi og hjólandi vegfarenda yfir Reykjavíkurveg. Á næstu árum mun byggjast upp ný íbúðabyggð í hverfi sem nefnist Hraun vestur þar sem stefnt er að blandaðri byggð. Sú uppbygging kallar á aukna umferð á svæðinu og börn á grunnskólaaldri koma til með að þurfa að þvera veginn í meira mæli en nú er til þess að sækja skóla, íþróttir og tómstundir. Þrátt fyrir að gert sé ráð fyrir undirgöngum á tveimur stöðum í skipulagi og aðrir kostir eins og mislægar gönguþveranir verið lagðir til, þá er ekki gert ráð fyrir þessum endurbótum í áformum Betri samgangna og Vegagerðarinnar í Samgöngusáttmála höfuðborgarsvæðisins. Engir fjármunir lagðir til hliðar í tengslum við væntanlegar framkvæmdir á þessu svæði vegna sérrýmis fyrir borgarlínu. Það er því ánægjulegt að bæjarstjórn hafi í síðasta mánuði samþykkt ítrekaða tillögu Samfylkingarinnar um að fela bæjarstjóra að fara í formlegar viðræður við þessa aðila um málið. Það var orðið löngu tímabært.

Samfylkingin ætlar að láta verkin tala

Af þessari upptalningu má sjá að það er af mörgu taka í samgöngumálum í Hafnarfirði. Tök meirihluta Framsóknar- og Sjálfstæðisflokks á þessum mikilvægu málum hafa því miður einkennst af deyfð og doða. Það er nauðsynlegt að breyting verði þar á sem fyrst því samgöngumál og úrbætur í þeim hvíla þungt á Hafnfirðingum og bæjarbúar kalla eftir lausnum og aðgerðum.

Verkin sýna merkin! Á kjörtímabilinu, sem senn lýkur, hefur Samfylkingin í minnihluta lagt áherslu á úrbætur í samgöngumálum í málflutningi sínum og reynt að þoka þeim áfram. Það er ljóst að samgöngumálin verða veigamikil á komandi kjörtímabili og þarf að taka þau föstum tökum eftir aðgerðarleysi síðustu ára. Og það munum við gera í nýjum meirihluta undir forystu okkar jafnaðarmanna á næsta kjörtímabili hljótum við til þess brautargengi í kosningunum 16. maí nk. Við ætlum að láta verkin tala!

Samfylkingin í Hafnarfirði hefur á yfirstandandi kjörtímabili ítrekað sett samgöngumál í bænum á dagskrá og barist fyrir úrbótum í þeim.

Þörf á tafarlausum fram­kvæmdum í sam­göngu­málum Hafn­firðinga

Kópavogur er frábær bær, það veit ég sem hef búið þar alla mína ævi. Þar er góð aðstaða til hreyfingar og félagslífs og bærinn hefur alla möguleika til að vera fyrirmyndarsveitarfélag. Samt hefur stjórnsýslan brugðist íbúum. Á síðustu fjórum árum hefur ítrekað verið gengið gegn gefnum loforðum og ákvarðanir teknar án raunverulegs samráðs. Traust íbúa hefur beðið hnekki og mikilvæg mál hafa setið eftir. Þetta er óásættanlegt. Nú er tími kominn á breytingar og stjórnsýslu sem stendur með íbúum, ekki gegn þeim. Tími fyrir nýja forgangsröðun í þágu allra bæjarbúa, ekki hluta af þeim. Ég treysti Samfylkingunni best til þeirra verka.

Aðgengi fatlaðra að íþróttum og tómstundum er mjög ábótavant svo dæmi sé tekið. Í dag standa fötluðum einstaklingum í Kópavogi fá eða engin raunveruleg úrræði til boða þegar kemur að skipulagðri íþróttaiðkun. Afleiðingin er sú að fjölskyldur neyðast til að sækja þjónustu í önnur sveitarfélög, sem leiðir til aukins kostnaðar, mikils álags og óréttlætis. Þetta er sérlega umhugsunarvert í ljósi þess að í bænum starfa tvö af stærstu íþróttafélögum landsins, sem ættu að geta verið burðarstoðir í uppbyggingu aðgengilegs íþróttastarfs fyrir alla. Ég hef áður fjallað um það að fötluð systir mín hefur þurft að sækja sínar íþróttir í þrjú mismunandi sveitarfélög. Sund í Hafnarfjörð, fótbolta í Garðabæ og skautaiðkun í Reykjavík.

Til þess að sveitarfélag virki þarf grunnþjónustan að vera í lagi. Annað mikilvægt mál er staða barnafjölskyldna, sérstaklega þegar horft er til leikskólamála. Leikskólagjöld í Kópavogi eru meðal þeirra hæstu á landinu og skortur á fyrirsjáanleika hvað varðar pláss eykur óöryggi hjá fjölskyldum. Þetta hefur bein áhrif á möguleika foreldra til að samræma atvinnuþátttöku og fjölskyldulíf. Ef sveitarfélagið nær ekki að bjóða upp á hagkvæm og áreiðanleg leikskólaúrræði er hætt við að fólk leiti í önnur sveitarfélög, sem veikir stöðu Kópavogs til lengri tíma litið.

Lausnin felst ekki aðeins í gagnrýni heldur í markvissum aðgerðum. Sveitarfélagið þarf að setja skýra stefnu um aðgengi að íþróttum og tómstundum fyrir fatlaða, í samstarfi við íþróttafélög, foreldra og notendur þjónustunnar sjálfa. Það þarf að tryggja fjármögnun, menntun þjálfara og skipulag sem gerir öllum kleift að taka þátt án þess að þurfa að leita út fyrir bæjarmörkin.

Jafnframt þarf að endurskoða leikskólamál í Kópavogi með það að leiðarljósi að lækka gjöld, auka fyrirsjáanleika og stytta biðlista. Slík fjárfesting er ekki kostnaður heldur fyrst og fremst grunnforsenda þess að fjölskyldur geti búið í bænum til framtíðar.

Í grunninn snýst þetta um jafnræði í þjónustu. Þegar úrræði eru til staðar fyrir suma en ekki aðra skapast misrétti sem grefur undan samfélagslegri samheldni. Kópavogur hefur burði til að vera sveitarfélag sem stendur jafnfætis öðrum þegar kemur að velferð, aðgengi og stuðningi við íbúa sína. Til þess þarf að horfa heildstætt á þjónustu bæjarins og tryggja að hún nái til allra, óháð stöðu, aðstæðum eða fötlun. Ég treysti Samfylkingunni best til þeirra verka.

Höfundur er námsmaður, búsettur í Kópavogi og situr í miðstjórn ungs jafnaðarfólks og í stjórn Katrínar, ungliðahreyfingar Samfylkingarinnar í Kraganum.

Á síðustu fjórum árum hefur ítrekað verið gengið gegn gefnum loforðum og ákvarðanir teknar án raunverulegs samráðs við íbúa í Kópavogi.

Við ætlum að hittast og móta umsögn við ungmennastefnu Íslands sem verður send inn í nafni hreyfingarinnar. Við byrjum á því að fá kynningar til að kveikja hugmyndir og síðan tekur við hópavinna við umsögn.

Hvenær: Sunnudaginn 15. mars kl. 13
 Hvar: Hallveigarstíg 1
 Öll velkomin.

13:10-13:30
SAMFÉS - Kynning um ungmennahús og félagsmiðstöðvar

13:30-13:50
Guðmundur Fylkisson - Segir frá sínum störfum í þágu ungmenna

13:50-14:00
Guðmundur Ari - markmið ungmennastefnu og vinnan framundan

Ungmennastefna Íslands: hvað viljum við?

Þar var kosið um sex efstu frambjóðendur á lista Samfylkingarinnar í Reykjavík fyrir borgarstjórnarkosningarnar 16. maí. Með niðurstöðunum hefst næsti áfangi í uppstillingu framboðslistans fyrir komandi kosningar.

Á framboðslista Samfylkingarinnar verða alls 46 nöfn, en borgarfulltrúar eru 23 talsins. Uppstillingarnefnd í Reykjavík óskar nú eftir framboðum og tilnefningum í sæti 7–46 á listanum. Félagsmenn geta bæði boðið sig sjálf fram eða tilnefnt aðra sem þeir telja eiga erindi á framboðslistann.

Framboð og tilnefningar skulu sendar á netfangið uppstillingarnefnd26@gmail.com eigi síðar en klukkan 16:00 föstudaginn 30. janúar. Uppstillingarnefnd mun fara yfir allar innsendar tillögur.

Samkvæmt samþykkt Fulltrúaráðs Samfylkingarinnar í Reykjavík skal framboðslisti kynntur eins fljótt og auðið er og eigi síðar en 28. febrúar. Þá verður tillaga uppstillingarnefndar lögð fyrir allsherjarfund Fulltrúaráðsins.

Í uppstillingarnefnd sitja Björk Vilhelmsdóttir, Gréta Dögg Þórisdóttir, Magnús Skjöld, Starri Reynisson og Vilborg Oddsdóttir.

Flokksval Samfylkingarinnar í Reykjavík fór fram á laugardaginn var, 24. janúar. 

Samfylkingin í Reykjavík óskar eftir framboðum og tilnefningum 

Sigurjón Vídalín Guðmundsson, bæjarfulltrúi, leiðir listann og í 2. sæti er Margrét Björk Ólafsdóttir hjúkrunastjóri, Brynjar Þór Elvarsson stjórnsýslufræðingur, skipar 3. sæti listans, Elísabet Björgvinsdóttir skemmtanastjóri, samfélagsmiðlastjóri og þjálfari er í 4. sæti, Árni Magnússon verkefnastjóri skipar 5. sæti, Elísabet Davíðsdóttir lögfræðingur skipar 6. sæti listans og Margrét K. Sverrisdóttir íslenskufræðingur skipar 7. sætið.

 Framboðslistann skipa reynslumiklir einstaklingar sem sitja í bæjarstjórn Árborgar auk nýrra frambjóðenda sem nú stíga sín fyrstu skref í sveitarstjórnarmálum, fullir áhuga á að gera gott sveitarfélag enn betra.

 Í hópnum eru einstaklingar með víðtæka þekkingu og reynslu víðsvegar að úr samfélaginu og spegla vel þá miklu breidd sem býr í ört vaxandi samfélagi. Listinn mun á næstunni kynna stefnumál sín.

 Listinn hefur á að skipa sterkum hópi fólks sem vill leggjast saman á árarnar við að létta daglegt líf fólks. Svf. Árborg á að vera samfélag þar sem þjónusta og bæjarbragur standa undir væntingum íbúa. Við viljum taka ábyrgð á að byggja upp sveitarfélagið með skýrri sýn og góðu samstarfi við íbúa. Markmið okkar er að taka á þeim verkefnum sem blasa við og byggja upp sterkt og lifandi samfélag.

Framboðslisti Samfylkingar og óháðra í Árborg 2026:

1.       Sigurjón Vídalín Guðmundsson, sérfræðingur hjá Vegagerðinni og bæjarfulltrúi.

2.       Margrét Björk Ólafsdóttir, hjúkrunarstjóri.

3.       Brynjar Þór Elvarsson, stjórnsýslufræðingur.

4.       Elísabet Björgvinsdóttir, skemmtanastjóri, samfélagsmiðlastjóri og þjálfari.

5.       Árni Magnússon, verkefnastjóri.

6.       Elísabet Davíðsdóttir, lögfræðingur.

7.       Margrét K. Sverrisdóttir, íslenskufræðingur.

8.       Eva Gunnarsdóttir, skjalastjóri.

9.       Einar Sindri Ólafsson, jarðfræðingur

10.  Herdís Sif Ásmundsdóttir, kennari og hjúkrunarfræðingur.

11.  Linda Ásdísardóttir, sérfræðingur á Byggðasafni Árnesinga.

12.  Benoný Jónsson, líffræðingur, sérfræðingur á Hafrannsóknastofnun og stöðvastjóri.

13.  Renuka Chareyre, starfsmaður í grunnskóla.

14.  Tinna Berg Rúnarsdóttir, leikskólakennari.

18.  Þorvarður Hjaltason, fyrrverandi framkvæmdastjóri SASS.

19.  Margrét Frímannsdóttir, fyrrverandi alþingiskona.

20.  Ástríður M. Sigurðardóttir, gæðastjóri.

21.  Björgvin G. Sigurðsson, fyrrverandi alþingismaður og ráðherra.

22.   Arna Ír Gunnarsdóttir, verkefnastjóri og bæjarfulltrúi.

Fjölmennur félagsfundur Samfylkingarinnar í Árborg samþykkti í gær einróma framboðslista Samfylkingar og óháðra fyrir sveitastjórnarkosningarnar þann 16. maí næstkomandi.

Framboðslisti Samfylkingar og óháðra í Árborg samþykktur

Oddviti listans er Gunnsteinn R. Ómarsson sem var bæjarstjóri í Ölfusi á árunum 2013-2018, á þeim tíma þegar samstillt bæjarstjórn minni- og meirihluta lagði línur og hóf m.a. framkvæmdir við stækkun á höfninni sem leiddi til þess sögulega uppgangs sem hefur verið í Ölfusi síðustu árin. Gunnsteinn er þó ekki mættur til leiks til þess að verða bæjarstjóri á ný, heldur til þess að miðla sinni reynslu inn í bæjarstjórn næstu fjögur árin, en hann starfar sem framkvæmdastjóri Sameykis í dag. 

Á listanum er fjölbreyttur hópur fólks með ríka þekkingu á ýmsum krókum og kimum í samfélaginu. Berglind Friðriksdóttir, sálfræðingur, sem nú situr í bæjarstjórn fyrir Íbúalistann er í öðru sæti, Pálmi Þór Ásbergsson, íþróttafræðingur og aðstoðarforstöðumaður í sértækri félagsmiðsöð er í þriðja sæti og Bryndís Sigurðardóttir viðskiptafræðingur, markaðs- og útflutningsfræðingur, kerfisfræðingur og fyrrverandi bæjarstjóri með meiru skipar fjórða sætið.

Listann í heild sinni má sjá hér að neðan. 

Samfylkingin og félagar í Ölfusi hafa gert samkomulag við bæjarstjóraefni utan listans sem verður kynntur til leiks þegar nær dregur kosningum, en um reynslumikla manneskju í sveitarstjórnarmálum er að ræða.

Á fundinum í kvöld sögðu Gunnsteinn og Berglind frá helstu áherslumálum listans í komandi kosningum. Áhersla verður á að skipulagsmál í sveitarfélaginu taki mið af lífsgæðum íbúa og að ekki verði þrengt að hafnarsvæðinu, að vinna markvisst að því að rækta þorpsandann og velferð íbúa með ýmsum aðgerðum og byggja upp fjölbreytt og öflugt atvinnulíf. Þá kom einnig fram að efla á samstarf við íbúa um málefni sveitarfélagsins og styrkja samstarf við önnur sveitarfélög.

Gunnsteinn R. Ómarsson, framkvæmdastjóri

Berglind Friðriksdóttir, sálfræðingur

Pálmi Þór Ásbergsson, aðstoðarforstöðumaður í sértækri félagsmiðstöð

Bryndís Sigurðardóttir, viðskiptafræðingur 

Sigurður Freyr Vestmann Sigurvinsson, viðskiptafræðingur og ráðgjafi

Sigfús Benóný Harðarson, aðalvarðstjóri hjá ríkislögreglustjóra

Hrafnhildur Lilja Harðardóttir, sálfræðingur

Sylwia Dzwoniarska, túlkur og starfsmaður í leikskóla í fæðingarorlofi

Gunnar Sigurðsson, tölvunarfræðingur og bruggmeistari

Guðrún Bjarnadóttir, sjálfstætt starfandi við fræðslu og handverk

Hannes Gunnarsson, trésmíðameistari og eftirlaunamaður

Hjördís Erlingsdóttir, ritari á Heilbrigðisstofnun Suðurlands

Guðmundur Oddgeirsson, eftirlaunamaður og fyrrverandi hitt og þetta

Í fyrsta sinn í 20 ár býður Samfylkingin fram lista í sveitarfélaginu Ölfusi. Listinn er skipaður Samfylkingarfólki og félögum í Ölfusi og kynnti formaður flokksins og forsætisráðherra, Kristrún Frostadóttir hópinn á opnum fundi á Heima Bistro í Þorlákshöfn kl. 18 í kvöld. 

Samfylking og félagar kynna lista í Ölfusi

Leit um „��"

2969 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������"

2969 niðurstöður fundust við leit að „���������������������������"