Við birtum upplýsingar um framboð Samfylkingarinnar í sveitarstjórnarkosningunum á þessari síðu: https://xs.is/sveitarstjornarkosningar-2026

Svo er hægt að finna ýmsar upplýsingar um sveitarstjórnarkosningar á heimasíðu landskjörstjórnar: https://island.is/s/landskjorstjorn/sveitarstjornarkosningar

Kosið verður til sveitarstjórna kjörtímabilið 2026-2030 laugardaginn 16. maí 2026.

Hægt er að tilkynna fyrirhugað framboð til kjörstjórnar á netfangið xskopavogur2026@gmail.com, þar sem frambjóðendur fá nánari leiðbeiningar og þau gögn sem þarf að skila. Skila þarf inn öllum gögnum og framboðsyfirlýsingu útprentuðum og undirrituðum í frumriti til kjörstjórnar fyrir lok framboðsfrests. Kjörstjórn verður við móttöku í Hlíðarsmára 9, 4. hæð, milli kl. 18:00 og 20:00 þann 12. janúar. 

Meðmælum 15–30 flokksfélaga með lögheimili í Kópavogi

Um er að ræða bindandi flokksval fyrir efstu fjögur sæti á framboðslista Samfylkingarinnar í Kópavogi, með svokölluðum paralista, þar sem jafnræði kynja er tryggt í hverjum tveimur sætum. Kosningin fer fram 7. febrúar 2026.

Kjörgengir eru allir félagsmenn í Samfylkingunni sem uppfylla landslög og hafa meðmæli 15–30 félaga.

Allar frekari upplýsingar og leiðbeiningar má finna á:
👉 https://xs.is/kopavogur

Samfylkingin í Kópavogi hefur auglýst eftir framboðum til flokksvals vegna sveitarstjórnarkosninganna 2026. Framboðsfrestur er til kl. 20:00 mánudaginn 12. janúar 2026.

Auglýst eftir framboðum til flokksvals Samfylkingarinnar í Kópavogi

Samfylkingin á Vestfjörðum býður til samverustundar þriðjudaginn 9. desember kl. 20:00, á Edinborg Bistró á Ísafirði. 

Séra Magnús Erlingsson verður með jólaspjall fyrir gesti.  

Við bjóðum upp á heitt kakó og smákökur og hlökkum til að eiga huggulega kvöldstund saman.

Öll hjartanlega velkomin – vonumst til að sjá sem flest!

Langar þig að kynnast frambjóðendunum í forprófkjöri Hallveigar?
Hér er kjörið tækifæri fyrir þig🤝


Miðvikudaginn 10. desember kl. 20:00 standa Hallveig og Ungt jafnaðarfólk fyrir pallborði með frambjóðendum í forprófkjöri Hallveigar í Bíó Paradís.


Þátttakendur í pallborðinu eru engin önnur en Bjarnveig Birta, Daníel Gauti, Eiríkur Búi, Stefán Petterson, Stein Olav og Þorvarður Bergmann sem öll eru frambjóðendur í forprófkjöri Hallveigar🌹


Gestum gefst færi á að spyrja frambjóðendur spurninga


Forprófkjörið hefst kl. 23:59 11. desember og lýkur því kl. 17:00 13. desember.
Til að hafa kosningarétt í forprófkjörinu þarf að vera skráður félagi í Samfylkinguna, á aldrinum 15-35 ára og með lögheimili í Reykjavík. Kjörskrá lokar 10. des kl 23:59. Skráning fer fram á xs.is/takathatt

Samfylkingin í Mosfellsbæ býður til samverustundar í kvöld, fimmtudaginn 4. desember kl. 19:30, í Þverholti 3.

Á staðnum verða Sigmundur Ernir og Eydís Ásbjörnsdóttir, þingmenn Samfylkingarinnar, ásamt fleiri góðum gestum sem munu sjá til þess að stemningin verði létt og lifandi.

Við bjóðum upp á léttar hátíðarveitingar og hlökkum til að eiga huggulega kvöldstund saman.

Húsakynnin verða skreytt í fallegum jólaljósum og gestum boðið í notalega samveru þar sem ilmandi jólablær og róleg gæðastund móta kvöldið. Boðið verður upp á létt áfengi, konfekt og jólalegt snakk, sem gefur kvöldinu milda og vinalega hátíðartón.

Heiða Björk Þorbergsdóttir, vertinn á Torfunni, mun leiða gesti inn í sögu hússins sem hefur um áratugaskeið verið hlýr og persónulegur menningarvettvangur í hjarta borgarinnar. Að því loknu mun Sigmundur Ernir Rúnarsson þingmaður lesa upp úr nýjustu bók sinni og færa jólunum sinn sérstaka ljóma í stilltri og fallegri upplestursstund.

Jólastund jafnaðarfólks er hugsuð sem róleg og kærleiksrík samvera á aðventunni þar sem við hittumst, njótum og ætlum okkur að koma jólaandanum á góðan stað.

Við hlökkum til að taka á móti ykkur í hlýju og friðsælu jólakvöldi á Torfunni.

Allt jafnaðarfólk er velkomið og sérstaklega er tilvonandi frambjóðendum félaganna í RVK fyrir næsta prófkjör boðið að koma.

Samfylkingarfélögin í Reykjavík: Rósin, Þjóðvaki og Alþýðuflokksfélag Reykjavíkur bjóða til hátíðlegrar Jólastundar jafnaðarfólks á Torfunni við Amtmannsstíg miðvikudaginn 10. desember frá klukkan 17:00 til 19:00.

Jólastund jafnaðarfólks í Reykjavík 

Heiða Björg fagnaði komu Dóru Bjartar til Samfylkingarinnar og lagði áherslu á að meirihluti borgarstjórnar Reykjavíkur haldist óbreyttur. Í kjölfar breytingarinnar tekur Alexandra Briem sæti Dóru Bjartar í oddvitahópi meirihlutans, en Dóra Björt tekur sæti í borgarráði fyrir hönd Samfylkingarinnar.

Dóra Björt segir ákvörðunina hafa verið tekna eftir vandlega umhugsun og að hún hafi alla tíð litið á sig sem jafnaðarmanneskju. Hún nefndi áhrifamikla leiðtoga jafnaðarmanna í íslenskum stjórnmálum sem fyrirmyndir, þar á meðal Vilmund Gylfason, Jóhönnu Sigurðardóttur, Ingibjörgu Sólrúnu Gísladóttur og Guðrúnu Ögmundsdóttur.

Þá lýsti hún einnig ánægju með störf Kristrúnar Frostadóttur forsætisráðherra og Heiðu Bjargar Hilmisdóttur borgarstjóra.

Samfylkingin býður Dóru Björt Guðjónsdóttur hjartanlega velkomna til starfa.

Dóra Björt Guðjónsdóttir, fyrrverandi borgarfulltrúi Pírata, hefur gengið til liðs við Samfylkinguna. Greint var frá því á blaðamannafundi í Ráðhúsinu fyrr í dag þar sem hún kom fram ásamt Heiðu Björgu Hilmisdóttur borgarstjóra.

Dóra Björt Guðjónsdóttir gengur til liðs við Samfylkinguna

Hægt er að tilkynna fyrirhugað framboð til kjörstjórnar á netfangið xskopavogur2026@gmail.com, þar sem frambjóðendur fá nánari leiðbeiningar og þau gögn sem þarf að skila. Skila þarf inn öllum gögnum og framboðsyfirlýsingu útprentuðum og undirrituðum í frumriti til kjörstjórnar fyrir lok framboðsfrests. Kjörstjórn verður við móttöku í Hlíðarsmára 9, 4. hæð, milli kl. 18:00 og 20:00 þann 12. janúar.

Meðmælum 15–30 flokksfélaga með lögheimili í Kópavogi

Um er að ræða bindandi flokksval fyrir efstu fjögur sæti á framboðslista Samfylkingarinnar í Kópavogi, með svokölluðum paralista, þar sem jafnræði kynja er tryggt í hverjum tveimur sætum. Kosningin fer fram 7. febrúar 2026.

Allar frekari upplýsingar og leiðbeiningar má finna á:
👉 https://xs.is/kopavogur

Samfylkingin í Kópavogi hefur auglýst eftir framboðum til flokksvals vegna sveitarstjórnarkosninganna 2026. Framboðsfrestur er til kl. 20:00 mánudaginn 12. janúar 2026.

Framboðsfrestur til flokksvals í Kópavogi 

Samkvæmt tölum frá Reykjavíkurborg nýttu 16.629 börn af alls 20.489 börnum í borginni frístundakortið að einhverju leyti á síðasta ári en meðal nýting kortsins á síðasta ári var 81%. Það þýðir að 19% barna nýttu ekki styrkinn, sem nemur 75 þúsundum króna á hvert barn, 6-18 ára. Hvað veldur? Vilja þau bara ekki taka þátt? Eru þau löt og áhugalaus eða eru aðrar ástæður fyrir því að þau taka ekki þátt? Getur e.t.v. verið að fjárhagslegar og félagslegar ástæður hamli þátttöku þeirra í íþróttum eða öðru skipulögðu tómstundastarfi? Börn og ungmenni sem koma frá tekjulágum heimilum, eiga einstætt foreldri, eru af erlendum uppruna eða búa við fötlun?

Það er umhugsunarefni, fyrir öll sem er annt um velferð og líðan barna, að svona stór hópur barna og ungmenna í stærsta sveitarfélagi landsins sitji eftir.

Í nýlegum  niðurstöðum rannsóknar Vörðu, rannsóknarmiðstöðvar vinnumarkaðarins, á stöðu launafólks á Ísland meðal félaga í aðildarfélögum ASÍ og BSRB kemur fram að tæplega helmingur launafólks innan þessara félaga sem er með heimilistekjur undir 499 þúsund krónum á mánuði býr við skort eða verulegan skort á efnislegum og félagslegum gæðum.

Hlutfallið er líka hátt meðal þeirra sem eru með heimilistekjur á bilinu 500-749 þúsund eða 41% og á bilinu 750-999 þúsund eða 29%. Fram kemur að mun algengara er að tekjulægri heimili hafi, vegna fjárskorts síðustu 12 mánuði, ekki haft efni á grunnþáttum fyrir börnin sín.

Þannig getur helmingur foreldra með heimilistekjur undir hálfri milljón á mánuði ekki greitt kostnað vegna félagslífs barna sinna, rúmur helmingur getur svo ekki greitt kostnað við að halda afmæli fyrir börnin sín eða gefið þeim jóla- og eða afmælisgjafir.

Ef barn býr á heimili sem foreldri getur ekki greitt fyrir félagslíf eða afmæli eru ekki til fjármunir til að borga fyrir skipulagt tómstundastarf, þrátt fyrir meðgjöf. Það barn situr eftir.  

Frístundastyrkurinn ekki bara fjárhagsleg hvatning

Félagsfræðingarnir  Baumeister og Leary settu fram kenningu „um þörfina fyrir “að tilheyra“ árið 1995 en tilgátan um þörfina fyrir að tilheyra felur í sér að einstaklingurinn hefur mikla þörf fyrir að mynda og viðhalda varanlegum og jákvæðum mannlegum samskiptum. Tvö skilyrði þarf að uppfylla, annars vegar er það þörfin fyrir samfelld og ánægjuleg samskipti við nokkra aðila. Hins vegar þurfa samskiptin að hafa jákvæð áhrif á velferð þeirra. Frístundastyrkurinn er ekki bara fjárhagslegur stuðningur við börn og barnafjölskyldur heldur líka leið til að efla félagsleg tengsl, hvetja til hreyfingar í heilbrigðu umhverfi eða ýta undir skapandi hæfileika barna og ungmenna. Þátttakan styrkir samskipti og myndun félagslegra tengsla við aðra krakka, börn verða hluti af stærri og fjölbreyttari vinahópi og mynda stærra tengslanet. Við viljum öll tilheyra hópi, vera virkir samfélagsþegnar og vaxa í umhverfi sem okkur líður vel.

 Í Íslensku æskulýðs rannsókninni kemur fram að þriðjungur barna af erlendum uppruna tilheyri ekki í skólanum sínum og fimmtungur íslenskra barna ekki heldur.  Að tilheyra ekki skólanum sínum, ná ekki mynda félagsleg tengsl getur ýtt undir félagslega einangrun, andlega vanlíðan og mögulega andfélagslegrar hegðunar, neyslu vímuefna og jafnvel afbrota.

Sóknarfæri mikil í valdefla börn til þátttöku 

Foreldrar vita hversu dýrt það er að vera með börn og ungmenni í skipulögðu tómstundastarfi enda margvíslegur auka kostnaður sem fellur til, auk æfingagjalda. Við þau bætist kostnaður við ferðalög, æfingabúnað og mótagjöld, en fjölmiðlaumfjöllun í haust sýndi fram á allt að milljón krónur í útgjöld á ári fyrir barnmargar fjölskyldur.

Börn sem koma frá tekjulágum heimilum, börn sem eiga einstætt foreldri, börn sem eru af erlendum uppruna eða eru fötluð, eins og rannsókn Vörðu gefur vísbendingar um, eru ólíklegri að nýta frístundastyrkinn ef helmingur foreldra þeirra hefur ekki efni á að borga félagsstarf barna sinna.

Við viljum ekki að börn sitji eftir, því skipulagt íþrótta- og tómstundastarf er svo mikilvægt til að börnum líði eins og þau séu hluti af hópnum, að þau nái að tilheyra. Í stað þess að horfa á nýtinguna þarf að snúa við gleraugunum við og spyrja sig, hvar eru börnin sem ekki nýta frístundastyrkinn sinn? Hvaða ástæður liggja að baki að hann sé ekki nýttur? Eru það félagslegar eða fjárhagslegar eða jafnvel hvort tveggja. Þá þarf að hafa plan því enginn vill verða barnið sem situr eftir. 

Höfundur er varaborgarfulltrúi Samfylkingarinnar í Reykjavík.

3.860 börn í Reykjavík nýttu ekki frístundastyrkinn

Ég heiti Sara Björg Sigurðardóttir og er fædd í Reykjavík en sleit barnsskónum í Kópavogi, Hrísey og uppsveitum Borgarfjarðar. Í tæpan áratug æfði ég sund með sundfélaginu Ægi, keppti með landsliðinu og þjálfaði yngri börn. Eftir fjögur ár í Menntaskólanum við Sund, með árs viðkomu í Suður-Kaliforníu þar sem fjölskyldan mín bjó, fluttist ég til Spánar til að læra spænsku.

Ég hef alltaf haft brennandi áhuga á fólki, tungumálum, menningu og ólíkum samfélögum. Þessi áhugi minn leiddi mig í stjórnmálafræðina í HÍ. Eftir BA- próf fluttist ég til Danmerkur, og lærði þar bæði danska stjórnsýslu ‒ og dönsku! Eftir dvölina í Danmörku kom ég heim og lauk meistaraprófi í stjórnsýslufræðum frá HÍ. Lokaverkefnið mitt fjallaði um stjórnsýslu sveitarfélaga og flutning verkefna þangað frá ríkinu.

Ég hef hef búið í borginni í tuttugu ár og síðustu fjórtán árin í Breiðholti með eiginmanni og þremur börnum á aldrinum 10 til 17 ára. Starfsreynslan er fjölbreytt. Ég hef unnið í fiski, við sundþjálfun, og í sölu- og þjónustustörfum en lengst af sem sérfræðingur hjá ríkinu. Hjá stjórnsýslu héraðsdómstóla þjónustuðum við starfsfólk víðs vegar um landið, og ég fór fyrir fjölbreyttum verkefnum, svo sem tölfræðiúrvinnslu og samskipti við hagaðila. Í störfum mínum fyrir Sýslumann var ég i sambandi við viðskiptavini skammtímagistingar (Airbnb), kom að mótun heimagistingar og forgangsröðun verkefna við stafræna þróun.

Í síðasta meirihluta var ég formaður íbúaráðsins í Breiðholti og líka öldungaráðs Reykjavíkur, var framkvæmdastjóri borgarstjórnar flokksins, varafulltrúi í skóla- og frístundaráði, í stjórn Orkuveitu Reykjavíkur og í innkaupa- og framkvæmdaráði. Við nýjan samstarfssáttmála eftir að Dagur hætti varð ég fyrsti varaborgarfulltrúi, sit í menningar- og íþróttaráði, velferðarráði og innkaupa- og framkvæmdaráði. Líka formaður í samstarfsnefnd skíðasvæðanna á höfuðborgarsvæðinu, sem er mjög skemmtilegt. Árið 2018 tók ég sæti í stjórn SffR og var síðan formaður félagsins fram að stjórnarskiptum 2020.

Hvert barn skiptir máli – Ungmennahús fyrir 16+

Það voru hagsmunir barna í Breiðholti sem drógu mig inn í stjórnmálin, líðan þeirra og tækifæri til þátttöku í skipulegu íþrótta- og tómstundastarfi. Félagsleg virkni í nærsamfélaginu skiptir máli ‒ við viljum öll tilheyra hópi, sérstaklega meðan við erum ung. Í ljós hefur komið að fimmta hvert barn nýtir ekki frístundastyrkinn! Þetta eru ekki börn velefnaðra, heldur þvert á móti börn efnalítilla og jaðarsettra. Það er mikilvæg  jöfnunar- og velferðaraðgerð að finna þessi börn og fjölskyldur og styðja þau í skipulegu tómstundastarfi eða íþróttum. Ég ætla að beita mér fyrir Ungmennahúsi fyrir aldurinn 16+ ‒ það getur orðið öruggur og skapandi staður þegar farið er inn í viðkvæm fullorðinsár, undir handleiðslu frístundafagfólks. Um leið værum við að leggja okkar af mörkum að skapa samfélag þar sem öll börn hafa tækifæri til að njóta sín óháð uppruna, tekjustöðu foreldra, búsetu og félagslegri stöðu.

Það er komin tími til að endurhugsa þjónustu við eldra fólk. Við eigum að horfa á nýjar þjónustuleiðir sem skapa fyrirsjáanleika, og tryggja sjálfstæða búsetu og meira valfrelsi. Ég vil beita mér fyrir stofnun „málstjóra“ eldra fólks þegar þörf er þverfaglegri þjónustu, til að einfalda líf aðstandenda og draga úr umönnunarbyrði kvenna. Ég ætla að tala áfram fyrir fjölbreyttum búsetuformum eins og kynslóðahúsi og sam-búð (e. co-living) til að sporna við einsemd og ýta undir félagslegt samneyti kynslóðanna.

Það er mikilvægt að Mjóddin fá þá umbreytingu sem hún á skilið með skýrri og vandaðri framtíðarsýn. Ég vil halda áfram að tala fyrir Meiri Mjódd ‒ Betri Mjódd, þannig að Mjódd framtíðarinnar verði fjölskylduvæn, aðlaðandi, örugg ‒ borgarsamfélag sem laðar að fólk, þjónustu og blómlegt atvinnulíf. Þannig getur Mjóddin orðið fyrirmynd svipaðra miðstöðva annars staðar í borginni. Samhliða vil ég vinna að möguleika á flugrútu og strætó milli Keflavíkur og Mjóddar. Ávinningurinn er margþættur, en fyrst og fremst betri þjónusta og lífsgæði íbúa í eystri byggðum höfuðborgarsvæðis; það gæti dregið úr umferð og loftgæði batnað.

Framundan eru mikilvægar borgarstjórnarkosningar, kannski þær mikilvægustu sem við stöndum frammi um langt skeið. Nú getum við tryggt áframhaldandi þróun Reykjavíkur undir forystu jafnaðarfólks. Eftir að hafa verið hryggjarstykki í meirihlutanum síðustu þrjú kjörtímabil er mikilvægt fyrir Samfylkinguna að velja sér fjölbreyttan hóp fulltrúa ‒ þar sem sterk rödd „úthverfanna“fær að heyrast. Jafnaðarfólki gefst með mér tækifæri til að kjósa öflugan fulltrúa úr Breiðholti, og ég heiti því að vinna sem borgarfulltrúi af heilindum og dugnaði fyrir alla borgarbúa eins og ég hef gert fyrir hverfið mitt sem varaborgarfulltrúi síðustu árin.

Ég býð fram ferskan andvara úr austri ‒ býð fram Breiðhylting í borgarstjórn!

Sara Björg Sigurðardóttir - flokksval í Reykjavík 2026

Leit um „��"

3428 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3428 niðurstöður fundust við leit að „���������������������������������������������������"