Samfylkingin ætlar að negla niður vextina. Með hæfni í hagstjórn. Við munum lækka kostnað heimila og fyrirtækja í landinu – fáum við til þess traust í kosningunum 30. nóvember.

Þetta er stærsta hagsmunamál almennings á Íslandi, eftir óstjórn síðustu ára. Fráfarandi ríkisstjórn brást fólkinu í landinu með því að passa ekki upp á efnahagsmálin. Nú er kominn tími á breytingar.

Samfylking með plan
Samfylkingin er eini flokkurinn með plan um að negla niður vexti og verðbólgu. Allir flokkar tala um að gera þetta – en hverjum er treystandi? Allavega ekki þeim sem hafa stjórnað landinu síðustu árin, og ekki þeim sem lofa öllum öllu alls staðar.

Plan Samfylkingar til að negla niður vextina er þríþætt: Bráðaaðgerðir í húsnæðismálum til að fjölga íbúðum strax. Stöðugleikaregla í ríkisfjármálum til að ríkissjóður hætti að valda verðbólgu. Og tiltekt í ríkisrekstri ásamt tekjuöflun með skynsamlegum skattkerfisbreytingum – án þess að hækka skatta á almenning.

Bráðaaðgerðir
Við ætlum að fjölga íbúðum strax með bráðaaðgerðum í húsnæðismálum. Annars vegar með því að losa um íbúðarhúsnæði sem er þegar til en ekki nýtt til íbúðar og hins vegar með því að liðka fyrir fjölgun íbúða sem er hægt að koma hratt á markaðinn.

Til þess ætlum við að ná stjórn Airbnb, byggja einingahús og breyta atvinnuhúsnæði í íbúðir með hvötum fyrir einkaaðila. Þannig fjölgum við íbúðum á annað þúsund á næstu tveimur árum, umfram áætlanir, sem heldur aftur af hærra húsnæðisverði – og þar með verðbólgu og vöxtum.

Samfylkingin hefur líka kynnt í kerfisbreytingar til lengri tíma til að ná jafnvægi á húsnæðismarkaði. Það viljum við gera með því að stilla saman hagsmuni ríkis, sveitarfélaga og byggingaraðila. Þar þarf að hefjast handa strax.

Stöðugleikaregla
Stöðugleiki er stærsta efnahagsmálið. Nú hafa stýrivextir verið 9% í meira en 1 ár. Verðbólga hefur verið yfir markmiði í 4 ár. Og samkvæmt áætlunum fráfarandi ríkisstjórnar stefnir í að hallarekstur verði á ríkissjóði í 9 ár.

Við ætlum að breyta lögum um opinber fjármál til að tryggja stöðugleika. Það gerum við með því að taka upp svokallaða stöðugleikareglu. Tilgangurinn er að tryggja að „verðbólgufroðunni“ sé ekki eytt strax, eins og fráfarandi ríkisstjórn hefur gert, heldur að nýjum rekstrarútgjöldum sé mætt með því að afla tekna og/eða hagræða á móti. Þannig aukum við trúverðugleika hagstjórnar og komum í veg fyrir að ríkissjóður sé beinlínis að valda verðbólgu eins og verið hefur.

Tiltekt og tekjuöflun
Loks ætlum við að taka til í ríkisrekstrinum. Það er nauðsynlegt og það er eilífðarverkefni, þó að nú sé staðan að vísu sérlega slæm víða í opinbera kerfinu. Samfylkingin vill velta við hverjum steini og byrja á tiltekt í efsta laginu með fækkun ráðherra og ráðuneyta.

Til þess þarf að fara betur með fé í opinberum framkvæmdum og skerpa á ábyrgðarskiptingu með nýjum heildarlögum um opinberar fjárfestingar. Brýnt er að setja reglur um innri endurskoðun hjá ríkisstofnunum, sem fráfarandi ríkisstjórn hefur trassað. Og draga verður skipulega úr skriffinnsku, meðal annars í heilbrigðiskerfinu, og efla stafræna innviði til að halda aftur af rekstrarkostnaði hins opinbera til lengri tíma litið.

Sumt af þessu kallar á fjárfestingu. Eins og allir sem hafa rekið fyrirtæki vita þá þarf að fjárfesta til að skapa verðmæti. Þess vegna vill Samfylkingin gera skynsamlegar skattkerfisbreytingar – til að afla tekna með sanngjörnum hætti og fjárfesta í undirstöðum Íslands. Almenn auðlindagjöld eru efst á blaði í þeim efnum ásamt því að skrúfa fyrir skattaglufur í kerfinu sem nýtast einungis fólki sem er með verulega háar fjármagnstekjur.

Hætta á hægriglundroða
Svona neglum við niður vextina með Samfylkingu.

Við vitum að Sjálfstæðisflokkur hefur hækkað vexti, hækkað verð og hækkað skatta á vinnandi fólk frá árinu 2013. Þar hefur ekkert breyst þó að nú sé reynt að lofa gulli og grænum skógum. En stjórnmálamenn sem segjast geta lækkað skatta og skorið hratt og mikið niður, á sama tíma og þeir lofa bættri þjónustu, aukinni fjárfestingu og lægri skuldum – og um leið hríðlækkandi verðbólgu og vöxtum – þeir eru ekki að segja satt. Enda væri það of þægilegt til að geta verið satt.

Valkostirnir í komandi Alþingiskosningum eru skýrir: Annars vegar glundroðastjórn til hægri – sem er ekki ávísun á neitt nema áframhaldandi hallarekstur og óstjórn í efnahags- og velferðarmálum.

Hins vegar er val um nýtt upphaf og sterka ríkisstjórn með Samfylkingu sem neglir niður vextina og verðbólguna. Það er öruggasta leiðin til að lækka kostnað heimila og fyrirtækja og hefjast handa við að laga Ísland.

Kristrún Frostadóttir,
formaður Samfylkingarinnar – jafnaðarflokks Íslands

Grein Kristrúnar Frostadóttur í Morgunblaðinu 15. nóvember 2024.

Samfylkingin í Suðurkjördæmi og Ungt jafnaðarfólk bjóða á skemmtikvöld á Miðbar, Selfossi laugardaginn 16. nóvember kl. 20

Nánari dagskrá verður auglýst síðar en þangað til skaltu taka daginn frá, við lofum mikilli skemmtun

Veigar í boði - Kíktu við, taktu vini þína með, og eigum saman skemmtilegt kvöld. Öll sem vilja taka þátt eru velkomin!

Samfylkingin í Suðurkjördæmi ásamt Kristrúnu Frostadóttur, formanni Samfylkingarinnar, bjóða íbúum á Kirkjubæjarklaustri og nágrennis til opins fundar.

Á fundinum verður farið yfir hin þrjú áherslumál Samfylkingarinnar fyrir komandi alþingiskosningar:

- Framkvæmdaplan í húsnæðis- og kjaramálum
- Krafa um árangur í atvinnu- og samgöngumálum
- Örugg skref í heilbrigðis- og öldrunarmálum

Önnur málefni verða einnig opin til umræðu. Í kjölfarið verður íbúum boðið að spyrja frambjóðendurna ásamt Kristrúnu spurninga.

Við hvetjum alla, sama þó að þið séuð ákveðin eða óákveðin, að koma og taka þátt í mikilvægu samtali.

Samfylkingin í Kraganum heldur barsvar á Rauða ljóninu á Seltjarnarnesi kl. 20:00 fimmtudaginn 14. nóvember. 

Spyrlar verða af dýrari týpunni og úr efstu hillu en Seltirningurinn Guðmundur Ari Sigurjónsson og Hafnfirðingurinn Tryggvi Rafnsson ætla að spyrja okkur um allt milli himins og jarðar. 

Kaldur á krana í boði XS í Kraganum í upphafi kvölds!

Bráðskemmtilegt barsvar með okkar frábæru frambjóðendum í Samfylkingunni í Norðvesturkjördæmi.

Kollubar á Hvanneyri, kl. 20:00-22:00.

Þeir sem mæta fyrstir og eru þyrstir geta nælt sér í bjór meðan birgðir endast! Einnig er happy hour af öllu á barnum frá 20-22.

Eftir barsvarið verður hægt að spjalla við frambjóðendur um mál sem liggur ykkur á hjarta.

Láttu þig ekki vanta!

Sjá viðburð á facebook.

Samfylkingin í Suðurkjördæmi ásamt Kristrúnu Frostadóttur, formanni Samfylkingarinnar, bjóða íbúum á Þorlákshafnar og nágrennis til opins fundar.

Samfylkingin í Suðurkjördæmi opnar kosningarskrifstofu sína fyrir gestum og gangandi á laugardaginn, þann 16. nóvember kl. 17:00, á Eyravegi 15 á Selfossi.

Veigar í föstu og fljótandi formi verða í boði

Okkar frábæru frambjóðendur verða á staðnum og eru heldur betur til í gott spjall!

Við bjóðum öll velkomin í heimsókn til okkar og hlökkum til að sjá ykkur!

Ég skil tilfinninguna sem fylgir því að horfast í augu við úrræðaleysið.

Ég skil skömmina sem læðist að manni.

Ég skil reiðina yfir því að fá ekki hjálp og sársaukann þegar sá sem maður elskar breytist smátt og smátt í einhvern sem mann langar helst ekki að kannast við.

Ég átti dásamlegan, brosmildan, eldkláran og athafnasaman bróður sem var fjórum árum yngri en ég. Hann hafði allt sem þurfti til þess að verða hörkuduglegur smiður, bakari já eða garðyrkjumaður, því hann fann með sér hæfileika til þess að rækta á sínum síðustu árum. En það sem hann ræktaði var ekki löglegt heldur kannabis plantan og þegar hann lést kom það í minn hlut að láta hreinsa niður blómlega ræktun sem hann var búinn að koma sér upp. Þá gat ég ekki annað en hugsað, bara ef þessir hæfileikar hefðu fengið eðlilegan farveg, bara ef hann hefði fundið sína styrkleika fyrr á ævinni og fundið sína fjöl í lífinu. Þá hefði hann ef til vill ekki leiðst út í fíkniefnaneyslu, afbrot og fangelsisvist. Þá hefði fjölskyldan ekki þurft að ganga í gegnum þann óbærilega sársauka, sem fylgir því að horfa á eftir þeim sem maður elskar fara þessa leið.

Knútur var 24 ára þegar hann lést, beltislaus og undir áhrifum fíkniefna, í bílslysi. Tölurnar sem birtast okkur um þá sem látast af völdum of stórra skammta eru ekki eina breytan í heildarmyndinni þegar dauðsföll af völdum fíkniefna eru skoðuð. Tilfellin eru mun fleiri, tilfelli eins og bróður míns, þar sem fíknin veldur slysum eða leiðir til þess að fíkillinn sér enga leið út aðra en taka eigið líf. Hvert tapað líf snertir marga, veldur harmi sem aðstandendur bera í hljóði, kostar samfélag okkar mikla fjármuni og við gjöldum þess öll þegar lífsglaður og hæfileikaríkur einstaklingur hverfur úr lífi okkar og samfélagi.

Við verðum að stórefla stuðning við börn og ungmenni. Það þarf að fjölga meðferðarúrræðum bæði fyrir ungmenni og fullorðna. Við þurfum að styrkja Barna- og unglingageðdeild, BUGL og úrræði eins og Stuðla. Það þarf að efla stuðning við foreldra og aðstandendur í aðstæðum sem enginn er búinn undir. Við þurfum að stórauka aðgengi að sálfræðingum og öðrum sérfræðingum sem geta hjálpað börnum og ungmennum að takast á við áföll, erfiðar félagslegar aðstæður, tilfinningavanda og fíknivanda.

Við þurfum að byrja fyrr að hjálpa börnum að finna sína fjöl í lífinu, styðja fjölskyldur, efla tilfinninga- og geðheilbrigði barna og byrja þá vinnu strax við fæðingu.

Það er ráðið til að sporna við þessari þróun. Ungmenni sem fer af stað út í lífið eftir grunnskólagöngu með sterka sjálfsmynd, sem er búið að finna hvar hæfileikarnir og áhuginn liggur, er mun líklegra til þess að halda áfram skólagöngu og vegna vel heldur en þau sem leggja af stað í lífsins ólgusjó með brotna sjálfsmynd og óviss um hvert þau eiga að stefna í lífinu.

Þarna skiptir aðgengi að list- og verkgreinum höfuðmáli, bæði í skólakerfinu og tómstundum. Börn sem eiga erfitt með lestur og einbeitingu geta oft blómstrað í smíðum, myndlist, tónlist, dansi, leiklist, forritun, kvikmyndagerð og svona mætti lengi telja. Það er í raun lífsspursmál að börn og ungmenni fái tækifæri til að máta sig í þessum greinum og ef þau finna sig í þeim, þá verður að tryggja að þeim sé gefið tækifæri til þess að rækta hæfileika sína markvisst.

Menning og skapandi greinar eru alvöru atvinnuvegur

Öll þessi fög eru alvöru atvinnugreinar, sem gefa alvöru tekjur og tryggja ungmennum alvöru framtíð. List- og verkgreinar eiga ekki að vera afgangs stærð í skólakerfinu okkar og það er mikilvægt að hafa það í huga þegar umræðan helgast í kringum samræmt námsmat og Pisa kannanir. Menning og skapandi greinar skila 3,5% til landsframleiðslunnar. Til samanburðar þá skilar sjávarútvegur og fiskeldi 4%. Menning og skapandi greinar eru líka lykilatvinnuvegur þegar kemur að framtíðinni og þeirrar byltingar sem á sér stað í atvinnuháttum.

List-, verk-, og tæknigreinar í skólum, frístundastarf, félagsmiðstöðvar, tónlistarnám, íþróttir og aðrar tómstundir eru lykilatriði í því hvernig við snúum við þeirri þróun sem við horfum á þegar kemur að aukinni vanlíðan ungmenna. Það þarf að stórauka aðgengi og vinna markvisst að því að hjálpa ungmennum að finna sína fjöl í lífinu, líka þegar þau eiga erfitt með að sitja kyrr, lesa eða einbeita sér.

Fyrir skömmu hitti ég fanga á Hólmsheiði sem var að störfum í listasmiðju. Þar sagðist hann í fyrsta sinn finna fyrir hugarró á meðan hann var að mála muni sem hann var að búa til, hann gat í fyrsta sinn einbeitt sér og fundist hann flinkur í einhverju. Þessi orð höfðu djúp áhrif á mig og styrktu mig enn frekar í þeirri trú að það er nauðsynlegt að efla aðgengi að list- og verkgreinum. Ég mun beita mér fyrir því fái ég til þess umboð í komandi kosningum.

Að lokum langar mig að senda baráttukveðjur til allra kennara landsins. Þið, velferð ykkar og sérþekking er svo óendanlega mikilvæg öllu ungu fólki og kennarastarfið ætti að vera metið til launa í samræmi við það.

Greinin birtist á visi.is 11. nóvember 2024. 

Átt þú náinn aðstandanda í fíknivanda? Ég vil segja við þig: Ég skil þig.

Skerðing­ar á elli­líf­eyri voru 36,5 millj­arðar á árs­grund­velli þegar nú­ver­andi rík­is­stjórn tók við árið 2017. Í dag nema skerðing­arn­ar 66 millj­örðum sam­kvæmt upp­lýs­ing­um frá fé­lags- og vinnu­markaðsráðuneyt­inu. Þær hafa nærri tvö­fald­ast. Stóra ástæðan er sú að al­menna frí­tekju­mark­inu hef­ur verið ríg­haldið í 25 þúsund krón­um á hverju ein­asta fjár­laga­ári.


Frá því að ég sett­ist á þing haustið 2021 hef ég beitt mér af þunga fyr­ir rétt­lát­ara al­manna­trygg­inga­kerfi. Ég hef gagn­rýnt rík­is­stjórn­ina fyr­ir að sniðganga laga­fyr­ir­mæli um að greiðslur Trygg­inga­stofn­un­ar fylgi launaþróun og bent á að með raun­rýrn­un frí­tekju­marks hafa skerðing­ar þyngst ár frá ári. En það er til lít­ils að hrópa og kalla í stjórn­ar­and­stöðu. Það sem eft­ir­launa­fólk þarf núna er rík­is­stjórn með sterkt umboð til að efla al­manna­trygg­inga­kerfið okk­ar.


Í fyrra lagði Sam­fylk­ing­in fram áætl­un um þjóðarátak í umönn­un eldra fólks sem snýst um efl­ingu samþættr­ar heimaþjón­ustu og fjölg­un hjúkr­un­ar­rýma og sam­býla. Nú á dög­un­um kynnt­um við svo fram­kvæmdaplanið okk­ar í hús­næðis- og kjara­mál­um þar sem meðal ann­ars eru sett­ar fram aðgerðir til að treysta bet­ur af­komu­ör­yggi eldra fólks.


Þar legg­ur Sam­fylk­ing áherslu á þrennt: Í fyrsta lagi að stöðva kjaragliðnun milli launa og líf­eyr­is með því að binda greiðslur Trygg­inga­stofn­un­ar við launa­vísi­tölu. Í öðru lagi að hækka frí­tekju­mark elli­líf­eyr­is úr 25 í 60 þúsund krón­ur á mánuði svo eldra fólk njóti meiri ávinn­ings af því að hafa greitt í líf­eyr­is­sjóði. Og í þriðja lagi að koma á sér­stöku frí­tekju­marki vaxta­tekna þannig að um­tals­vert færri eldri borg­ar­ar fái harka­leg­an bak­reikn­ing frá Trygg­inga­stofn­un ár hvert.


Þetta eru verk­efni sem verður ekki ráðist í nema Sam­fylk­ing­in fái sterka kosn­ingu 30. nóv­em­ber næst­kom­andi.

Greinin birtist í Morgunblaðinu 12. nóvember 2024. 

Það sem eft­ir­launa­fólk þarf núna er rík­is­stjórn með sterkt umboð til að efla al­manna­trygg­inga­kerfið

 Á undanförnum árum hefur verið hart sótt að réttindum launafólks og oftar en ekki með það að leiðarljósi að veikja stöðu fólksins en okkur talið trú um að það sé gott enda séu verkalýðsfélög of sterk. Því er jafnvel haldið fram að það þurfi að auka völd ríkissáttasemjara til að hemja fólkið, bæta vinnubrögð samtaka fólks og auka vald samtaka fyrirtækja.

Það er hins vegar þannig að samfélagið þarfnast öflugrar verkalýðshreyfingar einmitt til þess að verja hagsmuni fólksins, berjast fyrir réttlátri skiptingu þeirra verðmæta sem okkar samfélag hefur upp á bjóða. Í samfélaginu eru svo sannarlega sterk hagsmunasamtök fyrirtækja og við viljum líka sterk samtök launafólks. Ef okkur tekst að leiða sterkt norrænt velferðarsamfélag þar sem heildarhagsmunir fólksins ráða för þá er ég sannfærður um að meiri sátt mun ríkja um þá skiptingu sem um semst á hverjum tíma.

Nei síður en svo! Það er ljóst að þrátt fyrir sterka stöðu verkalýðsfélaga á Íslandi þá hefur sagan sýnt okkur að ekki er gripið til verkfalla til þess eins að boða til verkfalls. Fjöldi verkfalla hér á landi er almennt ekki mikill enda stífari kröfur hér á landi en í mörgum löndum í kringum okkur. Núverandi samningalíkan hér á landi felur þó í sér, vegna mikillar formfestu, að verkalýðsfélög þurfa að fylgja mjög stífum reglum við boðun aðgerða sem eru til þess fallnar að búa til meiri spennu á markaði en oft er þörf fyrir.

Við viljum tryggja öryggi fyrir barnafólk þar sem fólki stendur til boða að komast út á vinnumarkaðinn eftir fæðingarorlof. Samfélagið á að styðja betur við bakið á barnafjölskyldum sem eru að takast á við aukin útgjöld þegar börn eru að stækka og dafna. Það gerum við til dæmis með barnabótum. Lögum til regluverkið í kringum fæðingarorlof til að tryggja nýjum foreldrum örugga framfærslu.

Félagsleg undirboð á Íslandi er okkur sem samfélagi ekki til framdráttar. Verkalýðsfélög innan Alþýðusambands Íslands hafa síðan 2008 staðið fyrir virku og öflugu vinnustaðaeftirliti. Eftirlitið miðar að því að ná tengslum við fólk sem er í viðkvæmustu stöðunni og veita þeim stuðning, upplýsa um réttindi og skyldur og aðstoða ef þörf er á. Viðurlög eru ekki til staðar sem geta raunverulega haft áhrif á þá aðila sem stunda launaþjófnað vísvitandi. Þessu þarf að breyta enda standa langflest fyrirtæki við sitt og hafa ekkert að fela en standa í samkeppni við aðila sem brjóta kjarasamninga.

Við eigum að standa vörð um hvort annað, vera styðjandi samfélag fyrir fólkið í landinu. Veljum almannahagsmuni umfram sérhagsmuni og reisum norrænt velferðarsamfélag byggt á gildum jafnaðarmennskunnar. Öll stór hagsmunamál hafa komið með baráttu verkalýðsfélaga á Íslandi í gegnum tíðina þar sem hagsmunir almannahagsmunir hafa ráðið för. Kjósum sterka velferðarstjórn jafnaðarfólks og vinnum saman að bættu samfélagi. Kjósum jákvæða og stórhuga stjórnmál á Íslandi!

Greinin birtist á visi.is 12. nóvember 2024. 

Í komandi alþingiskosningum verður kosið um það hvernig við viljum byggja upp íslenskt samfélag.

Vel­ferðar­sam­félag í anda jafnaðar­menns­kunnar

Leit um „��"

2969 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������"

2969 niðurstöður fundust við leit að „���������������������������"