Ýmsu hefur verið haldið fram, því miður ekki alltaf útfrá staðreyndum og því er nauðsynlegt að draga fram nokkrar staðreyndir sem fengnar eru frá alþjóðlegum stofnunum og íslenskum stjórnvöldum. 

Samkvæmt Flóttamannastofnun Sameinuðu þjóðanna eru um 100 milljón manns á flótta í heiminum og hafa aldrei verið fleiri. Rúmlega sjö milljónir hafa nú flúið Úkraínu eftir innrás Rússa í febrúar sl. en til samanburðar er heildarfjöldi flóttafólks frá Sýrlandi frá 2011 nærri sjö milljónir. Móttaka og vernd fólks á flótta er þannig ekki séríslenskt verkefni heldur verkefni allrar heimsbyggðarinnar.  

En það er líka staðreynd að fólk vill helst setjast að sem næst heimahögum. Þannig flýja flestir frá Sýrlandi yfir til Tyrklands og Jórdaníu. Frá Venesúela fara langflestir til Kólumbíu og sama er með Úkraínu hvaðan flest fóru til Póllands og Þýskalands. Einhver gera þó tilraun til að flýja alla leið til Íslands. 

Á þessu ári hafa nærri 3000 manns óskað verndar á Íslandi, þar af um 1800 frá Úkraínu, 600 frá Venesúela og 130 frá Palestínu. Íslendingar taka þátt í að veita úkraínsku flóttafólki vernd og þarf ekki að fara í tímafreka rannsókn á högum hvers og eins heldur dugar þjóðernið til verndar. Kærunefnd útlendingamála kvað upp þann úrskurð fyrr á árinu að aðstæður í Venesúela væru ekki öruggar og veita bæri fólki þaðan vernd. Er sú niðurstaða í samræmi við leiðbeiningar Flóttamannastofnunar Sameinuðu þjóðanna þar sem aðildarríki Flóttamannasamningsins eru hvött til þess að senda venesúelska ríkisborgara ekki aftur til heimalandsins. 

Þónokkuð hefur verið minnst á dönsku leiðina í umræðum síðustu daga sem og „hina séríslensku leið“. Má með réttu tala um hina sérdönsku leið, því á meðan aðrar Evrópuþjóðir hafa nærri 90% veitingarhlutfall verndar til sýrlensks flóttafólks hafa Danir valið að meta hluta Sýrlands sem öruggt svæði og endurnýja nú ekki dvalarleyfi Sýrlendinga sem jafnvel hafa dvalið í Danmörku frá barnsaldri, lokið þar skyldunámi og hafið háskólanám. Karlmenn á herskyldualdri fá sín leyfi þó endurnýjuð á meðan danska leiðin gerir ráð fyrir því að ungar konur og eldra fólk geti snúið til svokallaðra öruggra svæða innan Sýrlands. Einnig hefur verið fullyrt að Ísland, eitt ríkja veiti þeim sem hafa fengið vernd í Grikklandi, vernd hér á landi og að það sé hin séríslenska leið sem sligi kerfið. Svo er ekki, en einungis 3% þeirra sem sótt hafa um vernd hér á landi í ár hafa hlotið vernd í öðru ríki, þar á meðal Grikklandi. Lítill hluti þeirra fær hins vegar efnislega meðferð og vernd hér á landi. Hollensk stjórnvöld hafa hins vegar að undanförnu hætt endursendingum til Grikklands og á sama tíma hafa þýsk stjórnvöld samþykkt 9 af hverjum 10 umsóknum fólks sem þegar er með vernd í Grikklandi. Er þetta vegna slæmra aðstæðna flóttafólks í Grikklandi. 

Einnig hefur verið talað um að tímafrestir í lögum um útlendinga séu séríslenskir og leiði til að umsækjendur reyni að tefja ferlið. Slíkar fullyrðingar eiga heldur ekki við rök að styðjast en málsmeðferðartími hefur styst verulega hér á landi frá því sem áður var. Tilgangur er að veita stjórnvöldum aðhald og koma í veg fyrir að afgreiðsla umsókna tefjist úr hófi fram, umsækjendum til stórkostlegs vansa og með tilheyrandi kostnaði fyrir ríkissjóð. 

Sambærilegar reglur um tímafresti er að finna í Dyflinnarreglugerðinni sem stjórnvöld styðjast mikið við. 

Innviðir eru að ekki að sligast vegna flóttafólks heldur vegna verkefna sem ríkið leggur á sveitarfélög að sinna án þess að nauðsynlegt fjármagn fylgi. Þannig er það ekki eldra eða fötluðu fólki að kenna að gríðarlegur halli sé á rekstri sveitarfélaga vegna þjónustu við fatlað fólk eða reksturs öldrunarheimila né er það fólki á flótta að kenna að stjórnvöld voru ekki tilbúin með nauðsynlega þjónustu fyrir fordæmalausan fjölda fólks á flótta. Það er á ábyrgð íslenska ríkisins að fjármagna þá þjónustu sem samið er um og þar hafa stjórnvöld ekki staðið sig. Í febrúar var ljóst að fordæmalaus fjölgun yrði á flóttafólki hér á landi en stjórnvöld drógu lappirnar í því að undirbúa innviði fyrir komu fólksins. 

Hér hefur verið farið yfir nokkrar staðreyndir máls. Á bakvið þessar tölur er svo venjulegt fólk eins og ég og þú. Fólk sem fæddist á einhverjum stað án þess að hafa óskað eftir því, fólk með allskonar langanir og þrár, menntun og starfsreynslu, fólk sem þráir frið og vernd fyrir sig og börnin sín og loks fólk sem langar mest af öllu að upplifa það einn dag að komast kannski aftur til heimalandsins. Við þurfum að sýna meiri mennsku og meiri mannúð. Þannig sýnum við að á Íslandi sé gott samfélag.  

Greinin birtist á visi.is 12. okt. 2022.

Síðustu vikur hefur mikið verið fjallað um svokallaðan flóttamannavanda í íslensku samfélagi. 

Við minnum á rafrænan fund Verkalýðsmálaráða með stjórn Verkalýðsmálaráðs á morgunfimmtudaginn 6. október kl. 17:15. 
 
Dagskrá fundarins:

1. Fundur settur
2. Af hverju hefur verkafólk yfirgefið Samfylkinguna?
3. Stefna Verkalýðsmálaráðs Samfylkingarinnar, hvað viljum við?
4. Málstofa í tengslum við landsfund, um hvað?
5. Önnur mál.

Hér er Zoom slóð: https://us06web.zoom.us/j/81198921226

Boðað hefur verið til Landsþings 60+ þann 28. október. Landsþingið hefst kl. 10 og gert er ráð fyrir að því verði lokið kl. 12. 

Allir Samfylkingarfélagar sem orðnir eru sextugir, hafa rétt til að sitja landsþingið með fullum réttindum. Fyrir þinginu liggur tillaga til breytingar á 8. laga landssamtakanna 60+ um fjölgun varamanna í stjórn úr tveim í fjóra. 

Auk venjulegra aðalfundastarfa verða góðir gestir á Landsþinginu. Ásta Ragnheiður Jóhannesdóttir ávarpar þingið, en hún átti hugmyndina fyrir tæpum 20 árum að því að stofna þennan vettvang eldra fólks í flokknum. 

Eftir að aðalfundarstörfum er lokið verða munu þau Oddný Harðardóttir og Jóhann Páll Jóhannsson ræða við fundarfólk.


Á fundinum ætlum við að undirbúa okkur fyrir komandi landsfund og ganga frá skráningu landsfundarfulltrúa. 

Kristrún Frostadóttir verður sérstakur gestur fundarins. 

Landsfundur Samfylkingarinnar verður haldinn dagana 28. & 29. október á Grand Hótel Reykjavík. Landsfundarfulltrúar hafa kosningarétt á landsfundi.

Við viljum einnig minna fólk á að skrá sig sem landsfundarfulltrúa, frestur er til 4. október. Skráning hér! 

Hlökkum til að sjá ykkur sem felst! 

Samfylkingin í Hveragerði og Þorlákshöfn boða til sameiginlegs fundar þriðjudaginn 4. okt. kl. 20:00 í húsnæði Skátafélagsins Stróks við Breiðumörk 22, Hveragerði.

Félagafundur í Hvergerði með Kristrúnu Frosta

Við ætlum að hafa spjallkaffi nk. miðvikudag, 5. október, í húsnæði Samfylkingarinnar Sóltúni 26. Gestur okkar að þessu sinni verðurKjartan Valgarðsson, formaður framkvæmdarstjórnar Samfylkingarinnar. Kjartan kemur kl 11.00 og ætlar að segja okkur frá samvinnu verkalýðsfélaga og sósíaldemókrata á Norðurlöndunum. Hvernig því er háttað og af skerptum áherslum í þeirra samstarfi. Kjartan sat nýlega ráðstefnu í Stokkhólmi um þessi málefni.

Spjallkaffið er að venju í Sóltún 26 á skrifstofu Samfylkingarinnar í Reykjavík.

Ég vil einnig minna alla þá sem vilja og ætla sér að mæta á Landsfundinn okkar dagana 28. og 29. október að skrá sig. Við getum ekki skráð okkur eftir að fresturinn er útrunnin. Hafa skal í huga að ALLIR verða að skrá sig sjálfir. Frestur rennur út á morgun 4. október. 

Það er alltaf heitt á könnunni hjá okkur.
Hlökkum til að sjá þig.

 Lög­reglan gaf þær upp­lýsingar sem hægt var að veita á þessu stigi rann­sóknar og á­fram hélt um­ræðan í sam­fé­laginu næstu daga. Dóms­mála­ráð­herra steig fram með gamal­kunnan tón, boðar for­virkar rann­sóknar­heimildir, ein­hverjir nefna að auka þurfi við vopna­burð lög­reglu og enn aðrir að efla þurfi rann­sóknir með störfum lög­reglu.

Um­ræða um störf og vald­heimildir lög­reglu er afar mikil­væg enda verður hvers konar skerðing á frelsi og frið­helgi borgaranna að vera tekin af vand­lega yfir­veguðu máli og af slíku til­efni að öryggi borgaranna verði ekki fengið með neinum öðrum ráðum. Fyrir liggur að lög­reglunni er gert að draga saman starf­semi sína á næsta ári, að­halds­krafa er á mála­flokknum í fjár­laga­frum­varpi ríkis­stjórnar á sama tíma og lög­reglan er undir­mönnuð og glímir við æ flóknari og viða­meiri verk­efni. Um ára­bil hefur verið kallað eftir auknu fjár­magni til lög­gæslu í landinu án þess að því hafi verið svarað. Þá hefur líka verið kallað eftir meiri stefnu­mótun í störfum lög­reglu, hvar setja skuli á­herslur í störfum lög­reglu, hvort hægt sé að flýta máls­með­ferð flókinna mála eins og kyn­ferðis­brota og annarra of­beldis­brota sem og hefur verið rætt að skipu­lögð glæpa­starf­semi sé að aukast hér á landi og við því þurfi að bregðast. Ekkert af þessu gerum við án þess að tryggja nægan mann­afla og fjár­magn inn í mála­flokkinn og það áður en tekin er á­kvörðun um að heimila allar að­gerðir lög­reglu án að­komu dóm­stóla.

Í um­ræðu síðustu daga hef ég einnig reynt að vekja at­hygli á því sem um­ræðan á að snúast um; hvað kom fyrir í lífi ungra manna sem mögu­lega taka á­kvörðun um skipu­lagningu hryðju­verks? Hvað er það í okkar sam­fé­lagi sem elur af sér slíka heift?

Það er að mínu mati mál málanna að við skoðum gaum­gæfi­lega hvernig við búum að börnum okkar og ung­mennum. Hvernig við sköpum þeim tæki­færi til að eiga gott líf um­vafin öryggi heimilis og fjöl­skyldu en ekki síður innan veggja skóla. Far­sældar­málin sem unnin voru meðal annars í þing­manna­nefnd um mál­efni barna á síðasta kjör­tíma­bili eru góðra gjalda verð en það verður að fylgja eftir þeim á­formum sem þar voru svo þau komist til fram­kvæmda í verki en verði ekki orðin tóm. Far­sældar­frum­vörpin inni­héldu tæki til að komast að vandanum en færri tæki til að mæta vandanum sem fundinn er. Á því hafði ég orð við með­ferð málsins í þinginu.

Við þurfum vitundar­vakningu í sam­fé­laginu fyrir því hversu mörg börn og ung­menni eru að sýna merki van­líðunar. Árið 2014 mat 81% barna í efstu bekkjum grunn­skóla and­lega heilsu sína góða eða mjög góða en í dag meta einungis 57% barna and­lega heilsu sína góða eða mjög góða. Hvað er það í sam­fé­laginu okkar sem veldur þessari niður­sveiflu? Það er eitt­hvað mikið að í ríku sam­fé­lagi þegar æ fleiri ungar mann­eskjur velja það að taka líf sitt áður en á full­orðins­árin er komið og það er furðu­lítill á­hugi stjórn­valda á því mikla böli. Það ríkir líka and­vara­leysi yfir því hversu margir ungir menn velja að hætta námi á fram­halds- og há­skóla­stigi og ættu tölurnar um út­skrifaða úr há­skólum landsins, sem sýna 70% kven­stúdenta á móti 30% karls­túdentum, að láta við­vörunar­bjöllurnar hljóma um allt sam­fé­lag. Fé­lags­legt ó­jafn­ræði, sem skapast af ó­jafnri menntun milli kynjanna, er skað­legt sam­fé­lagi til fram­tíðar. Það eykur á ó­jafn­ræði milli kynjanna sem við unnum mikið verk í að lag­færa þegar hallaði á konur á síðustu öld. Þar unnum við sigur en virðumst minna með­vituð um þetta mikil­væga verk í dag.

Aukin skautun í sam­fé­laginu, þar sem hópum er egnt saman, gerir ekkert annað en að ýta minni­hluta­hópum enn frekar út á jaðar sam­fé­lagsins. Við verðum að spyrja okkur hvaðan kemur hatrið, hvaðan kemur ill­skan, hvað kom fyrir unga menn sem mögu­lega lögðu af stað í skipu­lagningu á hryðju­verkum í ís­lensku sam­fé­lagi. Það er mál málanna og þar þurfum við sam­fé­lags­legt átak.

Greinin birtist í Fréttablaðinu 28. sept. 2022. 

Í síðustu viku upp­lifðum við nýjan veru­leika hér á landi þegar upp­lýst var á blaða­manna­fundi ríkis­lög­reglu­stjóra að tveir ungir menn sætu í gæslu­varð­haldi vegna gruns um skipu­lagningu á hryðju­verkum hér á landi.

Aðalfundur kjördæmisráðs Samfylkingarinnar i NV kjördæmi haldinnlaugardaginn 1. október kl.12 í húsnæði Samfylkingarinnar á Akranesi, Stillholti 16-18. Fundurinn er einnig aðgengilegur í fjarfundi, hlekk er að finna neðar í póstinum. 

Dagskrá:

1. Skýrsla stjórnar
2. Ársreikningur fyrir næstliðið ár,
3. Skýrslu þingmanna kjördæmisins,
4. Lagabreytingar, ef einhverjar eru,
5. Yfirlit um starfsemi aðildarfélaga,
6. Kjör stjórnarmanna og varamanna þeirra (annað hvert ár),
7. Kjör fulltrúa í flokksstjórn og varamanna þeirra (annað hvert ár),
8. Kjör skoðunarmanna reikninga (annað hvert ár).
9. Kjör nefnda og ráða eftir því sem þurfa þykir,
10. Samþykkt stjórnmálaályktana,
11. Árgjöld aðildarfélaga til kjördæmisráðs.
12. Ávarp- formaður Samfylkingarinnar Logi Már Einarsson ávarpar félaga
13. önnur mál/umræður

Zoom hlekkur: https://us06web.zoom.us/j/81173567367

Aðalfundur kjördæmisráðs Samfylkingarinnar í NV

Landsfundarfulltrúar hafa kosningarétt á landsfundi en til að fá þann rétt er aðildarfélögum skylt að kjósa fulltrúa úr sínum röðum. Kosningar fulltrúa og varafulltrúa á landsfund fara fram á félagsfundi þriðjudaginn 27. september í sal Samfylkingarinnar í Sóltúni 26, 105 Reykjavík, og hefst fundurinn
kl. 17:30. 

Skrá mig sem landsfundarfulltrúa fyrir Þjóðvaka.

Einnig gefst félagsfólki gefst kostur á að yfirfara drög að stefnu flokksins og gefa henni umsögn, breyta og bæta. Drögin hafa verið send á félaga Þjóðvaka með tölvupósti. 

Bæjarmálafundur miðvikudaginn 5. október - kl. 20 í Hlíðarsmára 9. 

Dagskrá verður auglýst síðar. Minnum einnig á að hægt er að setja mál á dagskrá með að senda póst á betrikopavogur@gmail.com
 

Við minnum á að nú stendur yfir skráning landsfundarfulltrúa, frestur rennur út á morgun 4. okt. því er um að gera að skrá sig ef þú hefur ekki nú þegar gert það. 

Landsfundur Samfylkingarinnar verður haldinn dagana 28. & 29. október á Grand Hótel Reykjavík. 
Hér er að finna síðu landsfundar 2022, þar er m.a. að finna lagabreytingatillögur og fleira tengt landsfundinum. Síðan uppfærist reglulega.

Fjarfundur kjördæmisráðs Samfylkingarinnar í NA kjördæmi haldinn miðvikudaginn 5. október kl. 20:00, hlekk er að finna hér: https://us06web.zoom.us/j/89772274425

Reikningar kjördæmisráðs og uppgjör v/alþingiskosninganna 2021

 Við viljum einnig minna fólk á að skrá sig sem landsfundarfulltrúa, frestur er til 4. október. 

Leit um „��“

2350 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Vertu í bandi:

Leit um „���������������������������“