Bæjarmálafundur Samfylkingarinnar í Kópavogi verður haldinn miðvikudaginn 2. október kl. 20:00 í húsnæði félagsins, Hlíðarsmára 9.

Umræður um það sem er efst á baugi í bæjarstjórn og nefndum.

Á meðal gesta verða Jóhann Páll Jóhannsson þingmaður Samfylkingar, sem er formaður í stýrihópi flokksins um húsnæði og kjaramál, Þórunn Sveinbjarnardóttir þingmaður Suðvesturkjördæmis og Guðmundur Ari Sigurjónsson bæjarfulltrúi og formaður framkvæmdastjórnar Samfylkingarinnar.

Hvaða breytingar vilt þú í húsnæðis- og kjaramálum á Íslandi? Við viljum fá þig með í samtalið 🌹

Samfylkingin stendur fyrir samtali um húsnæði og kjaramál um land allt. Málefnastarf flokksins er nú með nýju sniði – heilbrigðismálin voru í forgrunni í fyrra, svo atvinna og samgöngur síðasta vetur og loks er komið að húsnæði og kjaramálum.

Fundirnir eru hugsaðir til að gefa fólki um land allt kost á að taka þátt í málefnastarfi Samfylkingar og leggja grunn að áherslum og forgangsröðun flokksins í veigamestu málaflokkum. Afraksturinn verður kynntur í væntanlegu útspili um húsnæði og kjaramál nú í haust.

Hér eru hlekkir á nýleg útspil Samfylkingar:

Örugg skref í heilbrigðis- og öldrunarmálum – https://bit.ly/3y7dFPm

Krafa um árangur í atvinnu- og samgöngumálum – https://bit.ly/3UE77zJ

Og hér má finna upplýsingar um næstu fundi: www.facebook.com/samfylkingin/events

Verið öll velkomin í Vivaldisal Gróttu á Seltjarnarnesi miðvikudaginn 9. október kl. 20:00. 

Seltjarnarnes: Kvöldspjall um húsnæði og kjaramál

Nýja útspilið ber yfirskriftina Framkvæmdaplan í húsnæðis- og kjaramálum og þar er sett fram áætlun um að ná niður vöxtum á Íslandi með ábyrgri hagstjórn, aukinni festu í ríkisfjármálum og kerfisbreytingum til að skapa jafnvægi á húsnæðismarkaði.

„Lægri vextir eru fyrsta verkefnið. Stýrivextir hafa um og yfir 9% í heilt ár og verðbólga hefur verið langt yfir markmiði allt kjörtímabilið – en samt stefnir í 9 ár af hallarekstri ríkissjóðs samkvæmt áætlunum fráfarandi ríkisstjórnar. Nú er kominn tími á breytingar og við erum með plan,“ segir Kristrún Frostadóttir.

Vinna við útspilið var sett af stað á flokksstjórnarfundi Samfylkingar á Laugarbakka þann 20. apríl síðastliðinn. Þá fór í hönd 6 mánaða málefnastarf um land allt á 32 opnum fundum og með aðkomu fjölda sérfræðinga. Áður hefur Samfylkingin kynnt útspilin Örugg skref í heilbrigðis- og öldrunarmálum og Kröfu um árangur í atvinnu- og samgöngumálum.

Bráðaaðgerðir og kerfisbreytingar í húsnæðismálum
„Í framkvæmdaplaninu setjum við fram bráðaaðgerðir til að hraða íbúðauppbyggingu og tryggja að fleiri íbúðir nýtist sem heimili fólks frekar en sem fjárfestingarvara,“ segir Kristrún og vísar þar meðal annars til aðgerða sem lúta að því að taka stjórn á Airbnb og skammtímaleigu til ferðamanna.

„En svo boðum við líka kerfisbreytingar til lengri tíma. Þar erum við meðal annars að tala um nýja nálgun í skipulagsmálum, að löggjöfin verði færð til nútímans með einfaldari ferlum og að uppbygging nýrra íbúðahverfa með tilheyrandi innviðakostnaði verði gerð fjárhagslega sjálfbær fyrir sveitarfélög með sams konar hvötum og nágrannaþjóðir okkar beita. Þarna verður ríkisstjórn að leika lykilhlutverk og taka ábyrgð á þróun húsnæðismarkaðarins í heild.“

Samfylkingin leggur líka til breytingar á hlutdeildarlánakerfinu til að auka skilvirkni og fyrirsjáanleika og vill nýta ríkislóðir markvisst til byggingar íbúða, bæði til leigu og eignar.

Lægri vextir og tiltekt í ríkisrekstri
Í framkvæmdaplaninu eru sett fram áform um tiltekt í ríkisrekstri og aukna skilvirkni við ráðstöfun opinbers fjár. Samfylkingin vill lögfesta svokallaða stöðugleikareglu um afkomu ríkisins í samræmi við tillögur fjármálaráðs ESB. „Þannig tryggjum við að lög um opinber fjármál þjóni tilgangi sínum og aukum trúverðugleika hagstjórnar,“ segir í framkvæmdaplaninu þar sem kynntar eru aðgerðir til að bæta afkomu ríkisins án þess að auka skattbyrði vinnandi fólks.

Kristrún segir að með því að sýna festu í ríkisfjármálum og ná niður verðbólgu og vöxtum skapist svigrúm til að ráðast í hóflegar en markvissar aðgerðir, jafnt og þétt yfir kjörtímabilið, til að styðja betur við barnafjölskyldur og styrkja almannatryggingakerfið í þágu eldra fólks og öryrkja.

Örugg afkoma um ævina alla
Um þetta fjallar síðasti kafli framkvæmdaplansins, Örugg afkoma um ævina alla. Þar eru boðaðar breytingar á fæðingarorlofskerfinu í samræmi við frumvarp sem þingflokkur Samfylkingar hefur ítrekað lagt fram á Alþingi og lögð sérstök áhersla á kjör fólks sem ekki getur unnið vegna aldurs eða skertrar starfsgetu. 

Samfylkingin heitir því að stöðva kjaragliðnun launa og lífeyris hjá Tryggingastofnun ríkisins (TR) þannig að greiðslur almannatrygginga til eldra fólks og öryrkja hækki árlega að lágmarki um sem nemur hækkun launavísitölu. Þá ætlar Samfylking að hækka frítekjumark ellilífeyris úr 25 í 60 þús. kr. á mánuði til þess að eldra fólk njóti meiri ávinnings af því að hafa greitt í lífeyrissjóði og tryggja að færri hái harkalegan bakreikning frá TR vegna vaxtatekna.  „Þarna er kominn tími á breytingar og við erum með plan til að tryggja örugga afkomu fólks,,“ segir Kristrún.

Þetta er aðeins brot af þeim aðgerðum sem lagðar eru til í útspilinu. Kynnið ykkur Framkvæmdaplan í húsnæðis- og kjaramálum í heild og komið með okkur í baráttuna!

Kristrún Frostadóttir, formaður Samfylkingar, kynnti í dag nýtt útspil flokksins á fjölmiðlafundi á planinu við Bónus á Egilsstöðum.

Nýtt útspil: Framkvæmdaplan í húsnæðis- og kjaramálum

Víðir Reynisson, yfirlögregluþjónn almannavarnasviðs hjá ríkislögreglustjóra, leiðir listann í Suðurkjördæmi. Ása Berglind Hjálmarsdóttir, bæjarfulltrúi í Ölfusi og verkefnastjóri hjá Hörpu, er í öðru sæti. Í þriðja sæti er Sverrir Bergmann, bæjarfulltrúi í Reykjanesbæ og söngvari. Fjórða sæti skipar svo Arna Ír Gunnarsdóttir, bæjarfulltrúi í Árborg og félagsráðgjafi.

Heiðurssætin skipa Oddný G. Harðardóttir, fyrrverandi formaður Samfylkingar og þingmaður, og Margrét Frímannsdóttir, fyrrverandi talsmaður Samfylkingarinnar og þingmaður til fjölda ára.

Víðir segir þurfa festu í landstjórnina
„Þetta var frábær fundur á Eyrarbakka. Það er mikill hugur í Samfylkingarfólki á Suðurlandi. Við ætlum að keyra á samstöðu. Jákvæð og stórhuga stjórnmál eru sterkasta svarið við sundrungu og upphlaupum annarra flokka,“ segir Víðir Reynisson, oddviti Samfylkingar í Suðurkjördæmi, að loknum fundi.

„Þjóðin þarf festu í landstjórnina núna. Og við höfum séð þessa festu í nýrri forystu Samfylkingar, sem hefur fyllt fjölda fólks um land allt von og trú á að við getum náð samstöðu og náð þjóðinni saman um málin sem mestu skipta í daglegu lífi. Ég hef bara hrifist með og hef fulla trú á þessu verkefni sem við höfum fylgst með í Samfylkingunni á undanförnum misserum,“ segir Víðir og bætir við:

„Nú leggjum við allt undir í kosningabaráttunni. Samfylkingin er til þjónustu reiðubúin, og ég ætla svo sannarlega að gefa allt mitt í verkefnið. Vonandi verður okkur treyst til verka – en við þurfum fyrst að bretta upp ermar og sækja sigurinn.“

Framboðslisti Samfylkingarinnar í Suðurkjördæmi:
1. Víðir Reynisson – yfirlögregluþjónn almannavarnasviðs hjá ríkislögreglustjóra,
2. Ása Berglind Hjálmarsdóttir – bæjarfulltrúi í Ölfusi og verkefnastjóri hjá Hörpu,
3. Sverrir Bergmann Magnússon – söngvari og bæjarfulltrúi í Reykjanesbæ,
4. Arna Ír Gunnarsdóttir – bæjarfulltrúi í Árborg og félagsráðgjafi,
5. Ólafur Þór Ólafsson – stjórnsýslufræðingur og fyrrum sveitarstjóri á Tálknafirði,
6. Arndís María Kjartansdóttir – kennari og fasteignasali í Vestmannaeyjum,
7. Hlynur Snær Vilhjálmsson – iðnaðarmaður og nemi,
8. Vala Ósk Ólafsdóttir – félagsráðgjafi í barnaverndarþjónustu,
9. Gunnar Karl Ólafsson – starfsmaður Bárunnar stéttarfélags,
10. Eyrún Fríða Árnadóttir – formaður bæjarráðs Hornafjarðar,
11. Renuka Charee Perera – vörukynningar hjá MS,
12. Óðinn Hilmarsson – húsasmíðameistari,
13. Borghildur Kristinsdóttir – bóndi,
14. Marta Sigurðardóttir – sérfræðingur hjá Isavia,
15. Gísli Matthías Auðunsson – veitingamaður,
16. Eggert Valur Guðmundsson – oddviti Rangárþings ytra,
17. Lína Björg Tryggvadóttir – byggðaþróunarfulltrúi Uppsveita Árnessýslu,
18. Friðjón Einarsson – fyrrverandi bæjarfulltrúi í Reykjanesbæ,
19. Margrét Frímannsdóttir – fyrrverandi alþingismaður,
20. Oddný G. Harðardóttir – alþingismaður

Framboðslisti Samfylkingarinnar í Suðurkjördæmi fyrir alþingiskosningarnar 30. nóvember 2024 var samþykktur á fundi kjördæmisráðs í kvöld. Fundurinn var haldinn í félagsheimilinu Stað á Eyrarbakka.

Framboðslisti Samfylkingarinnar í Suðurkjördæmi

Arna Lára Jónsdóttir, bæjarstjóri Ísafjarðarbæjar og ritari Samfylkingarinnar, leiðir listann í Norðvesturkjördæmi. Hannes S. Jónsson, framkvæmdastjóri Körfuknattleikssambands Íslands (KKÍ), er í öðru sæti. Í þriðja sæti er Jóhanna Ösp Einarsdóttir, bóndi og oddviti í Reykhólahreppi, og fjórða sætið skipar Magnús Vignir Eðvaldsson, íþróttakennari og sveitarstjórnarfulltrúi í Húnaþingi vestra.

Heiðurssætið skipar Guðjón S. Brjánsson, fyrrverandi alþingismaður.

Arna Lára: Auðvelt að tala máli Samfylkingar í kjördæminu
„Nú keyrum við baráttuna í gang. Ég er þakklát fyrir traustið og vil líka þakka öðrum frambjóðendum og sjálfboðaliðum sem ætla að vinna að sigri Samfylkingar með okkur í Norðvesturkjördæmi.

Þetta verður ekki minn fyrsti hringur um kjördæmið. Ég tók slaginn fyrst með Guðbjarti heitnum og Ólínu og fleiri góðum fyrir 15 árum. Þá kom ég inn sem varaþingmaður en síðan hef ég viðað að mér reynslu úr atvinnulífi og sveitarstjórnarmálum, nú síðast sem bæjarstjóri Ísafjarðarbæjar og ritari Samfylkingar frá því haustið 2022,“ segir Arna Lára Jónsdóttir, nýr oddviti Samfylkingarinnar í Norðvesturkjördæmi.

„Það er mikil stemmning og jákvæðni gagnvart Samfylkingunni og fullt af fólki sem er tilbúið að taka þátt í þessu verkefni með okkur. Ég þori að fullyrða að það hefur aldrei verið jafn auðvelt að tala máli Samfylkingar í Norðvesturkjördæmi. Og það er vegna þeirrar miklu vinnu sem lagt hefur verið í og sem hefur verið leidd af okkar öfluga formanni, Kristrúnu Frostadóttur. Við erum með skýra sýn fyrir íslenska þjóð og vel útfært plan sem birtist í útspilum okkar: Öruggum skrefum í heilbrigðis- og öldrunarmálum, Kröfu um árangur í atvinnu- og samgöngumálum og því nýjasta, um húsnæðis- og kjaramál, sem verður kynnt á þriðjudaginn næstkomandi eftir 6 mánaða málefnavinnu um land allt.

Ég hlakka til kosningabaráttu sem ég held að verði snörp og kraftmikil. Nú förum við öll í bátana og sækjum sigurinn saman. En svo þetta gangi upp verðum við að sýna samstöðu, vera jákvæð, setja kassann út og tala hátt og snjallt fyrir áherslumálum okkar jafnaðarfólks. Þá er ég viss um að Ísland og íslenskt samfélag mun uppskera ríkulega.“

Framboðslisti Samfylkingarinnar í Norðvesturkjördæmi:
1. Arna Lára Jónsdóttir – bæjarstjóri Ísafjarðarbæjar og ritari Samfylkingarinnar,
2. Hannes S. Jónsson – framkvæmdastjóri KKÍ,
3. Jóhanna Ösp Einarsdóttir – bóndi og oddviti í Reykhólahreppi,
4. Magnús Vignir Eðvaldsson – íþróttakennari og sveitarstjórnarfulltrúi í Húnaþingi vestra,
5. Sigríður Margrét Guðmundsdóttir – forstöðumaður í Borgarnesi,
6. Garðar Svansson – fangavörður og bæjarfulltrúi í Grundarfirði,
7. Bryndís Kristín Þráinsdóttir Williams – verkefnastjóri á Sauðárkróki,
8. Gylfi Þór Gíslason – lögregluvarðstjóri á Vestfjörðum,
9. Líney Árnadóttir – starfsráðgjafi í Húnabyggð,
10. Guðrún Anna Finnbogadóttir – teymisstjóri atvinnu- og byggðaþróunar hjá Vestfjarðastofu,
11. Stefán Sveinsson – sjómaður og smiður á Skagaströnd,
12. Bakir Anwar Nassar – starfsmaður Húsasmiðjunnar,
13. Elísabet Ásdís Kristjánsdóttir – frístundaráðgjafi í Dalabyggð,
14. Guðjón Brjánsson – fyrrverandi alþingismaður

Framboðslisti Samfylkingarinnar í Norðvesturkjördæmi fyrir alþingiskosningarnar 30. nóvember 2024 var samþykktur á fundi kjördæmisráðs í kvöld.

Framboðslisti Samfylkingar í Norðvesturkjördæmi

Logi Einarsson, alþingismaður og formaður þingflokks Samfylkingarinnar, leiðir listann í Norðausturkjördæmi. Eydís Ásbjörnsdóttir, skólameistari Verkmenntaskóla Austurlands, er í öðru sæti. Í þriðja sæti er Sæunn Gísladóttir, sérfræðingur hjá Rannsóknamiðstöð Háskólans á Akureyri, og fjórða sætið skipar Sindri Kristjánsson lögfræðingur.

Í heiðurssætinu er Ólafur Ármannsson, framkvæmdastjóri bílaverkstæðisins Bílar og vélar á Vopnafirði.

Logi: Við erum tilbúin til þjónustu
„Við í Samfylkingu höldum full sjálfstrausts í kosningabaráttuna. Við erum tilbúin til þjónustu, fáum við til þess traust í kosningunum, eftir markvissa vinnu síðustu tvö árin undir styrkri forystu Kristrúnar Frostadóttur formanns.

Liður í því eru vel á annað hundrað opnir fundir um land allt þar sem við höfum rætt við fólkið í landinu um þau mál sem mestu skipta í daglegu lífi. Hvernig við getum passað upp á efnahagsmálin, heilbrigðis og skólamálin, atvinnu og samgöngur, húsnæði og lífskjör fólks frá degi til dags. Þarna hefur fráfarandi ríkisstjórn algjörlega brugðist, því miður, en við í Samfylkingu bjóðum trausta forystu um breytingar,” segir Logi Einarsson að loknum fundi kjördæmisráðsins á Akureyri.

„Þetta er fjölbreyttur hópur frambjóðenda og við hlökkum til að leggja í hann og að hitta fólk sem víðast í þessu stóra og fallega kjördæmi. Það er sannfæring mín að mjög margt fólk vilji sjá breytingar í þágu almennings eftir kosningar og sé tilbúið í nýtt upphaf undir forystu Kristrúnar Frostadóttur.”

Framboðslisti Samfylkingarinnar í Norðausturkjördæmi:
1. Logi Einarsson, alþingismaður
2. Eydís Ásbjörnsdóttir, skólameistari VA
3. Sæunn Gísladóttir, sérfræðingur við Rannsóknarmiðstöð HA
4. Sindri Kristjánsson, lögfræðingur
5. Stefán Þór Eysteinsson, fagstjóri hjá Matís í Neskaupstað
6. Kristín Helga Schiöth, framkvæmdastjóri
7. Ásdís Helga Jóhannsdóttir, sérfræðingur hjá Afli
8. Jóhannes Óli Sveinsson, stuðningsfulltrúi
9. Eva María Ingvadóttir, aðjúnkt við HA
10. Benóný Valur Jakobsson, verslunarmaður
11. Valborg Ösp Á. Warén, verkefnastjóri
12. Nói Björnsson, formaður íþróttafélagsins Þórs á Akureyri
13. Elsa María Guðmundsdóttir, grunnskólakennari
14. Birkir Snær Guðjónsson, hafnarvörður
15. Kristín Sóley Björnsdóttir, viðburðastjóri
16. Reynir Ingi Reinhardsson, lögfræðingur
17. Áslaug Inga Barðadóttir, framkvæmdastjóri
18. Árni Gunnarsson, bóndi í Sveinungsvík
19. Svanfríður Jónasdóttir, fv. bæjarstjóri og alþingismaður
20. Ólafur Ármannsson, framkvæmdastjóri

Framboðslisti Samfylkingarinnar í Norðausturkjördæmi fyrir alþingiskosningarnar 30. nóvember 2024 var samþykktur á fundi kjördæmisráðs í morgun. Fundurinn var haldinn í Samfylkingarsalnum á Akureyri.

Framboðslisti Samfylkingar í Norðausturkjördæmi

Samkvæmt lögum Fulltrúaráðsins í Reykjavík er það á valdi allsherjarfundar að staðfesta framboðslista Samfylkingarinnar í Reykjavíkurkjördæmum norður og suður sem uppstillingarnefnd hefur unnið að.


Kynnt og borin undir fundinn tillaga uppstillingarnefndar að framboðslistum Samfylkingarinnar í Reykjavíkurkjördæmum norður og suður

Allsherjarfundur Samfylkingarfélaganna í Reykjavík verður haldinn  nk. laugardag 26. október kl. 11 í Þróttaraheimilinu í Laugardal. 

Allsherjarfundur Samfylkingarfélaganna í Reykjavík

Hér getur þú skráð þig sem sjálfboðaliði fyrir Samfylkinguna í komandi alþingiskosningum sem fara fram þann 30. nóvember 2024.

Til þess að Samfylkingin fái sterka kosningu þurfum við allar hendur upp á dekk. Eina skilyrðið er að vilja vinna að kosningasigri Samfylkingarinnar — þú þarft ekki að vera skráð/ur í flokkinn eða hafa verið virk/ur í starfi flokksins áður. Við höfum verkefni fyrir öll sem vilja hjálpa.

Frekari spurningum má beina til sjálfboðaliðastjóra á jonas@samfylking.is.

Til þess að Samfylkingin fái sterka kosningu þurfum við allar hendur upp á dekk. Eina skilyrðið er að vilja vinna að kosningasigri Samfylkingarinnar

Í Reykjavíkurkjördæmi suður er Jóhann Páll Jóhannsson í forystusæti listans. Ragna Sigurðardóttir læknir er í öðru sæti. Í þriðja sæti er Kristján Þórður Snæbjörnson formaður Rafiðnaðarsambandsins og fjórða sætið skipar Sigurþóra Steinunn Bergsdóttir, framkvæmdastjóri Bergsins.

Heiðurssætið skipar Jóhanna Sigurðardóttir, fyrrverandi forsætisráðherra.

Jóhann Páll: Við erum með plan og nýjan verkstjóra
„Það sem við höfum fram yfir marga flokka er að við erum með plan. Við erum með plan í heilbrigðismálum, við erum með plan um það hvernig við ætlum að byggja upp innviði og auka verðmætasköpun á Íslandi, og við erum með plan um það hvernig við ætlum að berja niður verðbólguna og vextina og koma stjórn á húsnæðismarkaðinn, með bráðaaðgerðum og kerfisbreytingum til langs tíma og þessar aðgerðir eru fjármagnaðar upp á punkt og prik.

Allt þetta höfum við kynnt í útspilum Samfylkingar síðustu tvö árin. Og næsta þriðjudag kynnum við útspil okkar í húsnæðis- og kjaramálum sem við höfum unnið að með fólkinu í landinu frá því síðasta vor,“ sagði Jóhann Páll, oddviti listans, í ræðu sinni á fundinum í Þróttaraheimilinu.

„Við erum ekki að bjóða okkur fram til að garga og góla á Alþingi, við erum að bjóða okkur fram til að stjórna og sitja í ríkisstjórn. Og við ætlum ekki að fara þarna inn til að láta einhverja starfshópa malla árum saman eða til að láta embættismenn segja okkur fyrir verkum. Við förum inn til að stjórna, og við bjóðum fram nýjan verkstjóra sem er Kristrún Frostadóttir.

Framboðslisti Samfylkingarinnar í Reykjavíkurkjördæmi suður:
1. Jóhann Páll Jóhannsson, þingmaður
2. Ragna Sigurðardóttir, læknir
3. Kristján Þórður Snæbjarnarson, formaður Rafiðnaðarsambandsins
4. Sigurþóra Steinunn Bergsdóttir, framkvæmdastjóri Bergsins
5. Vilborg Kristín Oddsdóttir, félagsráðgjafi
6. Birgir Þórarinsson, tónlistamaður
7. Auður Alfa Ólafsdóttir, Sérfræðingur hjá ASÍ
8. Tomasz Paweł Chrapek, tölvunarverkfræðingur
9. Guðmundur Ingi Þóroddsson, formaður Afstöðu
10. Áslaug Ýr Hjartardóttir, ritlistarnemi
11. Halldór Jóhann Sigfússon, handknattleiksþjálfari
12. Anna Sigrún Baldursdóttir, hjúkrunarfræðingur
13. Arnór Benónýsson, leiðbeinandi
14. Birgitta Ásbjörnsdóttir, háskólanemi
15. Konráð Gylfason, framkvæmdastjóri rekstrar Sjúkrahússins á Akureyri
16. Anna Margrét Guðjónsdóttir, framkvæmdastjóri Evris
17. Þorkell Heiðarsson, líffræðingur og tónlistarmaður
18. Agla Arnars Katrínardóttir, stærðfræðinemi
19. Ásgeir Beinteinsson, fyrr. skólastjóri
20. Aðalheiður Frantzdóttir, ellilífeyrisþegi
21. Mörður Árnason, fyrrv. alþingismaður
22. Jóhanna Sigurðardóttir, fyrrv. forsætisráðherra

Framboðslistar Samfylkingarinnar í Reykjavíkurkjördæmunum fyrir alþingiskosningarnar 30. nóvember 2024 voru samþykktir á allsherjarfundi Samfylkingarfélaganna í Reykjavík. Fundurinn var haldinn í félagsheimili Þróttar í Laugardal.

Framboðslisti Samfylkingar í Reykjavík suður

Spjallkaffi Samfylkingarinnar í Reykjavík 60+ verður á sínum stað miðvikudaginn 30. október kl. 10:00 - 12:00 í sal Samfylkingarinnar Hallveigarstíg 1, 101 Reykjavík.

Gestur verður Guðmundur Ari Sigurjónsson, formaður framkvæmdastjórnar Samfylkingarinnar.

Það verður heitt á könnunni og eitthvað með því. 

Verið öll velkomin! 

Leit um „��"

2945 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

2945 niðurstöður fundust við leit að „���������������������������������������������������"