Fleiri stöðugildi eru auðvitað ekki sjálfkrafa lausn við öllum okkar vandamálum, en við teljum að fólkið sjálft sé grunnurinn að góðu samfélagi. Þar nýtist fjármagnið best og þar á það heima.

Þegar við styrkjum skóla, félagsþjónustu, frístundir eða stuðning við fjölskyldur erum við ekki að blása út báknið, heldur erum við að fjárfesta í fólkinu sem heldur samfélaginu gangandi á hverjum degi. Fólkinu sem sér um börnin okkar, tekur á móti þeim sem þurfa aðstoð og grípa þau sem annars gætu misst fótfestuna.

Kannski horfi ég öðruvísi á þetta vegna þess bakgrunns sem ég hef úr verkalýðshreyfingunni, en þar hef ég séð hvað gerist þegar fólk nær ekki endum saman þó það vinni fullt starf. Ég hef séð ungt fólk gera allt „rétt“ og samt upplifa að það dugi ekki til. Fólk sem vill flytja heim, stofna fjölskyldu, kaupa sér íbúð eða einfaldlega fá tækifæri til að byggja sér líf en kemur ítrekað að lokuðum dyrum.

Það hefur mótað mína pólitík meira en nokkuð annað.

Ég trúi því ekki að hlutverk sveitarfélags sé bara að halda bókhaldinu í lagi og vona það besta. Sveitarfélag á að skapa aðstæður þar sem fólk á sér framtíð; þar sem ungt fólk getur sest að, foreldrar finna öryggi og eldra fólk fær þjónustu með reisn. Þar sem það á ekki að skipta máli hvort þú eigir mikið eða lítið á bankabókinni, þú eigir alltaf rétt á góðu lífi. Það þýðir ekki að það skipti ekki máli að halda vel utan um rekstur sveitarfélagsins, það er mikilvægt. Þetta snýst um forgangsröðun. Við í Samfylkingunni viljum forgangsraða í þágu fjölskyldunnar, í öllum sínum formum.

Þess vegna höfum við talað svona mikið um húsnæði, leik- og grunnskóla, samgöngur, menningu og aðgengi að þjónustu. Af því að þetta eru þau mikilvægu atriði sem stjórna því hvort fólk geti raunverulega byggt sér gott líf hér. Og hér eru tækifærin svo sannarlega til staðar.

Við sem erum í forystu Samfylkingarinnar í Ísafjarðarbæ erum ný rödd á vettvangi stjórnmálanna í sveitarfélaginu. Með fjölbreytta reynslu og ferska sýn á það hvernig sveitarfélag á að vinna með fólkinu sínu. Ég er sannfærð um að það skipti máli núna.

Ég fór í framboð af því að ég trúi því að Ísafjarðarbær geti verið samfélag þar sem fleiri sjá bjarta framtíð fyrir sér, þar sem fólk og fyrirtæki fá að blómstra.

Og ég vona að við fáum tækifæri til að gera það saman.

Höfundur, Svanfríður Guðrún Bergvinsdóttir, er oddviti Samfylkingarinnar í Ísafjarðarbæ.

Á opnum fundi nýlega ræddi ég að við ættum að horfa jákvæðari augum á að bæta við mannauði í þjónustu sveitarfélagsins. 

Næsti fundur 60+ er síðasti fundur vetrarins. Af því tilefni þá gerum við okkur dagamun. Við ætlum að hittast á Kjarvalsstöðum, fá leiðsögn um sýningarnar sem eru þar og eftir það að setjast niður og fá okkur kaffi og köku með því.

Við hittumst kl. 10 að vanda, fáum leiðsögn um sýningarnar og setjumst svo í kaffiteríuna um kl. 11. Leiðsögnin, kaffi og meðlæti er í boði 60+, hins vegar þurfa gestir sem ekki eiga menningarkort borgarinnar að greiða aðgöngugjald kr. 2.550, eða ef 67+ er að kaupa menningarkort borgarinnar á kr. 2.550.

Miðvikudaginn 27. maí
Kl. 10:00–12:00
Kjarvalsstaðir

Þau halda mörgum af grunnstoðum samfélagsins gangandi á hverjum degi; í umönnun, þjónustu, ferðaþjónustu, iðnaði og fjölmörgum öðrum störfum sem skipta samfélagið gríðarlegu máli. Samt á þessi hópur oft ekki sterka rödd í samfélagsumræðunni, og okkur ber skylda til að tryggja að þau búi við mannsæmandi kjör, öryggi og raunveruleg tækifæri til þátttöku.

Nýleg kjarakönnun Verkalýðsfélagsins Hlífar, sem Gallup vann fyrir félagið haustið 2025, sýnir svart á hvítu hversu skökk staðan er. Félagsfólk af erlendum uppruna vinnur að meðaltali 44,3 stundir á viku en íslenskt félagsfólk 41,5 stundir. Samt eru meðallaun erlends félagsfólks 676 þúsund krónur á mánuði - heilum 105 þúsundum lægri en hjá íslensku félagsfólki. Helmingur erlends félagsfólks hefur áhyggjur af fjárhag sínum, 28 prósent þekkja dæmi um kjarasamningsbrot á sínum vinnustað, og aðeins 57 prósent telja sig búa við mikið starfsöryggi.

Húsnæðisóöryggi er stór áskorun fyrir margar þessara fjölskyldna. Hjá Hlíf er hlutfall félagsfólks á leigumarkaði orðið 52,3 prósent - meira en tvöfalt hærra en árið 2019, þegar það var 24,7 prósent. Munurinn eftir uppruna er sláandi: tæp 80 prósent erlends félagsfólks Hlífar eru á leigumarkaði, en aðeins fjórðungur íslensks félagsfólks. Aðeins 16,5 prósent erlends félagsfólks býr í eigin húsnæði á móti 45 prósentum íslensks félagsfólks. Hjá þeim sem starfa við ræstingar eru 87 prósent á leigumarkaði. Og leigjendur eru í mun verri fjárhagsstöðu - 56 prósent þeirra hafa miklar áhyggjur af fjárhag sínum og 22 prósent hafa átt í erfiðleikum með að standa skil á húsnæðiskostnaði síðustu 12 mánuði.

Hátt leiguverð og mikil óvissa á almennum leigumarkaði leiðir oft til endurtekinna flutninga milli hverfa og skóla. Það hefur ekki aðeins áhrif á fjárhag heldur líka á líðan og félagslegt öryggi barna - barna sem þurfa nú þegar aukinn stuðning, enda er íslenska ekki móðurmál þeirra. Öll börn eiga rétt á öryggi, stöðugleika og jöfnum tækifærum, óháð því hvaðan þau koma. Þau eiga ekki að bera afleiðingar húsnæðisóöryggis foreldra sinna.

Þess vegna ætlar Samfylkingin í Hafnarfirði að ráðast í kraftmikla og fjölbreytta húsnæðisuppbyggingu á næsta kjörtímabili. Lykilatriði þeirrar stefnu er stóraukið og markvisst samstarf við óhagnaðardrifin leigufélög á vegum verkalýðshreyfingarinnar - til dæmis Bjarg. Reynslan sýnir að þetta er sú leið sem virkar best til að halda leigu niðri fyrir þá hópa sem mest þurfa á því að halda; ungt fólk og fyrstu kaupendur, námsmenn, eldri íbúa, fólk með fötlun og tekjulægri fjölskyldur. Samhliða ætlar Samfylkingin að fjölga félagslegum íbúðum bæjarins, stytta biðlista og tryggja raunhæf úrræði fyrir þá sem standa frammi fyrir heimilisleysi.

Það er ekki nóg að þakka fólkinu sem heldur samfélaginu gangandi. Við verðum að tryggja að það geti raunverulega búið hér með reisn og stöðugleika - og það byrjar með öruggu þaki yfir höfuðið. Þannig verðum við sterkari saman!

Höfundur skipar 16. sæti á lista Samfylkingarinnar í Hafnarfirði og er varaformaður verkalýðsfélagsins Hlífar.

Stór hluti þeirra sem halda uppi grunnstoðum samfélagsins á Íslandi er af erlendum uppruna - fólk sem nemur um fimmtungi vinnumarkaðarins.

Hús­næðis­öryggi er stærsta velferðarmálið

Með hjartað á réttum stað fyrir Skagaströnd

Kosningastefna Samfylkingar og óháðra á Skagaströnd

Það er mikilvægt að sveitarstjórn eigi í góðu sambandi við íbúa allt kjörtímabilið. 

Við viljum leggja áherslu á að leiða starf sveitarfélagsins með góðum og faglegum samskiptum.

Gott samtal er grunnurinn að öflugu samfélagi

Við viljium að íbúar séu upplýstir um málefni sveitarfélagsins

Við viljum líka heyra beint frá íbúum: Hverjar eru helstu áskoranir? - Nýjar hugmyndir - Hvað má betur fara - Hvað er vel gert?

Við viljum auglýsa Skagaströnd á samfélagsmiðlum með lifandi hætti

Við viljum að allir viti hvað við eigum fallegan bæ

Við viljum sýna náttúruna hér í kring og upplifunina sem hún býður upp á

Við viljum laða að gesti og nýja íbúa

Við viljum kynna frábært skólastarf og gott samstarf á milli skólanna. 

Fríar lóðir til bygginga íbúðahúsnæðis

Atvinnutækifæri sem felast í aðstöðu sem nú þegar er til staðar t.d. í Atwork og vörusmiðju Biopol

Að hér situr enginn fastur í umferð nema bara til þess að spjalla

Félagsheimilið Fellsborg sem frábæran kost fyrir viðburði, t.d. ættarmót, fundi og ráðstefnur

3. Bærinn minn - Samstarfsverkefni íbúa og sveitarstjórnar

Þegar rými gefst til skemmtilegra uppbyggingaverkefna geta íbúar sent inn tillögur sem íbúar kjósa um.

Um er að ræða beina aðkomu íbúa að ákvörðunum sem rúmast innan verkefnisins.

Það er mikilvægt að fá að hafa áhrif á umhverfi sitt

Það stuðlar að samheldni íbúa og styrkir þannig samfélagið

Okkar markmið er að stuðla að aukinni vellíðan íbúa og efla þannig jákvætt, sterkt og samheldið samfélag.

Að efla útivistarsvæði fyrir börn og fjölskyldur

Að viðhalda mikilvægum stuðningi við íþrótta- og tómstundastarf

Kanna möguleika á aðgangsstýringu í íþróttahúsi með það að markmiði að auka aðgengi að tækjasal

Draga úr félagslegri einangrun eldri borgara með fjölbreyttara framboði af félags- og tómstundastarfi

Við viljum leggja kapp á fjölgun íbúa - þess vegna leggjum við áherslu á:

Engin fjölskylda greiði meira en 50.000 kr. á mánuði fyrir 40 tíma leikskólaviku (tíma- og fæðisgjald)

Áframhaldandi uppbyggingu íbúðarhúsnæðis

Við viljum leggja allt kapp á að leita að nýjum atvinnutækifærum.

Við viljum auðvelda uppbyggingu fyrirtækja með leiðsögn og aðgengi að stuðningsúrræðum.

Við leggjum líka áherslu á að sveitarfélagið kaupi þjónustu í heimabyggð.

Öflugt skólastarf er ein af mikilvægustu grunnstoðum hvers samfélags. Við viljum styðja við gott skólastarf m.a. með því að :

Halda áfram að efla gott skólastarf í samvinnu við starfsfólk og foreldra

Kanna áhuga á því að Hjallastefna haldi áfram upp á yngsta stig í grunnskóla

Vinna að því að færa starfsemi tónlistarskóla í grunnskóla

Samfylkingin birtir auglýsingar á samfélagsmiðlum og í gegnum auglýsingamiðlara til þess að koma skilaboðum sínum á framfæri til þeirra sem flokkurinn telur gagn hafa að. Er það gert með því að óska eftir því að þessir aðilar birti auglýsingarnar þeim notendum sínum sem uppfylla ákveðin skilyrði. Samfylkingin fær aldrei neinar persónuupplýsingar til sín um notendur. Breyturnar sem unnið er með eru aldur, kyn og búseta. Nánari upplýsingar um persónuverndarstefnu Samfylkingarinnar. 

Kosningastefna Samfylkingarinnar á Akureyri 2026 - 2030

Sama í hvaða stöðu og á hvaða æviskeiði þú ert ætlum við okkur að létta þér daglega lífið. Við munum sinna öflugri þjónustu við alla íbúa, því við erum sterkari saman.

Setjum þak á kostnað fjölskyldna vegna leikskólagjalda. Innleiðum 100% systkinaafslátt og höfum skráningardaga endurgjaldslausa.

Bjóðum upp á sumarfrístund fyrir öll börn frá fyrsta til fjórða bekkjar grunnskólanna, þar sem börnin geta unað sér í umhverfi sem þau þekkja.

Tengjum saman síðasta leikskólasumarið við upphaf skólagöngu hjá 6 ára börnum.

Minnkum skutlið. Endurhönnum leiðarkerfið og fjölgum ferðum þannig að strætó sé alvöru valkostur í samgöngum. 

Gerum gjaldtöku bæjarins skýra og fyrirsjáanlega. Hver og einn á að geta nálgast yfirlit yfir öll gjöld sem bærinn innheimtir á einum stað.

Hækkum frístundastyrki barna í 75.000 krónur og vinnum með íþróttafélögum við að halda kostnaði við búnað og keppnisferðir niðri.

Stóraukum framboð af félagslegu húsnæði og styttum biðlista.

Gætum að samkeppnishæfni við höfuðborgarsvæðið í álagningu fasteignagjalda  og lækkum fasteignagjöld.

Auðveldum rekstur og uppbyggingu á Akureyri með einum tengipunkti sveitarfélagsins við atvinnulífið á Akureyri. Setjum á fót Atvinnulífsstofu sem verður sá tengipunktur og innleiðir aðgerðir atvinnu- og vaxtarstefnunnar. 

Gætum þess að velferð og líðan barna og ungmenna sé ávallt í forgrunni.  

Aukum við sérúrræði á borð við Hlíðaskóla, biðlistar eru langir og þörfin er til staðar.

Aukum sveigjanleika í inntöku barna á leikskóla og í sumarleyfum leikskóla. 

Hefjum átak í list- og verkgreinakennslu inni í grunnskólum.

Stóraukum kennslu í íslensku sem annað mál í grunnskólum.

Gerum börnum og ungmennum kleift að stunda myndlistarnám á Akureyri.

Eflum starf félagsmiðstöðva og hugum sérstaklega á aldursbilinu 16-18 ára; eftir að grunnskóla lýkur og þar til lögaldur næst. 

Vinnum markvisst að bættum loftgæðum í bænum og tökum afleiðingar svifryksmengunar alvarlega.

Styttum biðlista eftir félagslegu húsnæði og tryggjum að í öllu nýju skipulagi sé gert ráð fyrir 35% óhagnaðardrifinni uppbyggingu. Húsnæðisuppbygging á að eiga sér stað á forsendum bæjarbúa og það er nauðsynlegt að staldra við og hugsa upp á nýtt hvernig lóðum er úthlutað, bæði til einstaklinga og fyrirtækja.

Gerum kröfu um 35% óhagnaðardrifna uppbyggingu í öllu nýju skipulagi íbúðabyggðar.

Höldum áfram skynsamlegri þéttingu byggðarinnar í sátt við íbúa samhliða uppbyggingu nýrra hverfa. Eitt útilokar ekki annað.

Hefjum vinnu við nýtt aðalskipulag og setjum markið hátt varðandi þróun íbúafjölda og atvinnutækifæra.

Gerum Akureyrarvöll að grænni perlu þar sem náttúra, íbúabyggð og fjölbreytt mannlíf fer saman.

4. Áhyggjulaust og skemmtilegt ævikvöld 

Sýnum fólkinu sem byggði þennan bæ þá virðingu sem það verðskuldar. Það á að vera gott að eldast. Tryggjum heldri Akureyringum áhyggjulaust og skemmtilegt ævikvöld. 

Reisum almennilega félagsaðstöðu fyrir eldra fólk í samstarfi við EBAK.

Húsnæðisstefna Akureyrarbæjar á að vera fyrir alla íbúa, allt nýtt skipulag skal taka mið af þörfum eldra fólks.

Samþættum þjónustu við eldra fólk og bætum þannig viðmót, öryggi og skilvirkni. Innleiðum verkefnið „Gott að eldast“ á Akureyri og bætum stuðning við heilabilaða og aðstandendur þeirra. 

Höldum verði lágu og gæðum háum á máltíðum eldri borgara. 

Rjúfum félagslega einangrun með að nota stafrænar lausnir og í samstarfi við hjálparsamtök þegar það á við. 

Bjóðum 70 ára og eldri frítt í sund. 

Bætum aðgengi að perlum bæjarins yfir vetrartímann, s.s. Lystigarðinum. Gætum að því að aðgengi hreyfihamlaðra sé tryggt við alla mannvirkjagerð hjá Akureyrarbæ. 

Bæjarstjórn Akureyrar þarf að stunda virka hagsmunagæslu fyrir bæinn, íbúa hans og atvinnulíf. Samfylkingin á Akureyri setur hagsmuni bæjarbúa í fyrsta sætið í allri sinni nálgun.

Mörkum bænum atvinnu- og vaxtarstefnu til framtíðar sem tekur mið af breyttum heimi, tækniþróun og nýsköpun.

Stöndum vörð um millilandaflug til Akureyrar, erjumst fyrir áframhaldandi uppbyggingu flugvallarins og höldum áfram að styðja við markaðssetningu flugvallarins til erlendra og innlendra flugfélaga.

Greiðum fyrir fjölbreyttari atvinnutækifærum á svæðinu og aðstöðu til fjarvinnu - fáum fólkið okkar aftur heim eftir að það hefur náð sér í sérhæfingu og reynslu.

Hlúum að grunnatvinnugreinum okkar, lækkum fasteignagjöld á atvinnuhúsnæði og berjumst fyrir styttri leiðum til og frá Akureyri.

Tryggjum að framlög til menningarmála fylgi verðlagi og hefjumst handa við að móta nýja menningarstefnu. Sú síðasta féll úr gildi árið 2018. 

Stöndum vörð um Sjúkrahúsið á Akureyri, hjúkrunarheimilin og aðrar mikilvægar heilbrigðisstofnanir á Akureyri.

Tryggjum stöðugt framboð atvinnulóða með fullnægjandi innviðum.

Eflum Akureyri sem heilsársáfangastað, bætum aðgengi að perlum bæjarins yfir vetrartímann, s.s. Lystigarðinum. Bætum upplifun ferðamanna og fáum þá til að staldra lengur við hjá okkur. 

Hér má skoða kosningastefnuna í heild sinni á pdf skjali.

You can view the entire election manifesto in a PDF file here.

Við bjóðum ykkur hjartanlega velkomin til okkar í kosningakaffi á kjördag.

Kosningaskrifstofan verður opin frá kl. 10.00 og fram eftir kvöldi.

Kjúklingasúpa verður í boði í hádeginu.
Kökur og kruðerí verða á boðstólum það sem eftir lifir dags.

Kíkjið við, fáið ykkur hressingu og eigum notalega stund saman á kjördag.

Kosningastefna Samfylkingarinnar í Reykjavík 2026-2030

Akstur á kjördag

Áskirkja, Vesturbrún 30, milli kl. 14:00 - 17:00.

Kosningakaffi

Austurbæjarbíói - veislan hefst kl. 21:00.

Kosningavaka

Kosningastjóri

Sonja Huld Guðjónsdóttir

Laugavegi 114, 105 Reykjavík, opið kl. 9-21

Kosningamiðstöð Samfylkingarinnar í Reykjavík

Meirihlutinn í Kópavogi hefur verið duglegur að koma á framfæri upplýsingum um góða stöðu, að reksturinn haldi áfram að styrkjast, að skuldir og skuldbindingar lækki að raunverði og að árin 2024 og 2025 séu bestu rekstrarár bæjarinus í 18 ár. Þetta eru stór orð og margir eru farnir að trúa þessum lýsingum. En hverjum þykir sinn fugl fagur og það er aldrei gott að vera dómari í eigin sök.

Í stað þess að eltast við fagurlýsingar meirihlutans um að allt sé í góðu standi í fjármálum Kópavogs eru hér dregar fram nokkrar lýsandi tölur úr ársreikningum og Kópavogsbúar geta þá sjálfir metið hver staðan er í samanburði við lýsingarnar.

Mynd A sýnir rekstrarafkomuna 2022 til 2025. Ef tekin er út sala lóða 2025 er tapið alls 405 milljónir í stað þess að vera hagnaður 4.650 milljónir. Sala lóða er takmörkuð auðlind og á næstu árum munu tekjur af lóðasölu lækka. Hver verða áhrifin á fjárhagsstöðu bæjarins?

Meirihlutinn leggur áherslu á lækkandi skuldir bæjarsjóðs. Mynd B sýnir stöðu langtímaskuldbindingar Kópavogs árin 2010 til 2025 skv. tölum ársreikninga á verðlagi hvers árs. Sjá má að langtímaskuldir hafa einungis lækkað um 1,7 milljarða á 15 árum en hagnaður af sölu lóða síðustu þrjú árin var 8,5 milljarðar.

Meirihlutinn talar ekki um að samtals hafa fjármunatekjur og fjármagnsgjöld eða vaxtagjöld bæjarins síðustu 15 árin verið alls 26,2 milljarðar eða 1,75 milljarðar að meðaltali á ári. Mynd C sýnir þetta nánar.

Samandregið er það sala lóða úr takmarkaðri auðlind sem bjargar afkomu og greiðslustöðu bæjarins til skamms tíma. En hver verður staðan þegar búið verður að þurrausa þessa takmörkuðu auðlind? Kópavogur þarf að grynnka á skuldastöðu og nota rekstrarafgang til uppbyggingar og rekstrar í stað þess að hafa yfirhangandi gríðarlega snjóhengju uppsafnaðra skulda.

Meirihlutinn talar um lægstu fsteignagjöldin á höfuðborgarsvæðinu. Mynd D sýnir rauntölur skv. gjaldskrám í apríl 2026 fyrir íbúðarhúsnæði. Kópavogur með 0,262% þegar meðaltalið er 0,278%. Að flestra mati telst mismunurinn óverulegur.

Höfundar eru hagfræðingar. Hákon skipar 3. sæti á framboðslista Samfylkingarinnar í Kópavogi og Kristján 13. sæti.

Í aðdraganda sveitarstjórnarkosninga er eðlilega mikið rætt um rekstur og fjárhagsstöðu viðkomandi sveitarfélaga.

Nokkrar stað­reyndir um fjár­mál Kópa­vogs­bæjar

Ég get sagt ykkur að þetta er heitt málefni í Kópavogi. Það kom mér svolítið á óvart, ég sá þetta kannski ekki fyrir mér sem eitt af stóru málunum, sem þetta kannski er ekki heldur; en þetta skiptir marga máli og ég skil það. Hundaeigendur í Kópavogi fá ekkert fyrir sinn snúð. Ég hef talað við fólk úr öllum hverfum bæjarins sem hafa sagt mér frá sömu þörfinni: að fá fleiri og betri svæði þar sem hægt er að sleppa hundum lausum á öruggan hátt.

Það væri mikilvægt skref fyrir Kópavog að byggja upp lausagöngusvæði fyrir hunda, þar sem dýr og eigendur þeirra geta notið útiveru við góðar aðstæður. En svo væri líka gott að fá minni svæði inni í hverfum þar sem hundar og eigendur geta hist, æft sig saman og átt góða stund. Þar sem hundar fá að hreyfa sig, hitta aðra hunda og læra félagsfærni í öruggu umhverfi. Þetta er gott samfélagsmál.

Hundar sem fá reglulega hreyfingu, umhverfisþjálfun og félagsþjálfun verða öruggari og betri hundar í samfélaginu okkar. Eigendur verða öruggari með hundana sína og samvera fólks og dýra verður auðveldari fyrir alla. Þetta skiptir nefnilega líka máli fyrir þau sem eru hrædd við hunda. Það myndi hreinlega skapa meiri ró ef það væri skýrt hvar hundum er sleppt lausum og hvar ekki. Það er einfaldlega betra fyrir okkur öll þegar skipulagið er skýrt, sanngjarnt og virkar í raun.

Í dag sækja margir Kópavogsbúar þjónustu og aðstöðu í önnur sveitarfélög. Fólk keyrir með hundana sína til Reykjavíkur á Geirsnef eða í Paradísardal; eða í Garðabæ á hundasvæðið við Garðahraunsveg svo eitthvað sé nefnt til að finna svæði þar sem Kópavogur hefur skilað auðu í þessum efnum hingað til. Ég verð að segja það, mér finnst það ekki vera nógu gott fyrir næst stærsta sveitarfélag landsins. Við eigum að geta gert betur.

Hundahald er leyft í Kópavogi og með því fylgir ábyrgð, bæði hjá eigendum og sveitarfélaginu sjálfu. Sveitarfélagið á ekki bara að innheimta gjöld heldur líka að tryggja lágmarks aðstöðu fyrir dýr og eigendur þeirra. Hundar eru skyni gæddar verur sem þurfa hreyfingu, útiveru og öruggt rými til að þrífast.

Þetta tengist líka stærri spurningum um hvernig bæ við viljum byggja. Ég vil Kópavog þar sem lífsgæði, græn svæði og mannvænt skipulag fá meira vægi. Bæ þar sem við hugsum um samfélagið í heild sinni, líka dýrin sem búa hér með okkur.

Undanfarin ár hefur mikið verið byggt í Kópavogi og víða gengið langt í þéttingu. Á sama tíma hafa græn svæði minnkað, opnum svæðum fækkað og nærumhverfið víða orðið kaldara og harðara. Þá gefur það augaleið að við verðum að hugsa þessar þarfir inn í grunn innviði bæjarins. Fólk og ferfætlingar þurfa rými til útiveru, samveru og hreyfingar.

Það getur ekki verið eðlilegt að næst stærsta sveitarfélag landsins hafi ekki byggt upp raunverulega og aðgengilega aðstöðu fyrir hundaeigendur. Afleiðingin er sú að fólk leitar í önnur sveitarfélög eftir svæðum sem Kópavogur hefur ekki sinnt sjálfur.

Fyrir mér snýst þetta um lífsgæði, ábyrgð og skýra sýn á samfélagið okkar. Með góðu skipulagi getum við skapað bæ þar sem fleiri geta notið sín. Bæ þar sem tekið er mið af raunverulegu lífi íbúanna og þeim ekki vísað í önnur sveitarfélög til að nýta sér grundvallaraðstöðu sem skylt er að veita.

Ég vil sjá hundavænni Kópavog. Ég held að sá Kópavogur verði einfaldlega betri fyrir okkur öll.

Höfundur er Kópavogsbúi og skipar 4. sæti á lista Samfylkingarinnar í Kópavogi.

Síðan ég fór í framboð, hreinlega síðan ég fór prófkjör í vetur, hefur fólk komið til mín og beðið mig um að gera eitthvað í málefnum hundaeigenda.

Samþykktin felur meðal annars í sér aukið eigið fé til Félagsbústaða, þróun nýrra búsetuforma og viljayfirlýsingu um lóðir fyrir allt að 345 íbúðir á næstu árum.

Staðan á húsnæðismarkaði er þannig að sífellt fleiri ná ekki fótfestu án stuðnings. Biðlistar eftir félagslegu húsnæði hafa lengst á sama tíma og úthlutunum hefur fækkað. Fyrir marga þýðir það langvarandi óöryggi, dýrari leigumarkað eða tímabundnar lausnir sem eiga aldrei að verða varanlegt ástand.

Þess vegna skiptir máli að borgin láti ekki undan þeirri hugmynd að félagslegt húsnæði sé eitthvað sem eigi bara að halda í lágmarki. Reykjavík þarf þvert á móti að byggja upp öflugt félagslegt húsnæðiskerfi sem getur mætt raunverulegri þörf fólks. Við erum að grípa þau sem eru á jaðrinum og valdefla þau útúr fátækt og erfiðum félagslegum aðstæðum. Styrkja kjarnann í samfélaginu.

Samþykkt borgarstjórnar byggir á þeirri sýn. Með eiginfjárframlagi til Félagsbústaða verður hægt að fjölga íbúðum og bæta stöðu félagsins til lengri tíma. Sérstök áhersla verður lögð á kaupréttaríbúðir, sem hafa reynst hagkvæm leið til uppbyggingar, en einnig á íbúðir fyrir stærri fjölskyldur og fólk með sérþarfir.

Það skiptir líka máli að horfa á hvernig núverandi húsnæði nýtist betur. Í dag búa margir í íbúðum sem passa ekki lengur við fjölskyldustærðina eða aðstæðurnar. Með betri hvötum og auknum sveigjanleika má losa um íbúðir fyrir fólk sem hefur beðið lengi eftir húsnæði.

Samhliða þessu var samþykkt viljayfirlýsing milli Reykjavíkurborgar og Félagsbústaða um lóðir og svæði fyrir allt að 345 íbúðir á tímabilinu 2026 til 2032. Það er mikilvægt skref vegna þess að stærsta hindrunin við uppbyggingu félagslegs húsnæðis hefur oft einfaldlega verið skortur á lóðum og framtíðarsýn.

Það skiptir líka máli hvar við byggjum. Félagslegt húsnæði á ekki að vera falið á jaðrinum eða samþjappað á fáa staði. Markmiðið þarf að vera félagslega fjölbreytt hverfi þar sem fólk með ólíkar tekjur og ólíkar aðstæður getur búið hlið við hlið.

Það er athyglisvert að fulltrúar Sjálfstæðisflokks og Miðflokks kusu gegn þessum aðgerðum. Á sama tíma og húsnæðisvandinn vex virðist enn vera pólitísk tregða hjá hægrinu gagnvart því að borgin taki virkan þátt í að tryggja fólki öruggt húsnæði.

En reynslan sýnir að markaðurinn einn leysir ekki þennan vanda. Þegar framboð á hagkvæmu húsnæði er of lítið bitnar það fyrst og fremst á tekjulægra fólki, ungu fólki, einstæðum foreldrum og þeim sem standa höllum fæti.

Þess vegna þarf Reykjavík að halda áfram á þessari braut. Byggja meira. Skipuleggja betur. Hugsa lengra fram í tímann.

Öruggt heimili á ekki að vera forréttindi fárra heldur grunnur að góðu samfélagi.

Í vikunni samþykkti borgarstjórn mikilvægar aðgerðir til að styrkja uppbyggingu félagslegs húsnæðis í Reykjavík.

Byggjum meira félags­legt hús­næði í Reykja­vík

Leit um „��"

3426 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3426 niðurstöður fundust við leit að „���������������������������������������������������"