Sótt er að lýðræðinu víða um heim og mannréttindi sem virtust trygg eru aftur orðin að pólitísku átakamáli. Gervigreind, samfélagsmiðlar og upplýsingaóreiða hafa mikil áhrif á samfélögin okkar og víða sjáum við skipulagt bakslag gegn réttindum kvenna, hinsegin fólks, innflytjenda og annarra hópa.

Ísland stendur ennþá sterkt í alþjóðlegum samanburði en við finnum þó fyrir þessari þróun hér á landi. 

Áður en málefnahópur Samfylkingarinnar um stjórnarfar og mannréttindi hefst handa við að endurskoða stefnu flokksins viljum við skoða stóru myndina og velta fyrir okkur:

Hverjar eru stærstu áskoranir lýðræðisins á okkar tímum?

Hvaða mannréttindamál eru að verða brýnust?

Hvað þýðir þetta fyrir jafnaðarflokk á Íslandi árið 2026?

Með okkur verða:Margrét María Sigurðardóttir, framkvæmdastjóri Mannréttindastofnunar Íslands, sem ræðir stöðu og framtíð mannréttinda.Sævar Ari Finnbogason, heimspekingur og aðjúnkt við Háskólann á Bifröst, sem fjallar um lýðræðið og þær áskoranir sem það stendur frammi fyrir.

Hvar: Húsnæði Samfylkingarinnar – Hallveigarstíg Hvenær: Mánudagur 2. nóvember kl. 20:00

Fundurinn er opinn öllum félögum sem hafa áhuga á þessum pælingum – hvort sem þau ætla að taka virkan þátt í málefnastarfinu eða vilja einfaldlega hlusta og læra.

Getum við tekið lýðræði og mannréttindum sem gefnum?

Málefnanefnd Samfylkingarinnar um velferðarmál efnir til opins fundar miðvikudaginn 4. nóvember kl. 19:00 í húsnæði Rauða krossins að Eyravegi 23, Selfoss.

Hvert stefnum við með íslenska heilbrigðiskerfið? Efnum til opins samtals um framtíðarsýn fyrir Ísland. 

Heilbrigðisráðherra, Alma Möller, verður sérstakur gestur fundarins. 

Samtal um heilbrigðismál - hvert stefnum við með heilbrigðiskerfið?

Miklar væringar hafa orðið í alþjóðastjórnmálum undanfarin misseri. Þróun mála hefur áhrif á hagsmuni og stöðu Íslands sem og alþjóðakerfisins og því tímabært að ræða hvort og hvernig skerpa megi á stefnu Samfylkingarinnar í málaflokknum í aðdraganda landsfundar vorið 2027. 

Málefnanefnd Samfylkingarinnar stendur fyrir opnum fundi sem haldinn verður á Hallveigarstíg 1, miðvikudaginn 4. nóvember kl. 20:00. 

Flutt verða stutt erindi frá nokkrum helstu sérfræðingum landsins á sviði alþjóðamála sem munu tæpa á þeim atriðum sem ræða þarf á vettvangi stjórnmálanna í breyttri heimsmynd.

Ísland og Evrópa
Magnús Árni Skjöld Magnússon, prófessor við Háskólann á Bifröst

Ísland, Norðurslóðir og Kína 
Guðbjörg Ríkey Thoroddsen Hauksdóttir, sérfræðingur hjá Alþjóðamálastofnun Háskóla Íslands 

Ísland og Bandaríkin, öryggis- og varnarmál 
Erlingur Erlingsson, hernaðarsagnfræðingur 

Ísland og alþjóðleg þróunarsamvinna
Guðrún Sif Friðriksdóttir, mannfræðingur og sérfræðingur í málefnum Afríku 

Opnar umræður verða að erindum loknum. 

Fundurinn er innlegg inn í starf málefnanefndar Samfylkingarinnar um alþjóðamál en í haust verður hafist handa við endurskoðun á stefnu flokksins í málaflokknum fyrir landsfund. Allir áhugasamir félagar eru hvattir til að taka þátt í málefnavinnunni framundan! 

Umsjón með málefnavinnu alþjóðahópsins er í höndum Magneu Marinósdóttur, alþjóðastjórnmálafræðings, og Dagbjartar Hákonardóttur, þingmanni og fulltrúa Samfylkingarinnar í utanríkismálanefnd Alþingis. 

Fundurinn verður einni á Zoom og verður slóðinni deilt þegar nær dregur.

Þarf Samfylkingin að hugsa alþjóðamálin upp á nýtt?

Frá því að nýr meirihluti tók við stjórn Reykjavíkurborgar hafa breytingar á borgarrekstrinum verið til umræðu, meðal annars í velferðarþjónustu, mannréttindamálum og skólamálum. Einnig hafa vaknað spurningar um framtíðarfyrirkomulag þjónustunnar og mögulega aukna aðkomu einkaaðila.

Hvert stefnir borgin? Hver er stefna Samfylkingarinnar og hver verða næstu skref borgarfulltrúa flokksins?

Samfylkingarfélagið í Reykjavík býður til opins fundar með borgarfulltrúum Samfylkingarinnar þar sem farið verður yfir stöðu mála, stefnu flokksins og verkefnin fram undan.

📅 Miðvikudaginn 11. nóvember
⏰ Kl. 20:00
📍 Hallveigarstígur 1

Á fundinum gefst tækifæri til að spyrja spurninga, ræða málin og koma sjónarmiðum á framfæri.

Fundurinn er öllum opinn og öll hjartanlega velkomin! 

Viðburðir á vegum Samfylkingarinnar