Þar eru birtar tölur um að fyrstu kaupendum hafi fjölgað á Íslandi þrátt fyrir að hindrunum inn á markaðinn hafi verið hlaðið upp síðustu ár og verð hækkað upp úr öllu valdi. Á meðal þeirra hindrana er reglan sem Seðlabankinn innleiddi fyrir þremur árum og sagði til um að afborganir af lánum fyrstu kaupenda megi ekki vera umfram 40 prósent af ráðstöfunartekjum þeirra. Innleiðing hennar var til þess gerð að kæla hagkerfið og reyna að draga úr verðbólgu. Það mistókst lengi vel, líkt og hækkandi íbúðaverð gefur til kynna. Þá hefur þessi takmörkun fyrst og síðast bitnað á þeim kaupendum sem geta ekki, eða takmarkað, sótt stuðning til foreldra eða annarra vandamanna vegna húsnæðiskaupa.

Vegna þessa er sífellt algengara að fólk greiði börnunum sínum fyrirframgreiddan arf. Hlutfall hans af erfðafjárskatti var 31 prósent á árunum 2012 til 2018 en 66 prósent á fyrri hluta ársins 2023, og hefur hækkað síðan. Ýmsar skýringar voru gefnar á þessum öru breytingum í áðurnefndu minnisblaði. Sú helsta er mikil hækkun á fasteignaverði. Þar segir að sumir kjósi „þá eflaust að rétta afkomendum sínum hjálparhönd í formi fyrirframgreidds arfs.“ Þetta leiðir til þess að ákveðnir hópar eru í miklu betri færum en aðrir til að komast inn á húsnæðismarkað vegna auðs foreldra sinna. Nánar tiltekið þá eru þau tíu prósentlandsmanna sem áttu mestar hreinar eignir, og eru mun líklegri til að greiða fyrirframgreiddan arf til barna sinna en þau 90 prósent landsmanna sem eiga minna, í góðum færum. Alls nam virði þeirra eigna sem þessi eignamesti hluti landsmanna lét renna til barna sinna og annarra niðja í formi fyrirframgreidds arfs á árinu 2022 tæplega 49 milljörðum króna. Hin 90 prósent landsmanna greiddu um helming þeirrar upphæðar í arf til barna sinna, eða um 25 milljarða króna.

Á Íslandi þarf staðan ekki að vera sú að leiðin að öruggu húsnæði liggi í gegnum það hversu mikið af peningum foreldrar þínir eiga. Með því að endurheimta efnahagslegan stöðugleika er hægt að ná vöxtum niður þannig að fleiri uppfylli skilyrði til að kaupa sér heimili. Með því að ráðast í skynsamlegar og framkvæmanlegar aðgerðir til skemmri og lengri tíma á húsnæðismarkaði er hægt að fjölga íbúðum til að mæta eftirspurn og um leið halda aftur af frekari hækkunum á verði. Með því að ívilna húsnæðisfélögum án hagnaðarsjónarmiða þá er hægt að fjölga leiguíbúðum, sem innheimta sanngjarna leigu, umtalsvert.

Þetta ætlar Samfylkingin að gera. Og hún hefur lagt fram skýrt plan um hvernig hún ætlar að gera það.

Á Íslandi í dag skiptir mestu máli hverra manna þú ert þegar kemur að því að komast inn á húsnæðismarkaðinn. Þetta kemur fram í nýlegu minnisblaði frá fjármála- og efnahagsráðuneytinu. 

Á að skipta máli hverra manna þú ert?

Samfylkingin býður til opins fundar á Lyst miðvikudaginn 13. nóvember kl 16:30. 

Boðið verður upp á kaffi og með því.

Á fundinum munu frambjóðendur Samfylkingarinnar þeir Logi Einarsson og Sindri Kristjánsson taka á móti gestum og ræða málefnin fyrir komandi kosningar. 

Við viljum endilega hitta sem flest, heyra hvað skiptir fólk á svæðinu máli og kynna helstu áherslur Samfylkingarinnar.

Öll velkomin og við hlökkum til að sjá ykkur!

Samfylkingin býður til opins fundar í Kaffi Sumarlínu fimmtudaginn 13. nóvember kl 17. 

Á fundinum munu frambjóðendur Samfylkingarinnar þau Eydís Ásbjörnsdóttir, Stefán Þór Eysteinsson, Ásdís Helga Jóhannsdóttir og Birkir Snær Guðjónsson taka á móti gestum og ræða málefnin fyrir komandi kosningar. 

Samfylkingin býður til opins fundar í Safnaðarheimilinu á Reyðarfirði miðvikudaginn 13. nóvember kl. 17. 

Boðið verður upp á kaffi og með því. 

Á fundinum munu frambjóðendur Samfylkingarinnar þau Eydís Ásbjörnsdóttir, Stefán Þór Eysteinsson og Ásdís Helga Jóhannsdóttir taka á móti gestum og ræða málefnin fyrir komandi kosningar. 

Spjallkaffi Samfylkingarinnar í Reykjavík 60+ verður á sínum stað miðvikudaginn 13. nóvember kl. 10:00 - 12:00 í sal Samfylkingarinnar Hallveigarstíg 1, 101 Reykjavík.

Gestur okkar verður Dagur B. Eggertsson fv. borgarstjóri og frambjóðandi í Reykjavík norður.

Á fyrri hluta fundarins kemur Jónas Már Torfason, sjálfboðaliðastjóri Samfylkingarinnar, til skrafs og ráðagerða.

Það verður heitt á könnunni og eitthvað með því. 

Verið öll velkomin! 

Samfylkingin býður til opins súpufundar í hádeginu miðvikudaginn 13. nóvember í Tryggvabúð á Djúpavogi. 

Boðið verður upp á rjúkandi og ljúfenga kjötsúpu. 

Á fundinum munu frambjóðendur Samfylkingarinnar þau Eydís Ásbjörnsdóttir og Stefán Þór Eysteinsson taka á móti gestum og ræða málefnin fyrir komandi kosningar. 

Við viljum endilega hitta sem flesta, heyra hvað skiptir fólk á svæðinu máli og kynna helstu áherslur Samfylkingarinnar.

Samfylkingin í Mosfellsbæ verður með laugardagskaffi 9. nóvember kl. 11:00-13:00 að Þverholti 3, Mosfellsbæ. 

Fundurinn hefst með umræðum með frambjóðendunum Ölmu Möller og Guðmundi Ara Sigurjónssyni.

Að þeim loknum verður fjárhagsáætlun bæjarins rædd.

Öll velkomin.

Kosningaskrifstofa Samfylkingarinnar í Reykjavík opnar föstudaginn 8. nóvember kl. 17 með pompi og prakt.

Frábært tækifæri til að hitta frambjóðendur, spjalla um framtíðina og taka þátt í baráttunni fyrir betra samfélagi fyrir alla.

Opnun kosningamiðstöðvar í Reykjavík

Glundroðinn sem fylgir Sjálfstæðisflokknum undir forystu Bjarna Benediktssonar blasir við og það er eins og hver önnur öfugmælavísa þegar forsvarsmenn flokksins klifa á því að atkvæði greitt Sjálfstæðisflokknum sé ávísun á stöðugleika og festu þegar Sjálfstæðisflokkurinn er beinlínis andlit óstöðugleikans. Glundroði og óstjórn Sjálfstæðisflokksins, þar sem flokkshagsmunir vega þyngra en almannahagur, bitna á hagstjórn og innviðum.

Óstjórn Sjálfstæðisflokksins í efnahagsmálum

Eftir sjö ára stjórnarsetu fráfarandi ríkisstjórnar Sjálfstæðisflokks, Framsóknar og VG er staðan í efnahagsmálum sú að stýrivextir hafa verið um eða yfir 9% í meira en ár, verðbólga yfir markmiði í 4 ár og áætlanir ríkisstjórnarinnar gera ráð fyrir að ríkið verði rekið með halla í 9 ár. Á þessu tímabili hefur Sjálfstæðisflokkurinn lengst af farið með stjórn fjármálaráðuneytisins og vinnubrögðin eru með þeim hætti að heimilin í landinu borguðu 40 milljörðum meira í húsnæðisvexti í fyrra en þau gerðu árið 2021. Hér er einfaldlega um að ræða ofurskatt á ungt fólk og alla sem skulda - allt í boði Sjálfstæðisflokksins og ríkisstjórnarinnar. En formaður Sjálfstæðisflokksins sker út grasker.

Innviðir grotna niður á vakt Sjálfstæðisflokksins

Innviðir okkar hafa líka fengið að kenna á glundroða og slæmri hagstjórn Sjálfstæðisflokksins. Þeir hafa grotnað niður á þessu tímabili á vakt Sjálfstæðisflokksins og það er sama hvar borið er niður; heilbrigðismál, menntamál, umönnun eldra fólks, kerfin sem eiga að hlúa að börnum og ungmennum í vanda, samgöngumál, orkumál og þannig mætti áfram telja. Öll þessi kerfi og innviðir hafa látið á sjá og það eina sem blasir við okkur er stöðnun og úrræðaleysi.

Sjálfstæðisflokkur lofar skattalækkun en eykur kostnað heimilanna

Fyrir utan að skera út grasker þá býður Sjálfstæðisflokkurinn áfram upp á sama innihaldslausa og óábyrga málflutninginn þar sem hvoru tveggja er lofað; skattalækkunum og eflingu innviða. En verkin sýna merkin. Frá 2013 hefur Sjálfstæðisflokkurinn þyngt skattbyrði vinnandi fólks og hækkað kostnað heimilanna með háum vöxtum og mikilli verðbólgu. Á hinn bóginn leggur Samfylkingin fram plan um ábyrgar og raunhæfar lausnir. Til þess að kveða niður vexti og verðbólgu verður að ná aftur styrkri stjórn á ríkisfjármálunum, koma húsnæðismarkaðnum í fastari skorður og leggja grunn að hagvexti sem ekki er knúinn áfram af fólksfjölgun heldur aukinni framleiðni. Jafnaðarfólk veit að kraftmikil verðmætasköpun og ábyrg hagstjórn verður að fara saman með sterkri velferð svo að vel takist til við stjórn landsins.

Samfylkingin er með plan og við erum tilbúin

Það er kominn tími á breytingar og nýtt upphaf. Samfylkingin er tilbúin. Undir traustri forystu Kristrúnar Frostadóttur höfum við breytt flokknum, vinnubrögðunum og farið aftur í kjarnann. Við opnuðum flokkinn upp á gátt, héldum fjölda funda vítt og breitt um landið og í samstarfi við fólkið í landinu lögðum við grunninn að áherslum okkar og forgangsröðun fyrir næstu tvö kjörtímabil.

Skýrir valkostir - glundroði Sjálfstæðisflokksins eða skýrt plan Samfylkingarinnar

Valkostirnir í þessum kosningum gætu ekki verið skýrari; áframhaldandi glundroði Sjálfstæðisflokksins þar sem flokkshagsmunir vega þyngra en almannahagsmunir eða stefnufesta og skýrt plan Samfylkingarinnar með Kristrúnu Frostadóttur í broddi fylkingar með almannahag að leiðarljósi. Samfylkingin er með plan og við erum tilbúin.

Höf. er bæjarfulltrúi í Hafnarfirði, kennari og skipar 4. sætið á lista Samfylkingarinnar í Suðvesturkjördæmi.

Þrjár af fjórum ríkisstjórnum sem setið hafa að völdum frá árinu 2013 hafa sprungið með látum á miðju kjörtímabili. Sjálfstæðisflokkurinn hefur setið í þeim öllum. 

Glund­roði Sjálf­stæðis­flokksins bitnar á hag­stjórn og inn­viðum

Samfylkingin í Suðurkjördæmi býður til opins fundar um öldrunarmál með Ölmu Möller.

Fundurinn verður haldinn í Mörkinni, Austurvegi 51. 

Á fundinum verður fjallað um mikilvægi þess að tryggja eldra fólki góða og örugga þjónustu innan heilbrigðiskerfisins.

Alma Möller mun fjalla um áskoranir og tækifæri í öldrunarmálum og hvernig hægt er að efla stuðning og umönnun fyrir þennan mikilvæga hóp samfélagsins.

Samfylkingin hefur kynnt stefnu sína í heilbrigðis- og öldrunarmálum undir yfirskriftinni Örugg skref.

Lögð er áhersla á að bæta grunnþjónustu, efla heimaþjónustu og hjúkrunarrými, auk þess að tryggja samfellda og áreiðanlega heilbrigðisþjónustu fyrir eldra fólk.

Komdu og taktu þátt í mikilvægu samtali um framtíð heilbrigðisþjónustu fyrir eldra fólk.

Þín þátttaka skiptir máli!

Opinn fundur um heilbrigðis- og öldrunarmál

Leit um „��"

3216 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������"

3216 niðurstöður fundust við leit að „���������������������������"