Kæri félagi í Samfylkingarfélaginu í Reykjavík,
er hér með boðað til aðalfundar Samfylkingarfélagsins í Reykjavík fimmtudaginn 24. febrúar kl. 20:00 í Sóltúni 26, 105 Reykjavík. Breytingar á fundarstað gætu orðið ef sóttvarnir kalla á.

Vegna samkomutakmarkana er skráning nauðsynleg. Hér getur þú skráð þig á fundinn: https://docs.google.com/forms/d/e/1FAIpQLSc0dBOY_HmXX6tE96xaEwUVzgaTGVWzgLpmwg9IiD9MKJC6SA/viewform

Dagskrá fundarins er samkvæmt lögum félagsins sem hægt er að nálgast á heimasíðu félagsinshttps://www.sffr.is/

Um aðalfund segir:

7. grein
Aðalfund skal halda fyrir lok febrúar ár hvert. Aðalfund SffR skal boða með þriggja vikna fyrirvara en senda skal út dagskrá með minnst viku fyrirvara. Aðalfundur er lögmætur sé löglega til hans boðað. Við kosningar og kjörgengi í félaginu skal miða við rétta félagaskrá eins og hún var 31. desember. Reikningsár félagsins er almanaksárið.
Fastir dagskrárliðir aðalfundar eru:

1) skýrsla stjórnar,
2) ársreikningur,
3) skýrsla skoðunarnefndar,
4) lagabreytingar,
5) ákvörðun um árgjald,
6) kjör formanns,
7) kjör gjaldkera,
8) kjör annarra stjórnarmanna,
9) kjör varamanna,
10) kjör þriggja manna í skoðunarnefnd,
11) kjör í nefndir,
   a) í uppstillingarnefnd,
   b) í aðrar nefndir sem aðalfundur ákveður,
12) önnur mál.

8. grein
Tillögur til lagabreytingar þurfa að hafa borist stjórn 2 vikum fyrir boðaðan aðalfund.
Lagabreytingartillögur skulu sendar út með öðrum fundargögnum minnst viku fyrir fund.
Tillaga að lagabreytingum telst samþykkt fái hún 2/3 hluta greiddra atkvæða.

9. grein
Á aðalfundi skal kjósa þriggja manna uppstillingarnefnd og einn til vara að tillögu fráfarandi stjórnar félagsins.
Hlutverk nefndarinnar er að leggja fyrir aðalfund tillögur um frambjóðendur við kjör formanns, annarra stjórnarmanna, varamanna og skoðunarnefndarmanna.
Tillögur uppstillingarnefndar skulu liggja fyrir á skrifstofu félagsins minnst viku fyrir aðalfund.
Aðrar tillögur skulu berast skrifstofu félagsins minnst 2 sólarhringum fyrir boðaðan aðalfund. 

10. grein
Fundi skal boða með bréfi eða tölvupósti eða með auglýsingu í fjölmiðlum. Aðalfund skal boða með auglýsingu og/eða með bréfi/tölvupósti til allra félaga.
Félagsfundi skal boða með dagskrá með a.m.k. fimm daga fyrirvara. Félagsfundur er ályktunarbær um hvaða efni sem vera skal.
Opna umræðufundi skal boða með a.m.k. tveggja daga fyrirvara. Þá skal boða með dagskrá.
Ekki skulu þar teknar fyrir ályktunartillögur um annað en dagskrárefni.
Stjórninni er skylt að boða til félagsfundar ef minnst 30 félagsmenn óska þess skriflega og tilgreina fundarefni.

Tillögur að lagabreytingum þurfa að hafa borist stjórn 2 vikum fyrir boðaðan aðalfund.
Lagabreytingatillögur skal senda á tölvupóstfangið: reykjavik@samfylking.is

Hafir þú hug á því að gefa kost á þér í stjórn SffR þá skaltu koma því á framfæri við uppstillingarnefnd fyrir kl. 23.59 mánudaginn 14. febrúar 2022.

Uppstillinganefnd skipa
Sigríður Arndís Jóhannsdóttir formaður sími 822 3067sigridur.arndis.johannsdottir@reykjavik.is
Dóra Magnúsdóttir sími 853 9953doramagnusdottir@gmail.com
Gunnar Alexander Ólafsson sími 821 7289gunnaralexander1212@gmail.com
Varamaður er Ólafur Kjaran Árnason.

Skoðunarmenn reikninga eru
Kristinn Karlsson
Sara Björg Sigurðardóttir
Sigríður Arndís Jóhannsdóttir.


Er félagsgjaldið þitt ógreitt?
Við minnum á að greiða félagsgjaldið, ef það er ógreitt þá finnur þú kröfuna undir „valfrjálsar kröfur“ í heimabankanum þínum. Þjónustufulltrúar í bönkunum geta aðstoðað þig við að finna kröfuna sé hún ekki áberandi.

Framundan er spennandi borgarstjórnarkosningavor og við hlökkum til baráttunnar sem framundan er. VIð hvetjum þig og sem flest til þátttöku í baráttunni í vor.
Við gerum fátt nema við komum saman og leggjum öll hönd á plóg!

Með vinsemd og virðingu,
Stjórn Samfylkingarfélagsins í Reykjavík

Aðalfundur Samfylkingarfélagsins í Reykjavík

Það ríkir þögn hjá stjórnvöldum utan þess sem talað er um það á tyllidögum að hrinda af stað stórátaki í geðheilbrigðismálum sem hvergi sést.  

Hvað veldur þessari þrúgandi þögn?  

Í vikunni hóf ég sérstaka umræðu við heilbrigðisráðherra um geðheilbrigðismál með áherslu á sérstakt átak stjórnvalda í kjölfar heimsfaraldurs. Engum dylst það grettistak sem varð á upplýsingagjöf og meðvitund heilbrigðisyfirvalda vegna þeirrar heilsuvár sem veiran olli, en því miður hefur minna farið fyrir viðbrögðum er varðar áhrif veiru á geðheilbrigði landsmanna. Alþjóða heilbrigðismálastofnunin varaði við áhrifum faraldurs á geðheilsu jarðarbúa strax í upphafi faraldurs en því miður þá virðast íslensk stjórnvöld hafa skellt skollaeyrum við þeim varnaðarorðum að öðru leyti en því að ráðherra sagði stjórnvöld hafa sett af stað vöktun á stöðunni. Þar sem augljós merki um átaksaðgerðir eru ekki fyrir hendi spurði ég ráðherra hvort hann gæti bent á aðgerðir í þessa veru en kom að tómum kofanum. Hann sagði áralanga dvöl barna á biðlistum eftir nauðsynlegri geðheilbrigðisþjónustu vera óhuggulega, en gat ekki sagt ríkisstjórnina vera að gera neitt til að bregðast við því. 

Óhætt er að halda því fram að geðheilbrigðisþjónusta sé olnbogabarn íslensks heilbrigðiskerfis. Það virðist sem hvorki þyki sjálfsagt að almenningur eigi greiða leið að slíkri þjónustu né að hún sé hluti af okkar sjúkratryggingakerfi. 

Nýgengi örorku er mest í hópi þeirra sem eiga við geðrænar áskoranir. Þegar sjúkraþjálfun var sett inn í greiðsluþátttöku sjúkratrygginga dró mjög úr nýgengi örorku vegna stoðkerfisvanda og má ætla að það sama verði uppi á teningnum þegar stjórnvöld fjármagna loksins vilja Alþingis um að setja sálfræðiþjónustu inn í greiðsluþátttökukerfið. En það hafa þau ekki treyst sér til heldur lögðu til fjárhæð sem samsvarar einu íbúðarverði á Hafnartorgi í þessa lífsnauðsynlegu þjónustu.  

Við eigum heimsmet í geðlyfjanotkun og aukning notkunar hjá börnum er sérstakt áhyggjuefni. Húsakostur þeirra tveggja sjúkrahúsa sem hýsa geðdeildir er svo gjörsamlega óboðlegur að enginn skilur hvernig stjórnendum heilbrigðismála dettur í hug að fólk nái bata þar inni. Það er ekki laust við að maður spyrji hvort fordómar gagnvart þessari tegund heilsubrests sé um að kenna þegar þessi sjúklingahópur á lítinn og jafnvel engan kost að njóta útivistar eða dvalar í fallegu uppbyggilegu umhverfi í takt við nútíma áherslur.  

Það er ekkert þríeyki að störfum, engir upplýsingafundir í beinni útsendingu, engir blaðamannafundir ríkisstjórnar í Hörpu vegna rúmlega fimmtíu sjálfsvíga á síðsta ári.

Upplýsingar fyrir kjósendur í Hafnarfirði 

Kjörseðill hér: https://innskraning.island.is/?id=outcomesurveys.com

Upplýsingar um frambjóðendur hér: https://xs.is/frambjodendur-i-hafnarfirdi-2022

Upplýsingar fyrir kjósendur hér: https://xs.is/upplysingar-fyrir-kjosendur-i-hafnarfirdi

Rafræna kosningakerfið er opið frá laugardegi 12. febrúar kl. 08:00 til 18:00 sama dag.

Búast má við því að úrslit flokksvalsins verði birt seinna um kvöldið.

Kosningin fer fram rafrænt á xs.is. Kjósandi skráir sig inn í kosningakerfið með rafrænum skilríkjum eða Íslykli. Kjósandi fyllir út kjörseðilinn með því að raða frambjóðendum í 1. til 8. sæti. Kjósandi skal að lágmarki raða í fjögur sæti. 

Til að skila auðum seðli hakar kjósandi í reitinn „Skila auðu“.  

Kjósandi getur breytt atkvæði sínu allt þar til kosningu lýkur. Þá gildir síðast greidda atkvæðið.

Eigi kjósandi í vandræðum með kosningakerfið er hægt að hafa samband við kjörstjórn með tölvupósti xshafnarfjordur@gmail.com. 

Hafa náð 16 ára aldri á valdegi, 12. febrúar 2022 og

eru með lögheimili í Hafnarfirði og eru annað hvort:
skráðir félagar í Samfylkingunni - jafnaðarmannaflokki Íslands eða
skráðir stuðningsaðilar Samfylkingarinnar - jafnaðarmannaflokks Íslands

og uppfylla þessi skilyrði föstudaginn 4. febrúar 2022 kl. 23:59.

Námsmenn á Norðurlöndum, sem áður áttu lögheimili í Hafnarfirði, geta kosið í flokksvalinu. Sama gildir um maka, sambúðarmaka og börn þeirra, sem dveljast með þeim í viðkomandi landi. 

Þau sem óska eftir að vera bætt á kjörskrá, samkvæmt þessari heimild, geta sent inn beiðni þess efnis. Með beiðni skal fylgja staðfesting á skólavist. Kjörstjórn tekur við beiðnum af þessu tagi allt til loka kjörfundar. Beiðni ásamt staðfestingu á skólavist, skal send með tölvupósti á xshafnarfjordur@gmail.com.

Beiðni um að vera bætt á kjörskrá jafngildir ekki skráningu sem félagi í Samfylkingunni - jafnaðarmannaflokki Íslands eða sem stuðningsaðili hennar. Þannig verða aðeins þau tekin á kjörskrá sem voru rétt skráð í flokkinn eða sem stuðningsaðili hans fyrir skráningarfrest, föstudaginn 4. febrúar kl. 23:59.

Þá felur beiðni um að vera bætt á kjörskrá í flokksvalinu ekki í sér að viðkomandi eigi þá sjálfkrafa kosningarétt í sveitastjórnarkosningum sjálfum. Þjóðskrá Íslands afgreiðir slíkar umsóknir og skulu þær hafa borist 36 dögum fyrir kjördag. Sjá hér: https://www.skra.is/folk/kjorskra-og-kosningar/kjorskra/namsmenn-a-nordurlondum/

Kosningaréttur í flokksvalinu er óháður ríkisfangi. 

Þau sem uppfylla skilyrðin um að vera félagi í Samfylkingunni - jafnaðarmannaflokki Íslands eða stuðningsaðili hennar, hafa lögheimili í Hafnarfirði og eru orðin 16 ára eiga kosningarétt í forvalinu, óháð ríkisfangi.  

Íslenskir ríkisborgarar búsettir erlendis

Samkvæmt reglum um flokksvalið eiga félagar í Samfylkingunni - jafnaðarmannaflokki Íslands og stuðningsmenn hennar sem ekki eru með lögheimili í Hafnarfirði við lok skráningarfrests, föstudaginn 4. febrúar kl. 23:59, ekki kosningarétt í flokksvalinu. Eina undanþágan varðar námsmenn á Norðurlöndum, sem áður er getið. Þau sem búa erlendis og vilja senda inn kæru á kjörskrá: Hlaða niður eyðublaði hér. 

Til að eiga kosningarétt í flokksvalinu sem félagi í flokknum, þarf skráning í Samfylkinguna - jafnaðarmannaflokk Íslands að hafa borist fyrir föstudaginn 4. febrúar 2022 kl. 23:59. 

Skráning er á https://xs.is/takathatt. Þar skráir viðkomandi sig inn með sínu eigin rafræna skilríki eða Íslykli. Þá kemur upp eyðublað sem fylla skal út ásamt því að  velja aðildarfélag.

Með því að skrá sig sem flokksfélaga, verður viðkomandi fullgildur meðlimur í Samfylkingunni og getur greitt atkvæði á félagsfundum og fleira.

Skráning sem stuðningsaðila Samfylkingarinnar 

Til að eiga kosningarétt í flokksvalinu sem stuðningsaðili þarf skráning að hafa borist fyrir föstudaginn 4. febrúar 2022 kl. 23:59. 

Hægt er að senda erindi á kjörstjórn Samfylkingarinnar til þess að vera tekin/nn/ð á kjörskrá.  Þau sem uppfylla skilyrði til þess að vera á kjörskrá eru:

Öll sem eru skráð sem flokksfélagi eða stuðningsaðili Samfylkingarinnar fyrir klukkan 23:59 þann 4. Febrúar og eiga lögheimili í Hafnarfirði og hafa náð 16. ára aldri. 

Námsmenn á Norðurlöndunum,  makar þeirra eða börn.

Til þess að kæra sig á kjörskrá skal senda inn erindi þess efnis til xshafnarfjordur@gmail.com og fylla út þetta eyðublað hér. 

Kjörstjórn mun afgreiða kærur á kjörskrá á reglulegum fundum og munu kærendur fá skilaboð um úrskurð á sinni kæru eins fljótt og auðið er.

Þau sem búa innanlands og vilja senda inn kæru á kjörskrá þurfa að fylla út eyðublaðið hér: Opna eyðublað. 

Þau sem búa erlendis og vilja senda inn kæru á kjörskrá: Hlaða niður eyðublaði hér. 

Upplýsingar um frambjóðendur hér: https://xs.is/frambjodendur-i-flokksvali-i-reykjavik-2022

Upplýsingar fyrir kjóendur hér: https://xs.is/upplysingar-fyrir-kjosendur-i-reykjavik

Flokksval í Reykjavík fer fram helgina 12. - 13. febrúar 2022

Verið öll hjartanlega velkomin á opinn fund á Hótel Kea 16. febrúar kl. 20:00.
Þingmennirnir Logi Einarsson, Helga Vala Helgadóttir, Þórunn Sveinbjarnardóttir og Jóhann Páll Jóhannsson, og Hilda Jana Gísladóttir bæjarfulltrúi og varaþingmaður verða á staðnum og ætla að ræða um stöðuna í stjórnmálunum og þau málefni sem brenna hvað helst íbúum Akureyrar.

Hefurðu brennandi áhuga á bæjarmálum, umhverfinu, fjármálum og sjálfbæru velferðar samfélagi á Seltjarnarnesi? 

Samfylkingin og óháðir vilja efla samstarf um skipun framboðslista fyrir sveitarstjórnarkosningarnar í maí. Við hvetjum áhugasama til að gefa kost á sér á sameiginlegan framboðslista og tilnefna öflugt fólk til þess sama. 

Tilnefningar og framboð berist til 11. mars á netfangið:
uppstilling@xseltjarnarnes.is

Framboðsfrestur Samfylkingarinar og óháðra á Seltjarnarnesi

Á fundinum verður lögð fram tillaga til afgreiðslu að framboðslista Samfylkingarinnar í Hafnarfirði fyrir komandi sveitarstjórnarkosningar. Auk þess verður farið yfir næstu skref í komandi kosningabaráttu, sem má segja að sé nú þegar hafin. 
Félagar eru hvattir til að fjölmenna á fundinn. Athugið að fyrir þau sem ekki komast á staðinn verður fundinum streymt í gegnum Zoom fjarfundarbúnað og hlekk á fundinn má finna hér fyrir neðan.

https://us02web.zoom.us/j/88642468286?pwd=UE8zdWI0dG43RGp1MVV4YkU1YnRDdz09

Baráttukveðjur,
stjórn Samfylkingarfélagsins í Hafnarfirði.

Samfylkingarfélagið í Hafnarfirði boðar til félagsfundar mánudaginn 7. mars næstkomandi frá kl. 18:00. Fundurinn verður í Samfylkingarhúsinu í Hafnarfirði á Strandgötu 43.

Félagsfundur - tillaga til afgreiðslu að framboðslista í Hafnarfirði

Upplýsingaóreiða og falsfréttir eru alltaf hluti af stærri áætlun þeirra sem hag hafa af útbreiðslunni. Netárásir eru beinar árásir á nauðsynlega innviði samfélaga og geta bæði beinst að opinberum stofnunum og einkafyrirtækjum.

Netárásir, upplýsingaóreiða og falsfréttir virða engin landamæri. Það er því afar brýnt að þjóðir vinni saman og standi saman gegn þessum ógnum. Við höfum séð skýr dæmi um afleiðingar; kosningarnar um Brexit, forsetakosningar í Bandaríkjunum árið 2016 og framferði Rússa í aðdraganda innrásar í Úkraínu.

Opin og frjáls lýðræðissamfélög líkt og okkar á Norðurlöndum eru ekki sjálfgefin. En þau eru bestu samfélög í heimi þar sem ríkir meira traust á milli manna en í öðrum löndum. Ein helsta ógn nútímans við samfélög og við lýðræðið í heild eru netárásir og upplýsingaóreiða. 

Nú sem aldrei fyrr er nauðsynlegt að finna leiðir til að standa vörð um opin og frjáls samfélög og líta á lýðræðið líkt og aðra nauðsynlega innviði sem tryggja þarf órofa virkni. Grípa þarf til varnar fyrir lýðræðið því án virks lýðræðis er samfélagið allt í hættu.

En hvað er til ráða? Menntun skiptir máli. Við þurfum að styrkja almennan þekkingargrundvöll og mennta unga fólkið okkar. En við þurfum einnig að mennta allan almenning sem getur dreift falsfréttum án þess að vita hvað að baki þeim býr. Við þurfum að efla tæknikunnáttu og einnig grunngildi norrænna samfélaga.

Ábyrgir fjölmiðlar gegna lykilhlutverki við að greina og sjá í gegnum upplýsingaóreiðu og halda uppi lýðræðislegri umræðu meðal almennings. Blaðamenn njóta lagalegrar verndar til að geta gengt því hlutverki sem best. Árásir á blaðamenn sem sinna því mikilvæga starfi eru í raun árásir á lýðræðið og á frjáls opin samfélög.

Í valdatafli nýta aðilar sér upplýsingaóreiðu til að rugla fólk í rýminu, til að veikja andstæðinginn og gera honum erfiðara um vik að verjast. 

Breytingar hafa orðið á Verkalýðsmálaráði og óskum við því eftir framboðum til Verkalýðsmálaráðs. Ef þú hefur áhuga á að taka þátt í Verkalýðsmálaráði biðjum við þig að senda okkur framboð þitt í gegnum eyðublaðið hér fyrir neðan. Kosið verður um fimm sæti á vorfundi flokksstjórnar laugardaginn 12. mars, framboðsfrestur rennur út kl. 12:00 þann 12. mars. 

Upplýsingar um vorfund flokksstjórnar hér. 

12.13 Stjórn verkalýðsmálaráðs skal boða fundi ráðsins, undirbúa og ákveða dagskrá þeirra. Meginverkefni stjórnar verkalýðsmálaráðs er að standa að og styðja við virkt samráð forystu Samfylkingarinnar við jafnaðarfólk í forystu verkalýðshreyfingarinnar

12.14 Formaður stjórnar verkalýðsmálaráðs er tengiliður forystu flokksins við forystufólk í launþegahreyfingunni. Í samráði við framkvæmdastjóra og formann Samfylkingarinnar skipuleggur hann og boðar reglubundna samráðsfundi með fulltrúum stéttarfélaga. Stjórn verkalýðsmálaráðs má kalla saman sérstaklega, með skömmum fyrirvara, framkvæmdastjórn og/eða þingflokki til ráðuneytis.

12.15 Formaður eða varaformaður verkalýðsmálaráðs er einnig tengiliður ráðsins við framkvæmdastjórn Samfylkingarinnar og hefur seturétt á fundum framkvæmdastjórnar með málfrelsi og tillögurétti. Í tengslum við flokkstjórnarfundi heldur stjórn verkalýðsmálaráðs opnar málstofur eftir þörfum. 

Kosið verður um fimm sæti á vorfundi flokksstjórnar laugardaginn 12. mars, framboðsfrestur rennur út kl. 12:00 þann 12. mars. 

Óskað eftir framboðum í Verkalýðsmálaráð 

Anna Sigríður Guðnadóttir núverandi oddviti leiðir listann, annað sætið skipar  Ólafur Ingi Óskarsson varabæjarfulltrúi. Í þriðja sæti er Ómar Ingþórsson landslagsarkitekt og fjórða sæti skipar svo Elín Árnadóttir lögmaður

 „Ég er þakklát fyrir það traust sem mér er sýnt með því að fá að leiða þennan öfluga hóp jafnaðarfólks og ég hlakka til kosningabaráttunnar sem framundan er. Við Samfylkingarfólk erum svo heppin að við höfum trausta, þrautreynda pólitíska stefnu, jafnaðarstefnuna, til að byggja á og vísa okkur veginn varðandi áherslumál okkar í aðdraganda kosninga. Við göngum glaðbeitt til þeirrar vinnu nú.“ – Anna Sigríður Guðnadóttir

Framboðslisti Samfylkingarinnar í Mosfellsbæ

1.     Anna Sigríður Guðnadóttir bæjarfulltrúi, stjórnsýslufræðingur og upplýsingafræðingur

2.     Ólafur Ingi Óskarsson, kerfisfræðingur

3.     Ómar Ingþórsson, landslagsarkitekt

4.     Elín Árnadóttir, lögmaður

5.     Jakob Smári Magnússon, tónlistamaður og áfengis- og vímuefnaráðgjafi

6.     Sunna Björt Arnardóttir, sérfræðingur í mannauðsmálum

7.     Daníel Óli Ólafsson, læknanemi

8.     Margrét Gróa Björnsdóttir, stuðningsfulltrúi í grunnskóla

9.     Elín Eiríksdóttir, framhaldsskólakennari

10.  Ragnar Gunnar Þórhallsson, Hefur setið í stjórnum ÖBÍ, NPA miðstöðvarinnar og Sjálfsbjargar

11.  Kristrún Halla Gylfadóttir, umhverfis- og auðlindafræðingur

12.  Guðbjörn Sigvaldason, verslunarmaður

13.  Sólborg Alda Pétursdóttir, verkefnastjóri/ náms-og starfsráðgjafi

14.  Þóra Sigrún Kjartansdóttir, hágreiðslunemi

15.  Símon Guðni Sveinbjörnsson, bifreiðasmiður

16.  Gerður Pálsdóttir, þroskaþjálfi

17.  Greipur Rafnsson, nemi í félagsráðgjöf

18.  Gunnhildur Edda Guðmundsdóttir, viðburðahönnuður og leiðbeinandi í grunnskóla

19.  Finnbogi Rútur Hálfdánarson, lyfjafræðingur

20.  Nína Rós Ísberg, framhaldsskólakennari

22.  Kristín Sæunnar Sigurðardóttir, eftirlaunakona

Framboðslisti Samfylkingarinnar í Mosfellsbæ fyrir sveitarstjórnarkosningarnar 14. maí 2022 var samþykktur einróma á fjölsóttum félagafundi Samfylkingarinnar í Mosfellsbæ 5. mars 2022.

Leit um „��“

2355 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Vertu í bandi:

Leit um „���������������������������“