Ekkert hefur breyst í raun. Ríkisstjórnin skröltir áfram samkvæmt sömu fjármálaáætlun og var kynnt síðastliðið vor og árið þar á undan, að því er virðist óháð aðstæðum í samfélaginu. Þetta vekur furðu á tímum viðvarandi verðbólgu. Og úrræðaleysið kyndir undir óróa á vinnumarkaði sem er hætt við að leiði til hærri verðbólgu.

Tillögur Samfylkingarinnar eru enn í gildi

Samfylkingin vill leiða grundvallarbreytingar við stjórn efnahags- og velferðarmála á Íslandi. Til þess þarf hins vegar nýja ríkisstjórn. Því hefur Samfylkingin sett fram afmarkaðar tillögur til breytinga við fjárlög og fjármálaáætlun — til að sýna hvernig jafnvel sitjandi ríkisstjórn gæti stigið ákveðin skref til að vinna gegn verðbólgu og stuðla að ró á vinnumarkaði.

Í vor kynntum við verkefnalista fyrir þinglok: Vaxtabótaauka, tímabundna leigubremsu og ívilnun til uppbyggingar á hagkvæmu húsnæði. Allt fjármagnað að fullu — og meira en það — með því að loka skattaglufu sem kallast ehf.-gatið. Fjárlögin sýna að ríkisstjórnin mun ekki gera neitt í þessa veru.

Þessi verkefnalisti er enn í fullu gildi. Og sama má segja um kjarapakka Samfylkingarinnar, sem var kynntur við afgreiðslu fjárlaga í fyrra. Á meðan ríkisstjórnin hefur lagt allt aðhald á almenning höfum við í Samfylkingunni viljað taka á þenslunni þar sem hún er í raun og veru.

Aðeins ein tillaga kjarapakkans samþykkt

Eina tillaga kjarapakkans sem ríkisstjórnin féllst á var að hækka vaxtabætur til millitekjufólks með því að hækka eignaskerðingarmörk í vaxtabótakerfinu um 50% — þó að ríkisstjórnin hafi ekki viljað fjármagna þá aðgerð eins og réttast hefði verið.

Nú hefur komið í ljós að áhrif þess voru veruleg fyrir skuldsett heimili og einkum ungt fólk og skilaði að meðaltali 90 þúsund krónum til heimila sem hafa fengið vaxtabætur. Að auki var komið í veg fyrir að hátt í 5000 heimili fengju engar vaxtabætur.

Samfylkingin mun halda áfram að kalla eftir kjarapakka. En allar aðgerðir til að verja heimilisbókhald fólks þarf að fjármagna að fullu til að vinna gegn verðbólgu. Það hefur ríkisstjórnin ekki viljað gera.

Ríkisstjórnin kallar enn hærri vexti yfir heimilin

Þetta er einfalt: Þegar ríkið gerir minna til að vinna gegn verðbólgu þarf seðlabankinn að gera meira. Þannig hefur ríkisstjórnin kallað hærri vexti yfir heimilin — með því að velta allri ábyrgð í fang seðlabankans. Og þar virðist ekki verða nein breyting á með nýjum fjárlögum.

Þetta er í takti við nýleg ummæli fjármálaráðherra um að það sé „ekki hlut­verk rík­is­stjórn­ar­inn­ar að vinna bug á verðbólg­unni“. Slíkur flótti undan ábyrgð á stjórn efnahagsmála er ekki til þess fallinn að vekja traust eða slá á verðbólguvæntingar hjá aðilum vinnumarkaðarins.

Aðhaldsstig ríkisfjármála er því sem næst óbreytt frá fjármálaáætlun síðasta vors. En nú er búið að útfæra hluta þess sem áður var óútfærður — og þá kemur á daginn að þar er aðeins um að ræða minni háttar hagræðingaraðgerðir í efsta lagi stjórnsýslu, frestaðar fjárfestingar og aðhaldskröfu sem er flöt og óútfærð á flestum stöðum. Alvöru pólitísk ákvörðunartaka er enn takmörkuð. Sjálfstýringin heldur áfram.

Færri íbúðir verða byggðar — ekki fleiri

Við kynningu fjárlaga vitnar ríkisstjórnin enn einu sinni til þess að nú standi til að byggja fleiri íbúðir; ríkissjóður muni veita stofnframlög til uppbyggingar á 1000 íbúðum á næsta ári. Vandinn er að þetta eru iðulega sömu íbúðirnar sem verið er að telja.

Langt er síðan kynnt var áætlun um uppbyggingu á 4000 íbúðum á ári og að þriðjungur ætti að vera á félagslegum forsendum. Það hefði þýtt 1300 íbúðir með stuðningi hins opinbera. En raunin er sú að uppbygging íbúða hefur verið víðs fjarri þessu markmiði hingað til. Auðvitað má vona það besta — en ríkisstjórnin er ekki að boða átak í uppbyggingu, heldur aðeins að klóra í bakkann með fyrri plön.

Hlutfall barnabóta ekki lægra á öldinni

Annað sem ríkisstjórnin hreykir sér af er að barnabótakerfið hafi verið stórlega eflt. Staðreyndin er hins vegar sú að efling þess hefur verið stórlega ýkt, því að fjárhæðirnar hafa fuðrað upp í verðbólgu.

Útgreiddar barnabætur á næsta ári verða í raun sögulega lágar. Í hlutfalli við landsframleiðslu hafa barnabætur ekki verið lægri á þessari öld. Framlagið sem stjórnarliðar stæra sig af heldur ekki í við verðbólguna sem ríkisstjórnin treystir sér ekki til að taka á.

Hjúkrunarrými og heimahjúkrun í ólestri

Fjármálaráðherra heldur því til streitu að erfitt sé að koma út fjármagni til að byggja hjúkrunarrými. Í fyrsta lagi má spyrja hver ber ábyrgð á því — en í öðru lagi vaknar sú spurning hvers vegna fjármagni er þá ekki í auknum mæli beint til heimahjúkrunar? Hvergi má sjá aukna áherslu á heimahjúkrun, þó að slíkt hafi verið boðað svo árum skiptir af stjórnvöldum, án efnda.

Fjármagn til heimahjúkrunar hefur staðið óhreyft í tæp 15 ár sem hlutfall af landsframleiðslu. Og það þrátt fyrir öldrun þjóðarinnar og þrátt fyrir að heimahjúkrun eigi að vera grunnstoð í umönnun eldra fólks og draga úr þörf fyrir uppbyggingu á hjúkrunarrýmum.

Fjárfesting í heimahjúkrun gæti dregið verulega úr kostnaði og álagi í heilbrigðiskerfinu. Því er erfitt að sjá hvað réttlætir þetta andvaraleysi í málaflokknum, hjá ríkisstjórn segist vilja spara í ríkisrekstri.

„Ekki segja mér hvað skiptir þig máli,“ segir Joe Biden Bandaríkjaforseti. „Sýndu mér fjárlögin þín og ég skal segja þér hvað skiptir þig máli.“ Ég hef áður vitnað í þessi orð og þau eiga svo sannarlega vel við í dag. Ríkisstjórnin hefur jafnan uppi stór orð um eigið ágæti. Og blásið er til blaðamannafunda af minnsta tilefni til að hafa áhrif á umræðuna. Það dugar hins vegar skammt. Fjárlögin afhjúpa þau.

Fólkið í landinu veit alveg hvað er í gangi. Við í Samfylkingunni munum áfram halda uppi einbeittum málflutningi á Alþingi. Við munum leggja fram afmarkaðar breytingatillögur til að hafa áhrif á stefnu ríkisstjórnarinnar. Og um leið vinnum við hörðum höndum að undirbúningi grundvallarbreytinga sem við viljum sjá á næsta kjörtímabili.

Ríkisstjórnin hefur ítrekað lofað bót og betrun. Þannig hafa þau svarað gagnrýni Samfylkingarinnar á stjórn efnahags- og velferðarmála í landinu. En fjárlögin afhjúpa þau.

Helga Vala Helgadóttir hefur tilkynnt að hún muni láta af þingstörfum á mánudaginn eftir farsælan feril á Alþingi og ötula baráttu fyrir betra samfélagi. Helga hefur leitt framboðslista Samfylkingarinnar í Reykjavíkurkjördæmi norður síðan 2017.

Á Alþingi sat Helga í stjórnskipunar- og eftirlitsnefnd, umhverfis- og samgöngunefnd, allsherjar- og menntamálanefnd og sem formaður velferðarnefndar. Helga var formaður velferðarnefndar þegar heimsfaraldur geisaði. Jafnframt var Helga þingflokksformaður Samfylkingarinnar fyrr á þessu kjörtímabili.

Helga hefur verið öflugur talsmaður jafnaðarstefnu og staðið í stafni í baráttunni fyrir ýmsum hugsjónamálum jafnaðarfólks.

Samfylkingin þakkar Helgu fyrir gott og óeigingjarnt starf á Alþingi síðustu ár og óskar henni velfarnaðar á nýjum vettvangi. Við kveðjum ekki bara kröftugan félaga af þingi heldur einnig trausta og skemmtilega vinkonu.

Helga Vala Helgadóttir lætur af þingmennsku 

679 milljón króna viðbótarstuðningur rennur til skuldsettra heimila með lág- og millitekjur árið 2023 vegna breytingatillögu Samfylkingarinnar um eignaskerðingarmörk vaxtabóta sem samþykkt var á Alþingi þann 15. desember 2022. Alls hefðu 4.426 heimili dottið út úr vaxtabótakerfinu ef breytingatillagan hefði ekki náð fram að ganga.

Þetta kemur fram í svari fjármála- og efnahagsráðherra við fyrirspurn Jóhanns Páls Jóhannssonar þingmanns sem var fyrsti flutningsmaður breytingatillögunnar. „Ég fagna þessu skrefi mjög eindregið, þeirri samstöðu sem hefur náðst í þessum sal um tillögu okkar,“ sagði Jóhann Páll þegar tillagan var samþykkt við afgreiðslu frumvarps um breytingu á ýmsum lögum vegna fjárlaga.
Með breytingunni hækkuðu eignaskerðingarmörk vaxtabóta um 50%. Fyrir vikið fengu alls 4.426 heimili vaxtabætur á yfirstandandi ári sem ellegar hefðu ekki notið neinna vaxtabóta. „Þungi vaxtabóta rann til þeirra sem eru í miðri tekjudreifingunni. Tíundir þrjú til sjö fengu 76,5% af ábatanum sem varð við hækkun eignarskerðingarmarkanna,“ segir í svari ráðherra um dreifingu þessa aukna stuðnings niður á tekjuhópa.

Þá kemur fram að stuðningurinn skilaði sér mest til yngra fólks. „Aldurshópurinn 26 til 35 ára fékk 49,5% af auknum stuðningi. Alls fengu fyrstu þrír aldurshóparnir 79,1% af auknum stuðningi,“ segir í svari ráðherra. Meðalábati þeirra sem fengu vaxtabætur vegna breytingarinnar var um 90 þúsund krónur.

Fjármála- og efnahagsráðuneytinu var falið að kostnaðarmeta tillöguna að beiðni fulltrúa Samfylkingarinnar í efnahags- og viðskiptanefnd vorið 2022 og kallaði verkalýðshreyfingin síðar eftir því í viðræðum við stjórnvöld vegna kjarasamninga að henni yrði hrint í framkvæmd. Um er að ræða eina af þeim tillögum sem kynnt var í Kjarapakka Samfylkingarinnar síðasta haust. Féllst að lokum stjórnarmeirihlutinn á að styðja tillöguna.


„Þó að það sé almennt freistandi að fella tillögur stjórnarandstöðunnar svona prinsippsins vegna, þá verðum við að halda aftur af okkur vegna þess að með því værum við að skjóta okkur í fótinn þar sem tillagan gæti ekki komið aftur til afgreiðslu á þinginu,“ sagði Bjarni Benediktsson fjármála- og efnahagsráðherra þegar greidd voru atkvæði um tillöguna. „Það er nú bara vonandi hægt að skapa góða stemningu hér í þingsal með því að styðja þessa tillögu stjórnarandstöðunnar.“

90 þúsund á heimili: Ungt fólk naut góðs af breytingunni

Samfylkingin tekur þátt í Fundi fólksins og efnir til samtals um gang mála í flokknum og pólitíkinni. 

Kristrún Frostadóttir, formaður Samfylkingarinnar, býður upp á spurningar úr sal og opið samtal um stjórnmálin. Jóhann Páll Jóhannsson þingmaður stýrir fundinum og lætur hljóðnemann ganga.

Hvað er að gerast í Samfylkingunni? Þú færð svörin milliliðalaust á laugardaginn!

Sjáumst kl. 12:00 til 12:40 í viðburðatjaldi 1, nærri Norræna húsinu í Reykjavík

Fundur fólksins er viðburður að norrænni fyrirmynd þar sem fólk kemur saman og ræðir samfélagsmál. Samtalið er hluti af Fundi fólksins sem er viðburður að norrænni fyrirmynd þar sem fólk kemur saman og ræðir samfélagsmál. Fundur fólksins fer fram við Norræna húsið dagana 15. og 16. september.

Sænski sósíaldemókratinn Olof Palme lagði mikið upp úr þess háttar fundum sem enn eru haldnir í Svíþjóð í Almedals-vikunni. Síðan hefur hefðin dreifst víðar um Norðurlönd og Norður-Evrópu. 

Opið samtal við Kristrúnu Frostadóttur!

Hvað er að gerast í Samfylkingunni og pólitíkinni? 

Spjallkaffi Samfylkingarinnar í Reykjavík 60+ verður á sínum stað á  miðvikudaginn 20. september kl. 10:00 - 12:00 í sal Samfylkingarinnar við Hallveigarstíg 1, 101 Reykjavík.

Gestur okkar að þessu sinni verður Helga Brekkan, starfsmaður Úkraínuverkefnisins hjá Háskóla Íslands, segir okkur frá verkefninu og fjallar um Úkraínu frá ýmsum áttum. Verkefnið var sett á laggirnar í tengslum við innrás Rússlands í Úkraníu 2022.

Við hittumst og spjöllum kl. 10:00 og gestur okkar kemur að venju kl. 11:00 

Það verður heitt á könnunni og eitthvað með því. 
Verið öll velkomin! 

Landsþing Ungs jafnaðarfólks fer fram laugardaginn 23. september í höfuðstöðvum Samfylkingarinnar, Hallveigarstíg 1, 101 Reykjavík.

Öll sem skráð eru í UJ eru velkomin á landsþingið og við hvetjum sérstaklega þau sem hafa áhuga á starfi Ungs jafnaðarfólks til að skrá sig fyrir þingið. Skráning í UJ fer fram hér https://xs.is/takathatt

Skráning á landsþingið fer fram í þessum hlekk https://forms.gle/1dGkvCprL4CjunaN9

Skráningarfrestur rennur út þriðjudaginn 19. september kl. 23:59 og hvetjum við því öll til að skrá sig sem fyrst.

13:00-13:30: Afhending þinggagna
13:30: Setning landsþings.
13:45: Samþykkt fundarskapa.
13:50: Kosning starfsfólks landsþings (fundarstjóri og þingritarar)
14:00: Skýrsla stjórnar og umræður.
14:30:  „Jói í hitasætinu“  Jóhann Páll Jóhannsson þingmaður Samfylkingarinnar mætir í spjall um þingstörfin, nýju strategíuna í flokknum og þingmálin sín
15:00: Skýrsla gjaldkera, framlagning og umræður um reikninga.
15:30: Umræða og afgreiðsla ályktana.
16:00: Lagabreytingar.
16:15: Kosningar í embætti í eftirfarandi röð:
- Kosning forseta (til tveggja ára).
- Kosning framhaldsskólafulltrúa í miðstjórn og framkvæmdastjórn.
- Kosning eins meðstjórnanda í framkvæmdastjórn (til eins árs).
- Kosning þriggja meðstjórnenda í framkvæmdastjórn (til tveggja ára).
- Kosning tólf miðstjórnarfulltrúa og fjögurra til sex varamanna í miðstjórn (til eins árs).
- Kosning tveggja endurskoðenda reikninga (til eins árs).
17:15: Önnur mál.
17:30: Félagshyggjuverðlaun UJ 2023.
17:45: Þingslit og hátíðarræða.
18:00-19:00: Gleðistund að þingslitum loknum

Ályktanir og lagabreytingartillögur skulu sendar á forseti@uj.is fyrir kl. 23:59 mánudaginn 18. september 2023.

Kosið verður skv. lögum um forseta Ungs jafnaðarfólks, um þrjá meðstjórnendur í framkvæmdastjórn til tveggja ára, um einn meðstjórnanda í framkvæmdastjórn til eins árs, um einn fulltrúa framhaldsskólanema til eins árs og um 12 miðstjórnarfulltrúa til eins árs í senn. Auk þeirra verður kosið um 4-6 varafulltrúa í miðstjórn og tvo skoðunarfulltrúa reikninga.

Framboð skulu berast á kjorstjorn@uj.is og rennur framboðsfrestur út kl 13:00 á landsþingsdegi.

Við hvetjum öll áhugasöm til að bjóða sig fram 

Hjólastólaaðgengi er til staðar á Hallveigarstíg.

Samfylkingin í Árborg og nágrenni heldur opið hús á laugardaginn 23. september kl. 11:00 í Samfylkingarsalnum að Eyravegi 15 á Selfossi.

Minnum á að laugardaginn 30. september verður aðalfundur kjördæmisráðs Samfylkingarinnar í Suðurkjördæmi haldinn í Samfylkingarsalnum á Selfossi kl 11:00. Félagsfólk er hvatt til að taka þátt.

Aðalfundur Samfylkingarinnar í Reykjanesbæ verður haldinn laugardaginn 23. september kl. 10.30 í Samfósalnum, Víkurbraut 13 við Keflavíkurhöfn. 

Á dagskrá fundarins verða hefðbundin aðalfundarstörf.

Aðalfundur Samfylkingarinnar í Reykjanesbæ 

Þessi mikla og góða vinna hefur hvorki farið hátt né verið slegið upp í fyrirsögnum fjölmiðla en um er að ræða rúmlega 4 milljarða króna fjárfestingu í bættu starfsumhverfi, bættu faglegu skipulagi innan leikskólans og bættri starfsaðstöðu. Það er fyrir utan viðhald og endurbætur mannvirkja, nýjar Ævintýraborgir og launahækkanir sem komið hafa fram í kjarasamningum. Það er miður hvað umræðan hefur takmarkast við afleiðingar brýnna viðhaldsverkefna, viðhalds vegna rakavandamála og þeirri erfiðu og viðkvæmu stöðu að geta ekki brúað bilið milli fæðingarorlofs og leikskóla eins hratt og áætlanir gerðu ráð fyrir eins og skýr vilji stendur til.

Sjö ára uppbótartími í átt að betra starfsumhverfi

Árið 2016 varStarfshópur um nýliðun og bætt starfsumhverfi leikskólakennara í Reykjavík,skipaður, til rýna stöðuna og skilaði af sér umfangsmiklum tillögum í febrúar 2018 en í honum voru fulltrúar fagfólks úr skólasamfélaginu, Sambandi íslenskra sveitarfélaga, kjörnir fulltrúar og aðrir hagaðilar á leikskólastiginu. Til að reyna sporna við vanda mönnunar, og til að viðhalda endurnýjun í stéttinni, lögðust menn á eitt við að skoða hvar sóknarfærin lágu en markmiðið hópsins var að koma með tillögur um hvernig hægt væri að bæta starfsumhverfi leikskólakennara, auka stuðning við fagsétt þeirra, fjölga þeim og skoða leikskólakennaranámið. Áfram hélt vinnan og mikilvæg skýrsla umUmbætur og skipulag leikskólastarfs leit dagsins ljós árið 2021, markmið var að skoða leiðir til að tryggja fagmennsku í leikskólum, draga úr álagi á börn og starfsfólk og auka gæði leikskólastarfs með þarfir barna í huga. Á sama tíma hófst innleiðing á styttingu vinnuvikunnar og voru miklar vonir bundnar við bætta líðan starfsfólks, meiri stöðugleika í starfsmannahaldi og nýliðun samhliða þeim tillögum sem búið var að samþykkja.

Hvar eru þessir fjórir milljarðar króna niður komnir? Þeir sjást ekki í mannvirkjum, búnaði eða tækjum - heldur eru samofnir starfsumhverfinu, mannauðnum sem þar vinnur og bættri starfsaðstöðu. Stærstu breytingarnar voru að rými barna inni á leikskólanum var aukið, stöðugildum fyrir 4 ára og 5 ára börn var fjölgað, undirbúningstími deildarstjóra og leikskólakennara var aukinn. Þetta var gert til að koma til móts við kröfur um að efla faglegt innra starf leikskólans, draga úr álagi og tryggja svigrúm til undirbúnings. Fjármagni var veitt til heilsueflingar og eflingu liðsheildar. Heimild hefur verið veitt til að fella niður leikskólagjöld á milli jóla og nýárs, í dymbilviku og vetrarfríum, sem gerir stjórnendum kleift að gefa starfsmönnum frí og gera starfsumhverfið samhliða fjölskylduvænna. Úthlutun vegna veikinda afleysinga var breytt úr stöðugildum í fjármagn. Fjárheimildir voru veittar til þess að minnka vinnuskyldu eldri starfsmanna til halda í þekkingu en skapa meiri sveigjanleika. Móttaka nýliða var efld til að koma til móts við aukið ákall um stuðning við fagstéttina, til að auka stöðugleika í starfsmannahópnum og minnka starfsmannaveltu. Stuðningur var aukinn við nýja leikskólakennara, boðið var upp á handleiðslu fyrir leikskólakennara vegna erfiðra mála í starfi en með Betri borg fyrir börn var stoðþjónusta leikskóla færð nær leikskólanum en áður.

Víðtækt átak var gert til að kynna námið, starfsumhverfið og koma með fjölbreyttar námsleiðir í von um að auka umsóknir í námið.

Bæði voru gerð kynningarmyndbönd, störf á Skóla- og frístundasviði kynnt á Framadögum og innan nemenda Háskóla Íslands. Viðurkenningar eru veitt fyrir meistaraverkefni til að vekja athygli á störfum leikskólans. Þetta átak hefur borið árangur en aðsókn í nám í leikskólakennarafræði hefur aukist á síðustu árum. Nýjasta viðbótin er ný námsleið sem hófst í haust, fagháskólanám í leikskólafræði, fyrir fólk með umtalsverða reynslu af störfum í leikskóla en er án kennsluréttinda.

Hækkun launa, sveigjanleiki til starfsþróunar og stytting vinnuviku

Starfsfólki er veittur margvíslegur sveigjanleiki til starfsþróunar, leiðir til viðurkenningar í starfi og áfangar. Sértækar aðgerðir fyrir starfsmenn leikskóla sem ekki hafa lokið formlegu námi til að öðlast leikskólakennararéttindi voru settar í gang. Laun hafa hækkað fyrir alla starfshópa jafnt og þétt og sérstök áhersla á hækkun lægstu launanna. Í dag er grunnlaun leikskólakennara á pari við grunnlaun grunnskólakennara. Við innleiðingu á styttingu vinnuvikunnar voru bundnar miklar vonir við bætta líðan starfsfólks, meiri stöðugleika í starfsmannahaldi og nýliðun, samhliða þeim tillögum sem búið var að samþykkja. Niðurstöður úr könnun stofnunar ársins 2022 eru 66% svarenda mjög eða frekar ánægðir með styttinguna en einungis 19,7%% eru frekar eða mjög óánægðir.

Glíman við mannekluna viðvarandi verkefni

Mikilvægt er að hlúa að starfsfólkinu og þar sem mönnum er viðvarandi verkefni leikskólans var brýnt að skoða skipulag leikskóla og koma með tillögur til frekari umbóta á starfsumhverfi einmitt til að halda í gott starfsfólk, hlusta á fagfólkið á gólfinu og gera leikskólastarf af eftirsóknarverðum starfsvettvangi. Ein leiðin sem lögð var til á síðasta kjörtímabili var að stytta dvalartíma leikskólans en reynsla hafði komist á skertan opnunartíma vegna Covid. Umdeild ákvörðun og ekki yfir gagnrýni hafin. Niðurstöður úr spurningakönnun til stjórnenda leikskóla sýndi óyggjandi ávinnig bæði starfsfólks og stjórnenda af styttingu dvalartíma en starfsfólk var glaðara og ánægðara, minna um veikindi, vinnustaðurinn varð fjölskylduvænni, minna álag á starfsfólk og stjórnendur, auðveldara varð að skipuleggja starfsemina, fleiri hendur með börnin í upphafi dags og mönnun varð auðveldari. Ný afleysingastofa Reykjavíkurborgar hefur tekið til starfa einmitt til að stuðla að meiri fjölbreytileika í ráðningum og fara nýjar leiðir í mönnun á starfsstöðum borgarinnar eins og leiksskólans.

Samfylkingin stóð með starfsumhverfi og starfsfólki leikskólans

Undir forystu Samfylkingarinnar og samstarfsaðila í meirihlutanum var tekin pólitísk ákvörðun fyrst eftir hrun að forgangsraða málefnum leikskólans þannig að fyrst um sinn var staðið vörð um mikilvæga grunnþjónustu og störfin varin. Þegar betur áraði var tekin ákvörðun um að hlúa að starfsfólkinu, betrumbæta starfsumhverfið, gefa stjórnendum fleiri verkfæri til stjórnunar og starfseflingar, hlúa að endurmenntun og starfsþróun starfsmanna, auka rými barna í leikskólanum, greiða fleiri undirbúningstíma og auka stuðning við stjórnendur og starfsfólk. Laun allra starfshópa voru hækkuð og að lokum ráðist í Brúm bilið, sem fólst í að fjárfesta í nýjum leikskólum samhliða að ráðast í endurbætur og viðhald. Viðhaldsverkefni hafa orðið umfangsmeiri en til stóð í upphafi en 363 pláss eru í bið vegna viðhalds, áætlanir gera ráð fyrir að 265 af þeim losni á næsta ári. Vegna þessa hefur aðgerðaáætlun Brúum bilið seinkað og samhliða hafa orðið tafir á framkvæmdum við opnun nýrra leikskóla en það breytir samt ekki þeirri staðreynd að í fyrra opnuðu 6 nýir leikskólar með tæplega 600 ný pláss - sem er meiri fjölgun en nokkur dæmi eru um í 90 ára sögu leikskólastarfs í Reykjavík. Næsti áfangi Brúum bilið eru 800 pláss með nýjum leikskólum, stækkun starfandi leikskóla og fjölgun hjá sjálfstætt starfandi leikskólum.

Takk fyrir þolinmæði og seiglu í starfi

Það er kominn tími til að tala upp leikskólastarfið í Reykjavík, allt það frábæra starf sem unnið er víða um borgina okkar. Sú þrotlausa vinna sem unnin hefur verið af fagfólkinu okkar er í senn þakkarverð enda hefur Reykjavíkurborg lagt mikið upp úr að halda í gott starfsfólk og valdefla það sem fyrir er. Það er aðdáunarvert hvað leikskólastjórar og starfsfólk hafa náð að mæta þörfum barnanna í borginni á erfiðum tíma framkvæmda og viðhalds og vil ég þakka öllu starfsfólki leikskólanna í borginni og fólkinu okkar í stjórnkerfinu sem annast þennan málaflokk fyrir gríðarlegan dugnað, elju, sveigjanleika og fagmennsku í þungu árferði. Á sama tíma finn ég til með foreldrum sem bíða eftir plássi og tek innilega undir áhyggjur þeirra og vanmátt.

Við erum á réttri leið, þessi mikla vinna og fjárfesting í að bæta starfsumhverfi leikskólans með jafn markvissum hætti og reifað hefur verið hérna á sér fáa hliðstæðu. Með því að hlúa að starfsumhverfinu, starfsfólkinu og stjórnendum gerum við vinnustaðinn eftirsóknaverðan og ákjósanlegan starfsvettvang bæði fyrir nýja starfsmenn og þá sem unnið hafa í lengri tíma. Besta af öllu væri þó lenging fæðingarorlofsins en það yrði mikið heillaspor fyrir fjölskyldur í landinu og samfélagið allt.

Greinin birtist á visi.is 1. sept. 2023. 

Síðustu sjö árin hefur mikil og metnaðarfull umbótavinna verið unnin af hálfu Skóla- og frístundasviðs Reykjavíkurborgar sem og fagaðila innan skólasamfélagsins í borginni með dyggum pólitískum stuðningi meirihlutans í Reykjavík. 

Reykja­víkur­borg hefur fjár­fest í starfs­um­hverfi leik­skóla fyrir 4 milljarða króna

Leit um „��“

2888 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „������������������������������������������������������������“

2888 niðurstöður fundust við leit að „������������������������������������������������������������“