Bæjarmálafundur Samfylkingarinnar í Kópavogi verður haldinn miðvikudaginn 4. október kl. 19:30 í húsnæði félagsins, Hlíðarsmára 9.   

19:30 Aðalfundur Húsfélags Samfylkinginar í Kópavogir

20:00 Bæjarmálafundur

Verið öll hjartanlega velkomin! 

Bæjarmála- og húsfélagsfundur í Kópavogi

Í fyrra var metár þegar 600 ný pláss voru tekin í notkun og á næsta ári stefnir í að leikskólaplássum fjölgi enn meira eins og síðar verður vikið að. Alls hafa verið opnuð yfir 900 ný leikskólapláss á undanförnum 5 árum sem er nokkuð umfram þau markmið sem sett voru fram í aðgerðaáætluninni Brúum bilið í lok árs 2018 en þar var stefnt að fjölgun um 700-750 á 4-6 árum. Þessi mikla fjölgun hefur þó ekki nýst eins vel til að lækka innritunaraldur eins og vonir stóðu til vegna óvenju mikils viðhalds í eldri leikskólum sem gera það að verkum að mörg hundruð leikskólapláss í gömlu leikskólunum hafa lokað á móti þeim nýju sem bæst hafa við. Staðan í fyrra var fordæmalaus hvað þetta varðaði og staðan í ár er enn vandasöm sem sést á því að enn eru allmörg pláss í leikskólum borgarinnar sem ekki nýtast til að innrita ný börn eins og til stóð vegna viðhaldsframkvæmda og endurbóta.

Góðu fréttirnar eru hins vegar þær að það er verið að taka hraustlega til hendinni í að bæta aðstöðumál leikskóla í borginni, bæði með nýju leikskólahúsnæði og átaki í viðhaldsmálum sem bætir til muna starfsaðstæður starfsfólks og auðvitað leikskólabarna. Og eftir því sem fleiri leikskólar eru teknir í gegn mun eðli málsins samkvæmt viðhaldsþörfin minnka í gömlu leikskólunum heilt á litið og 300-400 pláss nýtast til að taka á móti nýjum börnum umfram þau sem þegar eru komin í notkun. Eins og fram hefur komið í umræðunni þá eru um 363 pláss í leikskólum borgarinnar sem ekki nýtast í dag vegna viðhaldsframkvæmda en sem betur fer er reiknað með að mikill meirihluti þeirra eða 265 talsins nýtist aftur strax á næsta ári fyrir inntöku nýrra barna.

Það er líka jákvætt að betur horfir með mönnunarmálin bæði til skemmri tíma en sérstaklega til lengri tíma litið því aðsókn í leikskólakennaranámið er að aukast jafnt og þétt og sérstaklega frá árinu 2018 þegar við fórum í átak til að bæta vinnuumhverfi starfsfólks leikskólanna með milljarða fjárfestingu en frá þeim tíma hefur nemendafjöldinn þrefaldast og nálgast nú nemendatölur frá því fyrir 2008 þegar kennaranámið var lengt í 5 ár. Þessi þróun skiptir miklu máli því aðsókn í leikskólakennaranámið minnkaði um 75% eftir lengingu námsins og náði sér ekki á strik fyrr en 10 árum síðar með alvarlegum afleiðingum fyrir mönnun leikskóla um land allt.

Núna er framkvæmdum lokið við nýjan leikskóla við Hallgerðargötu við Kirkjusand þar sem nýr ungbarnaleikskóli mun opna á allra næstu vikum en starfsfólk og stjórnendur eru byrjuð að koma sér fyrir í glænýju húsnæði með skemmtilegu útisvæði. Þar verður hægt að taka á móti 60 börnum og mun þessi viðbót koma í góðar þarfir í Laugardal og nágrenni þar sem fjöldi umsókna hefur verið með mesta móti í borginni. Næstur á dagskránni verður svo nýr leikskóli í Ævintýraborgarhúsnæði á lóð Vörðuskóla við Barónsstíg en hann er hugsaður til að mæta brýnni þörf miðsvæðis í borginni. Sá leikskóli mun rúma 90 börn og er stefnt að því að hann opni á fyrri hluta næsta árs. Auglýsingaferli er að ljúka á næstu vikum fyrir nýjar deiliskipulagsbreytingar sem tengjast tveimur leikskólum sem eiga svo að opna næsta haust, annars vegar í Fossvogi þar sem verður leikskóli fyrir allt að 150 börn og hins vegar um 100 barna leikskólahúsnæði við Laugardalsvöll sem mun nýtast fyrir ný börn en líka börnum á leikskólanum Laugasól þar sem miklar framkvæmdir eru fyrirhugaðar. Sambærilegt verkefni er í Vesturbænum tengt framkvæmdum við Vesturborg nærri Sundlaug Vesturbæjar þar sem stefnt er að því að setja Ævintýraborg til bráðabirgða fyrir um 100 börn sem geti tekið við börnum af Vesturborg en líka boðið nýjum börnum inngöngu. Sömuleiðis er undirbúningur í fullum gangi fyrir nýjan leikskóla í Seljahverfinu í Breiðholti. Stefnt er að því að sá leikskóli rúmi allt að 150 börn og opni á haustmánuðum næsta árs. Þá er verið að skipuleggja stækkun á tveimur starfandi leikskólum annars vegar Stakkaborg í Hlíðahverfinu og hins vegar Hulduheimum í Grafarvogi sem munu nýtast til að bjóða um 70 börnum til viðbótar í þessa tvo leikskóla. Í vetur eru svo að fara í gang spennandi hönnunarsamkeppnir fyrir nýja leikskóla í Vogabyggð, Fellahverfinu í Breiðholti og Skerjafirði svo nokkuð sé nefnt.Þessu til viðbótar stefnir í umtalsverða fjölgun meðal nokkurra sjálfstætt starfandi leikskóla og lítur út fyrir að hún muni nema tæplega 200 plássum á allra næstu misserum. Allt í allt stefnir því í að við munum fá tæplega í kringum 800 ný pláss inn í leikskóla í borginni fram til ársloka 2024 miðað við áætlanir okkar í dag borið saman við 600 ný pláss í fyrra. Sú uppbygging er auðvitað forsenda þess að hægt verði að bjóða börnum í leikskólana frá 12 mánaða aldri en fjöldi þeirra í dag er á sjöunda hundrað eins og fram hefur komið í umræðunni en sú tala tekur daglegum breytingum eins og við þekkjum.

Það er því heilmikil uppbygging framundan í leikskólamálum í borginni. Uppbygging leikskólanna í borginni er forgangsmál sem við munum áfram sinna af fullum krafti og metnaði með það í huga að geta á allra næstu misserum boðið börnum í leikskólana að loknu 12 mánaða fæðingarorlofi.

Greinin birtist á visi.is 19.sept. 2023. 

Mikil uppbygging stendur yfir í leikskólamálum borgarinnar sem mun skila sér í nær helmings fjölgun leikskólaplássa yfir 10 ára tímabil. 

Mikil upp­bygging leik­skóla í Reykja­vík

Spjallkaffi Samfylkingarinnar í Reykjavík 60+ verður á sínum stað miðvikudaginn 27. september kl. 10:00 - 12:00 í sal Samfylkingarinnar við Hallveigarstíg 1, 101 Reykjavík.

Heiða Björg Hilmisdóttir, borgarfulltrúi og formaður Sambands íslenskra sveitarfélaga verður gestur okkar að þessu sinni og ætlar að ræða borgarmálin og segja okkur frá nýliðinni fjármálaráðstefnu sveitarfélaga.

Það verður heitt á könnunni og eitthvað með því. 
Verið öll velkomin! 

Bæjarmálafundur Samfylkingarinnar í Kópavogi verður haldinn miðvikudaginn 20. september kl. 20:00 í húsnæði félagsins, Hlíðarsmára 9.   

Verið öll hjartanlega velkomin! 

Aðalfundur Suðvesturkjördæmis verður haldinn fimmtudaginn 19. október 2023 í húsnæði Samfylkingarinnarí Hafnarfirði. Fundurinn hefst kl. 20:00

 1. Skýrsla stjórnar
2. Skýrsla gjaldkera og ársreikningur fyrir næstliðið starfstímabil
3. Lagabreytingar, ef einhverjar eru
4. Skýrsla þingmanns kjördæmisins, Þórunn Sveinbjarnardóttir
5. Yfirlit um starfsemi aðildarfélaga
6. Kjör stjórnarmanna og varamanna þeirra
7. Kjör valnefndar og skoðunarmanna reikninga
8. Önnur mál

Aðalfundur kýs ráðinu 5 manna stjórn og jafn marga til vara. Formaður og gjaldkeri skulu kjörnir sérstaklega en að öðru leyti skiptir stjórnin með sér verkum.

Félagsmenn sem vilja gefa kost á sér til trúnaðarstarfa kjördæmisins eða senda inn lagabreytingatillgöur er bent á að senda póst á skrifstofuna á netfangið sigrun@samfylking.is. 

Hér má nálgast lög kjördæmisráðsins. 

Bestu kveðjur, stjórn kjördæmisráðsins

Vinna við uppfærslu hans er í gangi. Skilaboð síðustu daga eru að endurskoða þurfi samninginn. Ekki er til nægt fjármagn til að gera allt fyrir alla strax. Það þarf að forgangsraða verkefnum og fjármunum. Hvernig er hægt að uppfylla markmið sáttmálans um að þjóna öllum ferðamátum en á sama tíma forgangsraða takmörkuðum fjármunum. Í þágu hverra á að forgangsraða?

Breiðholt er fjölmennasta hverfi borgarinnar með stærstu stoppistöðina

Breiðholt er fjölmennasta hverfi borgarinnar með stærstu stoppistöð Strætó í Mjódd, stöð sem er stærri en Hlemmur, stærri en Hamraborg, Lækjartorg og Fjörður. Mjóddin er fjölförnust, mest notuð. Frá áramótum hafa tæplega 39 þúsund inn- og útstig á virkum dögum vikulega komið í gegnum Mjóddina. Þannig er það ekki bara loftslags- og lýðheilsumál að draga úr umferð úr fjölmennasta hverfi borgarinnar heldur þarf líka horfa til hvar fjölförnustu staðirnir eru, hvar býr flesta fólkið sem nú þegar nýtir sér almenningssamgöngur. Hvar er hægt að draga úr umferð til að skapa pláss fyrir aðra bíla. Þannig er brýnt að horfa á heildarmyndina til að uppfylla markmið sáttmálans, þjóna öllum ferðamátum.

Íbúaráð Breiðholts minnir á viljayfirlýsingu Reykjavíkurborgar og Betri samgangna

Á fundi íbúaráðs Breiðholts í maí 2021 kom fram skýr vilji ráðsins að hvetja til að forgangsröðun Borgarlínu yrði endurskoðuð og að Breiðholtið yrði fært framar á forgangslista uppbyggingarinar. Ári seinna var undirrituð viljayfirlýsing Reykjavíkurborgar og Betri samgangna í apríl 2022, er byggir á samgöngusáttmála höfuðborgarsvæðisins sem sveitarfélögin á höfuðborgarsvæðinu og ríkið undirrituðu í september árið 2019, um vilja aðilanna til að flýta Borgalínuleið frá Vogabyggð upp í Breiðholt. Þann 30. ágúst sl. birtist vilji ráðsins á fundi sem brýndi hversu mikilvægt það væri að flýta uppbyggingu og forhönnun Borgarlínu upp í Mjódd sér í lagi þar sem vinna við nýtt deiliskipulag er í gangi, sviðsmyndagreining Vegagerðar og Betri samgangna er í vinnslu með svæði Borgarlínu milli Vogabyggðar og Mjóddar í gegnum Reykjanesbraut. Einstakt tækifæri er því núna að hlusta á íbúaráðið, virða viljayfirlýsinguna frá apríl 2022, forgangsraða fjármagni þar sem fjölmennasta stoppustoð höfuðborgarsvæðins er og nýta þau tækifæri sem felast í nýrri uppbyggingu sem fyrirhuguð er í Mjódd.

Borgarlínu forgangsraðað beint upp í Breiðholt

Við sem búum í Austurborginni teljum að brýnir almanna- og umhverfislegir hagsmunir liggi í því tækifæri, að setja í uppfærslu sáttmálanns breytta forgansröðun borgarlínunnar og flýta uppbyggingu upp í Breiðholt þannig að það þjóni þeim 23 þúsund íbúum sem búa í hverfinu. Fjárfestingartækifæri framtíðar býr í Mjódd. Svæði sem dregur að sér þéttari byggð og skapar ný tækifæri fyrir fjárfestingu samhliða uppbyggingu Borgarlínu. Nýjar íbúðir kalla á fleiri íbúa - fjölbreytt fólk, fleiri fjölskyldur - tækifæri til að móta hágæða borgarumhverfi í grónu hverfi. Hópa sem nýta innviði sem fyrir eru innan hverfanna en á sama tíma skapa grundvöll fyrir frekari þjónustu í blandaðri byggð. Íbúar halda uppi þjónustu, atvinnulíf dafnar og dregur að sér ennþá meiri fjárfestingu. Þetta helst í hendur, íbúar, þjónusta og vistvænir fjölbreyttir ferðamátar.

Besta leiðin til að draga úr umferð er að forgangsraða í þágu í almenningssamganga - Borgarlínu, strætó og annara vistvænni ferðamáta. Ferja fólkið þar sem flest fólk býr, þar sem fjölmennustu stoppistöðvar strætó eru og taka frá akreinar sem eingöngu eru ætlaðar undir almenningssamgöngur og fjölbreytta ferðamáta. Til þess þarf pólitískt hugrekki, hugrekki til að standa með almenningssamgöngum, forgangsraða fjármunum í þágu grænni lausna, fyrir fólk, fyrir umhverfið, fyrir heilsuna. Fjöldi ökutækja mun halda áfram að aukast í takt við aukna fólksfjölgun og því þarf hugrekki til að velja rétt. Forgangsraða rétt. Geymum stofnvegaframkvæmdir sem eingöngu þjóna einkabílnum, eru umferðar hvetjandi og hafa slæm áhrif á loftgæði. Framkvæmdir sem ekkert hafa með góðar og sterkar almenningssamgöngur að gera. Þar er lausnin. Græna leiðin er besta leiðin.

Greinin birtist á visi.is 10. september 2023. 

Samgöngusáttmálinn er tímamótasamningur um skýra framtíðarsýn í fjölbreyttum samgöngumátum fyrir höfuðborgarsvæðið. 

Í þágu hverra á að for­gangs­raða innan Sam­göngu­sátt­málans?

Spjallkaffi Samfylkingarinnar í Reykjavík 60+ verður á sínum stað miðvikudaginn 13. september kl. 10:00 - 12:00 í sal Samfylkingarinnar við Hallveigarstíg 1, 101 Reykjavík.

Oddný Harðardóttir verður gestur okkar að þessu sinni.  

Það verður heitt á könnunni og eitthvað með því. 
Verið öll velkomin! 

Vaxandi borg - fleiri bílar - meiri umferð

Íslenskt samfélag hefur tekið miklum breytingum á skömmum tíma. Í upphafi var Reykjavík bær við sundin sem þróaðist í þorp og endaði sem borg. Fólk sækir í þéttbýli og þjónustu, vill búa í borgum og eltir atvinnutækifæri. Samhliða fólksfjölgun og aukinni velmegun hefur bílum fjölgað og úr tölum Vegagerðarinnar má lesa að rúmlega 7% aukning hefur orðið á höfuðborgarsvæðinu á milli ára í júlímánuði. Loftmengun hefur farið yfir heilsuverndarmörk of oft á liðnu ári og við munum væntanlega finna fyrir aukinni umferð næstu vikur þegar skólar og vinnustaðir fara af stað eftir sumarfrí.

Síðustu fimm árin hefur íbúum á höfuðborgarsvæðinu fjölgað um tæplega 28 þúsund, þar af Reykvíkingum um tæplega 16 þúsund. Þegar sveitafélögin á Reykjanesi eru tekin með þá er heildarfjöldi íbúa um 255 þúsund; fjölgun íbúa á svæðinu um 12%. Á vef Samgöngustofu kemur fram að heildarfjöldi ökutækja í Reykjavík er 125.798. Þegar höfuðborgarsvæðið og sveitarfélögin á Reykjanesi eru tekin saman er heildarfjöldi ökutækja 261 þúsund. Fleiri bílar en fólk.

Áætlanir gera ráð fyrir svipaðri fjölgun íbúa næstu fjögur árin en með hverjum 4.000 nýjum íbúum fylgja um 3.000 bílar. Þetta þýðir að á einu kjörtímabili bætast við 12.000 bílar á götur höfuðborgarsvæðisins.

Í loftinu sem við öndum að okkur er að finna efni, litlar síbreytilegar agnir, geta verið á föstu form eða vökva. Þessar agnir falla aftur niður úr andrúmsloftinu nálægt uppruna mengunarinnar og þær agnir þekkjum við undir heitinu svifryk. Svifryk má flokka í gróft og fínt, þar sem gróft svifryk miðast við 2,5-10 míkrómetra en fínt undir 2,5 míkrómetra. Til viðmiðunar er eitt korn af fínum fjörusandi 90 míkrómetrar, þannig að þessar agnir eru einmitt agnarsmáar. Svifrykið sem er undir 10 míkrómetrum kemst inn í öndunarfæri manna, læðist niður berkjur og þær allra smæstu setjast að í lungnablöðrunum og frásogast út í blóðrásina. Þannig er svifrykið ekki bara heilsuspillandi fyrir lungu, hjarta og æðar heldur ferðast agnirnar í gegnum blóðrásina, út um allan líkamann. Rannsóknir sýna að útsetning fyrir svifryki getur valdið bólgum í höfði, leitt til sjúkdóma eins og Alzheimer og elliglapa, efnin berast í gegnum fylgju til fósturs og geta haft áhrif á þroska barna og valdið öndunarfærasjúkdómum. Börn eru sérlega viðkvæm fyrir svifryki og eru útsettari en fullorðnir, en 2-4 sinnum meira magn agna finnast í öndunarfærum barna miðað við fullorðna. Okkur ber rík skylda til að vernda heilsu barna, svifryksmengun getur hamlað þroska þeirra og haft ýmsar heilsufarslegar afleiðingar í för með sér.

Í rannsókn Þrastar Þorsteinssonar, prófessors í umhverfis og auðlindafræði sem var unnin fyrir Vegagerðina árið 2021, og nefnist Áhrif hraða á mengun vegna umferðar, koma fram sláandi niðurstöður um hversu víðtæk og afgerandi hlutdeild nagladekk er í svifryki. Þar kemur fram að bíll á nagladekkjum eys um 2 kg af svifryki á ári hverju miðað við meðalakstur á meðan bíll sem ekur án nagladekkja eys um 300 grömmum af svifryki. Í þessum niðurstöðum er búið að taka tillit til annara þátta í mengun bílsins eins og dekkjaslits og bremsuryks. Einn bíll sem ekur um á nagladekkjum á veturna mengar á við 6 bíla sem keyra um á annars konar vetrardekkjum.

Umhverfis- og skipulagssvið borgarinnar heldur utan um talningu nagladekkja og skv. þeim tölum er um 44% bíla síðustu árin á negldum dekkjum. Ef hlutfall nagladekkja er 44% á ári er reiknað upp með núverandi fjölda bíla í borginni í meðalakstri skila bílar Reykvíkinga um 136 tonnum af svifryki út í andrúmsloftið á ári hverju. Talan kann að virðast ótrúleg, einn stór vörubíll tekur 40 tonna hlass og því má sjá fyrir sér rúmlega þrjá stóra vörubíla hlaðna svifryki.

Ef við næðum hlutfalli bíla á nagladekkjum úr 44% í 20% myndi sami fjöldi bíla skila 84 tonnum af svifryki út í andrúmsloftið, eða 38% minna. Ef hlutfall nagladekkja næðist niður í 10% yrði samdrátturinn í svifryksmengun 54%.

Léleg loftgæði ein mesta ógn mannkyns?

Svifryk er ekkert smámál í borgarsamfélagi dagsins í dag, þessar smáu agnir sem í tonnum þyrlast út í andrúmsloftið í kringum íbúa okkar, börnin okkar. Slæm loftgæði hafa áhrif á heilsu fólks, sérstaklega viðkvæma hópa og Alþjóðaheilbrigðisstofnunin telur léleg loftgæði eina mestu ógn mannkyns.

Borgalína í forgang - stýra umferð með gjaldtöku - færri nagladekk

Það er til mikils að vinna að draga úr notkun nagladekkja, minnka umferð, lækka hraðann og stýra umferð með gjaldtöku. Á meðan ríkisstjórnin niðurgreiðir bílaleigubíla um milljarð króna, kaupir kolefnisaflátsbréf frá Slóvakíu fyrir 350 m.kr. og niðurgreiðir flugferðir með Loftbrúnni gat hún ekki stutt við strætó vegna tekjutaps í Covid, komið í gegn lögum sem draga úr nagladekkjanotkun eða aukin gjöld á umferð allra bíla, stórra sem smáa. Það er ekki sýnileg samstaða um neitt á ríkisstjórnar heimilinu sem getur dregið úr umferð til að bæta loftgæði á fjölmennasta stað landsins. Það er kominn tími á tiltekt, nema þau hafi hugrekki til að standa með almenningssamgöngum. Sýna í verki stuðning við endurnýjun vagnaflota Strætó, tryggja Borgarlínunni brautargengi umfram stofnvegaframkvæmdir, því þær auka umferð en draga ekki úr henni, setja uppbyggingu Borgalínu í algeran forgang og hvetja til fjölbreyttra ferðamáta í enn ríkari mæli en nú er gert. Til þess þarf pólitískt hugrekki, hugrekki til að standa með umhverfinu, íbúunum og rétta forgangsröðun fjármuna.

Við viljum ekki vera kynslóðin sem kæfir komandi kynslóðir í slæmum loftgæðum og taka þannig af þeim gæði sem okkar kynslóð og þær á undan ólust upp við; hreint land, hreint vatn, hreint loft.

Við viljum borg fyrir fólk en ekki bíla - fleira fólk - færri bíla - hreinna loft!

Við sem þjóð erum stolt af landinu okkar, stolt af landsins gæðum; vatninu sem við drekkum ferskt úr ám og lækjum, ósnortinni náttúru - sem er úfin og ófyrirséð og blessuðu loftinu sem við öndum að okkur.

136 tonn af svifryki svífa um borgina árlega

Öll við sem búum í Reykjavík og höfum notið útiveru í hlíðinni góðu vitum hversu spennandi hún getur verið fyrir þau yngstu á meðan hún þjónar okkur sem eldri eru fyrir útiveru og samneyti við náttúruna.

Því gæti verið gott að fá kynningu á því sem mögulega gæti breytt náttúrulegu útliti Öskjuhlíðar. Þess vegna höfum við í SffR fengið hann Birki Ingibjartsson arkitekt, varaborgarfulltrúa og varamann í umhverfis- og skipulagsráði til þess að fræða okkur um þær breytingar sem verið er að skoða og eins hvernig við gætum séð Skerjafjörðinn þróast.

Við ætlum því að hefja gönguna við anddyri Perlunnar kl. 11:00 laugardaginn 9. september. Förum þaðan upp á útsýnispallinn á 4. hæð og fáum kynningu á því sem þar má sjá. Þaðan munum við því næst ganga niður Öskjuhlíðina, í gegnum þá staði sem mögulegar breytingar kunna að verða og endum svo í kaffi og kleinum í Bragganum. 

Ferðalagi okkar um Öskjuhlíð og nágrenni ætti að vera lokið um kl. 13:00.

Hér er skemmtilegt tækifæri til að taka alla með, þau yngstu líka, til að kynna sér og læra meira um Öskjuhlíðina.

Við í SffR hefjum vetrarstarfið okkar á skemmtilegri haustgöngu um Öskjuhlíðina á laugardaginn kemur 9. september.

Vax­andi ójöfn­uð­ur á Ís­landi er stað­reynd. Póli­tískar ákvarð­anir ýta undir þá þróun. Það er hægt að snúa þessari þróun við ef pólitískur vilji leyfir. Ástæðurnar blasa við fólki sem skilur hvernig gott og öruggt samfélag virkar best fyrir flesta og sér á hvaða sviðum er brýnt að grípa til aðgerða. Þeirra aðgerða er ekki að vænta á vakt ríkisstjórnar Katrínar Jakobsdóttur enda gætir sú ríkisstjórn vel að sérhagsmunum fárra og vill ekki jafna leikinn.

Embætti landlæknis birti skýrslu í maí 2021 sem ber yfirskriftina Ójöfnuður í heilsu á Íslandi – Ástæður og árangursríkar aðgerðir til úrbóta. Þar segir m.a. að breytingum megi ná fram með stjórnvaldsaðgerðum sem eru utan heilbrigðiskerfisins. Skortur á fjárhagslegu öryggi og félagslegri vernd auk skorts á öruggu húsnæði og fullnægjandi búsetuskilyrðum hafi mest áhrif á heilsufarslegan ójöfnuð. Aðgerðir sem tryggja almenna menntun og fjárhagslegt öryggi ráði miklu. Aðgerðir innan heilbrigðiskerfisins einar og sér dugi ekki til að ná fram afgerandi breytingum á ójöfnuði í heilsu.

Að jafna stöðu barna ætti alltaf að vera forgangsmál. Framlög til menntunar allt frá leikskóla jafnar upphafið fyrir hvert barn og vinnur gegn því að ójöfnuður flytjist á milli kynslóða. 

„Ungt fólk, sem ekki er fastráðið, þeir sem þurfa að annast aðra, fólk af erlendum uppruna og aldraðir eru líklegri til þess að búa við lélega heilsu sökum fátæktar. Fátækt í bernsku getur haft skaðleg áhrif á heilsu allt lífið. Útgjöld til félagslegrar verndar sem auka fjárhagslegt öryggi viðkvæmra hópa vegna örorku, fötlunar, atvinnuleysis ofl. auka heilsufarslegan jöfnuð“ segir í skýrslunni. Þar segir enn fremur: „Bágborin búsetuskilyrði eru nátengd vanheilsu enda eru þeir sem eru húsnæðislausir, búa í lélegu eða óöruggu húsnæði eða húsnæði sem þeir hafa ekki efni á, líklegri til þess að vera við lélega heilsu“

Nýlegar upplýsingar frá forsætisráðuneytinu um fátækt á Íslandi sýna að tæplega 48 þúsund einstaklingar lifa hér á tekjum undir lágtekjumörkum. Um níu þúsund börn búa við fátækt. Heildarkostnaður samfélagsins vegna fátæktar er áætlaður 31 til 92 milljarðar króna.

Barnabætur og húsnæðisstuðningur eru mjög öflug jöfnunartæki. Beita þarf þeim tækjum strax af styrk til að vinna gegn ójöfnuði. Ekki síst nú um stundir þegar stýrivextir eru orðnir helmingi hærri hér á landi en í þeim ríkjum sem við viljum bera okkur saman við. Svo háir vextir bitna harkalega á ungum fjölskyldum sem nýlega hafa keypt sína fyrstu íbúð. Aukið framboð á húsnæði á viðráðanlegu verði þarf augljóslega að vera til staðar til að vinna á húsnæðisvanda til framtíðar. 

Síðast en ekki síst verður að beita skattkerfinu með skilvirkum hætti til að afla tekna en einnig til að vinna gegn ójöfnuði. Ávinningurinn fyrir samfélagið allt er fólginn í betri andlegri og líkamlegri heilsu almennings. Það er þess virði að jafna leikinn.

Greinin birtist á visi.is 24. ágúst 2032. 

Leit um „��“

2888 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „������������������������������������������������������������“

2888 niðurstöður fundust við leit að „������������������������������������������������������������“