Jafnréttisbaráttu hinsegin fólks hefur miðað vel áfram á Íslandi, en það er samt sem áður langt í land. Hér eru 13 áhersluatriði sem við ætlum að vinna að. 

13 aðgerðir sem bæta stöðu hinsegin fólks

Fræðsla er besta forvörnin gegn fordómum, útskúfun og ofbeldi. Samfylkingin telur það brýnt að halda áfram vinnu um aukna hinseginfræðslu í skólum og meðal fagfólks til þess að vinna gegn fordómum og staðalímyndum í samfélaginu. Það má til dæmis gera með þjónustusamningum við þar til bær hagsmunasamtök.

Hinsegin fræðsla

Samfylkingin telur að efla þurfi og styrkja hinsegin fræðslu meðal fagfólks, til að mynda innan heilbrigðis- og menntakerfis, til að tileinka sér verk- og orðalag sem gerir ekki ráð fyrir að öll börn eigi móður og föður, að allir makar séu gagnkynja og svo framvegis. Jafnframt þarf að tryggja að eyðublöð endurspegli fjölbreytt fjölskylduform og fjölbreytta kynvitund. Setja þarf í lög að rannsóknir, fjármagnaðar af stjórnvöldum, taki tillit til hinsegin veruleika.

Fjölbreytt samfélag

Stytta þarf biðlista fyrir trans fólk, bæði fyrir börn og fullorðin, svo þau þurfi ekki að bíða óhóflega lengi eftir viðeigandi heilbrigðisaðstoð.

Trans og heilbrigðiskerfið

Samfylkingin fagnar því að frumvarp um kynrænt sjálfræði er orðið að lögum og greiddu allir þingmenn flokksins atkvæði með frumvarpinu. Samfylkingin telur að banna þurfi skurðaðgerðir á börnum með ódæmigerð kyneinkenni sem eru of ung til að taka sjálf upplýsta ákvörðun um slíka aðgerð, nema vegna brýnna heilbrigðisástæðna. Samfélagsþrýstingur og/eða aðrar meintar félagslegar ástæður eiga og mega aldrei teljast til brýnna heilbrigðisástæðna.

Intersex

Heimila þarf sam-, tví- og pankynhneigðum körlum að gefa blóð. Kynhneigð á ekki að stýra því hvort einstaklingur megi gefa blóð, þó að vera kunni gildar læknisfræðilegar ástæður fyrir því að kynhegðun stýri því að einhverju leyti.

Blóðgjafir

Greiða þarf fyrir samningum við lönd sem heimila ættleiðingar til samkynja para.  Rutt verði úr vegi hindrunum fyrir frjósemisaðstoð hjá samkynja pörum og staða þeirra færð til samræmis við það sem gildir um gagnkynja pör, til að mynda að samkynja pör þurfi ekki að ganga í gegnum aukið skrifræði á við gagnkynja pör.

Ættleiðingar og frjósemisaðstoð

Rýmka þarf mannanafnalög svo að fólk geti ráðið því sjálft hvað það heitir, með sem minnstu takmörkunum. Umboð til að skera úr um hvort nafn geti orðið ósjálfráðu barni til ama á að færa frá mannanafnanefnd og til barnaverndaryfirvalda.

Mannanafnalög

Styðja þarf við starfsemi Samtakanna ‘78 þannig að þau geti haldið út fjölbreyttu starfi fyrir þann fjölbreytta hóp fólks sem heyrir undir regnbogaregnhlífina auk aðstandenda þeirra. Samfylkingin telur æskilegt að Samtökunum 78 verði tryggir fjármunir í fjárlögum og þjónustusamningar verði gerðir til lengri tíma til að stuðla að markvissri uppbyggingu á sértækri þjónustu. Þá þarf að styðja sérstaklega við að hinsegin börn hafi aðgengi að félagslegum vettvangi, s.s. Hinsegin félagsmiðstöð, og slíkt félagsstarf þarf að vera aðgengilegt á fleiri stöðum en í Reykjavík.

Fjármögnun félagsstarfs

Samfylkingin tekur afdráttarlausa afstöðu gegn hatursorðræðu, sérstaklega þegar hún sett er fram í þeim tilgangi að auka og efla skautun í þjóðfélaginu og ýta undir hatur og fordóma gegn ýmsum þjóðfélagshópum. Tjáningarfrelsinu fylgir ábyrgð.

Hatursorðræða

Samfylkingin vill tryggja rétt alls fólks til þess að lifa með reisn án ótta við ofbeldi.  Ein af áherslum okkar er stofnun Ofbeldisvarnarráðs Íslands sem vinni markvisst að forvörnum og fræðslu gegn ofbeldi, þar sem sérstaklega verði tekið utan um jaðarhópa á borð við hinsegin fólk. Tryggja þarf með lögum að samtalsmeðferðir sem ætlað er að breyta hinsegin fólki (e. Conversion therapy) verði ólöglegar hér á landi svo slíkt megi aldrei þrífast.

Aðgerðir gegn ofbeldi

Styðja þarf við hinsegin fólk sem mætir margþættri mismunun vegna þess að það hefur margþætta jaðarsetningu, m.a. hinsegin flóttafólk og fatlað hinsegin fólk. Taka þarf sérstaklega vel á móti hinsegin flóttafólki, enda mjög jaðarsettur hópur víða um heim, sem verður fyrir auknu ofbeldi og háska.

Margþætt mismunun

Ísland taki sér skýra stöðu fyrir mannréttindum hinsegin fólks, tali fyrir réttindum þess  í alþjóðastarfi og innan alþjóðastofnana. Fulltrúar Íslands rísi upp gegn hvers kyns ofbeldi og mismunun gegn hinsegin fólki og fylki öðrum með sér þegar kerfisbundið er sótt er að réttindum hinsegin fólks. Mannréttindabarátta hinsegin fólks verði haldið hátt á lofti í íslenskri utanríkisstefnu.

Skýr rödd á alþjóðavettvangi

Ísland á að vera leiðandi á heimsvísu í málefnum hinsegin fólks. Vinna þarf markvisst að því að komast í efsta sæti á Regnbogakorti ILGA-EUROPE.

Regnbogakort ILGA

Í yfirlýsingu fundarins voru eftirfarandi forgangsmál í brennidepli:

- Hættum að vanmeta virði svokallaðra kvennastarfa.

Konur bera uppi mennta-, velferðar- og heilbrigðiskerfið. Án vinnuframlags þeirra væri lítill hagvöxtur hér á landi, enda engin vinna möguleg án velferðar. Samfélag sem greiðir ofurlaun fyrir vinnu við áhættufjárfestingar en lág laun fyrir að sinna menntun barna og umönnun aldraðra, þarf að endurskoða verðmætamat sitt.

- Launamisrétti verði útrýmt og hvers kyn mismunun á vinnumarkaði.

Vinnumarkaður sem er jafn kynskiptur og sá íslenski þarf að grípa til róttækra aðgerða til að minnka muninn á milli ævitekna karla og kvenna. Hann er enn þá um það bil 20%. Lág laun framkallast í lágum eftirlaunum.

Útbreiddir fordómar gagnvart jaðarsettum konum – útlenskum, fötluðum, hinsegin og gömlum – minnka möguleika þeirra og starfsframa og veikja samfélagið.

- Karlar verða að axla ábyrgð á gangverki samfélagsins til jafns við konur.

Karlar, feður, bræður, og synir geta ekki verið stikkfrí þegar kemur að rekstri heimilisins, uppeldi barna og hinni títtnefndu þriðju vakt. Kannski ættu konur bara að leggja niður öll störf á þriðju vaktinni í eins og eitt ár. Svo að tíminn sem fer í ósýnilega skipulagið og umönnun og utanumhald verði mönnum sýnilegt. Það væri aldeilis hægt að létta byrðinni af konum.


- Konur og kvár verður að losa úr fjárhagslegum fjötrum ofbeldismanna.

Frelsi frá ofbeldi og fjárhagslegt frelsi er grundvöllur kvenfrelsis. Engin kona er frjáls borgari nema að hún sé fjárhagslega sjálfstæð og ekki upp á aðra komin. Bakslagið í jafnréttisbaráttunni er raunveruleg ógn við öryggi kvenna og barna. 

Í dag, 24. október 2024, standa 34 samtök femínista, kvenna, launafólks, fatlaðs fólks og hinsegin fólks fyrir viðburði í Bíó Paradís kl. 18:30, þar sem framkvæmdastjórn Kvennaárs 2025 kynnir sameiginlegar kröfur gagnvart stjórnvöldum, réttu ári eftir stærsta baráttufund Íslandssögunnar. Að viðburði loknu, verður „Dagurinn sem Ísland stöðvaðist,” spennandi heimildamynd eftir Pamelu Hogan og Hrafnhildi Gunnarsdóttur um fyrsta Kvennafrídaginn frumsýnd. 

Í auglýsingu fundarins segir, m.a.: „Hin magnaða kvennasamstaða þvert á pólitískar línur árið 1975 lagði hornstein að stórkostlegustum þjóðfélagsbreytingum. En þrátt fyrir þrotlausa baráttu í hálfa öld búa konur enn við misrétti og ofbeldi. Við ætlum ekki að bíða í 50 ár til viðbótar! Við vitum sem er að sameiginlegur kraftur okkar er óstöðvandi. Sagan sýnir okkur það. Við getum, þorum og viljum!“

Greinin birtist í Morgunblaðinu 24. október 2024. 

Langstærsti baráttufundur Íslandssögunnar var haldinn á Arnarhóli fyrir réttu ári. Þá var blásið til verkfalls kvenna og kvára og 100 þúsund manns svöruðu kallinu. Meira en fjórðungur þjóðarinnar!

Rósin, Þjóðvaki og Alþýðuflokksfélag Reykjavíkur efna til súpufundar laugardaginn 2. nóvember klukkan 12:00 í Kastalakaffi, Suðurlandsbraut 72. 

Boðið verður upp á kaffi og hægt að kaupa súpu og brauð á mjög góðu jafnaðarverði.

Frambjóðendurnir Jóhann Páll Jóhannsson, Dagbjört Hákonardóttir og Vilborg Oddsdóttir munu fara yfir áherslumálin, kosningaplanið og hvernig við getum veitt þeim lið í baráttunni.

Fundarstjóri er Teitur Atlason.

Mikilvægt að mæta til að við séum vel undirbúin enda stuttur tími í kosningar.

Sjáumst!

Boðað er til fundar kjördæmisráðs Samfylkingarinnar í Norðvesturkjördæmi fimmtudaginn 17. október kl. 19:30. Fundurinn verður alfarið rafrænn: https://us06web.zoom.us/j/85729011587

Efni fundarins er ákvörðun um aðferð við val á framboðslista Samfylkingarinnar í Norðvesturkjördæmi í næstu Alþingiskosningum ásamt skipun uppstillingarnefndar. 
 

Tillaga stjórnar kjördæmisráðs um val á framboðslista og skipun uppstillinganefndar.


Fyrir þau sem hafa frekari fyrirspurnir er hægt að hafa samband við skrifstofu Samfylkingarinnar samfylking@samfylking.is.

Kær kveðja, stjórn kjördæmisráðs Samfylkingarinnar í Norðvesturkjördæmi.

Ólíkt hinum Norðurlöndunum var enginn stór jafnaðarmannaflokkur starfandi á Íslandi mestalla 20. öldina heldur voru vinstri menn klofnir í smærri flokka. Hugmyndir um sameiningu vinstri manna í einn flokk sem gæti keppt við Sjálfstæðisflokkinn í fylgi voru þó ávallt lífseigar og í nafni þeirra var gjarnan stofnað til sérstakra klofningsframboða úr eldri flokkum sem áttu að ná fram þessu markmiði. Síðasta slíka framboðið var Þjóðvaki sem stofnaður var 1994 í því yfirlýsta markmiði að sameina íslenska jafnaðarmenn. Í kjölfar þingkosninganna 1995 fór umræða um mögulega samfylkingu af stað fyrir alvöru. Alþýðuflokkurinn var þá kominn í stjórnarandstöðu ásamt hinum vinstri flokkunum og vel heppnað sameiginlegt framboð vinstri manna og Framsóknarflokksins í sveitastjórnarkosningunum í Reykjavík 1994 og 1998 undir merkjum R-listans virkaði sem hvati á sameiningarviðræður.

Innan Alþýðuflokks og Þjóðvaka var stuðningur við sameiningu hvað mestur. Haustið 1996 voru þingflokkar þessara flokka sameinaðir undir nafninu „þingflokkur jafnaðarmanna“. Raunar gengu þrír af fjórum þingmönnum Þjóðvaka síðan aftur í Alþýðuflokkinn, Jóhanna Sigurðardóttir formaður Þjóðvaka var ein eftir. Þjóðvaki tók þannig ekki þátt í Samfylkingunni sem flokkur en Jóhanna gerði það sem einstaklingur. Í nóvember 1997 var haldinn flokksstjórnarfundur hjá Alþýðuflokknum og landsfundir hjá Kvennalista og Alþýðubandalagi um það hvort að hefja ætti sameiningarviðræður. Allir flokkarnir samþykktu það að gengið skyldi til viðræðna en mismikil eindrægni var í þeirri afstöðu milli flokka.

Alþýðuflokkurinn lýsti yfir afdráttarlausum stuðningi við sameiningarviðræður. Innan Kvennalistans var áherslumunur á milli kynslóða þar sem yngri kynslóðin reyndist tilbúnari til þátttöku í mögulegri samfylkingu en margar fyrrverandi og þáverandi þingkonur flokksins voru andvígar, meðal annars á þeirri forsendu að Kvennalistinn hafi verið hugsaður sem óháður hefðbundnum stjórnmálaöflum en með samfylkingu væri verið að skilgreina hann sem vinstri félagshyggjuflokk. Niðurstaðan varð að samþykkt var að ganga til sameiningarviðræðna með 36 atkvæðum gegn 18, í kjölfarið sögðu nokkrar af þeim konum sem höfðu verið andvígar sig úr flokknum. Það var í Alþýðubandalaginu sem að andstaðan reyndist hvað hörðust. Málefnaágreiningur réði þar mestu, margir óttuðust að flokkurinn væri að fórna hefðbundnum stefnumálum sínum og færast of langt til hægri með því að sameinast Alþýðuflokki en þessir tveir flokkar höfðu að ýmsu leyti ólíka stefnu. Alþýðuflokkurinn var t.d. jákvæðari gagnvart Atlantshafsbandalaginu og mögulegri aðild Íslands að Evrópusambandinu en Alþýðubandalagið. Af þessum sökum sögðu þrír þingmenn Alþýðubandalagsins sig úr flokknum og stofnuðu eigin vinstri flokk - Vinstri hreyfinguna-grænt framboð- sem skyldi leggja meiri áherslu á hefðbundnari vinstri gildi auk umhverfismála. 

Samfylkingin bauð fram í fyrsta skipti í alþingiskosningunum 1999 sem kosningabandalag. Margrét Frímannsdóttir, þáverandi formaður Alþýðubandalags, gegndi þá hlutverki talsmanns. Flokkurinn hlaut þá 26,8% atkvæða sem var hæsta hlutfall atkvæða sem að vinstri flokkur hafði fengið í áratugi en þó 11% lægra en flokkarnir fjórir höfðu fengið samanlagt í kosningunum 1995. Vinstri grænir fengu 9,1% í sömu kosningum. Stofnfundur Samfylkingarinnar var haldinn 5. - 6. maí 2000 og varð hún þá að formlegum flokki, fyrsti formaðurinn var kjörinn Össur Skarphéðinsson.

Frjálslynt lýðræði var yfirskrift ræðu sem Ingibjörg Sólrún Gísladóttir hélt  á flokksstjórnarfundi Samfylkingarinnar í febrúar 2003 í Borgarnesi. Ræðan, sem jafnan hefur verið kölluð Borgarnesræðan, var sú fyrsta sem Ingibjörg Sólrún hélt á þeim vettvangi og er talin ein áhrifamesta ræða íslensks stjórnmálamanns á seinni tímum. Ræðan þykir hafa markað tímamót í íslenskum samfélagi þar sem í henni sagði Ingibjörg Sólrún upphátt það sem margir vissu en þögðu um og jafnvel óttuðust að færa í orð: Að ríkisvaldinu væri beitt til að útdeila gæðum til valinna einstaklinga, íslensku samfélagi væri skipt í lið af ráðamönnum og leikreglur og val væru ólýðræðislegar. Með ræðunni setti Ingibjörg Sólrún á dagskrá kröfu um aukið gagnsæi og sanngirni í íslenskri stjórnsýslu og atvinnulífi.


Ingibjörg hafði þegar stigið mikilvæg skref í þessum efnum. Hún var á þessum tíma borgarstjóri í Reykjavík og hafði, nokkru áður en ræðan var flutt, fundað með fulltrúum olíufélaganna. Stjórnendurnir höfðu í sameiningu ákveðið að biðja hana, um að láta ekki kanadíska olíufyrirtækið Irving Oil hafa lóð í Reykjavík, þeir þyldu ekki samkeppnina. Ingibjörg Sólrún neitaði þessari beiðni olíufyrirtækjanna. Í embætti sínu afnam hún helmingaskiptakerfi Sjálfstæðis- og Framsóknarflokks í Innkaupastofnun Reykjavíkur og setti útboðsreglur í staðinn. Sanngirni og gagnsæi voru þær leiðir sem hún notaði til að bæta rekstraskilyrði atvinnugreina í borginni, þær leiðir hugnuðust forystumönnum fyrirtækja og samtaka atvinnurekenda vel og urðu til farsæls samstarfs. Með Borgarnesræðunni tilkynnti Ingibjörg Sólrún að þessi vinnbrögð vildi hún ekki aðeins innleiða í borginni heldur ætti að innleiða þau í íslensku samfélagi.

Pólitískir andstæðingar Ingibjargar Sólrúnar og Samfylkingarinnar hafa margoft snúið út úr orðum hennar og gripið til uppspuna máli sínu til stuðnings sem ekki verður rakinn hér. Ófrægingin á pólitísku erindi Samfylkingarinnar, Borgarnesræðunni og konunni sem hótaði að trufla helmingaskipti gömlu flokkanna og spillinguna, var markviss en er auðhrakin með staðreyndum.

Sannleikurinn er sá að Borgarnesræðan og margar síðari ræður Ingibjargar Sólrúnar byggðu á reynslu hennar og sýn á það hvernig fara á með vald. Það er í gegnum frjálslynt lýðræði þar sem réttur minnihlutans er virtur, þar sem leikreglur tryggja almannahagsmuni og jafnræði einstaklinga.
Í kosningunum 2003 vann Samfylkingin góðan sigur, fékk 31% atkvæða en það var í fyrsta sinn í 70 ár sem annar flokkur en Sjálfstæðisflokkurinn náði þriðjungs fylgi kjósenda. Samfylkingin fékk flest atkvæði í tveimur kjördæmum og bætti við sig í öllum kjördæmum nema norðvesturkjördæmi.

Meginstefna Samfylkingarinnar er jöfnuður, sjálfbærni og friður. Flokkurinn sér hlutverk stjórnvalda að koma fram við almenning af virðingu og gæta jafnræði í samfélagi þar sem allir einstaklingar geta notið hæfileika sinni á eigin forsendum. Samfylkingin vill tryggja að íslenskt samfélag geti tryggt sambærileg lífsgæði og eru í nágrannalöndunum og sé nútímalegt og framsækið. Nýting auðlinda á að vera sjálfbær og umhverfisvæn. Íslensk utanríkisstefna á að tryggja náin samskipti við umheiminn og stuðla að auknum jöfnuði, sjálfbærni í notkun auðlinda og virðingu fyrir umhverfinu á heimsvísu. 

Æðsta stjórn Samfylkingarinnar er landsfundur flokksins sem haldinn er á tveggja ára fresti og hefur hann vald yfir stefnumál, lög og starf hennar. Á milli landsfunda fer flokksstjórn sem kosin er á landsfundi með æðsta vald flokksins. Innan stjórnarinnar er formaður, varaformaður, ritari, gjaldkeri, þingflokksformaður, formaður sveitarstjórnarráðs og formaður framkvæmdastjórnar. Innan flokksins eru 57 aðildarfélög og auk þeirra eru 17 aðildarfélög innan ungliðahreyfingar flokksins, Ungra jafnaðarmanna. Aðildarfélögin skipa fulltrúa á landsfund sem hafa atkvæðarétt á ályktunum, stefnubreytingum og lagabreytingum sem samþykktar eru. Formaður og varaformaður eru hins vegar kosnir af öllum félögum flokksins og er Samfylkingin einn flokka á Íslandi til þess að opna kosningu formanns til allra flokksmanna. 

Boðað er til fundar kjördæmisráðs Samfylkingarinnar í Norðausturkjördæmi laugardaginn 26. október kl. 10:00 í Samfylkingarsalnum á Akureyri, Sunnuhlíð 12. 

Á fundinum verður borinn upp tillaga uppstillingarnefndar um framboðslista Samfylkingarinnar í Norðausturkjördæmi fyrir alþingiskosningarnar 30. nóvember 2024.

Fundurinn verður einnig í fjarfundi og eru félagar sem vilja taka þátt í fjarfundi beðnir um að skrá sig hér: Skráning á fjarfundinn.  

Kær kveðja, uppstillingarnefnd Samfylkingarinnar í Norðausturkjördæmi.


Boðað er til fundar kjördæmisráðs Samfylkingarinnar í Suðvesturkjördæmi laugardaginn 26. október kl. 12:00 að hádegi í Samfylkingarhúsinu í Hafnarfirði á Strandgötu 43.

Efni fundarins er tillaga uppstillingarnefndar á framboðslista Samfylkingarinnar í Suðvesturkjördæmi í komandi Alþingiskosningum. Á fundinum verður kosið um tillögu uppstillingarnefndar.

Öll skráð í Samfylkinguna í Suðvesturkjördæmi eru velkomin á fundinn.


Boðað er til fundar kjördæmisráðs Samfylkingarinnar í Suðurkjördæmi miðvikudaginn 16. október kl. 20:00. Fundurinn verður alfarið rafrænn. Efni fundarins er ákvörðun um aðferð við val á framboðslista Samfylkingarinnar í Suðkjördæmi í næstu Alþingiskosningum ásamt skipun uppstillingarnefndar. 

Fjarfundarhlekkur.

Fyrir þau sem hafa frekari fyrirspurnir er hægt að hafa samband við formann stjórnar Suðurkjördæmis, Eggert Val Guðmundsson eggertvalur@simnet.is.  

Kær kveðja, stjórn kjördæmisráðs Samfylkingarinnar í Suðurkjördæmi.

Jafnaðarfélagið Rósin verður með aðalfund fimmtudaginn 24. október kl. 18:00 í að Holtavegi 10 - Holtagörðum. Gengið inn um A-inngang frá bílastæði lagers Húsasmiðjunnar.   

Dagskrá: 

Framboðslisti Samfylkingarinnar í Norðausturkjördæmi fyrir alþingiskosningarnar 25. september 2021 var samhljóða samþykktur á fundi kjördæmisráðs Samfylkingarinnar í kvöld.

Logi Einarsson formaður Samfylkingarinnar, þingmaður og arkitekt leiðir listann, annað sætið skipar Hilda Jana Gísladóttir bæjarfulltrúi í Akureyrarbæ, formaður SSNE og fyrrverandi sjónvarpsstjóri N4. Í þriðja sæti er Eydís Ásbjörnsdóttir forseti bæjarstjórnar í Fjarðabyggð og framhaldsskólakennari, fjórða sæti skipar svo Kjartan Páll Þórarinsson íþrótta- og tómstundafulltrúi í Norðurþingi. 

 Kristján L. Möller og Svanfríður Jónasdóttir skipa heiðurssæti á listanum en hann er skipaður tuttugu kraftmiklum frambjóðendum, með fjölbreytta reynslu og þekkingu, sem eiga það sameiginlegt að vilja vinna að framgangi jafnaðarstefnunnar og beita sér af fullu afli í þágu íbúa kjördæmisins, sem og alls almennings.

 „Ég er stoltur af því að leiða áfram lista Samfylkingarinnar í Norðausturkjördæmi. Allir frambjóðendur Samfylkingarinnar í kjördæminu eru gríðarlega öflugir, en það sem einkennir efstu fjögur sætin á listanum er ekki síst öflugur bakgrunnur í sveitarstjórnum. Öll höfum við setið í sveitarstjórnum og þekkjum vel mikilvægi nærþjónustunnar og nauðsyn þess að auka samvinnu og traust milli ríkis og sveitarfélaga. Ég hlakka til kosningabaráttunnar með þessum góða hópi” - Logi Einarsson

 „Ég er þakklát fyrir það traust sem mér er sýnt og ég hlakka til kosningabaráttunnar sem framundan er. Ég brenn fyrir jöfnuði, þá ekki síst byggðajöfnuði, enda tel ég að við sem samfélag eigum mikið undir því að skapa hverjum einstaklingi skilyrði til þess að vaxa og dafna á eigin forsendum í landi sem bæði hefur upp á að bjóða sterka höfuðborg og öflugar landsbyggðir.“ - Hilda Jana Gísladóttir

Framboðslisti Samfylkingarinnar í Norðausturkjördæmi

1. Logi Einarsson, Akureyri- Alþingismaður og formaður Samfylkingarinnar

2. Hilda Jana Gísladóttir, Akureyri- Bæjarfulltrúi og formaður SSNE

3. Eydís Ásbjörnsdóttir, Eskifirði- Framhaldskólakennari og bæjarfulltrúi

4. Kjartan Páll Þórarinsson, Húsavík- Íþrótta- og tómstundafulltrúi

5. Margrét S. Benediktsdóttir, Akureyri- Háskólanemi

6. Sigurður Vopni Vatnsdal, Vopnafirði- Deildarstjóri á leikskóla

7. Ísak Már Jóhannesson, Akureyri- Umhverfisfræðingur

8. Lilja Guðný Jóhannesdóttir, Neskaupstað- Skólameistari

9. Ólafur Haukur Kárason, Siglufirði- Byggingameistari

10. Guðrún Einarsdóttir, Húsavík- Hjúkrunarfræðinemi

11. Jóhannes Óli Sveinsson, Akureyri- Framhaldsskólanemi

12. Nanna Árnadóttir, Ólafsfirði- Félagsliði á öldrunarheimili

13. Baldur Pálsson, Egilsstöðum- Austurlandsgoði

14. María Hjálmarsdóttir, Eskifirði- Verkefnisstjóri 

15. Sigríður Huld Jónsdóttir, Akureyri- Skólameistari

16. Magni Þór Harðarson, Eskifirði- Ráðgjafi

17. Björgvin Valur Guðmundsson, Stöðvarfirði- Leiðbeinandi í grunnskóla

18. Albertína Friðbjörg Elíasdóttir, Akureyri- Alþingismaður

19. Svanfríður Inga Jónasdóttir, Dalvík- F.v. alþingismaður og bæjarstjóri

20. Kristján L. Möller, Siglufirði- F.v. alþingismaður og ráðherra

Leit um „��"

3216 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������"

3216 niðurstöður fundust við leit að „���������������������������"