Þess vegna undrast ég þá spurningu sem ég heyri gjarnan þar sem spurt er hvernig ég nenni þessu því starfið er einmitt svo fjölbreytt og skemmtilegt. 

Einn mikilvægasti hluti starfsins er að hitta fólkið í landinu og hlusta á hvað fengist er við frá degi til dags. Þetta gerum við á ýmsum vettvangi. Í fyrsta lagi hittum við fjöldan allan af fólki í þeim fastanefndum Alþingis sem við sitjum í, en þar er fundað tvisvar sinnum í viku hverri. Þangað kemur fjölbreyttur hópur fólks, sérfræðingar, áhugafólk og fólk sem hefur sent okkur erindi um allt það sem á því brennur. Fastanefndirnar eru átta og sinnir hver nefnd sínum málefnasviðum. Allir þingmenn eiga sæti í fastanefndum, þeir einbeita sér þannig að þeim málefnasviðum sem þeim eru falin og gæta þess svo að fræða aðra í þingflokknum um þau mál sem þar eru unnin.  

Í öðru lagi hittum við fjöldan allan af fólki í hverri viku sem ýmist heimsækir okkur í þingið eða á skrifstofur okkar eða við heimsækjum, utan þing- og nefndarfunda. Þannig fræðumst við um starfsemi félaga, fyrirtækja og stofnana. 

Loks eru það lengri ferðir þingflokka, sem teknar eru í kjördæmavikum tvisvar á ári en einnig utan þeirra vikna, þegar hlé er gert á þingfundum. Þá gefst þingmönnum og starfsfólki þingflokka kærkomið tækifæri til að ferðast saman, heyra hvað brennur á landsmönnum og þann fróðleik tökum við svo með okkur inn í þingstörfin, hvort sem er til umræðu í þingsal, til umræðu í fastanefndum eða þá að ákveðið er að gert verði þingmál til að koma einhverjum breytingum í gegn. 

Sá hluti starfsins að kafa ofan í einstaka mál, hitta fólk sem lifir og starfar við ýmis störf við ólíkar aðstæður um allt land leyfi ég mér að segja að sé jafn lærdómsríkt og að stunda langt nám. Hver þingmaður fær þannig tækifæri til að kynna sér starfsemi sem er honum mögulega mjög framandi, fær tækifæri til að spyrja um allt það sem betur má fara í öllum mögulegum aðstæðum sem upp koma, heyrum af því sem gengur vel og hvernig við, fulltrúar þjóðarinnar á Alþingi getum orðið að gagni við lagfæringar á öðru.  

Í næstu viku mun þingflokkur Samfylkingarinnar leggja upp í eina ferðina til, en það höfum við gert nokkrum sinnum á ári undanfarin ár. Þessar ferðir hafa alltaf skilað sér í betri vinnu okkar í þinginu, því með þessu vitum við betur hvar við þurfum að beita okkur og hvað við þurfum að laga. Það er kærkominn hluti af starfi okkar að fara út og heimsækja byggðir landsins og ég hlakka ævinlega til þessa hluta starfsins. Ég vil þakka fyrir höfðinglegar móttökur í komandi viku og þakka sömuleiðis fyrir gestrisni í þeim ferðum sem við höfum áður farið. 

Að gegna þeirri borgaraþjónustu að vera þingmaður er hvort tveggja ótrúlega lærdómsríkt og gefandi. 

Takk fyrir móttökurnar                     

Við í stjórn 60+ Hafnarfirði óskum ykkur gleðilegs nýs árs um leið og við þökkum samstarf og alla samveru á ný liðnu ári.

Fyrsta kaffispjall ársins verður fimmtudaginn 9. febrúar kl. 10:30 - 12:00.

Gestur fundarins verður Jóhann Páll Jóhannsson, þingmaður Samfylkingarinnar.

Yfirskrift erindis hans, Gott samfélag þarf góðar almennar tryggingar!

Hlökkum til að sjá ykkur öll!
Stjórn 60+ Hafnarfirði.

 Látum duga að dvelja í núinu, mæta til skóla eða vinnu, koma ungum á legg, halda heimili. Þannig týnist tíminn. Við verðum ekki var við að eldast, ekki fyrr en horft er á börnin í kringum okkur eflast, dafna, vaxa úr grasi eða þegar rekist er á gamlan vin eftir 30 ár. Eins, samt ekki, grásprengdir lokkar, lesgleraugu og broshrukkur - pínu eins og þroskaður ostur. Það er ekki auðvelt að ræða um öldrun og fylgifiska hennar, þrátt fyrir að öldrun sé jafn mikill partur af lífinu eins og fæðing barns. Við komumst flest, fyrst í tæri við öldrun, í gegnum ömmur og afa, síðan foreldra og að lokum á eigin skinni. Upplifun flestra er neikvæð. Það getur verið erfitt að finna færni minnka, leita að nýjum tilgangi eftir að fjölskyldu- og vinnuskyldur hætta. Þreifa sig áfram í lífinu eftir vinnu. Við sem samfélag þurfum að breyta þessu viðhorfi. Öldrun er ekki endalok. Öldrun opnar ný tækifæri. Öldrun er framtíðin.

Í mannfjöldaspám Hagstofu Íslands stendur þjóðin frammi fyrir sömu áskorunum og nágrannalöndin okkar. Árið 2020 var hlutfall fólks yfir 65 ára 14%, árið 2038 er áætlað að það hlutfall verði yfir 20% mannfjöldans og árið 2064 yfir 25%. Hlutfall þeirra sem eru eldri en 85 ára byrjar ekki að aukast fyrr en árið 2025 en er áfram innan við 3%. Þannig mun mín kynslóð og kynslóðin á undan mér, lifa lengur, gera meiri kröfur á samfélagið, hvað varðar þjónustu, lífsgæði og heilbrigði.

Við þurfum að taka samtalið fyrr á æviskeiðinu, opna umræðuna og spyrja: Hvernig samfélag viljum við eldast í? Hvernig viljum við eldast? Hvernig viljum við búa? Hvaða lífsgæði viljum við hafa? Við þurfum að gera öldrun að jafn sjálfsögðum hlut og aðrir áfangasigrar í lífinu. Við viljum öll eldast, eiga heilbrigða öldrun og því er mikilvægt að taka samtalið fyrr á ævinni.

Reykjavíkurborg er á sínu mesta uppbyggingaskeiði. Ný hverfi verða til, byggð og borgarsamfélag er hægt er að móta að þörfum framtíðar. Hvar liggja tækifærin? Kannski í styrkleika blandaðrar byggðar til að sporna við meinsemd 21. aldar, einmannaleikanum? Eða getum við nýtt íþróttamannvirki og græn svæði til heilsueflingar og útivistar - nært á sama tíma félagslegar, andlegar og líkamlegar þarfir og fyrir vikið búið lengur heima. Liggja sóknarfæri í velferðatækni þar sem fylgist er með lyfjagjöfum og lífsmörkum úr fjarlægð? Nú eða í samþættingu þjónustu með því að hugsa út fyrir rammann og aðlaga þjónustu betur að breyttum þörfum.

Á morgun, 25. nóvember, heldur velferðaráð opin fund um öldrunarmál i í Gerðubergi milli kl. 9:00-10:15. Mikilvægt samtal um málefni eldra fólks í borginni og ólík sjónarhorn kynnt. Opnum umræðuna, sjáumst í fyrramálið og tökum samtalið.

Greinin birtist á visi.is 24. nóvember 2022. 

Í amstri hversdagsins hugsa fæstir um framtíðina.

Kvennafrídagurinn sýndi mátt kvennasamstöðunnar í verki. Kvennasamstaðan er magnað fyrirbæri sem hefur verið hreyfiafl mikilvægra samfélagsumbóta í þágu jafnréttis og mannréttinda. Engu að síður búa konur hér á landi enn við launamisrétti sem rekja má að mestu til kynskipts vinnumarkaðar og vanmats á virði kvennastarfa.

Samkvæmt launarannsókn Hagstofunnar var óleiðréttur launamunur kynjanna 14,8% á almennum vinnumarkaði, 14,0% hjá ríkisstarfsmönnum og 7,4% meðal starfsfólks sveitarfélaga árið 2019. Það er óþolandi að nú hátt í 70 árum eftir lögfestingu launajafnréttis hér á landi sé staðan þessi.

Beina þarf sjónum að virðismati starfa. Launajafnrétti næst ekki nema launasetning byggi á heildstæðu mati starfa þar sem litið er til þátta eins og ábyrgðar á fólki, tilfinningalegu álagi, vinnuumhverfi, og samkenndar til jafns við mannaforráð og ábyrgð á fjármálum. Þó að launajafnrétti á vettvangi sveitarfélaga hafi ekki verið náð skera sveitarfélög sig úr með næstum helmingi lægri launamun er aðrir markaðir.

Sérstaða sveitarfélaganna á sér án efa margvíslegar skýringar. Ein þeirra er vafalaust sú að frá aldamótum hafa sveitarfélögin beint sjónum að verðmætamati starfa og notast við starfsmatskerfi við mat á störfum. Í því felst að mat á virði starfa byggir á samræmdum viðmiðum sem leitast er við að feli ekki í sér kynjaskekkju Starfsmatskerfið nær aðeins til grunnlauna starfa og verk að vinna að vinna hvað varðar viðbótarlaunin. Um þessar myndir er aukin áhersla á virðismat starfa og er því full ástæða til að líta til reynslu sveitarfélaganna af notkun starfsmatskerfis í þeirri vegferð.

Launamisrétti þarf að uppræta því þessi félagslegi og efnahagslegi veruleiki kvenna hefur áhrif á lífsgæði og efnahagslega stöðu þeirra alla ævi. Við það verður ekki unað fyrr en fullt jafnrétti næst.

Greinin birtist á visi.is 24. okt. 2022. 

Í dag eru 47 ár frá kvennafrídeginum þegar konur lögðu niður störf og kröfðust launajafnréttis. 

Breiðholtið mun blómstra í sumar en styrkir Sumarborgarinnar 2021 munu sjá til þess að fjölbreyttir viðburðir og uppákomur verða að veruleika víðsvegar um hverfið.

Íbúaráðið hefur úthlutað tæpum 4,5 milljón krónur í styrki til Sumarborgarinnar 2021 en Breiðhyltingar og aðrir borgarbúar eiga von á fjölbreyttum 17. júní viðburðum í bæði Efra- og Neðra-Breiðholti eins og í fyrra, kvöldtónleikum á Bakkatúni, Pop-up jóga og leikvöllum víðsvegar um hverfið, fjölskyldu- og sumarhátið, Bretta partý með grilli, Sirkussýningu sem sýnd verður víða um hverfið, tónlistarspuna fyrir hipp hopp og rapp fjölskyldur og vinnustofu í blöðrudýragerð.

Eftir vel heppnaðar 17. júní hátíðir í fyrra heyrðust margar raddir íbúa um að vilja halda sambærilegar hverfishátíðir að ári. Við erum svo heppin að eiga fjölbreyttan félagsauð í hverfinu okkar, hendur sjálfboðaliða og skapandi einstaklinga sem munu vinna saman að því að gleðja unga sem aldna. Þessar fjölmörgu hendur hafa svarað kalli ykkar um aðrar hátíðir og fyrir það ber að þakka fyrir. Ég hvet ykkur til að bjóða fram hjálparhönd við undirbúning, framkvæmd eða frágang því margar hendur vinna létt verk.

Það verður því gleði og gaumur í sumar í holtinu góða og vil ég hvetja alla Breiðhyltinga, unga sem aldna, til að deila gleðinni sem víðast og bjóða borgarbúum til okkar í sumarveislu.

takk fyrir að hlusta á íbúana í hverfinu

takk fyrir að gleðja mímörg barnshjörtu

Sara Björg Sigurðardóttir, varaborgafulltrúi er Breiðhyltingur og formaður íbúaráðs Breiðholts.

Hér að neðan má finna upplýsingar um staðina sem við sækjum heim og opna fundi sem haldnir verða. 

📍 Ísafjörður: Opinn fundur í Edinborgarhúsinu fimmtudaginn 9. febrúar kl 20:00

📍 Tálknafjörður: Opinn fundur í Hópinu sunnudaginn 12. febrúar kl. 17:00

📍 Patreksfjörður: Opinn fundur í Albínu á Patreksfirði mánudaginn 13. febrúar kl. 12:00

📍 Búðardalur: Opinn fundur á Vínlandssetrinu í Búðardal þriðjudaginn 14. febrúar kl. 20:00

📍 Sauðárkrókur: Opinn fundur á Kaffi Krók á Sauðárkróki þriðjudaginn 14. febrúar kl. 20:00

Við viljum eiga gott samtal og hlusta á það sem brennur á fólki.

Ef þið hafið áhuga á að hitta á þingmenn endilega hafið samband við framkvæmdastjóra þingflokks í síma 8416824.

Samfylkingin tekur samtal við landann. Nú heimsækjum við 15 þéttbýlisstaði, 30 vinnustaði og 8 verkalýðsfélög í Norðvesturkjördæmi. Við viljum eiga gott samtal og hlusta á það sem brennur á fólki.

Þórunn Sveinbjarnardóttir, formaður stjórnskipunar- og eftirlitsnefndar Alþingis, og Oddný Harðardóttir mæta í laugardagskaffið 19. nóvember og ræða nýútkomna skýrslu ríkisendurskoðunar um sölu á Íslandsbanka og stöðuna í landsmálunum.

Laugardagskaffi Jafnaðarmanna er alla laugardaga kl. 10.30-12:00 í Samfósalnum Víkurbraut 13 við Keflavíkurhöfn. Rjúkandi kaffi og kruðerí að hætti hússins. Öll velkomin!

Það var stór stund á hörðum vetri. Fundurinn sem fór fram við stjórnarráðshúsið á þessum degi hefur yfir sér goðsagnablæ í sögubókunum.

Þetta er hátíðisdagur vegna þess að fullveldið hefur þýðingu. Það er ekki bara upp á punt. Fullveldið má nýta í þágu fólksins sem hér býr — og það er verkefnið sem okkur er falið á Alþingi.

Baráttan fyrir sjálfstæði og fullveldi Íslands var alla tíð samofin baráttu fyrir frelsi og jafnrétti í þágu fólksins í landinu og samstöðu meðal þjóðar. Það er barátta sem aldrei lýkur. Jafnvel eftir að fullveldið fékkst árið 1918 átti enn eftir að tryggja almennan kosningarétt. Til þess þurfti breytingu á stjórnarskrá, og allt fram á fjórða áratug síðustu aldar var fólk svipt kosningarétti vegna fátæktar.

Heilt yfir hefur Íslendingum auðnast að nýta fullveldi sitt til góðs. En það gerist ekki af sjálfu sér. Við getum verið stolt af mörgu í okkar samfélagi. Við vitum líka að margt þarf að bæta. Besta leiðin til þess er að við nýtum okkur lýðræðið og fullveldið til fulls.

Í mínum huga er augljóst að við erum ekki sjálfstætt fólk til að loka okkur af og lifa í einangrun. Sem fullvalda ríki höfum við getað gengið til alþjóðslegs samstarfs við önnur ríki, svo sem á vettvangi Sameinuðu þjóðanna, Atlantshafsbandalagsins og með samningnum um Evrópska efnahagssvæðið.

Eins og Sveinn Björnsson benti á þá er auðskilið mál að „þótt fullveðja maður feli öðrum umboð til einhvers, þá heldur hann áfram að vera fullveðja“. Sama gildir um fullvalda þjóð. Hún ákveður sjálf að undirgangast alþjóðlegar skuldbindingar eða að gera það ekki. Það hefur reynst okkur vel, og ég tel að Íslendingar muni sækja enn frekar í alþjóðlega samvinnu á næstu árum og áratugum.

Við höfum líka margt fram að færa. Mikilsverðasta framlag Norðurlanda til samfélags þjóðanna er auðvitað ekki víkingabröltið fyrir þúsund árum heldur norræna velferðarsamfélagið sem var byggt upp á síðustu öld. Það er sérstaða sem við eigum að mínu mati að styrkja enn frekar og byggja á.

Að því sögðu — ætti fullveldisdagurinn ekki að vera rauður dagur?

Kristrún Frostadóttir, formaður Samfylkingarinnar – Jafnaðarflokks Íslands

Ísland varð fullvalda ríki þann 1. desember árið 1918. 

Ársþing Kvennahreyfingar Samfylkingarinnar 2022 verður haldið þriðjudaginn 13. desember kl. 18:30 - 19.

Eftir að aðalfundarstörfum lýkur ætlum við að njóta samverunnar og halda Jólahygge Kvennahreyfingarinnar frá kl. 19 - 21.

Takið kvöldið frá!! 

Dagskrá ársþings Kvennahreyfingarinnar 2022

a) Skýrsla stjórnar
b) Reikningar
c) Lagabreytingar
c) Kjör formanns kvennahreyfingarinnar
d) Kjör þriggja stjórnarkvenna og þriggja til vara
d) Önnur mál , ályktanir og umræður
Dagskráin verður auglýst nánar síðar en takið tímann frá.

Framboð til stjórnar og lagabreytingar:
Kvennahreyfingin auglýsir eftir öflugum konum til þess að sitja í stjórn hreyfingarinnar næsta árið. Forman er kosin sérstaklega en jafnframt eru kjörnar þrjár aðalstýrur í stjórn og þrjár til vara. Framboð til stjórnar skal senda ásigrun@samfylking.is. 

Tillögur að lagabreytingum skal senda ásigrun@samfylking.is. 

Kjörstjórn skipa, Aðalheiður Frantzdóttir, Sigrún Skaftadóttir og Sólveig Skaftadóttir. 

Velkomið er að hafa samband við Sigrúnu Einarsdóttir ef einhverjar spurningar eru,sigrun@samfylking.is- 696 5545.

Ársþing Kvennahreyfingar Samfylkingarinnar

Samfylkingin vill byggja upp Seltjarnarnes framtíðar, þar sem allir eru velkomnir óháð uppruna, þjóðerni, aldri, félagslegri stöðu eða efnahag. Leiðarstef í öllu okkar starfi er áhersla á jöfn tækifæri, velferð allra íbúa og umhverfisvernd.

Stefna Samfylkingar Seltirninga 2018-2022

Seltjarnarnes til framtíðar - Eitt  samfélag fyrir alla

Leit um „��“

2747 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������“

2747 niðurstöður fundust við leit að „���������������������������“