 I.
Forseti, góðir landsmenn. Hvað stendur upp úr að liðnum þingvetri? Hjá okkur í Samfylkingunni er svarið þetta: Ákall eftir aðgerðum fyrir fólkið í landinu. Aðgerðum til að vinna gegn verðbólgu og til að verja heimilisbókhaldið hjá fólki.

Í september settum við fram samstöðuaðgerðir fyrir heimilin, við kynntum kjarapakka fyrir jólin og nú fyrir þinglok höfum við stillt upp stuttum verkefnalista. Þrjú einföld verkefni sem er hægt að fara í strax: Vaxtabótaauki, leigubremsa og ívilnun til uppbyggingar — allt fjármagnað að fullu með því að loka ehf.-gatinu.

Fleira þarf að gera — og auðvitað myndi Samfylkingin stjórna landinu með öðrum hætti ef við værum í ríkisstjórn. En þetta eru allt aðgerðir sem sitjandi ríkisstjórn, hæstvirt, ætti að geta fallist á — miðað við hvernig þau tala að minnsta kosti.

II.
Í allan vetur höfum við stundað jákvæða pólitík, sett fram lausnir og lagt ofuráherslu á efnahags- og velferðarmálin. Samfylkingin hefur reynt að stappa stálinu í hæstvirta ríkisstjórn, sem ber sig illa — lætur raunar eins og hún stýri engu og geti þess vegna enga ábyrgð tekið á aðstæðum — á meðan við höfum talað kjark og von í þjóðina.

Við höfum veitt ábyrga stjórnarandstöðu — sem sést kannski best á því að við höfum haft það sem viðmið að gera ekki tillögu um eina krónu í útgjöld án þess að tvær krónur komi á móti til að vinna gegn verðbólgu.

Svona hefur Samfylkingin unnið hér á Alþingi. Við höfum verið lausnamiðuð og beinlínis reynt að hjálpa þessari hæstvirtu ríkisstjórn að átta sig og gefast ekki upp heldur grípa til aðgerða.

III.
En góðir landsmenn, við í Samfylkingunni vitum að það er líf fyrir utan sali Alþingis og það er framtíð eftir þetta kjörtímabil. Þess vegna höfum við nýtt tímann í fleira en að halda hæstvirtum ráðherrum við efnið. Síðustu vikur hefur Samfylkingin haldið hátt í 40 opna fundi með almenningi um heilbrigðismál — um land allt. Og samhliða því fjölda vinnufunda með fólki af gólfinu og öðrum sérfræðingum.

Í Eyjum var rætt um álag á heilbrigðisstarfsfólk. Í Garðabæ vill fólk fastan tengilið í heilbrigðiskerfinu. Fólk vill bara öryggi og það vill þjóðarsamstöðu í þessu grundvallar velferðarmáli, eins og ágætur maður benti á á Hvammstanga. Fólkið í landinu er nefnilega með raunhæfar væntingar um framfarir í heilbrigðisþjónustu. Þessi samtöl eru grunnur aðgerða okkar í Samfylkingunni. Þetta verklag er lykilinn að því að endurvekja von og trú fólks á að við getum gert hlutina betur hérna sem velferðarsamfélag.

IV. 
Við þurfum nefnilega að tala meira um hvað felst í velferðarþjóðfélagi. Gjarnan er talað um stöðugleika á vinnumarkaði á hinum Norðurlöndum en þar er tekjuöflunin meiri, tilfærslukerfin sterkari og almannaþjónustan umfangsmeiri. Hlutverk hins opinbera á húsnæðismarkaði veigameira.  Lítil og meðalstór fyrirtæki standa mun betur að vígi í slíku umhverfi. Auk þess sem launafólk getur sætt sig við minni prósentuhækkanir þar sem hið opinbera hefur bolmagn til að standa vörð um húsnæðisöryggi fólks.

Við verjum stöðugleikann best með því að verja velferðina. Á þessu grundvallast stefna sósíaldemókrata sem hafa byggt upp farsælustu samfélög heims á Norðurlöndunum.

Fólkið í landinu vill alvöru umræðu um alvöru mál. Þess vegna leggjum við ofuráherslu á kjör, velferð og efnahag venjulegs fólks; þess vegna mætum við til fólksins, hlustum og tölum hreint út. Og við munum leggja öll spilin á borðið á þessu kjörtímabili um hvað við ætlum okkur að gera í ríkisstjórn á næsta kjörtímabili, fáum við til þess umboð. Með þessum hætti byggjum við upp traust, ekki aðeins á Samfylkingunni, heldur á stjórnmálunum í heild.

Traust sem hefur rofnað. Og talandi um traust, virðulegi forseti: Það er alvarlegt mál hvernig hæstvirt ríkisstjórn skapar aftur og aftur falskar væntingar hjá fólkinu í landinu með uppblásnum fyrirsögnum sem reynist svo engin innistæða fyrir. Síðast í fyrradag var trommað upp með svokallaðan aðgerðapakka upp á 36 milljarða sem reyndist síðan ekki neitt nema endurtekið efni úr gamalli fjármálaáætlun; áætlun sem hafði áður fengið falleinkunn hvað varðar viðureignina við verðbólguna.

Eitt er að stunda pólitík og vera ósammála um hugmyndafræði og áherslur. En annað að geta ekki staðið með pólitíkinni sem maður stundar heldur villa þess í stað um fyrir fjölmiðlum og almenningi. Það grefur undan trausti og er lítilsvirðing við fólkið í landinu á erfiðum tímum.

Þetta er alvarlegt mál, því að sterkt velferðarsamfélag byggir á trausti; getu fólks til að sjá sig í öðru fólki og stoltu framlagi til sameiginlegra sjóða sem fólk treystir að sé varið með skynsamlegum hætti og í þágu velferðar. Vilja til að standa með velferðarsamfélaginu.

V.
Og fyrir mér, kæru landsmenn, er það stóra verkefnið í stjórnmálunum á næstu árum. Því að það kemur sá tími í lífi þjóðar — að hún stendur á krossgötum. Og við þurfum að ákveða hvers konar þjóð við viljum vera. Velferðarþjóð? Stolt þjóð með sterkt velferðarkerfi? Eða lausbundið samansafn einstaklinga — þar sem keyrt er á þeirri mýtu að það sem helst skilgreini velsæld fólks sé skattprósentan sem er greidd, ekki gæði velferðarþjónustunnar í landinu.

Hvað er það sem skiptir fólk mestu máli í þess daglega lífi? Bætir það velsæld fólks að auka ráðstöfunartekjur þess eftir skatta í krónum talið, ef það býr ekki við húsnæðisöryggi og fær ekki tíma hjá lækni? Ef kynslóðin sem byggði landið nýtur ekki mannvirðingar á efri árum? Þetta eru grundvallar spurningar sem við stöndum frammi fyrir.

Svar Samfylkingarinnar verður skýrt: Styrkjum velferðina — fyrir Ísland allt. Sterk velferð, stolt þjóð. Þetta er sá valkostur sem Samfylkingin mun bjóða upp á.

VI.
Góðir landsmenn. Við ættum að geta sameinast núna á Alþingi um aðgerðir til að vinna gegn verðbólgu og verja heimilisbókhaldið hjá fólki. Það er hægt — en það sem er ekki í boði hins vegar er að gefast upp en sitja samt sem fastast í ríkisstjórn, stefnulaus og verklaus, þegar lausatökin bitna á fólkinu í landinu.

Samfylkingin mun halda áfram að stunda jákvæða pólitík og leggja til lausnir. Við munum halda áfram að hvetja hæstvirta ríkisstjórn til dáða, og undirbúa okkur undir komandi verkefni — að koma hér á velferðarstjórn undir forystu jafnaðarfólks.

Ræða Kristrúnar Frostadóttur í eldhúsdagsumræðum á Alþingi 7. júní 2023.

Ræða Kristrúnar: „Sterk velferð, stolt þjóð“

Spjallkaffi Samfylkingarinnar í Reykjavík 60+ verður á sínum stað miðvikudaginn 18. september kl. 10:00 - 12:00 í sal Samfylkingarinnar Hallveigarstíg 1, 101 Reykjavík.

Gestur verður Guðmundur Ingi Þóroddsson, formaður Afstöðu.
Á fyrri hluta fundarins segir Hörður Filippusson stuttlega frá nýrri bók um nýfrjálshyggju, “The Invisible Doctrine”.

Það verður heitt á könnunni og eitthvað með því. 

Verið öll velkomin! 

Verið öll velkomin í Samfylkingarsalinn á Víkurbraut 13 í Reykjanesbæ mánudaginn 30. september kl. 17:00. 

Á meðal gesta verða Kristrún Frostadóttir formaður Samfylkingar, Oddný G. Harðardóttir þingmaður Suðurkjördæmis, Guðný Birna Guðmundsdóttir formaður bæjarráðs Reykjanesbæjar og Hildur Rós Guðbjargardóttir sem er fulltrúi í stýrihópi flokksins um húsnæði og kjaramál.

Hvaða breytingar vilt þú í húsnæðis- og kjaramálum á Íslandi? Við viljum fá þig með í samtalið 🌹

Samfylkingin stendur fyrir samtali um húsnæði og kjaramál um land allt. Málefnastarf flokksins er nú með nýju sniði – heilbrigðismálin voru í forgrunni í fyrra, svo atvinna og samgöngur síðasta vetur og loks er komið að húsnæði og kjaramálum.

Fundirnir eru hugsaðir til að gefa fólki um land allt kost á að taka þátt í málefnastarfi Samfylkingar og leggja grunn að áherslum og forgangsröðun flokksins í veigamestu málaflokkum. Afraksturinn verður kynntur í væntanlegu útspili um húsnæði og kjaramál nú í haust.

Hér eru hlekkir á nýleg útspil Samfylkingar:

Örugg skref í heilbrigðis- og öldrunarmálum – https://bit.ly/3y7dFPm

Krafa um árangur í atvinnu- og samgöngumálum – https://bit.ly/3UE77zJ

Og hér má finna upplýsingar um næstu fundi: www.facebook.com/samfylkingin/events

Reykjanesbær: Kaffispjall um húsnæði og kjaramál

Börnin sem setjast í fyrsta bekk grunnskóla í haust eru fædd árið 2018. Þau hafa þegar lifað heimsfaraldur með tilheyrandi raski á lífinu. Þau eru mjög líklega fær í að velja sér sjónvarpsefni með fjarstýringunni og kannski eiga þau jafnvel sinn eiginn ipad. Kennari sagði mér á dögunum að til væru börn sem væru að hefja skólagönguna og vildu bara tala saman á ensku. Kannski vegna þess að þau hafi meiri færni á ensku en íslensku. En samt er íslenska móðurmálið þeirra.

Móðurmálið er málið sem við hugsum á, málið sem við tölum þegar við lýsum tilfinningum okkar; gleði, reiði, sorg, uppnámi, ánægju og ást, svo örfáar séu nefndar. Án þess eigum við erfitt með að tjá vilja okkar. Ómálga börn gráta til að koma okkur í skilning um líðan sína þar til þau byrja að tala. Þau sem eru tvítyngd eiga tvo móðurmálsfjársjóði. Það eru mikil verðmæti sem þarf að hlúa að.

Við þurfum öll að læra að lesa. Það þýðir ekki að við séum öll hraðlæs eða jafnvíg á hvers kyns texta en lestur er lykill að þekkingu og hann er lykill að skilningi á heiminum sem við búum í. Og það sem meira er, hann leggur grunn að þátttöku í lýðræðissamfélagi.

Margt verið skrifað og sagt um læsi skólabarna hér á landi og árangur þeirra í PISA-könnunum. Sú síðasta var gerð árið 2022 og sýndi að lesskilningi hafði hrakað á tímum heimsfaraldursins, einnig stærðfræðilæsi og læsi á náttúruvísindi. Íslensk grunnskólabörn skora lægst í norrænum samanburði. Í PISA má líka finna góð tíðindi til dæmis að 80% barna finnst þau tilheyra skólasamfélaginu. Hlutfallið er reyndar lægra á meðal innflytjenda.

Niðurstöður PISA færa okkur fleiri umhugsunar- og viðfangsefni en beinar mælingar á árangri barna. Til dæmis þá grundvallarstaðreynd að börn sem standa verr að vígi félagslega og efnahagslega koma verr út í PISA. Áhrif verri félags- og efnahagslegrar stöðu foreldra hafa versnað frá síðustu könnun og það er sammerkt með öðrum Norðurlöndum. Hér er komið verkefni sem snertir kjarna jafnaðarstefnunnar og lífssýnar okkar sem hana aðhyllumst. Börn sem búa við félagslega og efnahagslegan stöðugleika eiga meiri möguleika og fá að öllum líkindum betri stuðning til náms heima. Það er ekki nóg að skólinn einn komi til móts við þessi börn í námi heldur verður annar stuðningur, félagslegur og efnahagslegur að vera fyrir hendi fyrir foreldra þessara sömu barna.

Við eigum enn langt í land með vinna úr afleiðingum heimsfaraldursins á börn og ungmenni. Það er eitt brýnasta verkefni sem við stöndum frammi fyrir sem samfélag og snýst fyrst og fremst um að auka jöfnuðinn í samfélaginu en draga ekki úr honum. Það er höfuðerindi jafnaðarstefnunnar, því að aðeins þannig er hægt að stuðla að jöfnum tækifærum allra barna á Íslandi innan skólakerfisins.

Greinin birtist í Morgunblaðinu 7. september 2024

Bæjarmálafundur Samfylkingarinnar í Kópavogi verður haldinn miðvikudaginn 18. september kl. 20 í húsnæði félagsins, Hlíðarsmára 9.   

Fjölskyldugrill og samtal um húsnæði og kjaramál á Egilsstöðum. Verið öll velkomin í Sláturhúsið fimmtudaginn 5. september kl. 17:00-18:30. Boðið verður upp á skemmtun fyrir krakkana og líflegan leynigest.

Á meðal annarra gesta verða Kristrún Frostadóttir formaður Samfylkingarinnar, Logi Einarsson þingmaður Norðausturkjördæmis, Hjördís Þóra Sigurþórsdóttir formaður AFLs starfsgreinafélags Austurlands og Jóhann Páll Jóhannsson þingmaður. Þau Jóhann Páll og Hjördís Þóra eru fulltrúar í stýrihópi Samfylkingar um húsnæði og kjaramál.

Hvaða breytingar vilt þú í húsnæðis- og kjaramálum á Íslandi? Við viljum fá þig með í samtalið

Hér eru hlekkir á nýleg útspil Samfylkingar:
Örugg skref í heilbrigðis- og öldrunarmálum – https://bit.ly/3y7dFPm
Krafa um árangur í atvinnu- og samgöngumálum – https://bit.ly/3UE77zJ

Egilsstaðir: Fjölskyldu grill +samtal húsnæði og kjaramál

Spjallkaffi Samfylkingarinnar í Reykjavík 60+ verður á sínum stað miðvikudaginn 25. september kl. 10:00 - 12:00 í sal Samfylkingarinnar Hallveigarstíg 1, 101 Reykjavík.

Gestur verður Logi Einarsson, þingflokksformaður. 

Verið öll velkomin í Samfylkingarsalinn í Sunnuhlíð 12 á Akureyri fimmtuudaginn 5. september kl. 9:00. Á meðal gesta verða Kristrún Frostadóttir formaður Samfylkingarinnar og þingmennirnir Logi Einarsson, Þórunn Sveinbjarnardóttir og Jóhann Páll Jóhannsson, sem er einnig formaður í stýrihópi flokksins um húsnæði og kjaramál.

Akureyri: Morgunfundur um húsnæði og kjaramál

Verið öll velkomin í Samkomuhúsið í Grundarfirði mánudaginn 2. september kl. 20:00. Á meðal gesta verða Kristrún Frostadóttir formaður Samfylkingarinnar og Jóhann Páll Jóhannsson þingmaður, sem er einnig formaður í stýrihópi flokksins um húsnæði og kjaramál.

Grundarfjörður: Kvöldspjall um húsnæðismál og kjaramál

Fjölskyldugrill og samtal um húsnæði og kjaramál á Sauðárkróki. Verið öll velkomin í Golfskálann miðvikudaginn 4. september kl. 17:00-18:30.

Á meðal gesta verða Kristrún Frostadóttir formaður Samfylkingarinnar, Þórunn Sveinbjarnardóttir þingmaður og Jóhann Páll Jóhannsson þingmaður, sem er einnig formaður í stýrihópi flokksins um húsnæði og kjaramál. Boðið verður upp á skemmtun fyrir krakkana og líflegan leynigest.

Sauðárkrókur: Fjölskyldu grill +samtal húsnæði og kjaramál

Leit um „��"

3374 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3374 niðurstöður fundust við leit að „���������������������������������������������������"