Guðmundur Ari er 34 ára tómstunda- og félagsmálafræðingur og giftur Nönnu Kaaber íþróttafræðingi og á með henni þrjú börn. Hann er oddviti Samfylkingar og óháðra á Seltjarnarnesi sem hlaut rúm 40% í sveitarstjórnarkosningum síðasta vor. Hann hefur setið sem bæjarfulltrúi síðan árið 2014 og í stjórn Sambands íslenskra sveitarfélaga frá árinu 2018.

Við óskum honum til hamingju með kjörið.

Í framboði voru Guðmundur Ari Sigurjónsson og Kjartan Valgarðsson.

Guðmundur Ari Sigurjónsson var kjörinn formaður framkvæmdastjórnar Samfylkingarinnar- jafnaðarflokks Íslands á landsfundi Samfylkingarinnar 2022. Hann hlaut 72,73%% greiddra atkvæða.

Guðmundur Ari Sigurjónsson er nýr formaður framkvæmdastjórnar

Tillagan var borin upp af Arnóri Heiðari Benónýssyni forseta Ungs jafnaðarfólks (UJ) og forvera hans, Rögnu Sigurðardóttur.Aðrar tillögur að breytingu á nafni voru dregnar til baka þar sem sátt náðist um þessa tillögu.Þá samþykkti landsfundur Samfylkingarinnar 2022 að merki flokksins verði rós, sem er alþjóðlegt merki jafnaðarfólks. Það var gert að tillögu verkalýðsmálaráðs Samfylkingarinnar.Kristrún Frostadóttir, nýkjörinn formaður flokksins, fagnar þessum breytingum: „Ég er ánægð með þessar ákvarðanir landsfundar. Með því að taka rósina upp sem merki styrkjum við ímynd okkar sem jafnaðarflokks. Og rósin fer vel saman við áherslur mínar um að leggja ofuráherslu á kjarnamál jafnaðarstefnunnar.“

Landsfundur Samfylkingarinnar samþykkti rétt í þessu að breyta nafni flokksins íSamfylkingin – jafnaðarflokkur Íslands. Það er minniháttar breyting á nafni flokksins sem var áður Samfylkingin – jafnaðarmannaflokkur Íslands.

Nýtt nafn og nýtt merki- Kristrún fagnar ákvörðun landsfundar

Arna Lára er bæjarstjóri á Ísafirði fyrir Í-listann og var varaþingmaður Samfylkingarinnar í Norðvestur kjördæmi 2010, 2019 og 2020. Við óskum henni til hamingju með kjörið.

Í framboði voru Arna Lára Jónsdóttir og Alexandra Ýr van Erven. 

Arna Lára Jónsdóttir var kjörin ritari Samfylkingarinnar- jafnaðarmannaflokks Íslands á landsfundi Samfylkingarinnar 2022. Hún hlaut 59,77% greiddra atkvæða.

Arna Lára Jónsdóttir nýr ritari Samfylkingarinnar

Jón Grétar Þórsson er fertugur Hafnfirðingur og formaður Samfylkingarfélagsins í Hafnarfirði frá 2016, fyrir formennsku gegndi hann hlutverki gjaldkeri félagsins. Hann er varabæjarfulltrúi fyrir Samfylkinguna í Hafnarfirði og hefur setið í hafnarstjórn fyrir hönd Samfylkingarinnar frá árinu 2018, þar á undan í menningar- og ferðamálanefnd. Jón Grétar sat í framkvæmdastjórn og miðstjórn Ungs jafnaðarfólks á árunum 2009 til 2014 og var  formaður UJ í Hafnarfirði á árunum 2009 til 2014.

Í framboði voru Jón Grétar Þórsson og Stein Olav Romslo. 

Jón Grétar Þórsson var kjörinn gjaldkeri Samfylkingarinnar- jafnaðarflokks Íslands á landsfundi Samfylkingarinnar 2022. Hann hlaut 49,64% greiddra atkvæða.

Jón Grétar nýr gjaldkeri Samfylkingarinnar

Minnum á laugardagskaffi Jafnaðarmanna alla laugardaga kl. 10.30-12:00 í Samfósalnum Víkurbraut 13 við Keflavíkurhöfn. Rjúkandi kaffi og kruðerí að hætti hússins. 

Samfylkingarfélagið í Hafnarfirði boðar til félagsfundar, mánudaginn 7. nóvember kl. 20:00, í Samfylkingarhúsinu í Hafnarfirði Strandgötu 43.

Á fundinum verður kynning frá Carbfix um starfssemi fyrirtækisins og fyrirhugað verkefni þess í Straumsvík.

Kruðerí verður á boðstólum og við hvetjum öll til að mæta!

Hlökkum til að sjá ykkur! 

Á vefsíðu Carbfix má lesa sér til um starfsemi fyrirtækisins. 

Friðjón Einarsson formaður bæjarráðs fer yfir fjárhagsáætlun Reykjanesbæjar fyrir árið 2023, rammar inn stöðuna og helstu verkefni bæjarins á bæjarmálafundi Samfylkingarinnar í Reykjanesbæ mánudaginn 14. nóvember,

Fundurinn, sem er fyrsti bæjarmálafundurinn þennan veturinn, er öllum opinn og verður haldinn í Samfylkingarsalnum Víkurbraut 13 við Keflavíkurhöfn mánudaginn 14. nóvember. Fundurinn hefst kl. 20.

Öll velkomin!

Á landsfundi Samfylkingarinnar – jafnaðarflokks Íslands um helgina voru veitt hvatningarverðlaun flokksins og 200 þúsund króna styrkur. Að þessu sinni varð fyrir valinu verkefnið Frú Ragnheiður á Akureyri, sem er unnið á vegum Eyjafjarðardeildar Rauða krossins á Akureyri. Um er að ræða skaðaminnkandi verkefni, sem miðar að þjónustu við einstaklinga með erfiðan fíknivanda og veitir þeim heilbrigðisaðstoð, sálrænan stuðning og nálaskiptaþjónustu. Unnið er samkvæmt hugmyndum um skaðaminnkun, sem snýst m.a. um að draga úr jaðarsetningu þeirra sem glíma við erfiðan fíknisjúkdóm. Heimsóknum til Frú Ragnheiðar á Akureyri hefur fjölgað á milli ára, en á fyrstu átta mánuðum ársins 2022 voru 

Heimsóknirnar 262 talsins, en 195 allt árið á undan. Hvatningarverðlaunin eru ekki síst veitt vegna þess óeigingjarna starfs sem sjálfboðaliðar Frú Ragnheiðar á Akureyri hafa sinnt, fólk sem hefur gefið tíma sinn og þekkingu í þágu mannúðar.

Hilda Jana Gísladóttir, bæjarfulltrúi Samfylkingarinnar á Akureyri afhenti fulltrúa frú Ragnheiðar, Sif Jóhannesar Ástudóttir viðurkenninguna, fyrir hönd flokksins. Sif sagði að þessu tilefni að þau væru ákaflega þakklát fyrir þannn stuðning og hlýhug sem Samfylkingin sýndi verkefninu og að fjármagnið kæmi sannarlega að góðum notum.

Frú Ragnheiður á Akureyri hlaut Hvatningarverðlaun Samfylkingarinnar

Nýjustu tölur eru frá árinu 2018 sem sýna að 9% íbúa búa við fátækt eða 31.400 einstaklingar og að um 20% leigjenda búi við fátækt. Einstæðir foreldrar á örorkubótum eru meðal þeirra verst settu.

Það má leiða að því góðar líkur að ástandið hafi ekki batnað á síðastliðnum fjórum árum. Það að lifa í stöðugum afkomuótta veldur kvíða, sálrænum erfiðleikum og félagslegri einangrun.

Fátækt fólk verður fyrir fordómum vegna þeirrar stöðu sem það er í. Börn sem alast upp við fátækt fá ekki sömu tækifæri og önnur börn. Mörg þeirra hafa ekki stuðning til að fara í framhaldsskóla og hafa ekkert til að hlakka til. Mörg þeirra búa við skaðleg hegðunarmynstur sem fylgja þeim út í lífið, hegðunarmynstur sem þau þurfa aðstoð sálfræðinga eða annars fagfólks við að rjúfa.

Sveltistefna ríkisstjórnarinnar í heilbrigðis- og velferðarmálum kemur harðast niður á þeim sem helst þurfa á þjónustu og stuðningi ríkisins að halda. Stuðningur við barnafólk og húsnæðisstuðningur er skorinn við nögl og tekjuskerðingar grimmar.

Reyni fátækt fólk að vinna sig út úr vandanum er stuðningur skorinn niður á móti. Öryrkjar og aldraðir með litlar tekjur eiga allt sitt undir stjórnvöldum, að greiðslurnar sem þau fá frá hinu opinbera dugi fyrir mannsæmandi lífi. Svo er ekki nú um stundir vegna rangra pólitískra ákvarðana.

Vegna þess að stjórnarþingmenn hafa ítrekað fellt tillögur okkar jafnaðarmanna um hærri lífeyrisgreiðslur, hærri greiðslur til barnafjölskyldna, betri húsnæðisbætur og hafa ekki beitt sér fyrir því að á vinnumarkaði verði til fleiri hlutastörf fyrir fólk með skerta starfsgetu.

Ráðherrar og stjórnarþingmenn tala mikið um farsæld barna og snemmtæka íhlutun og allt það. Það er ekki nóg. Það þarf að grípa til aðgerða, fjármagna þær og útrýma fátækt á Íslandi.

Á Íslandi, einu ríkasta ríki heims, þrífst fátækt. Þúsundir barna búa hér við sárafátækt.

Stjórnmálaályktun landsfundar Samfylkingarinnar 2022:

Samfylkingin – jafnaðarflokkur Íslands  lítur á það sem höfuðverkefni næstu ára að endurreisa velferðarkerfið á Íslandi eftir áratug hnignunar. Kjarnamál jafnaðarstefnunnar kalla á alla okkar athygli nú sem aldrei fyrr: húsnæðisöryggi, heilbrigðisþjónusta, almannatryggingar, samgöngur og önnur málefni sem snerta lífskjör og  daglegt líf fólks.  Samfylkingin var ekki stofnuð til að vera í stjórnarandstöðu heldur til að vera forystuafl í íslenskum stjórnmálum.  Nú gengur í hönd tími breytinga í flokknum undir nýrri forystu. Stóra verkefnið er að endurheimta traust til að stjórna landinu. 

Samfylkingin fordæmir atlögu að samtökum og sjóðum launafólks

Samfylkingin – jafnaðarflokkur Íslands fordæmir atlögu ráðherra og stjórnarþingmanna að samtökum og sjóðum launafólks.

Atlagan birtist nú í lagafrumvarpi til höfuðs stéttarfélögum og í stefnu um að seilast í lífeyrissparnað launafólks til að borga skuldir ÍL-sjóðs. Það er óábyrg stefna. 

Ríkissjóður á að jafna byrðar fólks. Það er ekki gert með því að taka 200 milljarða króna af sparnaði tiltekinna hópa launafólks til að borga fyrir afglöp óreiðustjórnmálamanna úr Framsóknarflokki og Sjálfstæðisflokki.

Samfylkingin kallar eftir því að ríkisstjórnin sýni ábyrgð í málinu og leiði það til lykta með samstöðu og jafnaðarmennsku að leiðarljósi.

Samfylkingin hafnar lagafrumvarpi um bann við forgangsréttarákvæðum í kjarasamningum og afnám greiðsluskyldu til stéttarfélaga. Í því felst hótun um að kippa fótunum undan sterkri verkalýðshreyfingu á Íslandi. Þannig er vegið að viðkvæmri sátt sem ríkt hefur á íslenskum vinnumarkaði um árabil. Samfylkingin kallar eftir víðtækri samstöðu um að viðhalda sterkri verkalýðshreyfingu í landinu.

Samfylkingin – jafnaðarflokkur Íslands vill setja réttlæti í öndvegi og að almannahagsmunir ráði för. Sérhagsmunagæsla og klíkustjórnmál eiga að vera arfleifð fortíðar.

Stjórnmálaályktun landsfundar Samfylkingarinnar 2022.  Guðmundur Árni Stefánsson varaformaður Samfylkingarinnar kynnti ályktunina og var hún samþykkt með miklu lófataki.

„Samfylking fordæmir atlögu gegn samtökum og sjóðum launafólks“

Leit um „��“

2895 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „������������������������������������������������������������“

2895 niðurstöður fundust við leit að „������������������������������������������������������������“