Spjallkaffi Samfylkingarinnar í Reykjavík 60+ verður á sínum stað, á morgun, miðvikudaginn 6. desember kl. 10:00 - 12:00 í sal Samfylkingarinnar Hallveigarstíg 1, 101 Reykjavík.

Gestur okkar að þessu sinni er Sigríður Ingibjörg Ingadóttir, hagfræðingur.  

Það verður heitt á könnunni og eitthvað með því. 

Verið öll velkomin! 

Mildum höggið fyrir heimilin og vinnum bug á verðbólgunni 

Lesið Kjarapakka Samfylkingar í heild sinni hér á pdf formi.

6 milljarðar í vaxta- og húsnæðisbætur

Styðjum 10.000 skuldsatt heimili til viðbótar - í stað þess að henda 5.000 heimilum úr vaxtabótakerfinu

Tryggjum að húsnæðisbætur haldi verðgildi sínu í stað þess að lækka milli ára

Tímabundin stuðningur sem beinist til bænda með þunga vaxtabyrði

Aðgerðir til að auka húsnæðisöryggi

Náum stjórn á Airbnb og skammtímaleigu íbúða

Tímabundin leigubremsa að danskri fyrirmynd

Ívilnun til uppbyggingar á almennum íbúðum

Hækkum fjármagnstekjuskatt úr 22% í 25% 

Þar af 6 miljarðar til að fjármagna aðgerðir vegna ástands í Grindavík

Brýnt er að fjármagna öll fyrorséð útgjöld til að kynda ekki undir verðbólgu - þar á meðal afkomutryggingu og leigustuðning fyrir Grindvíkinga

Aðalfundur 60+ í Reykjavík verður haldinn miðvikudaginn 17. janúar kl. 17 - 19 á Hallveigarstíg 1.

Formaður uppstillingarnefndar er Ingibjörg Guðmundsdóttir, þau sem hafa áhuga á framboði geta sent tölvupóst á samfylking@samfylking.is.  

Dagskrá:

Greinargerð um störf og framkvæmdir stjórnar á liðnum 2 árum

Kosning fjögurra félagsmanna í aðalstjórn

Kosning tveggja félagsmanna í varastjórn

Kosning þriggja manna í uppstillingarnefnd

Fram til ársins 2003 bar Landsvirkjun ábyrgð lögum samkvæmt á raforkuöryggi á Íslandi. Það ár var innleiddur samkeppnismarkaður með raforku og frá þeim tíma hefur enginn, hvorki opinbert stjórnvald né opinber raforkuframleiðandi, borið ábyrgð á því að tryggja raforkuöryggi í landinu. Á þetta hefur margoft verið bent og einnig flutt þingmál til að vekja athygli á stöðu sem hvorki getur talist skynsamleg né sanngjörn.
 
 Hér á landi eru í raun tveir orkumarkaðir. Markaður stórnotenda sem keppa á alþjóðamarkaði og gera leynilega langtímasamninga um kaup á raforku við stórfyrirtæki á borð við Landsvirkjun. Á hinum markaðnum er raforka seld til heimila og fyrirtækja, annarra en stóriðju. Mörg fyrirtæki og jafnvel sveitarfélög gera orkusamninga sem kveða á um skerðingar í slæmum vatnsárum gegn lægra verði. Sú staðreynd vill oft gleymast í umræðunni. 

Í samræmi við ákvæði þriðja orkupakkans bera stjórnvöld sérstaka ábyrgð á því að tryggja raforkuöryggi almennra notenda og eiga að skilgreina þá ábyrgð sem alþjónustu (e. public service obligation) í lögum. Ég flutti á síðasta löggjafarþingi tillögu um að ríkisstjórnin setti þessa skyldu við almenning í lög. Hún var ekki afgreidd en á yfirstandandi þingi lagði umhverfis-, orku- og loftslagsráðherra fram frumvarp til breytinga á raforkulögum sem tekur á þessu atriði, það er að skilja á milli stórnotenda og almennings á raforkumarkaði.

Nú liggur fyrir Alþingi frumvarp frá atvinnuveganefnd þar sem lagt er til að raforkuöryggi til kaupenda á almennum orkumarkaði verði tryggt og kveðið á um að þau skuli njóta forgangs ef til skömmtunar kemur vegna ónógs raforkuframboðs. Það gerist til dæmis í vondum vatnsárum þegar uppistöðulón vatnsaflsvirkjana safna ekki þeim vatnsforða sem nauðsynlegur er til að sinna spurn eftir raforku yfir veturinn. Náttúrulegar auðlindir eru einmitt það, náttúrulegar og háðar sveiflum í vistkerfum og veðurfari. Sveiflurnar valda meðal annars vondum vatnsárum með reglulegu millibili. Það eru ekki ný tíðindi. 

Með því að kveða á um rétt almennings og smærri fyrirtækja til alþjónustu er almenningi í landinu tryggður réttur til fá afhenta raforku af tilteknum gæðum á sanngjörnu verði sem er auðveldlega og greinilega samanburðarhæft, gagnsætt og án mismununar. Þá er rétt að minna á orkustefnu til 2050 en segir að almenningur og þjónusta í almannaþágu skuli ávallt njóta forgangs umfram aðra hagsmuni.

Það er auðvelt að gagnrýna aðgerðaleysi ríkisstjórnarinnar í þessum málum um árabil en það er ódýr pólitík að setja sig upp á móti tillögum um að raforkuöryggi heimilanna verði tryggt. Stjórnvöldum ber skylda til að tryggja raforkuöryggi almennings. 

Greinin birtist í Morgunblaðinu 12. desember 2023.
  

Verið velkomin á bæjarmálafund Samfylkingarinnar á Akranesi fimmtudaginn 25. janúar kl. 20 í húsnæði okkar við Stillholt. 

Gestur fundarins er Þórunn Sveinbjarnardóttir, þingmaður. 

Spjöllum saman um þingið, landsmálin og bæjarmálin. 

Bæjarmálafundur og kvöldstund með þingmanni 

Á fimmtudaginn syttist í að prófatíðinni ljúki og við bjóðum öll hjartanlega velkomin í kærkomið frí frá lærdómnum og spjall með UJ á Dönsku kránni

Er til betri leið til að fagna komu jóla og prófloka en að fá sér drykk og ræða málefni líðandi stundar?

Við ætlum að hittast á Danska kl 19:00, fimmtudaginn 14. desember og gleðjast saman.

Öll velkomin! Hlökkum til að sjá ykkur!

Kynnið ykkur Kjarapakka Samfylkingar í heild sinni hér

„Nú verður að milda höggið fyrir heimilin. Samfylkingin vill aðhald þar sem þenslan er í raun. Það er lykillinn að því að vinna bug á verðbólgunni,“ segir Kristrún í tilkynningu til fjölmiðla.

„Á tímum hárra vaxta og verðbólgu er ótrúlegt að ríkisstjórnin sé að minnka stuðning við skuldsett heimili og leigjendur. Samfylkingin vill fara aðra leið. Þess vegna kynnum við í dag kjarapakka sem gengur út á að vinna bug á  verðbólgunni — með aðhaldi þar sem þenslan er í raun og veru — og um leið að milda höggið fyrir heimilin.“

Eins og fram hefur komið í fjölmiðlum verður 5.000 heimilum hent út úr vaxtabótakerfinu ef fjárlög ríkisstjórnarinnar verða samþykkt óbreytt. Sömuleiðis lækka fjárheimildir fyrir húsnæðisbætur til leigjenda á milli ára.

Tillögur kjarapakkans falla undir tvo flokka sem bera yfirskriftina „Mildum höggið fyrir heimilin“ og  „Vinnum bug á verðbólgunni“. Fyrir utan stuðning við skuldsett heimili er þar meðal annars að finna vaxtabætur fyrir bændur og aðgerðir til að auka húsnæðisöryggi — svo sem með því að ná stjórn á Airbnb, tímabundinni leigubremsu að danskri fyrirmynd og ívilnun til uppbyggingar almennra íbúða.

Loks eru í kjarapakkanum tillögur um 24 milljarða aðhald á tekjuhlið ríkissjóðs — en þar af er gert ráð fyrir 6 milljörðum til að fjármagna aðgerðir vegna ástandsins í Grindavík, svo sem afkomutryggingu og leigustuðning. Tekjutillögurnar eru óbreyttar frá þeim kjarapakka sem Samfylkingin kynnti fyrir fjárlög og kjarasamninga í desember í fyrra.

Kristrún Frostadóttir, formaður Samfylkingarinnar – Jafnaðarflokks Íslands, kynnti í dag kjarapakka flokksins í tengslum við fjárlög og komandi kjarasamninga.

Þeir vofveiflegu atburðir áttu sér stað fyrir meira en 100 árum en það dregur ekki úr gildi þess að horfast í augu við söguna og viðurkenna voðaverkin, líkt og Þýskaland hefur gert vegna helfararinnar gegn gyðingum. Þjóðernishreinsanir og þjóðarmorð eru glæpir gegn mannkyni. Slíkir glæpir mega ekki líðast, gleymast eða endurtaka sig.

En þeir gera það samt eins og dæmin sanna.
 
Alþjóðakerfið sem reist var með stofnun Sameinuðu þjóðanna árið 1945 og stofnana á borð við Alþjóðagjaldeyrissjóðinn og Alþjóðabankann byggist á heimssýn og hagsmunum sigurvegara seinni heimsstyrjaldarinnar. Í þeim hildarleik voru færðar ómetanlegar fórnir til að sigra mannhatursstefnu fasismans. Sigurvegararnir höfðu vit og framsýni til að styðja við uppbyggingu Þýskalands og Japans að lokinni styrjöldinni og stuðla þannig að friði og efnahagsvexti. Þetta fyrirkomulag var hvorki fullkomið né óumdeilt og til varð tvípóla alþjóðakerfi, kalt stríð og kjarnorkuógn sem enn vofir yfir.
 
Rúmlega þrír áratugir eru liðnir frá falli Sovétríkjanna og í raun frá falli þess alþjóðakerfis sem friðurinn að lokinni seinni heimstyrjöldinni byggði á. Á þeim tíma hafa brotist út fleiri stríð en ég hef tölu á og þjóðernishreinsanir eiga sér enn stað án nokkurra afleiðinga fyrir stríðandi fylkingar. Alþjóðakerfið sem studdi stofnun Ísraelsríkis árið 1948 hefur í dag hvorki pólitískan vilja né burði til að stöðva þjóðernishreinsanir Ísraelshers á Gasa.

Nær allir íbúar Gasa eru á flótta, eða tæplega 2 milljónir. Rúmlega 22 þúsund manns hafa verið drepin, þar af 9 þúsund börn! 57 þúsund manns eru særð og slösuð. Hungursneyð vofir yfir og nær enga læknishjálp er lengur að fá á Gasa. Öfgapólitík og ofstæki stýrði hryðjuverkaárás Hamas á óbreytta borgara í Ísrael 7. okt. sl. En engu minna ofstæki ræður för í viðbrögðum Ísraelsstjórnar, sem er fjármögnuð og vopnuð af Bandaríkjunum. Óskilyrtur stuðningur Bandaríkjastjórnar við Ísrael gerir Biden beinlínis að samverkamanni Netanjahús. Eina vonarglætan er að þessi stefna nýtur ekki lengur sama stuðnings í Bandaríkjunum og hún gerði um áratugaskeið.

 Í upphafi árs 2024 má öllum vera ljóst að alþjóðakerfið stendur á brauðfótum. Það tryggir hvorki frið né öryggi. Ríkin 193 sem aðild eiga að Sameinuðu þjóðunum eiga engan annan kost en að endurskoða samsetningu og hlutverk öryggisráðsins. Í dag er það lamað vegna neitunarvalds sigurvegara seinni heimstyrjaldarinnar og ófært um að stuðla að friðsamlegri lausn átakanna fyrir botni Miðjarðarhafs.

Greinin birtist í Morgunblaðinu 4. janúar 2024. 

Fyrir Alþingi liggur tillaga frá mér og fleirum þess efnis að þjóðarmorð gegn Armenum á dögum fyrri heimsstyrjaldarinnar verði viðurkennt og fordæmt af löggjafarsamkomu Íslendinga. 

Börnin á Íslandi eru að mínu mati á ábyrgð okkar allra. Þau eru framtíðin og við þurfum sem foreldrar og samfélag, sveitarfélög og ríkið, að veita þeim sem allra bestan og frjóastan jarðveg til að þroskast svo þau njóti sín til fulls. Þetta á ekki síst við þau fjölmörgu börn af erlendum uppruna sem hér búa, þau þurfa að klífa hærri hindranir en flest íslensk börn og það er mikilvægt að staða þeirra verði bætt, ekki einungis þeirra vegna, heldur þjóðfélagsins alls.

Í dag lagði Dagur B. Eggertsson, borgarstjóri, fram tillögu í borgarráði um eflingu menntunar og stuðnings við börn af erlendum uppruna í skóla- og frístundastarfi í borginni. Tillagan var samþykkt og fara 195 m.kr. á árinu 2024 í verkefnið en 341,8 m.kr. árið 2025.

Þessar aðgerðir tryggja aukinn stuðning við þennan hóp, viðbót við vegferð sem borgin hefur nú í nokkur ár verið á til að styðja við íslenskukennslu og inngildingu þessara barna. Í sömu viku og innviðaráðherra hefur tilkynnt að frumvarpið sem átti að tryggja endalok á mismunun þessara barna af hálfu ríkisins fái ekki framgang og að dómi sem dæmdi þessa mismunun ólöglega verði áfrýjað, þótt öll sveitarfélög í landinu nema Reykjavík fái 170.000 krónur stuðning fyrir hvert barn af erlendum uppruna eins og fram hefur komið.

En borgin ætlar ekki að láta þessi börn gjalda fyrir það frekar en á fyrri árum. Og hópurinn verður sífellt mikilvægari, en börnum með fjölbreyttan tungumála- og menningarbakgrunn í leik- og grunnskólum borgarinnar hefur fjölgað um yfir 1000 bara síðan 2020. Og þar ber sérstaklega að nefna hóp barna með flóknar þarfir eins og börn með stöðu flóttafólks og fötluð börn þar sem Reykjavíkurborg rekur sérúrræði.

Mikil umræða hefur verið um niðurstöður Pisa og veldur þar einna mestum áhyggjum að jafnvel börn með fjölbreyttan tungumála- og menningarbakgrunn sem fædd eru og uppalin hér á landi standa veikar en börn með íslenskan bakgrunn. Kallað var eftir auknum stuðningi inn í skóla- og frístundastarf og voru öll sammála að hér væri mest þörf fyrir aðgerðir.

Borgin hefur svarað þessu kalli fyrir löngu og nefni ég hér einungis helstu aðgerðir á síðustu árum:

2 verkefnastjórar fjölmenningar með sérþekkingu

Velkomin í hverfið þitt, móttökuáætlun sem veitir heildarráðgjöf fyrir fjölskyldur til að taka virkan þátt t.d. í tómstundastarfi

Stöðumat fyrir nýkomna nemendur sem metur færni barns í staðinn fyrir að horfa bara á það sem það kann ekki á íslensku

2 kennsluráðgjafar í Miðju máls og læsis

Tvítyngdir brúarsmiðir í 3 stöðugildi, innflytjendur með sértæka menntun sem tryggja samtal bæði í kennslustofum sem og milli fjölskyldna og skóla

Stoðdeild Birtu fyrir börn í leit að alþjóðlegri vernd

Skólaúrræði fyrir nemendur frá Úkraínu

Og nú gefum við í frekar en að draga úr.

Nýju aðgerðirnar sem samþykktar voru í dag eru:

Stuðningsteymi vegna barna á flótta með mikla áfallasögu með 3 stöðugildum úr röðum t.d. sálfræðinga, þroskaþjálfa eða listþerapista.

Ráðning spænskumælandi brúarsmiðs en börnum frá Venesúela hefur fjölgað gríðarlega mikið.

Kennsluráðgjafar í íslensku sem öðru máli í allar miðstöðvar.

Viðbótar stöðugildi inn í 4 íslenskuver.

Úthlutun í íslenskukennslu hækkar í 170.000 per barn, til jafns við það sem börn í öðrum sveitarfélögum utan Reykjavíkur fá úr Jöfnunarsjóði.

Sundkennsla barna á mið- og unglingastigi sem eru ósynd.

Túlkapottur vegna stöðumats og stuðnings við foreldra.

Þetta er aðeins yfirlit yfir margvíslegt starf til að sýna hvað borgin er að gera svo að börnin fái nauðsynlegan stuðning, en munum að þetta eru börnin okkar allra.

Greinin birtist á visi.is 11. janúar 2024. 

Ríkisstjórn Íslands er er í andarslitrunum. Öll stóru orðin um að brúa bilin í samfélaginu, leita sáttaleiða, koma í veg fyrir skautun í stjórnmálaumræðunni og skapa stöðugleika í efnahagslífinu, eru nú marklaus – fokin út í buskann.
 
 Ég ætla ekki að gera lítið úr því að ríkisstjórn Katrínar Jakobsdóttur hefur fengið nokkur óvænt og stór verkefni í fangið á líftíma sínum. Heimsfaraldurinn sem geisaði í tæp þrjú ár reyndi á en hann reyndi líka á heimsbyggðina alla á sama tíma. Forystufólk ríkisstjórnarinnar gaf sérfræðingum eftir sviðið og upplifun almennings var að það góða fólk bæri ekki síður ábyrgð á nauðsynlegum og erfiðum ákvörðunum en ráðherrarnir. Á pólitíska sviðinu skapaðist því skjól sem vandfundið er á þeim berangri. Og í því skjóli endurnýjuðu formenn Vinstri grænna, Framsóknar- og Sjálfstæðisflokksins heitin haustið 2021 á meðan talið var upp úr kjörkössunum í Borgarnesi.
 
 Efnahagsaðgerðirnar sem gripið var til á heimsfaraldursárunum reyndust þegar allt kom til alls eldsmatur þenslu, verðbólgu og nær endalausra vaxtahækkana. Afleiðingarnar má sjá í lífskjaraskerðingu þeirra efnaminni í samfélaginu. Ungt fólk er fast heima hjá foreldrum sínum. Leigjendur búa við okurkjör og þau sem festu kaup á húsnæði með lánum á breytilegum vöxtum glíma nú við þunga greiðslubyrði. Neyðarástand hefur í raun ríkt á húsnæðismarkaði árum saman og fátt bendir til þess að þessi stjórn hafi í sér dug til að grípa til ráðstafana sem duga til að efla húsnæðisöryggi fólksins sem byggir Ísland.
 
 Fyrir helgi skrifaði Bjarni Benediktsson, utanríkisráðherra og formaður Sjálfstæðisflokksins, sig út úr ábyrgri og lýðræðislegri umræðu um málefni útlendinga hér á landi með ósmekklegri samsuðu útlendingaandúðar og hræðsluáróðurs. Þar fór fyrir lítið málflutningur forsætisráðherra um að þetta stjórnarsamstarf henti svo vel til að koma í vel fyrir skautun og öfga í stjórnmálaumræðunni.
 
 Þá kem ég að jarðhræringum og eldgosum á Reykjanesskaga. Samfylkingin hefur frá upphafi lýst því yfir að hún muni styðja nauðsynlegar aðgerðir vegna náttúruhamfaranna og hrikalegra afleiðinga þeirra fyrir Grindvíkinga, heimili og fyrirtæki. En þær ákvarðanir þarf að taka í samstarfi við stjórnarandstöðuflokkana og það þarf að formgera eins og Kristrún Frostadóttir formaður Samfylkingarinnar benti á í gær. Við öxlum þessar byrðar saman sem samfélag og skiljum engan eftir. Það gerist best í samstarfi meiri og minni hlutans á Alþingi. Samfylkingin mun ekki liggja á liði sínu í þessu mikilvæga verkefni.
 
 Erindi þessarar ríkisstjórnar er þrotið. Verkefnin sem leysa þarf verða aðeins leyst í samvinnu allra flokka á Alþingi Íslendinga. Því fyrr sem boðað er til alþingiskosninga, því betra.

Grein birtisti í Morgunblaðinu 23. janúar 2024. 

Leit um „��"

3253 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������"

3253 niðurstöður fundust við leit að „���������������������������"