Spjallkaffi Samfylkingarinnar í Reykjavík 60+ verður á sínum stað miðvikudaginn 3. apríl kl. 10:00 - 12:00 í sal Samfylkingarinnar Hallveigarstíg 1, 101 Reykjavík.

Gestur okkar að þessu sinni er Jóhann Páll Jóhannsson.

Það verður heitt á könnunni og eitthvað með því. 

Verið öll velkomin! 

Fjölmenningarsamfélagið Ísland: Hvernig gerum við betur í málefnum fólks af erlendum uppruna?

Þórunn Sveinbjarnardóttir, þingkona Samfylkingarinnar í Suðvesturkjördæmi og Árni Rúnar Þorvaldsson, bæjarfulltrúi Samfylkingarinnar í Hafnarfirði, koma til okkar og ræða við okkur um málefni fólks af erlendum uppruna. Kortleggja með okkur hvar við þurfum að gera betur og hvar við getum sótt fram.

Fundur hefst 19:30 og öll eru velkomin.

Stjórnin

Hafnarfjörður: Opinn fundur um fjölmenningarsamfélagið

Aðalfundur Samfylkingarinnar í Árborg og nágrenni er boðaður laugardag 23. mars kl 11:00 í Samfylkingarsalnum að Eyravegi 15 á Selfossi

Á dagskrá eru aðalfundarstörf samkvæmt lögum félagsins:

•    Skýrsla stjórnar flutt og lögð fram til umræðu og samþykktar.

•    Reikningar félagsins lagðir fram til umræðu og samþykktar.

•    Skýrslur nefnda sem starfa á vegum félagsins.

•    Breytingar á samþykktum félagsins bornar upp til umræðu og samþykktar. (Engar breytingar hafa verið boðaðar)

•    Kosning stjórnar, formanns og fjögurra aðalmanna og tveggja til vara.

•    Kosning þriggja manna í skoðunarnefnd, skv. lögum Samfykingarinnar 

Léttur hádegisverður, súpa og meðlæti.

Félagsfólk er hvatt til að mæta og taka þátt.

Spjallkaffi Samfylkingarinnar í Reykjavík 60+ verður á sínum stað miðvikudaginn 10. apríl kl. 10:00 - 12:00 í sal Samfylkingarinnar Hallveigarstíg 1, 101 Reykjavík.

Gestur okkar að þessu sinni er Atli Thor Fanndal framkvæmdastjóri Transparency International

Samfylkingin heldur opinn fund um atvinnu og samgöngur, laugardaginn 23. mars, í Iðnó í Reykjavík. Á meðal gesta verða Kristrún Frostadóttir formaður Samfylkingarinnar, Guðmundur Árni Stefánsson varaformaður, Arna Lára Jónsdóttir og Margrét Kristmannsdóttir úr stýrihópi flokksins um atvinnu og samgöngur. Öllum er velkomið að koma og taka þátt í samtalinu.

Boðið verður upp á léttar veitingar og fólki er auðvitað frjálst að koma inn í einstaka dagskrárliði en sleppa öðrum.

Dagskrá:
Kl. 10:00 — Atvinnustefna og vinnumarkaðsmál
Kl. 11:00 — Auðlindastefna og orkumál
Kl. 12:00 — Samgöngumál

Hvernig vilt þú sjá atvinnu og samgöngur þróast á höfuðborgarsvæðinu og á Íslandi öllu? Við viljum fá þig með í samtalið.

Iðnó: Opinn fundur um atvinnu og samgöngur

„Við viljum að allir Íslendingar viti fyrir hvað þessi rós stendur,“ segir Kristrún Frostadóttir, formaður Samfylkingarinnar, í tilefni af sigri rósarinnar.

Samfylkingin vann gullverðlaun í flokknum Firmamerki á FÍT-verðlaununum sem veitt voru síðastliðinn föstudag. Þá vann Samfylkingin jafnframt til silfurverðlauna í flokknum Mörkun fyrirtækja. Nýtt merki og nýtt útlit flokksins var tekið í notkun í mars á síðasta ári og hannað af Sigurði Oddssyni sem er grafískur hönnuður og hönnunarstjóri í New York. 


Í umsögn dómnefndar segir að merki Samfylkingarinnar sé „nútímaleg útfærsla á alþjóðlegu tákni í teiknistíl sem er eftirtektarverður“. Iceland Innovation Week og Orka hlutu silfurverðlaun fyrir sín merki en engin gullverðlaun voru veitt í flokknum Mörkun fyrirtækja.


„Þetta skiptir okkur máli. Rósin skiptir okkur máli og við viljum að allir Íslendingar viti fyrir hvað þessi rós stendur. Það er mikilvægt fyrir Samfylkinguna að halda sterkri tengingu við yfir hundrað ára sögu og sigurgöngu jafnaðarstefnunnar, sem hefur getið af sér farsælustu samfélög í heiminum. Við óskum Sigurði Oddssyni hjartanlega til hamingju með þessa viðurkenningu og þökkum honum fyrir einstaklega vel unnið verk og gott samstarf,“ segir Kristrún Frostadóttir, formaður Samfylkingarinnar, í tilefni af sigri rósarinnar.

Tillaga um nýtt merki sem væri rauð rós, alþjóðlegt tákn sósíaldemókrata, var lögð fram af formanni stjórnar verkalýðsmálaráðs Samfylkingarinnar og samþykkt á landsfundi flokksins haustið 2022 þegar Kristrún var kjörin formaður. Nýja merkið var svo afhjúpað ásamt nýju útliti á flokksstjórnarfundi í Hafnarfirði vorið 2023.

Við kynningu merkisins kom fram að rauða rósin ætti sér langa sögu sem tákn fyrir andóf gegn kúgun og gerræði. Sagt hefur verið að rauði liturinn tákni baráttuna gegn veraldlegri fátækt en að rósin sjálf sé tákn fyrir baráttu gegn andlegri fátækt.

Rós Samfylkingarinnar vann gullið hjá Félagi íslenskra teiknara

Opið hús Samfylkingarinnar í Árborg og nágrenni verður haldið laugardaginn 13. apríl kl. 11:00 í Samfylkingarsalnum að Eyravegi 15 á Selfossi. 
Félagsfólk er hvatt til að mæta og bjóða með sér gestum.

Góður vettvangur fyrir samtal, upplýsingar, hugmyndir og stefnumótun.

Kaffiveitingar að vanda og opið öllum.

Aðalfundur Samfylkingarinnar á Akureyri er boðaður þriðjudaginn 26. mars kl 20:00 í Samfylkingarsalnum, Sunnuhlíð 12. 


Ársreikningar félagsins fyrir næstliðið ár lagðir fram

Umræður um skýrslu stjórnar og afgreiðsla ársreiknings

Kosning tveggja skoðunarmanna og eins til vara

Félagsfólk er hvatt til að mæta og taka þátt.
Stjórn Samfylkingarinnar á Akureyri.

Rætt verður um verkaskiptingu ríkis og sveitarfélaga, þjónustu sveitarfélaga við aldraða og margt fleira áhugavert tengt málaflokknum.

Jóhann Páll Jóhannsson þingmaður og nefndarmaður í velferðarnefnd opnar fundinn á stuttu erindi um stöðu aldraðra á Íslandi í dag. Í framhaldinu mun Þórunn Sveinbjarnadóttir, þingmaður kjördæmisins, stýra pallborðsumræðum með fulltrúum sveitarfélaganna.  

Fundurinn verður haldinn þriðjudaginn 9. apríl kl. 20, í húsnæði Samfylkingarinnar í Mosfellsbæ að Þverholti 3. Heitt verður á könnunni og öll velkomin!

Stjórn kjördæmisráðs í Suðvesturkjördæmi.

Samfylkingarfélögin í Kraganum standa fyrir opnum fundi um málefni aldraðra innan sinna sveitarfélaga. 

Þar er dregin upp skýr mynd af stöðunni í stríði Ísraels við Hamas tæplega hálfu ári eftir hryðjuverkárásina á Ísrael. Albanese segir stríðsreksturinn uppfylla skilyrði alþjóðalaga um þjóðarmorð.

Staðan á hernumdu svæðunum í Palestínu er hrikaleg. Eftir 6 mánaða stríð er Gasa-ströndin er rústir einar og minnir helst á borgir Evrópu í lok seinni heimsstyrjaldar. Ógnarstjórn ríkir á Vesturbakkanum þar sem landræningar njóta stuðnings stjórnvalda. Tölurnar tala sínu máli. Fleiri börn hafa verið drepin á Gasa en í öllum stríðsátökum í heiminum síðastliðin fjögur ár. Að minnsta kosti 32 þúsund manns liggja í valnum og 12 þúsund eru týnd, líklega grafin í rústum. Rúmlega 70 þúsund manns hafa slasast. Mjög mikið er um alvarleg brunasár og útlimimissi. Ísraelsher hefur sprengt skóla, sjúkrahús, vegi og vatnsveitur jöfnum höndum. Engin virðing er borin fyrir ákvæðum Genfarsáttmálanna.

Hungursneyð af mannavöldum vofir yfir öllum íbúum Gasa. Börn eru byrjuð að deyja úr hungri. Hjálpargögnum er varla hleypt inn á svæðið. Það vantar mat, vatn, lyf og læknistæki. Það er þyngra en tárum taki að sjá fréttaflutning af hjálpargögnum varpað úr flugvélum. Öll sem einhverja þekkingu hafa á aðstoð við fólk í neyð vita að það er allra versta leiðin til að koma gögnum til sveltandi fólks. UNRWA – flóttamannaaðstoð SÞ við Palestínu – hefur ekki verið þyrmt í þessum stríðsrekstri og líka gerð að sérstöku pólitísku skotmarki.

Í skýrslu Francescu Albanese er rakið hvernig þjóðarmorð eigi sér ávallt aðdraganda, sem krefst pólitísks vilja, skipulagningar, kúgunar, afmennskunar og áralangra aðgerða sem grafa undan borgaralegum réttindum og tilverurétti tiltekins hóps. Þannig var það í Rúanda 1994. Þannig er það einnig í Súdan. Síðastliðið hálft ár hafa verið lögð drög að þjóðarmorði í Palestínu. Á því leikur enginn vafi en rætur þess liggja dýpra.

Viðbrögð Ísraelsstjórnar við hryðjuverkaárás Hamas eru í ekki í neinu samræmi við glæpinn sem framinn var 7. október 2023. Þau eru hins vegar í fullu samræmi við stefnu öfgahægri- og bókstarfstrúarmannanna sem sitja í ríkisstjórn Netanjahús. Þeir hafa talað tæpitungulaust um nauðsyn þess að útrýma Palestínu og stökkva öllum íbúum hennar á flótta. Að því leytinu eru þeir engu skárri en Hamas sem stefnir að útrýmingu Ísraelsríkis.

Sögunni sem hófst með stofnun Ísraelsríkis árið 1948, hinu fyrsta Nakba, og var framhaldið með hernáminu 1967 er sannarlega ekki lokið. Stríðið á Gasa og getuleysi ríkja heims til að koma Palestínu til bjargar er ömurlegur vitnisburður um uppgang öfgaafla og stöðu heimsmálanna.

Greinin birtist í Morgunblaðinu 28. mars 2024. 

Francesca Albanese kynnti skýrslu sína „Anatomy of a genocide“ fyrir Mannréttindaráði Sameinuðu þjóðanna í vikunni. 

Leit um „��"

3374 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3374 niðurstöður fundust við leit að „���������������������������������������������������"