Opið hús nóvembermánaðar verður haldið laugardaginn 4. nóvember í Þverholtinu kl. 11 - 13. 

Anna Sigríður bæjarfulltrúi fer yfir helstu verkefni á borði bæjarráðs og bæjarstjórnar þessi dægrin og nefndafólk segir frá helstu viðfangsefnum sinna nefnda. 

Boðið verður upp ljúffenga súpu.

Samkomulag ríkis og Reykjavíkurborgar um aukið framboð á íbúðum, sem borgarstjóri og innviðaráðherra undirrituði í ársbyrjun, er afar mikilvægt. Þar er kveðið á um að byggðar verði 16 000 íbúðir í Reykjavík á árunum 2023 til 2032 og einnig, sem er ekki síður mikilvægt, er gert ráð fyrir að 35 prósent þessara 16 þúsund íbúða verði félagslegt og hagkvæmt húsnæði.

Samkomulagið markar tímamót en setur jafnframt kvaðir á borg og ríki að framfylgja því. Það felur í sér mikilvæga framtíðarsýn og réttlátt húsnæðiskerfi. Nákvæmlega þess vegna sætir nokkurri furðu að Reykjavík skuli, enn sem komið er, vera eina sveitarfélagið sem gert hefur slíkt samkomulag.

Umræða um húsnæðismál hefur verið áberandi undanfarnar vikur. Rætt er um botnfrosinn markað og hávaxtastefnu Seðlabankans og þröngum lánaskilyrðum kennt um. Það er vissulega slæmt en ástandið er skilgetið afkvæmi sveiflukennds efnahagslífs. Húsnæðismarkaðurinn í Reykjavík er reyndar ekki botnfrosinn. Ekki ennþá. Í dag eru um 2800 íbúðir í byggingu í Reykjavík, aðrar 2700 áætlaðar íbúðir eru á lóðum sem búið er að deiliskipuleggja, og því hægt að byggja strax, og álíka margar á byggingarhæfum lóðum. Auk þess er gert ráð fyrir 9000 lóðum á þróunarsvæðum í borginni. Það er sem sé til nóg af deiliskipulögðum og byggingarhæfum lóðum. En fjármagn, á viðráðanlegu verði, virðist vanta til að byggja meira. Af þeim sökum er óvíst að takist að framfylgja metnaðarfullum markmiðum húsnæðissamkomulagsins fyrr en verðbólguskrímslið hefur verið hrakið aftur inn í helli sinn.

Hvað með öruggt húsnæði á leigumarkaði?

Það vekur athygli mína að í allri húsnæðisumræðunni er varla minnst á leigumarkaðinn. Kannski vegna tilhneigingar til að tala þann markað niður. Ólíklegasta fólk talar jafnvel um “leiguliða” þegar leigjendur ber á góma. Það er talað um að fólk sé “fast á leigumarkaði”. En ætti það ekki að vera ánægjulegur valkostur frekar en bölvaldur að leigja húsnæði? Í ágætu Silfri á Rúv á mánudaginn voru ungmenni spurð hvort sæju fyrir sér að geta keypt íbúð. Þau sáu það yfirleitt ekki fyrir sér. En að leigja? Þau voru ekki spurð að því. Ætti það ekki að vera góður valkostur fyrir þau sem hafa ekki efni á að kaupa eða vilja ekki steypa sér í rússíbanareið ævilangra skulda verðtryggðra eða óverðtryggðra lána í íslensku hávaxtaumhverfi? Gæti ekki verið skynsamlegt að byggja upp slíkt kerfi hagkvæms og öruggs langtímaleigumarkaðar til hliðar við séreignakerfið eins og þekkist í nágrannalöndum okkar?

Segja má að vísir að því sé kominn með samningum ríkis og sveitarfélaga um stofnframlög. Húsnæðisfélag verkalýðshreyfingarinnar Bjarg hefur á örfáum árum byggt 1000 langtímaleiguíbúðir á grundvelli stofnframlaga víðs vegar um borgina á örfáum árum. Sú uppbygging miðar við fólk á vinnumarkaði með lágar tekjur. Er ekki kominn tími til að taka aðeins stærri skref og stofna húsnæðisfélög sem byggja upp hagkvæmt húsnæði á félagslegum forsendum fyrir fleiri sem hér búa og starfa? Það gæti skapað fólki alvöru húsnæði og samrýmdist húsnæðissáttmálanum. Húsnæði er annað og meira en hilluvara. Í orðinu felst mikilvægt fyrirheit. Fyrsta skrefið gæti verið að hætta að tala leigumarkaðinn niður og.

Orðið húsnæði felur í sér fyrirheit um öryggi og skjól. Ríki og sveitarfélög setja sér húsnæðisstefnu til að tryggja öllum húsnæði á viðráðanlegu verði. 

Samfylkingin í Kópavogi boðar til opins fundar um samgöngur í Kópavogi fimmtudaginn 16. nóvember kl. 20:00 í sal Siglingafélagsins Ýmis við Naustavör. Meðal umræðuefna verða, samgöngusáttmálinn, Borgarlínan, samgönguáætlun og fleira.

Gestir fundarins verða:
Ásthildur Helgadóttir, sviðsstjóri umhverfissviðs Kópavogs og stjórnarmaður í Betri samgöngum.
Þorsteinn Hermannssson, forstöðumaður þróunar hjá Betri samgöngum.
Þórunn Sveinbjarnardóttir, þingmaður og nefndarmaður í Umhverfis- og samgöngunefnd Alþingis.

Allir Kópavogsbúar og aðrir velkomnir.

Það er með miklum trega sem við félagar í Samfylkingunni kveðjum Dagbjörtu, eða Döggu eins og hún var alltaf kölluð. Dagga var varabæjarfulltrúi Samfylkingarinnar á Akureyri á árunum 2014-2016, en tók þá við sem aðalfulltrúi og sat í bæjarstjórn fyrir hönd flokksins til ársins 2019. Í starfi sínu tók hún að sér ófá verkefni, var formaður fræðsluráðs, velferðarráðs, Óshólmanefndar, stjórn Atvinnuþróunarfélags Eyjafjarðar og sat þar að auki í ýmsum stafshópum og tók að sér fjölbreytt verkefni. Það er óhætt að segja að Dagga hafi brunnið fyrir auknum jöfnuði og sérstaklega því að standa vörð um hagsmuni þeirra sem eru í viðkvæmri stöðu. Eitt af þeim verkefnum sem hún barðist fyrir var að gera skólagögn í grunnskólum Akureyrarbæjar gjaldfrjáls, það tókst og er svo enn. 

Við þökkum Döggu fyrir fórnfús störf hennar í þágu samfélagsins og vottum aðstandendum hennar okkar dýpstu samúð. 

Minningarorð: Dagbjört Elín Pálsdóttir

Samfylkingin í Árborg og nágrenni stendur fyrir opnum fundum í Samfylkingarsalnum að Eyravegi 15 á Selfossi kl 11:00 annan hvern laugardag fram að jólafríi. 

Laugardagskaffi Samfylkingarinnar verður í Samfylkingarsalnum að Eyravegi 15 á Selfossi laugardag 4. nóvember og hefst kl. 11:00.

Gestur fundarins verður Friðjón Einarsson bæjarfulltrúi í Reykjanesbæ.

Samfylkingin í Reykjanesbæ tók þátt í að rétta af fjárhag Reykjanesbæjar eftir langvarandi óstjórn og eignaútsölu Sjálfstæðisflokksins. Hvað var við að glíma? Hvernig var gert betur? 

Bæjarfulltrúar Samfylkingarinnar í Árborg, Arna Ír og Sigurjón Vídalín, ræða stöðu mála í Árborg.

Veitingar í boði. Félagar takið þátt og bjóðið gestum með.


Samfylkingin í Mosfellsbæ býður til aðventusamveru þriðjudaginn 5. desember húsið opnar kl. 19:30 en dagskrá hefst kl. 20. 

Lilja Sigurðardóttur rithöfundur les úr bókinni sinni Dauðadjúp sprunga og Ingibjörg Valsdóttir les úr bókinni  sinni Að breyta heiminum.

Gestir verða hjónin Guðmundur Árni Stefánsson bæjarfulltrúi í Hafnarfirði og  Jóna Dóra Karlsdóttir. 

Þing aðildarríkja loftslagssamnings Sameinuðu þjóðanna hefst í lok þessa mánaðar í Sameinuðu arabísku furstadæmunum. Hið 28. í röðinni og gengur undir nafninu COP28.  Ríkisstjórn Íslands hefur sett sér það markmið að ná svokölluðu kolefnishlutleysi árið 2040 og 55% samdrætti í losun gróðurhúsalofttegunda eigi síðar en árið 2030. Við höfum liðlega sex ár til að ná því verðuga markmiði. Útblástur gróðurhúsalofttegunda (GHL) frá samgöngum og atvinnustarfsemi hér á landi hefur aukist jafnt og þétt á liðnum áratugum – með örlitlu sloti í heimsfaraldrinum – og markmiðin ekki í sjónmáli.

Á fræðsluvefnum Himinn og haf sem Birna Hallsdóttir starfrækir má finna gagnlegar upplýsingar um þróun losunar frá Íslandi. Þar kemur skýrt fram að hún hefur ekki einungis aukist meira en í löndunum í kringum okkur frá 1990 heldur er losun á hvern íbúa hérlendis einnig meiri en í nágrannalöndunum. Ísland er með 7. hæstu losun af OECD-löndunum 37 og reyndar þá hæstu ef losun vegna landnotkunar er meðtalin.

Stóriðjan hér á landi nýtur þess að vera innan viðskiptakerfis Evrópusambandsins með losunarheimildir (ETS) og er því er öll önnur losun, oft nefnd samfélagslosun, á ábyrgð stjórnvalda. Líkt og núverandi umhverfis-, orku- og loftslagsráðherra þreytist ekki á að nefna þá stendur Ísland vel að vígi þegar að því kemur að tækla samfélagslosunina. Við búum að því að eiga hitaveitu og framleiða rafmagn með endurnýjanlegum orkugjöfum. Stærstu verkefni okkar í dag eru að draga rækilega úr losun GHL frá bílaumferð, standa við markmið okkar í úrgangsmálum, draga úr losun vegna landnotkunar og setja mengandi atvinnustarfsemi skilyrði er varða notkun bestu fáanlegu tækni í iðnaðarferlum. Síðan bíða stór verkefni í orkuskiptum á sjó og í lofti en hin þarf að leysa fyrst.

Allt hef­ur þetta legið fyr­ir árum sam­an en ekk­ert í aðgerðaáætl­un­um stjórn­valda trygg­ir að ár­ang­ur­inn ná­ist á til­sett­um tíma. Aðgerðaáætl­un um sam­drátt í los­un GHL frá 2020 hef­ur enn ekki verið upp­færð og fátt er að frétta af nauðsyn­leg­um laga- eða reglu­gerðarbreyt­ing­um sem skapa eiga hvata til sam­drátt­ar í los­un.

Á COP28 verður í fyrsta skipti kallað eft­ir stöðumati frá hverju ein­asta aðild­ar­ríki (e. global stock take). Því er ætlað að gefa ná­kvæma mynd af því hvar ríki eru stödd í aðgerðum sín­um í lofts­lags­mál­um með til­liti til ákvæða Par­ís­ar­samn­ings­ins. Á vef lofts­lags­ráðs seg­ir að COP28 eigi að ljúka með birt­ingu niðurstaðna úr stöðumat­inu á heimsvísu. Lofts­lags­ráð hef­ur rétti­lega lýst lofts­lagsaðgerðum rík­is­stjórn­ar­inn­ar sem óljós­um og ófull­nægj­andi. Stöðumatið hef­ur enn ekki verið birt en þegar rík­is­stjórn Íslands skil­ar því inn kem­ur á dag­inn hvar Ísland stend­ur og hversu langt er í land.

Allir velkomnir í spjall á Hótel Framtíð á Djúpavogi föstudaginn 3. nóvember kl. 12:00. Boðið verður upp á súpu! Á meðal gesta verða Kristrún Frostadóttir formaður Samfylkingarinnar og Logi Einarsson þingflokksformaður og oddviti flokksins í Norðausturkjördæmi.

Kristrún og Logi koma fyrst og fremst til að hlusta. Við viljum heyra hvað brennur á fólki á svæðinu og óskum eftir þinni rödd við borðið.

Samfylkingin kynnti á dögunum útspilið „Örugg skref í heilbrigðis- og öldrunarmálum“ eftir hálfs árs málefnavinnu á því sviði og fjölda opinna funda um land allt. Atvinna og samgöngur eru næstu mál á dagskrá í metnaðarfullu málefnastarfi flokksins og því kjörið tækifæri að leggja orð í belg núna um atvinnu og samgöngur. En orðið verður frjálst og við hlökkum til að heyra hvert spjallið leiðir 

(Athugið að annar opinn fundur með Kristrúnu og Loga fer fram á Beljanda á Breiðdalsvík fimmtudaginn 2. nóvember kl. 20:00.)

Djúpivour: Opinn fundur með Kristrúnu og Loga

Opinn fundur verður haldinn laugardaginn 18. nóvember í húsnæði Samfylkingarinnar í Árborg, Eyravegi 15 Selfossi. Fundurinn hefst klukkan 11.00.

Gestur fundarins verður Oddný G. Harðardóttir, þingkona Samfylkingarinnar í Suðurkjördæmi. 

Opinn fundur með Oddnýju - Samfélagslegur stuðningur í náttúruhamförum

Allir velkomnir í spjall á Beljanda á Breiðdalsvík fimmtudaginn 2. nóvember kl. 20:00. Á meðal gesta verða Kristrún Frostadóttir formaður Samfylkingarinnar og Logi Einarsson þingflokksformaður og oddviti flokksins í Norðausturkjördæmi.

(Athugið að annar opinn fundur með Kristrúnu og Loga fer fram á Hótel Framtíð á Djúpavogi föstudaginn 3. nóvember kl. 12:00.) 

Breiðdalsvík: Opinn fundur með Kristrúnu og Loga

Leit um „��"

3295 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „������������������������������������������������������������"

3295 niðurstöður fundust við leit að „������������������������������������������������������������"