Slembilukka ræður því hvar á Jörðinni við fæðumst en það er ákvörðun að velja sér nýjan samastað og hana þarf stundum að taka vegna aðstæðna sem einstaklingar bera enga ábyrgð á; stríðið í Úkraínu er nærtækt dæmi. 

Og kannski ræður heppnin meiru um það hvernig okkur farnast í lífinu en við kærum okkur um að viðurkenna? 

Hverjir græða peninga, hver njóta virðingar eða hver eru talin skara fram úr. Höfum í huga því að mælistika verðleikanna getur villt okkur sýn. Öll eigum við sömu réttindi  - mannréttindi, borgaraleg og félagsleg – og öll verðskuldum við gott líf. 

Hlutverk okkar í þessum sal er að sjá til þess að mannréttindi séu virt og tryggð og lífskjörin bætt. Hvernig það er gert, gerir gæfumuninn fyrir fólkið sem hér býr innfædd og aðflutt. 

Ríkisstjórn Katrínar Jakobsdóttur hefur setið í tæplega fimm ár og sýnt svo ekki verður um villst að stefna hennar snýst um að finna lægsta pólitíska samnefnara VG, Sjálfstæðisflokksins og Framsóknarflokksins. 

Forsætisráðherra kallar þær málamiðlanir, og þær þarf vissulega að gera, en eftir fimm ár er alveg ljóst á hverra kostnað þær eru gerðar. Ekki þarf að fara lengra aftur en til afgreiðslu rammaáætlunar um nýtingu og vernd orkusvæða í sumar til að sjá það. 

Meðferð valds ræður úrslitum um traust almennings til stjórnmálafólks og stjórnmálanna, því valda nýleg dæmi úr ríkisstjórninni áhyggjum.

Of oft kjósa ráðherrar að auglýsa ekki æðstu embætti innan stjórnarráðsins og hjá hinu opinbera. Opinber embætti eru ekki gæði sem ráðherrar útdeila með persónulegu mati á hæfni fólks eða til að safna að sér „bestu vinkonum aðal“ eins og þar segir. Það þarf að auglýsa embætti til að tryggja jafnræði borgaranna. Öll eiga að geta sótt um, fengið faglegt og gagnsætt mat á grundvelli málefnalegra sjónarmiða. Þegar þetta er ekki gert, trekk í trekk,  grefur það undan trausti almennings til stjórnsýslunnar og stjórnmálanna. Því spyr ég, hæstvirtur forseti, er ekki bara best að auglýsa?

Sala á hlut ríkisins í Íslandsbanka fyrr á þessu ári er líka talandi dæmi um skilningsleysi ríkisstjórnarinnar á valdmörkum og nauðsyn armslengdar við slíkar ákvarðanir. Við bíðum enn skýrslu Ríkisendurskoðunar um bankasöluna en ekki síður haldbærra skýringa fjármála- og efnahagsráðherra og flokkanna sem styðja hann á því hvers vegna ekki var strax samþykkt að gjörningurinn útheimti rannsóknarnefnd á vegum Alþingis. Í þess stað var reidd fram ein stærsta smjörklípa síðara ára – og hún er farin að þrána.

Daglega horfum við uppá afleiðingar hamfarahlýnunar um allan heim. Það er ekki ofsagt að jörðin brenni! Í þriggja mánaða gömlu áliti Loftslagsráðs má lesa ákall til stjórnvalda um meiri festu og hraða í lífsnauðsynlegum aðgerðum til að draga úr losun og bregðast við þeim breytingum sem þegar eru hafnar. Þar segir orðrétt: „markmið um samdrátt í losun gróðurhúsalofttegunda fyrir 2030 eru óljós og ófullnægjandi.“ 

Það var því með nokkurri eftirvæntingu sem ég fletti upp í málaskrá umhverfis-, orku- og loftslagsráðherra en vonbrigðin voru mikil. 

Orkuskiptin margumtöluðu og nauðsynlegar lagabreytingar til að forgangsraða orkuöflun í þágu þeirra verða ekki á dagskrá þingsins fyrr en á vormánuðum 2023. Einu og hálfu ári eftir að nýr ráðherra tók við sameinuðu ráðuneyti með afar stórt nafn. 

Samt leyfir forsætisráðherra sér að segja í stefnuræðu sinni að Ísland sé „á fullri ferð út úr kolefnishagkerfinu, inn í nýtt grænt hagkerfi.“  

Hvernig er það, eru ráðherrar ólæsir á stöðuna? Eða kannski bara fastir í málmiðlununum?

Nafn Samfylkingarinnar vísar til samfylkingar á fjórða áratug síðustu aldar gegn uppgangi nasisma og fasisma í Evrópu. Hvern hefði grunað þegar við stofnuðum Samfylkinguna vorið 2000 að tveim áratugum síðar væri baráttan gegn fasisma 21. aldarinnar á dagskrá stjórnmálanna? 

Í austurvegi er tjáningarfrelsið fótum troðið og stjórnarandstæðingar í fangelsi eða búnir að mæta skyndilegum dauðdaga. Í Svíþjóð er jaðarhreyfing nýnasista orðin næststærsti stjórnmálaflokkurinn. Hina nýju strauma í evrópskum stjórnmálum má kalla fasisma á fínum fötum. 

Hreyfingarnar eiga það sameiginlegt að ráða ekki við stærstu verkefni samtímans: fólksflutningum skal mætt með lokun landamæra; hamfarahlýnun með afneitun; og kröfunni um jöfnuð og velferð með yfirboðum og skyndilausnum. 

Það er sótt er að kvenfrelsi og mannréttindum hinsegin fólks,  það er sótt að lýðræðinu og hinu opna samfélagi, ekki  bara í útlöndum. Hér heima verðum við gera okkar til að næra frelsið og fjölbreytileikann og styrkja samfélagið sem við erum svo heppin að tilheyra. 

Gildi jafnaðarhugsjónarinnar um jafnrétti, frelsi og samstöðu veita skýra leiðsögn í flóknu verkefnum samtímans og þingmál okkar í Samfylkingunni munu bera þess merki. Samfylkingin er í sókn og sækir kraft sinn í allt það fólk sem hafnar samfélagi hins lægsta samnefnara.  Þakka þeim sem hlýddu.

Ræða Þórunnar Sveinbjarnardóttur í umræðum um stefnuræðu forsætisráðherra á Alþingi þann 14. september 2022.  

Þórunn: Hlutverk okkar í þessum sal er að sjá til þess að mannréttindi séu virt og tryggð og lífskjörin bætt.

Landsfundarfulltrúar hafa kosningarétt á landsfundi en til að fá þann rétt er aðildarfélögum skylt að kjósa fulltrúa úr sínum röðum. Kosningar fulltrúa og varafulltrúa Samfylkingarinnar á Vestfjörðum á landsfund fara fram á félagsfundi miðvikudaginn 21. september á Heimabyggð, Aðalstræti 22b á Ísafirði. Fundurinn hefst kl. 20:00.

Ósk um setu á landsfundi fyrir hönd Samfylkingarfélagsins á Vestfjörðum.

Skráning á listann er ekki ígildi þess að vera kjörinn landsfundarfulltrúi. Stjórn aðildarfélagsins fer yfir skráningar og leggur endanlegan lista af landfundafulltrúum til kosninga á félagafundi þann 21. september kl. 20:00, einnig verður þá farið yfir drög að nýrri stefnu. Drög að uppfærðri stefnu. 

Skráningu lýkur 19. sept. kl. 15:00.
Ath. Þeir sem vilja komast rafrænt á félagsfundinn. Láti vita á netfangið gylfithor@simnet.is eða skrái ósk sína undir auglýsingu um fundinn á fésbókar síðu Samfylkingarinnar á Vesfjörðum

Kæri félagi, skráning er hafin á landsfundarfulltrúum!

Samfylkingarfélagið á Vestfjörðum: Félagsfundur

Við ætlum að hafa spjallkaffi nk. miðvikudag, 19. október kl. 10 - 12, í húsnæði Samfylkingarinnar Sóltúni 26. Gestur okkar að þessu sinni verðurGuðmundur Árni Stefánsson oddviti Samfylkingarinnar í Hafnarfirði og fyrrv. ráðherra.

Spjallkaffið er að venju í Sóltúni 26 á skrifstofu Samfylkingarinnar í Reykjavík. Þetta er síðasta spjallkaffi fyrir landsfund. 

Boðað hefur verið til Landsþings 60+ þann 28. október. Landsþingið hefst kl. 10 og gert er ráð fyrir að því verði lokið kl. 12. Landsfundur Samfylkinginnar hefst svo um kl. 13 sama dag, föstudaginn 28. október.

Auk venjulegra aðalfundastarfa verða góðir gestir á Landsþinginu. Ásta Ragnheiður Jóhannesdóttir ávarpar þingið, en hún átti hugmyndina fyrir tæpum 20 árum að því að stofna þennan vettvang eldra fólks í flokknum. 

Eftir að aðalfundarstörfum er lokið verða munu þau Oddný Harðardóttir og Jóhann Páll Jóhannsson ræða við fundarfólk.

Það er alltaf heitt á könnunni hjá okkur.
Hlökkum til að sjá þig.

Við ætlum að hafa spjallkaffi nk. miðvikudag, 5. október, í húsnæði Samfylkingarinnar Sóltúni 26. Gestur okkar að þessu sinni verðurOddný G. Harðardóttir, þingkona og 1. varaformaður Velferðarnefndar Alþingis, mun hún m.a. fara yfir störf nefndarinnar. 


Spjallkaffið er að venju í Sóltún 26 á skrifstofu Samfylkingarinnar í Reykjavík.

Það er alltaf heitt á könnunni hjá okkur.
Hlökkum til að sjá þig.

Þessi samskipti dýpka störf okkar mikið enda erum við í vinnu fyrir fólkið í landinu og eigum í störfum okkar að sinna því eins og okkur er frekast unnt. Það gerum við með því að fræðast um allt sem gerist hér á landi.

Það sem stendur uppúr eftir þessa viku er hversu viðkvæmir innviðir okkar eru. Hér ætla ég að fjalla um tekju- og verkefnaskiptingu milli ríkis og sveitarfélaga enda var það hvað mest áberandi í samtölum okkar við sveitastjórnarfólk um allt land hversu óheilbrigð skipting er á fjármunum til samneyslunnar.

Í mörg ár hefur verið bent á það hversu ríkið er duglegt við að færa fleiri verkefni úr höndum ríkis til sveitarfélaga. Það er í raun mjög góð hugmynd að færa nærþjónustu við íbúana undir ábyrgð sveitarfélaganna en þá verður að tryggja að viðunandi fjármagn fylgi með í kaupunum. Þau sveitarfélög sem uppfylla ekki lágmarksviðmið um fjárhagslega sjálfbærni og eru undir eftirliti eftirlitsnefndar með fjármálum sveitarfélaga hefur fjölgað úr 12 í 30 frá árinu 2019 og það eitt sýnir svart á hvítu að það er eitthvað verulega bogið við tekjuskiptinguna og þar ber ríkið ábyrgð.

Ein helsta örsökin fyrir þessari stöðu er vanfjármögnun vegna þjónustu við fatlað fólk. 
 
 17 milljarða kr. uppsafnaður halli blasir við okkur í málaflokki fatlaðs fólks frá því að málaflokkurinn var fluttur til sveitarfélaganna fyrir áratug. Sífellt fleiri verkefni eru svo samþykkt af Alþingi, síðast nauðsynlegar umbætur á þjónustu við fatlað fólk með langvarandi stuðningsþarfir, svokölluð NPA þjónusta, sem samþykkt var einróma á Alþingi þrátt fyrir kostnaðarútreikninga sem voru ekki í tengslum við raunveruleikann. Fjallað var um að mögulega væri um að ræða brot á lögum um opinber fjármál sem á að tryggja að fjárhagslegt mat sé lagt á lagafrumvörp. Á því og vanfjármögnun bera stjórnvöld ábyrgð. 
 
 En ríkisstjórnin skilar auðu. Þau láta eins og þetta sé bara ekki þeirra mál heldur hafi sveitarfélögin gert eitthvað rangt með þjónustu sinni við þennan viðkvæma hóp. En málaflokkur fatlaðs fólks er ekkert einsdæmi og er nærtækast að nefna þjónustu við eldra fólk sem dvelur á hjúkrunarheimilum en á síðasta kjörtímabili neyddust sveitarfélög til að skila af sér rekstri hjúkrunarheimila vegna ófullnægjandi fjármagns frá ríkinu með þjónustunni. Ekkert fjármagn er í sjónmáli fyrir uppbyggingu frekari hjúkrunarheimila og álagið á Landspítala og önnur sjúkrahús eykst.

Greinin birtist í Morgunblaðinu 11. okt. 2022 

Kjördæmaviku þingmanna er nýlokið þar sem þingmönnum gefst kærkomið tækifæri til að ferðast um, ræða við fólk, heimsækja fyrirtæki, stofnanir og sveitastjórnarfólk. 

Ríkið þarf að greiða fyrir þjónustuna 

Þetta kemur fram í nýrri samantekt frá verðlagseftirliti ASÍ þar sem lagt er mat á áhrif verðbólgu og vaxtahækkana eftir heimilisgerð. Kaupmáttur rýrnar, hlutfall þeirra sem búa við íþyngjandi húsnæðiskostnað fer hækkandi og ójöfnuður vex milli ára.

Það er undir þessum kringumstæðum sem ríkisstjórn Katrínar Jakobsdóttur ætlar að láta opinberan stuðning við barnafólk og skuldsett heimili rýrna að raunvirði og hækka flöt krónutölugjöld á almenning miklu meira en venjan er. Þarftu að keyra til og frá vinnu? Ertu í veitingarekstri? Notarðu neftóbak? Þá ætlar Bjarni Benediktsson fjármálaráðherra að hækka gjöldin þín.

Gallinn við þessa nálgun í glímu við verðbólgu er sá að í fyrstu leka gjaldahækkanirnar beint út í verðlagið og hækka vísitölu neysluverðs, þvert á það sem að er stefnt. Verst er þó að gjaldahækkanirnar koma harðast niður á tekjulægri heimilum sem verja hæstu hlutfalli tekna sinna til neyslu. Þannig eru sömu hóparnir og finna sárast fyrir verðbólgunni líka látnir bera allan herkostnaðinn af baráttunni gegn henni.

Philip Lane, aðalhagfræðingur Seðlabanka Evrópu, hefur lagt til að ríkisstjórnir skattleggi frekar stöndugustu fyrirtækin og efnamesta fólkið. Þannig megi skapa svigrúm í hagkerfinu til að skýla tekjulægri hópum fyrir áhrifum verðbólgunnar. Þetta er leiðin sem við í Samfylkingunni leggjum til að verði farin í þingsályktunartillögu okkar um samstöðuaðgerðir á verðbólgutímum; að vaxta- og barnabótakerfinu verði beitt með markvissum hætti til að styðja við heimili sem þurfa á stuðningi að halda og að unnið verði gegn þenslu með sanngjörnum sköttum á hæstu tekjur og hvalrekagróða. Það er góð velferðarpólitík og góð hagstjórn.

Greinin birtist í Fréttablaðinu 4. okt. 2022. 

Mánaðarleg útgjöld fjölskyldu með tvö börn sem býr í eigin húsnæði og er með 50 milljóna króna lán hefur hækkað um 128.607 krónur á síðastliðnu ári. 

Herkostnaðurinn lendir á hinum tekjulægri

Ýmsu hefur verið haldið fram, því miður ekki alltaf útfrá staðreyndum og því er nauðsynlegt að draga fram nokkrar staðreyndir sem fengnar eru frá alþjóðlegum stofnunum og íslenskum stjórnvöldum. 

Samkvæmt Flóttamannastofnun Sameinuðu þjóðanna eru um 100 milljón manns á flótta í heiminum og hafa aldrei verið fleiri. Rúmlega sjö milljónir hafa nú flúið Úkraínu eftir innrás Rússa í febrúar sl. en til samanburðar er heildarfjöldi flóttafólks frá Sýrlandi frá 2011 nærri sjö milljónir. Móttaka og vernd fólks á flótta er þannig ekki séríslenskt verkefni heldur verkefni allrar heimsbyggðarinnar.  

En það er líka staðreynd að fólk vill helst setjast að sem næst heimahögum. Þannig flýja flestir frá Sýrlandi yfir til Tyrklands og Jórdaníu. Frá Venesúela fara langflestir til Kólumbíu og sama er með Úkraínu hvaðan flest fóru til Póllands og Þýskalands. Einhver gera þó tilraun til að flýja alla leið til Íslands. 

Á þessu ári hafa nærri 3000 manns óskað verndar á Íslandi, þar af um 1800 frá Úkraínu, 600 frá Venesúela og 130 frá Palestínu. Íslendingar taka þátt í að veita úkraínsku flóttafólki vernd og þarf ekki að fara í tímafreka rannsókn á högum hvers og eins heldur dugar þjóðernið til verndar. Kærunefnd útlendingamála kvað upp þann úrskurð fyrr á árinu að aðstæður í Venesúela væru ekki öruggar og veita bæri fólki þaðan vernd. Er sú niðurstaða í samræmi við leiðbeiningar Flóttamannastofnunar Sameinuðu þjóðanna þar sem aðildarríki Flóttamannasamningsins eru hvött til þess að senda venesúelska ríkisborgara ekki aftur til heimalandsins. 

Þónokkuð hefur verið minnst á dönsku leiðina í umræðum síðustu daga sem og „hina séríslensku leið“. Má með réttu tala um hina sérdönsku leið, því á meðan aðrar Evrópuþjóðir hafa nærri 90% veitingarhlutfall verndar til sýrlensks flóttafólks hafa Danir valið að meta hluta Sýrlands sem öruggt svæði og endurnýja nú ekki dvalarleyfi Sýrlendinga sem jafnvel hafa dvalið í Danmörku frá barnsaldri, lokið þar skyldunámi og hafið háskólanám. Karlmenn á herskyldualdri fá sín leyfi þó endurnýjuð á meðan danska leiðin gerir ráð fyrir því að ungar konur og eldra fólk geti snúið til svokallaðra öruggra svæða innan Sýrlands. Einnig hefur verið fullyrt að Ísland, eitt ríkja veiti þeim sem hafa fengið vernd í Grikklandi, vernd hér á landi og að það sé hin séríslenska leið sem sligi kerfið. Svo er ekki, en einungis 3% þeirra sem sótt hafa um vernd hér á landi í ár hafa hlotið vernd í öðru ríki, þar á meðal Grikklandi. Lítill hluti þeirra fær hins vegar efnislega meðferð og vernd hér á landi. Hollensk stjórnvöld hafa hins vegar að undanförnu hætt endursendingum til Grikklands og á sama tíma hafa þýsk stjórnvöld samþykkt 9 af hverjum 10 umsóknum fólks sem þegar er með vernd í Grikklandi. Er þetta vegna slæmra aðstæðna flóttafólks í Grikklandi. 

Einnig hefur verið talað um að tímafrestir í lögum um útlendinga séu séríslenskir og leiði til að umsækjendur reyni að tefja ferlið. Slíkar fullyrðingar eiga heldur ekki við rök að styðjast en málsmeðferðartími hefur styst verulega hér á landi frá því sem áður var. Tilgangur er að veita stjórnvöldum aðhald og koma í veg fyrir að afgreiðsla umsókna tefjist úr hófi fram, umsækjendum til stórkostlegs vansa og með tilheyrandi kostnaði fyrir ríkissjóð. 

Sambærilegar reglur um tímafresti er að finna í Dyflinnarreglugerðinni sem stjórnvöld styðjast mikið við. 

Innviðir eru að ekki að sligast vegna flóttafólks heldur vegna verkefna sem ríkið leggur á sveitarfélög að sinna án þess að nauðsynlegt fjármagn fylgi. Þannig er það ekki eldra eða fötluðu fólki að kenna að gríðarlegur halli sé á rekstri sveitarfélaga vegna þjónustu við fatlað fólk eða reksturs öldrunarheimila né er það fólki á flótta að kenna að stjórnvöld voru ekki tilbúin með nauðsynlega þjónustu fyrir fordæmalausan fjölda fólks á flótta. Það er á ábyrgð íslenska ríkisins að fjármagna þá þjónustu sem samið er um og þar hafa stjórnvöld ekki staðið sig. Í febrúar var ljóst að fordæmalaus fjölgun yrði á flóttafólki hér á landi en stjórnvöld drógu lappirnar í því að undirbúa innviði fyrir komu fólksins. 

Hér hefur verið farið yfir nokkrar staðreyndir máls. Á bakvið þessar tölur er svo venjulegt fólk eins og ég og þú. Fólk sem fæddist á einhverjum stað án þess að hafa óskað eftir því, fólk með allskonar langanir og þrár, menntun og starfsreynslu, fólk sem þráir frið og vernd fyrir sig og börnin sín og loks fólk sem langar mest af öllu að upplifa það einn dag að komast kannski aftur til heimalandsins. Við þurfum að sýna meiri mennsku og meiri mannúð. Þannig sýnum við að á Íslandi sé gott samfélag.  

Greinin birtist á visi.is 12. okt. 2022.

Síðustu vikur hefur mikið verið fjallað um svokallaðan flóttamannavanda í íslensku samfélagi. 

Við minnum á rafrænan fund Verkalýðsmálaráða með stjórn Verkalýðsmálaráðs á morgunfimmtudaginn 6. október kl. 17:15. 
 
Dagskrá fundarins:

1. Fundur settur
2. Af hverju hefur verkafólk yfirgefið Samfylkinguna?
3. Stefna Verkalýðsmálaráðs Samfylkingarinnar, hvað viljum við?
4. Málstofa í tengslum við landsfund, um hvað?
5. Önnur mál.

Hér er Zoom slóð: https://us06web.zoom.us/j/81198921226

Boðað hefur verið til Landsþings 60+ þann 28. október. Landsþingið hefst kl. 10 og gert er ráð fyrir að því verði lokið kl. 12. 

Allir Samfylkingarfélagar sem orðnir eru sextugir, hafa rétt til að sitja landsþingið með fullum réttindum. Fyrir þinginu liggur tillaga til breytingar á 8. laga landssamtakanna 60+ um fjölgun varamanna í stjórn úr tveim í fjóra. 

Auk venjulegra aðalfundastarfa verða góðir gestir á Landsþinginu. Ásta Ragnheiður Jóhannesdóttir ávarpar þingið, en hún átti hugmyndina fyrir tæpum 20 árum að því að stofna þennan vettvang eldra fólks í flokknum. 

Eftir að aðalfundarstörfum er lokið verða munu þau Oddný Harðardóttir og Jóhann Páll Jóhannsson ræða við fundarfólk.


Á fundinum ætlum við að undirbúa okkur fyrir komandi landsfund og ganga frá skráningu landsfundarfulltrúa. 

Kristrún Frostadóttir verður sérstakur gestur fundarins. 

Landsfundur Samfylkingarinnar verður haldinn dagana 28. & 29. október á Grand Hótel Reykjavík. Landsfundarfulltrúar hafa kosningarétt á landsfundi.

Við viljum einnig minna fólk á að skrá sig sem landsfundarfulltrúa, frestur er til 4. október. Skráning hér! 

Hlökkum til að sjá ykkur sem felst! 

Samfylkingin í Hveragerði og Þorlákshöfn boða til sameiginlegs fundar þriðjudaginn 4. okt. kl. 20:00 í húsnæði Skátafélagsins Stróks við Breiðumörk 22, Hveragerði.

Félagafundur í Hvergerði með Kristrúnu Frosta

Leit um „��"

2930 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „������������������������������������������������������������"

2930 niðurstöður fundust við leit að „������������������������������������������������������������"