Komið var á Virknihúsi sem heldur utanum fjölmörg úrræði á vegum borgarinnar fyrir fólk sem fær fjárhagsaðstoð og atvinnu- og virknimiðlun sem hefur það hlutverk að skapa störf og um leið halda vel utan um fólkið sem fær störfin. Það er gríðarlega mikilvægt að samfélagið grípi það fólk sem dettur af vinnumarkaði eða á erfitt með að komast inn á hann. Þau þurfa einstaklingsbundna sérhæfða aðstoð, stuðning og tækifæri til að komast í virkni eða vinnu, með því að byggja sig upp og öðlast trú á eigin getu, eftir oft röð hafnanna á vinnumarkaði eða í menntakerfinu.

Markviss atvinnu- og virknimiðlun skilaði 240 tímabundnum ráðningum á 18 mánuðum og 72% þeirra sem fengu vinnu hafa ekki snúið tilbaka á fjárhagsaðstoð eftir að tímabundinni ráðningu lauk, sem er mjög gleðilegt svo þessi tími styrki þau og auki möguleika þeirra í framtíðinni.

Stór hluti fólks sem fær fjárhagsaðstoð hafa verið lengi utan vinnumarkaðar, eiga litla eða enga atvinnusögu, eru nýflutt til landsins þ.m.t flóttamenn sem eru að hefja nýtt líf hér á landi. Því höfum við ákveðið að samþætta starfsemi atvinnu- og virknimiðlunar og Virknihúss næstu 2 ár til að ná að styðja sem flesta í vinnu. Við munum sérstaklega beina sjónum okkar að ungu fólki og flóttafólki.

Þetta er mikilvæg viðbót við þá þjónustu sem Reykjavík veitir nú þegar þessum hóp fólks. Nú eru um 280 manns í úrræðum Virknihússins sem bíða frekari tækifæra í samfélaginu til að láta til sín taka á vinnumarkaði eða í námi og yfir 100 í starfi með stuðningi sem ég vil sjá fá tækifæri á almennum vinnumarkaði sem allra fyrst.

Meginmarkmið velferðarstefnu Reykjavíkur er að auka lífsgæði íbúa og stuðla að því að allir Reykvíkingar eigi kost á að lifa með reisn. Þessar markvissu aðgerðir til að styðja fólk í vinnu og virkni eru liður í því að tryggja að Reykjavík sé sannarlega fyrir okkur öll.

Höfundur er formaður Velferðarráðs Reykjavíkur og varaformaður Samfylkingarinnar.

Greinin birtist fyrst á visi.is 1. apríl 2022. 

Reykjavík réðst í markvissar viðspyrnu aðgerðir í covid og einn liður í þeim voru aðgerðir til að bregðast við auknu atvinnuleysi og fjölgun fólks sem þurfti að reiða sig á fjárhagsaðstoð Reykjavíkur til framfærslu.

Og ekki er lengra síðan að Seðlabankinn varaði við offramboði á húsnæðismarkaði en árið 2019. Í kjölfarið hægði á fjármögnun nýrra verkefna.

Vaxtalækkanir síðastliðin tvö ár hafa hins vegar gjörbreytt þessari stöðu og eftirspurn eftir fasteignum er nú langt umfram framboð. Húsnæðis- og mannvirkjastofnun hefur farið frá því að telja 2.000 íbúðir þurfa árlega í að telja 4.000 íbúðir þurfa á ári næstu fimm ár.

Reykjavík er tilbúin til að mæta stórum hluta af þessari þörf með tvöföldun á fyrirhuguðu framboði lóða til uppbyggingar íbúða. Í haust tilkynnti Reykjavík að úthlutun lóða yrði aukin og næstu tíu ár yrði úthlutað fyrir yfir þúsund íbúðir á ári. Lóðir í samþykktu skipulagi sem eru í höndum einkaaðila og byggingafélaga eru annað eins og eðlilegt að þær byggist nú upp af sama krafti. Reykjavík vill bregðast við breyttri stöðu með því tvöfalda fyrri uppbyggingaráætlanir. Með samstilltu átaki allra eiga yfir 2.000 íbúðir að geta farið í uppbyggingu á hverju ári næstu fimm ár í Reykjavík, eða alls 10.000 íbúðir til að mæta þeirri eftirspurn sem er á húsnæðismarkaði á fjölbreyttan hátt.

Í húsnæðisáætlun borgarinnar er skilgreint nákvæmlega hvar þessar íbúðir eiga að rísa, í samræmi við nýsamþykkt aðalskipulag Reykjavíkur til 2040. Sérstök áhersla er lögð á íbúðir við þróunarása Borgarlínu.

Bara húsnæði fyrir alla í Reykjavík?

Þegar horft er á undanfarin ár í húsnæðisuppbyggingu sker ýmislegt í augu. Víða hefur verið byggt en nær öll uppbygging fyrir tekjulægri hópa, stúdenta og eldri borgara hefur átt sé stað í Reykjavík. Mikið vantar hins vegar upp á í þeim efnum í ýmsum nágrannasveitarfélögum. Félagslegum íbúðum hefur fjölgað mikið í Reykjavík og biðlistar hafa dregist saman um helming á þremur árum. Fjölgun annars staðar er í mýflugumynd.

Óhagnaðardrifin húsnæðisfélög hafa einnig lyft grettistaki í samvinnu við borgina. Fjöldi stúdentaíbúða hefur nær tvöfaldast á örfáum árum. Þær eru allar í Reykjavík. Íbúðafélag verkalýðshreyfingarinnar fyrir vinnandi fólk, Bjarg, hefur tryggt þúsundum öruggt þak yfir höfuðið með svokölluðum stofnframlögum. Fjórar af hverjum fimm slíkum íbúðum sem risið hafa á undanförnum árum eru í Reykjavík. Svipaða sögu er að mörgu leyti að segja af uppbyggingu í þágu öryrkja og fatlaðs fólks.

Ég er stoltur af húsnæðisstefnu borgarinnar og verkunum í Reykjavík en við fáum betra samfélag fyrir alla ef markviss og skipulögð félagsleg blöndun á sér stað í öllum sveitarfélögum, ekki aðeins í höfuðborginni.

Það vantar yfirsýn á húsnæðismarkaði. Það vantar betri spár og áætlanir. Það vantar meira jafnvægi í uppbygginguna. Það vantar að tæki til að tryggja að félagslegt húsnæði byggist í öllum sveitarfélögum. Það vantar festu og fyrirsjáanleika í stuðning ríkis og sveitarfélaga í formi stofnframlaga. Það þarf 15 ára sýn. Fimmtán ára áætlun. Og það þarf að ganga skipulega til verka.

Þannig var unnið að samgöngusáttmála fyrir höfuðborgarsvæðið. Gögnum var safnað og greiningar gerðar. Valkostir voru settir fram og metnir. Loks var sett saman heildarsýn um verkefni og fjármögnun og sameinast um eina niðurstöðu sem standa myndi í lengri tíma.

Samgöngusáttmálinn hefur mælst vel fyrir og nýtur víðtæks stuðnings. Nú þurfum við að gera húsnæðissáttmála fyrir höfuðborgarsvæðið. Svæðisskipulag höfuðborgarsvæðisins og sameiginleg þróunaráætlun sveitarfélaganna í íbúðauppbyggingu er góður grunnur en það þyrfti einnig að huga að félagslegum þáttum. Fjármögnun verkefna og uppbyggingar á svæðum sem ekki eru í eigu sveitarfélaga, sem víða eru einu byggingarsvæðin sem til er að dreifa, utan Reykjavíkur.

Samgöngusáttmáli höfuðborgarsvæðisins felur í sér mikil tækifæri til góðrar borgarþróunar og uppbyggingar íbúðarhúsnæðis. Þéttingarreitir með fram Borgarlínu eru þar í fremstu röð. Ný og spennandi byggingarsvæði í Ártúnshöfða og síðar Keldnalandi verða einnig fyrstu hverfin sem skipulögð eru með Borgarlínu í huga frá grunni.

Með húsnæðissáttmála kæmi nauðsynleg áætlun í takt við samgöngusáttmála höfuðborgarsvæðisins. Til viðbótar við samgöngur og húsnæði væri þar komin áætlun um landnotkun og þar með loftslagsmál. Sameiginleg framtíðarsýn hvoru tveggja væri kolefnishlutlaust borgarsamfélag, eins og segir í samgöngusáttmálanum.

Húsnæðissáttmáli væri langtímasýn og framkvæmdaáætlun sem myndi auka fyrirsjáanleika í húsnæðisuppbyggingu landsins til muna og koma í veg fyrir vondar ákvarðanir teknar í flýti vegna þess að betri lausnir virðast ekki í boði. Dreifing byggðar væri slíkt skyndiráð. Dreifing byggðar fellur á þremur prófum. Dreifing byggðar er dýr og tímafrek í samanburði við uppbyggingarreiti sem þegar liggja fyrir. Dreifing byggðar eykur umferð, veikir almenningssamgöngur og eykur tafatíma í umferðinni. Og dreifing byggðar eykur á loftslagsvandann.

Húsnæðisuppbygging án hagnaðarsjónarmiða

Í nýju aðalskipulagi Reykjavíkur til 2040 er það markmið sett að fjórðungur allrar húsnæðisuppbyggingar verði á vegum óhagnaðardrifinna félaga. Þetta er lykilverkefni sem ekki mun ganga eftir af sjálfu sér. Í ljósi þess að stefnt er að byggingu 10.000 íbúða í Reykjavík næstu fimm ár verður að eiga sér stað sambærilegt átak í byggingu 2.500 leigu- og búseturéttaríbúða eins og hrundið var af stokkunum árið 2014 og hefur gjörbreytt stöðu þúsunda reykvískra einstaklinga og fjölskyldna á húsnæðismarkaði síðustu ár. Sérstök þörf er á að halda áfram uppbyggingu á húsnæði fatlaðs fólks og tryggja því þannig skilyrði til sjálfstæðrar búsetu.

Húsnæði fyrir ungt fólk og fyrstu kaupendur

Reykjavíkurborg hefur verið í fararbroddi við að byggðar verði íbúðir fyrir ungt fólk og fyrstu kaupendur. Fyrstu íbúðirnar í verkefninu eru þegar orðnar að veruleika en yfir 500 slíkar eiga að fylgja á komandi kjörtímabili.

Stefnt skal að því að minnsta kosti þrír nýir lífsgæðakjarnar fyrir eldra fólk fari í uppbyggingu í Reykjavík á næsta kjörtímabili, í Ártúnshöfða, Úlfarsárdal og á einum til tveimur stöðum vestan Elliðaár. Í lífsgæðakjörnum eru heimili og þjónusta tengd saman til að skapa öryggi og samveru. Þar er að finna góða blöndu eignaíbúða, búseturéttar og minni leiguíbúða sem tengjast hvers konar þjónustu, skapa öryggi og samveru. Skoðaður verði sá kostur að efnt verði til samkeppni um bestu útfærslu þessara hugmynda. Áhugaverðast er að lífsgæðakjarnar eldra fólks verði í blandaðri byggð þannig að allir aldurshópar blandist í daglegu lífi og hverfistengdri þjónustu.

Húsnæðissáttmáli fyrir höfuðborgarsvæðið

Langtímasýn og jafnvægi í húsnæðismálum er lífsnauðsyn á húsnæðismarkaði. Algjör skortur er á heildstæðri húsnæðisstefnu fyrir Ísland. Hana ætti að setja með áherslu á húsnæðisöryggi, markvissa og fjölbreytta húsnæðisuppbyggingu, kjör heimila og markmið um kolefnishlutlaust borgarsamfélag. Brýnt er að gera langtímaáætlun um úthlutun stofnframlaga til byggingar íbúða á viðráðanlegu verði. Tryggja þarf aukið öryggi fólks á leigumarkaði með lagasetningu. Húsnæðisbætur ætti að einfalda og efla. Útrýma þarf óviðunandi og hættulegu íbúðarhúsnæði í markvissum skrefum, meðal annars á atvinnusvæðum, en heimila búsetu á umbreytingarsvæðum, með skilyrðum, þar sem búsetuskilyrði og eldvarnir eru í lagi.

Á undanförnum árum hefur Reykjavíkurborg sýnt með samstarfi við verkalýðshreyfinguna, stúdenta og byggingafélög eldra fólks að góðar lausnir sem tryggja viðráðanlegt verð og húsnæðisöryggi eru til. Sömu sögu er að segja um fjölgun félagslegra íbúða í eigu borgarinnar. Þörf er á sáttmála til lengri tíma um að öll sveitarfélög axli ábyrgð í húsnæðismálum líkt og borgin hefur gert. Þar væri kveðið á um hlutfall félagslegra leiguíbúða, hlutfall óhagnaðardrifinnar uppbyggingar og samræmingu og hækkun á húsnæðisstuðningi þeirra sem hann þurfa. Fjármagn þyrfti að tryggja fyrir hverjum og einum lið líkt og í samgöngusáttmála höfuðborgarsvæðisins. Þetta væri Húsnæðissáttmáli fyrir höfuðborgarsvæðið – eða Ísland allt.

Staðan á húsnæðismarkaði er að mörgu leyti með ólíkindum. Fyrir liggur að undanfarin ár hafa verið metár í húsnæðisuppbyggingu, einkum í Reykjavík. 

Við þurfum húsnæðissáttmála fyrir höfuðborgarsvæðið

Húsið opnar kl. 12:30 — dagskrá hefst kl. 13:00. Fjölbreytt og skemmtileg dagskrá: stuttar ræður, tónlist og almennt fjör. Að lokinni dagskrá í Gamla bíói verður haldið í nýju kosningamiðstöðina á Tryggvagötu 21 (á móti Bæjarins bestu á Hafnartorgi) þar sem við ætlum að eiga saman skemmtilega stund. Fullt aðgengi er í Gamla bíói og í kosningamiðstöð.

Öll velkomin - fullorðnir og börn! Endilega takið daginn frá og sjáumst í sumarskapi 21. apríl!

Á sumardaginn fyrsta, 21. apríl, mun Samfylkingin í Reykjavík kynna kosningaáherslur sínar í Gamla bíói.

Mannauðurinn er lykillinn að góðum árangri og mikilvægasta auðlindin sem við eigum. Því er lykilatriði að hlúa vel að honum. Þá þurfa innviðirnir að vera góðir og styðja við fólkið sem þarf á ólíkri þjónustu að halda og tryggja jafnan rétt allra bæjarbúa. Til að svo megi vera þarf stjórnsýslan að vera sterk og styðja bæði við starfsfólkið jafnt sem bæjarbúa. Þá þarf að vera til staðar öflug stjórnsýsla sem hefur hagsmuni fólksins að leiðarljósi.

Til að geta veitt góða þjónustu til stjórnenda og starfsmanna þarf að hafa öflugt mannauðsteymi. Því miður þá virðist ekki vera mikill skilningur hjá núverandi meirihluta Framsóknar- og Sjálfstæðisflokks á þessum þætti enda aðeins 3 starfsmenn á mannauðssviði til að þjónusta rúmlega 2200 starfs­menn.

Með því að styrkja mannauðsteymið getum við farið að snúa vörn í sókn, vera með fyrirbyggjandi aðgerðir, hætt að slökkva elda og bregðast við. Einnig bjóða upp á markvissa stjórnendaþjálfun, stuðning við stjórnendur og stefnu sem snýr að heilsu- og vellíðan. Þannig drögum við úr álagi og langtímaveikindum starfsmanna, hækkum þjón­ustu­stigið við bæjarbúa og sköpum rými fyrir nýsköpun.

Þó svo að hagvöxtur sé gríðarlega mikilvægur mæli­kvarði þegar árangur er met­inn þá er hann langt frá því að vera sá eini. Það er ekki síður mikilvægt að horfa á mannlega þáttinn en hann vill oft gleymast þegar árangur er metinn.

Til að ná góðum árangri skiptir öllu máli að hlusta á raddir bæjarbúa og greina hvað skiptir mestu máli til að ná settu markmiði þar sem ávinningur heildarinnar er hafður að leiðarljósi. Raddir allra þurfa að hafa hljómgrunn á þeirri vegferð.

Kolbrún Magnúsdóttir, mannauðsstjóri skipar 6. sæti á lista Samfylkingarinnar í Hafnarfirði fyrir komandi sveitarstjórnar­kosningar.

Greinin birtist í Fjarðarpóstinum 6. apríl 2022. 

Velferð bæjarbúa skiptir okkur jafnaðarfólk í Samfylkingunni miklu máli og höfum við ávallt að leiðarljósi frelsi, jafnrétti og samstöðu í okkar starfi.

Hvernig getum við gert góðan bæ enn betri?

Samfylkingarfélagið í Hveragerði boðar opinn fund á Hótel Örk laugardaginn 2. apríl kl 10:30-12:00.

Logi Einarsson formaður Samfylkingarinnar og Oddný G. Harðardóttir þingmaður Suðurkjördæmis verða gestir fundarins.

Tölum saman: Opinn fundur á Hótel Örk

Þar segir hún að mikið uppbyggingarskeið framundan í Hafnarfirði og tilgreindi nokkur svæði þar sem uppbyggingin á að fara fram. Ekkert hafi verið gert í þessum málum s.l. átta ár vegna þess að háspennulínur hafi hamlað á örlitlu svæði alls byggingarlandsins. Líkir bæjarstjórinn þessu við "hamfarir" í löngu máli þar sem reynt er að afsaka klúðrið. Þær hamfarir, þau mistök voru hins vegar alfarið í ráðhúsi bæjarins, hjá meirihluta Framsóknar- og Sjálfstæðisflokks. Þau brugðust ekki við, höfðu engar aðrar áætlanir, en biðu þess er verða vildi í átta ár og lítið sem ekkert gerðist. Keisarinn var þá ekki í neinu, hann var allsber, eins og segir í ævintýrinu góða.

Íbúum fækkaði í fyrsta skipti í 80 ár

Afleiðingarnar blasa við í talningu Samtaka iðnaðarins, sem sýnir að minnst er byggt í Hafnarfirði miðað við nágrannasveitarfélögin. Það þýðir að fjölgun íbúa er langt undir áætlunum bæjarins. Á síðasta ári fjölgaði íbúum Hafnarfjarðar aðeins um 0,25% og árið 2020 fækkaði þeim í fyrsta skiptið í 80 ár. Þetta er uppskera Sjálfstæðisflokksins eftir átta ár í meirihluta. Samkvæmt miðspá húsnæðisáætlunar Hafnarfjarðarbæjar er einungis gert ráð fyrir 152 nýjum íbúðum á þessu ári. Er það hin gríðarlega mikla uppbygging sem bæjarstjórinn talar um? Þá hafa færri íbúðir verið keyptar af bænum inn í félagslega kerfið og ekki nýttar fjárheimildir til þess í fjárhagsáætlun. Það hefur laskað verulega félagslega þjónustu við þá sem minnst mega sín og biðlistarnir lengjast.

Allt þetta kjörtímabil höfum við í Samfylkingunni bent á þá alvarlegu stöðu sem er í Hafnarfirði vegna hægrar uppbyggingar nýs húsnæðis. Meirihluti Framsóknar- og Sjálfstæðisflokks hefur kosið að stinga hausnum í sandinn í stað þess að horfast í augu við staðreyndir og ráðast með okkur í átak í uppbyggingu íbúðarhúsnæðis. Það drukknar allt í orðagjálfri. Eina sem kemur svo frá meirihlutanum er að framundan er mikil uppbygging, einhvern tíma. Hvað á að segja það lengi?

Það stendur ekki á loforðum og allskonar fagurgala. Þannig hefur það verið allt kjörtímabilið og lengur. Fyrir síðustu kosningar, fyrir fjórum árum, voru sýndar fallegar myndir af svonefndu 5 mínútna hverfi uppi á Hrauni, sem átti að vera stóra málið í uppbyggingu íbúðarhúsnæðis á yfirstandandi kjörtímabili. Þar hefur ekki skóflu verið stungið í jörð ennþá - engin hreyfing.

Öll uppbyggingarsvæðin sem bæjarstjórinn talar um eru lítið annað en hugmyndir á blaði, enda eru engar lóðir til í Hafnarfirði. Það sagði bæjarfulltrúi Framsóknarflokksins í Hafnarfirði í ræðu á Alþingi og ber sjálfur ábyrgð á ófremdarástandinu með Sjálfstæðisflokknum. Uppbygging íbúðarhúsnæðis og húsnæðismál eru velferðarmál. Afleiðing hægrar uppbyggingar eru að eftirspurn eykst og verð hækkar, sem lendir verst á fjölskyldufólki og fyrstu kaupendum.

Nýr meirihluti jafnaðarmanna forsenda bjartra tíma

Það er því rétt að framtíðin er björt í Hafnarfirði, en hjá nýjum meirihluta, nýjum stjórnendum í Hafnarfirði undir forystu jafnaðarmanna eftir bæjarstjórnarkosningarnar 14. maí. Þá verður ráðist í raunverulegt stórátak í uppbyggingu íbúðarhúsnæðis, m.a. með samstarfi við óhagnaðardrifin leigufélög, verktaka og einstaklinga þar sem áhersla verður lögð á fjölbreytt og hentugt húsnæði fyrir alla. Hér þarf skýra framtíðarsýn og að láta verkin tala. Tökum höndum saman um það.

Höfundur skipar 5. sæti á lista Samfylkingarinnar í Hafnarfirði til bæjarstjórnarkosninga.

Í ævintýrinu um Nýju fötin keisarans, þá var það barnið sem þorði að segja: „Nú, hann er þá ekki í neinu!”. Sú saga kemur upp í hugann, þegar lesið var viðtal við bæjarstjóra Hafnarfjarðar í Morgunblaðinu.

Í þau rúmu tvö ár sem áhrifa heimsfaraldurs hefur gætt í samfélaginu með tilheyrandi samkomutakmörkunum hafa yfirvöld lagt ríka áherslu á að sem minnst röskun yrði á skólastarfi í landinu. Skólinn er eitt af okkar mikilvægustu jöfnunartækjum og daglegt skólastarf gríðarlega mikilvægt fyrir öll börn. Námið sjálft er börnunum að sjálfsögðu mikilvægt en ekki síður sú félagslega virkni, aðhald og dagleg rútína sem fylgir skólagöngunni.

Undanfarin tvö ár hafa verið stórkostleg áskorun fyrir helsta framlínustarfsfólk sveitarfélaganna, starfsfólkið okkar í leik- og grunnskólum. Dag hvern hafa stjórnendur skólanna staðið frammi fyrir flóknum úrlausnarefnum til þess að ná að halda daglegu skólastarfi gangandi. Stjórnendur og starfsfólk í skólunum er orðið að sérfræðingum í að prjóna ný mynstur og að hugsa út fyrir kassann í þeirri viðleitni að halda uppi sem eðlilegustu skólastarfi við algerlega óeðlilegar aðstæður. Að vinna dag eftir dag, viku eftir viku og mánuð eftir mánuð út frá fáliðunaráætlunum, þar sem enginn tími er fyrir neitt annað en að halda skútunni á floti er gríðarlega krefjandi.

Skólarnir stóðu frammi fyrir fjölmörgum nýjum verkefnum þar sem ekki var mögulegt að styðjast við fyrri reynslu til þess að leysa. Skólastjórnendur voru meira að segja farnir að sinna daglega almannavarnarverkefnum eins og smitrakningu. Þetta hefur auðvitað haft þau áhrif að lítill tími hefur verið aflögu til að sinna faglegri forystu, stuðningi við starfsfólk eða annarri faglegri þróunarvinnu sem er nauðsynlegur þáttur í nútíma skólastarfi.

Það er í raun algerlega aðdáunarvert hversu vel skólastarfið hefur gengið þrátt fyrir allt. Það er gæfa okkar að starfsfólk skólanna hefur sýnt æðruleysi og unnið af röggsemi til að bregðast við síbreytilegum veruleika. Starfsfólk hefur kappkostað að halda úti eins mikilli þjónustu og mögulegt hefur verið, oft við mikla óvissu um eigið öryggi. Ég vil sem foreldri og bæjarfulltrúi færa öllu starfsfólki í leik- og grunnskólum í Svf. Árborg miklar þakkir fyrir  þeirra ómetanlega framlag við að standa í framlínunni í heimsfaraldrinum og halda skólastarfinu gangandi.

Nú er það verkefni sveitarfélagsins að leggja áherslu á að hlúa að og huga að líðan starfsfólks grunn- og leikskóla eftir þennan flókna og erfiða tíma. Það þarf að styðja við starfsfólkið með margvíslegum hætti eins og t.d. með viðeigandi fræðslu- og námskeiðishaldi sem tekur mið af því sem á undan er gengið. Það þarf að halda þétt utan um starfsmenn, því sveitarfélög reka ekki skóla án öflugs starfsfólks.

Að sjálfsögðu hefur þessi covid tími verið erfiður fyrir foreldra leik- og grunnskólabarna þar sem hin mikilvæga daglega rútína hefur oft og tíðum riðlast algerlega. Margir foreldrar hafa misst mikið úr vinnu og reynt hefur verulega  á heimilin. Mig langar líka að nota þetta tækifæri og þakka foreldrum fyrir skilning og þolinmæði þegar grípa hefur til þess úrræðis að fella niður skólahald eða loka deildum í ástandinu.

Við erum öll reynslunni ríkari eftir þessa fordæmalausu tíma. Vonandi mun sú reynsla nýtast okkur til góðs þó svo að við viljum ekki upplifa viðlíka tíma aftur.

Arna Ír Gunnarsdóttir er nýr oddviti og formaður fræðslunefndar og bæjarfulltrúi Samfylkingarinnar í Svf. Árborg.

Að halda úti eðlilegu skólastarfi við óeðlilegar aðstæður

Þriðjudaginn 5. apríl frá kl. 20:00 til 21:00 mun Samfylkingin í Hafnarfirði kynna stefnuskrá sína komandi sveitastjórnarkosningar

Kynning á stefnuskrá XS í Hafnarfirði

Svava Björg Mörk, doktor í Menntavísindum, verður með framsögu um leikskólamál í víðu samhengi.

Árni Rúnar Þorvaldsson, varabæjarfulltrúi og fulltrúi flokksins í fjölskylduráði, verður með framsögu um áherslur XS í Hafnarfirði í leikskólamálum. Árni skipar 3. sæti lista XS í Hafnarfirði fyrir næstu sveitastjórnarkosningar.

Það verða kaffiveitingar í boði og öll velkomin!

Samfylkingin í Hafnarfirði heldur opinn fund um leikskólamál í bænum okkar.

Spjöllum um leikskólamál í Hafnarfirði

Við viljum eiga samtal við Skagamenn um atvinnu, ferðamál, menningu og nýsköpun. 

Opinn málefnafundur um atvinnu- og ferðmál, menningu og nýsköpun.   

Leit um „��“

2752 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������“

2752 niðurstöður fundust við leit að „���������������������������“