Við ætlum að hafa spjallkaffi á miðvikudaginn 23. nóvember kl. 10 - 12.
Gestur okkar að þessu sinni verður Þórunn Sveinbjarnardóttir, oddviti Samfylkingainnar í Suðvesturkjördæmi og formaður stjórnskipunar- og eftirlitsnefndar Alþingis.

Á fundinum verður skýrslan um sölu á Íslandsbanka til umræðu.  

Spjallkaffið er að venju í Sóltúni 26 á skrifstofu Samfylkingarinnar.

Hlökkum til að sjá þig, öll velkomin!

Það er alltaf heitt á könnuni og eitthvað með því.

Lög um samþættingu þjónustu í þágu farsældar barna hefur áhrif á alla helstu þjónustu við börn og fjölskyldur þeirra. Samkvæmt þeim hvíla ríkar skyldur á þeim sem veita þjónustu til barna. Þeim ber til dæmis að taka eftir og greina vísbendingar um að þörfum barns sé ekki mætt og bregðast við slíkum vísbendingum með tilteknum hætti. 

Frumvarpið nær til þjónustu sem er veitt innnan alls skólakerfisins, heilbrigðskerfisins og félagsþjónustu sem er veitt í þágu barna innan sveitarfélaga auk verkefna lögreglu. Eins er mikilvægt íþrótta-og æskulýðsfélög sem vinna með börnum taki þátt í samþættingu á þjónustunni. 

Á Akranesi höfum við unnið vel undanfarin ár að því markmiði að verða tilbúin fyrir innleiðingu laganna og lögð hefur verið áhersla á það í öllum okkar verkum. Það er nefnilega mikilvægt að tryggja skilvirka og samfellda þjónustu við hæfi allra barna og áfram þurfum við að tryggja að hlustað sé eftir og tekið mark á því sem sagt er ef við einhverju þarf að bregðast. Allir sem koma að vinnunni eru mikilvægir í þeirri vegferð og á það jafnt við um starfsfólk ofangreindra stofnanna og félaga og ekki síður barna og fjölskyldna þeirra. 

Á næstu vikum mun fara fram kynning á endurnýjaðri menntastefnu Akraneskaupstaðar þar sem tækifæri gefst til þess að bregðast við. Vel heppnað íbúaþing um lærdómssamfélagið Akranes fór fram í Fjölbrautaskóla Vesturlands í október 2019 en vinnan við menntastefnuna hefur tekið tíma og farið í gegnum heimsfaraldurinn Covid-19 sem hafði auðvitað mikil áhrif á stefnuna og kenndi okkur ýmislegt, bæði nýjungar og ýmislegt sem við viljum alls ekki fara á mis við. 

Forvarnir og fræðsla
Akraneskaupstaður hefur boðið uppá fyrirlestra á vegum Heilsueflandi samfélags og Brúarinnar, en Brúin er formlegur samráðs-og samstarfsvettvangur starfsmanna og stofnanna sem koma að ýmsum málum sem tengjast börnum og unglingum á Akranesi. Fyrirlestrarnir tengjast líðan og velferð ungs fólks og m.a. er niðurstöðum kannanna fylgt eftir sem gerðar eru af Rannsóknum og greiningu um hagi og líðan ungs fólks. Eins hafa aðrar stofnanir Akraneskaupstaðar, s.s. leik-og grunnskólar og frístundamiðstöðin Þorpið bent á mikilvægi þess að boðið sé uppá fyrirlestra á vegum bæjarins sem styrkja foreldra í foreldrahlutverkinu og eflir fjölskyldur.

Skipulagt frístundastarf hefur mikið forvarnargildi en rannsóknir sýna að t.d. skipulagið og formgerðin sé verndandi þáttur. Á það bæði við skipulagt frístundastarf og skipulagt íþrótta-og æskulýðsstarf.

Hvað er framundan í frístunda og íþrótta-og æskulýðsmálum?
Bygging nýrrar samfélagsmiðstöðvar mun hafa jákvæð áhrif á þróun frístundastarfs en Þorpið mun flytja inní húsnæði hennar. Mikilvægt er að greina þarfir Þorpsins og þróa starfið í nánu samstarfi við notendur og fagfólk og styðja við faglegt og öflugt starf. Í kjölfarið er mikilvægt að við sem bæjarfélag vinnum að frístundastefnu sem nær til frístundastarfs frá allt lífið.

Hafin er undirbúningsvinna við íþróttastefnuna. Mikilvægt er að koma auga á öll þau tækifæri sem skapast og fylgja henni vel eftir. Íþróttastefnan þarf að ná yfir mikilvægi hreyfingar fyrir alla og hvernig við sjáum fyrir okkur að styðja við það að allir sem vilja geti æft íþróttir, óðháð aldri og getu. 

Áherslumál Samfylkingarinnar í þessum málaflokki:

Að styrkja grunnstoðir og þjónustu í skólum

Að tómstundaframlag til barna verði hækkað töluvert og huga að því að lækka aldursmörk

Að  halda vel utan um fræðslu til foreldra í takt við rannsóknir og kannanir

Að efla þátttöku ungmenna og styðja betur við unglinga yfir sumartímann með því að þróa vinnuskólann í takt við nýja tíma með áherslu á fjölbreyttari tækfæri

Að halda áfram með hreyfiávísun eins og gert var sem viðspyrna til þátttöku og heilsueflingar í heimsfaraldrinum sem mætti einnig nýta til menningartengda viðburða og námskeiða

XS Að sjálfsögðu-fyrir börnin okkar, ungmenni og farsæld fjölskyldunnar

Anna Sólveig Smáradóttir, Bára Daðadóttir og Auðun Ingi Hrólfsson.

Höfundar skipa 4., 9. og 10. sæti Samfylkingarinnar á Akranesi

Á síðustu árum hafa verið teknar jákvæðar og góðar ákvarðanir sem snúa að velferð barna og unglinga af stjórnvöldum. 

Samþætting þjónustu í þágu farsældar barna og unglinga

Eigum saman notalega stund í aðdraganda jóla. Skoðum grunngildi jafnaðarfólks í tengslum
við boðskap jólanna.

Gleðin verður haldin fimmtudaginn 15. desember, kl. 20:00 í sal Siglingafélagsins Ýmis, Naustavör 14, 200 Kópavogi.

Gestgjafi: Samfylkingin í Kópavogi.
Hugvekja: Rannveig Guðmundsdóttir.
Hugleiðing: Kristrún Frostadóttir.

Öll hjartanlega velkomin
á meðan húsrúm leyfir,
það verða veitingar & hátiðarstemmning.

Komdu á aðventustund með Kristrúnu Frostadóttur, formanni Samfylkingarinnar.

Stjórnmál geta verið flókin og það þarf stóran og fjölbreyttan hóp til að standa á bak við stjórnmálaflokk. En á bak við hvern flokk er einnig pólitísk stefna. Samfylkingin er jafnaðarmannaflokkur. Sú pólitíska stefna hefur verið ríkjandi á Norðurlöndunum og byggt upp bestu velferðarsamfélög í heimi. Það er það sem við viljum gera hér, byggja upp sterkt velferðarsamfélag þar sem allir fá að njóta sín. 

Akranes er frábær staður til að alast upp. Hér er stutt í alla þjónustu, auðvelt að hjóla á milli staða, öflugt íþrótta og tómstundastarf og margar náttúruperlur, leik-og íþróttavellir þar sem við vorum tímunum saman sem börn. En eftir framhaldsskóla lendum við á vegg. Atvinnutækifæri eru fá og til að sækja háskólanám förum við mörg hver úr bænum. Við í Samfylkingunni viljum fjölga atvinnutækifærum fyrir fólk í námi, byggja húsnæði sem hentar fólki í námi og auðvelda Skagamönnum sem flytja suður í háskóla að koma hingað eftir útskrift og festa rætur. Við höfum lagt áherslu á nútímalega uppbyggingu atvinnulífs í sátt við umhverfið og viljum halda áfram að efla tækifæri til nýsköpunar og þróunarstarfs, þannig að Akranes verði frábær kostur fyrir ungt, vel menntað fólk til að búa og starfa.

Kjósið flokk sem þið treystið í gjörðum frekar en orðum.

Með Samfylkinguna í meirihluta hefur verið gríðarleg uppbygging á fjölbreyttu húsnæði, leiguhúsnæði og húsnæði fyrir fyrstu kaup á Akranesi. Samtals eru þetta um 600 íbúðir um allan bæ sem eru ýmist komnar í notkun eða eru í byggingu og stór hluti þeirra eru íbúðir sem henta vel sem fyrsta eign á húsnæðismarkaði. Bæjarfulltrúar Sjálfstæðisflokksins hafa á þessum tíma lagt mikla áherslu á að bærinn bjóði upp á fleiri einbýlishúsalóðir, sem varla væri hægt nema að fækka öðrum ódýrari húsnæðiskostum á móti. Sjálfstæðisflokkurinn vildi sem sagt frekar einhæft húsnæði í stað fjölbreytta húsnæðisins sem núverandi meirihluti lét byggja.

Þeir þingmenn sem hvað harðast berjast fyrir hagsmunum ungs fólks um þessar mundir heita Jóhann Páll Jóhannsson (fæddur 1992) og Kristrún Frostadóttir (fædd 1988), bæði þingmenn Samfylkingarinnar. Kristrún hefur meðal annars bent á að húsnæðisverð hefur á síðustu 25 árum hækkað 40% meira en ráðstöfunartekjur fólks. Þessi hækkun kemur næstum tvisvar sinnum harðar niður á fólki undir fertugu, því það er hópurinn með hæstu skuldirnar. Ríkisstjórnin, með Sjálfstæðisflokkinn í fjármálaráðuneytinu, hefur beint ungu fólki í mikla skuldsetningu fyrir dýru húsnæði og nú þegar vextir eru farnir að hækka kemur það þyngst niður á yngsta fólkinu. Á sama tíma gerir ríkisstjórnin nákvæmlega ekkert til að halda aftur af verðhækkunum á húsnæði.

Þá er líka rétt að rifja upp, að fyrir síðustu Alþingiskosningar var eitt skýrasta stefnumál Samfylkingarinnar að við vildum stórauka barnabætur til fjölskyldna. Á öllum hinum Norðurlöndunum eru barnabætur hugsaðar sem þátttaka samfélagsins í því mikilvæga verkefni að ala upp næstu kynslóðir íbúa. Á Íslandi hefur Sjálfstæðisflokknum hins vegar tekist að gera barnabæturnar að fátæktarstyrk, sem er alls ekki rétta hugsunin á bak við þær. Sjálfstæðisflokkurinn hafnaði þessum hugmyndum Samfylkingarinnar vegna þess að þær átti að fjármagna með aukinni skattheimtu á ríkasta 1% landsmanna. Það gátu Sjálfstæðismenn ekki hugsað sér og þannig vernduðu þeir allra ríkasta fólkið á landinu með því að halda skattbyrðunum frekar á unga fólkinu með börnin.

Undir stjórn Samfylkingarinnar er mikil uppbygging í gangi á Akranesi. Við erum að stækka íþróttamiðstöðina á Jaðarsbökkum, bygging er að hefjast á nýju húsnæði fyrir Arnardal og Hvíta húsið, nýjar götur hafa verið lagðar og ný hverfi skipulögð, við höfum bætt göngu- og hjólastíga og svo mætti lengi telja. Bygging nýs leikskóla er langt komin og strax í kjölfarið ætlar Samfylkingin að hefja undirbúning að næsta leikskóla sem verður byggður á Neðri-Skaga. Samfylkingin vill halda þessari uppbyggingu áfram og hafa alltaf lýðheilsumarkmið í fyrirrúmi við allar ákvarðanir um skipulag og framkvæmdir til að tryggja lífsgæði íbúanna.

Valið er einfalt, vilt þú sem íbúi í okkar frábæra bæjarfélagi stoppa þessa uppbyggingu í nafni frelsis einstaklingsins eða halda henni áfram í nafni samfélagsins?

Frambjóðendur Samfylkingarinnar á Akranesi

Benedikt Júlíus Steingrímsson 7. sæti

Fyrir kosningar koma allir flokkar fram með fallega stefnu og flott loforð þar sem allir finna eitthvað við sitt hæfi. En hvað svo? 

Samfylkingarfélagið í Reykjavík heldur snöggfund í Sóltúni 26 á miðvikudag, 14. desember, kl. 17-18:30 um fjármál borgarinnar aðgerðir til að bæta stöðuna og stefnuna til frambúðar. Á fundinn koma Dagur, Heiða Björg og Skúli til að segja frá fjárhagsáætlun Reykjavíkurborgar, svara spurningum og ræða við fundargesti. Fundinum stjórnar Stein Olav Romslo. 

Allt Samfylkingarfólk velkomið

Um borgarmálin: Niðurskurður eða uppbygging? 

Nýr formaður og stjórn var kosin. Hildur Rós Guðbjargar var kosin formaður og tekur hún við af Steinunni Ýr Einarsdóttur. Við óskum Hildir Rós til hamingju og þökkum Steinunni Ýr fyrir sín störf í þágu Kvennahreyfingarinnar.  

Nýja stjórn skipa, Birgitta Ásbjörnsdóttir, Ingibjörg Stefánsdóttir og Valgerður María Guðmundsdóttir . Í varastjórn eru þær Guðrún Catherine Emilsdóttir, Kolbrún Magnúsdóttir  og Ragna Sigurðardóttir.    

Gerðar voru lagabreytingartillögur og tóku þær gildi strax. Ný stjórn er því kjörin til tveggja ára í stað eins og mun ársþing verða að landsþingi Kvennahreyfingarinnar og skal það haldið á tveggja ára fresti og fylgja tímasetningu Landsfundar Samfylkingarinnar. 

Eftir að aðalfundarstörfum lauk var haldin jólahygge Kvennahreyfingarinnar. Hefð hefur skapast að vera með upplestur fyrir jólin og í þetta sinn var það Jónína Leósdóttir sem las upp úr nýútkominni bók sinni Varnarlaus.  

Ársþing Kvennahreyfingarinnar var haldið í gærkvöldi. 

Hildur Rós Guðbjargardóttir nýr formaður Kvennahreyfingarinnar

Laugardaginn 10. desember verður haldið opið hús í Þverholtinu frá kl. 11 til kl. 13.
Anna Sigríður bæjarfulltrúi fer yfir helstu verkefni á borði bæjarráðs og bæjarstjórnar þessi dægrin og nefndafólk okkar segir frá helstu viðfangsefnum sinna nefnda.

Boðið verður upp á heitt súkkulaði með rjóma og smákökur í takti við árstíðina.

Aukaaðalfundur Fulltrúaráðs Samfylkingarfélaganna í Reykjavík
verur haldinn mánudaginn 9. janúar 2023 í Sóltúni 26 og hefst kl. 17. 

Dagskrá:
1.     Skýrsla framkvæmdastjórnar.
2.     Kjör nýrrar framkvæmdastjórnar (formanns, gjaldkera, þriggja stjórnarmanna og fimm varamanna).
3.     Kjör tíu fulltrúa og sex til vara í flokksstjórn skv. flokkslögum, gr. 9.14, e. og f.
4.     Önnur mál.

Fundurinn er haldinn til þess fyrst og fremst að endurnýja í stjórn vegna brottfalls stjórnarfólks. Þá verður farið yfir starfið og fjárhagsstöðuna. Næsti reglulegi aðalfundur verður haldinn í haust skv. lögum ráðsins, í september eða október. Fulltrúaskipan í ráðinu á aukaaðalfundinum er óbreytt frá 2021.

Framkvæmdastjórn fulltrúaráðsins
(Nánari upplýsingar: Sigfús Ómar, s.892 7774) 

Sigurður Elvar Þórólfsson tók viðtalið.

Hlaðvarpsþættirnir verða aðgengilegir á helstu hlaðvarpsveitum – en til að byrja er efnið aðgengilegt á efnisveitunni SoundCloud.

Hér getur þú hlustað á viðtal við Valgarð í hlaðvarpi Skagafrétta; https://skagafrettir.is/2022/05/12/hladvarp-skagafretta-valgardur-lyngdal-jonsson-oddviti-samfylkingarinnar/

Valgarður Lyngdal Jónsson, oddviti Samfylkingarinnar, er viðmælandinn í þessum þætti þar sem að bæjarmálin eru rauði þráðurinn og kosningarnar framundan.

Hlaðvarp Skagafrétta – Valgarður Lyngdal Jónsson 

Öryrkjar- og ellilífeyrisþegar á grunnlífeyri eru með um 300 þúsund krónur á mánuði í óskertar tekjur. Langar greinar mætti skrifa um uppsafnaða skuld við þessa samborgara okkar, hvernig pólitísk ákvörðun hefur verið tekin um að fylgja ekki lögum um almannatryggingar og auka ójöfnuð á kostnað örorku- og ellilífeyrisþega.

Eins mætti ræða um hversu vanmetin hækkunarþörf bóta er í fjárlögum fyrir næsta ár, þar sem miðað er við úreltar spár um verðbólgu- og launaþróun. Lögum samkvæmt eiga bætur að fylgja verðlagi eða launum í landinu, hvort heldur sem hærra er. Þeim lögum er ekki fylgt og hefur ekki verið fylgt.

Höldum okkur frekar í núinu. 100 þúsund króna höggi hið minnsta sem umræddir samborgarar okkar hafa nú þegar tekið á sig það sem af er ári. 100 þúsund krónur sem tekjulægsta fólk samfélagsins hefur ekki úr að spila núna fyrir hátíðirnar.

Upphaflega átti að hækka bætur almannatrygginga um 3,8% á þessu ári. Mótvægisaðgerð ríkisstjórnarinnar í júní bætti við 3%. Alls hafa bætur almannatrygginga því hækkað að meðaltali um 5,3% á árinu.

Ríkisstjórnin kvittaði í haust undir að verðbólgan þetta árið yrði 7,5%, samkvæmt spá sem er orðin úrelt. Seðlabankinn væntir 8,8% verðbólgu að meðaltali og Samtök atvinnulífsins vænta a.m.k. 8% verðbólgu.

Á mannamáli þýðir þetta að öryrkjar- og ellilífeyrisþegar hafa tekið á sig 3% verðlagshækkun, hið minnsta, sem ekki hefur fengist bætt á árinu. Um 9 þúsund krónur á mánuði. Vel yfir 100 þúsund krónur yfir árið fyrir skatt.

Þessi þróun endurspeglast m.a. í nýjum tölum frá Umboðsmanni skuldara þar sem fram kemur að öryrkjar sem þangað leita eru að meðaltali 3.500 krónur í mínus eftir að hafa greitt öll föst útgjöld. Umsóknir um fjárhagsaðstoð hafa aldrei verið fleiri í einum mánuði hjá Umboðsmanni en í síðasta mánuði.

Við verðum sem samfélag að tala um hvað við skuldum þessum samborgurum okkar fyrir hátíðirnar. Vekja þarf athygli á því hvað ríkisstjórnin skuldar öryrkjum og ellilífeyrisþegum á grunnbótum núna fyrir jól. Þetta er raunkostnaður vegna ófyrirsjáanlegra atburða á árinu.

Fjáraukalög ríkisstjórnar geta tekið mið af slíkum atburðum, og í þessu tilviki ættu þau að gera það. Ríkisstjórnin gerir ráð fyrir 28 þúsund króna eingreiðslu til öryrkja- og endurhæfingarlífeyrisþega fyrir hátíðirnar í nýkynntum fjáraukalögum. Upphæðin eru í engum takti við veruleika fólks. Þarna er einfaldlega ekkert svigrúm eftir áralanga bið eftir réttlæti í þessum málaflokki. Það sem minnsta sem við getum gert er að mæta hækkunum þessa árs.

Í fyrra kom þingið saman, að frumkvæði stjórnarandstöðunnar, og samþykkti 53 þúsund króna eingreiðslu fyrir jólin. Augljóst er af þróun þessa árs, eftir allt sem á undan hefur gengið, að hið sama á við um þetta árið að teknu tillit til verðbólgu hið minnsta.

Fyrir þessu mun Samfylkingin – jafnaðarflokkur Íslands berjast á næstu vikum.

Tekjulægstu einstaklingar landsins hafa fengið vel yfir 100 þúsund króna högg þetta árið.

100 þúsund króna högg fyrir há­tíðirnar

Leit um „��"

3340 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3340 niðurstöður fundust við leit að „���������������������������������������������������"