Við Akureyringar erum eins ólík og við erum mörg. Það er styrkur sveitarfélags að íbúasamsetning þess sé fjölbreytt og mismunandi. Akureyrarbær þarf því búa yfir fjölbreyttum og mismunandi möguleikum þegar kemur að framboði íbúðarhúsnæðis, fyrir okkur öll!

Samfylkingin mun gera það eitt af sínum fyrstu málum í nýrri bæjarstjórn að setja saman áætlun um húsnæðismál fyrir alla íbúa bæjarins. Í stefnunni verður tekið tillit til allra þeirra ólíku aðstæðna og þarfa sem við höfum. Með þessu viljum við marka stefnu sem miðar að því að allar ákvarðanir í skipulagsmálum hjá Akureyrarbæ taki fyrst og fremst mið af þessu. Fjölbreytt húsnæði, allar gerðir, þannig að við getum öll notið okkar.

Þörfum og aðstæðum einstaklinga og fjölskyldna þarf Akureyrarbær að mæta. Það er hlutverk bæjarins að skapa umgjörð um húsnæðismál svo að allir geti notið sín. Ungu hjónin sem vilja byggja sér hús eins og mamma þeirra og pabbi gerðu eiga að eiga kost á slíku. Amma og afi sem vilja selja raðhúsið og kaupa sér íbúð í viðhaldslausu fjölbýlishúsi með bílakjallara eiga að geta gengið að slíku vísu. Einstæða foreldrið sem þarf fyrst og fremst húsnæðisöryggi verðskuldar að leiguíbúð á vegum stöndugs leigufélags sé fáanleg. Þeir sem kjósa bíllausan lífsstíl þurfa að eiga kost á húsnæði miðsvæðis í nánd við verslun og þjónustu. Það sama má segja um framboð á félagslegu leiguhúsnæði, aldrei á að vera skortur á slíku fyrir þá sem þurfa. Svona áfram mætti lengi telja, þessi dæmi eru auðvitað langt því frá tæmandi.

Glöggt áhugafólk um fasteignamarkaðinn í bænum hefur vafalítið tekið eftir að lítið sem ekkert framboð er á sumum gerðum fasteigna. Með markvissri stefnu og yfirsýn er hægt að koma í veg fyrir að slík staða skapist. Þessu má svo auðveldlega kippa í liðinn, fyrir okkur öll.

Sindri Kristjánsson skipar 2. sæti á lista Samfylkingarinnar á Akureyri fyrir sveitastjórnakosningarnar 14. maí næstkomandi.

Reykjavík hefur verið leiðandi í að bæta starfsumhverfi í leikskólum, grunnskólum og frístundastarfi og varið til þess yfir 5 milljörðum króna. Samfylkingin mun áfram leggja áherslu á bætt starfsumhverfi varðandi laun, starfskjör, húsnæði og annan aðbúnað enda er það forsenda þess að skólarnir í borginni séu eftirsóknarverðir vinnustaðir.

Á nýju kjörtímabili skiptir mestu máli að jafna aðstöðu barna og styrkja sérstaklega stöðu barna sem eru í viðkvæmri stöðu. Við viljum hækka frístundastyrk í 75 þúsund með hverju barni og auka til viðbótar stuðning við börn fjölskyldna með þröngan efnahag. Við viljum auka fjármagn til skóla þar sem félagsleg og efnahagsleg staða foreldra er þrengri, auka stuðning við börn og tryggja að hann miðist við þarfir þeirra fremur en greiningar. Stuðninginn á að veita sem mest í nærumhverfi barna strax í leikskóla og á yngsta stigi grunnskóla í þéttu samstarfi skóla- og velferðarsviða úti í hverfum borgarinnar. Við höfum opnað 2 nýja leikskóla á þessu ári og opnum 6 til viðbótar á árinu til að geta boðið börnum frá 12 mánaða aldri í leikskóla, samhliða því að vinna með ríki og háskólum að því að fjölga kennaranemum og greiða leið starfsfólks til meiri menntunar.

Samfylkingin setur í forgang að efla geðrækt og heilbrigði barna og ungmenna og mun leita eftir samstarfi við Heilsugæslu höfuðborgarsvæðisins, Geðhjálp og heilbrigðisyfirvöld um virkar forvarnir og stuðning við börn sem finna fyrir kvíða, vanlíðan og þunglyndi. Markvissar aðgerðir strax í æsku til að efla geðrækt og andlegt heilbrigði munu spara háar fjárhæðir síðar meir og stuðla að góðu samfélagi fyrir okkur öll.

Reykjavíkurborg hefur tekið ótvíræða forystu í menntamálum síðustu ár og ber þar hæst menntastefnu borgarinnar sem vakið hefur athygli fyrir áherslu á námsárangur og læsi en jafnframt þætti sem auka velferð og bæta líðan barna, s.s. heilbrigði, félagsfærni, sjálfseflingu og sköpun.

Nú þegar við erum að komast út úr faraldrinum er mikilvægara en nokkru sinni að hafa þessi grunngildi að leiðarljósi og standa sérstakan vörð um börn í viðkvæmri stöðu.  Þar duga ekki bara orð á blaði, við þurfum að láta jafnaðarstefnuna ráða för við úthlutun fjármuna og erum að stíga mikilvægt skref í þeim efnum með því að úthluta fjármunum til grunnskóla m.a. á grundvelli félagslegra og efnahagslegrar stöðu foreldra.  Á mannamáli þýðir þetta að skólar í hverfum þar sem þörf er á auknum stuðningi við börn fá hærri fjárveitingar til að jafna aðstöðu barna óháð efnahag, uppruna og menntunarstigi foreldra.  Þetta nýtist m.a. í Miðborg og Hlíðum en hverfin búa yfir miklum og fjölbreyttum félagsauði og hlutfall fjölskyldna af erlendum uppruna er yfir meðallagi. 

Samfylkingin vill stíga fleiri skref í átt til aukins jöfnuðar á komandi árum.  Við viljum hækka frístundastyrkinn fyrir öll börn og koma að auki sérstaklega til móts við tekjulágar fjölskyldur með fjármögnun sérstakra útgjalda sem tengjast skólanum.  Við viljum auka framlög til íslenskukennslu og móðurmálsstuðnings barna með annað móðurmál en íslensku.  Við viljum fjölga börnum í tónlistarnámi og sérstaklega í hverfum þar sem þátttaka barna í tónlistarnámi hefur verið undir meðallagi.  

Við þurfum á komandi árum að auka til muna áherslu á geðrækt og andlegt heilbrigði barna og ungmenna, fræða öll börn um mikilvægi geðræktar, stunda virkar forvarnir á því sviði og styðja við bakið á börnum sem finna fyrir vanlíðan, kvíða og þunglyndi.  Við viljum efna til samstarfs við Geðhjálp, Heilsugæslu höfuðborgarsvæðisins og embætti landlæknis um fjölbreytta geðrækt í skóla- og frístundastarfi borgarinnar. Við þurfum að taka höndum saman með foreldrum og innleiða viðmið um svefn, hæfilegan skjátíma og mæta spurn ungmenna eftir öflugri kynfræðslu og hinseginfræðslu í efri bekkjum grunnskóla samhliða kröftugu viðnámi gegn hvers kyns ofbeldi.

Við viljum tryggja að stuðningur við börn miðist við þarfir þeirra en sé ekki háður greiningum.  Við viljum beita snemmtækum stuðningi í auknum mæli, í leikskólum og á yngsta stigi grunnskóla til að mæta svo fljótt sem verða má þörfum barna með fjölþættan vanda. Stuðningur við börn fari fyrst og fremst fram innan skólanna og lögð meiri áhersla á þverfaglega samvinnu fagfólks undir stjórn umsjónarkennara.  Við tölum fyrir því að notaðar séu í auknum mæli aðferðir við kennslu og stuðning sem rannsóknir sýna að skila börnum skýrum framförum.

Með samstarfsverkefninu Betri borg fyrir börn höfum við lagt grunn að einfaldara, markvissara og betra stuðningsneti þar sem skólar og velferðarþjónusta borgarinnar vinna þétt saman að því að mæta þörfum barnanna í borginni.  

Grein sem birtast í apríl útgáfu í hverfablaði Miðbæ og Hlíða.

Jafnt aðgengi barna að menntun og velferð eru hjartans mál okkar jafnaðarmanna.  

Eftirtalin verða með stutt ávörp:
Ellen Calmon - formaður Samfylkingarfélagsins í Reykjavík

Drífa Snædal - formaður Alþýðusambands Íslands

Samfylkingarfélagið í Reykjavík býður þér í verkalýðskaffi og kleinur á Tryggvagötu 21 ‒ á móti Bæjarins bestu kl. 15.

Bærinn okkar hefur tekið saman ágætisleiðbeiningar – https://www.akureyri.is/is/frettir/plokkdagurinn-a-akureyri-1 – fyrir daginn og Ferðafélag Akureyrar – https://www.ffa.is/is/felagid/frettir/stori-plokkdagurinn-2022 – býður bæjarbúum að plokka með sér frá klukkan 10 og skaffar ruslapoka og hressingu fyrir þá sem vilja taka þátt. 

Með því að tína rusl á víðavangi getum við komið í veg fyrir að það valdi skaða á náttúrunni og lífríkinu. 

Þetta er frábært tilefni njóta útiveru og hreyfingar í veðurblíðu og gera umhverfið okkar heilnæmt og snyrtilegt á sama tíma.

Samfylkingin á Akureyri mun taka þátt í að fegra bæinn okkar á morgun og hvetur alla bæjarbúa til að gera slíkt hið sama. Áfram Akureyri, fyrir okkur öll!

Ísak Már Jóhannesson skipar 4. sæti á lista Samfylkingarinnar á Akureyri fyrir sveitarstjórnarkosningar 14. maí

Á morgun, 24. apríl, er stóri plokkdagurinn haldinn hátíðlegur á Akureyri og um allt land. 

Þessi dagur og allar þær aðgerðir og andi sem honum hefur fylgt í gegnum tíðina hefur svo sannarlega fært okkur gæfu og velsæld. Hann hefur hreinlega fært okkur það Ísland sem við þekkjum í dag 

1. maí hefur enn mikilvægu hlutverki að gegna, með okkur jafnaðarmönnum. Það hlutverk að koma hugsjóninni um jöfn tækifæri og velsæld fyrir alla í framkvæmd 

Fagnaðu með okkur á baráttudegi verkalýðsins.

Kaffiveitingar og baráttuandi á kaffi Catalínu í Hamraborg frá 15-17 - Öll hjartanlega velkomin!

Magnús Norðdahl, lögfræðingur ASÍ heldur eldræðu.

Logi Einarsson formaður Samfylkingarinnar mætir og heldur tölu.

Kristín Sævarsdóttir okkar, stýrir fundi.

Við hlökkum til að sjá ykkur,
Samfylkingin í Kópavogi 

Það líður senn að 1. maí  takið daginn frá.

Að því tilefni bjóðum við til kaffiboðs og baráttufundar á Catalínu í Hamraborg á sunnudaginn frá 15-17. 

Sæmilega hraustur einstaklingur, rétt kominn á eftirlaun, þarf ekki það sama og sá sem er eldri og hrumari og áhugamálin eru ólík í þessum hópi eins og öðrum.

Heilsan er mikilvæg og það er hagur allra að fólk geti haldið haldið góðri heilsu og þreki. Þess vegna hafa Félag eldri borgara á Akureyri og öldungaráð bæjarins lagt mikla áherslu á að að boðið sé upp á góð tækifæri til heilsueflingar. Fjölbreytt og ólík eftir áhuga og getu. Heilsurækt er ekki aðeins líkamleg, það eflir líka heilsu og kemur í veg fyrir einangrun, að taka þátt í skapandi félagsstarfi, fá fræðslu, eiga kost á góðum máltíðum, viðburðum, menningu og allri nærandi samveru með öðrum.

Auk heilsueflingar er öryggi annar lykilþáttur. Það dugar ekki að segja að flestir vilji búa heima sem lengst, það þarf að gera fólki það kleift. Þar skiptir góð, fjölbreytt og sveigjanleg heimaþjónusta miklu, veitt í samvinnu og með virðingu fyrir þeim sem njóta - og aðstandendum þeirra, sem búa oft við óhóflegt álag. Fólk þarf líka að eiga kost á öruggri og fjölbreyttri búsetu. Sumir þurfa öruggar leiguíbúðir með lágri leigu, aðrir geta átt sínar íbúðir, en vilja gjarnan minnka við sig og vera í hagkvæmu og þægilegu húsnæði. Sumir vilja vera í sérstökum húsum með öðru eldra fólki, aðrir í blandaðri byggð, en gjarnan nálægt þjónustu. Það er bæjarstjórnar og skipulagsyfirvalda að tryggja að þessir valkostir séu til og hlusta vel þegar óskir eru settar fram og samvinnu leitað. Þegar ekki er lengur hægt að búa heima þurfa góð hjúkrunarheimili að taka við.

Síðustu fjögur ár hef ég setið í öldungaráði bæjarins sem einn af fulltrúum Félags eldri borgara. Við höfum aflað upplýsinga og sett fram fjölmargar skoðanir, ábendingar og tillögur. Við höfum lagt áherslu á að hlustað sé á þetta lögbundna ráð og öll þjónusta og aðgerðir unnar í samvinnu við það. Við höfum ekki alltaf verið ánægð með viðbrögð og árangur og að mínu mati vantar talsvert á yfirsýn og samvinnu í þessum málaflokki. Í lok síðasta árs náðist, að okkar frumkvæði, sá góði áfangi að bæjarstjórn samþykkti fyrsta áfanga aðgerðaáætlunar fyrir eldra fólk og veitti fé til. Nú þarf að framkvæma, orð á blaði duga ekki.
Til að fylgja þessum málum eftir ákvað ég að vera enn einu sinni með í stefnumótun og kosningabaráttu fyrir bæjarstjórnarkosningarnar á Akureyri og mun fylgja því starfi eftir á næsta kjörtímabili. Samfylkingin er sá flokkur sem ég treysti best og það hefur sannarlega verið ánægjulegt að finna áhuga og góðan samhljóm við þau sjónarmið sem ég hef talað fyrir. Bæði hjá nýliðum og því reynsluríka fólki sem skipar listann. Til viðbótar við heilsueflingarátakið Virk efri ár, sem þegar er samþykkt, viljum við líka að loksins verði ókeypis í sund fyrir 67 ára og eldri. Öll þau sjónarmið sem eru rakin hér að ofan endurspeglast í stefnuskrá flokksins.

Akureyri á að vera aldursvænn bær þar sem gott er að verja efri árunum.

Sigríður Stefánsdóttir er varaformaður öldungaráðs Akureyrar og skipar 10. sæti á S lista Samfylkingar fyrir bæjarstjórnarkosningarnar á Akureyri.

Hvað vill eldra fólk og hvernig þjónustu á að veita þessum hópi, sem er fjölmennur og fer stækkandi? Svarið er að það þarf fjölbreytta og ólíka þjónustu og eldra fólk á sjálft að vera með í að móta hana. 

Vorið 2018 þegar núverandi meirihluti tók við var sannarlega uppselt í Árborg. Það voru engar lóðir til, langir biðlistar á leikskóla, yfirfullir grunnskólar og stjórnsýsla sveitarfélagsins veikburða og úr takti við kröfur nútímans.
Þetta var veruleikinn sem blasti við.

Á ótrúlega skömmum tíma tókst að greiða að mestu úr og bjóða lóðir til úthlutunar í nýju hverfi í Björkurstykki. Auk þess var fallið frá hugmyndum um að byggja við leikskólann Álfheima 3 deildir og fara í staðinn í að byggja nýjan 6 deilda leikskóla sem hlaut nafnið Goðheimar enda mun hagkvæmari framkvæmd og hugsuð til framtíðar en ekki sem bráðabirgðalausn eins og viðbygging hefði verið.

Farið var á fullt í að hraða byggingu nýs grunnskóla í Björkurstykki sem hlaut nafnið Stekkjaskóli. Byrjað er að kenna í honum í færanlegum kennsluhúsnæði og stefnt er á að aðalbyggingin verði tekin í notkun haustið 2022.
Að endingu var hætt við að bjóða út knatthús og farið í að byggja fyrri áfanga á fjölnota íþróttahúsi sem myndi nýtast til langrar framtíðar flestum iðkendum íþrótta og eldri borgurum til hreyfingar og þjálfunar. Það hús er risið og kallast Selfosshöllinn.

Auk þessa hefur verið unnið ötullega að því allt kjörtímabilið að byggja upp alla innviði sveitarfélagsins. Vinnurými og starfsaðstaða starfsfólks hefur verið stórbætt, fjölgað hefur verið starfsfólki á flestum sviðum til að mæta aukinni íbúafjölgun og bæta þar með þjónustu við bæði íbúa og atvinnurekendur.

Síðast en ekki síst var farið í gagngerar endurbætur á stjórnsýslu sveitarfélagsins, starfsfólk virkjað og valdeflt, mörg kerfi sveitarfélagsins uppfærð m.v. nútímakröfur og þjónustan bæði innan stjórnsýslunnar og við íbúana tók stakkaskiptum varðandi úrlausn og afgreiðslu hinna ýmissa erinda.

Heita vatnið
Heita vatnið er ekki að klárast í Svf. Árborg og það er ábyrðarlaust tal og ómerkilegur áróður hjá oddvita d-listans að reyna að hræða fólk með því. Það þarf hins vegar að skoða hvort hægja þurfi á uppbyggingu nýrra hverfa tímabundið meðan unnið er að frekari orkuöflun (sem að sjálfsögðu hefur verið unnið ötullega að allt kjörtímabilið) og bættri nýtingu á því heita vatni sem við erum nú þegar að dæla upp úr jörðinni. Með þessu er verið að sýna varkárni og ábyrgð.

Það vekur furðu að oddvitanum, verandi einn æðsti embættismaður sveitarfélagsins, þyki það undarlegt að embættismenn þess sendi á milli minnisblöð til að upplýsa um stöðu mála. Það er akkúrat ekkert leyndarmál hvernig staða heitavatnsöflunar er á hverjum tíma. Kannski finnst oddvitanum það eðlilegra að pískra um svona mál á göngum ráðhússins og halda sannleikanum frá fólki.

Oddvitinn þarf heldur ekki að hafa áhyggjur af því að Árborg verði skaðabótaskylt gagnvart einhverjum landeigendum því allir samningar sem gerðir hafa verið við eigendur einkahverfa kveða á um að uppbygging þeirra sé háð ýmsum skilyrðum og þar á meðal getu Selfossveitna til að afhenda heitt vatn. Þetta á jafnt við um Árbakkahverfið, Austurbyggð og Jórvíkurhverfið.

Það kveður því við holan hljóm í málflutningi oddvita D-listans þegar hann talar um stefnuleysi núverandi meirihluta og reynir að halda fram á sama tíma að undir forystu D-listans væri allt upp á 10. Aðgerðarleysi meirihluta D-listans 2014-2018 dæmir sig sjálft og það er engin þörf á að gera Bragabót á stefnu núverandi meirihluta nema síður sé enda hefur hann allt kjörtímabilið unnið í þágu allra íbúa sveitarfélagsins en ekki bara sumra.

Í tilefni af kostulegum málflutningi oddvita D-lista og eins af æðstu embættismönnum sveitarfélagsins þar sem sett er í efsta gír hræðsluáróðurs og rangfærsla, þvert á eigin vitneskju skal sannleikanum haldið til haga. Hið rétta er að það var uppselt í Árborg en svo er ekki lengur.

Þangað er boðið öllum frambjóðendum á lista Samfylkingarinnar í Kópavogi fyrir bæjarstjórnarkosningarnar auk velunnara og stuðningsmanna. Allir sem fá þetta fundarboð eru hvattir til að taka með sér fjölskyldumeðlimi og gesti.

Við ætlum að stilla saman strengi fyrir lokasprettinn sem framundan er í kosningabaráttunni.

Frambjóðendur munu halda stuttar ræður og fara yfir stefnuáherslur og þau málefni sem við stöndum fyrir í Kópavogi.  Sýnt verður áður óbirt efni sem haldið verður á lofti í kynningarstarfinu.  Greint verður frá viðburðum og fundum sem eru í farvatninu og fleira. 

Rannveig Guðmundsdóttir ætlar að halda brýningarræðu og margt fleira verður á dagskrá.  Sumt af því mun koma á óvart. 

Fundurinn hefst klukkan 16.30 og stendur til klukkan 18 og veitingar verða á staðnum

Mætum öll og stillum saman strengina.   Við ætum að nútímavæða Kópavog.

XS í Kópavogi 2022  - Að sjálfsögðu!

Miðvikudaginn 27. apríl 2022 ætlum við að halda fund  í Bókasafni Kópavogs – 1. Hæð klukkan 16.30 – 18.00

Samfylkingin vill halda áfram að efla skíðasvæðið í Hlíðarfjalli sem íþrótta- og útivistarsvæði fyrir bæjarbúa. Einnig vill Samfylkingin fara í markvisst markaðsátak á Hlíðarfjallssvæðinu sem heilsársáfangastaður. Til að það náist vill Samfylkingin veita styrki til aðila sem eru tilbúnir að koma upp ferðaþjónustu utan háannatíma. Styrkirnir gætu verið í formi aðstöðu eða markaðssetningar. Takist vel til við að efla Hlíðarfjallssvæðið sem heilsársáfangastað gætu skapast skilyrði fyrir hóteluppbyggingu á svæðinu. Þangað viljum við stefna.

Á líðandi kjörtímabili var samþykkt, samhljóða í bæjarstjórn, skýrslan Forgangsröðun í uppbyggingu íþróttamannvirkja og er þjónustuhús í Hlíðarfjalli á þeim lista. Slíkt hús myndi nýtast Skíðafélagi Akureyrar og auka möguleikana í ferðaþjónustu. Gangi áætlanir eftir ættu framkvæmdir að geta hafist á komandi kjörtímabili.

Mikilvægi skíðasvæðisins í Hlíðarfjalli fyrir vetrarferðamennsku er óumdeilt. Árlega dregur svæðið til sín þúsundir gesta hvaðanæva af landinu. Einnig hafa hópar færeyskra ferðamanna komið hingað í skíðaferðir undanfarin ár. Þetta er gott dæmi um vel heppnaða nýsköpun í ferðaþjónustu. Með tilkomu Niceair mun fjöldi erlendra ferðamanna aukast talsvert á næstu árum og er því mikilvægt að bjóða upp á fjölbreytta afþreyingu allt árið um kring. Þar gæti Hlíðarfjall gegnt lykilhlutverki.

Verkefni næsta kjörtímabils verður að styrkja Hlíðarfjall sem heilsársáfangastað og er bygging þjónustuhúss mikilvægur þáttur í þeirri vegferð. Tækifærin fyrir svæðið eru mörg á tímum þar sem heilsubætandi útivist nýtur sífellt meiri vinsælda. Þau tækifæri ætlum við að grípa.

Hlynur Örn Ásgeirsson skipar 6. sæti á lista Samfylkingarinnar á Akureyri fyrir sveitarstjórnarkosningar 14. maí

Leit um „��"

3279 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������"

3279 niðurstöður fundust við leit að „���������������������������"