Nemendur hafa rétt á námi við hæfi og saman mynda þeir samfélag þar sem hlúð er að víðsýni og dómgreind, ekki síst til að takast megi á við viðfangsefni samtímans með hagsmuni samfélagsins alls að leiðarljósi. Skólar eiga að veita nemendum jöfn tækifæri og draga fram styrkleika hvers og eins. Því miður er ljóst að ekki standa öll börn jafnfætis, ennýlegar rannsóknir sýna að tækifæri og árangur nemenda í skólakerfinu stýrist í of miklum mæli af félagslegum bakgrunni nemenda. Þar standa sérstaklega höllum fæti nemendur með erlendan bakgrunn og leggja þarf allt kapp á að breyta því.

Hér á Akureyri búum við að afar öflugu skólasamfélagi. Skólarnir okkar eru einstaklega vel mannaðir, en hlutfall réttindakennara er með því besta sem gerist, bæði í leik- og grunnskólum. Fagfólkið okkar veit svo sannarlega hvað það er að gera og hvers konar umgjörð þarf til að geta enn betur sinnt fjölbreyttum þörfum nemenda. Við í Samfylkingunni viljum hlusta á fagfólkið, treysta því og styðja til góðra verka og tryggja nemendum og starfsfólki góðan aðbúnað. Tryggja þarf bætt aðgengi að kennsluráðgjöf, þjónustu og stuðningi til starfsþróunar á vettvangi. Það þarf að styðja betur við kennara í kennslu barna með erlendan bakgrunn, stytta biðlista og efla stuðning við börn sem þurfa sérúrræði, tryggja öfluga náms- og starfsráðgjöf og auka við stuðning á vettvangi, í samráði við fagfólkið sem þar starfar. Jafnframt þarf að vera vakandi fyrir langtímaafleiðingum faraldursins á nemendur og starfsfólk skóla, sem svo sannarlega hefur staðið vaktina síðastliðin tvö ár.

Menntun er samfélagslegt verkefni og ekki einkamál hvers og eins og það er hagur okkar allra að vel takist til; að kennurunum okkar séu búnar ásættanlegar vinnuaðstæður og skólaþjónusta sé efld, ekki síst svo að tækifæri nemenda til að ná árangri og vera virkir þátttakendur í samfélaginu innan og utan skólans stýrist ekki af félagslegum aðstæðum þeirra og bakgrunni.

Góð menntun er samfélagslegt verkefni sem þarf að taka alvarlega og sinna af kostgæfni, enda eru skólarnir okkar stærsta jöfnunartæki. 

HLÚUM AÐ OKKAR ÖFLUGA SKÓLASAMFÉLAGI

Verið öll hjartanlega velkomin í létt spjall um skipulagsmál en Sigurjón mun einnig fara yfir áherslur í breyttu aðalskipulagi.

Við byrjum á Stokkseyri og hittumst þar við tjaldsvæðið laugardaginn 30. apríl kl. 13:00.
Þar næst förum við á Eyrarbakka og hittumst við bókasafnið laugardaginn 30. apríl kl. 15:00.
Að lokum hittumst við við Stekkjaskóla á Selfossi þriðjudaginn 3. maí kl. 17:30.

Skipulagsrölt undir leiðsögn Sigurjóns Vídalíns, formanns skipulags og bygginganefndar.

Skipulagsrölt með Sigurjóni Vídalín

Þetta samspil er mikilvægt, enda grunntónn í allri nálgun okkar jafnaðarmanna að verkefnum til heilla fyrir fólk og til að auka lífsgæði almennings. Mörgum þykir þetta svo sjálfsagt að ekki þurfi að ræða, en samt eru þessi grunngildi í miklu ójafnvægi alltof víða - því miður. Þetta er klassísk jafnaðarstefna og Samfylkingin mun tryggja að hún verði til staðar í Hafnarfirði á komandi kjörtímabili.

Þannig munu jafnaðarmenn í Hafnarfirði nálgast viðamikil og mikilvæg verkefni á komandi kjörtímabili við stjórn bæjarins - allir með! Jafnaðarmenn vilja sjá Hafnarfjörð fyrir alla; unga sem eldri, fólk úr öllum stéttum, þá sem höllum fæti standa, almennt launafólk, fólk í rekstri lítilla og stærri fyrirtækja, fjölskyldur og einstaklingar. Það verður engin útundan hjá okkur jafnaðarmönnum. Við viljum ekki steypa alla í sama mótið, heldur að einstaklingar og hópar fái að njóta sín til fullnustu; hafi frelsi til að velja. Og um leið viljum við sjá samhjálp í verki gagnvart þeim sem aðstoð þurfa. Hafnarfjörður er fyrir alla og allir eiga að vera með.

Kosningarnar í Hafnarfirði snúast um fólk - og þjónustu við það. Þar er kosið um trúverðugleika og traust á frambjóðendum og flokkum í bænum. En Hafnarfjörður er ekki eyland. Mörg verkefni skarast við þjónustu ríkisvaldsins. Núverandi ríkisstjórn Sjálfstæðisflokksins, Framsóknarflokksins og Vinstri grænna hefur ekki skilað nægum fjármunum til Hafnarfjarðar eins og vera ber til að unnt sé að sinna ýmsum verkefnum. Þar má nefna gríðarlega mikilvæga þjónustu við fatlaða. Eins hafa samgönguverkefni á hendi ríkisins setið á hakanum. Reykjanesbrautin skiptir þar miklu máli. Þar ganga vegabætur allt of seint. Það sama má segja um Bláfjallaveginn, sem núverandi meirihluti lokaði á síðasta ári. Hann þarf að opna aftur. Þá þarf að berjast af hörku gegn áformum um lokun Flóttamannavegar. Það má ekki gerast.

Hafnarfjarðarbær seldi á kjörtímabilinu hlut Hafnarfjarðar í HS veitum til að fjármagna rekstur bæjarins. Samt hækka skuldir og íbúum fækkar. Sú sala meirihluta Sjálfstæðisflokks og Framsóknarflokks minnir að sumu leyti á algjörlega misheppnaða sölu ríkisstjórnarinnar á Íslandsbanka á dögunum. Í Hafnarfirði gekk erfiðlega að fá upplýsingar um kostnað við söluna. Alveg eins og í Íslandsbankaklúðrinu hjá ríkisstjórnarflokkunum, þar sem leynd og klíkuskapur réði för. Hugsanlega var sú sala lögleg, en alveg örugglega var hún siðlaus. Staðreyndin er sú að þessir flokkar selja almannaeignir - það sýnir sagan okkur aftur og aftur. Og gjarnan til vildarvina. Þetta þarf að muna á kjördag í maí. Það þarf að stöðva sérhygli og spillingu hjá ríki og bæ!

Eins er slegið slöku við þegar komið er að heilsugæslu í bænum. Það nær ekki nokkurri átt að það taki 4-6 vikur að ná tíma hjá lækni, eins og raunin er. Starfsfólk heilsugæslunnar gerir sitt besta, en fleira starfsfólk, fleiri stöðvar og fjármagn vantar frá ríkisstjórninni - hjá sömu flokkunum og stjórnað hafa Hafnarfirði.. Hér er vitlaust gefið. Þarna þarf að gefa í. Það er hægt að gera svo miklu betur.

Mér þykir vænt um bæinn minn og fólkið í honum. Hafnarfjörður er minn bær! Þess vegna sneri ég til baka til þátttöku í bæjarpólitíkinni eftir 16 ára fjarveru frá stjórnmálum, eftir að ég gegndi áhugaverðum störfum sendiherra um víða veröld. Það er gott að vera kominn heim! Mig langar einfaldlega að hjálpa til, leggja mitt að mörkum. Að gera góðan bæ betri. Vinna með sveitungum mínum. Það er nefnilega hægt að gera miklu betur, en gert hefur verið í 8 ára stjórnartíð sjálfstæðismanna og framsóknar. Snúum við blaði og hefjum nýja og betri vegferð.

Jafnaðarmenn koma til dyranna eins og þeir eru klæddir. Hafnfirðíngar þekkja til starfa þeirra fyrr og síðar. Þar eru almannahagsmunir á oddinum. Við höfum engra sérhagsmuna að gæta - við gætum bara hagsmuna venjulegs fólks, fólks sem við viljum þjóna.

Stöndum vörð um Hafnarfjörð, þennan fallega og góða bæ og íbúa hans. Samfylkingin er tilbúin í verkin. Vertu með okkur jafnaðarmönnum í sókninni! Nú er tækifærið. Breytum og bætum þann 14.maí næstkomandi.

Höfundur er oddviti Samfylkingarinnar, jafnaðarmannaflokks Íslands í Hafnarfirði.

Það þarf öfluga velferð fyrir fólk þannig að kröftugt atvinnulíf nái að blómstra. En um leið þarf heilbrigt atvinnulíf að vera til staðar, þannig að velferðin njóti sín.

Sjálfsagt er að Ísland, rétt eins og önnur evrópuríki, taki þátt í að veita þessu fólki alþjóðlega vernd og heimili. Í Borgarstjórn höfum við fordæmt innrás Rússa og til að sýna samstöðu í verki höfum við gefið torgi í ná­grenni rúss­neska sendi­ráðsins nafnið Kænu­garður meðundir­heitið Kýiv-torg. Ensk þýðing torgsins verður Kyiv Square.

Úkraínskir ríkisborgarar geta nú fengið dvalarleyfi á íslandi á grundvelli mannúðarsjónarmiða og geta einnig sótt um atvinnuleyfi. Dvalarleyfið er veitt til eins árs í senn með heimild til að endurnýja eða framlengja í allt að þrjú ár frá því að umsækjandi fékk fyrst leyfi. Vinnumálastofnun annast íslenskukennslu og samfélagsfræðslu fyrir allt flóttafólk og einstaklinga með dvalarleyfi af mannúðarástæðum. Auk þess er starfandi sérstakt teymi sem vinnur að atvinnuráðgjöf fyrir flóttafólk og einstaklinga með dvalarleyfi af mannúðarástæðum.

Hlutverk Reykjavíkur og annarra sveitarfélaga

Þrátt fyrir að ábyrgð á móttöku flóttafólks sé alltaf ríkis er mikilvægt að sveitarfélög taki virkan þátt og veiti stuðning fyrstu árin. Fólk býr í sveitarfélögum og þau veita nærþjónustu sem getur skipt sköpum til að vel takist til. Þar hefur Reykjavíkurborg ekki skorast undan, þvert á móti hefur á liðnum árum skapast einstök þekking og reynsla innan Reykjavíkur á móttöku fólks á flótta. Nýtt Alþjóðateymi Reykjavíkur vinnur samhent að því að taka vel og faglega á móti fólki og kynna það okkar góðu borg. Reykjavík gerði samning við Félagsmálaráðuneytið um samræmda móttöku flóttafólks sem hljóðar upp á að borgin þjónusti 500 manns á hverjum tíma. Unnið er að endurnýjun á þeim samningi og ekki ólíklegt að hann stækki jafnvel ef aðilar ná saman, sem er reyndar mjög brýnt. Einnig er í gildi samningur við Útlendingastofnun um að Reykjavík þjónusti allt að 300 umsækjendur um alþjóðlega vernd, á hverjum tíma. Nýjasti samningurinn er svo samningur við Félags- og vinnumarkaðsráðuneytið um móttöku að lágmarki 100 einstaklinga frá Úkraínu og veiting 6 mánaða tímabundna þjónustu, svokallað Skjól. Sveitarfélög leitast við að tengja einstaklinga og nærsamfélag og veita upplýsingar um þá afþreyingu sem stendur til boða. Flóttafólk fær til að mynda fjárhagsaðstoð, strætókort, sundkort og aðstoðað við að komast í virkni, aðstoð við að finna húsnæði ásamt annarri þjónustu sem er í boði. Það er einnig virkt samstarf við Vinnumálastofnun fyrir þá einstaklinga sem eru tilbúnir að fara út á vinnumarkaðinn.

Félagasamtök gegna veigamiklu hlutverki þegar kemur að stuðningi við flóttafólk og samtök eins og Hjálparstarf kirkjunnar, Hjálpræðisherinn, Rauði krossinn, Solaris og Samhjálp og fleiri veita ómetanlega hjálp og aðstoð. Upp hafa sprottið ný samtök sem veita þjónustu og samveru sem er ómetanlegt þar má nefna samtökin Flóttafólk. Fjölmenningarsetur veitir flóttafólki ráð og hefur safnað saman fólki í bakvarðasveit, atvinnutækifærum og beðið fólk um að skrá þar húsnæði sem er laust til leigu fyrir fólk frá Úkraínu. Öll þurfum við að opna hjarta okkar og faðm, samfélagið er okkar allra og við þurfum að samlagast breytingum rétt eins og þau sem hingað koma þurfa að samlagast okkur. Við þurfum gera þetta saman, samlagast hvort öðru.

Allar rannsóknir sýna að börn sem koma úr stríðshrjáðum aðstæðum eiga við áfallastreitu að stríða þó í mismiklu mæli sé. Það er mikilvægt að skapa griðastað þar sem börn og foreldrar finna fyrir öryggi, rútínu og hlýju. Um 200 börn hafa komið til Reykjavíkur frá því innrásin hófst og í dag, fimmtudagin 28. apríl, opnar fjölskyldumiðstöð fyrir börn á leik- og grunnskóla aldri þar sem félagslegum og námslegum þörfum þeirra verður mætt með áherslu á kennslu á úkraínsku. Sex úkraínskumælandi starfsmenn úr skólum borgarinnar halda utan um starfsemina þar sem þátttaka foreldra verður nauðsynlegur þáttur. Enn er óvíst hversu mörg börn og foreldar munu sækja Skóla- og fjölskyldumiðstöðina og hvort opna þurfi á fleiri stöðum. Samningaviðræður standa yfir á milli sveitarfélaga og mennta- og barnamálaráðuneytisins um menntun þessara barna en skorað hefur verið á barna-og menntamálaráðherra að setja inn stuðning við. Ljóst er að börnin þurfa sérstakan stuðning við að aðlagast nýju umhverfi og vinna úr þeim áföllum sem stríðið hefur í för með sér, sveitarfélög geta veitt hann en þau þurfa til þess fjármagn.

Um þetta og fleira má fræðast á opnum fundi Velferðarráðs Reykjavíkur í fyrramálið klukkan 9 í Borgartúni 12 eða á netinu. Þar ætlum við að fara yfir hlutverk borgarinnar þar sem flest flóttafólk á Íslandi kýs að búa.

Heiða Björg Hilmisdóttir er formaður Velferðarráðs og Ofbeldisvarnarnefndar Reykjavíkur og Sabine Leskopf er formaður Fjölmenningarráðs.

Í kjölfar innrásar í Úkraínu hafa yfir fjórar milljónir manna þurft að yfirgefa landið sitt, að stórum hluta konur og börn. 

Nú þegar ferðamannastraumur eykst á nýjan leik eftir Covid-19 faraldurinn er mikilvægt að fara í markvissa stefnumótun fyrir Hafnarfjörð til þess að gera bæinn að eftirsóknarverðum áfangastað fyrir ferðamenn. Við eigum miklar útivistarperlur sem þarf að hlúa að og byggja upp. Upplandið okkar er mikill fjársjóður og Krýsuvíkursvæðið er orðið vinsæll áningarstaður ferðamanna á leið þeirra um Reykjanes. Við viljum skerpa á ímynd bæjarins sem útivistarparadísar og byggja upp aðstöðu á þeim stöðum sem fólk sækir hvað mest. Við viljum efla samvinnu bæjaryfirvalda, íþróttafélaga og ferðaþjónustuaðila um menningar-, heilsu- og umhverfistengda ferðaþjónustu.

Bær sem hlúir að menningu, mannlífi og listsköpun er blómstrandi bær. Því vill Samfylkingin gera menningu og listum hátt undir höfði. Við viljum standa vörð um menningarstofnanir bæjarins og að bærinn styðji markvisst við frumkvæði og nýsköpun á menningarsviðinu.

efla samstarf við fulltrúa atvinnulífs í bænum með það að markmiði að tryggja gagnkvæmt upplýsingastreymi,

styðja við starfsemi Markaðsstofu Hafnarfjarðar enda mikilvægt að kynna vel þjónustu og starfsemi atvinnulífs í Hafnarfirði í samstarfi við fyrirtæki í bænum,

efla samvinnu bæjaryfirvalda við fyrirtæki og samtök í bænum sem tengjast menningu og ferðaþjónustu,

styðja við frumkvöðlastarfsemi á sviði atvinnu,-menningar- og ferðamála og stofna klasa sem verður vettvangur fyrir frumkvöðla- og nýsköpunarfyrirtæki,

efla markaðssetningu á Hafnarfirði sem áhugaverðum stað fyrir ferðamenn til að heimsækja allt árið um kring þar sem lögð er áhersla á sérstöðu bæjarins,

efla menningarlíf í bænum í samstarfi við fyrirtæki og frjáls félagasamtök sem starfa á þessum vettvangi,

virkja miðbæinn og stuðla að frekari uppbyggingu á Flensborgarhöfn og auka þannig fjölbreytileika og afþreyingu í bænum,

tryggja farveg fyrir atvinnu- og áhugamannaleikhús í bænum,

leysa húnsæðismál Gaflaraleikhússins til framtíðar,

stuðla að því að Hafnarfjörður verði í forystu hvað varðar atvinnuþátttöku fatlaðs fólks og fólks með skerta starfsgetu, bæði hjá sveitarfélaginu sjálfu sem og á almennum vinnumarkaði,

stuðla að því að eldri borgarar sem hafa áhuga á atvinnuþátttöku hafi fleiri tækifæri til þess að stunda atvinnu,

auka afþreyingar- og útivistarmöguleika fyrir bæjarbúa m.a. með því að nýta opin svæði eins og Óla Run túnið.

Vellíðan barna og ungmenna í forgrunni

Mikilvægt er að stuðla að öflugu samstarfi milli allra skólastiga og góðu samstarfi heimila og skóla og annarra stofnana sem koma að þjónustu við börn. Vellíðan barna og ungmenna á að vera í forgrunni í allri stefnumótun bæjarfélagsins. Í þessu samhengi viljum við sérstaklega skoða að gera vinnudag barna samfelldan. Við viljum halda áfram með innleiðingu Barnasáttmála Sameinuðu þjóðanna og flétta hann inn í alla stefnumótun bæjarfélagsins og vinna að því að Hafnarfjörður fái vottun UNICEF sem barnvænt samfélag.

Skólarnir okkar verði best efldir með því að virkja þann mannauð og sköpunarkraft sem býr í starfsfólki og nemendum hvers skóla. Þess vegna viljum við efla faglegt sjálfstæði skólanna og auka svigrúm þeirra til að móta eigin stefnu. Við viljum tryggja sterkt faglegt umhverfi sem laðar að gott starfsfólk á öllum skólastigum. Mikilvægt er að samhliða lækkun inntökualdurs á leikskóla að skapa starfsfólki góðar starfsaðstæður. Við leggjum áherslu á að fjölga fagmenntuðu starfsfólki innan leikskólans enda er leikskólinn fyrsta skólastigið.

Efnahagur má aldrei ráða möguleikum til menntunar og liður í árangursríku skólastarfi er að tryggja öllum nemendum jöfn tækifæri. Skóli án aðgreiningar á að standa öllum til boða, skóli sem hvetur og styður alla nemendur með jöfnuð og umburðarlyndi að leiðarljósi. Nemendur eiga að fá að þroskast í öruggu umhverfi til að ná sínum besta mögulega árangri.

Stefnt að gjaldfrjálsum leik- og grunnskóla

Samfylkingin vill draga úr álögum á barnafjölskyldur. Þess vegna viljum við draga úr gjaldtöku og stefna að því að leik- og grunnskólar verði gjaldfrjálsir með öllu en það verður þó ekki að fullu gert nema með því að taka upp tekjuskiptingu ríkis og sveitarfélaga sem við teljum nauðsynlegt að fari fram.  Við viljum leita allra leiða til þess að brúa bilið milli fæðingarorlofs og leikskóla með því að lækka inntökualdur á leikskóla, styrkja umgjörð dagforeldrakerfisins, koma á fót ungbarnadagvistun og fjölga leikskólum. 

Samfylkingin leggur áherslu á að börnum standi til boða fjölbreytt val í skólastarfi m.a. með því að auka vægi list-, verk- og tæknigreina og lögð sé áhersla á fjölbreyttar kennsluaðferðir sem byggja á styrkleikum hvers og eins. Sveigjanleiki er mikilvægur í skólastarfi til þess að undirbúa nemendur undir þá tæknibyltingu sem samfélagið stendur frammi fyrir og í því samhengi þarf að leggja áherslu á tölvufærni og tækninám ásamt því að örva skapandi og gagnrýna hugsun.

Skólar í Hafnarfirði eiga að vera í fremstu röð.

lækka inntökualdur barna á leikskóla,

fjölga leikskólum og koma á fót ungbarnadagvistun sem mætir þörfum barna í bið eftir leikskólaplássi,

bæta kjör og starfsumhverfi leikskólakennara annars starfsfólks leikskóla ásamt því að auka tækifæri til menntunar og starfsþróunar,

hlúa að starfsemi dagforeldra, auka samvinnu við þá og efla umgjörð þjónustunnar til þess að mæta þörfum barna í bið eftir leikskólaplássi,

halda áfram að efla og þróa starfsemi Brúarinnar sem hefur sannað gildi sitt,

halda áfram að efla hinsegin fræðslu og efla stuðning við hinsegin börn og transbörn innan skólakerfisins,

auka kynfræðslu og fræðslu um samskipti kynjanna, og fræðslu um jafnrétti og mannréttindi,

auka aðgang skóla og starfsmanna þeirra að hvers kyns ráðgjafaþjónustu og efla enn frekar faglega þjónustu fræðsluskrifstofu,

efla skapandi greinar og hreyfingu í leikskólum m.a. með íþrótta- og myndlistakennslu,

fjölga valgreinum fyrir nemendur, sérstaklega á unglingastigi,

tryggja gott og faglegt umhverfi sem laðar að öflugt starfsfólk á öllum skólastigum,

taka strax upp viðræður við Verkalýðsfélagið Hlíf um að bæta kjör ófaglærðs starfsfólks til jafns við nágrannasveitarfélögin,

vinna að leiðum til að bæta starfsaðstæður á leik- og grunnskólum og leita leiða til að draga úr álagi á starfsfólk,

efla samstarf heimila og skóla og styrkja Foreldraráð Hafnarfjarðar í sessi,

tryggja aukið sjálfstæði skóla og svigrúm þeirra til að móta sína eigin stefnu og stuðla að auknu nemendalýðræði,

auka svigrúm og fjölbreytni í skólastarfi svo mæta megi styrkleikum og áhuga hvers og eins með áherslu á skapandi greinar, list-, verk- og tæknigreinar og að efla frumkvöðlamennt,

hefja strax undirbúning byggingar leikskóla í Suðurbæ (Öldutúnsskólahverfi),

efla geðheilbrigðisþjónustu og forvarnir með auknu aðgengi að sálfræðiþjónustu, náms- og starfsráðgjöf,

huga sérstaklega að móttöku og kennslu nemenda með annað móðurmál en íslensku þar lögð er áhersla á móðurmálskennslu og íslenskukennslu,

efla stuðning við foreldrar og forráðamenn og ekki síst foreldra og forráðamenn nemenda með annað móðurmál en íslensku,

vinna að því að auka lýðræðisvitund barna og ungmenna,

móta forvarnarstefnu og auka forvarnarfræðslu innan skóla og félagsmiðstöðva,

styðja við og efla starfsemi Ungmennahúss í Hamrinum,

sjá til þess að öll börn og unglingar hafi aðgang að ávaxta- og grænmetisbita og hollum og næringarríkum hádegisverði,

lækka gjaldtöku fyrir mat í skólum með því m.a. að auka enn frekar systkinaafslætti,

stækka og efla tónlistarskóla Hafnarfjarðar, stytta biðlista í hann og flétta nám í Tónlistarskólanum inn í skóladag nemenda,

styðja við fullorðins fræðslu í bænum, m.a. með því að ýta undir tölvukennslu fyrir eldra fólk til að styðja við þátttöku þess og virkni í samfélaginu.

Við höfum greitt niður skuldir, rekið bæinn á ábyrgan hátt og erum búin að kaupa aftur allar fasteignir bæjarins sem höfðu verið seldar til að fjármagna rekstur. 

Rekstur bæjarins er í jafnvægi og á réttri leið, bærinn okkar vex jafnt og þétt – og framtíðin er björt. 

Rekstarárangri skilað inn í samfélagið

Við höfum gætt þess að skila góðum rekstrarárangri Reykjansbæjar til baka inn í samfélagið. Við höfum t.d.: 

Hækkað hvatagreiðslur úr 7.000 kr. í 45.000 kr.

Lækkað fasteignaskatta til einstaklinga að raunvirði um 20%.

Lækkað fasteignaskatta á fyrirtæki, eitt fárra sveitarfélaga á Íslandi.

Hækkað niðurgreiðslur verulega til foreldra vegna leikskóla og dagforeldra á síðustu árum. Um 40.000 kr. lækkun á mánuði hjá dagforeldrum eftir átján mánaða aldur.

Margfaldað framlög til íþróttamála. Gert nýja afrekssamninga sem tryggja rekstur íþróttastjóra félaganna. Byggt flóðlýstan gervigrasvöll og nú rís við Stapaskóla eitt glæsilegasta íþróttahús landsins.

Byggt glæsilegan Stapaskóla á hagkvæman hátt án þess að taka til þess lán.

Svona ætlum við vinna hlutina áfram næstu fjögur árin og skila góðum rekstrarárangri til baka til samfélagsins. Lækka gjöld þegar svigrúm er til þess, bæta hag allra í samfélaginu með góðri þjónustu og fagmennsku.

Á undanförnum átta árum hefur Samfylkingin í samstarfi við Beina leið og  Framsókn leitt endurreisn Reykjanesbæjar með góðum árangri. Staðan var erfið og verkefnið stórt en við gengum í verkið.

Við bjóðum upp á búbblur og bingó með Sverri Bergmann og Sigurrós Antonsdóttur sem skipa 3. og 4. sætið á S-lista Samfylkingarinnar og óháðra í Reykjanesbæ fimmtudagskvöldð 5. í kosningamiðstöðinni Hafnargötu 57.

Sverrir tekur lagið, Sigurrós stjórnar partýbingó og Örvar Kristjánsson fremur gamanmál. Léttar veitingar í boði.

Fimmtudagskvöldin gerast ekki mikið betri!

Við höfðum velt því fyrir okkur að flytjast búferlum meðal annars vegna þess að hraðinn og læti borgarinnar heillaði ekki lengur. Við ákváðum því að setja stefnuna í vestur og flytja til Reykjanesbæjar. Stór hluti ákvörðununarinnar var einnig sú að íbúðaverðið hér var mun hagstæðara og gátum við þannig selt litlu íbúðina okkar og notað það sem kom inn til að versla okkur einbýlishús í Innri-Njarðvík. Þetta var stór og mikil ákvörðun en þegar hingað var komið fann ég að þetta var hið eina rétta, mér leið eins og ég væri kominn heim.

Hér upplifði ég að fólk horfði í augun á þér og bauð góðan daginn. Vinalegur en ákveðinn metingur var á milli íþróttaliðanna tveggja, fólk elskaði að syngja og hafa gaman og nágrannakærleikurinn var eins og í ævintýri. Ég var aftur orðinn partur af samfélagi. Tilfinning sem ég hafði ekki fundið fyrir síðan ég bjó á Sauðárkróki en þar var ég fyrstu tuttugu ár ævi minnar.

Í kjölfarið var það því það eina rökrétta í stöðunni að stofna fjölskyldu. Í febrúar 2020 kom síðan frumburður okkar Ásta Bertha í heiminn. Einhverjum fimmtán mánuðum síðar mætti Sunna Stella systir hennar á svæðið.  Þetta hafa því verið ansi viðburðarík síðustu ár og má í raun segja að lífið hafi ekki verið að fullu byrjað fyrr en ég flutti hingað.

Það breytist allt þegar maður eignast börn.

Þegar börn eru komin í spilið fer maður að treysta á sveitarfélagið á annan máta en áður. Þá horfir maður til þjónustu sem nauðsynlegt er að hafa aðgang að þannig við foreldrarnir getum aftur farið að taka þátt í daglegu lífi og aflað tekna fyrir fjölskylduna. Við vorum einstaklega heppin þegar kom að því að finna dagmömmu fyrir eldri dóttur okkar. Kristín konan mín hafði verið í sundi og lenti á spjalli við konu sem vildi svo til að búa við hliðina á dagmömmu. Í ljós kom svo að hún var með laust pláss fyrir okkur.

Þegar síðan kom að leikskólagöngu hjá henni vorum við svo heppin aftur að hún var síðasta barnið til að komast inn það haustið. Þá hafði Kristín verið búin að hringja í alla leikskóla í Reykjanesbæ til að reyna að snapa pláss fyrir barnið. Með þá yngri þá vorum við svo aftur heppin að við römbuðum á góða konu sem var einmitt að hefja starf sem dagmamma og var til í að fá hana til sín. Það vildi svo til að þetta var í vikunni áður en Kristín hóf störf aftur eftir fæðingarorlofið.

Öll þessi dagvistun dætra okkar hefur því komið til af einskærri heppni. Það á ekki að vera þannig. Við vitum um stóran hóp foreldra í bæjarfélaginu sem ekki eru jafn heppnir. Þeir sömu foreldrar hafa þannig þurft að leita leiða til, eða jafnvel fresta því, að mæta til vinnu því hvergi var hægt að finna stað fyrir börnin. Þetta orsakar tekjutap sem kemur strax á eftir tekjutapinu sem orsakast af því að fara í fæðingarorlof.

Samfylkingin leggur mikla áherslu á að breyta þessum hlutum í hag fyrir alla foreldra en sveitarfélagið okkar samanstendur af fjöldamörgum barnafjölskyldum og ábyrgðin því mikil.

Markmiðin okkar eru meðal annars þau að hvetja fleiri íbúa til að verða dagforeldra og styrkja þau til þess með stofnstyrk. Auk þess að sveitarfélagið muni greiða fyrir námskeið sem undanfara fyrir þau. Auk þess munum við bæði kaupa og byggja fleiri leikskóla sem geta tekið inn átján mánaða börn á leikskóla. Reykjanesbær mun einnig niðurgreiða kostnað til þeirra foreldra sem eru með börnin sín hjá dagforeldri þegar börnin eru orðin átján mánaða þannig að þau borgi eins og börnin væru á leikskóla.

Annað risastórt atriði sem ég áttaði mig á eftir að börnin komu til var hversu óþægilegt það er að vera í bæ þar sem ég get ekki treyst á heilsugæsluna. Fyrst um sinn fórum við alltaf á HSS þegar eitthvað kom upp á en fengum þar þurrt viðmót og oft rangar greiningar þegar stelpurnar okkur urðu veikar. Í kjölfarið fórum við því til Reykjavíkur til að fá annað álit sem reyndist alltaf rétt og eftir nokkur skipti ákváðum við að fara alltaf beint til Reykjavíkur. Okkur fannst það algjör óþarfi að leggja það á stelpurnar okkar að hanga inn á HSS í daufri biðstofu bíðandi eftir lækni sem nennti engan veginn að sinna okkur. Ég veit að ég er alls ekki einn um þessa upplifun en þessi grunnþjónusta verður að vera í lagi.

HSS þarf að koma sér í aukið samtal við okkur íbúana. Við eigum skilið samtalið um hvað sé að gerast innandyra og hvert framhaldið er. Ég man þegar ég var nýfluttur í bæinn þá fór ég á leiksýningu þar sem mikið grín var gert af HSS og ég man að ég hugsaði að þetta gæti nú ekki verið svo slæmt. Þesii túlkun var það ótrúleg að ég hló með sjálfum mér og hugsaði að það hlyti nú að vera betur lagt í heilbrigðistofnun sem þjónar svona stóru sveitarfélagi. Því miður þá virðist þetta vera raunin.

Í mörg ár höfum við lesið fréttir er varða þessa einu heilbrigðisstofnun okkar. Fregnir sem segja til um óánægju með þjónustu, langan biðtíma og skort á fjármagni. Eigum við að þurfa að lesa þetta ár eftir ár? Er ekki hægt að breyta þessu og þróa þjónustu í hag okkar íbúa sem þurfum á þessari þjónustu að halda? Þessu verðum við að breyta og ef fjármagnið er það eina sem þarf til að laga þetta þá verðum við að fara að herja á fjárlagavald ríkisins því við sem samfélag eigum skilið hæfa heilbrigðisþjónustu líkt og allir aðrir þegnar þessa lands.

Ég vil þó taka það fram að þeir barnalæknar sem koma tvisvar í viku þegar maður á pantaðan tíma eru til mikillar prýði og bæta því við að ungbarnaverndin hefur reynst okkur vel.

Þá finnst mér einnig ábótavant að hverfi á stærð við Innri Njarðvík og Ásbrú skuli ekki hafa aðgang að almennilegri verslun og/eða þjónustu. Til samanburðar búa fleiri á Ásbrú en í Grindavík og í Innri Njarðvík búa fleiri en í heimabæ mínum, Sauðárkróki. Á þessum stöðum myndi aldrei ganga að hafa eina litla og dýra hverfissjoppu. Við hljótum að geta fundið leið til þess að gera það arðbært og aðlaðandi  fyrir einhverja af þessum helstu þjónustuaðilum og verslunum að vera með útibú í þessum hverfum.

Reykjanesbær er uppfullur af frábæru fólki sem á að geta haft aðgang að sjálfsagðri þjónustu.Við höfum við gert vel en við getum gert betur og ætlum að gera betur.

Ég flutti til Reykjanesbæjar um miðjan ágúst 2018 ásamt Kristínu konunni minni. Á þessum tíma var hún að vinna á Keflavíkurflugvelli og kunni því vel. 

Leit um „��"

3373 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3373 niðurstöður fundust við leit að „���������������������������������������������������"