Þennan meðbyr finnum við í Samfylkingunni líka; markmið okkar um að mynda aðra og betri ríkisstjórn virðist í sjónmáli samkvæmt síðustu könnunum.

Almenningur getur ekki búið við sömu ríkisstjórn fjögur ár til viðbótar: Áframhaldandi sérhagsmunagæslu, veiðigjöld sem eru lægri en tóbaksgjöld og skattastefnu sem hyglar ríkasta fólksins í samfélaginu. Stefnuleysi og vanfjármögnun í heilbrigðiskerfinu og metnaðarleysi í loftslagsmálum. Þúsundir barnafjölskyldna eiga ekki að þurfa að vera í basli um hver einustu mánaðamót og öryrkjar og stórir hópar eldra fólks eiga ekki að búa áfram við sömu sultarkjörin næstu fjögur árin. Við eigum ekki að sætta okkur við að þjóðarviljinn sé áfram virtur að vettugi í stórum málum og harðneskja sýnd í málefnum fólks á flótta. Nú er komið að almenningi.

Góðu fréttirnar eru að við erum í dauðafæri að breyta þessu öllu.

Við getum kosið aðgerðir fyrir venjulegt fólk í daglegu basli við að veita börnum sínum betra líf. Kosið að hækka barnabætur og lækka skattbyrði barnafólks, öryrkja og eldra fólks með því að klípa örlítið af allra auðugasta fólkinu í samfélaginu. Kosið að koma böndum á brjálaðan húsnæðismarkað svo allir geti eignast öruggt heimili. Kosið að stytta biðlista og aðrar umbætur í heilbrigðismálum. Kosið alvöru aðgerðir í loftslagsmálum.

Það skiptir máli með hverjum þú stjórnar

En þá verður þú að leggjast á árar með okkur og kjósa Samfylkinguna. Þá skiptir mestu máli fyrir hverja er stjórnað. Og þá skiptir máli með hverjum er stjórnað.

Það er sögulegt tækifæri til að mynda trausta og öfluga ríkisstjórn, án Sjálfstæðisflokksins, sem setur fjölskyldur í forgang og ræðst í alvöru aðgerðir í loftslagsmálum. Höfnum fjórum árum til viðbótar af aðgerðaleysi og kyrrstöðu.

Kjósum betra líf fyrir þig, þína fjölskyldu og komandi kynslóðir.

Kjósum Samfylkinguna – jafnaðarmannaflokk Íslands.

Jafnaðarmenn finna mikinn meðbyr víða um þessar mundir. Eftir norsku þingkosningarnar í síðustu viku munu jafnaðarmenn leiða ríkisstjórnir allra hinna Norðurlandanna. Það stefnir í stórsigur í Þýskalandi næsta sunnudag. Og Ísland getur bæst í hópinn.

Opinn fundur með Viðari Eggerts og Eydísi Ásbjörnsdóttur í Tehúsinu á Egilsstöðum kl. 16, miðvikudaginn 22. september.

Viðar hefur barist ötullega að málefnum eldri borgara síðastliðin ár, meðal annars sem verkefnastjóri fyrir Félag eldri borgara í Reykjavík, Landssamband eldri borgara og Gráa herinn.

Eldra fólk og öryrkjar hafa dregist langt aftur úr í lífskjörum á síðustu árum og hvergi eru skerðingar í almannatryggingum jafn miklar en á Íslandi. Þessu verður að breyta!
Samfylkingin mun stíga markviss skref strax í upphafi kjörtímabilsins.

Verið öll velkomin - heitt á könnunni.

Verið velkomin í kvöldkaffi með Valgarði Lyngdal oddvita Samfylkingarinnar á þriðjudaginn, 21. sept. kl. 20 á kosningaskrifstofu Samfylkingarinnar á Akranesi.

Við viljum hitta þig og ræða stöðuna í samfélaginu, hvernig Samfylkingin hyggst búa þér, þinni fjölskyldu og komandi kynslóðum betra líf.

Í yfirlýsingunni er ómannúðlegu umhverfi lýst; þröngum göngum, gráum steinveggjum, tvíbýlum, lekum gluggum og takmörkuðu aðgengi að útisvæði. Umhverfi sem ekki er boðleg fólki sem þarf á þessari brýnu þjónustu að halda, né heilbrigðisstarfsfólki.

Í fyrra lagði þingflokkur Samfylkingarinnar fram þingsályktunartillögu um uppbyggingu geðsjúkrahúss, sem hlaut m.a. jákvæðar umsagnir Landspítalans, Læknafélagsins og Geðhjálpar, en ríkisstjórnin svæfði svo í nefnd.

Geðheilbrigðisþjónusta er í ólestri. Biðtími eftir viðtali hjá ADHD teymi Landspítalans er talinn í árum en ekki vikum, margir geðlæknar taka ekki við nýjum skjólstæðingum, bið eftir lífsnauðsynlegri aðstoð átröskunarteymis Landspítalans er allt að ár, biðlistar hjá BUGL eru langir og fólki með fjölþættan vanda, t.d. þroskahömlun og/eða einhverfu og geðheilbrigðisvanda er vísað frá almennri þjónustu.

Samfylkingin vill ráðast í þjóðarátak í geðheilbrigðisþjónustu:

Ljúkum uppbyggingu nýs Landspítala á tilsettum tíma og tryggjum viðunandi fjármögnun þannig að spítalinn geti sinnt hlutverki sínu sem háskólasjúkrahús og í þágu landsmanna allra. Geðdeildir Landspítalans eiga þar ekki að vera undanskildar. Hefjum undirbúning uppbyggingar nýrra geðdeilda með nútímalegri nálgun að meðferð sjúklinga með geðrænar áskoranir að leiðarljósi.

Gera þarf heildarúttekt á umfangi og framkvæmd geðheilbrigðisþjónustu á Íslandi til að gera nauðsynlegar breytingar á málaflokknum í þágu notenda þjónustunnar. Hugmyndafræði og innihald þjónustunnar þarfnast endurskoðunar samhliða endurskoðun á húsakostum.

Bæta þarf aðgengi að geðheilbrigðisþjónustu og brýnt er að nýjum lögum um greiðsluþátttöku vegna sálfræðiþjónustu sé fylgt eftir í fjárlögum og sálfræðingum í heilsugæslu fjölgað.

Tryggjum að íbúar á hjúkrunarheimilum og í búsetuþjónustu njóti fullnægjandi geðþjónustu og þverfaglegrar meðferðar.

Greinin birtist í Fjarðarfréttir 21. sept. 

Sérnámslæknar í geðlækningum hafa sent frá sér yfirlýsingu vegna þess að geðsvið verður ekki hluti af nýjum Landspítala, þrátt fyrir að húsnæðisvandi þess sé mikill og sum húsanna orðin aldargömul eins og lýst hefur verið í fréttum.

Léttar veitingar og létt spjall við frambjóðendur Samfylkingarinnar í Suðurkjördæmi.

Föstudagur 17. september kl. 17-19.
Pylsur (líka vegan pylsur!) grillaðar fyrir gesti og gangandi við kosningaskrifstofu Samfylkingarinnar sem er í Ingimundarbúð Hafnargötu 19, við hliðina á Ránni.
Öll velkomin!

Stefnan okkar að byggja upp betri heilbrigðisþjónustu er okkur gríðarlega mikilvæg og er markmið sem hefur verið mér hugfangið frá árinu 2009 þegar ég útskrifaðist sem hjúkrunarfræðingur. 

Þessi stefna snýr ekki síst að okkur Suðurnesjamönnum. Árum saman höfum við búið við minna umfang heilbrigðisþjónustu þegar miðað er við aðra landshluta. Næstum enginn okkar er með fastan heimilislækni en skortur á læknum og þar af leiðandi læknatímum hefur einkennt samfélagið okkar  allt of lengi. Afleiðingin er sú að margir af okkar heimamönnum hafa gefist upp og hafa í þúsundum talið flutt sig á heilsugæslur á höfuðborgarsvæðinu með tilheyrandi kostnaði. 

Á sama tíma og við stöndum frammi fyrir því að einungis ein heilsugæsla sé á svæði fyrir 30.000 manns, er kerfið okkar í heild sinni vanfjármagnað. Oft sjáum við fréttir um að aldrei hafi verið sett meira fjármagn í kerfið sem setur fram þversögn miðað við aðrar fréttir um mikið álag á starfsfólk og lokun rúma vegna manneklu. Árið 2019 fjárfesti Ísland 8,6% af vergri landsframleiðslu í heilbrigðismál sem setur okkur í sautjánda sætið yfir OECD löndin. Fjárveitingar hafa aukist til heilbrigðiskerfisins en samt sem áður eru útgjöld á hvern íbúa á Íslandi lægri en á hinum Norðurlöndunum.

Kostnaður er þó ekki eina vandamálið heldur mannekla þar sem flótti er úr heilbrigðisstéttum, sérstaklega hjá hjúkrunarfræðingum. Það sem við verðum að spyrja okkur að þegar við horfum til framtíðar er:

Hvernig ætlum við að fá hjúkrunarfræðinga aftur til starfa í kerfinu?

Hvernig ætlum við að bæta starfsumhverfi og öryggisviðmið hjúkrunarfræðinga og tryggja ánægju þeirra í starfi? 

Ég get lofað ykkur því að gagnrýni, að gera lítið úr vandamálinu og leggja til fleiri lyftara í kerfið líkt og fjármálaráðherra Sjálfstæðisflokksins hefur gert, fara ekki vel ofan í heilbrigðisstarfsfólk sem hefur staðið vaktina fyrir okkur í heimsfaraldri.

Í stefnu heilbrigðismála Samfylkingar kemur fram að við ætlum okkur að auka fjármagn til opinberrar heilbrigðisþjónustu og stytta biðlista. Biðlisti eftir liðskipta aðgerðum og kvenna aðgerðum er allt of langur. 

Samfylkingin mun setja geðheilbrigðismál í öndvegi þar sem fólk þarfnast slíkrar þjónustu í mun meira magni en verið er að veita. Þjónustan er of dýr og allt of löng bið er eftir henni en geðheilbrigði er eitthvað sem við getum ekki látið sitja á hakanum.

Forvarnir verða lykilatriði þar sem einblínt verður sérstaklega á lýðheilsuvísa Landlæknis. Á Suðurnesjum þarf  aukið aðgengi að forvörnum og hugarfarsbreytingu gangvart forvörnum í formi leg- og brjóstaskoðun kvenna, andleg heilsa ungmenna í 8-10 bekk er lakari á Suðurnesjum en að landsmeðaltali auk þess sem að dánartíðni vegna hjarta- og æðasjúkdómum er hærri. Til þess að efla forvarnir ætlum við að opna nýja heilsugæslu i Innri Njarðvík strax á næsta ári með tryggðri fjármögnun og reyna með öllum ráðum að ráða til okkar fagfólk til starfa.

Við ætlum okkur að efla heimahjúkrun til þess að eldra fólki gefist kostur á að búa lengur heima og einnig munum við styrkja rekstur hjúkrunarheimila.

Við ætlum að efla kjör og starfsaðstæður heilbrigðisstarfsfólks til að við náum að halda í sérfræðingana okkar en í dag hættir 4-5 hver hjúkrunarfræðingur störfum eftir einungis fimm ár í starfi. Við getum aukið inntöku í námið eins og við viljum en við verðum að leita allra leiða til að halda í sérhæfða fólkið okkar. 

Við ætlum okkur stóra hluti og höfum efni á þeim. Við lofum ekki innantómum loforðum heldur raunverulegum aðgerðum.

Kjósum Samfylkinguna fyrir Betra líf og komum Oddnýju að sem næsta heilbrigðisráðherra Íslands.

Stefnan okkar og áherslur fyrir komandi Alþingiskosningar ber heitið Betra líf. Þar er einkum horft til þeirra áherslna um að tími sé kominn til að breyta til. Breyta Alþinginu okkar og hagsmunum fárra. 

Stefna Samfylkingarinnar til betra lífs 

Valgarður Lyngdal oddviti ásamt örðum frambjóðendum Samfylkingarinnar í Norðvesturkjördæmi verða á Patreksfirði á föstudaginn kl. 17:00 að hitta þig.

Samfylkingin boðar til kaffispjalls á Flaki á Patreksfirði föstudaginn 10. september kl. 17.

Kaffispjall á Patreksfirði - Hér er Valli 

Verið velkomin í partýbingó með Siggu Beinteins á kosningaskrifstofunni okkar í Reykjanesbæ, Hafnargötu 19 - hliðin á Ránni.

Við bjóðum upp á búbblur, diskó og partýbingó með Siggu Beinteins - föstudagskvöldin gerast ekki mikið betri!

Föstudagskvöldið á kosningaskrifstofu Samfylkingarinnar í Reykjanesbæ er af betri gerðinni - sjáumst þar!

Lögfróð leikkona með sterka réttlætiskennd

Helga Vala hefur setið á þingi fyrir Samfylkinguna frá 2017, þar sem hún hefur meðal annars barist fyrir réttindum þolenda, öryrkja og flóttafólks, en einnig beint sjónum sínum að geðheilbrigðismálum og öflugu íþróttastarfi. Áður en Helga Vala settist á þing kom hún víða við. Hún er bæði leikara- og lögfræðimenntuð, blanda sem kemur sér vel fyrir manneskju í stjórnmálum. Hún hefur starfað í úrvarpi, gagnrýnt leikhúsverk, rekið veitingahús, verið umboðsmaður hljómsveitarinnar Mammút, kennt við lagadeildina í HR, starfað í Götusmiðjunni og starfað sem blaðamaður. Þá er Helga Vala mikil áhugamanneskja um körfubolta.

Helga Vala er fædd og uppalin í miðborg Reykjavíkur, dóttir leikarahjónanna Helgu Bachmann og Helga Skúlasonar. Hún fékk fyrst systkina sinna úthlutað leikskólaplássi á Tjarnarborg en í þá daga tíðkaðist að eingöngu börn einstæðra mæðra fengju úthlutað leikskólaplássi í Reykjavík en aðrir útivinnandi foreldrar urðu að bjarga sér frá degi til dags. 

Þegar Helga Vala er spurð fyrir hverju hún brennur mest fyrir í stjórnmálum, þá er svarið „Jafnrétti, jafnrétti, jafnrétti!“ Þá eru fjölskyldumál, málefni barna og eldri borgara, réttarvörslukerfið, málefni erlendra borgara henni hugleikin, enda er Helga með sterka réttlætiskennd og bakgrunn í lögmennsku. Þá brennur hún einnig fyrir menntamálum, menningu og listum. „Umhverfismál eru mér líka mikið hjartans mál enda er náttúran okkar stærsta auðlind en ekki óþrjótandi og því þurfum við að gæta að henni.“

Helga Vala brennur fyrir nýrri stjórnarskrá sem grundvallast á tillögum stjórnlagaráðs. „Það held ég að myndi leysa mörg vandamál sem okkur hefur tekist að deila um árum og áratugum saman.“

1. sæti Reykjavík norður

Úr fjölskyldualbúminu:

Hver er leyndi hæfileikinn þinn?

Ef Samfylkingin væri samloka, hvernig samloka væri hún?

Í hverju fellst hamingjan?

Helga Vala er gift Grími Atlasyni, bassaleikara og framkvæmdastjóra Geðhjálpar og eiga þau samtals fjögur börn, Snærós, Emil, Ástu Júlíu og Arnald, fjögur barnabörn, Blævi, Kára, Urði Völu og Tíbrá og ævintýraköttinn og mannvininn Júrí. 

Hún gekk í Melaskóla, Hagaskóla og Menntaskólann við Hamrahlíð og hóf svo nám í Leiklistarskóla Íslands þaðan sem hún útskrifaðist sem leikkona árið 1994. Helga Vala stundaði nám við lagadeild Háskólans í Reykjavík og lauk meistaragráðu árið 2011. Hún opnaði lögmannsstofuna Völvu í félagi við aðra lögmenn sama ár og starfaði sem lögmaður fram að því er hún settist á þing árið 2017.

Helga Vala hefur komið víða við á sínum fullorðinsárum. Hún lék í leikhúsi og kvikmyndum fyrst eftir útskrift bæði hérlendis og í Bretlandi, stýrði samfélagsþáttum í útvarpi, hvort tveggja á Bylgjunni, sem og Ríkisútvarpinu, var dagskrárgerðarmaður í Speglinum, útvarpskona á Talstöðinni og sjónvarpskona á hinni skammlífu sjónvarpsstöð NFS. Þá var hún um tíma leiklistargagnrýndandi á ýmsum miðlum og loks blaðamaður á Mannlífi sumar og haust 2008. Helga Vala rak veitingahúsið Edinborg á Ísafirði, starfaði á meðferðarheimilinu Götusmiðjunni fyrir unglinga og kenndi leiklist í grunn- og framhaldsskólum víða um land og kenndi stjórnskipunarrétt við lagadeild Háskólans í Reykjavík. Loks var hún fram að þingmennsku umboðsmaður hinnar frábæru hljómsveitar Mammút.

Helga Vala var formaður Samfylkingarfélagsins í Bolungarvík og síðar í stjórn og formaður Samfylkingarfélagsins í Reykjavík á árunum 2006 – 2010. Þá var hún í stjórn Félags íslenskra leikara 2014-2016, varaformaður Þjóðleikhúsráðs 2012-2014, í höfundaréttarráði frá 2014 og athafnastjóri hjá Siðmennt, félagi siðrænna húmanista frá árinu 2016.

Frá því Helga Vala settist á þing fyrir Samfylkinguna árið 2017 hafa henni verið falin ýmis trúnaðarstörf. Hún sat í kjörbréfanefnd frá 2017, var formaður Stjórnskipunar- og eftirlitsnefndar árin 2017-2019, sat í umhverfis- og samgöngunefnd 2017-2019 og hefur verið formaður velferðarnefndar frá 2019. Þá sat hún í þingmannanefnd um málefni barna og þingmannanefnd um breytingar á lögræðislögum.

Við viljum hitta þig og ræða málefni Húsavíkur og kjördæmisins, hvað liggur þér á hjarta?

Logi Einarsson, formaður Samfylkingarinnar, ásamt þeim Hildi Jönu og Kjartani Páli frambjóðendum og verða þau í félagsheimilinu Hlyn á Húsavík kl. 20:00 á morgun. 

Komdu í kvöldkaffið til okkar og ræðum málin saman. 

Húsavík - félagsheimilið Hlynur kl. 20:00 

Leit um „��"

3316 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������"

3316 niðurstöður fundust við leit að „���������������������������"