Félagsfundur Verkalýðsmálaráðs Samfylkingarinnar verður haldinn fimmtudaginn 30. janúar kl. 17:00 í sal Samfylkingarinnar Hallveigastíg 1, 101 Reykjavík. Fundurinn verður einnig aðgengilegur á Zoom, fjarfundarhlekkur hér: https://us06web.zoom.us/j/81904387690

Gestur fundarins verður Kristrún Frostadóttir, forsætisráðherra og formaður Samfylkingarinnar. 

Dagskrá:
1. Fundur settur
2. Kristrún Frostadóttir
3. Umræður
4. Önnur mál

Rétt eins og á Íslandi fylgir það valdaskiptum vestan hafs að ganga til kirkju og hlýða á predikun. Það kom í hlut Mariann Edgar Budde biskups í Biskupakirkjunni í Washington-borg að messa yfir nýjum forseta. Ég þekki ekki muninn á hinum ýmsu kirkjudeildum Bandaríkjanna en tel mig þó vita að biskupakirkjan sé í mörgu framsækin. Það kom einnig á daginn. 

Mariann Edgar Budde talaði beint til forsetans með hætti sem margir eiga ekki að venjast. Hún bað Trump að sýna minnihlutahópum eins og ólöglegum innflytjendum og transfólki miskunn. Hún orðaði óttann sem börn innflytjenda, fædd í Bandaríkjunum, búa nú við í ljósi nýrra forsetatilskipana um þvingaða brottför milljóna manna. Biskupinn skar beint inn að kjarna málsins og viðbrögðin létu ekki á sér standa. Trump skipti litum á fremsta kirkjubekk og vatt sér beint í að úthúða biskupnum á samfélagsmiðlum þegar hann komst í símann. Edgar Budde sýndi hugrekki með orðum sínum og varpaði um leið ljósi á hinn róttæka boðskap kristninnar; að öll séum við jöfn fyrir guði. Biskup Íslands, Guðrún Karls Helgudóttir, fjallaði um predikunina í færslu og sagði meðal annars: „Hlutverk kristinnar kirkju er að standa með þeim sem verða undir í samfélaginu, vera rödd þeirra sem ekki eiga rödd.“ Hún skrifaði einnig: „… það er alveg sama hversu margar tilskipanir hann undirritar til að skerða mannréttindi; fólkið mun alltaf rísa upp og berjast gegn óréttlæti. Fólkið sem hann vill ekki vita af hættir ekki að vera til ... sem betur fer.“

Boðskapur kristinnar trúar um að allt fólk eigi sama tilverurétt hér á jörðu er sígildur, nauðsynlegur og kjarni róttækninnar sem felst í því að virða og elska allt líf. Þessi boðskapur hefur svo oft í gegnum söguna verið þyrnir í augum valdahafa, hvaða nafni sem þeir nefnast. Kvenguðfræðingar hafa á liðnum áratugum lagt sín lóð á vogarskálar þess að túlka ritninguna frá sjónarhóli kvenna og kröfunnar um jafnrétti. Á engan er hallað þótt nafn stofnanda Kvennakirkjunnar, séra Auðar Eir Vilhjálmsdóttur, sé sérstaklega nefnt í þessu samhengi. 

Þjóðkirkjan á Íslandi á nýjan biskup, áðurnefnda Guðrúnu Karls Helgudóttur. Hún hefur einnig sýnt hugrekki í orði og gjörðum frá því að hún var vígð til embættis. Við þingsetninguna í september síðastliðnum hóf hún predikun sína á þessum orðum: „Þingmenn mega ekki vera meðvirkir!“ Þessi brýning hefur búið sér stað innra með mér. Hún var og er nauðsynleg, rétt eins og orð biskupsins í Wahsington voru nauðsynleg fyrr í vikunni. Róttækni kristninnar á nefnilega erindi við samtímann og allt fólk, hvort sem það játar kristna trú eða ekki.

Greinin birtist í Morgunblaðinu 28. janúar 2025. 

Donald Trump sór embættiseið sem 47. forseti Bandaríkja Norður-Ameríku í upphafi vikunnar. 

Aukalandsþing Ungs jafnaðarfólks verður haldið laugardaginn 1. mars nk. á Hallveigarstíg 1.

Á landsþinginu verða meðal annars teknar fyrir breytingar á stefnu hreyfingarinnar.

Skráning er hafin hér https://forms.gle/FPJZo3GSL5AxtV8F7

Dagskrá verður auglýst á næstu dögum

Laugardagskaffi Samfylkingarinnar í Árborg og nágrenni verður haldið laugardaginn 8. febrúar kl. 10:30 - 12:00 í sal Rauða krossins að Eyravegi 23 á Selfossi.

Athugið breyttan fundarstað - við höfum samið um hann til vors.


Næstu fundir eru skipulagðir 22. febrúar, 8. mars og 22. mars.

Stefnt er á aðalfund 22. febrúar og undirbúning landsfundar Samfylkingarinnar sem haldinn verður í Reykjavík 11. - 12. apríl. 

Eftir það förum við á fullt við að undirbúa sveitarstjórnarkosningar sem verða vorið 2026, þar sem við fylgjum eftir sókn og forystu Samfylkingarinnar.

Einnig verða fundir á fleiri stöðum á mið-Suðurlandi í samráði við heimafólk á hverjum stað. Fundir með nýjum þingmönnum okkar og fleiri viðburðir verða til vors, svo það er um að gera að fylgjast vel með fundarboðum.

Öll velkomin.

Skaðaminnkandi, valdeflandi og batamiðuð nálgun sem og hugmyndafræðin um húsnæði fyrst verður áfram leiðarljós í allri þjónustu við hópinn. Auka á áherslu á þjónustu við konur og einstaklinga af erlendum uppruna og þá verður áfram unnið að því að þrepaskipta þjónustunni, þannig að eitt úrræði taki við af öðru eftir þörfum einstaklinga. Markmiðið með því er meðal annars að draga úr þörf á neyðarrýmum samhliða því að fjölgun verði á tímabundnu húsnæði og varanlegum húsnæðisúrræðum.

Mikil fjölgun úrræða frá því að stefnan var samþykkt 2019

Reykjavíkurborg samþykkti stefnu í málaflokki heimilislausra með miklar og flóknar þjónustuþarfir árið 2019. Enn sem komið er er sú stefna sú eina sem til er á landinu en hvorki ríkið né önnur sveitarfélög hafa sett sér stefnu í málaflokknum. Mikil framþróun hefur átt sér stað innan borgarinnar síðan. Til að mynda voru 101 rými í úrræðum velferðarsviðs fyrir hópinn árið sem stefnan var samþykkt, en þau eru 187 í dag. Hvort tveggja hefur verið bætt við tímabundnu neyðarhúsnæði og varanlegum húsnæðisúrræðum, sem hefur fækkað þeim sum þurfa að nýta gistiskýli.

Margt fleira hefur áunnist. Sem dæmi má nefna að árið 2022 var nýtt áfangaheimili fyrir 14 konur tekið í notkun og þá var tímabundið neyðarhúsnæði fyrir karlmenn tekið í notkun í lok árs 2023. Jafnframt hefur markviss leit staðið yfir að nýju húsnæði fyrir Konukot. Í ársbyrjun 2023 var tekin ákvörðun um að hækka gistináttagjald annarra sveitarfélaga fyrir gistingu í neyðarskýlum og um svipað leyti gerðu Heimahjúkrun Reykjavíkurborgar og Sjúkratryggingar Íslands með sér samning um heilbrigðisþjónustu á vettvangi fyrir heimilislaust fólk. Í árslok 2023 hafði verið úthlutað í öll smáhúsin 20 sem komið hefur verið fyrir á víð og dreif um borgina, og í fyrravetur var gengið var til samstarfs við Samhjálp um vetraropnun á Kaffistofu Samhjálpar, þangað sem gestir neyðarskýla geta leitað á meðan þau eru lokuð. Þess má geta að hjálparsamtök bjóða einnig fleiri möguleika. Hjálparstarf kirkjunnar rekur Skjólið sem er dagdvöl fyrir konur og Hjálpræðisherinn er öllum opinn.

106 nýjar húsnæðiseiningar fyrir árslok 2027

Frá því árið 2021 hefur stýrihópur um endurskoðun aðgerðaáætlunarinnar unnið að tillögum eða breyttum aðgerðum, forgangsröðun þeirra og kostnaðarmati. Aðgerðirnar í endurskoðaðri aðgerðaáætlun fela eftirfarandi í sér:

·         Stefnt er að uppbyggingu 106 nýrra húsnæðiseininga fyrir árslok 2027.

·         Búið verður til nýtt verklag um mat á því hvort einstaklingur falli undir markhópinn heimilislausra með miklar og flóknar þjónustuþarfir.

·         Nýtt neyðarskýli fyrir heimilislausar konur verður tekið í notkun sem tekur við af Konukoti.

·         Gerð verður þarfagreining á nýju neyðarskýli fyrir karlmenn í stað þeirra sem eru nú opin.

·         Dregið úr þörf fyrir neyðarskýli samfara húsnæðis- og þjónustuuppbyggingu.

·         Gerð verði þarfagreining fyrir sólarhringsþjónustu / íbúðakjarna fyrir heimilislausa karlmenn með miklar og flóknar þjónustuþarfir.

·         Stöðugildum í Vettvangs- og ráðgjafarteymi Reykjavíkurborgar verði fjölgað, meðal annars svo hægt verði að koma á næturþjónustu, en teymið sinnir bæði vettvangsþjónustu og húsnæðisstuðningi.

·         Lögð verði fram tímasett og kostnaðarmetin áætlun um með hvaða hætti megi koma í veg fyrir heimilisleysi ungmenna.

·         Mótaðar verði tillögur um hvernig hægt sé að tryggja heimilislausum, með langvarandi stuðningsþarfir vegna fötlunar og vímuefnavanda, viðeigandi búsetuúrræði.

·         Komið verði á auknu samtali, samráði og stuðningi við íbúa borgarinnar sem búa í nágrenni við úrræði sem veita heimilislausum þjónustu.

·         Stuðlað verði að opnun virkniúrræðis fyrir einstaklinga með miklar og flóknar þjónustuþarfir, þar sem Reykjavíkurborg yrði einn samstarfsaðila.

·         Komið verði á auknu samtali við ríkið vegna þjónustu við einstaklinga með miklar og flóknar þjónustuþarfir, sem jafnan hafa þörf fyrir hvort tveggja velferðar- og heilbrigðisþjónustu.

Barist verður fyrir þátttöku annarra opinberra aðila

Heiða Björg Hilmisdóttir,  formaður velferðarráðs, hefur lagt mikla áherslu á málaflokk heimilislausra í sínum störfum. Tillaga um að hún taki við formennsku í borgarráði liggur fyrir  fundi borgarstjórnar í dag. Samþykkt nýrrar aðgerðaáætlunar var því eitt af hennar síðustu verkum sem formaður velferðarráðs. Hún segist afar ánægð með þann árangur sem náðst hafi í hennar formannstíð. Reykjavíkurborg hafi haft algera forystu í stefnumótun í málaflokknum og hafi að mestu leyti staðið fyrir uppbyggingu á þjónustu við þennan viðkvæma hóp. Tími sé til kominn að ríkið og önnur sveitarfélög komi að henni að mun meira leyti. „Reykjavíkurborg hefur borið hitann og þungann af þeirri þjónustu sem veitt er heimilislausum einstaklingum með miklar og flóknar þjónustuþarfir,“ segir Heiða. „Það er mikilvægt að ríkið móti stefnu í málaflokknum og auki fjármagn til hans. Einnig að önnur sveitarfélög setji sér áætlanir um viðbrögð því að heimilislaust fólk með lögheimili utan Reykjavíkur sæki þjónustu til höfuðborgarinnar. Einstaklingar sem búa við heimilisleysi eru mun líklegri en aðrir til að glíma við geðrænar áskoranir, líkamleg veikindi, vímuefnavanda og þunga áfallasögu og þess vegna er þörf er á aukinni samvinnu milli kerfa til að hægt sé að veita þessum hópi viðeigandi þjónustu. Við þurfum öll að eiga heimili, svo við þurfum öll að leggjast á eitt og útrýma heimilisleysi. Það er flókið verkefni sem getur ekki eingöngu verið á höndum Reykjavíkurborgar,“ segir Heiða.

Nánari upplýsingar veitir Heiða Björg Hilmisdóttir, formaður velferðarráðs Reykjavíkurborgar, í síma 661 2205.

Borgarstjórn samþykkti einróma í gær, 21. janúar, endurskoðaða aðgerðaáætlun með stefnu í málaflokki heimilislausra með miklar og flóknar þjónustuþarfir, sem gildir til ársins 2027. Hér fyrir neðan má lesa tilkynningu frá Reykjavíkurborg um aðgerðaáætlunina. 

Ný aðgerðaáætlun í málefnum heimilislausra samþykkt í borgarstjórn

Fundurinn verður haldinn í húsakynnum Samfylkingarinnar í Hafnarfirði að Strandgötu 43, laugardaginn 1. febrúar kl. 11:00. Boðið verður upp á vöfflur með kaffinu. 

Nýr heilbrigðisráðherra ræðir við okkur um áherslur ríkisstjórnarinnar í heilbrigðismálum og næstu skref í þessum stóra og mikilvæga málaflokki.

Hittumst, ræðum málin og gæðum okkur á dýrindis vöfflum í góðum félagsskap!

Öll velkomin! 

Verið velkomin á opinn fund með Ölmu Möller heilbrigðisráðherra um forgangsmál ríkisstjórnarinnar í heilbrigðismálum.

Bæjarmálin og landsmálin í laugardagskaffi febrúarmánaðar þann 1. febrúar í Þverholti 3. Ný tímasetning kl. 10 - 12.

Anna Sigríður Guðnadóttir bæjarfulltrúi ræðir helstu viðfangsefni á vettvangi bæjarráðs og bæjarstjórnar kl. 10-11.

Þingmaður kjördæmisins Guðmundur Ari Sigurjónsson, formaður þingflokks Samfylkingarinnar, fer yfir málin við upphaf nýs kjörtímabils  kl. 11-12.

Öll velkomin í gott spjall, kaffi og með því.

Áætlunin byggir á stefnu borgarinnar í málaflokknum. Síðustu ár hefur orðið gjörbylting í þjónustu við heimilislaust fólk sem nú er veitt á grundvelli skaðaminnkandi hugmyndafræði og batamiðaðri valdeflandi þjónustu. Húsnæði fyrst hefur reynst vel og við höfum fjölgað þeim rýmum sem og smáhýsum, nýju neyðarhúsnæði og áfangaheimili fyrir konur, svo fátt eitt sé nefnt. Neyslurými var opnað í samstarfi við Heilbrigðisráðuneytið og heimilislaust fólk hefur nú aðgang að heimahjúkrun sem var gríðarlega stórt skref.

Enn er þó mikið verk að vinna, eins og ný aðgerðaáætlun ber með sér. Við höfum fjölgað búsetukostum fyrir heimilislaust folk um 80 frá 2019 og ætlum að fjölga um 106 nýjar húsnæðiseiningar fyrir árið 2027, sem munu auka heildarfjölda rýma í 293. Gistiskýlin verða endurskipulögð og stöðugildum í Vettvangs- og ráðgjafarteymi Reykjavíkurborgar, sem veitir þjónustu á vettvangi verður fjölgað og þjónustan veitt allan sólarhringinn.

Heimilislausar konur og jaðarsettir hópar

Aukin áhersla er á þjónustu við konur og einstaklinga af erlendum uppruna og áfram verður haldið að efla þjónustu sem og því verkefni að þrepaskipta þjónustunni, þannig að eitt úrræði taki við af öðru eftir þörfum hvers og eins. Við ætlum að opna nýtt Konukot en leit að hentugu húsnæði hefur staðið yfir árum saman þrátt fyrir að öllum sé ljóst að þörfin er brýn. Á grundvelli fyrri aðgerðaráætlunar skilaði starfshópur tillögum um hvernig hægt væri að koma í veg fyrir heimilisleysi ungmenna m.a. með gagnreyndum aðferðum og vinna er hafin við að tímasetja- og kostnaðarmeta þær tillögur.

Heimilislausir einstaklingar með miklar og flóknar þjónustuþarfir eru mun líklegri en aðrir einstaklingar til að glíma við geðrænar áskoranir, líkamleg veikindi, vímuefnavanda og þunga áfallasögu. Þá eru þessir einstaklingar líklegri til að eiga mál innan réttarvörslukerfisins og ljóst er að til að árangur náist kallar það á samþættingu mismunandi þjónustukerfa, þ.e. heilbrigðis,- réttar,- og félagslega kerfisins. Hingað til hefur Reykjavíkurborg borið hitann og þungann af þjónustunni en nú er kominn tími til að ríkið móti stefnu í málaflokknum og að önnur sveitarfélög setji sér stefnu og viðbragðsáætlanir. Um þriðjungur þeirra sem fá þjónustu í Reykjavík eru ekki íbúar sveitarfélagsins og eru því í áhættu á að festast í þeirri aðstöðu að leita til gistiskýla í borgarinnar í stað þess að fá úrræði sem mæta þeirra þörfum í sinni heimabyggð. Í Reykjavík hefur byggst upp mikil þekking á málaflokknum og við köllum eftir auknu samstarfi þvert á sveitarfélög og þvert á kerfi, til að geta veitt viðeigandi þjónustu til hvers og eins einstaklings.

Greinin birtist á visi.is 22. janúar 2025

Borgarstjórn Reykjavíkur hefur samþykkt endurskoðaða aðgerðaáætlun í málefnum heimilislausra, sem gildir til ársins 2027.

Margbreytileg litasamsetning miðsvetrarbirtunnar dregur mörg út undir bert loft til að njóta súrefnis, hreyfingar og næra sálina í skammdeginu. Útilífsborgin Reykjavík er sannarlega fjölbreytt en markmið og hlutverk hennar er meðal annars að stuðla að aukinni þátttöku borgarbúa í almennri útiveru, hreyfingu og stuðla þannig að bættri lýðheilsu. Leitast er við að koma til móts við mismunandi áhugasvið fólks tengt útilífi til dæmis með því að bæta þjónustu og skapa aðstöðu til þess í borginni samhliða að styðja við aðila og félög sem vinna með útivist í sínu starfi þannig að hægt sé skapa vettvang til að auka gæði og framboð útivistar fyrir sem flesta hópa. Svara kalli íbúa.

Austur­heiðar – hin nýja Heið­mörk Reyk­víkinga

Eitt af kosningaloforðum Samfylkingarinnar fyrir kosningarnar 2022 var einmitt að efla Austurheiðar með markvissari hætti sem bæði fjölbreytt og aðgengilegt útivistarsvæði fyrir borgarbúa. Skapa umgjörð fyrir fólk á öllum aldri með ólík áhugamál til að njóta og nota útivistar og náttúrulegs umhverfis við borgarmörkin. En hvað eru Austurheiðar? Fyrir þau sem ekki þekkja til eru Austurheiðar víðáttumikið heiðaland sem nær yfir Hólmsheiði, Grafarheiði og Reynisvatnsheiði. Innan svæðisins eru Rauðavatn og Reynisvatn ásamt þeim hluta Langavatns sem er innan sveitarfélagsmarka Reykjavíkur. Heiðin er mikið til skógi vaxin og lúpínubreiður þekja stóran hluta svæðisins en svæðið nýtist hópum eins og hestafólki, fjallahjólreiðamönnum, fyrir göngu og utanvegahlaup og jafnvel vetraríþróttir eins og gönguskíði. Þannig eru Austurheiðar hin nýja Heiðmörk Reykvíkinga - útivistarsvæði til að njóta náttúru, heilbrigðs lífsstíls og útiveru allt árið um kring. 

Loksins gönguskíðaspor í Austurheiðum

Lýðheilsustefna Reykjavíkurborgar og stefna í Íþróttamálum til 2030 eru mikilvægir leiðarvísar fyrir að skapa heilsueflandi og öruggt samfélag þar sem fólk á öllum æviskeiðum hefur jöfn tækifæri til að hlúa að andlegri, líkamlegri og félagslegri heilsu. Sporið og Útilífsborgin gerðu með sér samning síðasta haust, um að efla tækifæri borgarbúa til að stunda skíðagöngu í borgarlandinu og um leið hana gera aðgengilegri fyrir öll, líka þau sem aldrei hafa stigið á gönguskíði. Samið var um að Sporið muni í vetur annast lagningu og viðhald skíðagönguspora, leggja janvel tvöfalt gönguskíðaspor þar sem því verður við komið. Í veðurfari síðustu vikna hafa skapast aðstæður til að leggja gönguskíðaspor á Rauðavatni, Hólmsheiði og Langavatni en tekist hefur að tengja svæðin saman í spori sem gerir lengsta hring allt að 15 km langan. Þúsundir borgarbúa hafa nýtt sér gönguskíðasporin til hreyfingar og útiveru síðustu misserin, mörg prófað að stíga á gönguskíði í fyrsta sinn því Sporið hefur verið að bjóða upp á leigu á gönguskíðabúnaði og námskeið fyrir þau sem þurfa við Rauðavatn. 

Lífsgæðaborgin fyrir öll - allt árið um kring.

Það eru mikil lífsgæði fólgin í því að geta stundað fjölbreytta útivist eftir árstíðum og hefur meirihlutinn í borginni, fyrir tilstuðlan Samfylkingarinnar, lagt mikið upp úr því að skapa umgjörð þannig að íbúar geti sinnt og nært líkamlega, andlega og félagslega heilsu allt árið um kring. Mikil tækifæri felast í áframhaldandi þróunar til útivistar á Rauðavatni og Hólmsheiði en svæðið tengist inn á Græna trefillinn sem er heiti yfir skógræktar- og útivistarsvæði við útmörk sveitarfélaganna sjö á höfuðborgarsvæðinu en sjálfbær ferðaþjónusta er framtíðin og er efni í aðra grein. 

Fyrir þau sem hafa ekki komið að Rauðavatni, gengið hringinn í kringum vatnið á upplýstum stíg, jafnvel tekið aukahring inn á stígakerfi Hólmsheiðar eða stoppað við áningu með kakóbolla með fjallasýn Bláfjalla fyrir augum vil ég segja: Velkomin í Austurborgina - Velkomin að upplifa dásemdir Austurheiða. Velkomin í Útilífsborgina Reykjavík. Komdu út að Vetrar-leika í svartasta skammdeginu, taka inn bleikrauða liti miðsvetrarbirtunnar, til að ganga, til að hlaupa, til að hjóla, til að skíða, til að viðra hundinn, til að taka skautasnúning á skautasvelli eða eiga trúnó með vinum. Sjáumst á Austurheiðum.

Höfundur er varaborgarfulltrúi Samfylkingarinnar, íbúi í austurborginni og elskar miðsvetrarbirtuna.

Í froststillu síðustu vikna hefur Reykjavíkurborg og umhverfi hennar skartað sínu allra fegursta. 

Komdu út að „Vetrar-leika“ í Austurheiðum Reykjavíkur

Samfylkingin í Garðabæ boðar til félagsfundar mánudaginn 17. mars kl. 19:30 í Sveinatungu, Garðatorgi 7.

1. Kosning fulltrúar félagsins á landsfund Samfylkingarinnar 11.-12. apríl nk. 

2. Fjármál Garðabæjar, 1. fundurinn í fundaröð um málefni bæjarins. Frummælandi: Gunnar Alexander Ólafsson, hagfræðingur.

Leit um „��“

2742 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������“

2742 niðurstöður fundust við leit að „���������������������������“