„Kæru félagar – ég er djúpt snortinn – og þakka ykkur innilega fyrir það traust sem þið sýnduð mér í dag.

Ég lofa ykkur því að rísa undir þeirri ábyrgð sem mér er falin – að leiða flokkinn inn í mikilvægar kosningar eftir tæpt ár.

Lífskúnstnerinn, Vopnfirðingurinn og Alþingismaðurinn Jónas Árnason sagð einhverju sinni í texta að lífið væri lotterí – og það gilti að taka þátt í því.  Á dauða mínum átti ég frekar von fyrir nokkrum árum en að standa hér í dag – En hér er ég og er ótrúlega glaður yfir því að lífið hafið borið mig hingað – kynnt mig fyrir ykkur og í starf fyrir stjórnmálahreyfingu sem ég brenn fyrir.

En líkt og Siglufjarðar-Geiri í kvæðinu hef bæði ég og flokkurinn sopið ýmsa fjöruna – og eigum eflaust eftir að upplifa ýmislegt enn– en besta ráðið við því er að sýna æðruleysi og kjark.

Við erum komin á lappir eftir tímabundna byltu og ætlum okkur enn meira.

Í mínum huga er stjórnmálastarf hópvinna – þar sem breið ásýnd, vinátta og samheldni flokksfólks helst í hendur við skýra og góða stefnu. 

Flokkurinn okkar hefur líka á að skipa óvenjumörgum hæfileikaríkum einstaklingum eins og endurspeglast í öllum þeim kosningunum sem framundan eru.

Við skulum öll hafa þetta í huga sama hver niðustaðan er – og sækja saman til sigurs næsta árið.

Rafrænn landsfundur Samfylkingarinnar var settur í dag.Logi Már Einarsson var einn í framboði til formanns og hlaut96,45 % atkvæðakjörinuKjörið endurspeglar ánægju og traust flokksfélaga til hans og hans starfa í þágu flokksins.

Logi endurkjörinn formaður Samfylkingarinnar

Í Bandaríkjunum er það kallað að „ameríski draumurinn“ hafi ræst,  þegar fátækt fólk brýtur af sér hlekki fátæktar og tryggir sér og sínum góða afkomu, menntun og bætta stöðu í samfélaginu. Rannsóknir sýna hins vegar að sá draumur er mun líklegri til að rætast á Norðurlöndum en í Bandaríkjunum.

Eftir fund Baracks Obama, forseta Bandaríkjanna, með forsætisráðherrum Norðurlandanna vorið 2016 sagði hann þetta:

„Heimurinn væri öruggari og farsælli ef fleiri bandamenn væru eins og Norðurlöndin.“

Norræna módelið sem Obama vildi líta til féll ekki af himnum ofan. Það byggir á jöfnuði, samhjálp og félagslegu öryggi og hefur skotið norrænu ríkjunum á topp allra lista yfir ríki þar sem best er að búa. Grunn norræna módelsins og stoðirnar sem undir því standa byggðu jafnaðarmenn í samstarfi við sterka verkalýðshreyfingu og stéttarfélög og hafa staðist ágang frjálshyggjunnar.

Stoðirnar þrjár, góð hagstjórn, velferð fyrir alla og skipulagður vinnumarkaður, standa saman eins og fætur undir þrífættum stól: ef ein stoðin brotnar fellur allt.

Á Íslandi, einu ríkasta ríki heims, þrífst fátækt. Þúsundir barna búa hér við sárafátækt eins og greiningar hafa því miður ítrekað sýnt. Öryrkjar og aldraðir með litlar tekjur eru fastir í fátæktargildru. Þau eiga allt sitt undir stjórnvöldum, að greiðslurnar sem þau fá frá hinu opinbera dugi fyrir mannsæmandi lífi. Svo er ekki nú um stundir.

Og nú í heimsfaraldri bætast við öll þau sem misst hafa vinnuna.  

Grunnatvinnuleysisbætur eru langt undir lágmarkslaunum og þeir fjölmörgu sem nú þurfa að framfleyta sér og sínum á slíkri hungurlús ná ekki lágmarkstekjutryggingu nema að þau séu með þrjú börn eða fleiri á framfæri. Við þeim blasir fátækt og í kjölfarið minnka möguleikarnir sem fólk hefur í lífinu – fátæktin er í sjálfu sér frelsisskerðing.

Þetta þarf ekki að vera svona en er það vegna rangra pólitískra ákvarðana. Vegna þess að stjórnarþingmenn hafa ítrekað fellt tillögur okkar jafnaðarmanna um hærri lífeyrisgreiðslur, hærri greiðslur til barnafjölskyldna og hærri atvinnuleysisbætur.

Hættan á að verða atvinnulaus eða lenda í veikindum og örorku vegna starfsins er mest meðal verkafólks og lágtekjuhópa. Til þess að allir njóti frelsis er ekki nóg að opna einum og einum einstaklingi leið til að brjótast út úr fátækt. Það þarf að sjá til þess að enginn þurfi að búa við fátækt. Til þess að útrýma henni þarf einbeittan pólitískan vilja og aðgerðir sem beinast gegn því sem skapar fátæktina.

Við eigum að horfa til norræna módelsins og vinna af heilum hug að því að jafna leikinn.

Við í Samfylkingunni stöndum fyrir mannúð, jafnrétti og samhjálp af því að við getum ekki annað, af því að það er það sem jafnaðarmenn gera.

Grein eftir Oddnýju G. Harðardóttur þinflokksformann Samfylkingarinnar sem birtist fyrst í Morgunblaðinu 17. september. 

Forseti bæjarstjórnar á Seyðisfirði og skipar 1. sæti Austurlistans í nýju sameinuðu sveitarfélagi Borgarfjarðar, Djúpavogshrepps, Fljótsdalshéraðs og Seyðisfjarðarkaupstaðar

Hildur Þórisdóttir

Nýverið las ég pistil eftir unga austfirska konu sem dró saman um það bil allt það sem ég hef verið að hugsa um síðustu 6 ár síðan ég hóf fyrst afskipti af sveitarstjórnarmálum.

Við búum í heimi þar sem hröð þróun á sviði tækni og þekkingar hefur átt sér stað. Menntastig er sífellt að hækka á vinnumarkaði og kröfurnar um sérhæfð og áhugaverð störf í takt við það. Ungt fólk getur valið sér búsetu nánast hvar sem er því nú er allur heimurinn undir.

Ráðherra ferðamála, iðnaðar og nýsköpunar tilkynnti í byrjun árs að Nýsköpunarmiðstöð Íslands yrði lögð niður um næstu áramót. Enn hefur ekki verið tilkynnt um hvað á að taka við af Nýsköpunarmiðstöð þar sem starfa um 80 manns og flestir á höfuðborgarsvæðinu. Sú stofnun er gott dæmi um hversu mjög hefur hallað á landsbyggðina þar sem er hvað mesta þörfin fyrir stuðning og þekkingu á sviði nýsköpunar og fyrirtækjareksturs. Afraksturinn höfum við meðal annars séð í hlutfalli styrkja sem fara til landsbyggðarinnar.

Á Austurlandi hefur starfsemi þessarar mikilvægu stofnunar eingöngu verið í mýflugumynd sem vekur undrun þegar rýnt er í fjölbreytileika atvinnuvega hér, tekjuþróun, launamun kynjanna og íbúaþróun sem hefur ekki verið með þeim hætti sem við hefðum óskað og væri æskilegt.

„Í nýju sveitarfélagi verðum við að vera framsýn þegar kemur að nýsköpun og stuðningi við frumkvöðla.”

Við getum gert svo miklu betur á svo mörgum sviðum ef við bara þorum því. Þorum að vera framsækin og hugmyndarík. Þorum að krefja ríkisvaldið um sterkari innviði sem hafa visnað undanfarna áratugi og afhjúpaðist eftirminnilega í óveðri í lok árs 2019. Það er ekki nægilega mikið talað um hversu lítið er eftir af landsbyggðinni í landi þar sem eina byggðastefnan virðist vera “höfuðborgarstefna”. Í Reykjavík hafa verið byggðir upp sterkir innviðir og kröftug fyrirtæki en eftir stendur búseta um það bil 16% landsmanna á landsbyggðinni og innviðir sem eru á köflum óboðlegir.

Nú reynir á ríkisvaldið að sýna vilja í verki og koma á starfsemi nýsköpunar og atvinnumála í samvinnu við sameinað sveitarfélag því fjölbreytt atvinnulíf er undirstaða samfélaga þar sem þykir eftirsóknarvert að búa.

Ungt fjölskyldufólk horfir á vænlega búsetukosti út frá gæðum skólanna, húsnæðismálum, atvinnutækifærum, samgöngum, heilbrigðisþjónustu, menningu og félagslífi.

„Tækifærin til að sækja fram eru ótalmörg og við ætlum að gera sameinað sveitarfélag að framúrskarandi búsetukosti.“

Við erum bjartsýn á tækifærin sem blasa við og munum ótrauð sækja fram en gerum jafnframt kröfu á ríkisvaldið að koma með okkur í þá vegferð!

Því við græðum öll á sterkri höfuðborg og öflugri landsbyggð.

Grein eftir Hildi Þórisdóttur, forseta bæjarstjórnar á Seyðisfirði, birtist fyrst á Vísi 28. ágúst.

Ragna Sigurðardóttir og Óskar Steinn Jónínuson Ómarsson kepptu um forsetastólinn en Ragna Sigurðardóttir bar sigur úr býtum og var kjörinn nýr forseti Ungra jafnaðarmanna;"Heimsfaraldurinn hefur minnt okkur rækilega á að við erum ekki bara eitthvað samansafn af einstaklingum, heldur erum við samfélag. Við erum háð hvert öðru. Þess vegna á hreyfingin - Ungt jafnaðarfólk - brýnt erindi við íslenskt samfélag. Ég hlakka því til að leggja mitt af mörkum til að breikka og stækka hreyfinguna. Við gerum þetta saman og ég er þakklát að fá að leiða þessa vinnu næstu tvö árin," sagði Ragna þegar hún ávarpaði fundinn.

Félagshyggjuverðlaun Ungra jafnaðarmanna voru að þessu sinni veitt Loftslagsverkefninu - Fridays for Future Ísland vegna baráttu þeirra í þágu plánetunnar. Brynjar Bragi Einarsson og Emelía Þorgilsdóttir tóku við verðlaununum og ávörpuðu fundargesti.

Þá ávarpaði Logi Einarsson, formaður Samfylkingarinnar, fulltrúa þingsins; „Kosningarnar 2021 ráðast ekki síst á afstöðu ungs fólks. Sterk hreyfing Ungra jafnaðarmanna er afgerandi, ætli Samfylkingin sér nógu góðan árangur til að takist að mynda öfluga vinstri félagshyggjustjórn fyrir fólkið í landinu.”

Í málefnastarfi þingsins var einmitt lögð áhersla á næstkomandi Alþingiskosningar. Landsþingsfulltrúar voru sammála um að loftslagsmál og jöfnuður ættu að vera í brennidepli.

Landsþingsfulltrúar völdu sér einnig öfluga nýja fulltrúa í framkvæmdarstjórn og miðstjórn. 

Ragnheiður Hulda Örnudóttir Dagsdóttir

Ragnheiður Hulda Önnudóttir Dagsdóttir

Ungir jafnaðarmenn héldu árlegt landsþing sitt í sal Ferðafélags Íslands í Mörkinni um helgina. 100 manns sóttu fundinn í raunheimum en á annað hundrað til viðbótar sóttu fundinn rafrænt vegna sóttvarnartakmarkana. 

Ungir jafnaðarmenn kusu sér nýjan forseta á fjölsóttu landsþingi

Fyrsti félagsfundur haustsins verður haldinn í Ráðhúsinu í Borgarnesi miðvikudaginn 9. september kl. 20:00. 

Við fjöllum um bæjarmálin framundan, félagsstarfið í vetur og undirbúum aðalfund sem fyrirhugaður er um miðjan október.  

Kveðja, Ívar Örn formaður Samfylkingarfélagsins í Borgarbyggð

Und­an­far­in ár hef ég ít­rekað gert til­raun til að vekja at­hygli stjórn­valda á því ástandi sem ríkt hef­ur um ára­bil á fjöl­skyldu­sviði sýslu­manns­ins á höfuðborg­ar­svæðinu. Ástandi sem bitn­ar harka­lega á börn­um en því miður þá fylgja efnd­ir ekki fögr­um orðum stjórn­valda um úr­bæt­ur.

Mér varð hugsað til þessa þegar ég sá aug­lýs­inga­mynd­band dóms­málaráðherra sem dreift er á sam­fé­lags­miðlum þessa dag­ana. Þar er sér­stak­lega vikið að fjár­magni til sýslu­manns­ins á höfuðborg­ar­svæðinu til að stytta málsmeðferðar­tíma á fjöl­skyldu­sviði og ákvað ég því að skoða fram­far­irn­ar vegna aðgerða ráðherra. Hvort eitt­hvað væri að þokast í átt að mannúðlegri málsmeðferð í mál­efn­um barna hjá embætt­inu.

Nú má ekki mis­skilja mig á þann hátt að ég telji starfs­fólk fjöl­skyldu­sviðs ekki vera að sinna sín­um störf­um, held­ur hef ég ein­fald­lega bent á að und­an­far­in ár hef­ur embættið og þá sér­stak­lega fjöl­skyldu­sviðið verið það und­ir­mannað að það hafi bitnað veru­lega á hags­mun­um og rétt­ind­um barna.

Rétt er að rifja upp að fjöl­skyldu­svið ann­ast hvers kyns ágrein­ings­mál er varða for­sjá og lög­heim­ili barna, um­gengni og meðlag en einnig ætt­leiðing­ar­mál af öllu land­inu sem og mál er varða and­lát og dán­ar­bú. Eins og staðan er í dag, í byrj­un sept­em­ber­mánaðar 2020, þá hafa mál sem bár­ust embætt­inu um for­sjá, lög­heim­ili og um­gengni eft­ir 12. mars sl. enn ekki verið tek­in til um­fjöll­un­ar. Þetta þýðir að ef for­eldra grein­ir á um t.d. um­gengni barns við annað for­eldri eða hvar barn á að búa og hafa leitað með þann ágrein­ing til sýslu­manns þann 13. mars sl. þá hef­ur málið ekki enn kom­ist til full­trúa til fyrsta fund­ar. Við verðum einnig að hafa í huga að þegar mál kom­ast loks­ins til full­trúa sýslu­manns, eft­ir a.m.k. 6 mánaða bið, þá taka við nokkr­ir fund­ir með for­eldr­um, ým­ist sam­an eða hvoru í sínu lagi. Ef ekki tekst að sætta mál hjá full­trúa tek­ur við sáttameðferð hjá sátta­manni. Í barna­lög­um verður að hafa sótt sáttameðferð áður en úr­sk­urðar eða dóms er kraf­ist um for­sjá, lög­heim­ili, um­gengni, dag­sekt­ir eða aðför. For­eldr­ar hafa ekki val held­ur verða þau að fara í sáttameðferð. Á land­inu öllu eru nú fimm stöðugildi sátta­manns en voru til 1. ág­úst sl. fjög­ur. Fimm stöðugildi í 360 þúsund manna sam­fé­lagi. Þessi ákvörðun stjórn­valda leiðir til þess að mál á fjöl­skyldu­sviði sem varða börn, og bár­ust eft­ir 16. októ­ber 2019, eða síðastliðna 11 mánuði, hafa ekki enn verið tek­in til um­fjöll­un­ar hjá sátta­mönn­um. Þau eru bara á bið. Það blas­ir við að grunn­tengslamynd­un barns sem ekki fær að vera í reglu­legri um­gengni við for­eldri sitt skaðast var­an­lega á þess­um langa tíma og þar bera stjórn­völd ábyrgð. Stjórn­völd verða að gera bet­ur þegar kem­ur að þess­um mála­flokki. 

Grein eftir Helgu Völu Helgadóttur þingmann Samfylkingarinnar sem birtist fyrst í Morgunblaðinu 8. september.

Heiða Björg Hilmisdóttir, varaformaður Samfylkingarinnar og formaður velferðaráðs Reykjavíkurborgar, mætti í viðtal á Morgunvaktinni á Rás 1. Þar ræddi hún vinnuna í borginni, hvernig er verið að vinna að því að koma í veg fyrir að fólk verði heimilislaust og komist úr þeim aðstæðum og hvernig samfélagið getur minnkað þann skaða sem hlýst af fíknsjúkdómum og heimilisleysi.

https://www.ruv.is/utvarp/spila/morgunvaktin/23614/7hhgbr/heimilisleysi-og-fikn-heida-bjorg-hilmisdottir?fbclid=IwAR0lEP2pet7dQ1vR-R7s00GmsAEeP3WvdntyosWCZW048IRP-yRkvk3q7QY

Þar ræddi hún vinnuna í borginni, hvernig er verið að vinna að því að koma í veg fyrir að fólk verði heimilislaust.

Heiða Björg var gestur Morgunvaktarinnar

Á Kvenréttindadaginn minnumst við langrar og erfiðrar baráttu kvenna fyrir kvenfrelsi, kosningarétti og kjörgengi og dagurinn í ár var jafn hátíðlegur og hvetjandi og alltaf. Við gleymum nefnilega oft í dagsins önn að þakka þeim konum sem tóku slaginn fyrir kynsystur sínar og kröfðust þess að konur væru líka menn. Um leið og við fyllumst þakklæti og lítum til baka þá er líka mikilvægt að horfa fram og velta fyrir sér hvar erum við stödd. 

Við eigum því miður enn langt í land að ná fullkomnu jafnrétti á Íslandi og birtingarmyndir þess samfélagsbundna óréttlætis eru margar og þekktar. Þar má nefna launamun kynjanna, kynbundið ofbeldi, kynbundin forystuhlutverk, hlutfall viðmælenda fjölmiðla og svo fleira og fleira. Við í Reykjavíkurborg höfum undir stjórn Samfylkingar tekið stór og mikilvæg skref í jafnréttisátt. Við höfum unnið markvisst að því að eyða launamun með þeim árangri að hann mælist varla.

Á síðasta kjörtímabili settum við á fót ofbeldisvarnarnefnd sem hefur forgangsraðað aðgerðum hvað varðar heimilisofbeldi og kynbundið ofbeldi og ofbeldi gegn börnum. Við höfum sett viðbragðsreglur um hvernig bregðast skuli við áreitni og ofbeldi starfsemi borgarinnar og við nýtum okkur verkfæri kynjaðrar fjárhagsáætlunar til að reyna að tryggja að áhrif aðgerða okkar og framkvæmda hafi ekki neikvæð áhrif á jafnrétti kynjanna eða jafnrétti almennt. 

Til að mynda eiga skólar, íþróttafélög og aðrir að setja sér jafnréttisáætlanir og fylgja þeim. Á síðasta ári höfum við horft mikið til kvenna af erlendum uppruna, fatlaðra kvenna, heimilislausra kvenna, eldri kvenna og hinsegin fólks sem við þurfum að taka með okkur í baráttuna fyrir jöfnum rétti og tækifærum allra. Við erum öll jöfn, við höfum náð miklum árangri í kvennabaráttunni og ef við tökum öll höndum saman getum við náð fullu jafnrétti á Íslandi.

Grein eftir Heiðu Björg Hilmisdóttur, varaformann Samfylkingarinnar og borgarfulltrúa, sem birtist fyrst á Vísi 19. júní 

Áhrif kreppunnar í kjölfar COVID-19-faraldursins bitnar harðast á þeim sem missa vinnuna og fjölskyldum þeirra. Til að dreifa byrðum og draga úr tekjufalli heimila landsins er mikilvægt að hækka atvinnuleysisbætur. Leggur þingflokkur Samfylkingarinnar því til að þær hækki í að minnsta kosti eitt ár. Fátækt er pólitísk ákvörðun sem stjórnvöld geta og eiga að koma í veg fyrir. Samfylkingin  leggur einnig til að hlutabótaleiðin verði framlengd til 1. júní 2021. Hlutabótaleiðin var vel heppnuð aðgerð sem fyrst og fremst gekk út á að að viðhalda ráðningarsamningi í ástandi þegar atvinnuleysi eykst mikið. Stjórnvöld tóku því miður þá ákvörðun sl. vor að beina fyrirtækjum frekar í það úrræði að segja upp fólki með stuðningi stjórnvalda í uppsagnarfresti en að liðka til fyrir fyrirtæki að viðhalda ráðningarsambandi. Samfylkingin leggur til að heimild til greiðslu launa í sóttkví nái einnig til þeirra tilvika þegar foreldrar geta ekki sinnt vinnu að öllu leyti eða að hluta vegna sóttvarnaráðstafana sem leiða til skerðingar á þjónustu eða lokunar skóla barns undir 18 ára aldri sem hann hefur forsjá með en þiggur þjónustu á grundvelli laga um þjónustu við fatlað fólk með langvarandi stuðningsþarfir þó að barnið hafi ekki sætt sóttkví.  Samfylkingin ítrekar nauðsyn þess að stjórnvöld komi til móts við námsmenn. Lánshæfi miðast við nám að lágmarki 22 ETCS einingar á önn. Þannig liggur fyrir að þeir námsmenn sem stunda nám undir þeim einingafjölda eigi ekki rétt á námslánum. Leggur Samfylkingin því til að einingaviðmið verði hækkað að 22 einingum svo komið sé til móts við þá námsmenn sem ekki geta verið í fullu námi og þeim veitt heimild til töku atvinnuleysisbóta. 

 Nálgast má nefndarálit með breytingartillögum hér. 

Þingflokkur Samfylkingarinnar leggur til fjórar breytingar á frumvarpi félagsmálaráðherra um breytingar á ýmsum lögum til að mæta efna­hagslegum áhrifum heimsfaraldurs kórónuveiru. Helga Vala Helgadóttir þingmaður er flutningsmaður breytingartillaganna.

Samfylkingin vill að ráðist verði í fjölbreyttar fjárfestingar eins og stórátak í nýsköpun og umhverfismálum, sjónvarps- og kvikmyndagerð, umfangsmikla grænmetisframleiðslu, eflingu liststarfsemi, hönnunar og rannsókna, tækniþróun í heilbrigðisþjónustu og stafrænum lausnum af ýmsum toga, öflugum iðnaði, og samgönguumbótum svo eitthvað sé nefnt.

Nú er ekki tíminn fyrir aðhaldskröfur

Í fjármálastefnu ríkisstjórnarinnar er haldið  í sérstaka aðhaldskröfu á þessu ári og næstu 2 árin á sjúkrahús, heilsugæslur, öldrunarstofnanir og skóla, sem eru allt stofnanir sem nú eru þandar til hins ítrasta. Einnig er gerð aðhaldskrafa á listafólk, menningu, nýsköpun, rannsóknir og aðra opinbera starfsemi sem ætti ekki að búa við aðhaldskröfu á þessum tímum. Samfylkingin leggur því til að fyrirhugaðaðar aðhaldskröfur á opinberar stofnanir verði lagðar af.

Verjum velferðina
 Í fjármálastefnunni kemur einnig fram að ekkert verði bætt í bætur velferðarkerfisins á næstu árum „nema til komi samsvarandi lækkun útgjalda í öðrum tilfærslukerfum“ eins og þar segir. Það er öllum augljóst nema ríkisstjórnarflokkunum  að hér þarf sums staðar að bæta verulega í vegna ástandsins. 

Á þessu ári hefur fækkað um 20.000 störf á íslenskum vinnumarkaði  en síðan eru önnur 20.000 manns atvinnulaus. Fjármálaráð segir í umsögn sinni: „Stærsta og alvarlegasta efnahagslega afleiðing núverandi ástands er mikið atvinnuleysi.“ 

Gildistími stefnunnar er einungis til og með árinu 2022. Eftir 2022 stefnir, að öllu óbreyttu, í blóðugan niðurskurð þar sem þá munu hinar ströngu fjármálareglur Sjálfstæðisflokksins taka aftur gildi. Þær reglur gera t.d. ráð fyrir að afkoma hins opinbera verði jákvæð yfir fimm ára tímabil og mjög hröð lækkun ríkisskulda sem er engin leið að ná nema með niðurskurði á þjónustu þeirra sem nýta sér opinbera þjónustu, s.s. aldraða, námsmanna, sjúklinga, öryrkja og fátækra. Samfylkingin vekur sérstaklega athygli á stöðu sveitarfélaga en þau eru mörg hver í miklum vanda og skortir fjármagn til að sinna auknum verkefnum í grunnþjónustu eins og skólamálum og félagsþjónustu. 

Samfylkingin kallar eftir fjármálastefnu sem mætir þeim aðstæðum sem þjóðin stendur frammi fyrir. Það þarf að hugsa stærra og lengra fram í tímann, draga úr aðhaldskröfum á opinberar stofnanir og verja fjárhag heimila.  

Mótmælum aðhaldskröfu í fjármálastefnu ríkisstjórnarinnar

Leit um „��“

2912 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „������������������������������������������������������������“

2912 niðurstöður fundust við leit að „������������������������������������������������������������“