Sérstakar áherslur Samfylkingarinnar fyrir Suðurnes fyrir næsta kjörtímabil eru þessar:

Til að mæta þessum áskorunum og tryggja góða heilbrigðisþjónustu á Suðunesjum þarf að stórauka fjármagn til Heilbrigðisstofnunar Suðurnesja, bæta húsnæði og starfsaðstöðu, styrkja stofnunina faglega og fjölga heilbrigðisstarfsfólki til muna.

Ný heilsugæslustöð í Reykjanesbæ taki til starfa strax á næsta ári og tímasett og fjármögnuð áætlun unnin fyrir heilsugæslu í Suðurnesjabæ. Námsplássum fjölgað fyrir hjúkrunar- og læknanema.

Félagsþjónusta og heilsugæsla vinni saman með skipulögðum hætti í öllum sveitarfélögunum. Dagdvalarrýmum og hjúkrunarrýmum fyrir eldra fólk fjölgað.

Gáttin er inn í landið um alþjóðaflugvöll á Suðurnesjum og nánast allir erlendir ferðamenn fara þar um. Tryggja þarf lögreglunni og viðbragðssveitum fjármagn til að sinna auknum verkefnum. Ferðaþjónusta og sjávarútvegur eru öflug á svæðinu en fleiri stoðum þarf að renna undir atvinnulífið.

Bæta aðstöðu á vinsælum ferðamannastöðum og fjölga viðkomustöðum með betra aðgengi.

Efla nýsköpun og veita þróunarstyrki til sprotafyrirtækja á sviði líftækni, hugverkaiðnaðar og framleiðslu heilsuvarnings og matvæla. Fjölga störfum án staðsetningar.

Efla listnám og fjölga störfum í menningu og skapandi greinum. Námsframboð og aðgengi að námi verði bætt með stuðningi við menntastofnanir.

Efla lögregluembættið. Fjölga lögreglumönnum og bæta starfsaðstöðu þeirra. Flytja Landhelgisgæsluna til Suðurnesja.

Ljúka þarf tvöföldun Reykjanesbrautar sem fyrst og auka samvinnu Vegagerðarinnar og sveitarfélaga um lagningu göngu- og hjólastíga. Styrkja flutningsgetu rafmagns með öflugri Suðurnesjalínu.

Efla og styrkja Keflavíkurflugvöll sem umhverfislega, félagslega og efnahagslega sjálfbæra miðstöð farþegaflugs í Norður-Atlantshafi. Endurskoða áform um byggingu flugvallar í Hvassahrauni vegna eldsumbrota við Fagradalsfjall og meta Keflavíkurflugvöll sem kost fyrir innanlandsflug.

Hefja undirbúning að Keflavíkurlínu, grænni tengingu milli Reykjavíkur og Keflavíkurflugvallar.

Ýta undir nýsköpun í umhverfismálum og möguleika á að skapa verðmæti úr sorpi. Styrkja fráveituframkvæmdir sveitarfélaga og tilraunir með lífrænar rotþrær.

Samfylkingin setur fjölskylduna í forgang  með óskertum barnabótum að meðallaunum, bættum kjörum eldra fólks og öryrkja og aðgerðum í húsnæðismálum. Öflugra heilbrigðiskerfi er sérstakt áherslumál ásamt því að renna fleiri stoðum undir atvinnulífið, ráðast í kröftugar aðgerðir í loftslagsmálum, setja nýja stjórnarskrá aftur á dagskrá ásamt þjóðaratkvæðagreiðslu um umsókn um aðild að ESB. Nánar má lesa um kosningaáherslur Samfylkingarinnar fyrir landið allt á vefnum www.xs.is.

Greinin birtist í Víkurfréttum 7. sept. 

Oddný Harðardóttir og Viktor Stefán Pálsson 1. og 2. sæti í Suðurkjördæmi skrifa.  Vegna mikillar fjölgunar íbúa á Suðurnesjum verður að styrkja innviði til að takast á við aukið álag, einkum á heilsugæslu og lögreglu. 

Logi Einarsson, formaður Samfylkingarinnar, verður á Siglufirði með Kristjáni Möller og er þér boðið í kaffi til þeirra í Aðalbakaríi á þiðjudaginn 14. sept. kl. 16:30. 

Við viljum hitta þig og ræða stöðuna í samfélaginu, hvernig Samfylkingin hyggst búa þér, þinni fjölskyldu og komandi kynslóðum betra líf. Einnig förum við yfir helstu málin sem brenna á Siglfirðingum og kjördæminu, hvað liggur þér á hjarta?

Kaffi með Loga Einarssyni og Kristjáni Möller 

Frambjóðendur Samfylkingarinnar í Suðurkjördæmi, Oddný Harðardóttir oddviti, Viktor Stefán Pálsson sem skipar 2.sætið og Siggeir F. Ævarsson Grindvíkingur, verða milliliðalaust á Bryggjunni mánudaginn 20. september kl. 18:00.

Fundurinn er opinn öllum og heitt á könnunni.

Þegar kjósendur gaumgæfa nú framboðin til Alþingis mættu þeir íhuga hvernig þessi framboð reyna að höfða til ólíkra tilfinninga þeirra, og um leið hversu góður áttaviti þær tilfinningar séu.

Frambjóðendur stjórnarflokkanna tala um eðlilega um stöðugleika, en þegar rýnt er í skilaboðin sér maður að tilfinningin sem þeir reyna að höfða til – í mismiklum mæli – er hræðsla, óttinn við breytingar og kollsteypur, löngunin til að halda í og varðveita tilveruna eins og okkur finnst hún vera. Það er gott og blessað en vandinn er auðvitað sá að óbreytt ástand er ekki í boði, breytingar eru óhjákvæmilegar, vandamál blasa við sem þarf að leysa, ekki síst nú á tímum hraðra loftslagsbreytinga. Og þá þarf jöfnuður að vera leiðarljósið, hagfræðikenningar sem boða gildi misskiptingar og ójöfnuðar eru ekki bara úreltar heldur beinlínis hættulegar á slíkum tímum. Stjórnarflokkarnir vilja ekki mikið tala um það en samkvæmt þeirra eigin fjármálaáætlun er gert ráð fyrir 100 milljóna niðurskurði opinberra útgjalda á þessu kjörtímabili. Slíkt er ekki stöðugleiki.

Sú tilfinning sem sumir stjórnarandstöðuflokkar – ekki síst þeir sem enn bíða þess að fá kjörna fulltrúa – reyna að höfða til og virkja er hins vegar reiðin. Og það er svo margt sem manni svíður: misskiptingin, ranglætið, fátækt og óheyrilegt ríkidæmi, svikið loforð ... þannig mætti lengi telja. En reiðin er ekki góður förunautur til lengdar í stjórnmálum þó að hún geti vakið mann til vitundar, hún er ekki uppbyggilegt afl heldur brýtur hún niður. Hún er ekki skapandi heldur eyðandi, og eyðir líka þeim sem haldinn er henni.

Við í Samfylkingunni erum ekki talsmenn óbreytts ástands og óbreyttra stjórnarhátta. Við erum ekki heldur talsmenn niðurrifs. Við viljum hins vegar bæta kjör almennings. Við tölum um það í stefnu okkar að við viljum betra líf fyrir fjölskyldur, gamalt fólk, einyrkja, börn, öryrkja, launafólk, námsmenn, atvinnuleitendur, eigendur lítilla og meðalstórra fyrirtækja, listamenn ... með öðrum orðum: betra líf fyrir almenning.

Við lofum ekki áhyggjulausu lífi því að stjórnmálamenn geta ekki lofað því frekar en eilífum sólskinsstundum; við lofum ekki óbreyttu ástandi, því að stöðugleikinn er tálsýn; við lofum ekki því að brjóta allt og bramla vegna þess að við erum ekki byltingarsinnar. Við lofum hins vegar því að hafa þetta leiðarljós í öllum okkar störfum: að gera líf almennings betra hér á landi.

Og það sem meira er: við teljum að þetta sé hægt. Það gerum við með því að auka ráðstöfunarfé fólks með því að lækka kostnað sem fólk hefur af daglegu lífi og af því að uppfylla grunnþarfir sínar og sinna, húsnæðiskostnaði, vaxtakostnaði, matarkostnaði. Við gerum það með því að afla ríkissjóði tekna með veiðigjöldum og stóreignaskatti á hreina eign umfram 200 millljónir upp á 1,5%, sem er afar hóflegt og ríka fólkið munar ekkert um en almenning munar mikið um. Við gerum það með því að láta almannahag ævinlega ganga fyrir sérhagsmunum. Stjórnmál snúast um gæði og byrðar, og hvernig þessu er skipt. Við jafnaðarmenn viljum jafna byrðarnar og að fleiri njóti gæðanna.

Þetta er hægt. En það verður ekki gert öðruvísi en með því að hækka skatta á þau ofsaríku en lækka greiðslubyrði almennings. Sumir flokkar höfða til hræðslu. Aðrir flokkar höfða til reiði. 

Við í Samfylkingunni viljum virkja vonina.

Logi Einarsson, formaður Samfylkingarinnar, Kristrún Frostadóttir, Hilda Jana Gísladóttir og Eydís Ásbjörnsdóttir
bjóða á opinn fund í Safnahúsinu Neskaupstað kl. 20:00 sunnudaginn 19. sept.

Við viljum hitta þig og ræða stöðuna í samfélaginu, hvernig Samfylkingin hyggst búa þér, þinni fjölskyldu og komandi kynslóðum betra líf.

Einnig förum við yfir helstu málin sem brenna á Fjarðabyggð og kjördæminu, hvað liggur þér á hjarta?

Ekki láta þetta fram hjá þér fara! 

Í fyrsta lagi jafna barnabætur stöðu barnafólks gagnvart þeim sem ekki eru með börn á sínu  framfæri. Kostnaður heimilis vegna barna er umtalsverður – föt, matur, skólagögn, tómstundastarf –og leggst þungt á ungar barnafjölskyldur sem fyrir eru í erfiðri stöðu vegna kostnaðar við að koma þaki yfir höfuðið, mennta sig, reka bíl og þar fram eftir götunum. Kostnaður vegna barneigna verður til þess að margir fresta barneignum eða eignast færri börn. 

Það er ótvíræður hagur samfélagsins alls að vel sé hugsað um börn og að fjölskyldunni sé gefinn tími. Almennar barnabætur sem eru óskertar að meðallaunum er velferðarmál en einnig efnahagsmál og fjárfesting í hag barna til lengri tíma. 

Samfylkingin ætlar að breyta barnabótakerfinu komist flokkurinn í færi til þess. Við viljum líta til hinna norrænu ríkjanna en þar eru barnabætur ekki tekjutengdar nema í Danmörku þar sem aðeins þeir tekjuhæstu fá skertar barnabætur. 

Í dag byrja barnabætur að skerðast við lágmarkslaun hér á landi sem eru 351.000 kr. á mánuði. Þeir flokkar sem mynda núverandi ríkisstjórn vilja hafa barnabætur fyrst og fremst sem styrk við fátækar fjölskyldur líkt og Alþjóðagjaldeyrissjóðurinn hefur ráðlagt þeim. Okkar fyrirmynd er hins vegar hið norræna velferðarríki. Þess vegna viljum við að fólk með meðaltekjur fái óskertar barnabætur. 

Til að sýna kjósendum hverju þetta breytir fyrir barnafólk eru hér dæmi:

Með fyrsta barni sem er undir 7 ára yrðu greiddar 374.500 kr. á ári til sambúðarfólks en 530.700 kr. til einstæðra foreldra ef einstaklingarnir eru með 600 þúsund kr á mánuði í laun. Mánaðarlegar greiðslur til heimilisins yrðu því 31.208 kr. til sambúðarfólks en 44.225 til einstæðra foreldra samkvæmt tillögum Samfylkingarinnar. Í dag fær sambúðarfólk með þessi laun engar barnabætur en einstæðir foreldrar fá 20.473 kr. á mánuði sem greiddar eru út fjórum sinnum á ári.

Með tveimur börnum – og annað þeirra undir 7 ára aldri – yrðu greiddar 653.700 kr. á ári til sambúðarfólks en 931.500 kr. til einstæðra foreldra ef einstaklingarnir eru með 600 þúsund krónur á mánuði. Mánaðarlegar greiðslur til heimilanna yrðu því 54.475 kr. til sambúðarfólks en 77.624 kr. til einstæðra foreldra samkvæmt tillögum Samfylkingarinnar. Í dag fær sambúðarfólk með þessi laun 4.339 kr. á mánuði en einstæðir foreldrar 48.893 kr. sem greiddar eru út fjórum sinnum á ári.

Með tveimur börnum – bæði eldri en 7 ára – yrðu greiddar 225.700 kr. á ári til sambúðarfólks en 647.500 kr. til einstæðra foreldra ef einstaklingarnir eru með 800 þúsund krónur á mánuði. Mánaðarlegar greiðslur til heimilisins yrðu því 18.808 hjá sambúðarfólki en 53.958 til einstæðra foreldra samkvæmt tillögum Samfylkingarinnar. Í dag fær sambúðarfólk með þessi laun engar barnabætur en einstæðir foreldrar fá 33.893 kr. sem greiddar eru út fjórum sinnum á ári.

Við viljum líka að þessar greiðslur verði mánaðarlegar og þar með hluti af daglegum rekstri fjölskyldunnar.

Þessi dæmi sýna að tillögur Samfylkingarinnar yrðu mikil búbót fyrir barnafjölskyldur með meðaltekjur. Kerfið er líka óþarflega flókið núna og ástæða er til að einfalda það. Gera það gegnsærra en um leið sanngjarnara fyrir barnafjölskyldur landsins. 

Tillögurnar okkar kosta ríkissjóð um 9 milljarða króna sem er minna en lækkun bankaskattsins og breytingin á skattstofni fjármagnstekjuskatts kostaði ríkissjóð en það var forgangsmál núverandi ríkisstjórnar. Við röðum barnafjölskyldum framar.

Hringið í frambjóðendur og spyrjið um hverju barnabæturnar sem Samfylkingin vill koma á breytir fyrir ykkar heimilisrekstur. 

Og kjósið svo Samfylkinguna, það borgar sig!

Hvers vegna vill Samfylkingin að fleiri fjölskyldur fái barnabætur? Hvers vegna vill Samfylkingin hafa kerfið almennara en ekki eingöngu hjálp við fátækustu fjölskyldurnar?

Samkvæmt niðurstöðum úr úttekt Samtakanna '78 á stefnu framboða til Alþingis fær Samfylkingin hæstu einkunn allra framboða þegar kemur að hinsegin málum. Úttektin byggir á greiningu á stefnu flokkanna og uppfyllir Samfylkingin 77% þeirra atriða sem tilgreind eru á kvarða samtakanna. Athygli vekur að fimm flokkar fá algjöra falleinkun á hinseginkvarðanum.

Niðurstöður úttektarinnar voru kynntar í Veröld Vigdísar 9. september og í kjölfarið fóru fram pallborðsumræður þar sem fulltrúar flokkanna kynntu stefnu flokkanna í hinsegin málefnum og svöruðu spurningum. Inga Björk Margrétar Bjarnadóttir, sem vermir þriðja sæti á lista Samfylkingarinnar í Suðvesturkjördæmi, var fulltrúi Samfylkingarinnar á fundinum. Inga er tvíkynhneigð móðir í samkynja sambandi og þekkir því málaflokkinn að eigin raun. 

Inga sagðist á fundinum vera meyr yfir því að Samfylkingin mælist svona hátt og fór yfir sérstaka hinsegin kosningastefnu Samfylkingarinnar sem tekur á viðfangsefnum eins og m.a. heilbrigðisþjónustu við trans fólk, réttindi intersex barna, blóðgjafir sam-, tví- og pankynhneigðra karlmanna, hatursorðræðu og ofbeldi gegn hinsegin fólki. „Í grunninn er auðvitað fræðslan. Það er hún sem skiptir mjög miklu máli,“ sagði Inga á fundinum og bætti við að nú væri í gangi bakslag á samfélagsmiðlum eins og Tiktok. „Þar grassera viðbjóðslegir fordómar og ofbeldi gagnvart hinsegin fólki, af hálfu barna og ungmenna. Þetta veldur manni áhyggjum yfir því hvert við erum að stefna - þetta er eitthvað sem við verðum að taka mjög föstum tökum.“

Vill að kerfið endurspegli fjölbreytileikann

„Við sem tilheyrum jaðarhópum þekkjum það náttúrulega mjög vel hvernig öráreiti og fordómar og hatursorðræða hleðst upp,“ sagði Inga á fundinum, en hún er bæði jaðarsett vegna fötlunar og hinseginleika og verður því fyrir margþættri mismunun. Hún telur að þetta sé eitthvað sem jaðarsett fólk þarf stöðugt að vera að vinna úr og að þannig sé aðgengi að sálfræðiþjónustu sérstaklega mikilvæg fyrir þessa hópa. Þá fór hún yfir það hvernig hinsegin fólk mætir fordómum innan kerfisins sjálfs. „Ég er skráð pabbi barnsins míns inni í Heilsuveru. Það er ekki gert ráð fyrir því í Heilsuveru að barn geti átt tvær mæður eða bara foreldra yfir höfuð. Hún segir að samfélagið sé ennþá fast í þeirri hugmynd að það sé annaðhvort pabbi eða mamma; „tveir foreldrar sem búa í einbýlishúsi á Álftanesi með Range Rover. Við erum miklu fjölbreyttari en það og kerfið er alls ekki að endurspegla það.“

Nálgast má hinsegin kosningastefnu Samfylkingarinnar á xs.is/hinsegin. Ísland á að vera leiðandi á heimsvísu í málefnum hinsegin fólks. Til þess þarf alvöru aðgerðir og skýra stefnu og Samfylkingin hefur bæði.

Samkvæmt niðurstöðum úr úttekt Samtakanna '78 á stefnu framboða til Alþingis fær Samfylkingin hæstu einkunn allra framboða þegar kemur að hinsegin málum.

Samfylkingin með hinseginvænustu stefnuna

Samtal vinnandi fólks um það sem okkur liggur á hjarta.

Gestur okkar er Guðbjörg Kristmundsdóttir formaður Verkalýðs- og sjómannafélags Keflavíkur og nágrennis, hún heldur stutt erindi og spjallar við gesti og gangandi, Oddný Harðardóttir oddviti í Suðurkjördæmi verður fundarstjóri.

Á borðum verða rjúkandi vöfflur með rjóma. Börn eru hjartanlega velkomin.

Við ætlum að ræða málefni vinnandi fólks á kosningaskrifstofu Samfylkingarinnar í Reykjanesbæ, Hafnargötu 19 - við hliðina á Ránni, laugardaginn 18. sept. kl. 10:30.

Zdalne spotkanie na temat praw wyborczych imigrantów, ich głosu w społeczeństwie demokratycznym oraz programu wyborczego partii Samfylkingin.

Tematy spotkania zostaną omówione przez Donatę H. Bukowską i Aleksandrę Leonardsóttir.
Donata startuje w najbliższych wyborach parlamentarnych z 7 miejsca na liście Samfylkingin w okręgu Suðvesturkjördæmi, a Aleksandra z miejsca 12 w okręgu Reykjavik suður.

Skorzystaj ze swojego prawa do głosowania! Lepsze życie z...

Félags- og barnamálaráðherra, Ásmundur Einar Daðason, fer nú mikinn og þykist loks ætla að gera eitthvað í málefnum eldri borgara. En þegar kosningastefna Framsóknarflokksins hans er skoðuð þá er þar nánast ekkert bitastætt að finna í málefnum eldra fólks. 

Undir lok síðasta kjörtímabils þar sem hann sat á ráðherrastóli málaflokksins var lítið sem ekkert heldur að gerast í málaflokknum þó hann hefði gefið eldri borgurum fyrirheit á seinni hluta valdatímans um að nú yrði tekið á þeirra málum. Eini afraksturinn var að málin voru sett í starfshóp „um hag og líðan eldri borgara“ sem leiddur var af framsóknarkonu sem nú trónir efst á framboðslista flokksins í norðaustur kjördæmi. Starfshópurinn hefur ekki enn skilað af sér þó hann hafi átt að gera það í sumar. 

Enda eru fulltrúar LEB – Landssambands eldri borgara sem sátu í starfshópnum ekki sáttir við lokadrögin af niðurstöðu starfshópsins og því situr allt fast þar. Meðal fulltrúa LEB er fyrrverandi formaður LEB. Félags- og barnamálaráðherra hefur nú kippt henni upp í drossíuna sína og þar situr hún í aftursætinu á framabraut ráðherrans til borgarinnar. Þrátt fyrir að ráðherrann hafi ekki sinnt málefnum eldri borgara af neinu viti í heilt kjörtímabil.

Þessi ökuferð ráðherrans er algjör óvissuferð án fyrirheita og stefnu.

Hvaða erindi á ráðherrann og farþegi hans í málefnum eldri borgara? Skoðum stefnuskrána:

Ekkert frítekjumark á atvinnutekjur eftirlaunafólks

Ekki er þetta burðugt. Engin hækkun á ellilífeyri. Ótímasett hækkun á frítekjumarki lífeyrissjóðstekna.

Það er sjálfsagt að endurskoða lög um almannatryggingar og þyrfti í raun að gera reglulega. En miðað við árangur vinnustarfshóps ráðherrans, sem fyrr er rakinn, þá fáum við að bíða allt næsta kjörtímabil áður en sú endurskoðun lítur dagsins ljós. Eldra fólk getur ekki beðið svo lengi eftir réttlæti.

Ekkert frítekjumark á atvinnutekjur eftirlaunafólks skilar ávinningi til aðeins ca 13% í þessum hópi. Sveigjanleg starfslok gagnast fyrst og fremst þeim sem fá vinnu á vinnumarkaði sem er því miður fullur at aldursfordómum. Auk þess sem það eru mannréttindi fólks sem hefur stritað alla starfsævina að fá að njóta efri áranna án þess að þurfa að reiða sig á atvinnutekjur. 

Eftir sitja um 18.000 eftirlaunafólks sem nú þarf að lifa á 200 – 300 þúsund kr. rauntekjum. Framsókn skilar þessum hópi auðu. Engar raunverulegar, tímasettar tillögur. Engin kostanaðargreining. Engin tekjuáætlun.

Samfykingin hefur sett fram framsæknar tillögur til úrbóta, annars vegar sem eiga að koma til framkvæmda strax og hins vegar sem að vinna að á kjörtímabilinu. Það sem meira er, Samfylkingin hefur kostnaðargreint þessar tillögur og einnig gert raunverulega áætlun hvernig á að fjármagna þessa framkvæmd. Tillögur Samfylkingarinnar snúa að barnafólki, eldri borgurum og öryrkjum upp á 20 milljarða samanlagt. Tillögur Samfylkingarinnar í málefnum eldra fólks og öryrkja mun kosta 10 milljarða og vert að geta að öryrkjar, margir hverjir, munu einnig hafa gagn af úrbætum til barnafólks. 

Þessir peningar verða sóttir með auðlindagjöldum á 20 stærstu útgerðirnar, stóreignaskatt á ríkasta 1% þjóðarinnar og endurheimt skatts vegna undanskota elítunnar.

Okkar stefna er skýr í málefnum eldra fólks.

Hækkun frítekjumarks vegna lífeyrissjóðstekna í 100.000 kr.

Hækkun frítekjumarks vegna atvinnutakna í 300.000 kr.

Ellilífeyrir verði sá sami og lágmarkslaun í landinu, sem er 351.000 kr. núna. En núverandi ellilífeyrir er 266.033 kr.

Endurskoðun laga um almannatryggingar. 

Hækkun ellilífeyris í samræmi við krónutöluhækkun lágmarkslauna og byrja þannig strax að vinna í að loka þeirri kjaragliðnun sem hefur orðið í tíð núverandi ríkisstjórnar.

Tvöfalda frítekjumark lífeyrissjóðstekna, upp í 50.000 kr. Það gerir 300.000 kr. til viðbótar á árs grundvelli.

Tvöfalda frítekjumark atvinnutekna, upp í 200.000 kr. Það gerir 2.400.000 kr. á árs grundvelli.

Hefja endurskoðun laga um almannatryggingar.

Það er áhugavert að bera saman stefnu Framsóknarflokksins annars vegar og Samfylkingarinnar hins vegar í málefnum eldra fólks með tilliti til þeirra 5 áhersluatriða sem landsfundur LEB samþykkti einróma síðasta vor í tíð þáverandi formanns LEB fyrir þessar alþingiskosningar.

5 áhersluatriði LEB í málefnum eldra fólks fyrir alþingiskosningarnar er hægt að lesa HÉR

Samfylkingin hefur uppfyllt að mestu væntingar LEB. Meðan Framsóknarflokkurinn er að keyra utan vegar, spænir upp viðkvæman gróður, skilur eftir sig sár... og skilar auðu.

Megin markmið Samfylkingarinnar er að vinna að kjarabótum þeirra sem nú lifa við kröpp kjör, hvort sem það er eldra fólk, öryrkjar eða barnafólk. Stefna okkar í aðgerðum þeim til handa mun gagnast lág- og miðlungstekjufólki. En helst bitna á ríkasta 1% þjóðarinnar.

Við þurfum nýja ríkisstjórn. Við í Samfylkingunni erum tilbúin til að setjast í ríkisstjórn af ábyrgð og festu. Við skilum ekki auðu. Þið erum ekki með eintóma gosa upp í erminni. Við leggjum spilin á borðið.

Leit um „��"

3400 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3400 niðurstöður fundust við leit að „���������������������������������������������������"