Sjálfstæðisflokkur hefur verið við völd í Sveitarfélaginu Ölfusi síðustu tvö kjörtímabil eða frá sveitarstjórnarkosningum árið 2018. Ekki er hægt að segja að sá hópur sem með völdin hefur farið síðustu ár hafi alltaf vandað sig í samskiptum eða komið fram af fullri virðingu við fólk sem lagt hefur sig fram við að vinna samfélaginu gagn.

Í grein í jólablaði Sjálfstæðisfélagsins Ægis árið 2024, en í ritstjórn sat m.a. oddviti framboðslista Sjálfstæðisflokksins í Ölfusi, var ástandinu í sveitarfélaginu árið 2018 lýst með verulega döprum hætti. Sennilegt er að þessi skrif árið 2024 hafi átt að ná til nýrra íbúa í sveitarfélaginu sem ekki þekktu til sögu áranna þar á undan. Í þessum skrifum voru settar fram fullyrðingar sem eru ósannar og dregin upp bjöguð mynd af sveitarfélaginu með mjög ósanngjörnum hætti. Fram kom að staðan árið 2018 hafi verið þung, fasteignamarkaður hafi verið botnfrosinn og Íbúðalánasjóður hafi átt um 9% af öllu íbúðarhúsnæði í Þorlákshöfn. Jafnframt var því haldið fram að íbúum hafi fækkað, störfum hafi fækkað og að trúin á framtíðina hafi verið veik. Farið var með sömu rullu síðar á opnum íbúafundi um fyrirhugaðan miðbæ í Þorlákshöfn með tilheyrandi glærusýningu.

Því fer fjarri að staðan hafi verið með þessum hætti árið 2018. Á árunum eftir efnahagshrunið þyngdist róður sveitarfélagsins verulega og samfélagið gekk í gegnum erfiða tíma. Fulltrúar í bæjarstjórn kjörtímabilin 2010-2018 unnu með markvissum hætti að því að snúa vörn í sókn og tók ég þátt í þeirri vinnu sem bæjarstjóri á árunum 2013-2018. Það þurfti margt að ganga upp, sérstaklega til að koma Þorlákshöfn á kortið.

Sveitarfélagið ýtti árið 2016 úr vör mjög vel heppnaðri kynningarherferð á sveitarfélaginu með slagorðinu „Hamingjan er hér“, eftir að hafa fengið góðfúslegt leyfi Jónasar Sig til að nota lagið hans vinsæla með sama heiti í herferðinni. Fyrir nýja íbúa sem mögulega ekki vita þá er Jónas Sigurðsson uppalinn í Þorlákshöfn frá fæðingu fram að fullorðinsárum og taugar hans til bæjarins eru sterkar.

Þessi herferð var vandlega undirbúin í langan tíma en forsenda fyrir því að hægt var að fara með hana í loftið var sú að tryggt væri að fiskþurrkunarverksmiðju Lýsis við Unubakka í Þorlákshöfn yrði lokað enda lyktaráhrif frá verksmiðjunni í bænum mikil. Við vildum finna lausn sem héldi fyrirtækinu í sveitarfélaginu og þar með þeim fjölda starfa sem því fylgdi. Með útsjónarsemi og lausnamiðuðum samtölum og samningum var ákveðið að Lýsi myndi byggja upp nýja verksmiðju við Víkursand á nýju iðnaðarsvæði vestan við bæinn. Eftir þessu var búið að kalla í mjög mörg ár, enda lyktarmengunin þannig að erfitt var að þurrka þvott úti á snúru suma daga og umtalað var að fólk sem kom til að skoða fasteignir í Þorlákshöfn hætti við áform um kaup eftir að hafa fundið lyktina í bænum. Þetta samstarf við Lýsi var alls ekki sjálfgefið en var mikið framfaraskref og lykilforsenda fyrir allri þeirri uppbyggingu sem orðið hefur síðan í Þorlákshöfn. 

„Hamingjan er hér“ herferðin árið 2016 kom Sveitarfélaginu Ölfusi sannarlega á kortið eftir áralanga stöðnun og trúin á bjarta framtíð Ölfuss var virkilega sterk ólíkt því sem haldið var fram í áðurnefndri grein.

Í greininni er því haldið fram að Íbúðalánasjóður hefði átt um 9% af öllu íbúðarhúsnæði í Þorlákshöfn þegar þau tóku við stjórnartaumum í Ölfusi árið 2018. Þetta er annaðhvort vísvitandi sett fram með ósönnum hætti eða algjört þekkingarleysi á stöðu mála. Það var alveg ljóst að í nokkur ár eftir efnahagshrunið var íbúðamarkaður í Þorlákshöfn ekki á góðum stað og Íbúðalánasjóður leysti til sín fjölda fasteigna allt fram til ársins 2015. Á því ári fór sveitarfélagið í samstarf við Íbúðalánasjóð þar sem meginmarkmiðið var að leysa fasteignir úr þeim álögum sem þær höfðu verið settar í og að bæta ásýnd Þorlákshafnar. Það samstarf var heldur ekki sjálfsagt en samvinnan var farsæl og góður árangur náðist.

Samkvæmt upplýsingum frá Húsnæðis- og mannvirkjastofnun átti Íbúðalánasjóður eignir í Þorlákshöfn sem flokkast sem íbúðarhúsnæði samkvæmt eftirfarandi: 

Í lok árs 2013 átti sjóðurinn 47 eignir, 48 árið 2014, 40 árið 2015, 22 árið 2016, 9 árið 2017 og 7 árið 2018. Nærri lætur að fjöldi íbúða í eigu Íbúðalánasjóðs hafi verið um 9% á árunum 2013 til 2015 þegar það hlutfall var hæst en um 1% þegar Sjálfstæðisflokkurinn tók við árið 2018 og er þar mikill munur á.

Það er því alveg ljóst að bæjarfulltrúar Sjálfstæðisflokks áttu engan þátt í því að fækka íbúðum í eigu Íbúðalánasjóðs í Þorlákshöfn eins og gefið er í skyn á prenti í fyrrnefndri grein.

Íbúafjöldaþróun fram til ársins 2018

Hægt er að segja að mannfjöldi í Þorlákshöfn á þessum árum hafi sveiflast í öfugu hlutfalli við fjölda íbúða í eigu Íbúðalánasjóðs. Enn og aftur var íbúafjöldaþróun fjarri því sem haldið er fram í greininni. Samkvæmt opinberum tölum Hagstofunnar fækkaði íbúum í Þorlákshöfn eftir efnahagshrunið en frá byrjun árs 2015 tók íbúum að fjölga og íbúafjöldi í byrjun árs 2018 var orðinn meiri en hann var mestur áður. Íbúafjöldinn í Þorlákshöfn í byrjun árs 2015 var 1.443, árið 2016 var hann 1.468, árið 2017 var hann 1.548 og í byrjun árs 2018 var hann orðinn 1.632 íbúar.

Þetta þýðir einfaldlega að íbúum var að fjölga verulega andstætt því sem haldið er fram í áðurnefndri grein. Þær staðreyndir sem hérna eru settar fram styðja heldur ekki þá fullyrðingu að fasteignamarkaður í Þorlákshöfn hafi verið botnfrosinn árið 2018 heldur öðru nær.

Mér finnst ótrúlega skrýtið að fulltrúar Sjálfstæðisflokks skuli hafa valið að fara þá leið að kasta rýrð á vinnu þess fólks sem á undan þeim starfaði í bæjarstjórn. Ekki eingöngu settu þau fram rangar fullyrðingar heldur máluðu þau upp svarta mynd af samfélaginu og skautuðu algjörlega fram hjá öllu því góða og uppbyggilega sem gert hafði verið á árunum á undan.

Einhæft atvinnulíf er áhætta en eðlilega hafði Þorlákshöfn þróast sem sjávarútvegssamfélag og mestur fjöldi starfa var í útgerð og vinnslu. Það var því mikilvægt að skapa aðstöðu í sveitarfélaginu fyrir fjölbreyttara atvinnulíf og að því var unnið skipulega á árunum sem ég starfaði hjá sveitarfélaginu fram til ársins 2018. Ekki ætla ég að gera lítið úr því að erfiðleikar Frostfisks voru krefjandi fyrir samfélagið og fjöldi starfa hvarf á árunum 2016 og 2017. Opinberar tölur Hagstofu sýna hins vegar óverulega fækkun starfandi í sveitarfélaginu á árinu 2016 og þeim tók að fjölga verulega strax árið 2017 og fram til ársins 2018.

Ég get ekki ímyndað mér að nokkur íbúi í Þorlákshöfn efist um það að forsendan fyrir framþróun samfélagsins hafi verið sú að fiskþurrkun miðsvæðis í bænum flyttist á annan stað. Stækkun hafnarinnar á árunum 2015 til 2017 var svo algjör lykill í að taka næsta skref í þróun okkar samfélags. Tilkoma Smyril Line og upphaf vöruflutninga á þeirra vegum vorið 2017, eftir um tveggja ára viðræðuferil, er upphaf þeirrar umbyltingar sem orðið hefur á Þorlákshöfn á síðustu árum. Uppbygging seiðaeldisstöðvar Laxa, sem nú er Kaldvík og tilkoma Landeldis, sem nú er First Water er ávöxtur stefnu þáverandi bæjarstjórnar að nýta auðlindir sveitarfélagsins fyrst og fremst til uppbyggingar hreinnar og umhverfisvænnar matvælaframleiðslu. Framtíðin var án nokkurs efa björt um mitt ár 2018, fjárhagsstaða sveitarfélagsins var sterk og samfélagið stóð frammi fyrir fjölbreyttum tækifærum til framþróunar.

Allt þetta og margt fleira átti sér stað áður en Sjálfstæðisflokkurinn komst til valda árið 2018. 

Það hefur verið verulega ánægjulegt að sjá uppskeruna undanfarin ár sem er sannarlega afrakstur samvinnu meiri- og minnihluta þeirrar samheldnu bæjarstjórnar sem ég starfaði með á árunum 2013-2018. Fólkið sem að þessari miklu vinnu stóð á hrós skilið.

Fólk sem fer áfram af ábyrgð er fólk sem segir satt og rétt frá.

Heilmikil ábyrgð fylgir því að vera kjörinn fulltrúi í bæjarstjórn og því er mikilvægt að fólk sem velst til þeirra starfa vandi til verka, komi fram af virðingu og segi satt og rétt frá.

Kvennahreyfing Samfylkingarinnar og Ungt jafnaðarfólk býður allar konur og kvár í flokknum velkomnar í partý á miðvikudagskvöldið 22. apríl frá kl. 20 - 23.

Við höfum margar ástæður til að fagna saman – og nú er kjörið tækifæri til að hittast, tengjast og styrkja samstöðuna.

Kornhlaðan - Bankastræti 2, 2. hæð (lyfta í boði)
Miðvikudagur, 22. apríl
Kl: 20:00-23:00

Kl. 20:30 - 21:00 Stutt erindi frambjóðenda

Ungt jafnaðarfólk og Samfylkingin bjóða öllum háskólanemum í vísindaferð til sín föstudaginn 17. apríl kl 17-19 í Akóges salnum, lágmúla 4. 

Boðið verður upp á drykki og léttar veitingar

Forsætisráðherra Íslands Kristrún Frostadóttir mætir og verður sett í hitasætið. Auk hennar verða Pétur Marteinsson, oddviti í Reykjavík og Jónas Már Torfason, ungi oddvitinn í Kópavogi spurðir spjörunum úr. Loks verður hægt að ræða við frambjóðendur úr öllum sveitarfélögum á höfuðborgarsvæðinu

Skráning fer fram hér: https://forms.gle/NUsLvion5pFf1vrJA

Um er að ræða verulega breytingu á landnotkun þar sem gert er ráð fyrir þéttri íbúðabyggð á svæði sem liggur beint að starfandi vöruflutninga- og iðnaðarhöfn.

Það er ástæða til að staldra við og spyrja hvort slík þróun sé skynsamleg til lengri tíma litið, fyrir bæinn, íbúa hans og framtíð hafnarinnar.

Höfnin er lífæð samfélagsins. Hún er ein helsta forsenda atvinnu, verðmætasköpunar og framtíðarþróunar í Þorlákshöfn og Ölfusi og raunar á mun stærra svæði. Starfsemi hafnarinnar er í örum vexti og öll áform um skipulag í nágrenni hennar verða að taka mið af áratuga þróun, ekki aðeins næstu uppbyggingarlotu. Höfn þarf svigrúm, helgunarsvæði frá íbúðabyggð, ekki þéttingu byggðar ofan í höfnina.

Reynsla víða sýnir að það er vandasamt að blanda saman íbúðarbyggð og atvinnusvæðum, hvað þá hafnarsvæði með mikilli og vaxandi starfsemi. Þungaflutningar, hávaði, ljósmengun og loftmengun fylgja óhjákvæmilega slíkri starfsemi. Þótt hugmyndir um „vistgötur“ og „fólk í fyrirrúmi“ hljómi vel á teikningum breytir það ekki eðli hafnarinnar né þeirri staðreynd að umferð þungaflutningabíla mun aukast verulega í framtíðinni. Árekstrar milli væntinga íbúa og raunveruleika atvinnustarfsemi eru því fyrirsjáanlegir og slíkir árekstrar enda oftar en ekki með því að atvinnusvæði víkja fyrir íbúum með tilheyrandi tekjutapi og hindrun fyrir atvinnulífið.

Þá ber einnig að horfa til þess að uppbygging íbúða í Þorlákshöfn er þegar mikil og fer bæði til vesturs og norðurs, þar sem miðja bæjarins er smám saman að færast í takt við þá þróun. Engin knýjandi nauðsyn er á að byggja stórt íbúðarhverfi austan elstu byggðarinnar, á þeim jaðri bæjarins, með tilheyrandi aukinni umferð um götur elsta bæjarhlutans.

Græn svæði eru ekki óþrjótandi. Svæðið við Óseyrarbraut austan elstu byggðarinnar hefur lengi verið hluti af útivistarsvæði bæjarbúa og gegnir mikilvægu hlutverki sem skil milli íbúðarbyggðar og hafnar. Að fórna þessum svæðum fyrir þétta íbúðabyggð er hægt að túlka sem skammtímasjónarmið sem mögulega dregur úr gæðum byggðar til framtíðar.

Þorlákshöfn á að þróast en hún á að þróast af skynsemi. Það er ekki farsælt að reisa íbúðarbyggð ofan í starfandi og ört vaxandi vöruflutninga- og iðnaðarhöfn. Höfnin á að vera styrkur bæjarins, ekki vandamál sem síðar þarf að leysa með kostnaðarsömum málamiðlunum.

Réttara væri að hverfa frá þessum hugmyndum og móta skipulag sem stendur vörð um vöxt bæði atvinnulífs og íbúðabyggðar.

Gunnsteinn R. Ómarsson - Oddviti S-lista Samfylkingar og félaga í Ölfusi.

Undanfarið hafa verið kynnt áform um uppbyggingu nýs íbúðarhverfis á svæði milli elstu byggðar Þorlákshafnar og hafnarsvæðisins, við Óseyrarbraut. 

Spjallkaffi 60+ verður á sínum stað miðvikudaginn 15. apríl kl. 10:00 - 12:00 í sal Samfylkingarinnar, Hallveigarstíg 1, 101 Reykjavík.

Gestir fundarins eru frambjóðendur okkar Regína Ástvaldsdóttir og Bjarnveig Birta Bjarnadóttir

Það verður heitt á könnunni og eitthvað með því.

Þegar ég og maðurinn minn tókum þá ákvörðun að flytja í Hveragerði kom það á óvart hjá okkar nánustu. Staðan á fasteignamarkaðinum var einfaldlega þannig að fjögurra manna fjölskylda átti erfitt með að standast greiðslumat fyrir fasteign á höfuðborgarsvæðinu. Við leituðum því nýrra leiða og fundum framtíðarheimili í Hveragerði. Sjálf er ég að mestu alin upp í Vesturbæ Reykjavíkur og maðurinn minn í Seljahverfinu í Breiðholti. Bæði höfum við þó alltaf sótt í útiveru, ég í hestamennsku og hann í jeppaferðir. Það heillaði okkur því strax að vera svona nálægt náttúrunni, með fjöllin, dalina og kyrrðina innan seilingar.

Eitt af því sem við heyrðum oft áður en við fluttum austur fyrir fjall var spurningin: „Verður ekki erfitt að vera svona langt frá baklandinu?“ En reynslan hefur verið þveröfug því í Hveragerði eignuðumst við okkar eigið bakland. Hér er öflugt samfélag fólks sem margt hvert hefur flust hingað ekki alls fyrir löngu og margir sækja vinnu út fyrir bæinn. Það hefur skapað einstaka samkennd, félagsleg tengsl og bakland þar sem vel er tekið á móti nýjum íbúum.

Ég hefði ekki trúað því að á fullorðinsárum myndi ég kynnast fólki sem yrðu mínir nánustu vinir, eða að félagslíf mitt gæti orðið jafn ríkt og raun ber vitni. Það er eitthvað sérstakt við lífið í litlu samfélagi þar sem fólk fylgist hvert með öðru og veitir alltaf stuðning þegar á þarf að halda. Lífsgæðin sem fylgja því að búa í Hveragerði eru ómetanleg. Hér er minna álag, minni umferð og meiri tími fyrir allt það helsta sem skiptir máli í lífinu. En þessi lífsgæði eru ekki sjálfgefin – þau byggjast á því að við tökum meðvitaðar ákvarðanir um það hvernig við viljum sjá bæinn okkar þróast.

Uppbygging þarf að vera í takt við þróun innviða

Hveragerði hefur vaxið hratt á undanförnum árum og mun væntanlega gera það áfram. Sá vöxtur getur skapað ýmis tækifæri en aðeins ef við stöndum rétt að málum. Það skiptir sköpum að uppbygging sé alltaf í takt við þróun innviða. Grunnskólar, leikskólar, velferðar- og heilbrigðisþjónusta, samgöngumannvirki og aðstaða til íþrótta og tómstunda þurfa að haldast í hendur við fjölgun íbúa. Annars er hætt við að grafið verði undan þeim lífsgæðum sem hafa laðað fólk til bæjarins.

Á sama tíma megum við aldrei missa sjónar á því sem gerir Hveragerði að fyrirmyndarsamfélagi þar sem fólki finnst gott að búa. Náttúruperlur allt í kring eru ekki aðeins sjálfsagður bakgrunnur, sem umvefur okkur íbúa, heldur mikilvægur hluti af sjálfsmynd bæjarfélagsins. Gönguleiðirnar, gróðurinn, jarðhitinn og nálægðin við ósnortna náttúru eru verðmæti sem ekki er auðveldlega hægt að endurskapa ef þau tapast. Þess vegna þarf allt skipulag og uppbygging í bænum að taka mið af verndun á þeim ómetanlegu náttúruperlum sem höfum svo greiðan aðgang að, ekki aðeins til skamms tíma heldur fyrir komandi kynslóðir. Við megum aldrei fórna því sem skiptir máli þegar ákvarðanir eru teknar í uppbyggingu og skipulagsmálum Hveragerðis.

Það sem fram hefur komið hér að framan er einmitt ástæða þess að ég hef ákveðið að bjóða mig fram fyrir S-listann í sveitarstjórnarkosningunum 16. maí næstkomandi. Ég er tilbúin að leggja mitt af mörkum til að tryggja að uppbygging Hveragerðis verði alltaf á skynsamlegum nótum. Það er best gert með því að setja mikilvæga innviði í forgang og hlúa stöðugt að náttúrunni sem gerir bæinn okkar svo einstakan. Ég vil vinna að því að Hveragerði verði áfram fallegur og vinalegur bær þar sem íbúar á öllum aldri geta átt gott líf.

Upp­bygging Hvera­gerðis og þróun inn­viða

Þrjú samvinnuverkefni ríkis og sveitarfélaga 

með þaki á leikskólagjöldum og rétti til leikskólavistar

með áframhaldandi þjóðarátaki í umönnun eldra fólks

með einföldun regluverks og leyfisveitinga á öllum stigum

Þannig tökum við ábyrgð hvert á öðru og léttum daglega lífið

Samfylkingin léttir daglega lífið hjá barnafólki. Þegar reikningarnir eru þyngstir og brasið mest. Þá er mikilvægast að fjölskyldan fái stuðning frá samfélaginu.

Þess vegna leggjum við nú til þak á leikskólagjöldum og 100% systkinaafslátt. Til að lækka kostnað barnafólks um land allt með beinum hætti. Þetta skilar allt að 450 þúsund krónum á ári í vasa meðalfjölskyldu með tvö börn í þeim sveitarfélögum þar sem verðið hefur hækkað mest undir Sjálfstæðisflokki. Það munar um minna.

Með Samfylkingu í forystu ríkisstjórnar skapast einnig tækifæri til að stíga loksins skrefið til fulls og brúa bilið milli fæðingarorlofs og leikskóla – í eitt skipti fyrir öll. Það viljum við gera með samkomulagi ríkis og sveitarfélaga um sameiginlega fjármögnun.

Þannig tökum við ábyrgð hvert á öðru og stöndum með framtíð Íslands.

Þak á leikskólagjöldum og 100% systkinaafsláttur

Engin fjölskylda greiði meira en 50 þúsund krónur á mánuði fyrir 40 tíma leikskólaviku (dvalargjald og fæðisgjald) – en tekjulægri greiði minna. 

Þannig hlífum við barnafjölskyldum við allt að 450 þúsund króna kostnaði á ári miðað við svokallað „Kópavogsmódel“

Lögfestum rétt til leikskólavistar að loknu fæðingarorlofi

Með nýrri löggjöf og sameiginlegri fjármögnun ríkis og sveitarfélaga sem kemur til framkvæmda í skrefum á næstu 4 árum.

Þannig brúum við loksins bilið milli fæðingarorlofs og leikskóla eins og gert hefur verið á öðrum Norðurlöndum.

Byggjum á tillögum aðgerðahóps forsætisráðuneytis um brúun bilsins milli fæðingarorlofs og leikskóla sem skipaður var fulltrúum verkalýðshreyfingar, fyrirtækja, kennara, sveitarfélaga og ráðuneyta.

Minnkum skutlið og eflum frístundastyrki

Bjóðum börnum og ungmennum frítt í Strætó.

Höldum áfram að efla frístundastyrki við barnafjölskyldur til að ýta undir virka þátttöku í íþrótta- og tómstundastarfi um land allt.

2. Hlúum að fólkinu sem byggði landið

Samfylkingin hlúir að fólkinu sem byggði landið. Það er skylda okkar jafnaðarfólks að tryggja öryggi og mannvirðingu allra á efri árum. Ekki síst er þetta mikilvægt þegar heilsan brestur eftir langa ævi.

Á fyrsta ári í ríkisstjórn höfum við tryggt að lífeyrir fylgi launum og hækkað frítekjumark ellilífeyris. Þá höfum við sett af stað þjóðarátak í umönnun eldra fólks sem birtist meðal annars í stórfelldri uppbyggingu hjúkrunarrýma um land allt.

Næsta skref er að stórefla þjónustu við eldra fólk í heimahúsum með samhæfðu átaki ríkis og sveitarfélaga. Samhliða því sem við eyðum biðlistanum eftir hjúkrunarrýmum fyrir árið 2030.

Þannig tökum við ábyrgð hvert á öðru og hlúum að fólkinu sem byggði landið.

Eyðum biðlistanum eftir hjúkrunarrýmum fyrir árið 2030

Með þjóðarátaki í umönnun eldra fólks og uppbyggingu yfir 1.500 hjúkrunarrýma (skv. nýrri framkvæmdaáætlun til ársins 2030).

Árið 2027 verður búið að helminga biðlistann frá 2024.

Árið 2030 er miðað við að biðlistinn verði kominn niður í 100 manns en að sá hópur fái biðrými og enginn bíði lengur en 90 daga.

Stóreflum þjónustu við eldra fólk í heimahúsum

Með því að bjóða samfellda þjónustu við eldra fólk með samþættingu heimaþjónustu, heimahjúkrunar og öldrunarráðgjafar sem fylgir þörfum hvers og eins (þar með talið fyrir heimilishjálp, félagsstarf, heilsueflingu, dagdvalir, iðju- og sjúkraþjálfun).

Þannig tryggjum við eldra fólki og fjölskyldum örugga handleiðslu á efri árum. 

Styðjum við virkni og grípum fólkið fyrr sem þarf frekari þjónustu.

Með því að uppfylla þjóðarmarkmið um fastan heimilislækni og heimilisteymi fyrir alla Íslendinga – þar sem eldra fólk og langveikir eru í forgangi á fyrsta kjörtímabili.

Frá 2024 hefur hlutfall 75 ára og eldri með fastan heimilislækni aukist úr 85% í 95% á höfuðborgarsvæðinu, og úr 75% í 80% hjá 60 ára og eldri.

Samfylkingin hefur látið verkin tala í ríkisstjórn. Við auðveldum rekstur og uppbyggingu. Með því að einfalda regluverk og hrista upp í kerfinu eftir stöðnun um árabil.

Nú gerum við slíkt hið sama í sveitarstjórnum vítt um land: Einföldum leyfisveitingar, aukum þjónustulund og byggjum á trausti við eftirlit og leiðsögn um úrbætur.

Þess vegna leggjum við til einn viðkomustað fyrir fyrirtæki hjá hverju sveitarfélagi. Þar sem fyrirtækin hafa fastan tengipunkt til halds og trausts. Um leið höldum við okkar striki á sviði landsmála og ljúkum við fækkun ríkisstofnana um 15% á kjörtímabilinu til að auka hagræði og efla þjónustu.

Þannig tökum við ábyrgð hvert á öðru og aukum verðmætasköpun á Íslandi.

Höldum áfram að einfalda leyfisveitingar og regluverk

Með því að gera það sama í sveitarstjórnum og við höfum gert á fyrsta ári í ríkisstjórn þegar kemur að markvissri einföldun á leyfisveitingum og regluverki.

Einföldum og sameinum leyfisferli, drögum úr kvöðum við að afla umsagna og setjum skýr tímamörk á afgreiðslu leyfisveitinga.

Leiðum viðhorfsbreytingu og leggjum áherslu á þjónustulund í öllu viðmóti hins opinbera.

Snúum dæminu við þannig að frumkvöðlum og fyrirtækjum sé treyst til að fara strax af stað og hefja rekstur.

En veitum leiðsögn um úrbætur þegar eftirlit leiðir í ljós að þörf er á.

Einn viðkomustaður fyrir fyrirtæki hjá hverju sveitarfélagi

Til að auðvelda rekstur og uppbyggingu með því að fyrirtæki hafi fastan tengipunkt í samskiptum við sveitarfélagið sem veitir aðstoð og sér um samhæfingu.

Léttum á kerfinu og fækkum ríkisstofnunum um 15% á kjörtímabilinu

Til að auka hagræði, styrkja stofnanir og bæta þjónustu þeirra við fólk og fyrirtæki.

Fækkum einnig ráðum, nefndum og stjórnum til að auka skilvirkni.

Á fyrsta ári hefur ríkisstjórnin lögfest fækkun ríkisstofnana um 5% en stefnt er að 15% fækkun á kjörtímabilinu

Hér getur þú kynnt þér útspilið í pdf skjali. 

Aðalfundur Samfylkingarinnar á Vestfjörðum verður haldinn þriðjudaginn 21. apríl 2026 á netinu kl 20:00-21:00.

Dagskrá aðalfundar
1.       Skýrsla stjórnar.
2.       Reikningar félagsins lagðir fram.
3.       Skýrslur nefnda sem starfa á vegum félagsins.
4.       Breytingar á lögum félagsins.
5.       Kosning formanns.
6.       Kosning stjórnar, fjögurra aðalmanna og tveggja til vara.
7.       Kosning tveggja skoðunarmanna reikninga.
8.       Ákvörðun um félagsgjald.
9.       Önnur mál
 
Stjórn óskar eftir framboðum í stjórn og fyrir skoðunarmenn reikninga. Sérstaklega er kosið til formanns en nýkjörin stjórn skiptir öðrum verkum á milli sín.

Allar nánari upplýsingar veitir varaformaður Samfylkingarinnar á Vestfjörðum Guðrún Anna Finnbogadóttir, gasfrise@gmail.com.

Aðalfundur Samfylkingarinnar á Vestfjörðum

Daglega lífið hefur verið í forgangi í málefnastarfi Samfylkingar í vetur. Við höfum farið víðs vegar um landið, haldið opna fundu og bankað og dyr og spurt: Hvernig léttum við lífið þitt? Hvernig getur Samfylkingin aðstoðað?

Afraksturinn af þessum samtölum má finna í nýju útspili Samfylkingar – sem ber yfirskriftina Tökum ábyrgð hvert á öðru. Þar eru lögð fram þrjú samvinnuverkefni ríkis og sveitarfélaga sem verða sett í forgang á næsta kjörtímabili í sveitarstjórnum landsins.

Í útspilinu er að finna tillögur til að lækka kostnað barnafólks og hlúa að fólkinu sem byggði landið. Þá er kynnt áætlun um að halda áfram einföldun regluverks eins og verið hefur við stjórn landsmála og gera slíkt hið sama á sviði sveitarstjórna. „Í gær kynnti ríkisstjórnin lækkun á dælunni, til að taka á hækkandi olíuverði, samhliða nýrri atvinnustefnu Íslands sem er 10 ára vaxtarplan. Í dag kynnir Samfylking nýtt útspil til að létta daglega lífið – eftir umfangsmikið samtal við fólkið í landinu á síðustu misserum,“ segir Kristrún Frostadóttir forsætisráðherra og formaður Samfylkingar, sem kynnti útspil flokksins fyrir sveitarstjórnarkosningar á fréttamannafundi í dag við Smáratorg í Kópavogi, ásamt Jónasi Má Torfasyni sem er oddviti Samfylkingar í Kópavogi.

Útspil Samfylkingar kveður einnig á um að eyða biðlistum eftir hjúkrunarrýmum fyrir árið 2030 og ljúka við að fækka ríkisstofnunum um 15% á yfirstandandi kjörtímabili í landsmálunum.

Smelltu hér til að lesa útspilið í heild

Tillögur Samfylkingar til að lækka kostnað barnafólks fela meðal annars í sér þak á leikskólagjöld og 100% systkinaafslætti. Þá leggur flokkurinn til að réttur til leikskólavistar verði lögfestur frá því að fæðingarorlofi lýkur – með löggjöf og sameiginlegri fjármögnun ríkis og sveitarfélaga í skrefum á næstu 4 árum.

Tillögurnar gera ráð fyrir að engin fjölskylda greiði meira en 50 þúsund krónur á mánuði fyrir 40 tíma leikskólaviku – en að tekjulægri greiði minna.

Kristrún Frostadóttir forsætisráðherra og formaður Samfylkingar segir:

„Þannig hlífum við barnafjölskyldum við allt að 450 þúsund króna kostnaði á ári – ef miðað er við hið svokallaða Kópavogsmódel.

Barnaskatturinn í Kópavogi er 450 þúsund krónur á ári – því fjölskylda með tvö leikskólabörn greiðir allt að 450 þúsund krónum meira á ári í Kópavogi en í Reykjavík fyrir 40 tíma leikskólaviku.“

„Það er kominn tími til að lögfesta rétt til leikskólavistar – líkt og gert hefur verið á öllum Norðurlöndum – til að brúa bilið milli fæðingarorlofs og leikskóla. Til þess þarf nýja löggjöf og sameiginlega fjármögnun ríkis og sveitarfélaga.“

Því til viðbótar er lagt til að öllum börnum og ungmennum verði boðið frítt í Strætó og að haldið verði áfram að efla frístundastyrki við barnafjölskyldur til að ýta undir virka þátttöku í íþrótta- og tómstundastarfi um land allt.

Til að hlúa að fólkinu sem byggði landið boðar Samfylkingin áframhaldandi þjóðarátak í umönnun eldra fólks og uppbyggingu yfir 1.500 hjúkrunarrýma (samkvæmt framkvæmdaáætlun til 2030) – þannig að árið 2027 verði búið að helminga biðlistann eftir hjúkrunarrýmum og að árið 2030 sé miðað við að biðlistinn verði kominn niður í 100 manns en að sá hópur fái biðrými og enginn bíði lengur en 90 daga.

„Við erum að tækla biðlistann sem tvöfaldaðist frá árinu 2017 og við erum nú þegar á réttri leið með stórfelldri fjölgun hjúkrunarrýma,“ segir Kristrún.

Þá hyggst Samfylkingin stórefla þjónustu við eldra fólk í heimahúsum með því að bjóða samfellda þjónustu við eldra fólk sem felst meðal annars í samþættingu heimaþjónustu, heimahjúkrunar og öldrunarráðgjafar– sem fylgir þörfum hvers og eins (þar með talið fyrir heimilishjálp, félagsstarf, heilsueflingu, dagdvalir, iðju- og sjúkraþjálfun o.s.frv.).

Tillögur Samfylkingar til að auðvelda rekstur og uppbyggingu snúa meðal annars að því að einfalda leyfisveitingar og regluverk — eins og Samfylkingin hefur gert markvisst á fyrsta ári í ríkisstjórn. Leyfisferli verði einfölduð og sameinuð, dregið verði úr kvöðum við að afla umsagna og skýr tímamörk sett á afgreiðslu leyfi sveitinga.

„Við höfum ráðist í stórfellda einföldun á regluverki á fyrsta ári okkar í ríkisstjórn og við viljum gera það sama í sveitarstjórnum um allt land. Treystum frumkvöðlum og fyrirtækjum til að fara strax af stað og hefja rekstur — en veitum leiðsögn um úrbætur þegar þörf er á,“ segir Jónas Már Torfason, oddviti Samfylkingar í Kópavogi og formaður stýrihóps Samfylkingar um daglega lífið.

Samfylkingin leggur einnig til að komið verði upp einum viðkomustað fyrir fyrirtæki hjá hverju sveitarfélagi, þar sem fyrirtæki hafi fastan tengipunkt til halds og trausts. Þá verði haldið áfram að létta á kerfi nu með fækkun ríkisstofnana um 15% á kjörtímabilinu, til að auka hagræði og bæta þjónustu við fólk og fyrirtæki.

* * *
Útspilið var unnið af stýrihópi Samfylkingar um daglega lífið sem hóf störf á flokksstjórnarfundi á Helli haustið 2025 og var kynnt og tekið til umræðu á flokksstjórnarfundi í Reykjavík vorið 2026.

Kristrún Frostadóttir forsætisráðherra kynnti í dag nýtt útspil Samfylkingarinnar fyrir komandi sveitarstjórnarkosningar við Smáratorgi í Kópavogi. 

Nýtt útspil Samfylkingar: „Tökum ábyrgð hvert á öðru“

Samfylkingin býður íbúa Hafnarfjarðar velkomna á opinn fund um menntamál þriðjudaginn 21. apríl kl. 19:30 í sal Samfylkingarinnar Strandgötu 43.

Við viljum heyra frá ykkur, foreldrum, starfsfólki í skólum og öllum sem láta sig menntamál varða.

Hvað gengur vel?
Hvar eru áskoranirnar?
Hvað viljum við sjá þróast á næstu árum?

Magnús Þór Jónsson formaður Kennarasambands Íslands verður frummælandi.

Fundarstjórn er í höndum Margrétar Lilju Pálsdóttur aðstoðarskólastjóra í Skarðshlíðarskóla.

Öll velkomin – hlökkum til að eiga samtalið með ykkur

Menntamál í Hafnarfirði - hvað skiptir máli?

Leit um „��"

3201 niðurstaða fannst við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „������������������������������������������������������������"

3201 niðurstaða fannst við leit að „������������������������������������������������������������"