Betra líf fyrir fjölskyldur, betri kjör fyrir eldra fólk og öryrkja 

Samfylkingin leggur sérstaka áherslu á fjölskyldurnar í landinu fyrir komandi kosningar. Við boðum hærri barnabætur sem langt um fleiri fjölskyldur í landinu munu njóta. 

Eldra fólk og öryrkjar hafa dregist langt aftur úr í lífskjörum á síðustu árum og hvergi eru skerðingar í almannatryggingum jafn miklar en á Íslandi. Þessu verður að breyta!

Samfylkingin mun stíga markviss skref strax í upphafi kjörtímabilsins.   

Á Fundi fólksins munu frambjóðendur okkar ræða þessi mikilvægu mál og við bjóðum ykkur að vera með í samtalinu og spyrja spurninga. 

Helga Vala Helgadóttir – alþingiskona

Rósa Björk Brynjólfsdóttir – alþingiskona

Viðar Eggertsson – leikstjóri og eldri borgari 

Sigurður Orri Kristjánsson – stjórnmálafræðingur, ríkisstarfsmaður og íþróttafréttamaður

Heiða Björg Hilmisdóttir, varaformaður Samfylkingarinnar og formaður Velferðarráðs Reykjavíkurborgar, leiðir umræður. 

Oddný Harðardóttir, mun kynna kosningastefnu flokksins og áherslur í kjördæminu ásamt Viktori Stefáni Pálssyni og Guðnýju Birnu Guðmundsdóttur, frambjóðendum. Fundurinn verður haldinn á Park Inn By Radisson, Hafnargötu 57, 230 Keflavík, kl. 20:30.

Kynning á kosningastefnu Samfylkingarinnar

Verið öll hjartanlega velkomin á opnunarhátíð kosningaskrifstofu í Samfylkingarinnar Reykjanesbæ, föstudaginn 3. sept. kl. 17. 

Húsið opnar kl. 17 og verður boðið upp á léttar veitingar og það er enginn annar en Valdimar Guðmundsson sem mun syngja fyrir okkur eins og honum er einum lagið! 

Opnunarhátíð kosningaskrifstofu í Reykjanesbæ

Logi Einarsson, formaður Samfylkingarinnar, mun kynna kosningastefnu flokksins og áherslur í kjördæminu ásamt Oddnýju Harðardóttur oddvita kjördæmisins, Viktori Stefáni Pálssyni og Guðnýju Birnu Guðmundsdóttur, frambjóðendum. Fundurinn verður haldinn í Tryggvaskála á Selfossi kl. 19:30.

Ólgandi og síkvirkt menningarlíf er einn af hornsteinum samfélagsins og gerir þjóðina sjálfstæða og stolta. Öflugt menningarlíf er spegill þjóðar og sjálfsímyndar. Við höfum átt þeirrar gæfu að njóta að eiga frábæra listamenn sem hafa gefið okkur sterka sjálfsmynd og um leið skoðað haukfránum, gagnrýnum augum íslenskt samfélag.

Við eigum óvenju stóran hóp af listamönnum sem starfa á öllum sviðum lista og spanna allt litrófið frá dægrastyttingu til djúpköfunar. Öll eru þau þörf í þessari mikilvægu heilsteyptu mósaíkmynd þjóðarspegilsins. Örfá ná til stjarnanna og hljóta verðuga umbun. Stærstur hluti þeirra eru einyrkjar sem njóta engrar afkomutryggingar nema á stundum þegar hluti þeirra fær lágmarkslaun í takmarkaðan tíma í nafni listamannalauna. Starfsævina langa mega þau þó oftast treysta á stopula og rýra innkomu. 

Það er seigla og óbilandi tryggð við köllunina sem fær þau til að halda starfi sínu áfram án markverðar umbunar og flest vinna íhlaupastörf við allt annað til að geta brauðfætt sig og lengja þar með vinnudaginn til muna; vinna myrkranna á milli yfir hábjargræðis tímann.

Síðustu 18 mánuði hafa verið þeim einstaklega erfiðir. Þessir covid tímar hafa nánast þurrkað út afkomumöguleika þeirra sem hafa þurft að reiða sig á lifandi samskipti við að miðla list sinni og þá einkum sviðslistafólk og tónlistarmenn. Í samkomutakmörkunum og margs konar sóttvarnarkröfum hafa þau þurft að gera enda­laus ný plön og bregðast við ástand­inu af miklu hyggjuviti sem listamenn eiga þó í ríkum mæli. 
 
Sá litli hluti listamanna sem nýtur ákveðins starfsöryggis eru þeir sem eru fastráðnir hjá menningastofunum. Þeir hafa þurft að sýna ótrúlega aðlögunarhæfni við að koma á framfæri listsköpun sinni og menningarstofnanirnar þurft að laga sig að hörðum takmörkunum til að halda úti a.m.k. lágmarks starfs­semi og bjóða upp á alls kon­ar menn­ing­ar­viðburði miðað við þær tak­mark­an­ir sem hafa verið í gildi hverju sinni. Einnig hafa þau þurft að treysta á og læra ólík­ar miðlun­araðferðir. Það hefur reynt á listamennina, en ekki síður stjórnendur menningarstofnana sem hafa þurft að reyna að halda sjó í rekstri þeirra án teljandi innkomu. Stóru menningarstofnanirnar eru eins og skip sem eru við það að sökkva úti á ballarhafi. Lausráðnu listamennirnir, þar sem annars staðar, hafa þurft að sjá að baki verkefnum og um leið launum. Þeirra eyðimerkurganga hefur spannað allan 18 mánaða covid faraldurinn. Því úrræði ríkisstjórnarinnar eiga í flestum tilvikum ekki við þessa listamenn og þeir settir út á kaldan klaka með enga björgunarhringi.

Láglaunahópurinn listamenn þjóðarinnar

Listamenn á Íslandi hafa ekki verið hávær kröfuhópur meðan starfsvettvangur þeirra hefur nánast strandað á blindskeri. Hinir fáu talsmenn þeirra hafa ekki barið sér á brjóst í öllum fréttatímum og grátið hörmulegt ástand sitt og gert kröfur um að horft sé fram hjá þeirri staðreynd að við eigum í höggi við banvænan faraldur, svo starf þeirra megi blómstra þrátt fyrir allt og alla. Öðru nær. Þeir hafa sýnt þjóð sinni nærgætni og tekið á sig óbærilegar byrðar möglunarlítið, enda hefur það verið lenska meðal menningarþjóðarinnar að listamenn eigi ekki að mögla.

Það hafa þau heldur ekki gert. Þau eru nefnilega orðin svo vön listinni að lepja dauðann úr skel.

Og það er eins gott, því þessi magnaði þjóðfélagshópur er láglaunafólk upp til hópa. Ég þekki það sjálfur á eigin skinni eftir að hafa helgað megnið af 50 ára starfaldri mínum á þessum vettvangi. Nú horfi ég á kynslóðina mína, eldri listamenn, fara hver á fætur öðrum á eftirlaun – og þau ekki há. Það er þyngra en tárum taki að sjá góða listamenn, jafnvel virta langt útfyrir landssteinana, verða að lokum sára fátækt að bráð. En þau kyngja þeim beisku kjörum, rétt eins og þau hafa gert allan sinn listferil. 
 
 Við getum gert betur. Við verðum að gera betur!

Greinin birtist fyrst í Kjarnanum 28. ágúst. 

Viðar Eggertsson er leikstjóri, eldri borgari og frambjóðandi Samfylkingarinnar í 3. sæti í Reykjavíkurkjördæmi suður.

Við þekkjum brauðmolakenninguna – um að því ríkari sem auðmennirnir verða því betra sé það fyrir samfélagið í heild því að brauðmolar hrjóti af allsnægtarborðum hinna ríku niður til hinna.

Þetta er sú pæling að ranglætið borgi sig. Eiginlega var þetta afgreitt fyrir mörgun öldum með vísu sem eignuð hefur verið ýmsum kjaftforum mektarskáldum: „Það er dauði og djöfuls nauð, / er dyggðasnauðir fantar, / safna auð með augun rauð / en aðra brauðið vantar ...“

Brauð rímar við auð: og peningar – eru þeir ekki svolítið eins og hveiti? Sumum finnst skynsamlegt að það sé geymt í risastórum skemmum, og geymt þar bara og geymt. Aðrir telja að réttlætismál sé að gera hveitið upptækt og dreifa því, eða öllu heldur láta Flokkinn taka það; alræmdasta dæmið um slíkt var í Úkraínu á fjórða áratug 20. aldar á valdatíma kommúnista sem ráku bændur af jörðum sínum og þetta kornforðabúr Evrópu var tæmt til ríkisnota svo að úr varð ein hryllilegasta hungursneyð síðustu aldar og milljónir sultu í hel.

Nei. Við þurfum að skapa hvata til þess að fólk sem á öll þessi lifandis býsn af hveiti skapi eitthvað gott og hollt úr því. Til dæmis gott brauð. Þar þarf augljóslega gagnsætt og gott markaðsfyrirkomulag – hæfilega mikið ger, en ekki of mikið því þá hefast það um of. Það þarf að mæla það, líta eftir því, hafa hönd í bagga.

Það þarf með öðrum orðum stjórnvaldsákvarðanir sem ýta undir það að nota hveitið frekar en að geyma það.

Þetta er brauðgerðarkenningin. Það þarf að beinlínis að koma því svo fyrir að það borgi sig frekar að búa til brauð en að geyma hveitið í kornhlöðum. Eða svo að ég hætti nú að bögglast með þessa líkingu: það þarf að skattleggja ofsagróða; ekki eðlilegan sparnað af eðlilegum tekjum heldur ofsagróða. Það þarf að gera það eftirsóknarvert fyrir auðugt fólk að fjárfesta í grænum lausnum, grænni orku – með skattaívilnunum – en tómt tjón og tap af því að fjárfesta í grárri orku og loftslagsógn. Það þarf að virkja það afl sem í auðmagninu býr – ríkisvaldið býr yfir tækjum og tólum til að búa til auðmagnsvirkjanir – en gæta þess að það verði ekki að eyðingarafli – eins og óheftur kapítalisminn verður – eða stíflað með öllu, eins og gerist í ríkisvæðingu kommúnismans.

Jafnaðarmenn aðhyllast nefnilega brauðgerðarkenninguna.

Greinin birtisti fyrst á visi.is 30. ágúst. 

Guðmundur Andri Thorsson er þingmaður og skipar 2. sætí í Suðvesturkjördæmi.

Guðmundur Ari Sigurjónsson er tómstunda- og félagsmálafræðingur og bæjarfulltrúi fyrir Samfylkinguna á Seltjarnarnesi. Guðmundur hefur starfað í æskulýðsgeiranum um árabil. Hann sinnti einnig íþróttum á yngri árum. Spilaði handbolta og fótbolta með Gróttu. Guðmundur Ari er giftur Nönnu Kaaber Árnadóttur íþróttafræðing og saman eiga þau börnin Árna Berg sem er fæddur 2013, Kjartan Kára sem er 2016 og Magneu sem fædd er 2018.

„Ég er fæddur og uppalinn á Seltjarnarnesi. Ég flutti af Nesinu þegar ég fór að heiman en eftir að ég byrjaði með konunni minni og við fórum að hugsa um að eignast börn fór okkur báðum að langa að flytja aftur heim á Nesið. Það eru mikil forréttindi að alast upp á Nesinu enda eins konar sveit í borg. Hér er einn leikskóli, einn grunnskóli og eitt íþróttafélag svo allir kannast við flesta. Það var góður skóli að æfa íþróttir með Gróttu á sínum tíma þar sem við vorum kannski ekki besta lið landsins en við hirtum þó nokkra prúðasta liðið bikara. Á Nesinu erum við líka með sterka tengingu við sjóinn, fjöruna og náttúruna á Vestursvæðunum. Það skemmir svo ekki fyrir að þrátt fyrir þessi sveita-lífsgæði þá erum við nær miðbæ höfuðborgarinnar en mörg hverfi Reykjavíkur.“

Fékk nýja nálgun á lífið fyrir austan

Þrátt fyrir að hafa verið ánægður með að alast upp á Nesinu segir Guðmundur Ari frá því að hann hafi gengið nokkuð utan leiðar í skólakerfinu. „Ég passaði ekki alveg inn í skólakerfið frá því að ég var svona 10 ára. Átti erfitt með að sitja kyrr og hlýða í blindni því sem kennarinn vildi að ég gerði. Þegar árin liðu endaði ég í raun skólagönguna á Nesinu í eiginlegri uppreisn við skólann. Þetta varð til þess að þegar ég byrjaði að vinna í Selinu nokkrum árum seinna héldu gamlir kennarar að ég væri mættur í 12 spora kerfið og væri að bæta fyrir gamlar syndir. Eftir grunnskólagönguna fór ég í FÁ og fann mig ekki heldur þar. Áherslan var aðallega á félagslífið og tómstundir. Sumarið eftir þetta fyrsta ár ákvað ég að breyta algjörlega til og flytja austur á Eskifjörð þar sem ég vann við að leggja hitaveitu í sveitarfélaginu. Á Eskifirði eignaðist ég kærustu og marga góða vini svo ég var þar áfram einn vetur í Verkmenntaskóla Austurlands. Það var alveg dásamlegt að búa á Eskifirði og þar rann upp fyrir manni hversu mikil lífsgæði eru fólgin í því að búa í þéttu samfélagi og hversu margt er líkt með samfélaginu á Seltjarnarnesi og samfélögum á landsbyggðinni. Lífið fyrir austan var að mörgu leyti öðruvísi en í borginni, maður vann 12 tíma á dag og svo voru sveitaböll um helgar. Eftir að ég kom suður á ný fór ég fyrst í Iðnskólann í Reykjavík og þaðan lá leiðin í Fjölbrautaskólann í Breiðholti.   

Guðmundur Ari byrjaði að vinna í félagsmiðstöðinni Selinu á Seltjarnarnesi þegar hann var 19 ára. „Ég vil meina að ýmislegt hafi snúist við hjá mér þegar ég byrjaði að vinnu í Selinu hér á Seltjarnarnesi. Í ungmennastarfinu fann ég mína köllun ef svo má segja. Eftir að ég byrjaði að vinna að þessum málum sótti ég um undanþágu til að innritast í nám í tómstunda- og félagsmálafræði við Háskóla Íslands. Ég varð að fara þá leið því ég hafði ekki lokið stúdentsprófi endanlega þótt ég væri komin með nægilega margar einingar. Það var í tómstundafræðinni sem mér leið í fyrsta sinn vel í skólanum. Annars held að Margrét Sigurðardóttir eða Magga í Selinu eins og við kölluðum hana alltaf hér á Nesinu hafi verið einn besti kennari minn og hvatti hún mig áfram í námi og starfi. Magga byggði upp faglegt æskulýðsstarf af krafti og árangurinn lét ekki standa á sér. Fyrir síðustu aldamót voru unglingar á Seltjarnarnesi Íslandsmeistarar í unglingadrykkju samkvæmt könnunum Rannsóknar og greiningar. Magga byrjaði að vinna í Selinu á þessum tíma og hún byggði upp gríðarlega öflugt samstarf við skólann, Gróttu og foreldrafélagið þar sem tekið var höndum saman við að auka framboð af jákvæðum tómstundum, auka aðhald og minnka drykkju. Þessi þróun leiddi að reykingar og drykkja hvarf nánast í Grunnskóla Seltjarnarness, þátttaka í jákvæðum tómstundum jókst sem birtist í aukinni þátttöku í starfinu á Nesinu en einnig í fjölda krakka á Nesinu sem tóku að sér leiðtogahlutverk í félagslífi framhaldsskólanna. Það var ótrúlega gefandi að vinna í Selinu undir forystu Möggu þar sem markvisst var unnið að því að bjóða upp á framúrskarandi félagsmiðstöðvastarf, námskeið, viðburði og ferðalög. Áherslan var alltaf á valdeflingu, að virkja unga fólkið til þátttöku, skapa öflugt nemenda- og ungmennaráð þar sem þau fengu sjálf að skapa og stýra eigin félagsstarfi með stuðningi okkar starfsfólksins.“

Guðmundur Ari segir verulega ástæðu til þess að hafa áhyggjur af ungmennastarfinu á Nesinu eftir að starfsemi Selsins var skorin niður um 40% en niðurskurður í Selinu varð til þess að Magga í Selinu sagði upp störfum og enginn hefur verið ráðinn í hennar stað. „Þessi niðurskurður er sorgarsaga um pólitíska skammsýni og því miður er að sækja í sama farið. Ungmennadrykkja er farin að aukast sem er afar slæmt. Í Covid faraldrinum hefur félagsleg einangrun aukist – ekki síst á meðal ungmenna. Sveitarfélögin í kringum okkur ásamt ríkinu eru meðvituð um þessa stöðu og eru að leggja aukna áherslu á að auka framboð á faglegu tómstundastarfi sem miða að því að virkja ungt fólk til þátttöku. Þetta ættum við að gera líka og vonast ég til að bæjarstjórn snúi þessum niðurskurði við svo að börnin okkar fái tækifæri til að alast upp í sama öfluga og skapandi félagsstarfi eins og við sem eldri erum fengum að kynnast.

Hóf sinn pólitíska feril í Sjálfstæðisflokknum

Þegar Guðmundur Ari starfaði sem forstöðumaður í Selinu hélt hann utan um valáfanga í Valhúsaskóla sem heitir félagsmálafræði. Eftir að hafa haldið fyrirlestur um mikilvægi þess að krakkarnir taki virkan þátt í nefndum og félagslífi skólans fann hann að hann þyrfti að vera virkur þátttakandi sjálfur. „Þegar ég labbaði úr þessari kennslustund hugsaði ég hversu mikill hræsnari ég væri þar sem ég var sjálfur ekki virkur í neinum ákvörðunum í mínu nærumhverfi. Ég ákvað því að mæta á fund hjá Sjálfstæðisfélaginu á Seltjarnarnesi þar sem ég var ekki búinn að móta pólitískar skoðanir mínar og Sjálfstæðismenn voru við völd svo ég hugsaði að þar væri hægt að hafa áhrif. Það þurfti svo reyndar bara einn fund þar sem fjallað var um skóla- og tómstundastarfið á Nesinu að ég gerði mér grein fyrir því að mín sýn um öflugt menntakerfi rúmaðist ekki á fundinum þar sem megininntak í umræðunum var um hvernig mætti skera niður þjónustuna.“ Eftir þetta stutta stopp hjá Sjálfstæðismönnum mætti Guðmundur Ari á fundi hjá Samfylkingunni, þar var honum stillt upp í annað sæti á lista flokksins í sveitarstjórnarkosningunum 2014 sem skilaði sæti í bæjarstjórn Seltjarnarness. „Það var ótrúlega skemmtileg upplifun að taka þátt í kosningum í fyrsta skipti árið 2014. Í Samfylkingunni var ótrúlega samheldinn og skemmtilegur hópur sem Margrét Lind Ólafsdóttir leiddi. Það var mjög lærdómsríkt að sitja með Margréti Lind í bæjarstjórn enda var hún mjög öflugur sveitarstjórnarmaður og er hún hin Maggan sem kenndi mér svo margt, studdi vel við bakið á mér og hvatti mig áfram.“ Í sveitarstjórnarkosningunum 2018 leiddi Guðmundur Ari lista Samfylkingarinnar og fékk framboðið aftur tvö menn kjörna í bæjarstjórn.“

Guðmundur Ari hefur einnig haft afskipti af landsmálum. Hann er nú í fjórða sæti á framboðslista Samfylkingarnar í Suðvestur kjördæmi eða kraganum eins og það er oft kallað. „Ég er mjög spenntur fyrir kosningunum framundan og vonast ég eftir að fá góðan stuðning svo að ég fái tækifæri til þess að stíga inn á Alþingi sem varaþingmaður til að berjast fyrir málefnum ungs fólks, umbótum í menntamálum ásamt stórum skrefum í umhverfis- og heilbrigðismálum. Maður hefur rekið sig á það í bæjarstjórninni og ekki síður í stjórn Sambands íslenskra sveitarfélaga að það þarf öflugri talsmenn sveitarfélaga inn á Alþingi. Á Alþingi er sífellt verið að setja lög sem auka kröfur á sveitarfélög um kostnaðarsama þjónustu án þess að fjármagn fylgi. Þetta verður til þess að svigrúm sveitarfélaga til þess að veita íbúum sínum öfluga þjónustu minnkar sem verður til þess að fleiri íbúar falla á milli kerfa sem endar svo sem stór kostnaðarliður á ríki og sveitarfélög í framtíðinni.“ 

Viðtalið við Guðmund Ara birtist í Borgarblöð þann 28. ágúst.

Skemmtilegt viðtal við Guðmund Ara sem skipar 4. sætið í Kraganum og er jafnframt oddviti Samfylkingarinnar á Seltjarnarnesi. 

Þurfum öflugri talsmenn sveitarfélaga inn á Alþingi

Veruleiki okkar um allt land er að reglulega kemur upp mygla í húsnæði hins opinbera og auðvitað einkaaðila sem rekja má til rakaskemmda. Vitund um þennan vanda er góðu heilli meiri en á árum áður og þekking líka en þó er það svo að skortur er á skýrum og óyggjandi mælikvörðum um tengsl myglu og heilsufarsvanda, orsakasamhengi og úrræði. Dæmin hrannast upp af skólahúsnæði þar sem mygla hefur greinst og aðeins örfá dæmi frá liðnum mánuðum og misserum eru Kársnesskóli sem þurfti að rífa vegna umfangsmikillar myglu og Leikskólinn Austurkór í Kópavogi, Varmárskóli í Mosfellsbæ, Lundarskóli, Brekkuskóli og Oddeyrarskóli á Akureyri, Grunnskólinn og leikskólinn Tjarnarbær á Ísafirði og Grunnskólinn á Suðureyri og undanfarið hafa bæst við Grundaskóli á Akranesi, Grunnskóli Borgarbyggðar að Kleppjárnsreykjum og Nesskóli í Neskaupsstað svo nokkur dæmi séu nefnd.

Í Reykjavík hafa komið upp mál þar sem mygla hefur fundist og hefur húsnæði Fossvogsskóla verið þar efst á baugi en reyndar líka leikskólinn Kvistaborg sem staðsettur er steinsnar frá í Fossvoginum. Í Fossvogsskóla hefur verið ráðist í ýmsar viðhaldsframkvæmdir og endurbætur til að ráða niðurlögum rakavandamála samkvæmt ráðleggingum fagaðila en ekki tókst þó að komast fyrir vandann og var þá kallað eftir nýrri úttekt verkfræðistofunnar EFLU sem leiddi í ljós að þörf var á talsverðum framkvæmdum til viðbótar. Nú er verið að leggja lokahönd á aðgerðaáætlun um þær framkvæmdir sem munu hefjast í haust.

Á meðan mun skóla og frístundastarf yngri barna fara fram í Fossvogi og í nýju húsnæði Hjálpræðishersins við Suðurlandsbraut. Tekin var ákvörðun um að nýta það tímabundið í nokkrar vikur meðan verið er að flytja til landsins og setja saman ný einingahús sem verða staðsett á lóð Fossvogsskóla. Þessi ákvarðanataka byggði ekki síst á samráði við foreldra í Fossvogsskóla og tekur mið af óskum þeirra um að börnin í yngstu árgöngunum geti sótt skóla í hverfinu eða nágrenni.

Nokkur umræða hefur verið sérstaklega í Morgunblaðinu um könnun sem ákveðið var að ráðast í á dögunum til að kanna viðhorf foreldra til þriggja valkosta sem lágu fyrir um bráðabirgðahúsnæði 2.- 4. bekkjar. Ástæða þess að ráðist var í könnunina var að fulltrúar foreldra í skólaráði Fossvogsskóla töldu sig ekki geta tekið afstöðu til kostanna fyrir hönd foreldrahópsins í heild. Könnun var framkvæmd í gegnum Mentor, samskiptavef skóla og foreldra og var eingöngu send foreldrum barna í umræddum árgöngum og kennara og starfsfólks sem vinna munu með viðkomandi nemendum. Góð þátttaka var í könnuninni og bárust svör frá forráðamönnum 80% nemenda og 9 af hverjum 10 starfsmönnum. Rétt er að taka skýrt fram að enginn fótur er fyrir fréttum í Morgunblaðinu um að utanaðkomandi aðilar hafi haft áhrif á niðurstöðuna. Samráð við foreldra hefur ráðið miklu varðandi þær bráðabirgðaráðstafanir sem ákveðnar hafa verið á skólahaldi komandi vetrar meðan framkvæmdir fara fram við skólann. Það verður að segjast eins og er að betur hefði þurft að standa að verkferlum og upplýsingagjöf í húsnæðismálum Fossvogsskóla og er nauðsynlegt að gera bragarbót á því án tafar. Unnið hefur verið að því að bæta verkferil í málum sem tengjast myglu og rakaskemmdum og verður hann kynntur í næstu viku ef að líkum lætur.

Nú gætu einhverjir spurt hvort staðan í húsnæðismálum Fossvogsskóla sé dæmigerð fyrir stöðu húsnæðismála í skólum borgarinnar. Svo er alls ekki því þó skóla og frístundastarf fari fram í um 170 stofnunum og nálægt 300 byggingum í borginni þá eru dæmin ekki mörg þar sem fundist hefur mygla eða alvarlegar rakaskemmdir. Það má þakka stórauknu fjármagni til viðhalds og endurbóta skólahúsnæðis á undanförnum 4-5 árum en á því tímabili hafa fjárveitingar til almenns viðhalds grunnskóla og leikskóla þrefaldast úr tæpum 600 milljónum árið 2016 í 2100 milljónir á þessu ári. Gerð hefur verið úttekt á ástandi skólahúsnæðis í borginni og á grundvelli hennar verður ráðist í aðgerðir til að bæta enn um betur í þessum efnum, enda metnaðarmál og hluti af nýrri menntastefnu borgarinnar að búa vel að nemendum og starfsfólki varðandi húsnæði og aðstöðu til skóla og frístundastarfs.

Frambjóðendur og borgarfulltrúar Sjálfstæðisflokksins hafa farið mikinn síðustu daga og vikur í umræðu um Fossvogsskóla og viðhaft stór orð um feril málsins og sett það í flokkspólitískt ljós. Það er athyglisvert í ljósi þess að Sjálfstæðisflokkurinn bar ábyrgð á því á sínum tíma að fjármagn til viðhalds skólahúsnæðis í borginni var skorið niður við trog. Það gerðist í beinu framhaldi af bankahruninu sem Sjálfstæðisflokkurinn bar auðvitað mesta pólitíska ábyrgð á, ásamt Framsóknarflokknum. Sami Sjálfstæðisflokkur hefur farið með stjórn fjármála í ríkiskerfinu lengur en nokkur annar flokkur og skilur eftir sig sviðna jörð þegar kemur að fjármögnun velferðarkerfisins, rekstur Landspítala er alvarlega vanfjármagnaður, rekstur hjúkrunarheimila sömuleiðis og samningar við sveitarfélögin um framlög til málefna fatlaðra hafa ítrekað verið sviknir af hálfu fjármálaráðuneytis. Loforð fjármálaráðherra um að bæta sveitarfélögunum milljarða tap vegna útgreiðslu séreignasparnaðar hefur ítrekað verið svikið og nýlegar upplýsingar um myglu og afleiðingar hennar í húsnæði Landspítalans draga fram dökka mynd af vanrækslusyndum Sjálfstæðisflokksins í fjármálaráðuneytinu. Í svari heilbrigðisráðuneytis við fyrirspurn á Alþingi kom fram að yfir 400 starfsmenn spítalans hafa leitað læknis vegna afleiðinga myglu á Landspítalanum. Kjósendur ættu að hafa þetta syndaregistur í huga þegar gengið verður til kosninga 25. september næstkomandi. Þá gefst gullið tækifæri til að gefa Sjálfstæðisflokknum frí og leggja grunn að heilbrigðara samfélagi þar sem jöfnuður, mannréttindi og velferð ráða ríkjum. Samfylkingin er tilbúin að taka þátt í nýrri ríkisstjórn með sérstakri áherslu á heilbrigðismál, loftslagsmál og breytta forgangsröðun í ríkisfjármálum.

Greinin birtist fyrst á visi.is 25. ágúst 2021.

Skúli Helgason er formaður skóla- og frístundaráðs og borgarfulltrúi Samfylkingarinnar.

Samfylkingarfélagið í Reykjavík og Verkalýðsmálaráð Samfylkingarinnar bjóða í vöfflukaffi þar sem gestir geta sest niður og rætt hagsmunamál vinnandi fólks í aðdraganda kosninga. Sérstakur gestur er Þórarinn Eyfjörð nýkjörinn formaður Sameykis stéttarfélags í almannaþjónustu. Frambjóðendur verða á staðnum og Helga Vala mun leiða lifandi samtal.

Stefnukynning Samfylkingarinnar verður haldin í húsnæði Austurbrúar á Reyðarfirði klukkan 20 fimmtudaginn 2. september. 

Logi Einarsson, formaður Samfylkingarinnar, mun kynna kosningastefnu flokksins og áherslur í kjördæminu ásamt Hildu Jönu Gísladóttur og Eydísi Ásbjörnsdóttur.

Leit um „��"

3400 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3400 niðurstöður fundust við leit að „���������������������������������������������������"